Sponsored Links
Sponsored Links
Penmai eMagazine May! | All Issues

User Tag List

Like Tree3Likes

யார் பிள்ளை தனுஷ் ?


Discussions on "யார் பிள்ளை தனுஷ் ?" in "Fans Club and Others" forum.


  1. #11
    vijaykumar12's Avatar
    vijaykumar12 is online now Yuva's of Penmai
    Gender
    Male
    Join Date
    Aug 2012
    Location
    India
    Posts
    8,010

    Re: யார் பிள்ளை தனுஷ் ?

    உயர்நீதிமன்ற மதுரைக் கிளையில் ஆஜரானார், நடிகர் தனுஷ்!

    மதுரை மேலூர் தம்பதியினர், நடிகர் தனுஷ் தங்கள் மகன் என்று கூறி நீதிமன்றத்தில் வழக்குத் தொடர்ந்தனர். இந்த வழக்கு விசாரணையில், தனுஷை நேரில் வந்து ஆஜராகுமாறு நீதிமன்றம் உத்தரவிட்டது.
    இதையடுத்து, தனுஷ் இன்று உயர்நீதிமன்றம் மதுரைக் கிளையில் ஆஜராகியுள்ளார். தற்போது, வழக்குத் தொடர்ந்த மேலூர் தம்பதியினர் கூறியபடி, தனுஷுக்கு அங்க ஆடையாளங்கள் சரிபார்ப்பு, தனி அறையில் நடந்துவருகிறது.


    Sponsored Links
    sumitra likes this.

  2. #12
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    89,345

    Re: யார் பிள்ளை தனுஷ் ?

    மேலூர் தம்பதி வழக்கு: தனுஷுக்கு டி.என்.ஏ.சோதனை கேட்டு மனு...!

    நடிகர் தனுஷ் தங்கள் மகன் என்று மேலூர் மலம்பட்டியைச் சேர்ந்த கதிரேசன்- மீனாட்சி தம்பதி தாக்கல் செய்துள்ள வழக்கில், சான்றிதழில் குறிப்பிட்டுள்ளபடி அங்க அடையாளங்களை சோதிப்பதற்காக நேற்று உயர் நீதிமன்ற மதுரை கிளையில் நடிகர் தனுஷ் ஆஜரானார்.


    அந்த பரபரப்பு அடங்குவதற்குள் தற்போது நடிகர் தனுஷுக்கு மரபணு பரிசோதனை நடத்தக்கோரி மேலூர் கதிரேசன்-மீனாட்சி தம்பதி உயர்நீதிமன்ற மதுரை கிளையில் மேலும் ஒரு மனுத் தாக்கல் செய்துள்ளனர். இதனால், இவ்வழக்கு வேகமெடுத்துள்ளது.
    மதுரை மாவட்டம், மேலூர், மலம்பட்டியைச் சேர்ந்த கதிரேசன்- மீனாட்சி தம்பதி மேலூர் நீதித்துறை நடுவர் மன்றத்தில் திரைப்பட நடிகர் தனுஷ், தங்களது மூத்த மகன் என்று உரிமை கோரி மனுத் தாக்கல் செய்தனர்.

    இந்த வழக்கை ரத்து செய்யக்கோரி நடிகர் தனுஷ், சென்னை உயர்நீதிமன்ற மதுரை கிளையில் மனு தாக்கல் செய்திருந்தார். இதை விசாரித்த நீதிமன்றம், மேலூர் தம்பதியர் தாக்கல் செய்த பள்ளி ஆவணங்களில் உள்ள அங்க அடையாளங்கள் நடிகர் தனுஷ் உடலில் உள்ளதா என்பதை சரிபார்க்க ஆஜராக கூறி உத்தரவிட்டிருந்தது. இதன்படி ஆஜரான தனுஷின் உடலில் அங்க அடையாளங்கள் சரிபார்க்கப்பட்டன. அதன் அறிக்கை நாளை நீதிமன்றத்தில் விசாரணைக்கு வருகிறது. இந்நிலையில் நடிகர் தனுஷுக்கும், தனக்கும் மரபணு பரிசோதனை நடத்த வேண்டும் என்று கதிரேசன் உயர்நீதிமன்ற மதுரைக் கிளையில் புதிய மனு தாக்கல் செய்துள்ளார்.


    அதில், நடிகர் தனுஷ் என்னுடைய மகன் என்பதற்கு போதிய ஆதாரம் உள்ளது. அவரைப் பதினோறாம் வகுப்பு வரை நான் படிக்க வைத்தேன். இந்நிலையில், அவரது தற்போதைய சமூக அந்தஸ்து மற்றும் பொருளாதார நிலையைக் கருத்தில் கொண்டு உண்மையான பெற்றோராகிய எங்களை அவரது பெற்றோர் இல்லை என்று மறுத்து வருகிறார். இதுதொடர்பான வழக்கு விசாரணையின்போது அவர் தாக்கல் செய்த பிறப்புச் சான்று மற்றும் பள்ளி மாற்றுச் சான்றுகள் போலியானது.


    இத்தகைய சூழலில் மரபணு சோதனை நடத்தினால் மட்டுமே இருவருக்கும் இடையேயான உறவை துல்லியமாக கண்டறிய முடியும். எனவே எனக்கும், நடிகர் தனுஷுக்கும் மரபணு சோதனை நடத்த உத்தரவிட வேண்டும் என்று குறிப்பிட்டிருந்தார். இந்த மனு விரைவில் விசாரணைக்கு வர உள்ளது. இதனால் தனுஷ் வழக்கு பரபரப்பை கிளப்பியுள்ளது. ஏற்கெனவே தனுஷ் தரப்பில் தாக்கல் செய்துள்ள சான்றிதழ்களின் உண்மைத் தன்மையை விசாரிக்கவும் தனி மனு தாக்கல் செய்யப்பட்டுள்ளது.


  3. #13
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    89,345

    Re: யார் பிள்ளை தனுஷ் ?

    தனுஷுக்கு சிக்கல் தந்திருக்கும் DNA பற்றி தெரியுமா? #HowDNAworks

    நடிகர் தனுஷின் படங்கள் வெளியாகும் வேகத்தை விட சர்ச்சைகள் வேகமாக வருகின்றன. அப்படி ஒன்றுதான் நீதிமன்றத்துக்கு வந்தது. கதிரேசன் - மீனாட்சி தம்பதி தனுஷ் தங்கள் மகன் என நீதிமன்றத்தில் வழக்கு தொடர்ந்திருக்கிறார்கள். ஏகப்பட்ட குழப்பங்களை ஏற்படுத்தி வரும் இந்த வழக்கு முடியாமல் நீண்டு கொண்டே போகிறது.


    நீதிமன்றத்தில் தனுஷ் தரப்பில் இயற்பெயர் வெங்கடேஷ்பிரபு என்றும், இதை தனுஷ் என மாற்றியதாகவும் தெரிவித்தனர். ஆனால், அவருடைய பள்ளி மாற்றுச்சான்றிதழில் அங்க அடையாளங்கள் குறிப்பிடப்படவில்லை என்று கதிரேசன், மீனாட்சி தம்பதி தரப்பில் சந்தேகம் கிளப்பப்பட்டது.

    இவர்கள் அளித்த சான்றிதழில் உள்ள அங்க அடையாளங்கள், தனுஷின் உடலில் இருக்கின்றனவா என்பதைச் சரிபார்த்தார்கள். இதற்காக நீதிமன்றத்தில் மருத்துவச் சோதனை நடத்தப்பட்டது. தனுஷ் தரப்பில் தாக்கல்செய்யப்பட்ட பிறப்புச் சான்றிதழ், பள்ளிச் சான்றிதழ், பெயர் மாற்றம் செய்ததற்கான கெஸட் நகல்கள் ஆகியவற்றில் உள்ள விவரங்கள் பல கேள்விகளை எழுப்பியதால் ‘சான்றிதழ்களில் சந்தேகம் உள்ளது’ என கதிரேசன் - மீனாட்சி தரப்பின் வழக்கறிஞர் சொன்னார்.


    டி.என்.ஏ சோதனை செய்தால் உடனே முடியும் வேலையை இழுத்தடிப்பதால் சோஷியல் மீடியாவிலும் இது பற்றி அதிகம் பேசப்பட்டது. கதிரேசன் தரப்பில் டி.என்.ஏ. சோதனைக்கு தயார் என நீதிமன்றத்தில் தெரிவித்திருக்கிறார்கள். அடுத்து என்ன ஆகப்போகிறது என்பதுதான் மர்மமாகவே இருக்கிறது.

    எல்லோருக்கும் டி.என்.ஏ டெஸ்ட் தெரியும். ஆனால், அது எப்படி செய்யப்படுகிறது என்பது தெரியுமா?


    உயிரின் அடிப்படை மூலக்கூறே டி.என்.ஏ தான். மற்ற எந்த மூலகூறுகளுகள் போல் இல்லாமல், டி.என்.ஏ தன்னைத் தானே நகல் செய்துகொள்கிறது. இதுதான் உயிரின் அடிப்படை. இந்த மூலக்கூறை ஆராய்ந்தால், அதில் ஒரு பேட்டர்ன் கிடைக்கும். அதை வைத்து இரண்டு பேருக்கிடையில் ரத்த தொடர்பு இருக்கிறதா, அவர்தான் நிஜமான உயிரியல் பெற்றோரா என்பதை கண்டறிய முடியும்.
    ரத்தம், முடி, தோல் அல்லது உடலில் இருக்கும் எதாவது ஒரு திசுவின் மாதிரி கிடைத்தால் போதும். அதில் இருக்கும் டி.என்.ஏ. மூலக்கூறுவை ஆராய்ந்து அதன் வடிவத்தை பதிவு செய்துக்கொள்ளலாம்.
    பொதுவாக கீழ்கண்ட காரணங்களுக்காக டி.என்.ஏ டெஸ்ட் செய்யப்படும்.


    1) Newborn screening
    பிறந்த குழந்தைக்கு செய்வார்கள். அமெரிக்காவில் இது அதிகம். இதன் மூலம் பிறந்த குழந்தைக்கு எதாவது குறை இருந்தால், அதை ஆரம்பத்திலே சரி செய்ய முடியும் என்கிறார்கள் மருத்துவர்கள்.


    2) Forensic testing
    குற்றவாளிகளை கண்டறிய... எல்லா குற்றங்களிலுமே அதை செய்பவர்கள் எதாவது ஒரு க்ளூவை விட்டுச் செல்வார்கள் என்பார்கள். அப்படி அவர்கள் விட்டுச்செல்வது அவர்கள் உடல் சார்ந்த விஷயம் என்றால், அதிலிருந்து டி.என்.ஏ. மாதிரியை எடுத்து குற்றவாளிகளை கண்டறிய முயற்சி செய்வார்கள்.


    3) carrier testing
    இதில்தான் பெற்றோர் இருவரின் டி.என்.ஏ மாதிரியை வைத்து மகன் அல்லது மகளின் டி.என்.ஏவுடன் ஒப்பிடுவார்கள். தனுஷ் வழக்கு போன்ற விஷயத்துக்காக மட்டுமில்லாமல், பரம்பரையாக இருக்கும் நோய் பற்றி அறியவும் இந்த டெஸ்ட் பயன்படும்.


    4) Prenatal testing
    இது குழந்தை பிறக்கும் முன்னரே செய்யப்படும் டெஸ்ட். பிறக்க போகும் குழதைக்கு ஜெனடிக் டிஸ் ஆர்டர் எதாவது இருக்குமா என முன் கூட்டியே அறிவதற்காக செய்யப்படுவது,.
    இன்னும் பல காரணங்களுக்காக டி.என்.ஏ டெஸ்ட் செய்வதுண்டு.
    தனுஷ் விஷயத்தில் டி.என்.ஏ டெஸ்ட் செய்யப்படுமா என்பதை விரைவில் நீதிமன்றம் உறுதி செய்யும். கதிரேசன் தம்பதி தரப்பில் டி.என்.ஏ. டெஸ்டுக்கு தயார் என சொல்லியிருப்பது குறிப்பிடத்தக்கது.


  4. #14
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    89,345

    Re: யார் பிள்ளை தனுஷ் ?

    தனுஷ் மீது உரிமை கோரும் வழக்கு: மருத்துவர்கள் அறிக்கையில் புதிய தகவல்

    சிவகங்கை மாவட்டம் திருப்புவனத்தை சேர்ந்த கதிரேசன், மீனாட்சி தம்பதி நடிகர் தனுஷ் தங்களின் மகன் என்று மேலூர் நீதிமன்றத்தில் வழக்கு தொடர்ந்தனர். இந்த வழக்கை ரத்து செய்யக் கோரி தனுஷ் மதுரை உயர் நீதிமன்றக் கிளையில் மனு தாக்கல் செய்தார்.

    வழக்கு விசாரணையின் போது கதிரேசன் -மீனாட்சி தரப்பில் சில சான்றிதழ்கள் தாக்கல் செய்யப்பட்ட‌ன. இந்த சான்றிதழ்களில் உள்ள அங்க அடையாளங்கள் தனுஷின் உடலில் உள்ளனவா? என கண்டறிய அவரை நேரில் ஆஜராக நீதிமன்றம் உத்தரவிட்டிருந்தது. இதையடுத்து மார்ச் 2 ஆம் தேதி தனுஷ் நேரில் ஆஜரானார்.



    இந்நிலையில், தனுஷ் தொடர்பான வழக்கு உயர்நீதிமன்ற மதுரை கிளையில் இன்று விசாரணைக்கு வந்தது. மதுரை அரசு மருத்துவமனை டீன் முன்னிலையில் 2 மருத்துவர்கள் அறிக்கை தாக்கல் செய்தனர். தனுஷ் உடலில் இருந்து சில அங்க அடையாளங்கள் லேசர் கருவி மூலம் அழிக்கப்பட்டதாக, மருத்துவர்கள் தாக்கல் செய்த அறிக்கையில் தெரிவிக்கப்பட்டு இருந்தது.

    இதனையடுத்து விரிவான விசாரணையை வரும் 27-ம் தேதிக்கு உயர் நீதிமன்ற மதுரை கிளை ஒத்தி வைத்தது.


  5. #15
    vijaykumar12's Avatar
    vijaykumar12 is online now Yuva's of Penmai
    Gender
    Male
    Join Date
    Aug 2012
    Location
    India
    Posts
    8,010

    Re: யார் பிள்ளை தனுஷ் ?

    never ending story!


  6. #16
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    89,345

    Re: யார் பிள்ளை தனுஷ் ?

    பெற்றோருக்கு தனுஷ் நன்றி


    பவர்பாண்டி படம் மூலம் இயக்குனராகியுள்ள நடிகர் தனுஷ், தன் தாய், தந்தை, சகோதரி மற்றும் ரசிகர்களுக்கு நன்றி கூறியுள்ளார்.

    நடிகர் தனுஷ் முதல் முறையாக இயக்கியுள்ள படம், பவர்பாண்டி. இதில், கதை நாயகனாக ராஜ்கிரண் நடித்துள்ளார். பிரசன்னா, ரேவதி உள்ளிட்டோர் முக்கிய வேடத்தில் நடித்துள்ளனர். இப்படத்தின், டீசர் வெளியீட்டு விழா, நேற்று நடந்தது. பின், நடிகர் தனுஷ் கூறியதாவது: உலகில், நல்லது, கெட்டது; அன்பு, வெறுப்பு என, இரண்டும் உள்ளது.

    இதில், நாம் எதை தேர்ந்தெடுக்கிறோம்; எதை நோக்கி போகிறோம் என்பது, நம் கையில்தான் உள்ளது. நேர்மறையான சிந்தனைகளை தேர்ந்தெடுத்தால், நிம்மதியாக இருக்கலாம்; இதுதான், பவர்பாண்டி. இப்படத்திற்கான நம் மண்ணின் இசையை தர முயற்சித்துள்ளோம்.

    எதிர்காலத்தில், நம் மண் இசையே நமக்கு தேவை. இப்படத்திற்கு, ராஜ்கிரண் கிடைத்தது மிகப்பெரிய ஆசிர்வாதம். உதவி இயக்குனர்கள், படத்தொகுப்பாளர், இசையமைப்பாளர் உள்ளிட்ட அனைவருக்கும் நன்றி. என்னை இந்தளவுக்கு உயர்த்திய அம்மா, அப்பா, சகோதர, சகோதரிகள் மற்றும் ரசிகர்களுக்கும் நன்றி.இவ்வாறு அவர் கூறினார்.


    அம்மா, அப்பாவுக்கு நன்றி கூறிய தனுஷ், அவரது அப்பா, அம்மா யார் என்ற வழக்கு சர்ச்சை குறித்து, கருத்து எதையும் தெரிவிக்கவில்லை.


  7. #17
    vijaykumar12's Avatar
    vijaykumar12 is online now Yuva's of Penmai
    Gender
    Male
    Join Date
    Aug 2012
    Location
    India
    Posts
    8,010

    Re: யார் பிள்ளை தனுஷ் ?

    கேட்டால் ரஜினியே நடித்திருப்பார். ஆனால், என் மருமகன் தனுஷ்...’ - உருகும் ராஜ்கிரண்

    தனுஷ் இயக்கத்தில் ராஜ்கிரண், பிரசன்னா, சாயாசிங் நடிப்பில் உருவாகிவரும் ‘பவர்பாண்டி’ படத்தின் பாடல்கள் சமீபத்தில் வெளியானது. அதைத் தொடர்ந்து செய்தியாளர்கள் சந்திப்பும், டிரெய்லர் வெளியீடும் இன்று நடைபெற்றது. படத்தின் பெயர் பவர்பாண்டி. ஆனால், வரிச்சலுகை காரணமாக ‘ப.பாண்டி’ என்ற டைட்டிலுடன் டிரெய்லர் வெளியிட்டனர்.
    தனுஷ், ராஜ்கிரண், பிரசன்னா, சாயாசிங், டிடி, ரோபோ ஷங்கர், சென்ட்ராயன், ரேவதி, வித்யுலேகா மற்றும் இசையமைப்பாளர் ஷான் ரோல்டன், எடிட்டர் பிரசன்னா.கே., நடன இயக்குநர் பாபா மாஸ்டர், ஒளிப்பதிவாளர் வேல்ராஜ் உள்ளிட்ட பலரும் விழாவில் கலந்துகொண்டனர்.


    ஷான்ரோல்டன் பேசும்போது, “ஜோக்கர் பட பாடல் ரிலீஸ் நேரத்தில், வேலைப்பளுவினால் அசதியில் தூங்கிட்டேன். அந்த நேரம் தனுஷ் சார் ட்விட்டரில் ஜோக்கர் பட பாடல் பத்தி நிறைய ட்வீட் பண்ணியிருந்தார். ஜோக்கர் இல்லைன்னா, தனுஷ் சார் படத்தில் நான் இல்லை. எல்லோருக்குமே ஒரு கட்டத்தில் எனர்ஜி குறையும். ஆனா எப்போதுமே எதையாவது யோசிச்சுட்டும், செய்துட்டும் இருக்குறது தனுஷ் சார் ஸ்டைல். ரொம்ப பெரிய மனிதர். ஆனா எளிமையானவர். எந்த விஷயம் பேசினாலும் ஆழமா தெரிஞ்சிட்டுதான் பேசுவார். அவரோட மிகப்பெரிய ரசிகன். இப்போ ஒரே மேடையில் அவரோட இருக்குறதே ஆச்சர்யமாதான் இருக்கு.” என்றார்.
    ராஜ்கிரண், “ இயக்குநர் கஸ்தூரி ராஜா 27 வருடங்களுக்கு முன்னால் ‘என் ராசாவின் மனசிலே’ படத்தின் மூலம் என்னைக் கதாநாயகனாக அறிமுகப்படுத்தினார். அவரின் மகன், என்னுடைய ‘மருமகன் தனுஷ்’ என்னை மீண்டும் கதாநாயகனாக அறிமுகப்படுத்தியிருக்கிறார். இப்படியொரு அனுபவம் யாருக்கும் அமையாது. தமிழ், தெலுங்கு, இந்தி, ஹாலிவுட் என்று பல பரிமாணங்களில் வெற்றியடைந்திருக்கும் இவர் இயக்கும் முதல் படத்தில் ரஜினி சாரிடம் நடிக்கக் கேட்டாலும்கூட வருவார். ஆனால், 'நான் ராஜ்கிரணை ஹீரோவாக வைத்துத்தான் படமெடுப்பேன்' என்கிற முடிவில் தனுஷின் தன்னம்பிக்கை தெரிகிறது. ‘பவர் பாண்டி’ குழுவில் எல்லோருமே என் பிள்ளைகள்தான். மருமகன் கதையை விளக்கிய விதத்தில் என்னை அறியாமலேயே அவர் மீது ஈர்ப்பு ஏற்பட்டுவிடுகிறது. இந்தப் படத்தில் புதிதாக ஒரு ராஜ்கிரணை உருவாக்கியிருக்கிறார் இயக்குநர் தனுஷ். " என்றார்.


    தனுஷ் பேசும்போது, “ உலகத்துல நல்லதும் இருக்கு, கெட்டதும் இருக்கு ஒவ்வொரு மனிதருக்குள்ளும்.... அன்பும் இருக்கு, வெறுப்பும் இருக்கு. எதைத் தேர்வு செய்கிறோம், எது வேண்டும், எதை நோக்கிப் போகிறோம் என்பது நம் கையில்தான் இருக்கு. சுற்றி இருப்பவர்களின் அன்பு, நிம்மதி, பாசம், நல்லது என்று பாசிட்டிவான விஷயங்களை மட்டுமே எடுத்துக்கொண்டால் நிம்மதியாக இருக்கலாம் என்பதே பவர்பாண்டி. இந்தப் படத்திற்காக முதலில் நன்றி சொல்ல நினைப்பது என்னுடைய உதவி இயக்குநர்களுக்குத்தான்.
    இந்தப் படத்திற்குக் கிடைத்த ஆசீர்வாதம்தான் ராஜ்கிரண் சார். அவரின் சிரிப்பும், அரவணைப்பும், அன்பும் தான் இந்தப்படத்தை முழுமைப்படுத்தியிருக்கிறது. இந்தப் படம் பாசிட்டிவ் அதிர்வோட இருக்க முழுக்க முழுக்க காரணம் ராஜ்கிரண் சார் தான். அவருக்கு நன்றினு சொல்லுற வார்த்தைகூட குறைவான வார்த்தைதான்.
    ‘என் ராசாவின் மனசிலே’ படத்தில் ராஜ்கிரண் சார் நடிப்பை பலமுறை வீட்டில் நடிச்சுப் பார்ப்பேன். என்னுடைய சூப்பர் ஹீரோ மாயாண்டி. எங்க குடும்பத்தோட பயணத்தை மாத்துனதே இந்த மாயாண்டி தான். எங்க குடும்பத்துக்கு மேல இருக்குற பாசமானு தெரியலை, ஓகே சொல்லிட்டுத்தான் கதையே கேட்டாங்க. இந்த ‘பவர் பாண்டி’ கதைய எழுதி ஒன்றரை ஆண்டுக்கு மேல் ஆகிடுச்சு. அவர் நடிச்சதுனாலதான் படமே முழுமை அடைஞ்சிருக்கு.
    இந்தப் படத்தோட மிகப்பெரிய பலம் ரேவதி. அவர் இயக்குநர் என்பதால், எதுவும் சொல்லணும்னு அவசியமே இல்லை. அவங்களே சுலபமா நடிச்சுட்டுப் போய்ட்டாங்க.


    நான் இருந்த அதே மனநிலையில்தான் ஷான் ரோல்டனும் இருந்தார். அதுனால பாடல்களும் நல்லா வந்திருக்கு. இந்தப் படத்துல இருக்குற பாசிட்டிவிட்டியை ரசிகர்களும் உணர்வாங்க. இறைவனுக்கு நன்றி...!" என்று சாந்தமாகப் பேசினார் தனுஷ்.

    Chill Queen likes this.

  8. #18
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    89,345

    Re: யார் பிள்ளை தனுஷ் ?

    இட்லி, மிளகாய்ச் சட்னி ஊட்டிவிட்ட கை... காசுக்காவா நீளப்போகுது!?'' - தனுஷுக்காக உருகும் மதுரை தம்பதி

    'காணாமல் போன எங்கள் மகன் கலைச்செல்வன் தான் நடிகர் தனுஷ்... இப்படிப்பட்ட கோரிக்கையோடு சில மாதங்களுக்கு முன்பு நீதிமன்ற படியேறிய மதுரையைச் சேர்ந்த கதிரேசன் – மீனாட்சி தம்பதியை இச்சமூகம் அத்தனை சீக்கிரம் மறந்திருக்க வாய்ப்பில்லை. நடிகர் தனுஷ்தான் எங்கள் மகன் என்ற அவரை பணம் பறிக்கும் கும்பல் என்று எண்ணத் துவங்கினார்கள். அதன்பிறகு நீதிமன்றத்தில் நடந்தவை ஊர் அறியும். அந்த பெற்றோர் என்ன செய்கிறார்கள்... அவர்களின் இந்தச் செயலுக்கு என்ன காரணம் என்பதை அறிய அவர்களுடைய வீட்டுக்குப் போனோம்.

    '' எம் பேரு மீனாட்சி தம்பி. மீனாள்னு கூப்பிடுவாங்க. எங்களுக்கு தனபாக்கியம், கலைச்செல்வன்னு ரெண்டு புள்ளைங்க. உங்க கண்ணுக்கு தனுஷா தெரியுறவர்தான் என் புள்ளை கலைச்செல்வன். மதுர பெரியாஸ்பத்திரியிலதான் கலைச்செல்வன் பொறந்தான் . பிறகு எங்க அப்பாவீட்டில் வைத்து வளர்த்தேன்

    எங்க அப்பா வீட்டுல தங்கியிருந்துதான் புள்ளைங்களைப் படிக்கவைச்சேன். என் அப்பா மேலூர் பஸ் ஸ்டாண்ட் எதிர்ல ஹோட்டல் வைச்சு நடத்திட்டு இருந்தார். எனக்கு நல்லா சமைக்க வரும். என் ரெண்டு புள்ளைங்களுக்கும் விதவிதமா சமைச்சு போடுவேன்.
    என் வீட்டுக்காரர் பிரைவேட் கம்பெனியில 50 ரூபா சம்பளத்துக்கு வேலை பார்த்தார். நான் கெமிஸ்ட்ரி படிச்சிருந்தேன். நல்லா படிச்சிருந்தேன்ங்கிறதுனால எம் புள்ளைங்களுக்கு நான்தான் பாடம் சொல்லிக்கொடுப்பேன். ஒருதடவை என் பையன் கலைச்செல்வனுக்கு உடம்பு சரியில்ல... அதனால அவனுக்கு வசம்பு கொடுத்தேன். கொஞ்சம் அதிகமா கொடுத்திட்டேனு நினைக்கிறேன். புள்ள மயங்கிட்டான். பதறிப்போய்ட்டேன். அதுக்குப்பிறகு நார்மலாகிட்டான்.
    ஆனா ஐஞ்சு வயசு வரைக்கும் கலைச்செல்வனுக்கு பேச்சுவராம இருந்துச்சு. மேலூர் கவர்மென்ட் ஸ்கூல்ல பத்தாவது வரைக்கும் படிச்சவன், பதினொன்னாவதை திருப்பத்தூர்ல படிச்சான். பத்துநாள்தான் படிச்சான். அப்புறம் அங்கிருந்து எங்க போனானு தெரியல். நாங்க தேடாத எடமே இல்ல. மனசும் உடம்பும் வலிக்கவலிக்கத் தேடினோம்.

    எங்க குடும்ப சந்தோஷமே ரெண்டாச்சு. சரியா சாப்பிடாம தூங்காம, அலைஞ்சு மனசு ரெண்டாச்சு. இனி அவன் கிடைக்க மாட்டானு மனச கல்லாக்கிட்டோம். அவன் இல்லாத ஒவ்வொரு நாளும் எழவு வீடுமாதிரிதான் எங்களுக்கு ஆச்சு. பொங்கல், தீபாவளி எல்லாம் மறந்தோம்.

    ஒரு தடவ பொல்லாதவன் பட புரோமோஷனுக்காக டிவியில பேட்டி கொடுத்த தனுஷ் பார்த்த நாங்க 'ஏய் நம்ம கலைச்செல்வன் மாதிரியே இருக்கான்லனு பேசிக்கிட்டோம்' அந்த பேட்டியில, ''நான் மதுரைக்காரன். பிளஸ் ஒன் பாதி வரைக்கும்தான் படிச்சிருக்கேனு சொன்னார்.

    அதுவரைக்கும் சந்தேகமா இருந்த எங்களுக்கு அவரோட நடை, உடை, பாவனை எல்லாம் எங்க மகன்றதை உறுதி பண்ணுச்சு. தனுஷோட நெத்தியில தழும்பு உண்டு. ஆனா நாங்க கோர்ட்டுக்கு போனப்ப அதை அழிச்சுட்டார். அதே மாதிரி சின்ன வயசுல அவருக்கு உச்சந்தலையில ஒரு தழும்பு உண்டு. அதை நாங்க ஸுட்டிங் ஸ்பாட்ல பார்த்துட்டோம். அவர்கிட்ட பலமுறை பேச ட்ரை பண்ணினோம். ஆனா எங்களை தவிர்த்துட்டார்.

    எங்க சொந்தக்காரங்க பலபேர்கிட்ட கலைச்செல்வன்தான் தனுஷ்னு சொன்னோம். ஆனா எல்லாரும் நாங்க பொய் சொல்றோம்னு சொல்லிட்டாங்க. அதனாலதான் வழக்குப் போட்டோம். இப்ப வரைக்கு அவர் எங்ககிட்ட வந்து பேசலை. நான் தான் உங்க மகன் இல்லியே... ஏன் என்னை வந்து தொல்லை பண்றீங்கனுகூட ஒரு வார்த்தை கேட்கலை.

    ஏன்னா முடியாது. மனசாட்சினு ஒண்ணு இருக்குது இல்லியா? நாங்க அவரோட அப்பா அம்மா இல்லைனு ஒரு பேட்டி கொடுக்கச் சொல்லுங்க பார்ப்போம். பெத்த வயிறு அத்தனை கஷ்டத்தையும் சுமந்துட்டு இருக்கேன்.

    அவருக்குப் பிடிச்ச இட்லியும், மிளகாய்ச்சட்னியும் செய்ஞ்சு கொடுத்த கையா காசுக்காக கை நீட்ட போகுது? கலைச்செல்வனுக்கு சின்ன வயசுலிருந்தே டான்ஸ், பாட்டுனா அவளோ இஷ்டம். அவன் எங்ககிட்ட திரும்ப வந்துட்டா கோயிலுக்கு கெடா வெட்டி கரும்பு தொட்டி கட்டுறதா வேண்டுதல் வைச்சிருக்கோம். தனுஷோட பணம், பங்களா எதுவும் எங்களுக்குத் தேவையில்லை தம்பி. அவர் கலைச்செல்வனா திரும்பி வந்தாலே போதும்" என்று கையெடுத்து கும்பிடுகிறார் மீனாட்சி.


  9. #19
    vijaykumar12's Avatar
    vijaykumar12 is online now Yuva's of Penmai
    Gender
    Male
    Join Date
    Aug 2012
    Location
    India
    Posts
    8,010

    Re: யார் பிள்ளை தனுஷ் ?

    என்னாகும் தனுஷ் வழக்கு? - திகிலில் கஸ்தூரிராஜா'






    டிகர் தனுஷ் வழக்கு இறுதிக்கட்டத்துக்கு வந்து விட்டது. தீர்ப்பை எதிர்பார்த்து தனுஷ் தரப்பு படபடப்புடன் காத்திருக்கிறது.



    மதுரை மாவட்டம் மேலூர் மலம்பட்டியை சேர்ந்த கதிரேசன் - மீனாட்சி தம்பதியினர், சின்ன வயதில் காணாமல் போன தங்கள் மகன் கலைச்செல்வன்தான் நடிகர் தனுஷ் என்றும், வயதான காலத்தில் கஷ்டப்படும் தங்களை தனுஷ் பராமரிக்க வேண்டும் என்றும், கடந்த ஆண்டு மேலூர் நீதிமன்றத்தில் மனு தாக்கல் செய்திருந்தனர். பெரும் பரபரப்பை ஏற்படுத்திய இந்த வழக்கை விளம்பரத்துக்காக போடுகிறார்கள் என்று எல்லோராலும் அலட்சியமாக பார்க்கப்பட்டது.

    ஆனால், மேலூர் மாஜிஸ்திரேட், ‘’இந்த வழக்கில் முகாந்திரம் இருப்பதால் நடிகர் தனுஷ் மேலூர் நீதிமன்றத்தில் ஆஜராக வேண்டுமென்று’’ உத்தரவிட, அப்போதுதான் வழக்கின் தீவிரத்தன்மை எல்லோருக்கும் தெரிந்தது. அதனால் இன்னும் பரபரப்பானது.
    இந்த நிலையில்தான், மேலூர் நீதிமன்றத்தில் ஆஜராவதைத் தவிர்க்க, மதுரை உயர்நீதிமன்ற கிளையில் தனுஷ் மனு தாக்கல் செய்தார். அதில், ‘‘மதுரை மாவட்டம், மேலூரைச் சேர்ந்த கதிரேசன் - மீனாட்சி தம்பதி, என்னை அவர்களது மகன் என்று மேலூர் நீதிமன்றத்தில் வழக்கு தொடர்ந்துள்ளனர். இதில் எந்த உண்மையும் இல்லை, அதனால், இந்த வழக்கு விசாரணைக்கு தடை விதித்து, ரத்து செய்ய வேண்டும்,’’ என்று கூறியிருந்தார்.

    தனுஷ் தாக்கல் செய்த மனுவை உயர்நீதிமன்றம் விசாரித்துக் கொண்டிருக்கும்போதே, கதிரேசன் தரப்பினர், தனுஷ் தங்கள் மகன்தான் என்று ஏகப்பட்ட ஆதாரங்களை தாக்கல் செய்தனர். அதுமட்டுமில்லாமல் தனுஷின் உடலிலுள்ள அங்க அடையாளங்களையும் குறிப்பிட்டனர். இதை பரிசீலித்த நீதிபதி, தனுஷின் தந்தை கஸ்தூரிராஜாவிடம், ‘தனுஷ் தங்கள் மகன்தான் என்பதற்கான ஆவணங்களைத் தாக்கல் செய்ய வேண்டும்’ என்றார்.
    அதன்பின்பு கஸ்தூரிராஜா தரப்பில் தாக்கல் செய்த ஆவணங்கள் அனைத்தும் முரண்பாடாக இருக்கிறது என்று கதிரேசன் தரப்பு சந்தேகம் கிளப்ப, கடைசியாக தனுஷின் உடலில் அங்க (மச்ச) அடையாளங்களைசக் சரிபார்க்க உத்தரவிட்டார். அதற்காக மதுரை உயர்நீதிமன்ற கிளையில் ஆஜராக தனுஷ் வருகை தந்தது அனைவரும் அறிந்ததே.

    மதுரை மருத்துவக்கலூரி டீன் தலைமையிலான டாக்டர்கள் தனுஷின் அங்க அடையாளங்களை சரிபார்த்து நீதிமன்றத்தில் அறிக்கை தாக்கல் செய்தனர். இதற்கிடையே கதிரேசன் தம்பதியினர் தனுஷிற்கு டி.என்.ஏ பரிசோதனை நடத்த உத்தரவிடவேண்டும் என்று மற்றொரு மனுவை தாக்கல் செய்தனர். இந்த மனுக்களை மார்ச் 2-ம் தேதி விசாரித்த நீதிபதி, மறு உத்தரவு வரும் வரை மேலூர் நீதிமன்றத்தின் விசாரணைக்குத் தடை விதித்தார்.

    இதற்கிடையே மருத்துவர் தாக்கல் செய்த அறிக்கையில் கதிரேசன் தம்பதியினர் குறிப்பிட்ட அங்க அடையாளங்கள் தனுஷின் உடம்பில் இல்லையென்றாலும், சில தழும்புகள் அழிக்கப்பட்டுள்ளது என்று குறிப்பிட்டிருந்த தகவல் கசிந்ததால், வழக்கு மீண்டும் சூடுபிடித்தது.

    இதற்கிடையே கதிரேசன் தரப்பினரிடம் சிலர் வழக்கை வாபஸ் வாங்கும்படி மிரட்டியதாக தகவல் வந்தது. இல்லை, ‘கதிரேசன் தரப்பினர்தான் பணம் கேட்டு பேரம் பேசுகிறார்கள்’ என்று தனுஷின் வழக்கறிஞர் சாமிநாதன் குற்றம் சாட்டினார்.

    இந்த மனு கடந்த 10 ஆம் தேதி மீண்டும் விசாரணைக்கு வந்தது. கதிரேசன் தரப்பு வழக்கறிஞர் டைட்டஸ், ‘‘தனுஷ் தரப்பில் தாக்கல் செய்துள்ள பிறப்பு சான்றிதழ் போலியானது. தனுஷின் தந்தை கிருஷ்ணமூர்த்தி என்ற பெயரில் பெறப்பட்டுள்ள பிறப்பு சான்றிதழ் வேறொருவருக்காக வழங்கப்பட்டது. தனுஷ் மற்றும் கஸ்தூரிராஜா ஆகிய இருவரும் தங்களது இயற்பெயரை மாற்றியதாக கூறியுள்ளனர். ஆனால் ஆரம்பத்தில் இருந்தே கஸ்தூரிராஜா என்பதுதான் அவரது இயற்பெயராக உள்ளது. கெசட்டில் பெயர் மாற்றியதாக காட்டிய ஆதாராங்களில் முரண்பாடு உள்ளது, ரேஷன் கார்டு அடிப்படையில் கஸ்தூரிராஜாவின் வயது வேறுபடுகிறது,’’ என்றார்.

    அப்போது குறுக்கிட்ட நீதிபதி, ‘மேலூர் கதிரேசன் தரப்பில் தாக்கல் செய்யப்பட்ட ஆவணங்களில் பிறந்த தேதி மாறுபடுகிறது. நீங்கள் கூறும் அடையாளங்கள் நடிகர் தனுஷிடம் இல்லையென டாக்டர்கள் அறிக்கையில் கூறப்பட்டுள்ளது’ என்றார்.

    இதற்கு வழக்கறிஞர் டைட்டஸ், ‘’அங்க அடையாளங்களை வெளியில் தெரியாமல் அழிக்க முடியும் என தடயவியல் தொடர்பான புத்தகத்தில் குறிப்பிடப்பட்டுள்ளது’’ எனக்கூறி அந்த புத்தகத்தை நீதிபதியிடம் அளித்தார்.

    ‘’இதுதொடர்பாக விசாரணை நீதிமன்றத்தில் நிரூபிக்கத் தயாராக உள்ளோம். டிஎன்ஏ பரிசோதனைக்கும் நாங்கள் தயார். டாக்டர்களின் அறிக்கையை வைத்து எந்த முடிவுக்கும் வரக்கூடாது’’ என்றார்.
    அப்போது நீதிபதி, ‘’கிராமத்தில் ஆண்மகன் மிகப்பெரிய சொத்து. ஆனால், திருப்பத்தூர் விடுதியில் படித்தபோது, மகன் காணாமல் போனதும் ஏன் போலீசில் புகார் செய்யவில்லை’’ என்றார். அப்போது தனுஷ் தரப்பில் ஆஜரான வக்கீல் ராமகிருஷ்ணன், ‘’எதிர்தரப்பினர், காணாமல் போனதாக கூறும் மகனை கண்டுபிடிக்க 2002 முதல் 2016 வரை சட்டரீதியாக எந்த நடவடிக்கையும் எடுக்கவில்லை. பதினான்கு ஆண்டுகளுக்கு பிறகு ஜீவனாம்சம் கேட்டு வந்துள்ளனர். அவர்கள் தரப்பு வாதத்திற்குப் போதுமான ஆவணங்கள் இல்லை.

    அவர்கள் தரப்பிலான ஆவணங்களில் அசல் ஆவணங்களைத் தாக்கல் செய்ய உத்தரவிட வேண்டும். அந்த ஆவணங்களின் உண்மைத்தன்மை குறித்து முடிவெடுக்க வேண்டும். அதன்பிறகுதான் அவர்களது மனு நிலைக்கத்தக்கதா என்பதை முடிவு செய்ய முடியும். அப்படியே அவர்கள் ஜீவனாம்சம் கேட்கும் வழக்கை மேலூர் நீதிமன்றத்தில் நடத்த முடியாது. சென்னையில்தான் நடத்த வேண்டும்’’ என்றார்.
    அப்போது பேசிய கதிரேசன் தரப்பு வழக்கறிஞர் டைட்டஸ், ‘’கதிரேசன் தம்பதி தங்கள் மகன் காணாமல் போன நாளிலிருந்து தேடிக்கொண்டுதான் இருக்கிறார்கள்.

    புகாரும் கொடுத்துள்ளார்கள். சென்னை சென்றபோது தனுஷை சந்திக்க விடவில்லை, ஏழைகளான அவர்களால் வேறு எந்த முயற்சியும் எடுக்க முடியவில்லை. தற்போது தனுஷ் தரப்பில் தாக்கல் செய்துள்ள ஆவணங்களில் நிறைய முரண்பாடு உள்ளது. நாயக்கரான கஸ்தூரிராஜா, தனுஷ் பள்ளி சான்றிதழில் எஸ்.சி. என்று குறிப்பிட்டுள்ளார். இதைப்பற்றி விசாரிக்க வேண்டும்’’ என்றார்.
    இருதரப்பு வாதங்கள் முடிந்த நிலையில், மனு மீதான தீர்ப்பை தேதி குறிப்பிடாமல் நீதிபதி ஒத்தி வைத்துள்ளார்.

    பொதுவாக இந்த வழக்கை தொடர்ந்து கவனித்து வருபவர்கள், ‘தனுஷ், காணாமல் போன தங்கள் மகன் கலைச்செல்வன் என்று கதிரேசன் தம்பதி சொல்வது எந்தளவுக்கு உண்மையோ தெரியாது, ஆனால், தனுஷ் தங்கள் மகன்தான் என்று சொல்வதற்கு கஸ்தூரிராஜா சமர்பித்துள்ள பள்ளி சான்றிதழ்கள், ரேஷன் கார்டு, பெயர் மாற்றம் செய்த கெசட், அனைத்தும் சந்தேகத்தைக் கிளப்பும் வகையில் இருப்பதாக’ சொல்கிறார்கள்.

    நாம் கதிரேசன் தரப்பு வழக்கறிஞர் டைட்டஸிடம் பேசினோம், ‘’தனுஷ் கதிரேசன் தம்பதியின் மகன் என்பதற்கு இன்னும் பல ஆதாரங்களைச் சேகரித்து வருகிறோம், தனுஷ் என்ற கலைச்செல்வனோடு படித்தவர்களைத் தேடி வருகிறோம். சாதி சான்றிதழ் விவகாரம் சாதாரண விஷயமில்லை. அதை விட மாட்டோம், என்ன தேவைக்காக பட்டியல் இனமென்று குறிப்பிட்டார்.

    இல்லை வேறொருவரின் சர்டிபிகேட்டை காட்டியுள்ளார்களா என்பதையும் விசாரிக்கச் சொல்வோம். கஸ்தூரி ராஜா, தனுஷ் பயன்படுத்தும் வங்கி கணக்குகள், சினிமா ஒப்பந்தங்கள், பாஸ்போர்ட்டுகளில் என்ன பெயரில், எந்த முகவரியில் இருக்கிறது என்பதையும், இந்த வழக்கின் வக்காலத்தில் போடப்பட்டிருக்கும் கையெழுத்து தனுஷுடையதுதானா என்ற சந்தேகமும் உள்ளது. அனைத்தையும் விசாரிக்கச் சொல்வோம். அப்புறம் தெரியும் அனைத்து உண்மைகளும் ’’ என்றார்.
    சமீபத்தில் ஈரோடு மாவட்டத்தைச் சேர்ந்த கிருஷ்ணமூர்த்தி என்பவர், தான் மறைந்த ஜெயலலிதாவின் மகன் எனவும், 1986 ஆம் ஆண்டு காஞ்சிகோவில் கிராமத்தை சேர்ந்த வசந்தாமணி என்பவருக்கு தன்னை தத்துக் கொடுத்துவிட்டதாகவும், தற்போது ஜெயலலிதாவின் சொத்துக்களை தன்வசம் ஒப்படைக்க உத்தரவிடவேண்டும் என்றும் சென்னை உயர் நீதிமன்றத்தில் மனுத்தாக்கல் செய்திருந்தார். இவ்வழக்கை விசாரித்த நீதிபதி, மனுதாரர் கிருஷ்ணமூர்த்தி தாக்கல்செய்த ஆவணங்கள் அனைத்தின் நம்பகத்தன்மையை விசாரிக்க உத்தரவிட்டார். ஆவணங்கள் அனைத்தும் போலியாக தயாரிக்கப்பட்டது தெரிந்ததும், கிருஷ்ணமூர்த்தியை உடனே கைது செய்து சிறையில் அடைக்க உத்தரவிட்டார். கிருஷ்ணமூர்த்தி ஜெயலலிதாவின் வாரிசு என்று சொன்னதற்காகச் சிறை செல்லவில்லை. அதற்கு ஆதாரமாக காட்டிய ஆவணங்கள் அனைத்தும் போலியானவை என்பதால் தான் சிறைக்கு சென்றார். இந்த வழக்கிலும் அதுபோன்ற அதிரடி உத்தரவு வருமா... என்று எல்லோரும் எதிர்பார்த்துக் கொண்டிருக்கிறார்கள்.


  10. #20
    vijaykumar12's Avatar
    vijaykumar12 is online now Yuva's of Penmai
    Gender
    Male
    Join Date
    Aug 2012
    Location
    India
    Posts
    8,010

    Re: யார் பிள்ளை தனுஷ் ?

    மகன் என உரிமை கோரிய தம்பதியின் மனு தள்ளுபடி! நடிகர் தனுஷுக்கு ஆதரவாக தீர்ப்பு




    மேலூர் தம்பதியினர் தொடர்ந்த வழக்கில், நடிகர் தனுஷுக்கு சாதகமாக இன்று இறுதித் தீர்ப்பு வெளியாகி உள்ளது.
    மகன் என உரிமை கோரிய தம்பதியின் மனுவைத் தள்ளுபடிசெய்தது உயர்நீதிமன்ற மதுரைக் கிளை.
    மதுரை மாவட்டம், மேலூர் மலம்பட்டியைச் சேர்ந்த கதிரேசன் - மீனாட்சி தம்பதியர், சிறு வயதில் காணாமல் போன தங்கள் மகன் கலைச்செல்வன்தான் நடிகர் தனுஷ் என்றும், வயதான காலத்தில் கஷ்டப்படும் தங்களை தனுஷ் பராமரிக்க வேண்டும் என்றும், கடந்த ஆண்டு மேலூர் நீதிமன்றத்தில் மனு தாக்கல்செய்திருந்தனர்.
    இந்த வழக்கில், நீதிமன்றத்தில் தனுஷ் ஆஜராக வேண்டும் என்று மேலூர் நீதிமன்றம் உத்தரவிட்டது.
    மேலூர் தம்பதியருக்கு எதிராக, தனுஷும் மனு தாக்கல்செய்தார். அந்த மனுவில்,‘‘மதுரை மாவட்டம், மேலூரைச் சேர்ந்த கதிரேசன் - மீனாட்சி தம்பதி, என்னை அவர்களது மகன் என்று மேலூர் நீதிமன்றத்தில் வழக்குத் தொடர்ந்துள்ளனர். இதில் எந்த உண்மையும் இல்லை. அதனால், இந்த வழக்கு விசாரணைக்குத் தடை விதித்து, தள்ளுபடி செய்ய வேண்டும்,’’ என்று கூறியிருந்தார்.

    இதற்கிடையே கதிரேசன் தரப்பினர், தனுஷ் தங்கள் மகன்தான் என்பதற்கு ஆதாரங்களைத் தாக்கல்செய்தனர். தனுஷின் உடலிலுள்ள அங்க அடையாளங்களையும் குறிப்பிட்டனர்.

    பல்வேறு திருப்பங்களைச் சந்தித்த இந்த வழக்கின் இறுதித் தீர்ப்பு இன்று வெளியானது. தனுஷ் கோரிக்கையின்படி, மேலூர் தம்பதியர் தொடர்ந்த வழக்கு, தள்ளுபடிசெய்யப்பட்டது.


loading...

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  
Like It?
Share It!







Follow Penmai on Twitter