Sponsored Links
Sponsored Links
Penmai eMagazine November! | All Issues

User Tag List

Like Tree9Likes
  • 3 Post By chan
  • 2 Post By jv_66
  • 1 Post By chan
  • 1 Post By chan
  • 1 Post By sumitra
  • 1 Post By chan

பரிசோதனை ரகசியங்கள் - Secrets behind Health Tests


Discussions on "பரிசோதனை ரகசியங்கள் - Secrets behind Health Tests" in "Health" forum.


  1. #1
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    பரிசோதனை ரகசியங்கள் - Secrets behind Health Tests

    பரிசோதனை ரகசியங்கள்

    டாக்டர் கு. கணேசன்
    ‘தலைவலிக்குதேன்னு டாக்டர்கிட்ட போனேன்…. உடனே பிளட் டெஸ்ட், யூரின் டெஸ்ட், எக்ஸ்ரே, ஸ்கேன்னு ஒரு லிஸ்ட்டைக் கொடுத்து எடுக்கச் சொல்லிட்டார். சாதாரணத் தலைவலிக்கு இத்தனை டெஸ்ட்டும் எடுக்கணுமா?’ என்று சந்தேகத்துடன் புலம்புகிறவர்கள் நம்மிடையே அதிகம்.

    இதுபோல் எந்த டாக்டரிடம் போனாலும், ‘வருஷத்துக்கு ஒரு தடவையாவது தவறாமல் மாஸ்டர் ஹெல்த் செக்-அப் பண்ணிடுங்க...’ என்று ஆலோசனை சொல்வதும் வழக்கமாகிவருகிறது. எந்த நோயும் தாக்காமல், தேவையில்லாமல் எதற்குச் செலவு மிகுந்த பரிசோதனைகளைச் செய்ய வேண்டும் என்று நோயாளிகள் குழம்புவது வழக்கம்.

    நோய்களின் ஆதிக்கம்
    நோயாளியின் நாடியைப் பிடித்துப் பார்த்து, மருத்துவர் நோய்களைக் கண்டறிந்த காலம் ஒன்று இருந்தது. அப்போது மக்களைத் தாக்கும் நோய்களும் ஒரு வரைமுறைக்குள் இருந்தன. எனவே, ‘இந்த நோய் இப்படித்தான் வெளிப்படும்' என்று அறிகுறிகளை வைத்துச் சரியாகத் தீர்மானிக்க முடிந்தது.

    ஆனால், இப்போதோ நம்முடைய உணவு முறை மாறிவிட்டது. உடலுழைப்பு குறைந்துவிட்டது. சுற்றுச்சூழல் ரொம்பவே கெட்டுப்போயுள்ளது, சுத்தமான காற்றுக்கு இடமில்லை. மாசில்லாத குடிநீருக்கு ரொம்பவே பஞ்சம்.

    இம்மாதிரி அசுத்தமான சூழலில் வாழும் மக்களுக்கு ‘பலாச் சுளைகளை மொய்க்கும் ஈக்களைப்போல' வெகு எளிதில் தொற்றுநோய்கள் தொற்றிக்கொள்கின்றன. எபோலா, மெர்ஸ் போன்ற புதிய புதிய நோய்களும் அவ்வப்போது புறப்படுகின்றன. போதாக்குறைக்கு நம் வாழ்க்கைமுறை மாற்றங்களால் ஏற்படுகிற உயர் ரத்தஅழுத்தம், நீரிழிவு, மாரடைப்பு, பக்கவாதம் போன்ற தொற்றா நோய்களும் அதிகரித்துவருகின்றன.

    பொறுமை காப்போம்
    முன்பெல்லாம் ஒரு குடும்பத்தில் ஒன்றுக்கு மேற்பட்ட நபர்கள் இருந்தார்கள். இப்போது ஒரு குடும்பத்தில் ஒரு குழந்தைக்கு மேல் காண்பது அரிதாகிவருகிறது. இதனால், குழந்தைக்கு எந்த ஆபத்தும் வந்துவிடக் கூடாது எனப் பெற்றோர் எச்சரிக்கையாக இருக்கின்றனர். குழந்தைக்குச் சிறிய ஆரோக்கியப் பிரச்சினை என்றாலும் பதற்றமடைகின்றனர். உடனே தீர்வு காணத் துடிக்கின்றனர்.

    இதனால் சாதாரணக் காய்ச்சல் வந்தால்கூட, மூன்று நாட்களுக்கு மேல் கட்டுப்படாவிட்டால், பன்றிக் காய்ச்சலாக இருக்குமா, பறவைக் காய்ச்சலாக இருக்குமா, டெங்குவா, மலேரியாவா என்று ஆராய வேண்டிய கட்டாயத்தில் இருக்கிறோம்.

    மற்றொருபுறம் உடலுக்குள் என்ன நடக்கிறது, உறுப்புகளுக்குள் என்ன நடக்கிறது என்பது போன்றவற்றைத் தாண்டி, ஒவ்வொரு செல்லிலும் என்ன நடக்கிறது என்பதைத் தெரிந்துகொள்ளும் அளவுக்கு மருத்துவத் தொழில்நுட்பம் வளர்ந்துவிட்டது. அதனால், எந்த ஒரு நோயையும் தெளிவாகத் தெரிந்துகொண்டு, சிகிச்சை அளிப்பது நடைமுறையில் எளிதாகிறது. ஒரு நோயைத் துல்லியமாகக் கணிப்பதற்கு முழுமையான உடல் பரிசோதனைகள் உதவுகின்றன.

    புதிய தொடர்
    இந்தப் பின்னணியில் மருத்துவப் பரிசோதனைகளின் அவசியம் குறித்தும், அவற்றின் அடிப்படை அறிவியல் குறித்தும் அனைவரும் தெரிந்துகொள்வது நல்லது.

    அடுத்து வரும் வாரங்களில் நோய் குறித்த சிறிய அறிமுகம், நோய்க்கான பரிசோதனை, எந்த வயதில், எந்த நேரத்தில், பரிசோதனை செய்யப்படுகிறது, எப்படிச் செய்யப்படுகிறது, பரிசோதனைக்கு எப்படிச் செல்ல வேண்டும், முன்தயாரிப்பு என்ன, இயல்பான பரிசோதனை முடிவுகள் எப்படி இருக்கும், முடிவுகளில் மாற்றம் இருந்தால் என்ன காரணம், கூடுதல் ஆலோசனைக்கு எந்த மருத்துவரைச் சந்திப்பது என்பது போன்ற விவரங்களைத் தெரிந்துகொள்ளலாம்.

    சிலருக்குச் சில பரிசோதனைகள் மீண்டும் மீண்டும் செய்யப்படுவது ஏன், ஒரு மருத்துவரிடம் செய்துகொண்ட பரிசோதனைகளை வைத்து அடுத்த மருத்துவர் சிகிச்சை அளிக்காமல் மீண்டும் அதே பரிசோதனைகளை மேற்கொள்ளச் சொல்வது ஏன், மருத்துவர் பரிந்துரைக்காமல் நாமாகவே மருத்துவ ஆய்வகத்துக்குச் சென்று பரிசோதித்துக்கொள்ளலாமா என்பது போன்ற சந்தேகங்களுக்கும் இந்தத் தொடர் விடை தரும்.

    மனக் குழப்பம் வேண்டாம்

    இந்த இடத்தில் ஒரு முக்கியமான விஷயத்தைச் சொல்லிவிடுவது நல்லது. இந்தத் தொடரில் ‘இயல்பான பரிசோதனை முடிவுகள்’ (Normal values) என்று கொடுக்கப்படுபவை பொதுவானவை. பரிசோதிக்கும் ‘லேப்’களைப் பொறுத்து இயல்பான முடிவுகளிலும் அசாதாரணமான முடிவுகளிலும் சிறிதளவு மாற்றம் இருக்கத்தான் செய்யும்.

    பரிசோதிக்கப் பயன்படும் கருவி வசதிகள், பரிசோதிக்கப் பயன்படுத்தப்படும் செயல்முறை, தரக்கட்டுப்பாடு போன்ற பல அடிப்படைக் கூறுகளை வைத்தே முடிவுகள் அமையும். இதனால்தான் ஒவ்வொரு லேபிலும் பரிசோதனை முடிவுகளைத் தரும்போது, அங்கு செய்யப்பட்ட பரிசோதனைகளின் இயல்பான அளவுகளையும் கொடுப்பார்கள். அப்படியும் சந்தேகம் வந்தால், சிகிச்சை பெறும் மருத்துவரிடம் விளக்கம் கேட்டுக்கொள்வதே நல்லது. வீணாக மனதைக் குழப்பிக்கொள்ள அவசியமில்லை.

    மருத்துவக் கருத்துகளைப் பொறுத்த அளவில் ‘புதியன புகுதலும் பழையன கழிதலும்’ இயல்பு. உங்களுடைய பழைய பரிசோதனை முடிவுகளையும் இப்போதையை பரிசோதனை முடிவுகளையும் சிகிச்சை தரும் மருத்துவர் ஒப்பிட்டுப் பார்ப்பதில் தவறில்லை, நோயால் பாதிக்கப்பட்டவர் எனும் நிலைமையில் நீங்களாக இன்றைய பரிசோதனை முடிவுகளையும் பழைய பரிசோதனை முடிவுகளையும் ஒப்பிட்டுப் பார்க்க வேண்டாம்.

    காரணம், அப்போதைய இயல்பு அளவுகளுக்கும் இப்போது சொல்லப்படும் இயல்பு அளவுகளுக்கும் சிறிதளவு வேறுபாடு இருக்கலாம். இம்மாதிரியான வேளைகளில் உங்களுக்குச் சந்தேகம் வரலாம். தேவையில்லாமல் குழப்பம் ஏற்படலாம். ஆனால், இவற்றை நினைத்து உடனடியாகப் பதற்றமடையத் தேவையில்லை.


    கட்டுரையாளர், பொதுநல மருத்துவர்

    தொடர்புக்கு: gganesan95@gmail.com

    Similar Threads:

    Sponsored Links
    Last edited by chan; 21st Sep 2015 at 03:14 PM.
    sumathisrini, jv_66 and sumitra like this.

  2. #2
    jv_66's Avatar
    jv_66 is offline Super Moderator Silver Ruler's of Penmai
    Real Name
    Jayanthy
    Gender
    Female
    Join Date
    Dec 2011
    Location
    Bangalore
    Posts
    31,985

    Re: பரிசோதனை ரகசியங்கள் - Secrets behind Health Tests

    Very useful details. Please continue.

    chan and sumitra like this.
    Jayanthy





  3. #3
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: பரிசோதனை ரகசியங்கள் - Secrets behind Health Tests

    ரத்தசோகைக்கு என்ன பரிசோதனை?


    டாக்டர் கு.கணேசன்

    ரத்தத்தில் சிவப்பு அணுக்களின் எண்ணிக்கை இருக்க வேண்டிய அளவைவிட குறையும்போது, ஏற்படுகிற நிலைமையை ‘ரத்தசோகை’ (Anaemia) என்கிறோம்.

    உடலின் பல உறுப்புகளுக்கு ஆக்ஸிஜனையும் சத்துகளையும் சுமந்து செல்வது சிவப் பணுக்கள்தான். இவற்றில் உள்ள ஹீமோகுளோபின் (Haemoglobin) எனும் இரும்புச்சத்துப் பொருள்தான், இந்தப் பணியைச் செய்கிறது. எனவே, ரத்தத்தில் சிவப்பணுக்கள் குறைந்தால் ஹீமோகுளோபின் அளவும் குறையும்.

    ஆரோக் கியமாக வாழும் நடுத்தர வயது ஆண்களுக்கு 14 முதல் 16 கிராம்/டெசி லிட்டர் வரையிலும், பெண்களுக்கு 13 முதல் 15 கிராம்/டெ.லி வரையிலும் ஹீமோகுளோபின் இருக்க வேண்டும். குழந்தைகளுக்கும் கர்ப்பிணிகளுக்கும் 12 கிராமுக்கு அதிகமாகவும், வளரிளம் பருவத்தினருக்கு 13 கிராமுக்கு அதிகமாகவும் இருக்க வேண்டும். இது ஆண்களுக்கு 13.5 கிராமுக்குக் கீழும், பெண்களுக்கு 12 கிராமுக்குக் கீழும் குறைந்துவிட்டால், அந்த நிலையே ‘ரத்தசோகை’.

    காரணம் என்ன?

    1. சத்துக் குறைபாடு
    l ரத்தச் சிவப்பணுக்கள் உற்பத்தியாவதற்கு இரும்புச்சத்து, புரதச்சத்து, வைட்டமின்-பி12, வைட்டமின்-சி, ஃபோலிக் அமிலம் தேவை. நாம் சாப்பிடும் உணவில் இந்தச் சத்துகள் தேவையான அளவுக்கு இல்லாதபோது ரத்தசோகை ஏற்படுகிறது.

    2. ரத்தம் இழப்பு
    l இரைப்பைப் புண், புற்றுநோய், மூல நோய் (Piles), ஆஸ்பிரின், புருஃபென் போன்ற வலி நிவாரணி மாத்திரைகள் மற்றும் ஸ்டீராய்டு மாத்திரைகளின் பக்கவிளைவு காரணமாக மலத்தில் ரத்தம் வெளியேறுவதற்கு அதிக வாய்ப்புண்டு. சில பெண்களுக்கு மாதவிலக்கின்போது அதிக உதிரப்போக்கு இருக்கும். இதனால் ரத்தசோகை வருவதுண்டு.

    3. இதர கோளாறுகள்
    l குடலில் கொக்கிப்புழு தொல்லை, பரம்பரை ரீதியாக ஏற்படுகிற சிவப்பணுக் கோளாறு, ரத்தப் புற்றுநோய், தைராய்டு பிரச்சினை, சிறுநீரகக் கோளாறு, மலேரியா, மஞ்சள் காமாலை போன்ற நோய்கள் காரணமாகவும் ரத்தசோகை ஏற்படுவது உண்டு.

    வகை

    ரத்தசோகை ஏற்படுகிற காரணத்தைப் பொறுத்து ரத்தசோகை பல வகைப்படும். முக்கியமானவை:

    l மைக்ரோசைட்டிக் அனீமியா
    l மேக்ரோசைட்டிக் அனீமியா
    l நார்மோசைட்டிக் அனீமியா

    என்ன பரிசோதனை?
    l சாதாரண ஹீமோகுளோபின் பரிசோதனை மூலமாகவே ஒருவருக்கு ரத்தசோகை இருக்கிறதா, இல்லையா என்பதைக் கண்டுபிடித்துவிடலாம்.

    l இந்தப் பரிசோதனையை எந்த நேரத்திலும் மேற்கொள்ளலாம்.

    l ரத்தசோகையின் வகையைக் கண்டறிய ‘மீன் கார்ப்பஸ்குலர் வால்யூம்’ (Mean Corpuscular Volume MCV) எனும் பரிசோதனையைச் செய்ய வேண்டும். இது ரத்தச் சிவப்பணுக்களின் சராசரி அளவைச் சொல்லும்.
    இது 80 எஃப்.எல்லுக்கும் (Femto litre - Fl) குறைவாக இருந்தால், ‘மைக்ரோசைட்டிக் அனீமியா’ (Microcytic Anaemia).

    l 80 முதல் 90 எஃப்.எல்.வரை இருந்தால் ‘நார்மோசைட்டிக் அனீமியா’ (Normocytic Anaemia).

    l 90 எஃப்.எல்லுக்கும் அதிகமாக இருந்தால் ‘மேக்ரோசைட்டிக் அனீமியா’ (Macrocytic Anaemia). அதாவது, மெகலோபிளாஸ்டிக் அனீமியா (Megaloblastic Anaemia).

    l ரத்த அணுக்களின் வடிவம், அளவு, எண்ணிக்கை ஆகியவற்றைப் பரிசோதித்தும் (Peripheral smear study) ரத்தச் சோகையின் வகையை அறியலாம்.

    வகையின் முக்கியத்துவம்!
    l வெறும் இரும்புச்சத்து மட்டும் குறைவாக இருந்து ரத்தசோகை ஏற்படுமானால், அதை ‘மைக்ரோசைட்டிக் அனீமியா’ என்கிறோம். இதற்கு இரும்புச்சத்து மிகுந்த உணவு, மாத்திரைகளைச் சாப்பிட வேண்டும். .

    l தைராய்டு பிரச்சினை, காசநோய், சிறுநீரகப் பிரச்சினை, ஹெச்.ஐ.வி. தொற்று போன்றவற்றால் ஏற்படுவது ‘நார்மோசைட்டிக் அனீமியா’. இந்த வகையான நோயைக் குணப்படுத்த, அதற்குக் காரணமான அடிப்படை நோயை முற்றிலுமாகக் குணப்படுத்த வேண்டும்.

    l வைட்டமின்-பி12, ஃபோலிக் அமிலம் குறைபாடு காரணமாக வருவது ‘மேக்ரோசைட்டிக் அனீமியா’. இதற்கு இந்தச் சத்துகளைத் தரும் மாத்திரைகளையும் உணவையும் சாப்பிட வேண்டும்.

    l இப்படி ரத்தசோகையை வகைப்படுத்தும்போது, அதற்குரிய காரணம் தெரிந்துவிடும். அதற்கேற்ப சிகிச்சை முறையை அமைத்து ரத்தசோகையை முற்றிலும் குணப்படுத்த முடியும்.

    - கட்டுரையாளர், பொதுநல மருத்துவர்
    தொடர்புக்கு: gganesan95@gmail.com



    Last edited by chan; 27th Sep 2015 at 02:48 PM.
    sumitra likes this.

  4. #4
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: பரிசோதனை ரகசியங்கள் - Secrets behind Health Tests

    ரத்தக் கொழுப்புப் பரிசோதனைகள்

    டாக்டர் கு கணேசன்
    கொழுப்பு என்றாலே கெட்டது என்றுதான் பலரும் நினைத்துக் கொண்டிருக்கிறார்கள். கொழுப்பில் நல்லதும் உண்டு; கெட்டதும் உண்டு. கொலஸ்ட்ரால், கொழுப்புப் புரதம், டிரைகிளிசெரைட்ஸ் எனக் கொழுப்பில் பலவிதம் உண்டு.

    கொலஸ்ட்ரால்
    'கொலஸ்ட்ரால்' மாமிச உணவிலிருந்து நேரடியாகக் கிடைக்கிற கொழுப்பு. உடலில் கல்லீரலும் இதைத் தயாரிக்கிறது. தேவைக்கு அதிகமாக மாவுச்சத்து உடலில் சேரும்போது, அதை கொலஸ்ட்ராலாகக் கல்லீரல் மாற்றிவிடுகிறது. ரத்தத்தில் கொலஸ்ட்ரால் அதிகமானால் இதயத்துக்கு ஆபத்து.

    கொழுப்புப் புரதம்
    உணவிலிருந்து பெறப்படும் கொலஸ்ட்ரால் ரத்தத்தில் கரையாது; உடலில் ஓரிடத்திலிருந்து மற்றொரு இடத்துக்கு இதனால் தனியாகச் செல்ல முடியாது. எனவே, இது புரத மூலக்கூறுகளுடன் இணைந்து உடலின் பல பகுதிகளுக்குப் பயணிக்கிறது. இதற்குக் ‘கொழுப்புப் புரதம்' (Lipo protein) என்று பெயர். இது மூன்று வகைப்படும்:

    1. எல்.டி.எல். ( Low Density Lipo protein - LDL)
    2. ஹெச்.டி.எல். (High Density Lipo protein - HDL)
    3. வி.எல்.டி.எல். (Very Low Density Lipo protein - VLDL)

    முக்கியத்துவம் என்ன?

    கொழுப்புப் புரதங்களில், எல்.டி.எல்.லும் வி.எல்.டி.எல்லும் கெட்டவை. இவை கல்லீரலிலிருந்து இதயத்துக்குக் கொழுப்பை எடுத்துச் சென்று, இதயத் தமனிக்குழாய்களில் அடைப்பை ஏற்படுத்தி, மாரடைப்புக்குப் பாதை போடும். மூளைக்குச் செல்லும் ரத்தக் குழாயை அடைத்துப் பக்கவாதம் வருவதற்கு ஏற்பாடு செய்யும். ஆகவே, இவற்றைக் \கெட்ட கொழுப்பு' (Bad Cholesterol) என்கிறோம்.

    ஆனால் ஹெச்.டி.எல். இதயத்துக்கு நன்மை செய்கிறது. இதயத்திலிருந்து கொழுப்பை விடுவித்து, கல்லீரலில் வைத்து அதை கரைத்துவிடுகிறது. இதன்மூலம் மாரடைப்பு / பக்கவாதம் வராமல் பார்த்துக்கொள்கிறது. எனவே, இதற்கு ‘நல்ல கொழுப்பு' (Good Cholesterol) என்று பெயர்.

    டிரைகிளிசெரைட்ஸ்
    'டிரைகிளிசெரைட்ஸ்' என்பது கொழுப்பு அமிலங்கள் மற்றும் கிளிசெரால் கலந்த கொழுப்பு. ரத்தக் குழாய்களைத் தடிக்க வைத்து, ரத்த ஓட்டத்தை நிறுத்தக்கூடிய தன்மை இதற்கு உண்டு. மேலும் இது கொலஸ்ட்ரால், பாஸ்போ லிப்பிட்ஸ், புரதம் ஆகியவற்றுடன் இணைந்து வி.எல்.டி.எல். கொழுப்பை உற்பத்தி செய்கிறது. இப்படிக் கெட்ட கொழுப்பை அதிகரிப்பதால், இதுவும் இதயத்துக்கும் மூளைக்கும் ஆகாத பொருள்தான்.

    உடலில் நல்ல கொழுப்பு, கெட்ட கொழுப்பு இருக்கும் விகிதத்தைக் கண்டறிய ஒரு பரிசோதனை உதவுகிறது. அதுதான், லிப்பிட் ஃபுரொபைல் (Lipid Profile ) பரிசோதனைமேற்சொன்ன ஐந்து கொழுப்புகளையும் ரத்தத்தில் பரிசோதித்துப் பார்ப்பதற்கு ‘லிப்பிட் புரொஃபைல்’ பரிசோதனை என்று பெயர்.

    யாருக்குத் தேவை?
    # 40 வயதுக்கு மேற்பட்டவர்கள் மற்றும் மாரடைப்பு நோய் வந்துள்ள குடும்பத்தில் பிறந்தவர்கள் வருடத்துக்கு ஒருமுறை இதைச் செய்துகொள்ள வேண்டும்.
    # உடல்பருமன், இதய நோய், நீரிழிவு நோய், உயர் ரத்தஅழுத்தம், ரத்த மிகைக்கொழுப்பு உள்ள வர்கள், புகைபிடிப்பவர்கள், மது அருந்துபவர்கள் இந்தச் சோதனையை வருடத்துக்கு இரண்டு முறை செய்துகொள்ள வேண்டும்.
    # ரத்தக் கொலஸ்ட்ரால் அதிகமாக உள்ளவர்கள், மூன்று மாதங்களுக்கு ஒரு முறை மொத்தக் கொலஸ்ட்ராலை மட்டும் பரிசோதித்துக் கொள்ளலாம்.

    எப்படிச் செய்வது?
    # இந்தப் பரிசோதனையை வெறும் வயிற்றில் செய்ய வேண்டும்.
    # இவர்கள், பரிசோதனைக்கு முந்தைய மூன்று நாட்களுக்கு வழக்கமான உணவைச் சாப்பிட்டுக்கொள்ள வேண்டும்.
    # பரிசோதனைக்கு முதல் நாள் இரவு உணவை முடித்த பிறகு, எதையும் சாப்பிடக் கூடாது (ஃபாஸ்டிங்).
    # எட்டு மணி நேரம் முதல் 12 மணி நேரம் கழித்து, அதாவது மறுநாள் காலையில் பரிசோதனைக்கு வர வேண்டும்.
    # பரிசோதனைக்கு வரும்போது மது அருந்தியிருக்கக்கூடாது; புகைபிடிக்கக்கூடாது.

    கொழுப்பு வகை சரியான அளவுகள்
    # மொத்தக் கொலஸ்டிரால்150 முதல் 180 மி.கி. / டெ.லி. வரை
    # எல்.டி.எல். 100 மி.கி. / டெ.லி.க்குக் குறைவாக
    # ஹெச்.டி.எல். ஆண்களுக்கு 40 மி.கி. / டெ.லி.க்கு அதிகமாக;
    # பெண்களுக்கு 50 மி.கி. / டெ.லி.க்கு அதிகமாக
    # வி.எல்.டி.எல் 30 மி.கி. / டெ.லி.க்குக் குறைவாக
    # டிரைகிளிசெரைட்ஸ்150 மி.கி. / டெ.லி.க்குக் குறைவாக
    இந்த அளவுகளில் கொழுப்பு அதிகம் எனத் தெரிந்தால் மருத்துவரின் ஆலோசனைப்படி கொழுப்பைக் குறைப்பதற்கான மாத்திரைகளைச் சாப்பிட வேண்டும். மேலும் கொழுப்பு குறைந்த உணவைச் சாப்பிடுவது, உடற்பயிற்சி செய்வது, உடல்பருமனைக் குறைப்பது போன்ற வாழ்க்கை முறை மாற்றங்களும் தேவை.

    கவனம் தேவை

    # ஹெச்.டி.எல். 60 மி.கி. / டெ.லி.க்கு அதிகமாக இருப்பவர்களுக்கு இதயத்துக்கு வரவுள்ள ஆபத்தை உடல் இயற்கையாகவே தடுத்துவிடும்.

    # எல்.டி.எல். 160 மி.கி. . டெ.லி.க்கு அதிகமாக இருப்பவர்களுக்கு எப்போது வேண்டுமானாலும் இதயத்துக்கு ஆபத்து வரலாம்.

    - கட்டுரையாளர், பொதுநல மருத்துவர்
    தொடர்புக்கு:
    gganesan95@gmail.com



    Last edited by chan; 5th Oct 2015 at 02:08 PM.
    sumitra likes this.

  5. #5
    sumitra's Avatar
    sumitra is offline Registered User
    Blogger
    Ruler's of Penmai
    Gender
    Female
    Join Date
    Jul 2012
    Location
    mysore
    Posts
    23,699
    Blog Entries
    18

    Re: பரிசோதனை ரகசியங்கள் - Secrets behind Health Tests

    Really unknown information regarding various pathological tests! thank you!

    chan likes this.

  6. #6
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: பரிசோதனை ரகசியங்கள் - Secrets behind Health Tests

    மஞ்சள் காமாலைக்கு என்ன பரிசோதனை?


    டாக்டர் கு கணேசன்

    மஞ்சள் காமாலை என்பது ஒரு தனிப்பட்ட நோய் அல்ல. அது ஓர் அறிகுறி. உடலியல் ரீதியில் சிவப்பு ரத்த அணுக்கள் மண்ணீரலில் அழிக்கப்படும்போது, ஹீமோகுளோபினிலிருந்து ‘பிலிருபின்’ என்றொரு மஞ்சள் நிறப்பொருள் உருவாகும். இது ரத்தத்தில் கலந்து, கல்லீரலுக்கு வந்து, பித்தநீர் மூலம் மலத்திலும் சிறுநீரிலும் வெளியேறும்.

    ரத்தத்தில் பிலிருபின் 0.2 - 0.8 மி.கி. / டெ.லி. என்ற அளவில் இருந்தால் அது சரியான அளவு. கல்லீரல் பாதிக்கப்படும்போது பிலிருபின் வெளியேற முடியாமல், ரத்தத்தில் தேங்கும். அப்போது 2 மி.கி./ டெ.லி. என்ற அளவுக்கு மேல் கூடிவிடும். இதன் விளைவாகக் கண், தோல், நகம், சிறுநீர் ஆகியவை மஞ்சள் நிறத்துக்கு மாறும். பசியெடுக்காது. வாந்தி, வயிற்று வலி வரும். களைப்பாக இருக்கும். இதைத்தான் மஞ்சள் காமாலை என்கிறோம்.

    கல்லீரலில் பிலிருபின் இரண்டு விதமாக இருக்கும். தனித்த பிலிருபின் (Free bilirubin) 0.2 0.6 மி.கி./டெ.லி. என்ற அளவிலும், இணைந்த பிலிருபின் (Conjugated bilirubin) 0.2 மி.கி. / டெ.லி. என்ற அளவிலும் இருக்கும்.

    காமாலை வகைகள்:
    1. கல்லீரல் உள்நோய் காமாலை (Intra Hepatic Jaundice)
    வைரஸ் கிருமிகள் தாக்குவது, மது குடிப்பது, மருந்துகளின் பக்க விளைவு, எலிக் காய்ச்சல், தன்தடுப்பாற்றல் நோய், பரம்பரை ரத்தக் கோளாறுகள், கல்லீரல் சுருக்கம், கொழுப்புக் கல்லீரல், கல்லீரல் புற்றுநோய் போன்ற காரணங்களால் கல்லீரல் பாதிக்கப்படும்போது, இது ஏற்படுகிறது. உதாரணத்துக்கு, ஹெபடைட்டிஸ், ஹெபடைட்டிஸ்-ஏ, ஹெபடைட்டிஸ்-பி காமாலைகள்.

    2. கல்லீரல் வெளிநோய் காமாலை (Post Hepatic Jaundice):
    பித்தப்பையில் வீக்கம், கல், புற்றுநோய், பித்தக் குழாய் அடைப்பு, கணைய அழற்சி, கணையப் புற்றுநோய் போன்ற காரணங்களால் இது ஏற்படுகிறது. அடைப்புக் காமாலை (Obstructive Jaundice) என்பது இதற்கு இன்னொரு பெயர்.

    3. கல்லீரல் சாராத காமாலை (Pre Hepatic Jaundice):
    மலேரியா, தாலசீமியா, சிக்கில் செல் ரத்தசோகை, ரத்த ஆர்.ஹெச். ஒத்திசையாமை, பரம்பரை என்சைம் கோளாறுகள் காரணமாக, இவ்வகை காமாலை ஏற்படுகிறது. ரத்த அழிவுக் காமாலை (Haemolytic Jaundice) என்றும், இதை அழைப்பதுண்டு.

    4. குழந்தைகளுக்குப் பிறக்கும்போதே காமாலை (Physiological jaundice) காணப்படலாம். இது பிறந்த இரண்டாவது வாரத்தில் தானாகவே மறைந்துவிடும்.

    என்ன பரிசோதனை?
    # காமாலையால் பாதிக்கப்பட்டவருக்குக் கல்லீரலின் செயல்பாடு எவ்வாறு உள்ளது என்று கணிக்கும் பரிசோதனைகள் மூலம் காமாலையின் வகை, காரணம், தீவிரம் ஆகியவற்றைத் தெரிந்துகொள்ள முடியும். இதற்கு ‘கல்லீரல் செயல்பாட்டு பரிசோதனைகள்’ (Liver Function Tests LFT) மேற்கொள்ளப்படும்.

    # ரத்தத்தில் மொத்த பிலிருபின், தனித்த பிலிருபின், இணைந்த பிலிருபின், ஆல்புமின், குளோபுலின் எவ்வளவு உள்ளன என்று கணிக்கும் பரிசோதனை இது.

    # இத்துடன் ஏ.எல்.பி.(ALP), ஏ.எஸ்.டி. (AST), ஏ.எல்.டி. (ALT), ஜி.ஜி.டி. (GGT) பரிசோதனைகளும் செய்யப்படும். ரத்தத்தில் என்சைம்களை அளக்கும் பரிசோதனை இது.

    # ஹெச்பிஎஸ்.ஏஜி. (HbsAg) பரிசோதனையில் காமாலையின் வைரஸ் வகையை அறிய முடியும்.

    # கல்லீரல் வீக்கத்தைக் கண்டறிய வயிற்றை அல்ட்ரா சவுண்ட் ஸ்கேன்/ சி.டி. ஸ்கேன்/ எம்.ஆர்.ஐ. ஸ்கேன் எடுத்துப் பார்க்க வேண்டும்.

    # இந்தப் பரிசோதனைகளை எந்த நேரத்திலும் செய்துகொள்ளலாம். முன் ஏற்பாடு எதுவும் தேவையில்லை.

    # கல்லீரல் புற்றுநோயை அறிய கல்லீரல் திசுப் பரிசோதனை (Biopsy) செய்யப்படும்.

    # சிறுநீரில் பித்த உப்புகள் (Bile salts and bile pigments) பரிசோதிக்கப்படும்.
    பரிசோதனை முடிவுகள்

    # ஹெபடைட்டிஸ் வகை காமாலையில் தனித்த பிலிருபின், இணைந்த பிலிருபின், ஏ.எஸ்.டி., ஏ.எல்.பி., அளவுகள் இரண்டு மடங்கு அதிகமாகவும், ஏ.எல்.டி., பல மடங்கு அதிகமாகவும் இருக்கும்.

    # ரத்த அழிவுக் காமாலையில் தனித்த பிலிருபின் மட்டும் அதிகமாக இருக்கும். இணைந்த பிலிருபின், ஏ.எல்.பி. அளவுகள் சரியாக இருக்கும். சிறுநீரில் மஞ்சள் காமாலை தெரியாது.

    # அடைப்புக் காமாலையில் தனித்த பிலிருபின் சரியாக இருக்கும். இணைந்த பிலிருபின் அதிகமாக இருக்கும். ஏ.எல்.பி. பத்து மடங்கு அதிகமாக இருக்கும்.

    # மலேரியாவில் ரத்த அழிவுக் காமாலை ஏற்படும்.

    # சில பரம்பரைக் காமாலைகளின் போது ரத்தத்தில் தனித்த பிலிருபின் அதிகமாக இருக்கும். ஆனால், சிறுநீரில் மஞ்சள் காமாலை தெரியாது. இந்தக் காமாலையில் பெரிய ஆபத்து இல்லை.

    # கல்லீரல் பாதிக்கப்படும்போது ஆல்புமின் அளவு குறையும்; குளோபுலின் அளவு மிகும். இவற்றின் ஒப்பீட்டு அளவு கல்லீரல் சுருக்க நோயை அறிய உதவும்.

    # ஹெச்பிஎஸ்.ஏஜி. ரத்தத்தில் காணப்படுமானால், அது ஹெபடைட்டிஸ்-பி வைரஸ் காமாலை.

    # ஜி.ஜி.டி. அளவு அதிகம் என்றால், மதுவால் கல்லீரல் பாதிக்கப்பட்டுள்ளது என்று பொருள்.

    # சிறுநீரில் பித்த உப்புகள் காணப்பட்டால், அது மஞ்சள் காமாலையை உறுதி செய்கிறது.

    # காமாலையின் வகையைப் பொறுத்துச் சிகிச்சை அமையும்.

    # அடைப்புக் காமாலைக்கு அறுவைசிகிச்சை தேவைப்படும். அப்போது அறுவைசிகிச்சை மருத்துவரை அணுக வேண்டும்.


    Last edited by chan; 11th Oct 2015 at 03:25 PM.

  7. #7
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: பரிசோதனை ரகசியங்கள் - Secrets behind Health Tests

    சிறுநீரக நோய்க்கு என்ன பரிசோதனை?

    டாக்டர் கு. கணேசன்

    உடலின் கழிவுத் தொழிற்சாலை என்று அழைக்கப்படுகிற சிறுநீரகங்கள் ஆரோக்கியத்துடன் இருந்தால் மட்டுமே, உடலின் பொது ஆரோக்கியம் காக்கப்படும்.

    பொதுவாகக் கட்டுப்படாத நீரிழிவு நோய், கட்டுப்பாட்டில் இல்லாத ரத்தஅழுத்தம், புகைபிடித்தல், மது அருந்துதல், சிறுநீரகத் தொற்றுகள், சிறுநீரகக் கற்கள், உடற்பருமன், காசநோய், வலி நிவாரணி மாத்திரைகளின் பக்கவிளைவு, உணவு நச்சுகள், புராஸ்டேட் வீக்கம், புற்றுநோய் போன்றவற்றால் சிறுநீரகம் பாதிக்கப்படுகிறது.

    இந்தப் பாதிப்புகளை ஆரம்பத்திலேயே கண்டுபிடித்துச் சிகிச்சை பெற்றுவிட்டால் பிரச்சினைகள் குறையும். தவறினால், நாளடைவில் எந்த வேலையும் செய்ய முடியாத அளவுக்குச் சிறுநீரகம் செயலிழந்துவிடும்.
    சிறுநீரகங்கள் பாதிக்கப்பட்டால், உடலில் கீழ்க்காணும் அறிகுறிகள் தோன்றும்:

    # சிறுநீர் பிரிவது குறையும்.
    # பசி குறையும்.
    # வாந்தி வரும்.
    # தூக்கம் குறையும்.
    # கடுமையான சோர்வு ஏற்படும்.
    # உடலில் அரிப்பு உண்டாகும்.
    # முகம் மற்றும் கைகால்களில் வீக்கம் தோன்றும்.
    # மூச்சிளைப்பு ஏற்படும்.

    சிறுநீரகப் பாதிப்பு இரண்டு வகைப்படும்: 1. உடனடி பாதிப்பு 2. நாட்பட்ட பாதிப்பு.

    என்ன பரிசோதனைகள்?

    # ரத்த யூரியா அளவு.

    # ரத்த யூரியா நைட்ரஜன் அளவு.

    # ரத்த கிரியேட்டினின் அளவு.

    # ஜி.எஃப்.ஆர். (GFR Glomerular Filtration Rate) அளவு.

    # சோடியம், பொட்டாசியம், கால்சியம் அளவுகள்.

    # வயிற்று அல்ட்ரா சவுண்ட் ஸ்கேன், ஐ.வி.பி. பரிசோதனை (Intravenous pyelogram IVP), சி.டி. ஸ்கேன், எம்.ஆர்.ஐ. ஸ்கேன் பரிசோதனைகள்.

    # சிறுநீரில் மைக்ரோ அல்புமின் அல்லது அல்புமின் பரிசோதனைகள்.

    # சிறுநீரில் 24 மணி நேரப் புரத அளவுப் பரிசோதனை.

    # சிறுநீரில் புரதம் அல்லது அல்புமினுக்கும் கிரியேட்டினின் அளவுக்குமுள்ள விகிதாச்சாரம்.

    பரிசோதனை முடிவுகள்:

    # ரத்த யூரியா அளவு, 20 - 40 மில்லி கிராம்/டெ.சி. லிட்டர் என்று இருக்க வேண்டும் இதற்கு மேல் யூரியா அளவு அதிகமானால் சிறுநீரகம் பாதிக்கப்பட்டுள்ளது என்று அர்த்தம்.

    # ரத்த யூரியா நைட்ரஜன் சரியான அளவு 7 - 20 மி.கி/.டெ.சி. லிட்டர்.

    # ரத்தக் கிரியேட்டினின் அளவு ஆண்களுக்கு 0.7 - 1.4 மி.கி/.டெ.சி. லிட்டர், பெண்களுக்கு 0.6 - 1.3 மி.கி./டெ.லி., குழந்தைகளுக்கு 0.5 - 1.2 மி.கி./டெ.லி., என்று இருக்க வேண்டும். இதற்கு மேல் அளவுகள் அதிகமானால் சிறுநீரகம் பாதிக்கப்பட்டுள்ளதாகக் கொள்ள வேண்டும்.

    # ரத்த யூரியா அளவும் ரத்த யூரியா கிரியேட்டினின் அளவும் பல மடங்கு அதிகம் என்றால், அது உடனடி சிறுநீரகப் பாதிப்பைக் குறிக்கும்.

    # சோடியத்தின் அளவு 135 142 மில்லிமோல்/லிட்டர், பொட்டாசியத்தின் அளவு 3.5 5 மில்லிமோல்/லிட்டர், கால்சியத்தின் அளவு 9 11 மி.கி./டெ.லி. என்று இருக்க வேண்டும்.

    # ஜி.எஃப்.ஆர். அளவு ஆண்களுக்கு நிமிடத்துக்கு 95 - 115 மி.லி; பெண்களுக்கு 85 110 மி.லி. இருந்தால் சரியான அளவுதான். 70 வயதுக்கு மேல் உள்ளவர்களுக்கு இது நிமிடத்துக்கு 60 மி.லி. என்ற அளவில்தான் இருக்கும். இது அவர்களுக்கு இயல்பான அளவு.

    # ஜி.எஃப்.ஆர். அளவு நிமிடத்துக்கு 60 மி.லி.க்குக் குறைவாக 3 மாதங்களுக்கு மேல் நீடித்தால், அது நாட்பட்ட சிறுநீரகப் பாதிப்பைக் குறிக்கும்.

    # ஜி.எஃப்.ஆர். அளவு நிமிடத்துக்கு 15 மி.லி.க்குக் குறைவாக இருந்தால், சிறுநீரகம் முழுமையாகச் செயலிழந்துவிட்டது என்று அர்த்தம்.

    # சாதாரணமாகச் சிறுநீரில் அல்புமின் புரதம் வெளியேறுவதில்லை. சிறுநீரகப் பாதிப்பின் ஆரம்பக் கட்டத்தில் நுண்புரதம் வெளியேறும். இதைத் தொடர்ந்து வெண்புரதம் வெளியேறும்.

    # சிறுநீரில் 24 மணி நேரப் புரத அளவுப் பரிசோதனையில் 300 மி.கி.க்கு அதிகமாகப் புரதம் இருந்தாலும், சிறுநீரில் புரதம் அல்லது அல்புமினுக்கும் கிரியேட்டினின் அளவுக்குமுள்ள விகிதாச்சாரம் 0.2 முதல் 2 மி.கி.% க்கு மேல் இருந்தாலும் சிறுநீரகம் பாதிக்கப்பட்டுள்ளது என்று அர்த்தம்.

    # வயிற்றை ஸ்கேன் செய்து பார்த்தால், சிறுநீரகத்தின் அளவு, வீக்கம், சிறுநீரகக் கல், புராஸ்டேட் வீக்கம், சிறுநீர்ப்பை கட்டி, சிறுநீர்ப் பாதை அடைப்பு போன்ற விவரங்கள் தெரியவரும்.

    # இதுவரை சொன்ன எல்லாப் பரிசோதனைகளையும் எந்த நேரத்திலும் செய்யலாம்.

    யார் பரிசோதனை செய்துகொள்ள வேண்டும்?

    # நீரிழிவு நோயாளிகள்.

    # உயர் ரத்தஅழுத்தம் உள்ளவர்கள்.

    # பரம்பரைரீதியாகச் சிறுநீரகப் பிரச்சினை உள்ள குடும்பத்தைச் சேர்ந்தவர்கள்.

    # சிறுநீரகத்தில் கல் உள்ளவர்கள்.

    # சிறுநீரில் ரத்தம் கலந்து வரும் பிரச்சினை உள்ளவர்கள்.

    # சிறுநீர் கழிப்பதில் சிக்கல் இருப்பவர்கள்.

    # அடிக்கடி சிறுநீரகத் தொற்று ஏற்படுகிறவர்கள்.

    கவனிக்க!

    # பரிசோதனைகளில் சிறுநீரகப் பாதிப்பு இருப்பது உறுதியானால், குடும்ப மருத்துவரின் வழிகாட்டுதலுடன் நோயின் ஆரம்பநிலையிலேயே சிறுநீரகச் சிறப்பு மருத்துவரைப் பார்த்து ஆலோசனை பெற்றுக்கொள்வது நல்லது. இதன்மூலம் சிறுநீரகம் கெடுவதைத் தடுத்துக்கொள்ள முடியும்.


    Last edited by chan; 18th Oct 2015 at 03:20 PM.
    anitprab likes this.

  8. #8
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: பரிசோதனை ரகசியங்கள் - Secrets behind Health Tests

    நீரிழிவு நோய்க்கான ரத்தப் பரிசோதனைகள்

    டாக்டர் கு. கணேசன்
    இன்றைய நிலவரப்படி இந்தியாவில் 7 கோடிப் பேருக்கு நீரிழிவு நோய் இருக்கிறது. நோய் இருந்தும் அறிகுறிகள் வெளியில் தெரியாத காரணத்தால் ‘பிரீ டயாபடிஸ்’ (Pre-diabetes) எனும் நிலைமையில் உள்ளவர்கள் 8 கோடி பேர். இவர்கள் அனைவரும் தங்கள் ரத்தச் சர்க்கரையைப் பரிசோதித்து, நோயின் நிலைமையைத் தெரிந்து சிகிச்சை பெற வேண்டியது அவசியம்.

    நீரிழிவு நோயின் ஆரம்ப அறிகுறிகள்

    1. அதிகமாகச் சிறுநீர் கழித்தல்.
    2. அதிகத் தாகம்.
    3. அதிகப் பசி.
    4. உடல் சோர்வு.
    5. உடல் எடை குறைதல்.

    ரத்தச் சர்க்கரைப் பரிசோதனை யாருக்குத் தேவை?
    # மேற்சொன்ன அறிகுறிகள் உள்ளவர்கள் உடனே ரத்தச் சர்க்கரையைப் பரிசோதித்துக்கொள்ள வேண்டும்.

    # நீரிழிவு உள்ள குடும்பத்தில் பிறந்தவர்கள், உயர் ரத்தஅழுத்தம், உடற் பருமன் உள்ளவர்கள் 30 வயதுக்கு மேல் ஆண்டுக்கு ஒருமுறை ரத்தச் சர்க்கரையைப் பரிசோதித்துக்கொள்ள வேண்டும்.

    # ஏற்கெனவே அதிக எடையுடன், பெரிய தலையுடன் குழந்தையைப் பெற்ற பெண்களுக்கும் மயக்கம், ஆறாத புண், அறுவைசிகிச்சை, கர்ப்பம், பல் அகற்றுதல் போன்ற சூழ்நிலைகளிலும் இப்பரிசோதனை தேவை.

    ரேண்டம் ரத்தச் சர்க்கரைப் பரிசோதனை (Random Blood Sugar RBS)

    # இதை எப்போது வேண்டுமானாலும் செய்யலாம்.

    # இதில் ரத்தச் சர்க்கரை அளவு 120 முதல் 140 மி.கி./டெ.லி. வரை இருந்தால், சரியான அளவு.

    # இது 200 மி.கி./டெ.லி.க்கு மேல் இருந்தால், அவருக்கு நீரிழிவு நோய் இருக்கிறது.

    # முதல்முறையாக இதைச் செய்து கொள்பவர்களுக்கு இந்த அளவுகள் 141 முதல் 200 வரை இருந்தால், வெறும் வயிற்றிலும், சாப்பிட்ட பிறகும் ரத்தச் சர்க்கரைப் பரிசோதனைகளை ஒரே நாளில் செய்துகொள்ள வேண்டும்.

    வெறும் வயிற்றில் ரத்தச் சர்க்கரைப் பரிசோதனை (Fasting Blood Sugar - FBS)

    # இரவில் உணவு சாப்பிட்ட பிறகு, சரியாக 8 மணி நேரம் கழித்து, வெறும் வயிற்றில் இதைச் செய்ய வேண்டும்.

    # இதில் ரத்தச் சர்க்கரை அளவு 80 முதல் 100 மி.கி./டெ.லி. என்று இருந்தால், அது சரியான அளவு. நீரிழிவு இல்லை.

    # இந்த அளவு 101 முதல் 125 மி.கி./டெ.லி. என்று இருந்தால், அது நீரிழிவு நோய் வருவதற்கு முந்தைய நிலை. அதாவது ‘பிரீ டயாபடிஸ்’. அவருக்கு நீரிழிவு வருவதற்கு அதிக வாய்ப்பு உள்ளது என்று அறிவிக்கும் அலாரம்.

    # இந்த அளவு 126 மி.கி./டெ.லி. அல்லது அதற்கு மேல் இருந்தால், அவர் ஒரு நீரிழிவு நோயாளி என்பது நிச்சயம்.

    சாப்பிட்ட பின் ரத்தச் சர்க்கரைப் பரிசோதனை (Post Prandia# Blood Sugar PPBS)

    # காலையில் வழக்கமான அளவு உணவைச் சாப்பிட்டுவிட்டு, 2 மணி நேரம் கழித்து இந்தப் பரிசோதனை செய்யப்படுகிறது.

    # இந்தப் பரிசோதனை செய்யும்போது நீரிழிவு உள்ளவர் கள், வழக்கமாகச் சாப்பிடும் நீரிழிவு நோய் மாத்திரைகளையும் சாப்பிட்டுக்கொள்ள வேண்டும்.

    # இன்சுலின் போட்டுக் கொள்பவர்கள், வழக்கமான அளவில் இன்சுலினையும் போட்டுக் கொள்ள வேண்டும். அதன்பிறகே இந்தப் பரிசோதனையைச் செய்ய வேண்டும்.

    # இதில் ரத்தச் சர்க்கரை 111 முதல் 140 மி.கி./டெ.லி. என்று இருந்தால், சரியான அளவு.

    # இந்த அளவு 141 முதல் 199 மி.கி./டெ.லி. என்று இருந்தால், ‘பிரீ டயாபடிஸ்’.

    # இது 200 மி.கி./டெ.லி.க்கு மேல் இருந்தால், அவருக்கு நீரிழிவு நோய் உள்ளது.

    முதன்முதலில் ஒருவருக்கு நீரிழிவு நோய் உள்ளது என்று முடிவு செய்வதற்கு, வெறும் வயிற்றிலும், சாப்பிட்ட பிறகும் ரத்தச் சர்க்கரையை ஒரு வார இடைவெளியில் இரண்டு முறை அளவிட வேண்டும். இரண்டு முறையும் அளவுகள் அதிகமாக இருந்தால், அவருக்கு நீரிழிவு உள்ளது என்று உறுதியாகச் சொல்லலாம். ஒருமுறை ரத்தச் சர்க்கரை அதிகமாகவும், மறுமுறை சரியாகவும் இருந்தால், ‘ஓஜிடிடி' (OGTT) பரிசோதனையைச் செய்துகொள்வது நல்லது.

    - கட்டுரையாளர், பொதுநல மருத்துவர்
    தொடர்புக்கு: gganesan95@gmail.com



    Last edited by chan; 26th Oct 2015 at 04:10 PM.

  9. #9
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: பரிசோதனை ரகசியங்கள் - Secrets behind Health Tests

    நீரிழிவை உறுதி செயயும் பரிசோதனை

    டாக்டர் கு. கணேசன்
    சிலருக்கு நீரிழிவு நோயின் அறிகுறிகள் வெளியில் தெரியாவிட்டாலும், அவர்களுடைய ரத்தசர்க்கரை அளவுகள் நீரிழிவு நோயின் எல்லைக்குள் இருக்கும். இப்படிச் சந்தேகத்துக்கு உள்ளாகும் நபர்களுக்கு, ‘ஓரல் குளுக்கோஸ் டாலரன்ஸ் பரிசோதனை' (Oral Glucose Tolerance Test - சுருக்கமாக OGTT) பரிந்துரை செய்யப்படுகிறது.

    இது எப்படிச் செய்யப்படுகிறது?

    # இவர்கள், முதல் மூன்று நாட்களுக்கு வழக்கமான உணவைச் சாப்பிட்டுக்கொள்ள வேண்டும்.

    # பரிசோதனைக்கு முந்தைய நாள் இரவில் உணவு சாப்பிட்ட பின்பு, பரிசோதனைக்குச் செல்லும்வரை எதையும் சாப்பிடக் கூடாது (ஃபாஸ்டிங்).

    # 8-லிருந்து 12 மணி நேரம் கழித்து, மறுநாள் காலையில் பரிசோதனைக்குச் செல்ல வேண்டும்.

    # முதலில் வெறும் வயிற்றில், ரத்தச் சர்க்கரை பரிசோதிக்கப்படும்.

    # இதைத் தொடர்ந்து, அவருக்கு 300 மி.லி. தண்ணீரில் 75 கிராம் சுத்தமான குளுக்கோஸ் மாவைக் கலந்து தருவார்கள். அதிகபட்சம் 5 நிமிடங்களுக்குள் அதைக் குடித்துவிட வேண்டும்.

    # இதிலிருந்து சரியாக இரண்டு மணி நேரம் கழித்து மீண்டும் ஒருமுறை ரத்தம் எடுத்து, சர்க்கரையைக் கணக்கிட வேண்டும்.

    # அப்போது, ரத்தச் சர்க்கரை அளவுகள் முறையே வெறும் வயிற்றில் 80 முதல் 110 மி.கி./டெ.லி. வரை இருந்து, குளுக்கோஸ் சாப்பிட்டு இரண்டு மணி நேரம் கழித்து 111 முதல் 140 மி.கி./டெ.லி. வரை இருந்தால், அவருக்கு நீரிழிவு நோய் இல்லை.

    # வெறும் வயிற்றில் 111 முதல் 125 மி.கி./டெ.லி. வரை இருந்தால், அது ‘இம்பயர்டு ஃபாஸ்டிங் குளுக்கோஸ்' (Impaired Fasting Glucose - IFG). அடுத்த 5 ஆண்டுகளில் அவருக்கு நீரிழிவு வர வாய்ப்பு உள்ளது. அதாவது, நீரிழிவு நோய்க்கு முந்தைய நிலை- பிரீ டயாபடிஸ்.

    # குளுக்கோஸ் சாப்பிட்டு இரண்டு மணி நேரம் கழித்து 141 முதல் 199 மி.கி./டெ.லி. வரை இருந்தால், ‘இம்பயர்டு குளுக்கோஸ் டாலரன்ஸ்' (Impaired Glucose Tolerance - IGT). இதுவும் நீரிழிவு நோய்க்கு முந்தைய நிலைதான்.

    # வெறும் வயிற்றில் 126 மி.கி./டெ.லி.க்கு மேல் இருந்து, குளுக்கோஸ் சாப்பிட்டு இரண்டு மணி நேரம் கழித்து 200 மி.கி./டெ.லி.க்கு மேல் இருந்தால், அவருக்கு நீரிழிவு இருக்கிறது.

    # கர்ப்பிணிகளுக்குக் குளுக்கோஸ் சாப்பிட்டு இரண்டு மணி நேரம் கழித்து 140 மி.கி./டெ.லி. வரை இருந்தால் சரியான அளவு. இதற்கு மேல் இருந்தால், ‘கர்ப்பக் கால நீரிழிவு’ என்று அர்த்தம்.

    ஒருவருக்கு நீரிழிவு நோய் இருக்கிறதா, இல்லையா என்பதையும், இனிமேல் அவருக்கு நீரிழிவு வர வாய்ப்புள்ளதா என்பதையும், சந்தேகத்துக்கு இடமில்லாமல் தெரிந்துகொள்ளப் பயன்படும் ஒரு முக்கியமான பரிசோதனை இது.

    இதில் ஒருவருக்கு நீரிழிவு இருக்கிறது என்பது உறுதியானால், அவர் எந்தத் தயக்கமும் இல்லாமல் நீரிழிவு நோய்க்குச் சிகிச்சை பெற வேண்டும். அதேநேரம், நீரிழிவு நோய் வர வாய்ப்பு உள்ளவர்கள் - அதாவது, IFG, IGT உள்ளவர்கள் உணவுக் கட்டுப்பாடு, உடற்பயிற்சி ஆகியவற்றின் மூலம் நீரிழிவு நோய் வருவதைத் தடுத்துக்கொள்ள வேண்டும்.

    இது யாருக்குத் தேவை?
    # நீரிழிவுக்கான அறிகுறி உள்ளவர்கள் அனைவரும் இதைச் செய்துகொள்ள வேண்டும்.

    # அறிகுறி எதுவும் தெரியாதவர்கள், 40 வயதில் ஒருமுறை இதைச் செய்துகொள்ள வேண்டும். அதற்குப் பிறகு, மூன்று ஆண்டுகளுக்கு ஒருமுறை செய்துகொண்டால் போதும். இது பொதுவானவர்களுக்கானது.
    கீழே தரப்பட்டுள்ள பட்டியலில் இடம்பெற்றுள்ளவர்கள், 25 வயதில் முதல்முறையாக இதைச் செய்துகொண்டு, அதில் நீரிழிவு இல்லை என்று தெரிந்தால், அதன்பின்பு வருடத்துக்கு ஒருமுறை செய்துகொள்ள வேண்டும்.

    # நீரிழிவு உள்ள குடும்பப் பாரம்பரியத்தில் பிறந்தவர்கள்.

    # உடல் பருமன் உள்ளவர்கள்.

    # உடல் உழைப்பும் உடற்பயிற்சியும் இல்லாதவர்கள்.

    # உயர் ரத்த அழுத்தம் உள்ளவர்கள்.

    # ரத்த மிகைக் கொழுப்பு உள்ளவர்கள்.

    # முதல் பிரசவத்தில் பெரிய தலையுடன் குழந்தையைப் பெற்ற பெண்கள்.
    முக்கியக் குறிப்பு:

    1.இந்தப் பரிசோதனையில் ஒருவருக்கு நீரிழிவு நோய் வந்துவிட்டது என்பது உறுதியாகிவிட்டால், அதற்குப் பிறகு உறுதி செய்யும் பரிசோதனை அவசியமில்லை.

    2.நீரிழிவுக்கு முந்தைய நிலையில் (‘பிரீ டயாபடிஸ்’) உள்ளவர்கள் 6 மாதங்களுக்கு ஒருமுறை இதைச் செய்துகொள்ள வேண்டும்.

    கட்டுரையாளர், பொதுநல மருத்துவர்
    தொடர்புக்கு: gganesan95@gmail.com

    சந்தேகங்களுக்கு விளக்கம்
    சென்ற வாரம் நீரிழிவு நோய்க்கான ரத்தப் பரிசோதனைகள் குறித்துப் பார்த்தோம். அவற்றை எந்த இடைவெளியில், எத்தனை முறை செய்துகொள்வது என்பது பற்றி வாசகர்கள் பலர் சந்தேகங்களைக் கேட்டிருந்தார்கள். அவர்களுக்கான விளக்கம்:

    # ரேண்டம் ரத்தச் சர்க்கரைப் பரிசோதனை, வெறும் வயிற்றில் ரத்தச் சர்க்கரைப் பரிசோதனை, சாப்பிட்டபின் ரத்தச் சர்க்கரைப் பரிசோதனை - இந்த மூன்றும் ஒருவருக்கு நீரிழிவு நோய் உள்ளதா என்று கணிப்பதற்கும், ஏற்கெனவே நீரிழிவு சிகிச்சை பெறுபவர்களுக்கு ரத்தச் சர்க்கரை இயல்பான அளவில் உள்ளதா என்பதைத் தெரிந்துகொள்வதற்கும் செய்யப்படுகின்றன.

    # இதுவரை நீரிழிவு இல்லாதவர்கள் 40 வயதுக்கு மேல் ஆன பிறகு, ஆண்டுக்கு ஒருமுறை மேற்சொன்னவற்றில் ஏதாவது ஒரு பரிசோதனையைச் செய்துகொள்ள வேண்டும்.

    # ஏற்கெனவே நீரிழிவு சிகிச்சை பெறுபவர்கள், நோயை நல்ல கட்டுப்பாட்டில் வைத்துக்கொள்கிறார்கள் என்றால், இவற்றில் ஒன்றை 2-லிருந்து 4 வாரங்கள் இடைவெளி யில் மறுபடியும் செய்துகொள்ள வேண்டும்.

    # ரத்தச் சர்க்கரை கட்டுப்பாட்டில் இல்லாதவர்கள், அது கட்டுப்படும்வரை வாரம் ஒருமுறை செய்துகொள்ள வேண்டும்.

    அறுவை சிகிச்சை, மாரடைப்பு, பக்கவாதம், கண் பாதிப்பு, சிறுநீரகப் பிரச்சினை போன்ற நிலைமைகளில் உள்ள நீரிழிவு நோயாளிகளுக்கு ரத்தச் சர்க்கரையை விரைவில் கட்டுக்குக் கொண்டுவர வேண்டும். இவர்களுக்குத் தினமும் பரிசோதிக்க வேண்டிவரும்.


    Last edited by chan; 6th Nov 2015 at 03:51 PM.

loading...

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  
Like It?
Share It!







Follow Penmai on Twitter