Sponsored Links
Sponsored Links
Penmai eMagazine November! | All Issues

User Tag List

Like Tree245Likes

Health Bulletin


Discussions on "Health Bulletin" in "Health" forum.


  1. #2561
    vijaykumar12's Avatar
    vijaykumar12 is offline Ruler's of Penmai
    Gender
    Male
    Join Date
    Aug 2012
    Location
    India
    Posts
    12,532

    Re: Health Bulletin




    Sponsored Links

  2. #2562
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    97,103

    Re: Health Bulletin

    குண்டான குழந்தைகள்: இந்தியாவிற்கு 2வது இடம்


    உலகிலேயே குண்டான குழந்தைகள் அதிகம் இருக்கும் நாடுகளின் பட்டியலில் இந்தியா 2வது இடத்தில் உள்ளது. இந்த பட்டியலில் சீனா முதல் இடத்தில் உள்ளது.

    சமீபத்தில் நடத்தப்பட்ட ஆய்வு முடிவுகளின் அடிப்படையில், இந்தியாவில் 14.4 மில்லியன் குழந்தைகள் அதிக உடல்எடையுடன் இருப்பது தெரிய வந்துள்ளது. உலக அளவில் 2 பில்லியனுக்கும் அதிகமான குழந்தைகள் மற்றும் பெரியவர்கள் அதிக உடல் எடை காரணமாக நோய்களும் அதிகரித்து வருகிறது. அதனால் ஏற்படும் உயிரிழப்புக்களும் அதிகரித்து வருகிறது.

    2015ல் மட்டும் அதிக உடல் சார்ந்த நோய்களால் 4 மில்லியன் பேர் உயிரிழந்துள்ளனர். உடல் எடை அதிகமான குழந்தைகள் மற்றும் பெரியவர்கள் அதிகமுள்ள நாடுகளில் பட்டியலில், அமெரிக்கா முதலிடத்திலும், அதிக உடல்உடை உள்ள பெரியவர்களை அதிகம் கொண்ட நாடுகளில் எகிப்து முதல் இடத்திலும் உள்ளது. உடல் எடை அதிகமானவர்கள் மிக குறைவாக உள்ள நாடுகளில் வங்கதேசும், வியட்நாமும் உள்ளன. தி நியூ இங்கிலாந்து ஜோர்னல் ஆப் மெடிசின் என்ற அமைப்பு உலகில் அதிகம் பிரபலமான 20 நாடுகளில் உடல் எடை அதிகமாக உள்ளவர்கள் குறித்து நடத்திய ஆய்வில் இது தெரிய வந்துள்ளது.


  3. #2563
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    97,103

    Re: Health Bulletin

    சிறுவர்கள், இளைஞர்களிடம் மனம்விட்டுப் பேசாவிட்டால், போதை அபாயம்..! - மருத்துவ எச்சரிக்கை




    புதுக்கோட்டை மாவட்டம் அறந்தாங்கி அரசு தலைமை மருத்துவமனையில், குடிநோய், போதை எதிர்ப்பு தினம் ஜூன் 27 அன்று கடைப்பிடிக்கப்பட்டது. மாவட்ட மருத்துவ இணை இயக்குநர் மரு.சுரேஷ்குமார் தலைமைவகித்தார். அப்போது, ”சிறுவர்கள் மற்றும் இளைஞர்களிடமும் பெற்றோரும் ஆசிரியர்களும் நட்பாகப் பேசவேண்டும்; அப்படிப் பேசும்போதுதான் அவர்களிடம் உள்ள மனக் கஷ்டங்கள், கவலை, அழுத்தம் ஆகியவற்றைப் பகிர்ந்துகொள்வார்கள்; இதன் மூலம் அவர்கள் தங்களின் பிரச்னைக்கு குடி போன்ற போதையை நாடிவிடாமல் தடுக்கமுடியும்” என்று மரு. சுரேஷ்குமார் கூறினார்.


    மனநல மருத்துவர் கார்த்திக் தெய்வநாயகம் பேசுகையில்,”இந்திய அளவில் இரண்டு மணி நேரத்துக்கு ஒருவர் தற்கொலை செய்துகொள்கிறார். போதைப்பொருள் பயன்படுத்துவதால் தினமும் 10 பேர் தற்கொலைக்கு ஆளாவதாகவும் தேசிய குற்ற ஆவணக் காப்பகப் புள்ளிவிவரம் தெரிவிக்கிறது” என்றார்.


    மேலும், “குடி உட்பட போதைப்பழக்கமானது, ஒன்று, உடனிருக்கும் நண்பர்களால் கொண்டாட்டமாகத் தொடங்குவது. மற்றது, மனக் கஷ்டம், பதற்றம், கவலை, அழுத்தம் போன்ற பிரச்னைகளுக்குத் தீர்வாக போதையை நாடுவது. இரண்டு வகையினருமே எப்போதாவது எனத் தொடங்கி, மாதம், வாரம் ஒரு முறை, சில நாட்களுக்கு ஒரு முறை, பிறகு தினசரி, கடைசியாக காலையில் எழுந்தவுடன் தொடங்கி எப்போதுமே போதையிலேயே இருப்பது என குடிநோயாளியாக மாறிவிடும் அபாயம் உண்டாகிறது. இப்படி குடிக்கு அடிமையாகிவிடும்போது கல்லீரல் வீக்கம், கல்லீரல் சுருக்கம், கல்லீரல் புற்றுநோய், குடல்குழிப்புண், ரத்தவாந்தி, ரத்தக்கொதிப்பு, கணையம் கெட்டு சர்க்கரை, நரம்புத்தளர்ச்சி, கைகால்நடுக்கம், ஞாபகமறதி, பாதம் எப்போதுமே கொதிப்பதைப் போல எரிச்சல், மன அழுத்தம், மனப் பதற்றம், சிந்தனைக் குழப்பம், சக மனிதர்கள் மீது சந்தேகம்கொள்ளும் நோய், முக்கியமாக நுரையீரல், இதய பாதிப்புகள் என உடல், மனம் இரண்டையும் கடுமையாக பாதிக்கும். குடிப்பவர்களில் 20% முதல் 30%வரை கட்டாயம் குடிநோயாளிகளாக மாறிவிடுவார்கள் ” என்று மருத்துவர் கார்த்திக் தெய்வநாயகம் தெரிவித்தார்.


    குடிநோய்க்கான அவசரத் தீவிர சிகிச்சை, போதைசார்ந்த வலிப்புநோய் தடுப்பு சிகிச்சை, தீவிர குழப்பநோய்த் தடுப்பு சிகிச்சை, தயாமின் வைட்டமின் குறைபாடு சிகிச்சை, நுண்சத்துக் குறைபாடு சிகிச்சை, போதைசார்ந்த மனநோய்க்கான் அசிகிச்சை, போதைசார்ந்த உடல்நலக் கேட்டுக்கான ஆரம்பகட்டச் சிகிச்சை, போதையின் மீது பெரும்விருப்பத்தைக் கட்டுப்படுத்தும் சிகிச்சை, குடும்பத்தினருடனான கலந்துரையாடல், குடிநோய் பாதிக்கப்பட்டோருடன் குழுக் கலந்துரையாடல் ஆகியன, அறந்தாங்கி அரசு தலைமை மருத்துவமனையில் வழங்கப்படும் என மருத்துவ அதிகாரிகள் தெரிவித்தனர்.


    தலைமை மருத்துவர் சுந்தரராசு, போதை எதிர்ப்பு விழிப்புணர்வுத் துண்டறிக்கைகளை நோயாளிகள் மற்றும் பொதுமக்களிடம் விநியோகித்தார். எலும்புசிகிச்சை வல்லுநர் இராதாகிருஷ்ணன், அறுவைச்சிகிச்சை வல்லுநர் தியாகராஜன் ஆகியோரும் பேசினர்.
    நிகழ்ச்சியின் நிறைவாக, பொதுமக்களின் சந்தேகங்கள், கேள்விகளுக்கு மனநல மருத்துவர் விளக்கம் அளித்தார்.


    விவசாயி ஒருவர் பேசுகையில்,” குடியில்லாமல் என்னால் இருக்கவேமுடியவில்லை; அந்த சமயத்தில் நன்றாகப் பழக்கமானவர்களிடமும் உறவினர்களிடமும் கோபத்தோடும் எரிச்சலோடும் சண்டை போடுகிறேன். பல நேரங்களில் வாங்கும் சம்பளம் முழுவதையும் குடித்தே காலியாக்கிவிடுகிறேன். தவறு எனத் தெரிகிறது. ஆனால் ஒன்றும் செய்யமுடியவில்லை. இதற்கு வழி உண்டா?” என்றார்.


    நோயாளியின் உறவினரான இன்னொரு பெரியவரோ,” பெண்களும் சில நேரங்களில் குடிப்பதாக செய்தி பார்க்கிறோம். அவர்களுக்கு இந்த அளவுக்கு பிரச்னைகள் இருப்பதாகத் தகவல் இல்லையே?” என்று கேட்க, “ குடிநோயின் பாதிப்பு வயது, பால், படிப்பு வித்தியாசம் பார்த்து வருவதில்லை. இன்னாருக்குதான் பாதிப்பு வரும் எனச் சொல்லமுடியாது” என்றார் மருத்துவர்.


    அவ்வப்போது குடித்தால் பாதிப்பு வராதுதானே என்ற கேள்விக்கு பதிலளித்த மருத்துவர்,” குடியோ வேறு போதைப்பொருள்களோ எப்போது கட்டுப்பாட்டைத் தாண்டும் எனக் கூறமுடியாது. ஆரம்பத்தில் கொஞ்சம்தானே, ஒரு முறைதானே என்றுதான் தொடங்கும். பிறகு மோசமாகிவிடும் என்பதுதான்.” என்றார் சீரியஸுடன்.

    நான் தினமும் என்னுடைய வேலைகளைச் செய்துவிடுகிறேன். இரவு 10 மணிக்கு குடிக்கிறேன். எனக்கு எந்த பாதிப்பும் இல்லையே? இதை எப்படி எடுத்துக்கொள்வது?” எனக் கேட்டார், ஒருவர். அதற்கு, அந்த நேரத்தில்தான் குடிப்பீர்களா என்று பதிலுக்குக் கேட்டார், மருத்துவர். ’அந்த நேரத்தில் சரியாகக் குடிக்கத் தொடங்கிவிடுவேன் என்று அவர் உடனடியாக பதில்கூற, “ இந்த மன உந்துதல் குடிநோயின் அறிகுறிதான்” என்று விளக்கம் அளித்தார், மனநல மருத்துவர்.


  4. #2564
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    97,103

    Re: Health Bulletin

    சேவைக்கு மரியாதை! - தேசிய மருத்துவர்கள் தினப் பகிர்வு #NationalDoctorsDay




    ன்னலம் பாராமல் பிறர் நலம் ஒன்றையே குறிக்கோளாகக்கொண்டு செயல்படுபவர்கள் மருத்துவர்கள். நோய்கள் பெருகிவிட்ட இன்றைய காலகட்டத்தில் மருத்துவர்களின் பணி மிகவும் அத்தியாவசியமான ஒன்றாகிவிட்டது. `கடவுள் மாதிரி வந்து காப்பாற்றினீர்கள்...' என்று எல்லோருமே சொல்லும் ரியல் ஹீரோக்கள் மருத்துவர்கள்தாம்.
    நம் வாழ்வின் ஒவ்வொரு காலகட்டத்திலும் இவர்களின் உதவியோடுதான் வாழ்க்கையைக் கடந்துவருகிறோம். `அன்னையர் தினம்’, `தந்தையர் தினம்’, `காதலர் தினம்’ வரிசையில் மருத்துவர்களையும் கௌரவிக்க வேண்டும் என்ற நோக்கில் ஒவ்வோர் ஆண்டும் ஜூலை 1-ம் தேதி தேசிய மருத்துவர்கள் தினம் கொண்டாடப்பட்டுவருகிறது. இந்திய மருத்துவ உலகின் பல பரிமாணங்களில் சிறப்பான சேவை புரிந்த டாக்டர் பி.சி.ராய் அவர்களின் நினைவாக இந்நாள் கொண்டாடப்படுகிறது.


    பீஹார் மாநிலம், பாட்னா நகர் அருகே பாங்கிபோர் என்னும் சிற்றூரில் 1882-ம் ஆண்டு ஜூலை 1-ம் தேதி பிறந்தார் பிதான் சந்திராராய் என்கிற பி.சி.ராய். மருத்துவத்தைத் தொழிலாக எண்ணாமல், தனது வாழ்நாள் சேவையாகவே கருதி பணியாற்றிய அவரின் பிறந்த தினத்தையே தேசிய மருத்துவர்கள் தினமாகக் கொண்டாடிவருகிறோம்.


    மேற்கு வங்க முதல்வராகவும் பணியாற்றிய இவரின் தியாகமும் தொலைநோக்குத் திட்டங்களும் மறக்க முடியாதவை. சிறப்பான மருத்துவச் சேவை செய்பவர்களுக்கு இவரின் பெயரில் 1976-ம் ஆண்டு முதல், `டாக்டர் பி.சி.ராய் விருது’ வழங்கப்பட்டுவருகிறது. மருத்துவர் புகழ் சொல்லும் இந்த நாளில் மருத்துவர்களைப் பெருமையோடு நினைவுகூர வேண்டும் என்றே இந்த நாள் கொண்டாடப்படுகிறது. அத்தோடு மருத்துவத் துறையை மேம்படுத்தும் தினமாகவும், இந்திய மக்களின் வாழ்நாளை நீட்டிக்கத் திட்டமிடும் நாளாகவும் இந்திய அரசு இந்த நாளைக் கொண்டாடுகிறது.


    மருத்துவர்கள் தினம் என்றதும் எல்லா மருத்துவர்களும் ஒன்றாகக்கூடி உண்டு மகிழ்ந்து கொண்டாடித் தீர்ப்பது அல்ல. மாறாக, மருத்துவர்கள் மற்றும் மருத்துவத்துறையின் பிரச்னைகள் பற்றியும் இந்தியர்கள் அனைவருக்கும் நலவாழ்வு கிடைக்கச்செய்வதில் மருத்துவர்கள் அனைவரது பங்களிப்பு பற்றியும் விழிப்புஉணர்வு ஏற்படுத்தக்கூடிய தினமாக அது அமைய வேண்டும்.



    உயிர்களை இந்த உலகத்துக்கு வெளியே கொண்டு வரவும், கொண்டு வந்த உயிரை அதன் கடைசி நிமிடம் வரை சிகிச்சை அளித்துக் காக்கவும் போராடும் தன்னமலற்ற ஒரு ஜீவன் என்றால், அது மருத்துவர்தான். உண்மையில் நம்மை முழுமையாக ஒப்புக்கொடுக்கும் ஒரே நம்பிக்கையான ஜீவனும் மருத்துவர்தான். தங்களின் சொந்த விருப்பு, வெறுப்புகளை ஒதுக்கிவைத்துவிட்டு, அர்ப்பணிப்பு என்ற சிந்தனையோடு, நுட்பமான பணிகளில் தொடர்ந்து பணியாற்றும் மருத்துவர்களின் தியாகமும் உழைப்பும் என்றுமே மக்களால் கொண்டாடப்படவேண்டியவைதான்.


    நகரங்கள் மட்டுமன்றி, எந்த அடிப்படை வசதியும் இல்லாத கிராமத்திலும், பாலைவனத்திலும், குளிர் சூழ்ந்த பனிமலைகளிலும், ஏன்... போர்முனைகளில்கூட இவர்கள் ஆற்றும் மருத்துவச் சிகிச்சைகள், `உண்மையிலேயே இவர்கள் போற்றத்தக்க மாண்பு கொண்டவர்கள்’ என்றே புகழச்செய்யும்.

    கிடைத்த வசதிகளைக்கொண்டு சேவையாற்றும் அருமையான பல மருத்துவர்கள் இன்னும்கூட இந்தியாவில் இருக்கிறார்கள். அவர்களை இந்த நாளில் தலை வணங்கி வாழ்த்துவோம். எந்த நேரத்திலும், எந்தச் சூழலிலும் தன்னலம் பாராமல் சேவை ஆற்றும் மருத்துவர்களை இந்த நாளில் வாழ்த்தி மகிழ்வோம்.



  5. #2565
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    97,103

    Re: Health Bulletin

    Stem cell tourism worries experts




    Stem cell tourism — in which patients travel to developing countries for unproven and potentially risky therapies — should be more tightly regulated, according to a group of international health experts.
    With hundreds of medical centers around the world claiming to be able to repair tissue damaged by conditions such as multiple sclerosis and Parkinson’s disease, tackling unscrupulous advertising of such procedures is crucial.


    These therapies are advertised directly to patients with the promise of a cure, but there is often little or no evidence to show they will help or that they will not cause harm, the 15 experts wrote in the journal Science Translational Medicine.


    Some types of stem cell transplant — mainly using blood and skin stem cells — have been approved by regulators after full clinical trials found they could treat certain types of cancer and grow skin grafts for burn patients.


    But many other potential therapies are only in the earliest stages of development and have not been approved by regulators.


    “Stem cell therapies hold a lot of promise, but we need rigorous clinical trials and regulatory processes to determine whether a proposed treatment is safe, effective and better than existing treatments,” said one of the 15, Sarah Chan of Britain’s University of Edinburgh.


    The experts called for global action, led by the World Health Organization, to introduce controls on advertising and to agree on international standards for the manufacture and testing of cell- and tissue-based therapies.


    “The globalization of health markets and the specific tensions surrounding stem cell research and its applications have made this a difficult challenge,” they wrote. “However, the stakes are too high not to take a united stance.”


  6. #2566
    vijaykumar12's Avatar
    vijaykumar12 is offline Ruler's of Penmai
    Gender
    Male
    Join Date
    Aug 2012
    Location
    India
    Posts
    12,532

    Re: Health Bulletin

    தமிழகத்தில் முதன்முதலாக ‘ஜிகா’ வைரஸ் காய்ச்சல் தாக்கிய வாலிபர் குணம் அடைந்தார்



    வெளிநாடுகளை அச்சுறுத்திய ‘ஜிகா’ வைரஸ் இந்தியாவில் குஜராத் மாநிலத்தில் கடந்த ஆண்டு புகுந்தது.

    அங்கு 3 பேருக்கு ஜிகா வைரஸ் இருப்பது கண்டுபிடிக்கப்பட்டது. 34 வயது பெண் ஒருவருக்கும், 22 வயது கர்ப்பிணி பெண்ணுக்கும் 64 வயதான ஒருவருக்கும் இந்த வைரஸ் இருந்தது தெரிய வந்தது.

    இந்த நிலையில் தமிழகத்திலும் ஜிகா வைரஸ் தற்போது தலைதூக்கியுள்ளது.

    கிருஷ்ணகிரி மாவட்டம் நாட்றாம்பாளையம் கிராமத்தைச் சேர்ந்த 27 வயது வாலிபருக்கு ‘ஜிகா’ வைரஸ் இருப்பது பரிசோதனையில் உறுதி செய்யப்பட்டுள்ளது. அஞ்செட்டி ஆரம்ப சுகாதார நிலையத்தில் அவருக்கு சிகிச்சை அளிக்கப்பட்டதை தொடர்ந்து அவர் குணமாகி விட்டார்.

    ஜிகா வைரஸ் முதன் முதலாக தமிழகத்தில் பரவியுள்ளதையடுத்து சுகாதாரத்துறை செயலாளர் ராதாகிருஷ்ணன், பொது சுகாதாரத்துறை இயக்குனர் டாக்டர் குழந்தைசாமி மற்றும் அதிகாரிகள் அங்கு முகாமிட்டு முன் எச்சரிக்கை தடுப்பு நடவடிக்கைகளை மேற்கொண்டு வருகின்றனர்.

    ஜிகா வைரஸ் பாதிப்பு குறித்து கிருஷ்ணகிரி மாவட்ட சுகாதாரத்துறை துணை இயக்குனர் பிரியாராஜ் கூறியதாவது:-

    நாட்றாம்பாளையம் வாலிபருக்கு தொடர்ந்து காய்ச்சல் இருந்து வந்தது. இதையடுத்து அவரை பரிசோதனை செய்த போது டெங்கு, வைரஸ், சிக்குன் குனியா போன்ற காய்ச்சல்கள் இல்லை என்று தெரிய வந்தது.

    இருந்த போதிலும் அவருக்கு தொடர்ந்து காய்ச்சல் இருந்ததால் ரத்த மாதிரி, சிறுநீர் ஆகியவை புனேவில் உள்ள ஆய்வகத்திற்கு பரிசோதனைக்காக அனுப்பி வைக்கப்பட்டது. இதில் அந்த வாலிபருக்கு ஜிகா வைரஸ் காய்ச்சல் இருந்தது தெரிய வந்தது. இதையடுத்து அந்த வாலிபருக்கு சிகிச்சை அளிக்கப்பட்டது. தற்போது அவர் குணமாகி வருகிறார்.

    மேலும் அதே கிராமத்தில் காய்ச்சலால் பாதிக்கப்பட்ட 4 பேரின் ரத்த மாதிரிகள் ஆய்விற்காக புனேவுக்கு அனுப்பப்பட்டது. அதில் யாருக்கும் ஜிகா வைரஸ் பாதிப்பு இல்லை என தெரிய வந்தது.

    தற்போது நாட்றாம்பாளையம் கிராமத்தை சுற்றி உள்ள கிராமங்களில் 8 மருத்துவ குழுக்கள் முகாமிட்டு காய்ச்சலால் பாதிக்கப்பட்டவர்களுக்கு சிகிச்சை அளிக்கப்பட்டு வருகிறது. மேலும் அங்கு மருத்துவ முகாம்கள் அமைக்கப்பட்டு கண்காணிக்கப்பட்டு வருகின்றன.

    இவ்வாறு அவர் கூறினார்.

    பொது சுகாதாரத்துறை இயக்குனர் டாக்டர் குழந்தை சாமி கூறியதாவது:-

    காய்ச்சல், கண்கள் சிவப்பு நிறமாக மாற்றம், சோர்வு, மூட்டு வலி, தலைவலி உள்ளிட்ட அறிகுறிகள் நாட்றாம் பாளையத்தில் உள்ள 27 வயது வாலிபருக்கு காணப்பட்டன. இதனையடுத்து அவரின் சிறுநீர் மற்றும் ரத்த மாதிரிகள் சேகரிக்கப்பட்டு மணிப்பால் வரஸ் ஆராய்ச்சி மையத்திற்கு அனுப்பப்பட்டது.

    அங்கு அவரது சிறுநீர் மற்றும் ரத்த மாதிரிகளை சோதித்துவிட்டு ஜிகா வைரஸ் பாதிப்பு இல்லை என்று முடிவு அறிவித்தனர்.

    இதனைத்தொடர்ந்து சிறுநீர் மற்றும் ரத்த மாதிரிகள் புனேயில் உள்ள தேசிய வைரஸ் ஆய்வு மைய நிறுவனத்திற்கு அனுப்பப்பட்டன. அங்கு பரிசோதனையில் ஜிகா வைரஸ் பாதிப்பு இருப்பது கண்டறியப்பட்டது. அந்த வாலிபருக்கு தொடர் சிகிச்சை அளிக்கப்பட்டது. ஜிகா வைரஸ் நோயால் பாதிக்கப்பட்ட வாலிபர் பெங்களூரு மற்றும் ஆந்திரா மாநிலத்திற்கு 3 மாதங்களுக்கு முன்பு பயணம் மேற்கொண்டுள்ளார். எனவே அவருக்கு ஜிகா வைரஸ் எப்படி பரவியது என்பது குறித்து கண்டறியும் முயற்சி மேற்கொள்ளப்பட்டு வருகிறது.

    இவ்வாறு அவர் கூறினார்.

    ஜிகா வைரஸ் பாதிப்பு ஏற்படுவது எப்படி? என்பது குறித்து டாக்டர் ஒருவர் கூறியதாவது:-

    ஜிகா வைரஸ் பாதிப்பு ஏற்பட்டால் காய்ச்சல் உருவாகும், தோலில் அரிப்பு ஏற்படும், கண் நோய் உருவாகும். அதாவது கண்கள் ரத்த சிவப்பு நிறத்தில் தோன்றும். மூட்டுகளில் வலி ஏற்படும், உடல் சோர்வு ஏற்படும்.

    இதுபோன்ற அறிகுறிகள் ஏற்பட்டால் உடனடியாக அரசு ஆஸ்பத்திரிகளுக்கு சென்று சிகிச்சை பெறுவது அவசியம். சிறுநீர் மற்றும் ரத்த மாதிரிகளை சேகரித்து பரிசோதனை செய்ய வேண்டும்.

    இந்த வைரஸ் பாதிப்பு ஏற்பட கொசுக்கள் தான் காரணம். ஏடீஸ் கொசுக்கள் கடித்த 2 நாட்கள் முதல் 7 நாட்களில் மேற்கண்ட இந்த அறிகுறிகள் தோன்றும். இந்த அறிகுறிகள் டெங்கு காய்ச்சல் போல் இல்லாமல் சாதாரணமாக இருப்பதால் பலருக்கு இதுபற்றி தெரிவதில்லை. எனவே உஷாராக இருப்பது நல்லது.

    இவ்வாறு அவர் கூறினார்.

    ஈரோடு மாவட்டம் அம்மாபேட்டை அருகே சித்தார் பகுதியில் என்ஜினீயரிங் மாணவர் தினேஷ் குமார், அத்தாணியில் 3-ம் வகுப்பு மாணவி மைனுகா (வயது 8), கவுந்தப்பாடி அருகே 1-ம் வகுப்பு மாணவர் தர்‌ஷன், சித்தோடு ரோஜா நகரை சேர்ந்த தீபிகா (9), பவானி திருவள்ளுவர் நகரை சேர்ந்த பிளஸ்-2 மாணவி பிரியதர்சினி (17) ஆகியோர் மர்ம காய்ச்சலுக்கு பலியாகி உள்ளனர்.

    பவானி திருவள்ளுவர் நகரை சேர்ந்த சண்முகம் என்பவரது மகள் பிரியதர்சினி (வயது 17) மர்ம காய்ச்சலால் கடுமையாக பாதிக்கப்பட்டு கோவையில் உள்ள ஒரு தனியார் ஆஸ்பத்திரியில் சிகிச்சைக்காக சேர்க்கப்பட்டார்.

    ஆனால் அங்கு சிகிச்சை பலனின்றி பிரியதர்சினி நேற்று மாலை பரிதாபமாக இறந்தார்.

    இதேபோல் கோபி பகுதியை சேர்ந்த வேதகி (வயது 24) என்ற இளம்பெண்ணும் மர்ம காய்ச்சலுக்கு பலியானார்.

    தற்போது கேரள மாநிலத்தில் டெங்குவின் தாக்கம் அதிகமாக இருப்பதால் கேரளாவை ஒட்டி உள்ள கோவை மற்றும் ஈரோடு மாவட்டத்தில் டெங்கு காய்ச்சல் பாதிப்பு அதிகமாக உள்ளது.

    ஈரோடு மாவட்டத்தில் மட்டும் டெங்கு காய்ச்சலால் 50-க்கும் மேற்பட்டவர்கள் பாதிக்கப்பட்டு தனியார் மற்றும் அரசு ஆஸ்பத்திரிகளில் தீவிர சிகிச்சை பெற்று வருகிறார்கள்.

    இப்போது டெங்கு காய்ச்சலுடன் ஜிகா வைரசும் ஈரோடு மாவட்ட மக்களை பயமுறுத்தி வருகிறது.

    சுகாதாரத்துறை அதிகாரி ஒருவர் கூறுகையில், ஜிகா வைரசை பரப்பும் கொசு இங்கு கிடையாது. இது வெளிநாட்டு கொசு வகையை சேர்ந்தது. வெளிநாட்டில் இருந்து நம் நாட்டுக்கு வரும் வெளிநாட்டவருக்கு இந்த ஜிகா வைரஸ் இருந்தால் அவர்கள் மூலம் நம் நாட்டில் பரவக்கூடும்.

    இதனால்தான் நம் நாட்டில் உள்ள விமான நிலையங்களில் தீவிர சோதனை நடத்தப்பட்டு வருகிறது. ஈரோடு மாவட்டத்தில் ஜிகா வைரஸ் பாதிக்கப்பட்டவர்கள் எவரும் இல்லை.

    அந்த வைரஸ் நோய் பரவும் வாய்ப்பும் இல்லை. எனினும் பரவாமல் தடுக்க தீவிர நடவடிக்கை எடுத்து வருகிறோம் என்றார்.


  7. #2567
    vijaykumar12's Avatar
    vijaykumar12 is offline Ruler's of Penmai
    Gender
    Male
    Join Date
    Aug 2012
    Location
    India
    Posts
    12,532

    Re: Health Bulletin

    ஜிகா வைரஸ் பரவாமல் தடுக்க நடவடிக்கை: மதுரை விமான நிலையத்தில் பயணிகளுக்கு மருத்துவ பரிசோதனை



    உலக அளவில் ஆட்கொல்லி வைரஸ் நோயான ஜிகா வைரஸ் காய்ச்சல் ஆப்பிரிக்கா உள்ளிட்ட பல்வேறு நாடுகளில் பரவி வருகிறது. இந்த காய்ச்சல் இந்தியாவில் வருவதை தடுக்க தேவையான முன் எச்சரிக்கை நடவடிக்கை எடுக்கப்பட்டு வருகிறது. தமிழ்நாட்டிலும் சுகாதார துறையினர் விமான நிலையங்களில் தீவிர கண்காணிப்பில் ஈடுபட்டு வருகிறார்கள். வெளிநாடுகளில் இருந்து வரும் பயணிகளுக்கு மருத்துவ பரிசோதனை நடத்தப்படுகிறது.

    மதுரை விமான நிலையத்தில் இருந்து துபாய், இலங்கை ஆகிய நாடுகளுக்கு விமானங்கள் இயக்கப்படுகிறது. அங்கிருந்து வரும் பயணிகள் மூலம் ஜிகா வைரஸ் பரவாமல் தடுக்கும் வகையில் மருத்துவ பரிசோதனைகள் நடத்தப்படுகிறது. இதற்காக மாவட்ட சுகாதாரத்துறை துணை இயக்குனர் அர்ஜூன் தலைமையில் 10-க்கும் மேற்பட்ட குழுவினர் பயணிகளை கண்காணித்து மருந்து, மாத்திரைகளை வழங்கி வருகிறார்கள்.

    இந்த மருத்துவ பரிசோதனை தொடர்ந்து நடத்தப்படும் என்றும் டாக்டர்கள் அறிவித்துள்ளனர். இதனால் வெளிநாடுகளில் இருந்து மதுரை வரும் பயணிகள் மூலம் ஜிகா வைரஸ் பரவாமல் தடுக்க தேவையான முன் எச்சரிக்கை நடவடிக்கைகள் எடுக்கப்பட்டுள்ளது.


  8. #2568
    vijaykumar12's Avatar
    vijaykumar12 is offline Ruler's of Penmai
    Gender
    Male
    Join Date
    Aug 2012
    Location
    India
    Posts
    12,532

    Re: Health Bulletin

    மருத்துவத்தின் மகத்தான புரட்சி பிளாஸ்டிக் சர்ஜரி! #WorldPlasticSurgeryDay

    மனிதனின் உடலிலுள்ள நோய்களைக் கண்டறிந்து அதனை குணப்படுத்துவதே மருத்துவம். போதிதர்மர் காலத்தில் கண்டுபிடிக்கப்பட்ட சில மருத்துவக் குறிப்புகள்கூட இன்றும் நமக்குக் கைகொடுத்து உதவுகின்றன. மருத்துவத்தில், எத்தனையோ பேர் என்னென்னவோ கண்டுபிடித்து மருத்துவத் துறையை அடுத்த கட்டத்துக்கு நகர்த்திச் சென்றிருக்கிறார்கள்; இன்னும் நிறையப் பேர் நகர்த்திச் செல்லக் காத்திருக்கிறார்கள். இன்று மருத்துவத்தில் எண்ணிலடங்காத புதுப்புது தொழில்நுட்பங்களும் சிகிச்சைகளும் நம்மை பிரமிக்கவைக்கும் அளவுக்கு வளர்ந்து நிற்கின்றன. அதிலும் குறிப்பாக, தன் உடலமைப்பையே தனக்குப் பிடித்ததுபோல மாற்றி அமைத்துக்கொள்ளும் பிளாஸ்டிக் சர்ஜரி இன்று அதிகமாகிவருகிறது. இந்த அறுவைசிகிச்சை பற்றியும் இதிலுள்ள தொழில்நுட்பங்கள் பற்றியும் விரிவாகச் சொல்கிறார் பிளாஸ்டிக் அறுவைசிகிச்சை நிபுணர் சசிகுமார் முத்து.
    வரலாறு
    மருத்துவத்தின் மிக முக்கிய பிரிவான அறுவைசிகிச்சை முறையில், உலகளவில் சாதித்த பெருமை சுஸ்ருதரையே சாரும். இவர் `சுஸ்ருதா சம்ஹிதா’ என்ற அற்புதமான மருத்துவ நூலை கி.மு. ஆறாம் நூற்றாண்டில் எழுதியிருக்கிறார். ஆனால், அந்த மூல நூல் நமக்குக் கிடைக்கவில்லை. மூல நூலின் மறு பதிப்பாக கி.மு. மூன்றாம் நூற்றாண்டில் கிடைத்த நூலில் இருந்துதான் நாம் இன்று சுஸ்ருதரின் அருமை, பெருமைகளைத் தெரிந்துகொண்டிருக்கிறோம். இவரை `அறுவைசிகிச்சை மருத்துவத்தின் தந்தை’ (Father of Surgery) என இன்று உலக அறிஞர்கள் போற்றுகின்றனர். சுஸ்ருதர், பலவகை அறுவைசிகிச்சை முறைகளுக்குப் பிரபலமானவராகக் கருதப்பட்டாலும், இன்று நாம் அவரை அதிகமாக நினைவுகூர்வது அவர் செய்த பிளாஸ்டிக் சர்ஜரிக்குத்தான். இந்த முறையை முதன்முதலில் உலகுக்கு அறிமுகப்படுத்தியவர் சுஸ்ருதர்தான். அவர் செய்த அறுவைசிகிச்சை இன்று `RhinoPlasty’ என அழைக்கப்படுகிறது. இதில் ஒருவர் இழந்த மூக்கை மீண்டும் பெறலாம். அந்தக் காலத்தில் தவறு செய்பவர்களுக்குக் கடும் தண்டனை வழங்கப்பட்டதை வரலாறின் மூலம் நாம் அறிவோம்.

    அப்படி வழங்கப்பட்ட கடும் தண்டனைகளில் ஒன்று, தவறு செய்தவரின் மூக்கை அறுப்பது. அப்போதெல்லாம், ஒருவரின் மூக்கு எந்தப் பாதிப்பும் இல்லாமல் இருந்தால், அவருக்கு சமுதாயத்தில் நன்மதிப்புக் கிடைத்தது. அது, கௌரவத்தின் அடையாளமாகக் கருதப்பட்டது. இந்த நிலையில்தான், தவறு செய்து மூக்கறுப்பட்டவர்களைக் காப்பாற்ற சுஸ்ருதர் முன்வந்தார்.

    ஒருவரின் அறுபட்ட மூக்கைச் சரிசெய்ய, மூக்கின் அளவு, உருவ அமைப்பு ஆகியவை கணக்கிடப்படும். அதே அளவிலும், உருவ அமைப்பிலுமான தோலை ஒருவரின் முன்னந்தலையில் (நெற்றியில்) வரைந்து, பின் அதை அப்படியே கீறி எடுப்பார்கள். அதைக்கொண்டு, அறுபட்ட மூக்கின் பகுதியை நிரப்பி தையல் போடுவார்கள். இந்த மாபெரும் மருத்துவ முறையை சுஸ்ருதர் கையாண்டார். அறுவைசிகிச்சை செய்யப்பட்ட புதிய மூக்கின் பகுதி ஒன்றுசேர சிறிது காலம் பிடிக்கும். நெற்றியில் தோல் எடுத்த பகுதி, இந்தக் காயம் ஆறுவதற்கு முன்பே வளர்ந்து மீண்டும் ஒட்டிக்கொள்ளும். எனவே, முன்னந்தலையில் எந்த நஷ்டமும் இல்லாமல் இழந்த மூக்கை ஒருவர் மீண்டும் பெறலாம். சுஸ்ருதரின் இந்த வெற்றிகரமான சிகிச்சை காரணமாக, அவர் `பிளாஸ்டிக் சர்ஜரியின் தந்தை’ என்றும் அழைக்கப்பட்டார்.
    பிளாஸ்டிக் சர்ஜரி - பிரிவுகள்...



    மறுசீரமைப்பு அறுவைசிகிச்சை (Reconstructive Surgery)
    இந்த அறுவைசிகிச்சையில் தீக்காயங்களை சீரமைத்தல், உதட்டில் பிளவு போன்ற பிறப்பிலேயே இருக்கும் பிரச்னைகளைச் சரிசெய்தல் ஆகியவை அடங்கும்.
    ஒப்பனை அறுவைசிகிச்சை (Cosmetic surgery)
    இது, தன் உடலமைப்பை, தனக்குப் பிடித்ததுபோல் அமைத்துக்கொள்ளச் செய்யப்படும் அறுவைசிகிச்சை. இதில், மார்பகச் சீரமைப்பு, தலைமுடியைச் சீரமைத்தல், வயிறு, இடுப்பு போன்ற இடங்களில் உள்ள கொழுப்பை நீக்குதல், உடல் பாகங்களை மாற்றி அமைத்தல் ஆகியவை அடங்கும். இது, தங்கள் அழகுக்காகப் பலர் செய்துகொள்ளும் அறுவைசிகிச்சை.


    கை அறுவைசிகிச்சை (Hand Surgery)
    வெட்டுக்காயம், கை விரல்கள் வெட்டப்பட்டு தனியாக இருந்தால், அவற்றைச் சேர்த்து ஒட்டவைத்து, மீண்டும் பழையநிலைக்கு மாற உதவி செய்வது இந்த அறுவைசிகிச்சை.
    அறுவைசிகிச்சைக்கு முன்னர்...
    பொதுவாக, தீ விபத்தினால் ஏற்பட்ட காயங்களுக்கு எந்தவித நிபந்தனைகளும் இல்லாமல் சிகிச்சை செய்யலாம். பிறப்பிலேயே உடலில் மாற்றம் உள்ளவர்களுக்கும் அவர்களின் நலன் கருதி உடனடி சிகிச்சை செய்யலாம். ஆனால், பிளாஸ்டிக் சர்ஜரி செய்துகொள்ள விரும்புபவர்களுக்கு, முதலில் அவர்களின் எதிர்ப்பார்ப்பு என்ன என்பதை கேட்டுத் தெரிந்துகொள்ள வேண்டும். பிறகு, அவர்களுக்கு ஆலோசனை வழங்க வேண்டும்... `இந்த சிகிச்சை மேற்கொண்டால், இப்படித்தான் இருக்கும்; இதை எல்லாம் பின்பற்ற வேண்டும்’ என அவர்களுக்குச் சொல்லிப் புரியவைக்க வேண்டும். அவர்கள் அதையெல்லாம் புரிந்துகொள்ள, குறிப்பிட்ட கால அவகாசமும் வழங்க வேண்டும். அதன் பிறகும், அவர்கள் இந்தச் சிகிச்சையை செய்துகொள்ள விரும்பினால், செய்து கொள்ளலாம். முதலில் அவர்களுக்கு இதைச் செய்துகொள்ள தன்னம்பிக்கை இருக்க வேண்டும்.


    தகுதி
    மறுசீரமைப்பு அறுவை சிகிச்சை செய்துகொள்ள எந்தத் தகுதியும் தேவை இல்லை. காரணம், தீக்காயம், பிறப்பிலேயே மாற்றம் போன்றவை அவர்களின் நலன் கருதியும் உயிருக்கு முக்கியத்துவம் கொடுத்தும் செய்யப்படுவது. ஆனால், ஒப்பனை அறுவை சிகிச்சை செய்துகொள்ள 18 வயது நிரம்பி இருப்பது நல்லது. அதேபோல், சர்க்கரை, தைராய்டு போன்ற பிரச்னைகள் இருந்தால், முதலில் அவற்றைச் சரியான அளக்குக் கொண்டு வந்து பிறகு, சிகிச்சை மேற்கொள்ள வேண்டும்.


    சிகிச்சைக்கு பின்னர்...
    சிகிச்சைக்குப் பின்னர் பல வாரங்களுக்கு மருந்து, மாத்திரைகளைத் தவறாமல் உட்கொள்ள வேண்டும். உணவு, சரிவிகிதத்தில் இருக்க வேண்டும். நல்ல தூக்கம் வேண்டும். சிகிச்சை முடிந்து, உடல் முழுமையாகக் குணமாக இரண்டு மாதங்கள் ஆகும். அதேபோல, சிகிச்சை முடிந்த பிறகு, தழும்புகள் நிச்சயம் இருக்கும். ஆனால், அது வெளியே தெரியாமல் அமையும் வகையில் சிகிச்சை மேற்கொள்ளப்படும். இந்தச் சிகிச்சையைப் பொறுத்தவரை, நம் உடலில் இருந்தே தோல்களை எடுத்து சிகிச்சை நடைபெறும். பிறந்த குழந்தைக்கு செய்யவேண்டுமென்றால், அந்தத் தாயின் உடலில் இருந்து தோலை எடுத்து குழந்தைக்கு வைக்க வேண்டும்.
    தொடர்ந்து ஒப்பனை அறுவை சிகிச்சை செய்தால்..?
    திரை பிரபலங்கள், தங்கள் அழகைப் பெரிதும் நேசிப்பார்கள். அதனால், சிலவற்றை மனதில் கற்பனை செய்துகொண்டு சிகிச்சை செய்துகொள்வார்கள். அது அவர்களுக்குத் திருப்தி தராமல் இருக்கும் பட்சத்தில் திரும்பவும் செய்துகொள்வார்கள். இதுபோல் அதிகமாக இந்தச் சிகிச்சையை மேற்கொள்ளும்போது, ஒரு சிகிச்சை செய்த பிறகு, குறிப்பிட்ட காலம் கழித்து சிகிச்சை மேற்கொள்ள வேண்டும்.


    இதன் தேவை
    ஒப்பனை அறுவை சிகிச்சையைப் பொறுத்தவரை, இந்தத் தலைமுறையினருக்கு இதன் தன்மை புரிந்திருக்கிறது. இப்போதெல்லாம் அழகில் அதிக கவனம் செலுத்த ஆரம்பித்திருக்கிறார்கள். இணையதளத்தில் தேடித் தெரிந்துகொள்கிறார்கள். ஆனால், அதில் அவர்களுக்கு முழுமையான தகவல்கள் கிடைப்பதில்லை என்பதே உண்மை. இது குறித்த விழிப்புஉணர்வு வேண்டும். அரசு மருத்துவனையிலேயே பிளாஸ்டிக் சிகிச்சை செய்கிறார்கள். சிலர் இது அதிக செலவு பிடிக்கும் சிகிச்சை எனக் கருதி, இதைச் செய்துகொள்ள மறுக்கிறார்கள். உண்மையில், இதற்கும் மற்ற அறுவைசிகிச்சைகளுக்கு உண்டாகும் செலவுதான் ஆகும். ஆனால், ஒப்பனை அறுவை சிகிச்சைக்கு மட்டும் காப்பீடு பெற முடியாது.

    அழகுக்காக செய்வது மட்டும்தான் பிளாஸ்டிக் சர்ஜரி என்ற தவறான கருத்து பலருக்கு உண்டு. தீக்காயம், பிறப்பில் உடல் மாற்றம் ஆகியவற்றால் சமூகத்தில் எழும் பிரச்னைகளை எதிர்கொள்ள முடியாமல் தற்கொலைக்குக்கூட சிலர் முயற்சிக்கின்றனர். அந்த எண்ணத்தை மாற்றவும், அவர்களுக்கு உதவவும் இந்த அறுவைசிகிச்சை உதவும். அதற்குத் தேவையெல்லாம் பிளாஸ்டிக் சர்ஜரி குறித்த முழுமையான விழிப்புஉணர்வு மட்டுமே.


  9. #2569
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    97,103

    Re: Health Bulletin

    Amid turning tide, AIDS claimed 1 million lives in 2016: UN

    AIDS claimed a million lives in 2016, almost half the 2005 toll that marked the peak of the deadly epidemic, said a UN report Thursday proclaiming "the scales have tipped".

    Not only are new HIV infections and deaths declining, but more people than ever are on life-saving treatment, according to data published ahead of an AIDS science conference opening in Paris on Sunday.

    "In 2016, 19.5 million of the 36.7 million people living with HIV had access to treatment," said the UNAIDS global roundup.

    This marked the first time that more than half of infected people were receiving anti-retro viral treatment, which subdues the AIDS virus but does not kill it.

    "AIDS-related deaths have fallen from 1.9 million in 2005 by one million in 2016," said the authors, adding that "for the first time the scales have tipped."

    The year 2016 saw 1.8 million new infections, almost half the record number of some 3.5 million in 1997, said the report.

    In total, 76.1 million people have been infected with HIV, the virus that causes AIDS, since the epidemic started in the 1980s. Some 35 million have died.

    "Communities and families are thriving as AIDS is being pushed back," said UNAIDS executive director Michel Sidibe.

    "As we bring the epidemic under control, health outcomes are improving and nations are becoming stronger."

    As yet, there is no HIV vaccine or cure, and infected people rely on lifelong anti-retroviral therapy to stop the virus replicating.

    Without treatment, HIV-infected people go on to develop AIDS, a syndrome that weakens the immune system and leaves the body exposed to opportunistic infections such as tuberculosis, and some types of cancer.

    Treatment carries side effects and is costly, but allows infected people to be healthier for longer.

    Most progress has been made in east and southern Africa, the region that was hardest hit by the epidemic and where many interventions were focused.

    Since 2010, AIDS-related deaths in the region declined by 42 per cent. The region accounts for half the world's infected population, with women and girls disproportionately affected at 60 per cent.

    Sixty per cent of all people who receive anti-retroviral therapy live in east and southern Africa which, along with west and central Europe and the Americas, is on target to meet the so-called 90-90-90 targets set by the UN, said the report.

    By 2020, states the plan, 90 per cent of infected people must know their status, of whom 90 per cent must be on treatment. In 90 per cent of those, the virus will be "suppressed" by medicine to the extent that it cannot function or replicate.

    By 2016, 70 per cent of infected people knew their status, said the new report. Of those, 77 per cent were on treatment, and 82 per cent had virus suppression.

    UNAIDS expressed concern about two regions with worsening AIDS trends: the Middle East-North Africa, and eastern Europe-central Asia. Both are areas marred by conflict and political uncertainty.

    New HIV infections rose by 60 per cent in eastern Europe and central Asia, and deaths by almost a third from 2010 to 2016.

    In the Middle East and North Africa, the number of AIDS deaths increased by a fifth in the last six years.

    "Globally, progress has been significant, but there is still more work to do," the authors said in a statement.


    "Around 30 per cent of people living with HIV still do not know their HIV status, 17.1 million people living with HIV do not have access to anti retroviral therapy, and more than half of all people living with HIV are not virally suppressed."

    Of the total infected population, over two million were children younger than 15, said UNAIDS. Only 43 per cent of them were on treatment.

    New infections among children almost halved from 300,000 in 2010 to 160,000 last year, said the report.

    This was partly due to more and more HIV-infected pregnant women — 76 per cent in 2016 — having access to drugs blocking virus transmission to their offspring.


  10. #2570
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    97,103

    Re: Health Bulletin

    வைரஸ், டைபாய்டு, டெங்கு, சிக்கன்குன்யா... காய்ச்சல்களை அறிந்து வருமுன் பாதுகாத்துக்கொள்வது எப்படி?




    'காய்ச்சலும் தலைவலியும் தனக்கு வந்தால்தான் தெரியும்' காய்ச்சலின் கொடுமையை எளிதாய் உணர்த்தும் பழமொழி இது. காய்ச்சல் வந்தாலே உடல் சோர்வடைந்து, உடம்பு நெருப்பாய் கொதிக்கும், எதுவும் சாப்பிடப்பிடிக்காது, பசியின்மை, அடித்துப் போட்டதுபோல் உடம்பு வலி என சில நாள்கள் ஆளை படுத்த படுக்கை ஆக்கி, பாடாகப்படுத்தி எடுத்துவிடும்.
    சாதாரண காய்ச்சலுக்கே இந்த நிலை என்னும்போது, இந்த காலகட்டத்தில் வைரஸ் காய்ச்சல், மலேரியா, சிக்கன் குனியா, பன்றிக் காய்ச்சல், டெங்கு காய்ச்சல் என நித்தம் ஒரு புது பெயரில் காய்ச்சல் வருகின்றன. இதுமட்டுமல்லாது, இன்னமும் பெயர் வைக்காத காய்ச்சல் வகைகளும் உள்ளன. இப்படி பரவக்கூடிய காய்ச்சல்களில் உயிருக்கு உலை வைக்கும் அபாயகரமான காய்ச்சல்களும் உள்ளன.

    இந்நிலையில், மர்மக் காய்ச்சலுக்கு இத்தனை பேர் பலி, இவ்வளவு பேர் மருத்துவமனையில் அனுமதி என நாலாபுறமும் இருந்து வரும் செய்திகளும் நாளும் நம்மை பதைபதைக்க வைக்கிறது.


    "பெரும்பாலான காய்ச்சல் கிருமிகள் மூலம் பரவக்கூடியவை. கொசு, ஈக்கள், காய்ச்சல் பாதித்த ஒருவரிடமிருந்து மற்றவருக்கும் காய்ச்சல் பரவக்கூடும். நோய் எதிர்ப்பு சக்தி இல்லாத நிலையில் அக்கிருமிகளின் தாக்குதலுக்கு ஆளாகி விடுகிறோம். இப்படி பரவக் கூடிய பல காய்ச்சலுக்கு அசுத்தமான காற்று, சுகாதாரமற்ற நிலையில் உள்ள குடிக்கும் நீர் மற்றும் உண்ணும் உணவு என சுகாதாரமற்ற சுற்றுச்சூழல் ஆகியவைதான் பெரிதும் காரணமாக உள்ளன. இதற்கு காய்ச்சல் உருவாகும் மற்றும் பரவும் விதம் குறித்த அறியாமையால்தான் பல்வேறு விதமான நோய் தாக்குதலுக்கு ஆளாகிறார்கள்" என்கிறார் பொதுநல மருத்துவர் அமுதகுமார்.

    மேலும் காய்ச்சலில் உள்ள வகைகளையும் அதன் அறிகுறிகளைக் கொண்டு எந்த காய்ச்சல் என இனம் காண்பது, தீர்வுகள் குறித்தும் விவரிக்கிறார்.


    பெரும்பாலான காய்ச்சல்கள் வைரஸ்களினால் ஏற்படும். அவ்வாறு காய்ச்சல் ஏற்படும்போது, உடல்நிலை மிகவும் மோசமாவதுபோல், வேறு சில அறிகுறிகளுடன் காணப்பட்டால், உடனே மருத்துவரை அணுக வேண்டும். ஏனெனில், நோய்கிருமிகளால் உடலில் பாதிப்பு ஏற்படும்போது காய்ச்சல் ஏற்படும். இதுவே, மூளை, இதயம், நுரையீரல், கல்லீரல் போன்ற உடல் உறுப்புகளில் கடுமையாகத் தாக்கும்போது உயிரிழப்பும் ஏற்படலாம்.


    அதற்கு முதலில் நாம் அறிந்துகொள்ள வேண்டியது, நமக்கு வந்திருப்பது எந்த வகையான காய்ச்சல் என்பதுதான். எனவே, ஒவ்வொருவரும் காய்ச்சலை சாதாரணமாக எண்ணாமல், அவற்றில் உள்ள வகைகளை தெரிந்துகொள்ள வேண்டும். சரி, இப்போது காய்ச்சலில் உள்ள வகைகளைப் பார்ப்போம்.


    காய்ச்சல்
    உண்மையில் காய்ச்சல் என்பது ஒரு நோய் அல்ல அது பல நோய்களுக்கான அலெர்ட் அறிகுறிகள். உடலில் கிருமி தொற்று ஏற்படும்போது, அதை எதிர்த்து போராடும் உடல் எதிர்ப்பு சக்தியின் போராட்டமே காய்ச்சல் எனப்படும். இந்த போராட்டத்தின் தன்மையைப் பொறுத்து உடலின் வெப்பம் அதிகரிக்கும். அதாவது, சராசரியாக ஒரு மனிதனின் உடல் வெப்பநிலை 98.4F (37C) என்று இருக்க வேண்டும். அதற்கு மேல் வெப்பம் அதிகரிப்பதை காய்ச்சல், ஜுரம் என்கிறோம். காய்ச்சலில் பல வகைகள் இருக்கின்றன. இது சாதாரண காய்ச்சலாக இருந்தால் சில ஆன்டிபயாடிக் மாத்திரைகளிலேயே சரியாகி விடும்.


    வைரஸ் காய்ச்சல்
    பெரும்பாலான வைரஸ் காய்ச்சல், அசுத்தமான தண்ணீர் அல்லது உணவின் மூலம் பரவும். பொதுவான வைரஸ் காய்ச்சலானது, ஒரு வாரம் வரை நீடிக்கலாம். குறிப்பாக இந்த காய்ச்சலானது சாதாரண காய்ச்சலாகத் தொடங்கி மூன்று நாள்களுக்குப் பிறகு அதிகப்படியான காய்ச்சலை ஏற்படுத்தி, பின்னர் படிப்படியாக குறைய ஆரம்பித்து விடும். பொதுவாக இந்த வகையான காய்ச்சல் தொண்டையில் நோய்த் தொற்றை ஏற்படுத்தும். இதற்கு சரியான சிகிச்சையை மேற்கொண்டு வந்தால் சீக்கிரம் குணப்படுத்திவிடலாம்.


    டைபாய்டு
    பொதுவாக, மழைக்காலம் தொடங்கி, பனிக்காலம் முடியும் வரைக்கும் டைபாய்டு காய்ச்சல் ஏற்படும். சுகாதாரமற்ற உணவு மற்றும் குடிநீர் போன்றவை மூலம் நம் உடலுக்குள் நுழையும் `சால்மோனல்லா டைபை’ (Salmonella typhi) எனும் பாக்டீரியா கிருமிகள் பாதிப்பதால் இந்தக் காய்ச்சல் வருகிறது. இந்தக் கிருமிகள் சிறுகுடலை அடைந்து உடனே ரத்தத்தில் கலந்துவிடும். தலைவலி, விட்டு விட்டு காய்ச்சல் முக்கிய அறிகுறிகள். ஒவ்வொரு நாளும், காய்ச்சல் படிப்படியாக அதிகரிக்கும். நாக்கில் வெண்படலம் தோன்றும். பசியின்மை. வாந்தி, வயிற்று வலி வரும். உடற்சோர்வினால் மயக்கம் உண்டாகலாம்.
    மலேரியா
    மலேரியாவும் கொசுக்கடியால் ஏற்படும் ஒரு வகையான காய்ச்சல் ஆகும். வெப்ப மண்டலப்பகுதியில் வாழும் பல மக்கள், இந்த காய்ச்சலினால் உயிரிழந்துள்ளனர். இது வந்தால், உடல் நடுக்கத்துடன் காய்ச்சல் இருக்கும். இதன் தீவிரம் அதிகம் இருந்தால், மூளையில் பாதிப்பை ஏற்படுத்தி, உயிருக்கே ஆபத்தை விளைவிக்கும்.


    சிக்கன் குன்யா
    சிக்கன் குன்யா என்பது கொசுக்களின் மூலம் வைரஸானது உடலைத் தாக்கும். இது மலேரியா மற்றும் டெங்குவை விட சற்று வீரியம் குறைந்ததுதான். ஆனால் இந்த காய்ச்சல் வந்தால், கடுமையான உடல் வலியுடன் மூட்டு வலியும் அதிகமாக இருக்கும்.


    பன்றிக் காய்ச்சல்
    ஹெச் 1 என் 1 என்னும் ஒரு வகையான இன்புளுயன்சா வகை வைரஸ் கிருமியால் ஏற்படுகிறது. வைரஸ் தாக்கத்தினால் ஏற்படுவதே. இந்த வைரஸ் உடலைத் தாக்கினால், அதிகப்படியான காய்ச்சல், தொண்டையில் நோய்த்தொற்று மற்றும் கல்லீரலில் அழற்சி போன்றவற்றை ஏற்படுத்தும். 2010-ம் ஆண்டில் இந்த நோய் தாக்கத்தினால், பலர் உயிரிழந்தனர். ஆனால், தற்போது இந்த நோய்க்கான மருந்தான டாமிப்ளூ (Tamiflu) கண்டுபிடிக்கப்பட்டது. இருப்பினும் இந்தக் காய்ச்சலை சரியான நிலையில் கண்டுபிடித்து, சிகிச்சை பெற வேண்டும்.


    டெங்கு காய்ச்சல்
    டெங்கு ஒரு உயிர்க்கொல்லி காய்ச்சல். ‘டெங்கு' (Dengue) எனும் வைரஸ் கிருமியால் ஏற்படும் ஒரு வகை காய்ச்சல். ‘ஏடிஸ்' (Aedes) எனும் கொசுவின் மூலம் மட்டுமே ஒருவரிடம் இருந்து மற்றொருவருக்கு வைரஸ் கிருமி பரவுகிறது. கடுமையான காய்ச்சல் மற்றும் தலைவலி, உடல்வலி, மூட்டுவலி, வயிற்றுவலி, கண்ணுக்குப் பின்புறம் ஏற்படும் வலி, தொடர்ச்சியான வாந்தி, உடல்சோர்வு ஆகியவை இதன் அறிகுறிகளாகும். சிலருக்கு உடலில் அரிப்பு, சிவப்புப் புள்ளிகள் தோன்றும். இந்த காய்ச்சலின் தீவிர நிலையில், உடலின் உட்பகுதியில் ரத்தக் கசிவை ஏற்படுத்தும். ரத்த தட்டையணுக்கள் குறைந்து விடும்.
    மூளைக்காய்ச்சல்
    மூளைக்காய்ச்சல் பாக்டீரியா, வைரஸ், பூஞ்சை மற்றும் காசநோய் கிருமித் தாக்குதலால் ஏற்படுகிறது. மூளைக்காய்ச்சலை ஏற்படுத்தும் கிருமிகள் காற்றின் மூலமும் கொசுவின் மூலமும் பரவக்கூடியவை. மூளைக்காய்ச்சல் உள்ளவர்கள் இருமும்போதும் தும்மும்போதும் வெளிப்படும் கிருமி அருகில் இருப்பவரிடம் பரவி விடுகிறது. கழுத்து வலி, காய்ச்சல், தலைவலி, வாந்தி, வலிப்பு, மயக்கம் ஆகியவை மூளைக்காய்ச்சலின் அறிகுறிகளாக இருக்கலாம். இது மூளை பாதித்து, அடிக்கடி வலிப்பு மற்றும் தலைவலியை உண்டாக்கும்.


    பாதுகாத்துக்கொள்வது எப்படி?
    கொசுக்கடியிருந்து தப்பிப்பதன் மூலம் மலேரியா, டெங்கு,சிக்கன் குனியா, யானைகால் நோய், மூளைக்காய்ச்சல் போன்வற்றிலிருந்து நம்மைக் காத்துக்கொள்ள முடியும்.
    பாதுகாக்கப்பட்ட அல்லது காய்ச்சிய நீரை குடிப்பது, உணவுகளில் ஈ மொய்க்காமல் பாதுகாத்துக்கொள்வதன் மூலம் வயிற்றுப்போக்கு, கல்லீரல் பாதிப்பு போன்றவற்றால் ஏற்படும் காய்ச்சல்களில் இருந்து நம்மைப் பாதுகாத்துக்கொள்ளலாம்.
    முறையான பரிசோதனை இன்றியோ, மருத்துவரின் ஆலோசனையின்றியோ, தாமாக மருந்து மாத்திரையை உட்கொள்ளும்போது, அது நோய்க்கான அறிகுறிகளை குறைத்து விடும். நோயின் தீவிரம் வெளியே தெரியாமல் உடல்நிலை மோசமடைந்து உயிரிழப்புக்கு வழிவகுக்கலாம்.
    அரசு மருத்துவமனைகளில் வழங்கப்படும் பப்பாளி இலைச்சாறு, நிலவேம்பு மற்றும் மலைவேம்பு குடிநீர் ஆகியவற்றைக் குடிக்கலாம்.
    நோய்களின் பாதிப்பில் இருந்து காத்துக்கொள்ளும் பொதுவான வழிமுறைகள்:
    * பாதுகாக்கப்பட்ட சுத்தமான தண்ணீரை அருந்த வேண்டும்.
    * வீட்டிலும் வீட்டின் சுற்றுப்புறத்திலும் தண்ணீர் தேங்கி இருப்பதை தவிர்க்க வேண்டும்.


    * வெளியே செல்லும்போது தவறாமல் காலணிகளை உபயோகிக்க வேண்டும்.



    * பொது இடங்களில் சிறுநீர், மலம் கழிப்பதைத் தவிர்க்க வேண்டும்.


    * கொசுக்கடியில் இருந்து பாதுகாத்துக்கொள்ள வேண்டும்.


    * இருமல், தும்மலின்போது கைக்குட்டை பயன்படுத்த வேண்டும்.


    * பொது இடங்களில் எச்சில் துப்பக் கூடாது.


    * பாதுகாக்கப்படாத இறைச்சி உணவுகளை உண்ணக் கூடாது.


    * பாலைக் காய்ச்சி குடிக்க வேண்டும்.


    * காய்கறி பழங்களை நன்றாக கழுவி பயன்படுத்த வேண்டும்.


    * நகங்களை வெட்டி அழுக்கு சேராமல் பார்த்துக்கொள்ள வேண்டும்.


    * சுகாதாரமற்ற சூழ்நிலையில் விற்கப்படும் உணவுப்பொருள்களை வாங்கி உண்ணக்கூடாது.

    * சாப்பிடும் முன்பு, மலம் கழித்த பின்பு கைகளைக் சோப்பு போட்டு கழுவ வேண்டும்.


loading...

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  
Like It?
Share It!







Follow Penmai on Twitter