Sponsored Links
Sponsored Links
Penmai eMagazine November! | All Issues

User Tag List

Like Tree4825Likes

Today's Medical Info


Discussions on "Today's Medical Info" in "Health" forum.


  1. #1541
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Today's Medical Info

    ஆயுள் காக்கும் ஆயுர்வேதம்: சளியிருந்தால் பலாப் பழம் வேண்டாம்

    வெயில் காலத்தில் பலாப் பழம் சாப்பிடலாமா? பலாப் பழத்தின் மருத்துவ குணங்களை ஆயுர்வேதம் குறிப்பிட்டுள்ளதா?
    காந்தி, ஓசூர்.


    பலாவின் பிஞ்சுக்காய் கறிகாய் வகையைச் சேர்ந்தது. இதை நறுக்கி வேக வைத்துக் கறிகாயாகச் சாப்பிட்டால் நா வறட்சியைப் போக்கும். பித்தம் குறையும். ஆனால் அதிக அளவில் சாப்பிட பசி மந்தம், வயிற்று வலி உண்டாகும். முற்றிய காய் ஜீரணமாக மிகத் தாமதமாகும். உடலுக்குச் சோர்வும் பெருமூச்சும் ஏற்படுத்தும்.

    பழம் நல்ல புஷ்டி, பலம் தரக் கூடியது. சுளையை மட்டும் சாப்பிடும்போது நல்ல மணமும் ருசியும் பெறுகிறோம். சாப்பாட்டின் நடுவே சாப்பிடுவது, நெய், தேன் சேர்த்துச் சாப்பிடுவது, சர்க்கரை, வெல்லம் சேர்த்து பாயசமாக்கிக் கொள்வது, சர்க்கரைப் பாகில் போட்டு வைப்பது போன்றவை நல்லது. மிகத் தாமதமாக ஜீரணமாவதை இவை தடுக்கும்.

    கக்குவான் இருமலுக்கு அதன் வேகத்தைக் குறைக்க பலாப் பழத்தின் சுளைகளை நெய் தேன் கலந்து கொடுப்பதுண்டு. நுரையீரல் வறண்டு வறட்டிருமல் மிகவும் பாதிக்கும் வேளையில் இது மிகவும் பயன்படும். பலாச்சுளை அதிகமாகச் சாப்பிட்டதால் ஏற்படும் ஜீரண உபத்திரவம், வாந்தி, பேதி போன்றவை குணமாக,சுளையைச் சுற்றியுள்ள கோதுகளை அனலில் கருக்கி அந்தக் கரியைத் தேன் விட்டு குழப்பிச் சாப்பிட உடனே குணம் தரும். நல்ல குளிர்ச்சியான பழம் என்பதால் பலாப் பழத்தை வெயில் கடுமையாக உள்ள நாட்களில் அளவுடன் சாப்பிடலாம். சிலர் கொட்டையை வறுத்தும் வேக வைத்தும் சாம்பாரில் போட்டும் சாப்பிடுகின்றனர். நல்ல ருசியாக இருக்கும். அதிக அளவில் சாப்பிட்டால் மலச்சிக்கல், வயிறு உப்புசம், குத்துவலி போன்றவை ஏற்படலாம்.

    நன்றாகப் பழுத்த பலாப் பழத்தின் இனிப்புச் சுவை, குளிர்ச்சி, நெய்ப்பு, பிசுபிசுப்பு போன்ற தன்மையால் தசைகளைக் கொழுத்து வலிவுறச் செய்வதுடன் உடலுக்கு வலிமையைத் தரும். உடலிலுள்ள கழிவுப் பொருட்களை நல்ல முறையில் வெளியேற்றும். மேலும் களைப்பு, ஆயாசம், வறட்சி, உடல் எரிவது போன்ற உணர்ச்சியைப் போக்கி, பித்த வாயு தோஷங்களை ஒழுங்குடன் செயலாற்ற உதவும். வாய், மூக்கு, சிறுநீர், மலம் போன்ற பகுதிகளிலிருந்து ரத்தம் கசியும் உபாதைகளுக்குப் பலாப் பழம் நல்ல குணத்தைத் தருகிறது.

    சளித் தொல்லையுள்ளவர்கள் பலாப் பழத்தைச் சாப்பிடக் கூடாது. பலாச் சுளையைப் பிரித்தெடுக்க உதவும் கத்தி, பிரித்தெடுப்பவரின் கைகள் ஆகியவை சுத்தமாக இல்லாமலிருப்பது, வியாபாரத்துக்காக வைத்திருக்கும் இடத்தில் ஈக்கள் பலாப் பழத்தின் மேல் மொய்த்திருப்பது போன்றவற்றால், அந்தப் பலாப் பழத்தைச் சாப்பிடுபவர்களின் ரத்தம் சீர் கேடடைந்து கரப்பான் என்னும் தோல் உபாதை ஏற்படலாம். பலாப் பழத்தின் விதையை வறுத்துப் பொடித்து உப்பு, ஓமம் சேர்த்து வெந்நீருடன் சாப்பிட அதிக பலாச் சுளையைச் சாப்பிட்டதால் ஏற்படும் அஜீரணம், வாந்தி, பேதி போன்ற உபாதைகளைக் குணப்படுத்திவிடலாம். மலையாளத்தில் "சக்கைக்குச் சுக்கு' என்பார்கள். பலாப் பழம் அதிகம் சாப்பிட்டதால் ஏற்படும் வயிற்று உப்புசம், கனம் போன்றவற்றுக்கு சுக்கைச் சீவல் போலச் சீவி, சிறிது சிறிதாகச் சாப்பிட்டால், விரைவில் குணமாகி விடும். பலாப் பழ அல்வாவில் கஸ்தூரி, குங்குமப்பூ, பச்சைக் கற்பூரம் சேர்த்தால் வாசனை,ருசியை அதிகப்படுத்துவதுடன் பலாப் பழத்தினால் அஜீரணம், மப்பு முதலியன ஏற்படாமலும் தடுக்க உதவும்.

    (தொடரும்)


    By எஸ். சுவாமிநாதன், டீன் ஸ்ரீஜயேந்திர சரஸ்வதி ஆயுர்வேதக் கல்லூரி, நசரத்பேட்டை - 600 123 (பூந்தமல்லி அருகே) செல் : 94444 41771
    dinamani 15062013



    Sponsored Links
    jv_66, Sriramajayam and fatima15 like this.

    "மண்ணில் நல்ல வண்ணம் வாழலாம்"

  2. #1542
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Today's Medical Info

    ஆயுள்காக்கும் ஆயுர்வேதம்: சுகப் பிரசவத்துக்கு என்ன செய்ய வேண்டும்?

    சிசேரியன் ஆபரேஷன் மூலம் குழந்தைப் பிறப்பு அதிகமாகிவிட்ட இந்நாட்களில், சுகப் பிரசவத்தின் மூலம் அடையும் ஆரோக்கியத்தைத் தாய்மார்கள் இன்று பெரிதும் இழந்துவிட்டனர். சுகப் பிரசவம் ஆவதற்கான வழி முறைகளை ஆயுர்வேதம் குறிப்பிட்டுள்ளதா?
    எஸ்.அனந்தராமன், புட்டபர்த்தி.


    கருவுற்ற தாய் சாப்பிடும் உணவிலிருந்து பிரியும் சத்தான பகுதி மூன்றுவிதமாகப் பிரிக்கப்பட்டு ஒரு பாகம் தாயைப் போஷிப்பதற்கும் மற்றொரு பாகம் கர்ப்பம் வளர்ச்சியடைவதற்கும், இன்னொரு பாகம், தாய்ப் பாலை வளர்க்கவும் உபயோகப்படுகிறது. மேலும் கர்ப்பத்தின் இதயம் தாயாரின் தாதுக்களின் அம்சத்தாலுண்டாக்கப்பட்டு தாயாரின் இதயத்தோடு இணைக்கப்பட்டிருப்பதால் கர்ப்பத்தின் விருப்பங்கள் தாயாரின் மூலமாகப் பிரதிபலிக்கின்றன. கர்ப்பிணிக்குத் தனது இதயமொன்றும், கர்ப்பத்தின் இதயமொன்றுமாக இரு இதயங்களிருப்பதால் அவளுக்கு "தெüஹ்ருதிநீ' என்று பெயர். கர்ப்பிணிக்கு ஏதேனும் ஒரு பொருளின் மீது ஆசையேற்பட்டால் அது கர்ப்பத்தின் இச்சையென்று அறிந்து அவளுக்கு அதைக் கொடுத்தல் வேண்டும். கர்ப்பிணிக்கு ஏற்படும் இச்சையைத் தடுப்பதால், பிறக்கும் குழந்தை, கூனாகவோ, முடமாகவோ, குள்ளனாகவோ, குருடனாகவோ, முட்டாளாகவோ பிறக்கும். கர்ப்பத்தின் நாபியிலிணைக்கப்பட்டிருக்கும் தொப்புள் கொடி மூலமாகவே உணவின் சத்தும் வீர்யமும், வயல்களுக்குப் பாய்ச்சப்படும் வாய்க்கால் நீர் போலக் கர்ப்பத்தையடைகின்றன.

    கருவுற்ற முதல் மாதம் முதலே உண்ண வேண்டிய உணவுமுறைகளையும், செய்யக் கூடாத காரியங்களையும் ஆயுர்வேதம் கூறுகிறது. அவற்றைச் சரியானபடி செய்து வந்தாலே சுகப் பிரசவம் உண்டாகும். அவை -

    முதல் மாதம்: இனிப்பு, குளிர்ச்சி, திரவம் இவை அதிகமாக உள்ள உணவும், வேண்டிய அளவு குளிர்ந்த பாலும் சாப்பிட வேண்டும்.

    2 ஆவது மாதம்: பழக்கமுள்ள உணவை, அதிமதுரம், திராட்சை முதலிய இனிப்பான சரக்குகள் சேர்த்துக் காய்ச்சிய பாலுடன் உபயோகிக்கவும்.

    3 ஆவது மாதம்: சம்பா அரிசியினாலான அன்னத்தைப் பாலுடனோ அல்லது தேன், நெய் முதலியவை கலந்த பாலுடனோ உட்கொள்ளச் செய்யவும்.

    4 ஆவது மாதம்: பாலுடனும், வெண்ணெயுடனும் சேர்த்த உணவையோ அல்லது ஆட்டு மாமிசத்துடன் இதமான உணவைச் சாப்பிடலாம். தினந்தோறும் பசுவெண்ணெய் கொட்டைப் பாக்களவு கொடுக்கவும்.

    5 ஆவது மாதம்: பாலும், நெய்யும் கலந்த ஆகாரம் அதிகமாக உபயோகிக்கவும்.

    6 ஆவது மாதம் : நெருஞ்சில் சேர்த்துக் காய்ச்சிய நெய்யை அளவாகச் சாப்பிட்டு வரவும். சாதத்தைக் கூழாக்கிச் சாப்பிடுதல் நல்லது.

    7 ஆவது மாதம்: மார்பிலேற்படும் அரிப்புக்கு இலந்தைக் கஷாயத்துடன் அதிமதுரம் சேர்த்துக் காய்ச்சிய நெய்யை உள்ளங்கையளவு உள்ளுக்குச் சாப்பிட்டு, வெளிப் பிரயோகத்துக்குச் சந்தனம், கோரைக் கிழங்கு, கஸ்தூரி மஞ்சள் இவற்றைப் பூசவும். அரளி இலை போட்டுக் காய்ச்சிய எண்ணெய் தடவலாம். அரிப்பு ஏற்பட்டால், சொரியக் கூடாது. தாங்க முடியாவிடில் மெதுவாகத் தடவிக் கொடுக்கலாம். ஓரிலை என்னும் மருந்துச் சரங்கைப் போட்டுக் காய்ச்சிய இனிப்புடன் கூடிய உணவு வகைகளைச் சிறிது உப்பு, நெய் சேர்த்து, மிதமாகச் சாப்பிட்டு, சிறிது தண்ணீரைப் பருகவும்.


    jv_66, Sriramajayam and fatima15 like this.

    "மண்ணில் நல்ல வண்ணம் வாழலாம்"

  3. #1543
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Today's Medical Info

    8 ஆவது மாதம்: நெய்விட்ட பால் கஞ்சியைப் பருகவும்.

    9 ஆவது மாதம்: அதிமதுரம் முதலிய இனிப்புத் திரவியங்கள் சேர்த்துக் காய்ச்சிய எண்ணெய்யால் எனிமா கொடுக்கவும். அதையே பஞ்சில் தோய்த்து பிறப்புறுப்பில் வைக்கவும். இதனால் வயிறு, இடுப்பு, பக்கம், முதுகு, முதலான இடங்கள் மிருதுவாகி, வாதம் கீழ்நோக்குவதோடு, மலம்,சிறுநீர் அவற்றின் நிலைமைகளிலிருந்து வருவதால், கர்ப்பமும் சரியானபடி புஷ்டியடைந்து சுகப் பிரசவமுண்டாகிறது. பிறந்த குழந்தைக்குப் பால் எவ்வாறு அவசியமோ, அதைக்காட்டிலும் கர்ப்பிணிக்குப் பால், நெய் இவை கலந்த ஆகாரம் அத்தியாவசியம் என்பது கவனிக்கத்தக்கது.

    கர்ப்பிணி செய்யக் கூடாத காரியங்களும் அதனால் ஏற்படும் தீமைகளும்:

    1. மிகவும் உயர்ந்ததும், சிரமத்தைக் கொடுக்கக் கூடியதுமானதும், மேடு பள்ளங்களுள்ளதும், கடினமாக உள்ளதுமான இடங்களிலும் இருக்கைகளிலும் உட்காரக் கூடாது.

    2. மலம், சிறுநீர் உந்துதல்களை அடக்கக் கூடாது. கடுமையான அல்லது தனக்கு உகந்ததல்லாத உடற்பயிற்சி செய்யக் கூடாது.

    3. மல்லாந்து படுத்துக் கொள்ளக் கூடாது. அதனால் தொப்புள் கொடி குழந்தையின் கழுத்தில் சுற்றிக் கொள்ளும்.

    4. அதிக காரம், சூடான வீர்யமுள்ள உணவுகளைப் பயன்படுத்தக் கூடாது. வயிற்றுக்குப் போதாமல் சாப்பிடக் கூடாது. இவற்றால் சில சமயம் குழந்தை இறக்க நேரிடலாம். அல்லது அகாலத்தில் நழுவலாம். அல்லது சூம்பிப் போகலாம்.

    5. உடம்பை மூடிக் கொள்ளாமல் படுத்துக் கொண்டாலும், இரவில் சஞ்சாரம் செய்தாலும் சிசுவுக்குச் சித்த பிரமை உண்டாகும்.

    6. சண்டை, கலகங்களில் ஈடுபட்டால் சிசுவுக்குக் காக்கை வலிப்பு உண்டாகும்.

    7. எப்போதும் வருத்தப்பட்டுக் கொண்டிருந்தால் பயப்படும் சுபாவமுள்ள குழந்தை பிறக்கும். இவையனைத்தும் சுகப் பிரசவத்தைக் கெடுக்கும்.

    (தொடரும்)


    By எஸ். சுவாமிநாதன், டீன் ஸ்ரீஜயேந்திர சரஸ்வதி ஆயுர்வேதக் கல்லூரி, நசரத்பேட்டை - 600 123 (பூந்தமல்லி அருகே) செல் : 94444 41771
    dinamani 22062013


    jv_66, Sriramajayam and fatima15 like this.

    "மண்ணில் நல்ல வண்ணம் வாழலாம்"

  4. #1544
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Today's Medical Info

    ஆயுள் காக்கும் ஆயுர்வேதம்: தூக்கம் தூக்கமாக வருகிறது!

    என் வயது 75. சர்க்கரை வியாதி, மூட்டு வலிக்கு மாத்திரை எடுத்து வருகிறேன். காலையில் பூஜை செய்யும்போது தூக்கம் தூக்கமாக வருகிறது. முயற்சி செய்தாலும் தூக்கத்தைத் தவிர்க்க முடியவில்லை. இதை எப்படிக் குணப்படுத்துவது?
    கவி செ.பாண்டியன், பரமக்குடி.


    மூளையில் வாயுவினால் ஏற்படும் வறட்சியினால் மூளக்குச் சோர்வு ஏற்படுகிறது. பூஜையின்போது ஒரு வஸ்துவின் மீது சிரத்தையைக் கொண்டு வந்து, அதற்கு ஒரு வடிவத்தை உண்டாக்கி, தியானம் செய்வதற்கு பிராண வாயுவின் சஞ்சலமற்ற ஒடுங்கிய நிலை தேவைப்படுகிறது. மூளையின் எல்லையற்ற ஆகர்ஷண சக்தி இதன் மூலம் தூண்டப்படுகிறது. தூண்டப்பட்ட ஆகர்ஷண சக்தியை நீங்கள் மூளையில் பதிய வைத்துக் கொள்ள நினைக்கும் நேரத்தில், வாயுவின் குணங்களாகிய வறட்சியும் லேசான தன்மையும் சீற்றமடைந்து அப்பகுதியிலுள்ள நெய்ப்பும், கனமும் குறைகின்றன.

    மூளையின் மிருதுவான தன்மையைப் பாதுகாக்கப் பெரிதும் உதவும் திரவ வஸ்துவில் நிறைந்துள்ள இந்த நெய்ப்பும் கனமும் குறையும் தருவாயில், அவற்றை உடனடியாக மூளை சுரக்கச் செய்கிறது. இவற்றின் ஆதிக்கம் க்ஷணப்பொழுதில் வறட்சி மற்றும் லேசான வாயுவின் குணங்களை மட்டுப்படுத்தி அவற்றின் மீது ஆதிக்கம் செலுத்தும்பொழுது, உறக்கம் தன்னை அறியாமலேயே வந்துவிடும். அதனால் வாயுவின் தூண்டுதலை அதிகப்படுத்தாமலும், கபத்தின் குணங்களை அதன் வழியே வளரவிடாமலும் ஒரு சமமான நிலையை நீங்கள் மூளைப் பகுதியில் பாதுகாக்க வேண்டிய நிலையில் இருக்கிறீர்கள்.

    மூக்கினுள் மருந்துவிடுதல், வாந்தி செய்து கபத்தை வெளியேற்றுதல், கண்களில் மையிடுதல், பட்டினியிருத்தல், கவலை, வருத்தம், பயம் கோபம் ஏற்படுத்துதல் போன்ற சிகிச்சை முறைகளால் அதிகமான தூக்கம், தேவையற்ற நேரங்களில் தூக்கம் ஏற்படுதல் போன்றவற்றை நம்மால் குணப்படுத்த முடியும் என்று ஆயுர்வேதம் குறிப்பிடுகிறது. ஆனால் இவை உங்கள் விஷயத்தில் பொருந்தாது என்பது விந்தையான ஒரு விஷயமாகும். காரணம் இவற்றால் மூளையிலுள்ள வழுவழுப்புத் தன்மை குறைந்துபோய், வாயு மேலும் மேலும் வலுப்பெறும் என்பதால்தான்.

    வறட்சிதரும் வீர்யமுடைய மருந்தை மூக்கினுள் விடுவதால் கபம் வெளியேறி, வாயு வளர்ந்துவிடும் என்பதால் உங்களுக்கு க்ஷீரபலா 101 எனும் சொட்டு மருந்தை உருக்கி, 2 -4 சொட்டுகள் மூக்கினுள் விட்டு உறிஞ்சித் துப்பிவிடுவதால், மூளையில் நரம்புகளின் வாட்டத்தை மட்டுப்படுத்தி கபமும் கூடாமல், வாயுவையும் சீரான வகையில் செயல்படுத்தலாம். காலை, இரவு உணவுக்கு முன் இதைச் செய்து கொள்வது நலம். மருந்தை நீராவியில் உருக்கி அதன் பிறகு விட்டுக் கொள்வதுதான் நல்லது.

    தலைக்கு க்ஷீர பலா தைலம் வெதுவெதுப்பாகத் தேய்த்து 1/2 - 3/4 மணி நேரம் ஊறிய பிறகு வெதுவெதுப்பான நீரில் குளிக்கவும். இளநீர்க் குழம்பு எனும் கண்ணில் விட்டுக்கொள்ளும் மருந்தை 1 -2 சொட்டுகள் காலையில் பல் துலக்கிய பிறகு விட்டுக் கொள்ளவும். கபதோஷத்தின் ஆதிக்க குணங்களாகிய நெய்ப்பையும், கனத்தையும் கட்டுப்படுத்தும். காதில் வசாலசுணாதி எனும் ஆயுர்வேத தைல மருந்தை 5 -8 சொட்டுக்கள் காலை உணவுக்கு முன் இளஞ்சூடாக விட்டுக் கொள்வதன் மூலமாக பிராண வாயுவின் வறட்சி மற்றும் லேசான தன்மை எனும் குணங்களின் ஆதிக்கத்தை மட்டுப்படுத்தலாம். அரிமேதஸ் எனும் தைலத்தை வாயினுள் காலை, இரவு உணவுக்குப் பிறகு 5 மி.லி. விட்டுக் கொப்பளித்துத் துப்பினால், மூளையிலுள்ள வாயு கபங்கள் சீற்றமடையாமல் தத்தம் தொழில்களை சரி வரச் செய்யும் வகையில் சீராக்க முடியும். ஏலாதி தைலத்தை க்ஷவரம் செய்த பிறகு, முகத்தில் இதமாகத் தடவி, சுமார் 10 - 15 நிமிடங்கள் ஊறிய பிறகு, பயத்தம்மாவை தண்ணீருடன் கரைத்து முகத்தில் பூசி, எண்ணெய்ப் பசையை அகற்றிவிடுவதன் மூலமாகவும் வாயு கபங்களை அடக்கி வைக்கலாம்.

    விதார்யாதிக்ருதம் எனும் நெய் மருந்தை 5 - 10 மி.லி. உருக்கி, காலை, மாலை வெறும் வயிற்றில் சாப்பிடவும். ஆயுர்வேத மருத்துவரின் ஆலோசனை பெறுவதால் இம்மருந்தை எப்போது எப்படிச் சாப்பிட்டால் அதிக நன்மை என்ற விவரத்தை மேலும் தெரிந்து கொள்ளலாம்.

    உணவில் கசப்பு, துவர்ப்பு, காரம் ஆகியவற்றைக் குறைக்கவும். வெதுவெதுப்பாக உணவைச் சாப்பிடவும், பகல் தூக்கத்தை கோடைக் காலங்களில் மித உணவுக்கு முன் நீங்கள் செய்து கொள்ளலாம். ஆனால் மழை, குளிர்நாட்களில் தவிர்க்கவும்.

    (தொடரும்)


    By எஸ். சுவாமிநாதன், டீன் ஸ்ரீஜயேந்திர சரஸ்வதி ஆயுர்வேதக் கல்லூரி, நசரத்பேட்டை - 600 123 (பூந்தமல்லி அருகே) செல் : 94444 41771
    dinamani 29.06.2013


    jv_66 and Sriramajayam like this.

    "மண்ணில் நல்ல வண்ணம் வாழலாம்"

  5. #1545
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Today's Medical Info

    ஆயுள்காக்கும் ஆயூர்வேதம்: உடல் முழுவதும் அரிப்பு!

    என் வயது 52. போக்குவரத்துத்துறையில் பணியாளராகப் பணிபுரிந்து வருகிறேன். எனக்கு ஆறு மாதமாக கை விரல்களின் நுனி நகமும், நகத்திலுள்ள தோல்களும் வெடித்துள்ளது. உள்ளங்கையிலும் பாலம் பாலமாக வெடிக்கிறது. உடம்பு முழுவதும் அரிப்பு ஏற்பட்டு, சொறிந்தால் ரத்தம் வந்து பின்னர் கறுப்பாக மாறிவிடுகிறது. உள்ளங்கை, உள்ளங் காலில் கொப்பளங்கள் ஏற்படுகிறது. சொறிந்தால் நீர் வடிகிறது. இதைச் சரிப்படுத்த முடியுமா?
    செ.சேகர், கரட்டடிபாளையம்.


    உடல் உட்புறப் பகுதிகளில் சீற்றம் கொள்ளும் வாத - பித்த - கபதோஷங்கள், ஏழு தாதுக்களாகிய ரஸம் - ரத்தம் - மாம்ஸம் - மேதஸ் - எலும்பு -மஜ்ஜை - விந்து ஆகியவற்றைக் கெடுக்கின்றன. தோஷங்களால் கெட்டுப் போன தாதுக்கள், மலக்கழிவுகளாகிய மலம், சிறுநீர், வியர்வை போன்றவற்றைக் கெடுத்து, நோய்களுக்குக் காரணமாகின்றன என்று ஆயுர்வேதம் கூறுகிறது. இது போன்று ஏற்படும் நோய்களுக்கு நிஜம் என்றும் வெளிப்புறக் காரணங்களாகிய விஷவாயு, நெருப்புக் காயம், ரசாயனப் பொருட்களைத் தொட நேர்தல், கீழே விழுந்து அடிபடுதல், எலும்பு உடைதல், காமம், குரோதம், பயம் இத்யாதிகளால் மனம் பேதலித்தல் போன்றவற்றால் ஏற்படும் நோய்களை ஆகந்துகம் என்றும் பெயரிட்டுள்ளது.

    பேருந்து பணிமனையில் வண்டிகளுக்குத் தேவையான உதிரி பாகங்களை இணைப்பது, கிரீஸ் போடுவது, வேறு ஏதேனும் ரசாயன பொருட்களைத் தொட நேர்வது போன்றவற்றால் உங்களுக்கு ஒவ்வாமை ஏற்பட்டிருந்தால், ஆகந்துக நோய் உபாதையால் நீங்கள் குறிப்பிடும் தொல்லைகள் ஏற்பட்டிருக்கலாம். மற்ற ஊழியர்களுடன் சேர்ந்து உரக்கப் பேசிக் கொண்டு, சிரித்துக் கொண்டு குறித்த நேரத்திலல்லாமல் காலம் தவறி சூடு ஆறிப்போன உணவு வகைகளை, கைகளை நன்றாகச் சுத்தம் செய்து கொள்ளாமல் சாப்பிடும் வழக்கத்தைக் கொண்டிருத்தல் ஆகியவை குடல் பகுதியில் வாத - பித்த - கப தோஷங்களின் சீற்றத்துக்குக் காரணமாகி, நிஜம் எனும் உபாதைகளுக்குக் காரணமாகியிருக்கலாம்.

    ஆக, நிஜ - ஆகந்துக உபாதைகள் உங்களைத் தாக்கியிருக்கக் கூடிய சாத்தியக் கூறுகள் நிறைய இருப்பதால், உடல் உட்புற தாது மலங்களை தோஷங்களின் சீற்றத்திலிருந்து விடுபடச் செய்து, அவற்றைத் தத்தம் பணிகளில் சீராக செயல்படும்படி செய்ய வேண்டும்.

    சீற்றங் கொண்டுள்ள தோஷங்களை குடலிலிருந்து வெளியாகும் மலக் கழிவின் மூலம் வெளியேற்ற மாணிபத்ரம் எனும் ஆயுர்வேத லேஹிய மருந்து உங்களுக்கு உதவலாம். தோல் உபாதைகளை அறவே நீக்கும் இந்த மருந்தை நீங்கள், காலையில் குடித்த புழுங்கலரிசிக் கஞ்சியின் தண்ணீர் செரித்து, மதியம் பசி ஏற்பட்டுள்ள தறுவாயில், சுமார் 20 - 25 கிராம் நக்கிச் சாப்பிட வேண்டும். லேஹியம் சாப்பிட்ட பிறகு, வீட்டினுள் உலாத்த வேண்டும். சிறிது சிறிதாக அடிக்கடி வெந்நீர் பருக வேண்டும். வெந்நீரில் பிழியப்பட்ட துணியை வயிற்றின் மீது ஒத்தடம் கொடுக்க வேண்டும். இப்படிச் செய்வதால், உட்கொண்ட லேஹிய மருந்து குடலில் கெட்டுப் போயுள்ள தோஷங்ளைச் சுரண்டி எடுத்து,மலத்துடன் நீர்ப்பேதியாக்கி வெளியே கொண்டு வந்து விடும். 15 நாட்களுக்கு ஒருமுறையாக சுமார் 4 -5 முறை இந்த மருந்தை நீங்கள் சாப்பிட்டு, உடல் உட்புறச் சுத்தத்தை மேம்படுத்திக் கொள்ள வேண்டும். முன் குறிப்பிட்ட தவறான உணவுமுறைகளைத் தவிர்த்து, வீட்டிலிருந்து மனைவியோ, தாயாரோ செய்து தரும் உணவை மட்டுமே, நண்பர்களுடன் அல்லாமல் தனியே அமர்ந்து, பேசாமல் சிரிக்காமல் உணவிலேயே மனம் செலுத்தி உண்ண வேண்டும். மாலையில் வீடு திரும்பியதும் அவர் செய்த சமையலைப் பாராட்ட வேண்டும். ஏனென்றால் அவர்களிடமிருந்து மேலும் சில உதவிகள் தங்களுக்குத் தேவைப்படுகிறது.

    கருங்காலிக் கட்டை, வேப்பம்பட்டை, சரக்கெண்ணெய்ப்பட்டை, ஆல், அரசு, அத்தி, இத்திப் பட்டை, புங்கம்பட்டை, ஏழிலைப் பாலைப்பட்டை போன்றவற்றில் கிடைத்த மட்டும் பட்டைகளை மொத்தம் 60 கிராம் எடுத்து 1 லிட்டர் தண்ணீரில் கொதிக்கவிட்டு, 250 மி.லி. அளவு சுண்டியதும் வடிகட்டி காலை, மாலை பாதியாகப் பிரித்து, வெறும் வயிற்றில் சுமார் 48 நாட்கள் சாப்பிட்டு வந்தால், தோல் உபாதைகள் குணமாக நல்ல வாய்ப்புள்ளது. இதற்கும் மனைவி அல்லது தாயாரின் உதவி தேவைப்படும்.

    பணிமனையில் செய்யும் வேலைகளால் இந்த உபாதை ஏற்படுகிறது என்று நீங்கள் நினைத்தால், நால்பாமராதி தைலம், தினேசவல்யாதி தைலம், தூர்வாதி தைலம், அய்யப்பாலா தைலம் போன்ற நல்ல தரமான தைலங்களில் ஒன்றை ஓர் ஆயுர்வேத மருத்துவரின் ஆலோசனைப்படி, உபாதைகள் ஏற்பட்டுள்ள பகுதிகளில் பூசி, சுமார் 1/2 - 3/4 மணி நேரம் ஊறிய பிறகு, காலையில் குளிக்கவும், இம்மருந்துகளின் தொடர் உபயோகத்தால் நிறைவான பலனை விரைவில் நீங்கள் அடையலாம். இந்த எண்ணெய்ப் பிசுக்கை அகற்ற, பச்சைப் பயறு அல்லது கடலை மாவைத் தண்ணீரில் கரைத்துப் பயன்படுத்தவும்.

    உணவில் புலால் வகை, புளித்த தயிர், நல்லெண்ணெய், வெல்லம், டீ, பஜ்ஜி, போண்டா, பக்கோடா, வடை, கத்தரிக்காய், கடுகு ஆகியவற்றைத் தவிர்க்கவும்.முன் உண்ட உணவு நன்றாகச் செரிமானமாகி பசி ஏற்பட்ட பிறகே, அடுத்த வேளை உணவை உண்ணவும். பகல் தூக்கம் தவிர்க்கவும்.

    (தொடரும்)


    By எஸ். சுவாமிநாதன், டீன் ஸ்ரீஜயேந்திர சரஸ்வதி ஆயுர்வேதக் கல்லூரி, நசரத்பேட்டை - 600 123 (பூந்தமல்லி அருகே) செல் : 94444 41771
    dinamani: 06 July 2013


    jv_66 and Sriramajayam like this.

    "மண்ணில் நல்ல வண்ணம் வாழலாம்"

  6. #1546
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Today's Medical Info

    ஆயுள் காக்கும் ஆயுர்வேதம்: வீக்கங்களைப் போக்க...

    எனது மனைவி (வயது 67) சர்க்கரை வியாதியுள்ளவர். இரண்டு வாரங்களாக இடது கால் தொடை முதல் பாதம் வரை வீக்கமும் வலியுமாக உள்ளது. காலுக்கு இறங்கும் ரத்தம் திரும்ப இதயத்துக்குச் செல்லாததே இதற்குக் காரணம் என்று டாக்டர் கூறி சிகிச்சை அளித்தார். வீக்கம், வலி குறைந்தாலும் குணமாகவில்லை. இதைக் குணப்படுத்த ஆயுர்வேத சிகிச்சை என்ன?
    செ.பாண்டியன், பரமக்குடி.


    உந்தித் தள்ளுதல் எனும் ஒரு செயலை உடலிலுள்ள வாயுவினால் மட்டுமே செய்ய இயலும். இடுப்புக்குக் கீழே அபானன் என்ற வாயு தனக்குச் சமமான குணங்களைக் கொண்ட உணவு வகைகளாலும், செயல்களாலும் வளர்ச்சியடைந்துவிட்டால், பித்தம், ரத்தம், கபம் ஆகியவற்றை வெளிப்புறச் சிரைகளை நோக்கித் தள்ளுவதுடன் அவற்றால் வழி தடைப்பட்டதன் காரணமாக சருமம், மாமிசம் போன்ற பகுதிகளில் தங்கி, நெருக்கமுற்று உயர்ந்து வீக்கத்தை உண்டாக்கும். எனவே எல்லா வீக்கங்களும் மூன்று தோஷங்களின் காரணமாகவே உண்டாகின்றன என்று ஆயுர்வேதம் கூறுகிறது.

    வீக்கம் ஏன் ஏற்படுகிறது? நோய், பட்டினியிருத்தல் முதலியவற்றால் உடல் இளைத்த நிலையில், எளிதில் ஜீரணிக்காதவை, புளிப்பு, நெய்ப்பு, குளிர்ச்சி போன்ற உணவு வகைகளை அதிக அளவிலும் விரைவாகவும் உட்கொள்ளுதல், துவர்ப்பு, சூடான வீர்யம் கொண்ட கறிகாய்கள், தாகமில்லாத போது நீர் அருந்துதல், காலத்திலல்லாத தூக்கம், இரவில் கண் விழித்தல், கிராமத்துப் பிராணிகளின் மாமிசம், வறண்ட மாமிசம், கால்நடையாகவாவது, உடலைக் குலுக்கும் வாகனங்களிலாவது பிரயாணம் செய்தல், சுவாசம், இருமல், பேதி,மூலம், மகோதரம், பெரும்பாடு, காய்ச்சல், வாந்தி பேதி, மப்பு நிலை, சோகை போன்ற உபாதைகளுக்குத் தக்கவாறு சிகிச்சை செய்யாமை ஆகிய காரணத்தாலும், தோஷங்கள் மார்பில் தங்கினால் உடலின் மேற்புறத்திலும், சிறுநீர்ப் பையில் தங்கினால் உடலின் கீழ்பாகத்திலும், உடலின் மத்திய பகுதியில் தங்கினால் நடு உடலிலும் வீக்கமுண்டாகும்., உடலின் எல்லாப் பாகங்களிலும் தோஷங்களாகிய வாத பித்த கபங்கள் பரவியிருந்தால் உடல் முழுவதிலும் ,ஒரு பாகத்தில் இருந்தால் அப்பகுதி மட்டிலும் வீக்கமுண்டாகும் என்று ஆயுர்வேதம் கூறுகிறது.

    உங்களுடைய மனைவிக்கு பசி நன்றாக எடுத்து உண்ணும் உணவு நன்றாகச் செரிக்கக் கூடியவராக இருந்தால், சுக்கு 5 கிராம், மிளகு 5 கிராம் பொடித்து, அவற்றிலிருந்து சுமார் 2 கிராம் வீதம் சேர்த்து வெந்நீருடன் காலை, மாலை வெறும் வயிற்றில் சாப்பிட, கால் பகுதியிலுள்ள ரத்த ஓட்டம் சீராகி, வீக்கமும் வலியும் குறைய வாய்ப்பிருக்கிறது. பசி மந்தமாக இருந்து, செரிமானம் குறைவாக இருந்தால் வெறும் வெந்நீர் மட்டும் எளிதாகச் செரிக்கும் உணவு வகைகளுடன் சாப்பிட்டு, பசி நன்றாக ஏற்பட்ட பிறகு மேல் குறிப்பிட்ட சிகிச்சையைச் செய்யலாம். த்ரிபலா எனும் சூரண மருந்தை 5 கிராம் எடுத்து, 300 மி.லி. தண்ணீரில் கொதிக்க விட்டு, 150 மி.லி. ஆனதும் வடிகட்டி, சிலாஜது எனும் பஸ்மத்துடன் (2 கிராம்) காலை, மாலை வெறும் வயிற்றில் சாப்பிடுவதும் நல்லதே. இதனால் சர்க்கரை உபாதையின் தாக்கமும் குறையும்.

    பசு மூத்திரத்தில் ஓர் இரவு முழுவதும் ஊற வைத்த 2 -3 கடுக்காய் தோடுகளை மறுநாள் காலையில் உணவுக்கு முன் சாப்பிட நீர்ப்பேதியாகி வீக்கம் வற்றிவிடும். மாதத்தில் 2 முறை இப்படிச் சாப்பிடுவது நல்லது. தற்சமயம் பருவகாலம் இந்த பேதிக்கு உகந்ததாக அனுகூலமாக இருக்கிறது.

    தான்வந்திரகிருதம் எனும் நெய் மருந்தை சுமார் 5 மி.லி. அளவில் சூடான சாதத்துடன் கலந்து சாப்பிட்டு வர, ரத்தக் குழாய்களுக்குத் தேவையான மிருதுத்தன்மையை ஏற்படுத்தி ரத்த ஓட்டத்தைச் சீர்ப்படுத்தி, வீக்கத்தைக் கட்டுப்படுத்தும். சர்க்கரை உபாதையின் பாதிப்புகளைக் குறைக்கும் தசமூலஹரீதகீ எனும் லேகிய மருந்தையும் சுமார் 5 -8 கிராம் காலை, இரவு உணவுக்கு 1/2 -1 மணி நேரம் முன்பாக நக்கிச் சாப்பிடுவதன் மூலமாக, வீக்கத்தை வடியச் செய்யலாம். ஆயுர்வேத மருத்துவரின் ஆலோசனைப்படி இம்மருந்தின் உட்கொள்ளும் நேரத்தை உடல் நிலைக்கு ஏற்றபடி மாற்றி அமைப்பதன் மூலமாகவும் நன்மை பெறலாம்.

    பழைய அரிசியைச் சாதம் வடித்து பயத்தம் பருப்புக் கஞ்சி, திப்பிலி சூரணம், கொள்ளு ரஸம் என்ற வகையில் சாப்பிட்டால் வீக்கம் வடியும். புளிப்பில்லாத மோர், பானத்துக்கு ஏற்றதாகும். பஞ்சாம்ல தைலம் எனும் மூலிகைத் தைலத்தை வீக்கமுள்ள பகுதியில் பூசி 1/2 - 1 மணி நேரம் ஊறிய பின்னர் வேப்பம்பட்டை, மூக்கிரட்டை, புங்கு, எருக்கு இவற்றைக் கலந்து காய்ச்சப்பட்ட நீரினால் அலம்பி விடுவது வீக்கத்தை வற்றச் செய்யும் ஒரு வெளிப்புறச் சிகிச்சையாகும்.

    (தொடரும்)


    By எஸ். சுவாமிநாதன், டீன் ஸ்ரீஜயேந்திர சரஸ்வதி ஆயுர்வேதக் கல்லூரி, நசரத்பேட்டை - 600 123 (பூந்தமல்லி அருகே) செல் : 94444 41771
    dinamani 13 July 2013


    jv_66 and Sriramajayam like this.

    "மண்ணில் நல்ல வண்ணம் வாழலாம்"

  7. #1547
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Today's Medical Info

    ஆயுள் காக்கும் ஆயுர்வேதம்: மதுவை மறக்க வழி!

    எனக்கு வயது 54. சில வருடங்களுக்கு முன் தினம் காலை, மதியம், இரவு என மூன்று வேளையும் 1/4 - 1/4 - 1/4 பிராந்தி குடிப்பேன். இதனால் வலது பக்க மூளை நரம்பு பாதிக்கப்பட்டு இடது கால், இடது கை பக்கவாத நோயால் பாதிக்கப்பட்டு இழுத்து இழுத்து நடந்து வருகிறேன். பஸ்ஸிலிருந்து வழுக்கி விழுந்து இடது காலில் காயம் ஏற்பட்டு ஆறாமல் இருக்கிறது. காயத்தில் ஈக்கள் மொய்க்கின்றன. இப்போது ஒரு வேளை மட்டும் 90 மி.லி. மது அருந்துகிறேன். படுத்து எழும்போது தலை சுற்றல் ஏற்படுகிறது. பணமில்லாமல் கடந்த கால பழக்கங்களை நினைத்து மனம் வருந்துகிறேன். இந்த உபாதை தீர வழி இருக்கிறதா?
    எஸ்.ஜவஹர் டேனியல், சென்னை-19.


    மதுபானம் உடலில் சூடு ஒரே சீராக அதிகமாகப் பரவச் செய்யும். ஊடுருவும் தன்மையுடையது. மிக நுண்ணிய உடல் ஓட்டைகளின் வழியே கூடப் பரவும். வழியிலுள்ள அடைப்புகளை அகற்றி பாதையைச் சீராக்கும். பாதையிலுள்ள கசிவை வறளச் செய்து தடையை நீக்கும். வேகமாகச் செயலாற்றும். முதலில் உடலில் பரவி அதன் பிறகே ஜீரணமாகும். பூட்டுகளில் உள்ள கட்டுகளை நெகிழ்த்தி காற்றில் பறப்பது போல உடலை லேசாக்கும். ஆனால் மிகவும் சூட்டை உடலில் ஏற்படுத்துவதால் குளிர்ச்சியான பொருட்களின் உபசாரம் அதிகம் தேவைப்படும். ஊடுருவும் தன்மையுடையதால் மன ஓட்டம் பாதிக்கப்படும். உடலிலுள்ள கபப் பூச்சு காயும். உடலின் உட்புறம் வளர்ச்சியடையும். பிசுபிசுப்பும் நீர்ப்புமுள்ள தாதுக்கள் வலிமையிழக்கும். வறட்சி மிகுந்து வாயுவால் நரம்பு வலி அதிகமாகும். பரபரப்பு மிகுதியும், வலிவின் அடிப்படையில் எழாததும், வெறும் நரம்பு முறுக்கால் ஏற்படுவதுமான மனக் களிப்பு போன்ற போலிநிலையும் ஏற்படும். உடல் வசீகரம், ஒளி, மனத்திருப்தி, தைரியம், பராக்ரமம் இவை அளவுடன்

    முறையுடன் தகுதியறிந்து மதுபானம் செய்வதால் கிட்டலாம். ஆனால் முறையும் தன் தகுதியும் அறியாதவன், வேறு நோய்வாய்ப்பட்டவன், புஷ்டியான உணவின்றி, அளவுக்கு மீறி குடிக்கும்போது, வயிற்றிலுள்ள நெருப்பம்சம் உள்ள ஜீரணத் திரவங்களுடன் சேர்ந்த மது நெருப்பாக மாறித் திமிரைத் தரும். மனமும் புத்தியும் பொறிகளும் தடுமாறும்போது தன் உள்ளக் கிடக்கைகளை வெளியிடாமல் இருக்க முடியாதவனாக, வலிவும் எதிர்ப்புச் சக்தியும் உறுதியும் தளர்ந்து பிதற்றலும் நினைவிழத்தலும் உண்டாகிச் சமுதாயத்தால் இளக்காரமாகப் பார்க்கப்படுகிறான் என்று ஸýச்ருதர் எனும் ஆயுர்வேத முனிவர் குறிப்பிடுகிறார்.

    மதுபானத்தின் தொடர் சேர்க்கையால் உங்களுடைய மூளைப் பகுதியிலுள்ள நரம்புகள் வறட்சியினால் பாதிக்கப்பட்டு, பக்கவாத நோய் ஏற்பட்டுள்ளது. க்ஷீரபலா 101, தான்வந்திரம் 101 போன்ற நரம்புகளை வலுப்படுத்தும் மூலிகை நெய் மருந்துகளில் ஒன்றைத் தேர்ந்தெடுத்து நீராவியில் உருக்கி, மூக்கினுள் சொட்டு மருந்தாகப் பயன்படுத்தும் சிகிச்சைமுறை நல்லது. தலையில் எண்ணெய்யை நிறுத்தி வைக்கும் சிரோவஸ்தி எனும் சிகிச்சைமுறையும் நல்லதே. உடல் நரம்புகளை வலுப்படுத்தும் மூலிகை எண்ணெய் தேய்ப்பு, மூலிகை இலைகளால் இதமான சூட்டில் ஒத்தடம் கொடுப்பது, மதுபானத்தால் ஏற்பட்டுள்ள நச்சுத்தன்மையை ஆஸன வாய் வழியாகச் செலுத்தப்படும் எனிமா (வஸ்தி) சிகிச்சை முறை, நவர அரிசியை சித்தாமுட்டி வேர் கஷாயம் கலந்த பாலுடன் வேக வைத்து, உடலெங்கும் தேய்த்துவிடுதல் போன்ற சிகிச்சைமுறைகள் தங்களுக்கு நன்மை தரக் கூடும்.

    உங்களால் 90 மி.லி. மதுபானம் சாப்பிடுவதை விட முடியவில்லை. திடீரென்று அறவே நிறுத்திவிடவும் கூடாததுதான். அதனால் மதுவில் சுமார் 2% குறைத்து, அந்த அளவில் நற்குணங்களைக் கொண்ட ஆஸவாரிஷ்ட ஆயுர்வேத மருந்துகளை அந்த 98% மதுவுடன் சேர்த்து முதலில் சாப்பிட்டு, பிறகு நாளுக்கு நாள் மதுவின் அளவை கிரமமாக 2% வீதமாய் மேலும் மேலும் குறைத்து, அந்த அளவில் நல்ல ஆஸவாரிஷ்டத்தைச் சேர்த்துச் சாப்பிடவும். இப்படிச் செய்து கொண்டே வந்தால் இறுதியில் மதுபானம் முற்றிலும் ஒழிந்து, அந்த அளவுக்கு நல்ல திரவத்தின் பானம் வந்துவிடும். மதுபானத்தினால் ஏற்படும் இன்னல் எதுவும் வராது. அதன் மீதுள்ள இச்சையும் தொடராது. மதுபானத்தை நிறுத்த விரும்பும் நபர்களும் இந்த முறையை பின்பற்றினால், மதுப்பழக்கத்திலிருந்து விரைவில் விடுபடலாம்.

    துவர்ப்புச் சுவையை உடைய திரிபலை, கருங்காலிக் கட்டை போன்றவற்றால் காய்ச்சப்பட்ட நீரை புண்ணின் மீது விட்டு கழுவி வந்தால், விரைவில் புண் ஆறிவிடும். ஈக்கள் மொய்க்காதவாறு பஞ்சு வைத்துக் கட்டிக் கொள்ளவும். அஸவ்கந்தாரிஷ்டம் எனும் ஆயுர்வேத மருந்தைச் சுமார் 30 மி.லி. காலை, இரவு உணவுக்குப் பிறகு, சாப்பிட்டு வந்தால், உங்களுக்கு ஏற்பட்டுள்ள தலைச்சுற்றல் உபாதை குறைந்துவிடும்.

    (தொடரும்)


    By எஸ். சுவாமிநாதன், டீன் ஸ்ரீஜயேந்திர சரஸ்வதி ஆயுர்வேதக் கல்லூரி, நசரத்பேட்டை - 600 123 (பூந்தமல்லி அருகே) செல் : 94444 41771
    dinamani: 20 July 2013


    jv_66 and Sriramajayam like this.

    "மண்ணில் நல்ல வண்ணம் வாழலாம்"

  8. #1548
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Today's Medical Info

    ஆயுள் காக்கும் ஆயுர்வேதம்: ரத்த ஓட்டம் தடைபட்டால்...?

    என் வயது 64. ஆறுமாதம் முன்பு பைபாஸ் சர்ஜரி செய்தார்கள். சர்க்கரை நோய்க்கு இன்சுலின் ஊசி போட்டுக் கொள்கிறேன். கடந்த ஒரு மாதமாக இடது வலது உள்ளங்கால் மற்றும் குதிகால் பகுதிகளில் கடுமையான எரிச்சல், வலி ஏற்படுகிறது. கால்களில் ரத்த ஓட்டம் தடைபடுகிறது. இதை ஆயுர்வேத சிசிச்சை மூலம் குணப்படுத்த முடியுமா?
    ஜி.ஆர்.வெற்றிவேல், அவினாசி.


    கால் பகுதிகளுக்குத் தேவையான பிராண வாயுவை ஏந்திச் செல்லும் ரத்தக் குழாய்களின் உட்புறச் சுவர் தடித்துப் போனாலோ, உட்புற விட்டம் சுருங்கினாலோ, ரத்தத்தின் வேக அழுத்தம் குறைந்து போகும் தறுவாயில், கடுமையான வலி, எரிச்சல், ரத்த ஓட்டத் தடை போன்ற உபாதைகள் தோன்றக் கூடும். புகை, மதுபானம், அதிகம் நேரம் கால்களைத் தொங்க விட்டு வேலை செய்தல், அதிகம் நடந்து வேலை செய்ய வேண்டிய நிர்பந்தம், சைக்கிள் சவாரி, நீச்சல், வண்டி ஓட்டுதல் போன்ற செயல்களால், கால் பகுதிகளிலுள்ள ரத்தக் குழாய்கள் வலுவிழக்கக் கூடும். சர்க்கரை உபாதையில், ரத்த நாளங்கள், தசைநார்கள் போன்றவை விரைவில் செயலிழக்கும் ஆபத்திருப்பதால், அவற்றை வலுப்படுத்த வேண்டிய நிர்பந்தமும், சர்க்கரையின் அளவைக் கட்டுப்பாட்டுக்குள் கொண்டு வர வேண்டிய அவசியமுமிருக்கிறது.

    இரவில் நன்றாக உறங்கி காலையில் எழுந்ததும், ரத்தக் குழாய்களுக்குத் தேவையான அளவு ஓய்வு கிட்டியிருப்பதால், ஆயுர்வேத மூலிகைத் தைலங்களாகிய பிண்டதைலம் மற்றும் நிசோசீராதி தைலத்தை வெதுவெதுப்பாகச் சூடு செய்து பஞ்சில் முக்கி எடுத்து எரிச்சல் வலி உள்ள பகுதிகளில் சுற்றி அதன் மேல் ஒரு துணியை இறுக்கமாக அல்லாமல், மிருதுவாகக் கட்டி சுமார் ஒரு மணி நேரம் ஊற வைத்த பிறகு, பஞ்சை எடுத்து விட்டு, வேறு ஒரு துணியால் எண்ணெய் ஊறிய பகுதியைத் துடைத்துவிடும் எளிய சிகிச்சை முறையால், ரத்தக் குழாய்களை நம்மால் மிருதுவாகச் செய்ய இயலும். அதன் ரப்பர் போன்ற தன்மையை இந்தத் தைல முறையில் ஏற்படுத்தினால், ரத்த ஓட்டம் சீராக வாய்ப்பிருக்கிறது. சுருங்கிய உட்புற விட்டம் விரியத் தொடங்கும்.

    மூலிகைத் தைலங்களைக் கால்களில் தாரையாக தொடர்ந்து விழும்படி சுமார் 12 அங்குலம் மேலிருந்து பிடித்து ஊற்றும் சிகிச்சை முறையாலும், கால் எரிச்சல் வலி ரத்த ஓட்டத் தடையைக் குறைக்க உதவிடக் கூடும். தசமூலம் எனும் பத்து மூலிகைப் பொருட்களைக் கொண்டு தயாரிக்கப்படும் மூலிகைத் தண்ணீரை, எண்ணெய் ஊறிய பகுதிகளில் தாரையாக விடும் சிகிச்சை முறையும் சிறந்ததே.

    அஸ்வகந்தா எனப்படும் அமுக்கரா சூரணத்தைச் சுமார் 5 கிராம் அளவில் சிறிது சூடான பாலுடன் கலந்து காலை, மாலை வெறும் வயிற்றில் 48 நாட்கள் சாப்பிட கால் ரத்தக் குழாய்களை வலுப்படுத்த முடியும். தற்சமயம் இந்தச் சூரண மருந்து தரமாக மூலிகை மருந்துக் கடைகளில் கிடைக்கிறது.

    சர்க்கரை உபாதைக்குப் பயந்து உணவில் அதிக அளவில் கசப்பும் துவர்ப்பும் நிறைந்த உணவு வகைகளைத் தொடர்ந்து சாப்பிட்டு வந்தால், ரத்தக் குழாய்கள் விரைவில் வலுவிழக்கக் கூடும். அதனால் அவற்றை மிதமாகச் சாப்பிடுவதுடன், நெய்ப்புடன் கூடிய கோதுமை, உளுந்து, எள்ளு போன்ற உணவுகளையும் மிதமாகச் சாப்பிடுதல் நலம். குடலில் வறட்சி ஏற்படாமலிருக்க 10 மி.லி தான்வந்திரம் அல்லது விதார்யாதி எனும் ஆயுர்வேத மூலிகை நெய் மருந்துகளில் ஒன்றை லேசாக உருக்கி, காலை, இரவு உணவுக்கு அரைமணி நேரம் முன்பாக நக்கிச் சாப்பிடுதல் நல்லது. குடலில் ஏற்படும் நெய்ப்பை, ரத்தக் குழாய்களின் உட்புறம் வரை கொண்டு செல்லும் வேலையை வாயு எனும் தோஷம் பெற்றிருப்பதால், அதன் வேலைத்திறன் மங்காத வகையில் இந்த மூலிகை நெய் மருந்துகள் உதவிடக் கூடும்.

    இப்படி உட்புறம் மற்றும் வெளிப்புறம் ஏற்படும் எண்ணெய்ப் பசையால் ரத்த நாளங்களில் உண்டாகும் கடினமான தன்மையையும், அவை சுருண்டு கொள்ளும் நிலையையும் நம்மால் தவிர்க்க முடியும் என்று ஆயுர்வேதம் கூறுகிறது.

    (தொடரும்)


    By எஸ். சுவாமிநாதன், டீன் ஸ்ரீஜயேந்திர சரஸ்வதி ஆயுர்வேதக் கல்லூரி, நசரத்பேட்டை - 600 123 (பூந்தமல்லி அருகே) செல் : 94444 41771
    dinamani : 27 July 2013


    jv_66 and Sriramajayam like this.

    "மண்ணில் நல்ல வண்ணம் வாழலாம்"

  9. #1549
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Today's Medical Info

    புற்றுநோயை கட்டுப்படுத்தும் கறிவேப்பிலை

    கறிவேப்பிலையின் கணக்கற்ற நம் உணவில் சேர்க்கும் பலவும் நமது ஆரோக்கியம் காப்பவை. அதற்கு ஓர் உதாரணம், கறிவேப்பிலை. இது உணவுக்கு மணம் கொடுக்க மட்டுமல்ல, ஆரோக்கியம் காக்கவும்தான். கறிவேப்பிலையில் பல்வேறு மருத்துவ குணங்கள் இருப்பதாக சமீபத்திய ஆய்வுகள் மூலம் தெரியவந்துள்ளது.

    இதில் வைட்டமின் ஏ, பி, சி, கால்சியம் போன்றவை உள்ளன. மேலும் கறிவேப்பிலையில் கோயினிஜாக், குளுகோசைட், ஒலியோரெசின், ஆஸ்பர்ஜான் சொரின், ஆஸ்பார்டிக் அமிலம், அயாமைன், புரோலைன் போன்ற அமினோ அமிலங்கள் உள்ளன. இவைதான் கறிவேப்பிலைக்கு இனிய மணத்தை தருகின்றன.

    பல மருத்துவ குணங்களையும் வெளிப்படுத்துகின்றன. கறிவேப்பிலை, புற்றுநோயை ஆரம்பத்திலேயே கொல்லும் ஆற்றல் உடையது என்பதை அண்மையில் ஆஸ்திரேலிய உணவியல் அறிஞர்கள் கண்டறிந்துள்ளனர். நியூட்ரிசன் சயன்டிஸ்ட் ஆப்சிசையரோ என்பது ஆஸ்திரேலியாவின் மிகப்பெரிய மருத்துவ ஆராய்ச்சி நிறுவனம்.

    இந்நிறுவனம் மசாலாப் பொருட்கள் நல்ல வாசனை உடையவை மட்டுமல்ல, அவை பல மருத்துவ குணங்களை கொண்டவை என்பதைக் கண்டறிந்துள்ளது. இந்நிறுவனத் தலைமை ஆராய்ச்சியாளர் லனேகோபியாக், கறி வேப்பிலை சிறந்த ஆன்டி ஆக்சிடன்டாக இயங்குகிறது என்கிறார்.

    இது புற்றுநோய், இதய நோய் அபாயங்களைக் குறைக்கும் ஆற்றல் கொண்டது. மேலும் கறிவேப்பிலையால் ஞாபகசக்தி பெருகு கிறது என்கிறார் இவர். கறிவேப்பிலையிலிருந்து எண்ணெய் எடுத்து அதை நுரையீரல், இதயம், கண் நோய்களுக்கு தலைக்கு தேய்க்கும் எண்ணெய்யாக பயன்படுத்தலாம் என இங்கிலாந்தில் உள்ள விவசாய மருத்துவ ஆராய்ச்சி நிலையம் தெரிவித்துள்ளது.

    சாதாரணமாக 100 கிராம் கறிவேப்பிலையை அரைத்து சாற்றை எடுத்து 100 கிராம் தேங்காய் எண்ணெய்யில் கலந்து இதமான சூட்டில் ஈரப்பதம் நீங்கும் வரை காய்ச்சி, தினசரி தேய்த்து வந்தால் உடல் உஷ்ணம் மங்கும். பரம்பரை நரை வராது.

    கண்பார்வை குறைவு ஏற்படாது. கறிவேப்பிலையை அரைத்துச் சாப்பிட்டால் நுரையீரல், இதயம் சம்பந்தப்பட்ட, ரத்த சம்பந்தப்பட்ட நோய்கள் வருவது குறையும் என்கிறது மேற்கண்ட ஆஸ்திரேலிய நிறுவனம். திருவனந்தபுரத்தில் உள்ள கேரளா பல்கலைக்கழகத்தில், கறிவேப்பிலையையும், கடுகையும் தாளிக்கப் பயன்படுத்தினால் அதனால் நன்மை உண்டா என்பது பற்றி மருத்துவக் குழுவினர் ஆராய்ந்தனர்.

    அதில், கறிவேப்பிலையும், கடுகும் சேர்ந்து நமது திசுக்களை அழிவிலிருந்து பாதுகாக்கின்றன என்பது தெரியவந்தது. மேலும் 'பிரிரேடிக்கல்ஸ்' நிலை ஏற்படுவதையும் கறிவேப்பிலை தடுக்கிறது. பிரிரேடிக்கல்ஸ் உருவாவதால்தான் டி.என்.ஏ. பாதிக்கப்படுகிறது.

    செல்களிலுள்ள புரோட்டீன் அழிகிறது. விளைவு, கேன்சர், வாதநோய்கள் தோன்றுகின்றன. தாளிக்கும்போது நாம் பயன்படுத்தும் கறிவேப்பிலையும், கடுகும் பிரிரேடிக்கல்ஸ் உருவாவதைத் தடுப்பதாக ஆய்வில் கண்டறிந்துள்ளனர்.

    இது தவிர நீரிழிவு நோயாளிகள் காலையில் 10 கறிவேப்பிலை இலைகளையும், மாலையில் 10 இலைகளையும் பறித்த உடனேயே வாயில் போட்டு மென்று சாற்றை விழுங்கிவந்தால் மாத்திரை சாப்பிடும் அளவை பாதியாகக் குறைத்துவிடலாம் என்கிறார்கள் மருத்துவர்கள்.

    தினசரி வெறும் வயிற்றில் கறிவேப்பிலை இலையை 3 மாதங்கள் சாப்பிட்டு வந்தால் நீரிழிவால் உடல் கனமானது குறைக்கப்படும், சிறுநீரில் சர்க்கரை வெளியேறுவதும் முற்றிலும் தடை செய்யப்படும். கறிவேப்பிலை, ரத்தத்தில் இருக்கும் கொழுப்பை குறைக்கவும், அறிவைப் பெருக்கவும் உதவுகிறது.

    கறிவேப்பிலையை பச்சையாகவே மென்று தின்றால் குரல் இனிமையாகும். சளியும் குறையும் என்கிறார்கள் மருத்துவர்கள். இனிமேலாவது, கறிவேப்பிலையை சாப்பாட்டில் இருந்து தூக்கி எறிந்துவிடாமல் அதையும் குடலுக்கு அனுப்புவோம்!


    maalaimalar


    Sriramajayam and fatima15 like this.

    "மண்ணில் நல்ல வண்ணம் வாழலாம்"

  10. #1550
    Sriramajayam's Avatar
    Sriramajayam is offline Registered User
    Blogger
    Supreme Ruler's of Penmai
    Real Name
    விசு @ Visu
    Gender
    Male
    Join Date
    Sep 2012
    Location
    Madras @ சென்னை
    Posts
    88,451
    Blog Entries
    1787

    re: Today's Medical Info

    கர்ப்பிணிகளுக்கு நன்மை தரும் மாதுளை
    உடலுக்கு ஆரோக்கியம் தரும் பழங்களில் முக்கியமானது மாதுளம் பழம். குழந்தைகள், முதியவர்கள் என்று அனைவருக்கும் ஏற்ற பழமாக இது உள்ளது. மாதுளம் பழச்சாறு சிறுநீரகத்துக்கு மிகவும் நல்லது என்று சமீபத்திய ஆய்வில் கண்டுபிடித்திருக்கிறார்கள்.
    அதோடு, கர்ப்பிணிகளுக்குத் தேவையான சத்துகளை மாதுளை வழங்குகிறது என்று ஆய்வாளர்கள் கூறுகின்றனர். கர்ப்பிணிகள் தொடர்ந்து மாதுளம்பழம் சாப்பிட்டு வரலாம் என்கிறார்கள். கர்ப்பிணிகள் தொடர்ந்து இந்த பழத்தை சாப்பிடுவதால் தாய்க்கும், சேய்க்கும் கிடைக்க வேண்டிய அனைத்து சத்துக்களும் கிடைக்கிறது.
    இஸ்ரேல் நாட்டைச் சேர்ந்த ஆராய்ச்சியாளர்கள் நடத்திய ஆய்வில், மாதுளம் பழச்சாறை தொடர்ந்து சாப்பிட்டு வந்தால் சிறுநீரக நோய் பெருமளவில் கட்டுப்படுகிறது என்று கண்டுபிடிக்கப்பட்டுள்ளது. மேலும் இதய நோயாளிகளுக்கும் இது ஏற்றது என்றும் அவர்கள் கூறுகிறார்கள்.
    மாதுளம்பழம் ஒரு நல்ல ஆன்டி ஆக்சிடன்ட் ஆகவும் செயல்படுகிறது. சிறுநீரகப் பிரச்சினை உள்ள நோயாளிகளுக்கு மாதுளம் பழச்சாறைத் தொடர்ந்து கொடுத்துப் பரிசோதித்தபோது, அவர்களுக்கு சிறுநீரகத்துக்கு மட்டுமின்றி மேலும் பல நன்மைகளை மாதுளம் பழம் அளிப்பது தெரியவந்துள்ளது.
    பொதுவாக பெண்களுக்கு மாதவிடாய் காலங்களில் ஏற்படும் வலிக்கு மாதுளை மிகவும் சிறந்தது. தற்போது சந்தைக்கு மாதுளைவரத்து அதிகரித்திருக்கிறது. எனவே மாதுளம்பழம் வாங்கிச் சாப்பிட்டு, அது அளிக்கும் நன்மைகளைப் பெறலாம்.


    Tamil Samuthaayam


    பழகிப் பார் பாசம் தெரியும்.
    பகைத்து பார் வீரம் தெரியும்.


    Get in Close with Me to know my Affection!
    Get in Fight with me to know my Braveness!






    விசு @ Visu.,
    PENMAI’s Supreme Ruler's of Penmai – II – 22-4-17 to still Date
    PENMAI’s Ex Young Golden Ruler – II – 30-7-15 to 22-4-17 (631days)
    PENMAI’s Ex Young Silver Ruler - II – 12-2-14 to 30-7-15 (534days)
    PENMAI’s Ex Young Ruler - 7-3-13 to 12-2-14 (343days)
    PENMAI’s Ex Young Yuva - 11-2-13 to 7-3-13 (25days)
    PENMAI’s Ex Young Guru - 5-1-13 to 11-2-13 (38days)
    PENMAI’s Ex Young Minister - 22-11-12 to 5-1-13 (45days)
    PENMAI’s Ex Young Commander - 6-11-12 to 22-11-12 (17days)
    PENMAI’s Ex Young Friend – 19-9-12 to 6-11-12 (49days)

loading...

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  
Like It?
Share It!







Follow Penmai on Twitter