எங்கும் தகிக்கிறது வெப்பம். கோடை காலத்தில் அதிகம் பாதிக்கப்படுவது சருமம்தான். சிறிது நேரம் வெளியே சென்று வந்தாலே முகம் வாடிப்போய்விடும். இந்த காலத்தில்தான் சருமத்தையும் கூந்தலையும் அதிகம் பாதுகாக்க வேண்டியிருக்கும். எனவே சருமத்தை பாதுகாக்க சில எளிய ஆலோசனைகள் உங்களுக்காக…

• இந்த வெயிலின் தாக்கத்திலிருந்து சருமத்தை பாதுகாக்க பழச்சாறு, காய்கறிச் சாறு, சூப் மற்றும் தண்ணீர் அதிகம் எடுத்துக் கொள்ளுங்கள்.
• Oily Skin கொண்டவர்கள் ஒரு நாளுக்கு குறைந்தது நான்கு முறையாவது முகத்தைக் கழுவிக் கொள்வது நல்லது.
• வெளியில் கிளம்பும் முன் தயிரை சிறிதளவு முகம், கைகளில் தேய்த்து சுத்தப்படுத்துங்கள். தயிர் தோல் வறட்சி தடுப்பதோடு வெயிலின் தாக்கத்திலிருந்து சருமத்தை காக்கும்.

• கோடை காலத்தில் ஏற்படும் கரும்புள்ளிகள் மற்றும் பருக்கள் மறைய பப்பாளி பழச்சாறை முகத்தில் தடவவும்.
• எப்போதும் சோப்புக்கு பதிலாக பாசிப் பருப்பு, கடலைப்பருப்பு, பூலான்கிழங்கு, கஸ்தூரி மஞ்சள்,வெள்ளரி விதை, வெட்டிவேர் ஆகியவற்றை கலந்து அரைத்த பொடியை பூசி முகம் கழுவலாம்.
• Ice Cubes கொண்டு முகத்தில் தேய்த்தபின் Sunscreen உபயோகிப்பது நல்லது.
• பாலாடையை இரவின் படுக்க போகும்முன், உதட்டில் தடவிக் கொள்ளுங்கள்.. இது வெடிப்பைத் தடுக்கும்.
• வாரம் இருமுறை, எலுமிச்சைசாறு , தேங்காய்ப் பால் சேர்த்து குளித்து வந்தால், சருமத்தில் உள்ள கருமை மறைந்து நிறம் கூடும்.

• தேங்காய்ப் பாலை தலையில் தேய்த்து சிறிது நேரம் கழித்த பின், குளிக்க வேண்டும். இதை தொடர்ந்து செய்து வந்தால், கூந்தலில் பளபளப்பு ஏற்பட்டு நல்ல பலன் கிடைக்கும்.
• தலை சுத்தமாக இருந்தால் தான் சருமத்தில் கருமை படராது. இதற்கு சிகைக்காய், பாசிப்பயறு, வெந்தயம், பூலாங்கிழங்கு, புங்கங்கொட்டை ஆகியவற்றை சேர்த்து அரைத்து தலைக்கு தேய்த்து குளிக்கலாம்.
• வாரம் ஒரு முறை தலைக்கு எண்ணெய் தேய்த்துக் குளிக்க வேண்டும்.
• கீரை, பச்சைகாய்கறிகளை அதிகமாக உணவில் சேர்த்துக் கொள்வது நல்லது. மோர், இளநீர், பழச்சாறு இவற்றை அருந்தி வந்தால், உடம்பிற்கு நல்லது. முடிந்த அளவு உணவில் காரத்தைக் குறைத்து கொள்வதும் நல்லது.