Sponsored Links
Sponsored Links
Penmai eMagazine December! | All Issues

User Tag List

Like Tree917Likes

Fruits and vegetables for Healthy life style And Healthy Life style Tips!


Discussions on "Fruits and vegetables for Healthy life style And Healthy Life style Tips!" in "Healthy and Nutritive Foods" forum.


  1. #1801
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    re: Fruits and vegetables for Healthy life style And Healthy Life style Tips!

    நீண்ட ஆயுளைத் தரும் மூக்கிரட்டை கீரை

    மூக்கிரட்டை கீரை மண்ணில் புல் வெளிகளிலும், நிலங்களிலும் படர்ந்து வளரும் கொடி இனத்தை சார்ந்தது. இதில் இரண்டு வகைகள் உண்டு. பொதுவாக மூக்கிரட்டையானது அது சிறிய சற்று வட்டமான இலைகளையும் சிவந்த பூக்களையும் கொண்டு தரையில் படரும் பூண்டு வகை ஆகும்.
    இதைப் போலவே உருவம் கொண்டு சற்று பெரிய இலைகளையும் தடுமனான, வட்டமான வடிவத்தையும் வெண்மையான பூக்களையும் கொண்டு, காம்புகள் சற்று பருமனாகவும் கொண்டு விளங்குவது. ஆயுர்வேத நூல்களின்படி மூக்கிரட்டை என்பது உஷ்ணத்தை தருகிற ஒரு மூலிகை ஆகும்.


    சிறிது கசப்பும் வறட்டுத் தன்மையும் வாய்ந்தது. இது கபத்தை அழிக்க கூடியது. இரண்டு திசுக்களின் இடையே உள்ள தடையை அல்லது அடைப்பை போக்க வல்லது. இத்தன்மையால் மூட்டுக்களில் ஏற்படும் வீக்கம், வலி ஆகியவற்றுடன் ரத்தசோகை, இருமல், ஆஸ்துமா போன்ற நோய்களையும் குணப்படுத்த கூடியது.
    contd..



    Sponsored Links
    Attached Thumbnails Attached Thumbnails Fruits and vegetables for Healthy life style And Healthy Life style Tips!-10940602_381171628727370_1755920183723901860_n.jpg  

  2. #1802
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    re: Fruits and vegetables for Healthy life style And Healthy Life style Tips!

    தொடர்ச்சி
    மேலும் உடல் வலியையும் போக்கக்கூடியது மூக்கிரட்டை ஆகும். மூக்கிரட்டையின் வேரும் மருத்துவ குணம் வாய்ந்தது ஆகும். வேரைச் சேகரித்து சுத்தப்படுத்தி பொடித்து பத்திரப்படுத்தி வைத்துக்கொண்டு பயன்படுத்தலாம். மூக்கிரட்டை நீண்ட ஆயுளைத் தருகிற கற்ப மூலிகையாகவும் மதிக்கப்படுகிறது.

    இது கண்களின் பார்க்கும் திறனை அதிகப்படுத்தக் கூடியது. ரத்தத்தில் தேங்கும் "பொட்டாசியம்'' என்னும் உப்பின் அளவைக் குறைக்கவல்லது. தொழுநோய், பெருநோய் என்று சொல்லப்படுகிற குட்ட நோயையும் போக்கக் கூடியது.

    மூக்கிரட்டைக் கீரையில் பல வகையான ரசாயன வேதிப்பொருள்கள் உள்ளன இவை இனப்பெருக்க உறுப்புகள், சீரண உறுப்புகள் , சுவாச உறுப்புகள், சிறுநீரகம் , ஈரல் மற்றும் அது தொடர்பான மஞ்சள் காமாலை, இதயம் மற்றும் இதய நாளங்கள் மற்றும் புற்றுநோய் ஆகியவற்றுக்கு மருந்தாகின்றன என ஆய்வுகள் தெரிவிக்கின்றன.

    மேலும் மூக்கிரட்டைக் கீரையில் சத்து பொருள்களான 15 விதமான அமினோ ஆஸிட்கள், வேரில் 14 அமினோ ஆசிட்கள், ஐஸோ பால்மிட்டேட் அஸிடேட், பெகனிக் ஆஸிட், அராசிடிக் ஆஸிட், நீர்மைப்பட்ட கொழுப்பு அமிலங்கள் விட்டமின் `சி' விட்டமின் பி3, மற்றும் விட்டமின் பி2 கால்சியம் சத்து அடங்கியுள்ளன.

    மூக்கிரட்டைக் கீரை ஒரு ரசாயனத் தன்மை மிக்கது என்கிறது ஆயுர்வேதம். ரசாயனம் என்பது நீண்ட ஆயுளை அளிக்கவல்லது மட்டுமல்லாது இளமையை நீட்டிக்க வல்லது, மூளைக்கு புத்துணர்வையும் சுறு சுறுப்பையும் அளிக்க வல்லது. ஈரலை பலப்படுத்தவல்லது.

    நோயைத் தடுக்க கூடியது. நோய் எதிர்ப்பு சக்தியை அதிகரிக்க கூடியது. இவை மட்டுமின்றி கீழ்வரும் நீண்ட பட்டியலை ஒரு முறைக்கு இருமுறை படித்து மனதில் பதித்துக் கொள்ளுங்கள்.

    இவை அவசியமானவையும் அதிசயமானவையும் கூட. மூக்கிரட்டைக் கீரை காய்ச்சலை போக்கக் கூடியது, முதுமையை தவிக்கக் கூடியது, வலிப்பை போக்கக் கூடியது, எவ்வித வீக்கத்தையும் கரைக்க கூடியது ,


    ஒட்டுண்ணிகளுக்கு எதிரானது, தொற்று நோய்க் கிருமிகளுக்கு எதிரானது, ஆஸ்த்துமாவை போக்கக் கூடியது , வயிற்றுப் போக்கை தணிக்க வல்லது, கற்களை கரைக்க கூடியது ,

    கடுப்பை குறைக்க வல்லது, குடற் புழுக்களை விரட்ட வல்லது, நுண்கிருமிகளுக்கு எதிரானது, உயர் ரத்த அழுத்தத்தைத் தணிக்க வல்லது, புண்களை ஆற்றக் கூடியது, ரத்தத்தைச் சுத்திகரிப்பது, குடல் வாயுவை போக்கக் கூடியது, சிறுநீரைப் பெருக்க வல்லது,

    கல்லீரலை பாதுகாப்பது, இன உணர்வைத் தூண்டக் கூடியது, சுவாச நாளங்களைச் சுகப்படுத்தக் கூடியது, உடல் நச்சுக்களை முறிக்கவல்லது, சளி மற்றும் கோழையைக் கரைத்து வெளியேற்ற வல்லது, மலமிளக்க வல்லது, தேவையற்ற சுரப்பிகளை வற்றச் செய்வது,

    இதயத்துக்கு பலம் அளிப்பது, செரிமானத்தை சீர்படுத்துவது, பாலைச் சுரக்க வைப்பது, புற்றுநோய் செல்களைத் தடுக்கக் கூடியது என ஒரு நீண்ட மருத்துவ குணங்களைப் பெற்றுள்ளது.

    மூக்கிரட்டைக்கீரை மாலைக் கண் என்னும் இரவில் கண் தெரியாமையை குணப்படுத்தக் கூடியது. மேலும் கண்களின் உயர் ரத்த அழுத்தத்தை தணிக்க வல்லது. கண்களின் பார்க்கும் திறனை பலப்படுத்துவது அது மட்டுமின்றி பாம்புக்கடி விஷத்தை முறிக்கவும் வல்லது.




  3. #1803
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    re: Fruits and vegetables for Healthy life style And Healthy Life style Tips!

    காது, மூக்கு, தொண்டைகளில் ஏற்படும் நோய்கள் :-

    காது: கேட்கும் சக்தி மனிதனுக்கு கிடைத்த மிகப்பெரிய வரம். இதன் முக்கியத்துவத்தை உணராமல் காது வலிதானே என்று அலட்ச்சியமாக இருந்து விட்டால் கடைசியில் உங்கள் வார்த்தைகளையே நீங்கள் கேட்க முடியாத பரிதாப நிலை உண்டாகி விடும். எனவே, பின்வரும் காது பிரச்னைகள் குறித்து கவனமாக இருக்கவேண்டும்.
    நடுச்செவியில் நீர்க் கோர்வை: காது கேளாமை, காது வலி, தலைச்சுற்றல் உண்டாக்கும் சிறு வயதிலேயே காது கேளாமை ஏற்பட்டால் குழந்தையின் அறிவு வளர்ச்சியும் மொழி கற்கும் திறனும் பாதிக்கப் படும். நீண்ட நாட்களுக்கு நீர்க்கோவை இருந்தால் கொலஸ்டிடோமா எனும் எலும்பு அரிப்பு நோய் உருவாகி மூளை காய்ச்சல் ஏற்படும். இந்நோய் முற்றி கோமா நிலைக்கு மனிதர்களை தள்ளுகிறது.
    இதற்கு கே.டி.பி. லேசர் கதிர் மூலம் செவிப்பறையில் 0.8 மி.மீ. துவாரம் இட்டு தேங்கியுள்ள நீரை அகற்ற வேண்டும். நடுச்செவியில் காற்று அழுத்தத்தை சமனாக்க சிறிய டுயூப் பொருத்தப்படும். நீர்க்கோர்வை முழுமையாக நீங்கி காது நன்றாக கேட்கும் போது இந்த டீயூப் தானாகவே வெளியே வந்து விடும். மாஸ்டாட்டோ டிம்பனோ பிளாஸ்டி என்னும் மைக்ரோ லேசர் சிகிச்சை மூலம் இப்பிரச்னைக்கு தீர்வு காணலாம். செவிப் பறை இற்று விட்டால் அவரவர் திசுவின் மூலமாகவே மாற்று செவிப்பறையை உருவாக்கலாம். நடுச்செவி எலும்புகள் இற்றுவிட்டால் 24 கேரட் தங்கத்தால் ஆன செயற்கை எலும்புகளை பொருத்தி மீண்டும் காது கேட்கும் திறனை பெற்றுக் கொள்ளலாம்.
    தலைச்சுற்றல்: உள்காதில் உள்ள 3 அரைவட்டக் குழாய்களின் நீர்க் கோர்வை அதிகமானால் தலைச்சுற்றல், வாந்தி, காதில் இரைச்சல், காது கேளாமை ஆகிய பிரச்னைகள் உருவாகும். இது மீனியர்ஸ் என்னும் நோயின் அறிகுறி. இதனை தக்க மருந்து மாத்திரைகள் மூலம் கட்டுப்படுத்தலாம். உப்பின் அளவைக் குறைப்பதன் மூலம் தலைச் சுற்றலைக் கட்டுப்படுத்தலாம். இதன் மூலம் அரைவட்டக் குழாய்களிலுள்ள தலைச்சுற்றலுக்கு காரணமான குபுலா என்னும் நரம்பு மண்டலங்களை உணர்விழக்கச் செய்து நிரந்தர தீர்வு காண முடியும்.
    காக்ளியர் இணைப்பு: முற்றிலும் காது கேட்கும் சக்தியை இழந்த குழந்தைகளுக்கு காக்ளியர் இம்ப்ளாண்ட் மூலம் அறுவை சிகிச்சை செய்து உரிய பேச்சுப் பயிற்சியை வழங்கினால் குழந்தைகளின் காது கேட்கும் சக்தியும், பேசும் திறனும் மேம்படும், தழும்பு, வீக்கம், வலி, முடி அகற்றுதல் எதுவுமின்றி குழந்தைகளுக்கு கேட்கும் திறன் எளிதில் கிடைக்கும். பெரியவர்களுக்கு பேச்சுப் பயிற்சி இல்லாமலேயே இப்பிரச்னையை தீர்க்கலாம். இந்த காக்ளியர் இம்ப்ளாண்ட் சிகிச்சையை மேற்கொள்ள முன்பெல் லாம் காதின் பின்புறத்தில் 15 சென்டி மீட்டர் அளவிற்கு அறுக்கப் பட்டது.
    தற்போது வெறும் 3 சென்டி மீட்டர் நீளத்திலேயே தழும்பில்லாமல் மயக்க நிலையிலேயே நியூரல் டெலி மெட் என்னும் கம்ப்யூட்டர் சாதன உதவியுடன் காக்ளியர் இம்ப் ளாண்ட் எலக்ட்ரோட்ஸ் ஆகியவை சிறப்பாக இயங்குகின்றனவா என்பதை கண்டறிய முடியும். இரண்டு வாரங்களில் காது கேட்கும் சக்தியை பெற முடியும். பேசும் திறனையும் வளர்த்துக் கொள்ள முடியும்.

    மூக்கு சைனஸ்: மூக்கின் அருகில் காற்று அறைகளில் சளி ஏற்பட்டு மூக்கு அடைப்பு உண்டாவதே சைனஸ், மூக்கை இரண்டாகப் பிரிக்கும் விட்டம் நடுவில் இல்லாமல் வளைந்து இருந்தால் சைனஸ் அறைகளில் சளி தேங்கும். சளியில் வளரும் பாக்டீரியா காரணமாக சீழ் உண்டாகி தலைவலி, காய்ச்சல் முக வீக்கம் தொண்டை வீக்கம், காது வலி, காது அடைப்பு உண்டாகும். இதனால் மூக்கில் இருந்து ரத்தத்துடன் சீழ் வடியும் நிலையும் ஏற்படும். இதற்கு கே.டி.பி. 532 லேசர் கருவி மூலம் எண் டோஸ்கோப்பிக் அறுவை சிகிச்சை அல்லது செப் டோபிளாஸ்டி சிகிச்சை பெறலாம். தழும்போ, காயமோ ஏற்படாது.

    பாலிப்ஸ்: தூசி மகரந்தம் பெட்ரோல் - டீசல் புகை ஆகியவை ஏற்படுத்தும் ஒவ்வாமை (அலர்ஜி) காரணமாக மூக்கில் பாலிப்ஸ் எனப்படும் சதை வளர்கிறது. இதனால் நுகர்வுத் தன்மை பாதிக்கப்படுகிறது. மூச்சுத்திணறல் ஏற்படலாம். எண்டாஸ்கோபி லேசர் அல்லது டெப்ரைடர் அறுவை சிகிச்சை மூலம் பாலிப்ஸ்களை அகற்றலாம். பின்னர் மாத்திரைகள் மூலம் ஒவ்வாமையைக் கட்டுப்படுத்தலாம்.

    உருவ சீரமைப்பு: ரைனோபிளாஸ்டி எனப்படும் சிகிச்சை மூக்கின் உள்புறத்தில் சிகிச்சைகள் வழங்கி உருவத்தை மாற்றலாம். 18 வயதைக் கடந்தோருக்கு மட்டுமே இச்சிகிச்சையை வழங்க முடியும்.
    contd..



  4. #1804
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    re: Fruits and vegetables for Healthy life style And Healthy Life style Tips!

    தொடர்ச்சி

    தொண்டை டான்சில்ஸ்: ஸ்ட்ரெப்டோகாக்கஸ் நுண்கிருமி களின் தாக்குதலால் டான்சில் சதைகளில் சீழ் கோர்த்து காய்ச்சல் தொண்டை வலி ஆகியன உண்டாகின்றன. டான்சி லைட்டிஸ் காரணமாக மூட்டுவலி, இருதய நோய், சிறுநீரக கோளாறுகள் ஏற்படலாம். உரிய சமயத்தில் இதற்குச் சிகிச்சைப் பெற வேண்டும். மருந்துகளால் சரியாகவில்லை யெனில் கே.டி.பி. லேசர் மூலம் ரத்தக் கசிவு இல்லாமல் அறுவை சிகிச்சை செய்து கொள்ளலாம்.
    அடினாய்டு சதை வளர்ச்சி: மூக்கில் உள்ள திசுக்களின் அபரிமித வளர்ச்சி காரணமாக அடிக்கடி சளி பிடித்தல், மூக்கு அடைப்பு ஏற்பட்டு வாயில் மூச்சு விடுதல், காதில் சீழ் கோர்த்தல், காது கேளாமை குறட்டை மற்றும் சுவாசப பிரச்னைகள் உண்டாகலாம். இதன் காரணமாக மூளை மற்றும் உடலுக்கு தேவையான ஆக்ஸிஜன் வினியோகம் பாதிக்கப்பட்டு குழந்தைகளின் உடல் வளர்ச்சி பாதிக்கப்படும். எண்டாஸ் கோபிக் லேசர் அல்லது மைக்ரோ டெப்ரைடர் மூலமாக அடினாய்டு சதை வளர்ச்சியை நீக்க முடியும்.

    குறட்டை: குறட்டை பிரச்னையை அறுவை சிகிச்சை மூலம் குணப்படுத்தலாம். எல்.ஏ.யு.பி. என்னும் லேசர் சிகிச்சை மூலம் குறட்டையைக் குறைக்க முடியும். உடல் எடை அதிகமாக உள்ளவர்களுக்கு எடைக்குறைப்பும் குறட்டையை குறைக்க முடியும்.

    குரல்வளை: குரல் கரகரப்பு, இருமல், மூச்சுத் திணறல் ஆகியவை குரல் வளை நோயின் அறிகுறிகள். குரல் வளையில் உருவாகும் புற்றுக் கட்டி களையும் கே.டி.பி. லேசர் மூலம் குணப்படுத்த முடியும்.

    குரல் மாற்று சிகிச்சை: குரல் நாண் நரம்பு பாதிக்கப்பட்டால் தைரோஸ்பிளாஸ்டி என்னும் குரல் மாற்றுச் சிகிச்சை மூலம் நிவர்த்தி செய்ய முடியும். இச்சிகிச்சையில் மருத்துவரிடம் பேசி கொண்டே வேண்டிய குரலை பெற முடியும். இனிமையான குரலையும் தேர்வு செய்யலாம். குரல் நாண்களில் திசுக்களை புகுத்தி கணீரென்ற குரல் வளத்தைப் பெற போனோ சர்ஜரிகள் கையாளப்படுகின்றன


  5. #1805
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    re: Fruits and vegetables for Healthy life style And Healthy Life style Tips!

    மலட்டுத் தன்மையை உண்டாக்கும் 12 மோசமான உணவுகள்..! (வர்க்கமே அழிந்துவிடும்)

    மலட்டுத்தன்மை என்பது மிகப்பெரிய சாபமாக கருதப்படும் ஒரு விஷயமாகும். பின்ன என்ன நம்மால் நம் சந்ததியை வளர்க்க முடியவில்லை என்றால், தன் சொந்த இரத்தத்தை காண முடியவில்லை என்றால், தன் வாரிசை தூக்கி கொஞ்ச முடியவில்லை என்றால் அதை விட கொடுமை இருக்க முடியுமா என்ன? இன்றைய உலகத்தில் நம் வாழ்வுமுறை பெருவாரியாக மாறி விட்டது. அதே போல் சுற்றுப்புறச் சூழலும் கெட்டு போய் விட்டது. இதனால் ஆண்களுக்கும் சரி பெண்களுக்கும் சரி, மலட்டுத்தன்மை அதிகரித்து கொண்டே வருகிறது என்பது வருத்தத்துக்குரிய உண்மையாகும்.
    மலட்டுத்தன்மை ஏற்படுவதற்கு வேறு என்ன காரணங்கள் உள்ளது? உணவுகள் கூட இந்த பட்டியலில் இடம் பிடித்துள்ளது. நம்ப முடியவில்லையா? ஆண்களுக்கு முதிர்ச்சி ஏற்படும் போது, விறைப்பு பிரச்சனை ஏற்படுவது இயல்பே. ஆனால் இள வயது ஆண்கள் கூட இந்த பிரச்சனையால் அவதிப்பட்டு வருகிறார்கள். இதனை சற்று ஆழமாக பார்த்தால், இதற்கான காரணங்களை நம்மால் கண்டுபிடிக்க முடியும். நாம் ஏற்கனவே சொன்னதை போல் நீங்கள் படுக்கையில் சிறப்பாக செயல்படவோ அல்லது சொதப்பவோ, இன்றைய வாழ்க்கை முறை மிக முக்கிய பங்கு வகிக்கிறது. மலட்டுத்தன்மைக்கு உணவுகள் மட்டுமே காரணமாக இருக்க முடியாது தான். என்றாலும் கூட உங்கள் படுக்கை வாழ்க்கையை ஒரளவிற்கு அது பாதிக்கவே செய்கிறது.
    இனப்பெருக்க உறுப்புகளுக்கு இரத்த ஓட்டம் சரியாக சென்றால் தான் இறுக்கமான விறைப்பு ஏற்படும் என்பது நாம் அனைவரும் அறிந்ததே. அதனால் இரத்த ஓட்டத்தை தடுக்கும் உணவுகளை தவிர்க்க வேண்டியது அவசியமாகும். இவ்வகையான உணவுகளே மலட்டுத்தன்மையை உண்டாக்கும். இதய நோய்கள் உள்ளவர்கள் சில உணவுகளை தவிர்க்க வேண்டும். விறைப்பு செயல் பிறழ்ச்சியால் அவதிப்படும் ஆண்களுக்கும் இதனை கடைப்பிடிக்க வேண்டும். உங்கள் ஆணுறுப்புக்கு ஆரோக்கியமான அளவில் இரத்த ஓட்டம் செல்லாமல் தடுக்கும் சில உணவுகளை கண்டிப்பாக தவிர்க்கவும்.

    பதப்படுத்தப்பட்ட அனைத்து உணவுகளும்
    பதப்படுத்தப்பட்ட அனைத்து உணவுகளை இனி தொடாதீர்கள். பதப்படுத்தப்பட்ட உணவுகளில் நமக்கு பல வழிகளில் தீங்கை விளைவிக்கும் சில சேர்க்கைகள் உள்ளது என உடல்நல வல்லுனர்கள் கூறுகிறார்கள். இதை உட்கொள்வதால் விறைப்பு செயல்பிறழ்ச்சி என்பதன் மூலம் உங்கள் தொந்தரவு ஏற்படும்.

    அனைத்து விதமான வறுத்த உணவுகள்
    ஃபிரெஞ்ச் ஃப்ரைஸ் சுவை என்றால் உங்களுக்கு கொள்ளைப் பிரியமாகும். ஆனால் உங்கள் தமனிகள் அடைபடாமல் இருக்க வேண்டுமானால் அதனை நீங்கள் தவிர்ப்பதே நல்லது. ஏதோ ஒரு வகையில் இரத்த ஓட்டம் பாதிக்கப்பட்டால், விறைப்பு செயல்பிறழ்ச்சி ஏற்படுவதற்கான வாய்ப்புகள் அதிகரிக்கும்.

    சில பாஸ்ட் ஃபுட்கள்
    சில பாஸ்ட் ஃபுட்களில் அதிகமான கொழுப்புகளும், கலோரிகளும் உள்ளது. இது உங்களை இரண்டு வழியில் பாதிக்கும். ஒன்று உடல் எடையை அதிகரிக்க செய்யும். மற்றொன்று உங்கள் தமனிகளை அடைக்கும். இவையிரண்டுமே விறைப்பு செயல்பிறழ்ச்சி ஏற்படும் வாய்ப்புகளை அதிகரிக்க செய்யும். இவ்வகையான உணவுகள் ஆண்களுக்கு மலட்டுத்தன்மையை உண்டாக்கும்
    .
    மாட்டிறைச்சி மற்றும் கோழிக்கறி
    சாச்சுரேட்டட் கொழுப்பு அடங்கியுள்ள உணவுகள் ஆரோக்கியமான செக்ஸ் வாழ்க்கைக்கு நல்லதல்ல. அவ்வகை உணவுகளை அளவாக உண்ணவும்; குறிப்பாக 30 வயதுக்கு மேலானவர்கள். மலட்டுத்தன்மையை உண்டாக்கும் உணவுகளில் ஒன்றான மாட்டிறைச்சியை தவிர்க்கவும்.

    பால் பொருட்கள்
    பால் பொருட்களிலும் சாச்சுரேட்டட் கொழுப்புகள் அடங்கியிருப்பதால், அதனை உட்கொள்ளும் அளவையும் குறைத்துக் கொள்ளவும். மலட்டுத்தன்மையை உண்டாக்கும் உணவுகளில் ஒன்றான பால் பொருட்களை தவிர்க்கவும்.
    contd..



  6. #1806
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    re: Fruits and vegetables for Healthy life style And Healthy Life style Tips!

    தொடர்ச்சி

    ஐஸ் க்ரீம்
    ஐஸ் க்ரீமுக்காக நீங்கள் எப்போதும் ஏங்குபவர்களா? அளவுக்கு அதிகமாக ஐஸ் க்ரீம் சாப்பிட்டால் உங்கள் விறைப்பின் இறுக்கத்தை ஏதாவது ஒரு வகையில் பாதிக்கும் என்பதை புரிந்து கொள்ளுங்கள். அப்படி தெரிந்தால், நீங்கள் உட்கொள்ளும் அளவை கண்டிப்பாக குறைத்துக் கொள்வீர்கள்.

    சர்க்கரை உணவுகள்
    ரிஃபைன்ட் சர்க்கரை கொண்ட உணவுகளை கண்டிப்பாக தவிர்க்கவும். ரிஃபைன்ட் சர்க்கரையை அதிகமாக கொண்டுள்ள உணவுகளை அதிகமாக உண்ணும் பழக்கம் கொண்ட ஆண்களுக்கு விறைப்பு ஏற்படுவதில் சிரமம் ஏற்படும்.

    சோடியம்

    சோடியம் உட்கொள்ளும் அளவை குறைத்துக் கொள்ளுங்கள். அதற்கு அளவுக்கு அதிகமாக உப்பு இருக்கும் பண்டங்களை தவிர்க்கவும். சிப்ஸ் முதல் உப்பு அதிகமாக இருக்கும் இதர உணவுகளை கண்டிப்பாக தவிர்க்கவும்.

    கொலஸ்ட்ரால் உணவுகள்
    முட்டைகள், சீஸ், வெண்ணெய் மற்றும் இதர உணவுகளால் கொலஸ்ட்ரால் அதிகரிக்கும் வாய்ப்புகள் அதிகமாக உள்ளது. ஆகவே அவைகளை தவிர்க்கவும். ஏனெனில் இவ்வகை உணவுகள் விறைப்பு செயல் பிறழ்ச்சியை ஏற்படுத்தும்.
    உறைந்த உணவுகள்
    அனைத்து வகையான உறைந்த உணவுகளையும் குறைக்க வேண்டும். ஏனென்றால் இது உங்கள் விறைப்பையை ஓரளவிற்கு பாதிக்கும். உறைந்த உணவுகளுக்கு பதில் சாலட் போன்ற உணவுகளை உண்ணுங்கள்.

    டப்பாவில் அடைத்த உணவுகள்
    மலட்டுத்தன்மையை உண்டாக்கும் உணவுகளில் டப்பாவில் அடைத்த உணவுகளும் ஒன்றாகும். உங்கள் ஆரோக்கியமான செக்ஸ் வாழ்க்கையில் பாதிப்புகள் ஏற்படக்கூடாது என்றால் டப்பாவில் அடைத்த உணவுகளை தவிர்க்கவும். மாறாக இயற்கையான உணவுகளையே உண்ணுங்கள்.

    ஆல்கஹால் பானங்கள்
    ஆல்கஹால் என்பது உணவு இல்லை தான் என்றாலும் கூட, விறைப்பு செயல்பிறழ்ச்சி உண்டாக்குவதில் இதுவும் முக்கிய பங்கை கொண்டுள்ளது. ஒன்று குடி பழக்கத்தை நிறுத்துங்கள் அல்லது குடிக்கும் அளவை குறைத்துக் கொள்ளுங்கள்


  7. #1807
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    re: Fruits and vegetables for Healthy life style And Healthy Life style Tips!

    பெண்களை அதிகளவில் பாதிக்கும் கருப்பை இறக்கம்

    கருப்பை இருக்கும் இடத்தில் இல்லாமல், சற்று அல்லது அதிகமாக கீழிறங்கி இருக்கும் நிலையே கருப்பை இறக்கம். இது பிரசவ கால அஜாக்கிரதையால் பெரும்பாலும் ஏற்படுகிறது என்று கண்டறியப்பட்டுள்ளது.

    கருப்பை என்பது ஒரு உள்ளுருப்பாகும். இது பெரும்பாலும் வெளியே வருவதில்லை. கருப்பையை முக்கிய தசைகள் கீழிருந்து தாங்கிக் கொண்டு இருக்கின்றன. கருப்பை சரியான இடத்தில் பத்திரமாக இருக்கும் வகையில், பல்வேறு அரண்கள் அதற்காக அமைக்கப்பட்டுள்ளன.

    பல காரணங்களால், கருப்பையை தாங்கிக் கொண்டிருக்கும் தசைகள் தளர்வடைந்தாலோ, கருப்பை அரண்கள் வலுவிழந்தாலோ, உள்ளுருப்பாக இருக்கும் கருப்பை கொஞ்சம் கொஞ்சமாக கீழிறங்குகிறது. இதுவே கருப்பை இறக்கம் எனப்படும். இது நான்கு வகைகளில் அமைகிறது. அதாவது, எப்போதாவது முக்கும் போதும், இரும்பும் போதும், தும்பும் போதும் சிறிதளவு அடி இறங்குவது.

    மற்றொன்று நாக்கின் நுனி போல எப்போதுமே ஓர் சதைப் பகுதி அடியில் தோன்றும். இந்த நிலையில் படுத்துக் கொள்ளும் போது அது உள்ளே சென்று விடும். மூன்றாவதாக, சற்று வெளியில் தொங்கும் சதையானது, எப்போதுமே வெளியே தொங்கியவாறு இருத்தல். இந்த நிலையில், சிறுநீர் கழிக்கவும் சிக்கல் ஏற்படும்.

    நான்காவது நிலைதான் மிகவும் மோசமான நிலையாகும். இதில், கருப்பை வெளியே தொங்கும். இதனால் பெண்களுக்கு பல சிரமங்கள் ஏற்படும். இதுபோன்ற சிக்கல்கள் ஏற்படும் போது, பெண்கள் உடனடியாக மருத்துவமனையை அணுகுவது நல்லது.

    முதல் கட்டத்திலேயே பெண்கள் மருத்துவரை அணுகுவதால், சில தகுந்த உடற்பயிற்சிகள் மூலமாக சரி செய்யலாம் என்பது ஆறுதலான விஷயமாகும்.
    கருப்பை இருக்கும் இடத்தில் இல்லாமல், சற்று அல்லது அதிகமாக கீழிறங்கி இருக்கும் நிலையே கருப்பை இறக்கம். இது பிரசவ கால அஜாக்கிரதையால் பெரும்பாலும் ஏற்படுகிறது என்று கண்டறியப்பட்டுள்ளது.

    கருப்பை என்பது ஒரு உள்ளுருப்பாகும். இது பெரும்பாலும் வெளியே வருவதில்லை. கருப்பையை முக்கிய தசைகள் கீழிருந்து தாங்கிக் கொண்டு இருக்கின்றன. கருப்பை சரியான இடத்தில் பத்திரமாக இருக்கும் வகையில், பல்வேறு அரண்கள் அதற்காக அமைக்கப்பட்டுள்ளன.

    பல காரணங்களால், கருப்பையை தாங்கிக் கொண்டிருக்கும் தசைகள் தளர்வடைந்தாலோ, கருப்பை அரண்கள் வலுவிழந்தாலோ, உள்ளுருப்பாக இருக்கும் கருப்பை கொஞ்சம் கொஞ்சமாக கீழிறங்குகிறது. இதுவே கருப்பை இறக்கம் எனப்படும். இது நான்கு வகைகளில் அமைகிறது. அதாவது, எப்போதாவது முக்கும் போதும், இரும்பும் போதும், தும்பும் போதும் சிறிதளவு அடி இறங்குவது.

    மற்றொன்று நாக்கின் நுனி போல எப்போதுமே ஓர் சதைப் பகுதி அடியில் தோன்றும். இந்த நிலையில் படுத்துக் கொள்ளும் போது அது உள்ளே சென்று விடும். மூன்றாவதாக, சற்று வெளியில் தொங்கும் சதையானது, எப்போதுமே வெளியே தொங்கியவாறு இருத்தல். இந்த நிலையில், சிறுநீர் கழிக்கவும் சிக்கல் ஏற்படும்.

    நான்காவது நிலைதான் மிகவும் மோசமான நிலையாகும். இதில், கருப்பை வெளியே தொங்கும். இதனால் பெண்களுக்கு பல சிரமங்கள் ஏற்படும். இதுபோன்ற சிக்கல்கள் ஏற்படும் போது, பெண்கள் உடனடியாக மருத்துவமனையை அணுகுவது நல்லது.

    முதல் கட்டத்திலேயே பெண்கள் மருத்துவரை அணுகுவதால், சில தகுந்த உடற்பயிற்சிகள் மூலமாக சரி செய்யலாம் என்பது ஆறுதலான விஷயமாகும்.

    shrimathivenkat likes this.

  8. #1808
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    re: Fruits and vegetables for Healthy life style And Healthy Life style Tips!

    ஆரோக்கியமாக வாழ கால நேர கட்டுப்பாடு

    உடல் உறுப்புக்களுக்கு குறிப்பிட்ட 2 மணி நேரத்துக்கு பிராண சக்தி அதிகம் இருப்பதால் செயல் திறன் உச்சம் அடைகிறது என சீன மருத்துவம் கூறுகிறது.

    நமது உடல், ஒவ்வொரு உடல் பாகத்திற்கென தனித்தனியே கடிகாரத்தின் அலாரத்தை முன்பதிவு செய்து கொண்டு சுழன்று கொண்டிருக்கிறது. ஒவ்வொரு உறுப்புக்கும் அதன் பணியை செய்து முடிக்க இரண்டு மணி நேரம் ஒதுக்கியுள்ளது. இரண்டு மணி நேரம் முடிந்ததும் மீண்டும் அலாரத்தை அடுத்த உறுப்புக்கு மாற்றி விடுகிறது.

    விடியற்காலை 3 மணி முதல் 5 மணிவரை நுரையீரலின் நேரம். இந்த நேரத்தில் சுவாசப் பயிற்சி செய்து காற்றின் மூலம் வரும் பிராண சக்தியை உடலுக்குள் அதிகமாகச் சேகரித்தால் ஆயுள் நீடிக்கும். தியானம் செய்யவும் ஏற்ற நேரம் இது. ஆஸ்துமா நோயாளிகள் இந்த நேரத்தில் மிகவும் சிரமப்படுவார்கள்.

    விடியற்காலை 5 மணி முதல் 7 மணி வரை பெருங்குடலின் நேரம்.
    காலைக்கடன்களை இந்த நேரத்துக்குள் முடித்தே தீரவேண்டும். மலச்சிக்கல் உள்ளவர்கள் இந்த நேரத்தில் எழுந்து கழிவறைக்குச் செல்லும் பழக்கத்தை ஏற்படுத்திக் கொண்டால் நாளடைவில் மலச்சிக்கல் தீரும். உயிரணுக்களின் எண்ணிக்கை மிகவும் அதிகமாக உள்ள நேரமும் கூட இதுவே.

    காலை 7 மணிமுதல் 9 மணிவரை வயிற்றின் நேரம். இந்த நேரத்தில் கல்லைத் தின்றாலும் வயிறு அரைத்து விடும். காலை உணவை பேரரசன் போல் உண்ண வேண்டும் என்று சொல்வார்கள். இந்த நேரத்தில் சாப்பிடுவதுதான் நன்கு செரிமானமாகி உடலில் ஒட்டும். காலை 9 மணி முதல் 11 மணி வரை மண்ணீரலின் நேரம் காலையில் உண்ட உணவை மண்ணீரல் செரித்து ஊட்டச்சத்தாகவும் ரத்தமாகவும் மாற்றுகிற நேரம் இது.

    இந்த நேரத்தில் பச்சைத் தண்ணீர் கூடக் குடிக்கக் கூடாது. மண்ணீரலின் செரிமான சக்தி பாதிக்கப்படும். நீரிழிவு நோயாளிகளுக்கு மோசமான நேரம் இது. முற்பகல் 11 மணி முதல் பிற்பகல் 1 மணி வரை இதயத்தின் நேரம் இந்த நேரத்தில் அதிகமாகப் பேசுதல், அதிகமாக கோபப்படுதல், அதிகமாகப் படபடத்தல் கூடாது.

    இதயம் பாதிக்கப்படும். இதய நோயாளிகள் மிக மிக எச்சரிக்கையாக இருக்க வேண்டிய நேரம். பிற்பகல் 1 மணிமுதல் 3 மணிவரை சிறுகுடலின் நேரம். இந்த நேரத்தில் மிதமாக மதிய உணவை உட்கொண்டு சற்றே ஒய்வெடுப்பது நல்லது. பிற்பகல் 3 மணி முதல் மாலை 5 மணி வரை சிறுநீர்ப்பையின் நேரம் நீர்க்கழிவுகளை வெளியேற்ற சிறந்த நேரம்.

    மாலை 5 மணிமுதல் 7 மணிவரை சிறுநீரகங்களின் நேரம். பகல் நேர பரபரப்பிலிருந்து விடுபட்டு அமைதி பெற எதிர்காலத்தைப் பற்றி சிந்திக்க, தியானம் செய்ய, வழிபாடுகள் செய்ய சிறந்த நேரம். இரவு 7 மணிமுதல் 9 மணிவரை பெரிகார்டியத்தின் நேரம். பெரிகார்டியம் என்பது இதயத்தைச் சுற்றி இருக்கும் ஒரு ஜவ்வு இதயத்தின் ஷாக் அப்சர்பர்) இரவு உணவுக்கு உகந்த நேரம் இது இரவு 9 மணி முதல் 11 மணிவரை.

    டிரிப்பிள் கீட்டர் என்பது ஒரு உறுப்பல்ல. உச்சந்தலை முதல் அடி வயிறு வரை உள்ள மூன்று பகுதிகளை இணைக்கும் பாதை. இந்த நேரத்தில் உறங்கச் செல்வது நல்லது. இரவு 11 மணி முதல் 1 மணிவரை பித்தப்பை இயங்கும் நேரம். இந்த நேரத்தில் தூங்காது விழித்திருந்தால் பித்தப்பை இயக்க குறைபாடு ஏற்படும்.

    இரவு 1 மணி முதல் விடியற்காலை 3 மணி வரை கல்லீரலின் நேரம் இந்தநேரத்தில் நீங்கள் உட்கார்ந்திருக்கவோ விழித்திருக்கவோ கூடாது. கட்டாயம் படுத்திருக்க வேண்டும். உடல் முழுவதும் ஓடும் ரத்தத்தை கல்லீரல் தன்னிடத்தே வரவழைத்து சுத்திகரிக்கும் நேரம் இது. இந்த பணியை நீங்கள் பாதித்தால் மறுநாள் முழுவதும் சுறுசுறுப்பில்லாமல் அவதிப்படுவீர்கள்.

    இந்த நேரக் கொள்கையை பின்பற்றினால் நீண்ட நாள் ஆரோக்கியமாக வாழலாம்.

    shrimathivenkat likes this.

  9. #1809
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    re: Fruits and vegetables for Healthy life style And Healthy Life style Tips!

    உடற்பயிற்சிக்கு பின் செய்யும் தவறுகள்

    தினமும் உடற்பயிற்சியை தவறாமல் செய்து வருவது என்பது சிறப்பான ஒன்று. ஆனால் அப்படி அன்றாடம் செய்யும் உடற்பயிற்சிக்கு பின்னர் செய்ய வேண்டியவைகளை சரியாக செய்யாமல் போனால், உடற்பயிற்சி செய்வதே வீணாகிவிடும்.

    உடற்பயிற்சிக்கு பின், மறுநாள் மீண்டும் உடற்பயிற்சி செய்வதற்கு உடலுக்கு போதிய ஓய்வு தேவைப்படும். அத்தகைய ஓய்வு கிடைக்காமல் தொடர்ந்து கடினமான உடற்பயிற்சிகளை மேற்கொண்டு வந்தால், உடலில் பிரச்சனைகளை சந்திக்கக்கூடும்.

    எனவே உடற்பயிற்சி செய்த பின்னர் என்னவெல்லாம் செய்ய வேண்டுமென்று கேட்டுத் தெரிந்து கொண்டு, அவற்றைப் பின்பற்ற ஆரம்பியுங்கள். இங்கு உடற்பயிற்சிக்கு பின்னர் மேற்கொள்ள வேண்டியவைகளை பார்க்கலாம்..

    • உடற்பயிற்சி செய்து முடித்த பின்னர், உடலை ரிலாக்ஸ் அடையச் செய்யும் உடற்பயிற்சிகளை மேற்கொள்ள வேண்டும். இப்படி செய்வதால், கடுமையான உடற்பயிற்சியின் போது அதிகமாக இருந்த இரத்த அழுத்தம் மற்றும் இதயத் துடிப்பு சாதாரண நிலைக்கு வந்து, இதனால் தீவிரமான பிரச்சனை ஏதும் நேராமல் தடுக்கும்.

    • ஏனெனில் உடற்பயிற்சியின் போது அதிகமாக வியர்த்ததால், உடையில் பாக்டீரியாக்கள் மற்றும் பூஞ்சைகள் குடிப் புகுந்திருக்கும். அத்தகைய உடையை நீண்ட நேரம் உடுத்தினால், சருமத்தில் நோய்த்தொற்றுகள் ஏற்படும் வாய்ப்பு அதிகம் உள்ளது. எனவே தவறாமல் உடற்பயிற்சிக்கு பின், உடைகளை மாற்றுவதோடு, அதனை துவைத்து விடவும் வேண்டும்.

    உடையை மாற்றி துவைத்த பின்னர், குளித்துவிட வேண்டும். வெறும் உடையை மட்டும் மாற்றினால், சருமத்தில் வியர்வை படலம் ஏற்பட்டு, பாக்டீரியாவின் வளர்ச்சிக்கு வழிவகுக்கும். ஆகவே உடற்பயிற்சிக்கு பின்னர் குளித்துவிடுவது நல்லது.

    • உடற்பயிற்சிக்கு பின் போதிய அளவில் தண்ணீர் குடிக்காமல் இருந்தால், உடற்பயிற்சியின் போது கடுமையான காயங்களைக் கண்ட உடல் தசைகள் ரிலாக்ஸ் ஆகாது. ஆகவே உடற்பயிற்சிக்கு பின்னர் எவ்வளவு தண்ணீர் குடிக்க முடியுமோ அவ்வளவு தண்ணீர் குடியுங்கள். இதனால் உடல் பழைய நிலைக்கு வரும்.

    shrimathivenkat likes this.

  10. #1810
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    re: Fruits and vegetables for Healthy life style And Healthy Life style Tips!

    ஆரஞ்சு பழத் தோலின் அசத்தலான நன்மைகள்!

    ஆரஞ்சு பழம் மட்டுமின்றி அதன் தோலில் பல வியக்கவைக்கும் நன்மைகள் அடங்கியுள்ளன.

    ஆரஞ்சுப் பழத்தில் வைட்டமின் சி சத்து மட்டுமின்றி, கால்சியம், பொட்டாசியம், நார்ச்சத்து, வைட்டமின் ஏ மற்றும் பீட்டா கரோட்டீன் போன்ற பல சத்துக்கள் அடங்கியுள்ளன.

    மேலும் கலோரிகள் குறைவாக இருப்பதால், இதனை உடல் எடையை குறைக்க நினைப்போர் தினமும் டயட்டில் சேர்த்து வந்தால் நல்ல பலன் கிடைக்கும்.

    அதுமட்டுமல்லாமல் இந்த பழத்தை சாப்பிடுவதால் நோயெதிர்ப்பு சக்தியும் அதிகரிக்கும்.

    கொழுப்பை குறைக்கும்

    ஆரஞ்சு பழத் தோல் உடலிலுள்ள LDL அல்லது ‘மோசமான’ கொழுப்புகளை எதிர்த்துப் போராடி, இதயத்திற்கும் செல்லும் குழாய்களில் அடைப்புகள் ஏற்படாமல் தவிர்க்கும்.

    எனவே உணவில் ஆரஞ்சு பழத் தோலை தொடர்ந்து சேர்த்துக் கொண்டால் கொழுப்பை குறைக்கலாம்.

    நெஞ்செரிச்சல்

    ஆரஞ்சுப் பழத்திலுள்ள சுறுசுறுப்பான வேதிப்பொருட்கள் நெஞ்செரிச்சலில் இருந்து விடுபட உதவுவதாக ஆய்வு முடிவுகள் தெரிவிக்கின்றன.

    சுமார் 20 நாட்களுக்கு ஆரஞ்சுப் பழத்தோலை பயன்படுத்தி வந்தால், நெஞ்செரிச்சலுக்கு விடை காணலாம்.

    சுவாசம் மற்றும் வயிறு பிரச்னைகள்

    100 கிராம் ஆரஞ்சுப் பழத் தோலில் 10.6 கிராம் அளவிற்கு உணவுக்கான நார்ச்சத்துக்கள் உள்ளன.

    எனவே மலச்சிக்கல் மற்றும் வயிறு உப்புசமடைதல் போன்றவற்றிலிருந்து நிவாரணம் பெறவும் ஆரஞ்சுப் பழத்தோல் பெரிதும் உதவுகிறது.

    ஆரஞ்சுப் பழத்தோலை கொண்டு தயாரிக்கப்படும் தேநீர், நமது செரிமான உறுப்புகளை உறுதிப்படுத்தும் குணமும் உண்டு.

    மேலும் ஆரஞ்சு பழத்தில் உள்ள வைட்டமின் சி சளி, ப்ளூ ஆஸ்துமா மற்றும் நுரையீரல் புற்றுநோய்களிலிருந்து பாதுகாக்கிறது.

    பளபளக்கும் பற்கள்

    ஆரஞ்சு பழத் தோலை பசையாகவோ அல்லது நேரடியாகவோ பற்களில் தேய்த்தால் பளிச்சென்று மாறும்.

    அதுமட்டுமின்றி இவ்வாறு செய்வதன் மூலம் பற்களில் ஏற்படும் கூச்சத்தையும் சரிசெய்யலாம்.

    சருமத்திற்கு

    ஆரஞ்சுப் பழத்தோலின் சாற்றை தடவினால், தோல் பகுதி மென்மையாகும், கருப்பான கறைகள் மறையும்.

    இயற்கையாக அதன் துளைகளை சுத்தம் செய்யவும் மற்றும் தீங்கு விளைவிக்கும் புறஊதாக் கதிர்களிடமிருந்து பாதுகாக்கும் கவசமாக இருக்கவும் ஆரஞ்சுப் பழத்தோல் உதவும்.




loading...

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  
Like It?
Share It!







Follow Penmai on Twitter