Sponsored Links
Sponsored Links
Penmai eMagazine November! | All Issues

User Tag List

Like Tree47Likes

Medicinal Benefits of Cereals and Grains - தானியங்கள் மற்றும் பருப்புகளின்


Discussions on "Medicinal Benefits of Cereals and Grains - தானியங்கள் மற்றும் பருப்புகளின் " in "Healthy and Nutritive Foods" forum.


  1. #11
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: தானியங்கள் மற்றும் பருப்புகளின் மருத்&

    கால்சியம் மிக அதிகம் உள்ள எள்

    நவதானியங்களில் ஒன்றாய எள் நமது நாட்டிற்கே உரியதானிய வகையாகும். இளைத்தவனுக்கு எள், கொழுத்தவனுக்கு கொள்ளு என்ற பழமொழிகளில் இடம் பெற்றுள்ள எள். நம் தமிழர் உணவுப் பழக்கத்தில் முக்கிய இடம் வகிக்கிறது. எளிய உணவு தானியங்களில் ஒன்றான எள் நமது உடலுக்கு நன்மை தரும் பல சத்துக்களை கொண்டுள்ளது. எள் நாவுக்குச் சுவை தருவதோடு உடலுக்கு மருந்தும் ஆகிறது

    எள்ளில் கருப்பு, வெள்ளை, செம்மை என மூன்று வகைகள் உள்ளன. இவற்றில் கருப்பு எள் சற்று அதிக சத்துக்களைக் கொண்டுள்ளது.

    இது இந்தியா முழுவதும் பயிரிடப்படும் சிறிய செடி வகையாகும். இதற்கு திலம் என்று மற்றொரு பெயர் உண்டு. இதன் தாவரவியல் பெயர் Sesamum Indicum . இதிலிருந்து பெறப்படும் எண்ணெய்தான் நல்லெண்ணெய். Sesamin மற்றும் sesamolin என்ற இரண்டு வேதிப் பொருட்கள் இருப்பதால் நார்ச்சத்து அதிகம் உள்ளது. இது கெட்ட கொலஸ்ட்ராலை குறைக்கும் தன்மை கொண்டதுஃ மேலும் இரத்த அழுத்தத்தை சீர்படுத்துகிறது.


    எள்ளில் உள்ள கால்சியம் மிக அதிகம் உள்ளதால் எலும்புகள், பற்கள், நகங்கள் வலுவடைய இது உதவுகிறது. குறிப்பாக எலும்புகளின் அடர்த்தியை அதிகப்படுத்தும் தன்மை எள்ளில் உள்ள கால்சியத்திற்கு உண்டு. வளரும் குழந்தைகளின் ஆரோக்கியமும், மூளை வளர்ச்சியும் சீராக நடைபெற தரமான கால்சியச் சத்து போதுமான அளவு உடலுக்கு தேவை. இந்த கால்சியம் எள்ளில் இருப்பதால் தினமும் இதனை உபயோகப்படுத்தும் போது ஆரோக்கியம் மேம்படும்.

    பெரியவர்களின் கால் மூட்டு தேய்மானம் கால்சிய சத்துக் குறைவால் ஏற்படுகிறது. இதற்கு எள் ஒரு சிறந்த மருந்து உணவுப் பொருளாக உபயோகமாகிறது

    எள்ளில் உள்ள சத்துக்கள்:

    எள்ளில் அதிக அளவு காப்பர் சத்தும், கால்சியச் சத்தும் உள்ளது. மக்னீசியம், பாஸ்பரஸ், வைட்டமின் பி, வைட்டமின ஈ, இரும்புச் சத்து, ஜீங்க் மற்றும் புரதச் சத்து உள்ளது என்று விஞ்ஞான அறிக்கையில் கூறப்பட்டுள்ளது. அதனால் நாம் அடிக்கடி எள்ளை உட்கொள்வதினால் ஏற்படுத் நன்மைகளை காண்போம்.


    சுவாச மண்டல ஆரோக்கியத்தை பராமரிக்கிறது
    எலும்பு அடர்த்தியை பராமரிக்கிறது
    எலும்பு தேய்மானம் ஏற்படாமல் தடுக்கிறது.
    கொழுப்பின் அளவை குறைக்கிறது
    இரத்தக் குழாய்களின் ஆரோக்கியம் பராமரிக்கப்படுகிறது
    இத்தகைய நன்மைகளைக் கொண்ட எள்ளை நாம் ஏதாவது ஒரு பக்குவத்தில் உட்கொள்ளும் பழக்கத்தை ஏற்படுத்திக் கொள்ள வேண்டும்.


    எள்ளும், வெல்லமும் சேர்த்து செய்யப்படும் எள்ளுருண்டை அல்லது எள்ளு மிட்டாய் அடிக்கடி உட்கொள்ளலாம்.

    ஏள், வெல்லம், தேங்காய் சேர்த்து பூரணமாக கொண்டு நீராவியில் வேக வைக்கும் கொழுக்கட்மை அல்லது மோதகம் போன்றவற்றை உண்ணலாம்.

    சாதத்தில் எள்ளை பொடி செய்து சேர்த்து உண்ணுதல்

    எள், காய்ந்த மிளகாய் சேர்த்து அரைத்து எள்ளு பொடியை இட்லி, தோசை போன்றவற்றிற்கு தொட்டு சாப்பிட உபயோகிக்கலாம்.

    எள்ளின் மருத்துவ பயன்கள்:


    வைட்டமின் பி1.,பி6,நியாசின், தையாமின், ஃபோலிக் அமிலம், ரிபோபிளேவின் போன்ற வைட்டமின்கள் எள்ளில் அபரிதமான அளவில் உள்ளது. 100 கிராம் எள்ளில் 97 µp ஃபோலிக் அமிலம் இருக்கிறது. இது நமக்கு ஒரு நாளைக்கு எவ்வளவு தேவையோ அதில் 25 சதவித தேவையை பூர்த்தி செய்கிறது.

    ஒரு கப் பாலில் உள்ள கால்சியச் சத்து ஒரு கையளவு எள்ளில் உள்ளது. பால் சாப்பிட முடியாதவர்கள் எள்ளு மிட்டாய் சாப்பிட்டாலே தேவையான கால்சியம் உடலுக்கு கிடைத்து விடும்.
    மூட்டு வலி உள்ளவர்களுக்கு வலியையும், வீக்கத்தையும் எள் குறைக்கிறது. எள்ளில் உள்ள செம்பு சத்து, கால்சியச் சத்து, மக்னீசியம் சத்து போன்றவை மூட்டுகளின் ஜவ்வுகளுக்கு தேவையான பலத்தை கொடுக்கிறது.

    எள்ளில் உள்ள செம்புச்சத்து இரத்தக் குழாய்களின் சுருங்கி விரியும் தன்மை அதிகப்படுத்துகிறது. இதனால் இருதய சம்பந்தமான நோய்கள் வராமல் தடுக்கிறது.

    மாதவிடாய் வருவதற்கு முன் உடலில் ஏற்படும் மாற்றங்களான வயிறு உப்புசம், மார்பகங்களில் வலி, தலை வலி, உடல் கனத்து போதல் போன்றவை எள் சாப்பிடுவதால் குறைகிறது.

    முhதவிடாய் வந்த 15 நாட்களுக்கு பின் எள்ளை உணவில் சேர்த்துக் கொண்டால் இந்த மாதவிடாய் தொல்லைகளிலிருந்து விடுபடலாம்.

    எள்ளில் Phytpsterol என்ற வேதிப்பொருள் அதிகம் உள்ளது. அதாவது 400 – 413 மி.கி அளவு 100 கிராம் எள்ளில் உள்ளது. இது மற்ற எந்த விதைகள் கொட்டைகளின் அளவை விட அதிகம்.

    இவை இரத்தத்தில் கொலஸ்ட்ரால் அளவை குறைக்கிறது. நோய் எதிர்ப்பு திறனை அதிகரிக்க செய்கிறது. மேலும் பல விதமான புற்று நோய் வராமல் தடுப்பதற்கு உதவுகிறது.
    அசைவ உணவில் உள்ளதைக் காட்டிலும் சைவ உணவில் இரும்புச் சத்து மற்றும் ஜிங்க் சத்து எள்ளில் அதிக அளவு கிடைக்கிறது.

    100 கிராம் எள் 573 கலோரி சக்தியை கொடுக்கிறது. 100 கிராம் எள்ளில் 18 கிராம் புரதச் சத்து உள்ளது. குழந்தையின் வளர்ச்சிக்கு தேவையான புரதச் சத்து அதிகம் உள்ளது.




    Sponsored Links
    Attached Thumbnails Attached Thumbnails Medicinal Benefits of Cereals and Grains - தானியங்கள்  மற்றும் பருப்புகளின் -.jpg   Medicinal Benefits of Cereals and Grains - தானியங்கள்  மற்றும் பருப்புகளின் -1.jpg  
    Dangu likes this.

  2. #12
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: தானியங்கள் மற்றும் பருப்புகளின் மருத்&

    சர்க்கரை நோயை தடுக்கும் கைக்குத்தல் அரிசி

    பண்டைய காலத்தில் நம் முன்னோர்கள் கைக்குத்தல் அரிசியையே உணவிற்காக பயன்படுத்தி வந்தனர். கைக்குத்தல் அரிசி எனப்படும் தவிடு நீக்காத அரிசியில் நார்ச்சத்தும் எண்ணற்ற விட்டமின் சத்துக்களும், புரதச்சத்தும் அடங்கியுள்ளன. ஆனால் இன்றைக்கு அரிசியை பலமுறை தவிடு நீக்கி எந்த சத்தும் இல்லாத வெறும் மாப்பொருளை மட்டுமே கொண்ட அரிசியை பயன்படுத்துகின்றனர். இதனால் உடலானது நோய்களின் கூடாரமாகிறது. தவிடு நீக்காத அரிசியை உணவாக உட்கொண்டால் நீரிழிவு, இதயநோய் உள்ளிட்ட நோய்களை தவிர்க்கலாம் என்கின்றனர் உணவியல் வல்லுநர்கள்.

    விட்டமின் சத்துக்கள்
    உலகில் மூன்றில் இரண்டு பங்கு மக்கள் அரிசியையே உணவாகக் கொண்டுள்ளனர். இந்தியாவில் குறிப்பாக தென்னிந்திய மாநில மக்களின் மிக முக்கிய உணவுப்பொருள் அரிசி. இது ஒரு மாப்பொருளாகும். தவிடு நீக்காத அரிசியில் இரும்புச்சத்து, சுண்ணாம்புச்சத்து, விட்டமின் A, விட்டமின் B, விட்டமின் B12, விட்டமின் K, விட்டமின் E, மாச்சத்து, புரதச் சத்துக்கள் நிரம்பியுள்ளன.
    முற்காலத்தில் உரலில் நெல்லை போட்டு உலக்கையால் அந்த நெல்லினை இடித்து அதன் உமியைப் பிரித்து சுத்தம் செய்து அந்த அரிசியை சமைத்து சாப்பிட்டனர். இந்த வகையில் எடுக்கப்படும் அரிசியில் தவிடு நீக்கப்படுவது இல்லை. இவ்வாறு அரிசியை தவிட்டுடன் சேர்த்து சாப்பிடும்போது உடலுக்குத் தேவையான சத்துக்கள் கிடைக்கும். அதுபோல் அரிசியில் அடங்கியுள்ள மாப்பொருளை எளிதில் ஜீரணிக்கச் செய்யும்.

    நீரிழிவு வராது
    தவிடு நீக்காத அரிசியை சாப்பிடுவதால் அதன் பலன்கள் அனைத்தும் சரிசமமாக உடலுக்கு சேர்கிறது. இந்த அரிசியை உண்பதால் உணவு எளிதில் சீரணமடையும். மலச்சிக்கலைப் போக்கும், சிறுநீரை நன்கு பிரிக்கும். இதில் நார்ச்சத்து அதிகம் உள்ளதால் நீரிழிவு நோயின் தாக்கம் இருக்காது. இது இரத்தத்தைச் சுத்தப்படுத்தி உடலுக்கு புத்துணர்வைக் கொடுக்கும். பித்த அதிகரிப்பை குறைக்கும். உடலில் தேங்கியுள்ள கொழுப்பை நீக்கும். சருமத்தைப் பாதுகாக்கும். வாத பித்த, கபத்தை அதனதன் நிலையில் வைத்திருக்கும். இந்த தவிடு நீக்காத அரிசி இந்தியாவில் கேரளாவிலும், இலங்கையிலும் மட்டுமே அதிகம் பயன்படுத்துகின்றனர். தமிழ்நாட்டில் இந்த அரிசியை பயன்படுத்துவது தற்போது வெகுவாக குறைந்துவிட்டது.

    சத்து நீக்கப்பட்ட அரிசி
    தமிழ்நாட்டில் அனைவருமே கண்ணைப் பறிக்கும் வெண்மையான அரிசியையே விரும்புகிறோம். இரண்டு மூன்று முறை தவிடு நீக்கிய இவ்வகையான அரிசியில் உள்ள எல்லா விட்டமின் சத்துக்களும் வெளியேற்றப்பட்டு விடுகிறது. இதில் நாவிற்கு சுவை மட்டுமே உண்டு. ஆனால் மாச்சத்தைத் தவிர வேறெந்த சத்துக்களும் கிடைப்பதில்லை.

    நோய்கள் அதிகரிப்பு
    இந்த அரிசியை சமைத்து உண்பதால் மாச்சத்து அதிகம் உடலில் சேருகிறது. ஆரம்பத்தில் அந்த மாச்சத்தைக் கட்டுப்படுத்த உடலில் இன்சுலின் சுரப்பு அதிகமாக இருக்கும். ஒரு குறிப்பிட்ட காலத்திற்குப் பிறகு இன்சுலின் சுரப்பு குறைவதால் சர்க்கரையின் அளவு அதிகரிக்கிறது. இதனால் சர்க்கரை நோய் ஏற்படுகிறது.
    கைக்குத்தல் அரிசி தற்போது அதிகம் கிடைப்பதில்லை. உமி நீக்கி தவிடு நீக்காத அரிசியை வாங்கி சமைத்து சாப்பிடுங்கள். நாவிற்கு ருசி, தொண்டைவரை, ஆனால் பலன் ஒன்றுமில்லை. ஆரோக்கிய உடலுக்கு கைக்குத்தல் அரிசி சிறந்தது. தவிடு நீக்கிய வெள்ளை அரிசி சத்தற்றது. எனவே அவற்றை சாப்பிடுவதை குறைத்து தவிடு நீக்காத அரிசியை வாங்கி உண்பதே ஆரோக்கியத்திற்கு ஏற்றது என்கின்றனர் உணவியல் வல்லுநர்கள்.



    Dangu likes this.

  3. #13
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: தானியங்கள் மற்றும் பருப்புகளின் மருத்&

    இரத்தில் உள்ள சர்க்கரையின் அளவை சமன்படுத்த சோளம்

    இந்தியாவில் சோளம், அரிசி மற்றும் கோதுமைக்கு அடுத்தபடியாக முக்கியமான இடத்தைப் பிடித்துள்ளது. சோளம் நவதானிய வகைகளும் ஒன்று. தென்னாட்டிற்கே உரிய சிறு தானிய வகையைச் சார்ந்தது.

    நகரமயமாக்கல் சூழலில் மேற்கத்தி கலாச்சார போக்கை கடைபிடிக்கும் நம் மக்கள் சத்து மிகுந்த உணவுப் பொருட்களை உண்பதை அறியாமல் உள்ளனர். பண்டைய உணவுப் பொருட்களுக்கு ஏங்கி தவிக்கும் நிலை உருவாகி உள்ளது. சமீப காலமாக சிறு தானியவகைகளான கம்பு, ராகி, சோளம் போன்றவற்றை பயன்படுத்துவது நகர்ப்புறங்களில் அதிகரித்து வருகிறது.

    சிறு தானியங்களில் பல இருந்தாலும் சோளம் முதன்மையான உணவுப் பொருளாக கருதப்படுகிறது. சோள உற்பத்தியில் இந்தியா 3 வது இடத்தில் உள்ளது.

    சோளம் ஒரு அருமையான உணவுப் பொருள், பார்லி அரிசிக்கு நிகரான சத்துக்கள் இதில் உள்ளன. கோதுமையில் உள்ள புரதச் சத்துக்கள் அனைத்தும் இதில் அடங்கியுள்ளன.

    சிறுநீரை அதிகமாகப் பெருக்கும் சக்தி இதற்கு இருப்பதால் உடம்பில் உள்ள உப்பைக் கரைக்கும் தன்தை உண்டு.
    கண் குறைபாடுகளை சீர் செய்யும் பீட்டா கரோட்டின் இதில் அதிகமாக உள்ளது

    அனைத்து வயதினரும் உண்பதற்கு ஏற்ற சோளம், சுலபமாகவும் செரிக்கக் கூடியதுமாகும்.

    சோளத்தில் அதிக அளவு மாவுச்சத்தும், நார்ச்சத்தும் அடங்கியுள்ளதால் இது ஒரு சக்தி தரும் உணவாக திகழ்கிறது.
    கோதுமை ஓவ்வாமை உள்ளவர்களும் சோளத்தை உண்ணலாம். ஏனெனில் கோதுமையில் உள்ள குலுட்டான் எனும் வேதிப் பொருள் சோளத்தில் இல்லை.

    கோதுமையில் உள்ள புரோட்டீனை விட சோளத்தில் உள்ள புரோட்டீன் சிறப்பு வாய்ந்தது.


    100 கிராம் சோளத்தில் காணப்படும் ஊட்டப் பொருள்கள்:-

    ஆற்றல் - 349
    புரதச்சத்து - 10.4 கிராம்
    கொழுப்புச்சத்து - 1.9 கிராம்
    மாவுச்சத்து - 72.6 கிராம்
    கால்சியம் - 25 மி.கி
    இரும்புச் சத்து - 4.1 மி.கி
    பீட்டா கரோட்டீன் - 47 மி.கி
    தயமின - 0.37 மி.கி
    ரிபோஃபிளேவின் - 0.13 மி.கி
    நயசின் - 3.1 மி.கி


    ஆன்டி – ஆக்ஸிடன்ட்டிற்கு சோளம்:-

    சோளத்திலுள்ள ஆன்டி-ஆக்ஸிடன்ட் குணம் உடலுக்கு நல்ல பலத்தையும், ஆரோக்கியத்தையும் கொடுக்கக் கூடியதாகும். சோளத்தினுடைய ஆன்டி-ஆக்ஸிடன்ட் குணம் அதனுள் இருக்கும் ஃபைட்டோ நியூட்ரியன்ட்ஸீடன் தொடர்பு உடையது.

    நார்ச்சத்து:

    சோளத்தில் அதிகளவு நார்சத்து உள்ளது. ஆராய்ச்சிகள் மூலம சோளத்தில் உளள நார்ச்சத்து ஆக உடலில் மாற்றப்படுகிறது. என்று கண்டறியப்பட்டுள்ளது. இவை பாக்டீரியாக்களை வளரச் செய்கிறது. இது போல் குடலுக்கு சத்தை கொடுத்து குடல் புற்றுநோயை தடுக்கக்கூடிய சக்தி வாய்ந்தது சோளமாகும்.

    இரத்தில் உள்ள சர்க்கரையின் அளவை சமன்படுத்த:-

    “B” Complex மற்றும் நார்ச்சத்து இரத்தத்தில் உள்ள சர்க்கரை அளவை சமப்படுத்தக் கூடியது. சோளத்தில் உள்ள சத்துக்கள் உடல் செரிமான சக்தியை அதிகளவு இல்லாமலும் குறைந்த அளவு இல்லாமலும் பார்த்துக் கொள்கிறது. இதனால் இரத்தத்தில் உறிஞ்சப்படும் சர்க்கரையின் அளவு சம நிலையில் உள்ளதால் கண்டறியப்பட்டுள்ளது. இன்சுலின் சாரா சர்க்கரை நோயாளிகளுக்கு இது சிறந்த உணவாகும்.

    கர்ப்பிணிப் பெண்களுக்கு:

    கர்ப்பிணிகளுக்கு தேவையான ஃபோலிக் அமிலத்தை மக்காசோளம் கொடுக்கிறது. மக்காசோளத்தில் உள்ள ஃபோலிக் அமிலம் கர்ப்பிணிகளுக்கு இல்லாமல் போனால் குழந்தையின் எடை குறையும் மற்றும் மூளை வளர்ச்சியும் குறையும்.

    கண் பார்வை மற்றும் தோலுக்கு:

    நல்ல கண் பார்வை மற்றும் தோலுக்கு மக்காசோளம் சிறந்தது.

    கொலஸ்டிராலை கட்டுப்படுத்த:-

    மக்காசோளம் இரத்தத்தில் உள்ள கொலஸ்டிராலை குறைக்கக்கூடிய சக்தி வாய்ந்தது. கொலஸ்டிரால் அளவை கட்டுப்படுத்தி இதய நோய்கள் வராமல் தடுக்கக் கூடியது


    Attached Thumbnails Attached Thumbnails Medicinal Benefits of Cereals and Grains - தானியங்கள்  மற்றும் பருப்புகளின் -.jpg  
    Dangu likes this.

  4. #14
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: தானியங்கள் மற்றும் பருப்புகளின் மருத்&

    உடலுக்கு ஏற்ற 9 தானியங்கள்

    நெல்:- உமியுடன் கூடிய அரிசி, நெல் எனப்படுகிறது. உமியை நீக்கி அரிசியைப் பயன்படுத்துகிறோம். அரிசியில் பச்சரிசி, புழுங்கல் அரிசி என்பவை குறிப்பிடத்தக்கவை. பச்சரிசி என்பது நெல்லைக் குத்தி அரிசி எடுத்து அப்படியே பயன்படுத்துவதாகும். நெல்லை முறையாக அவித்து குத்தி பெறுவது புழுங்கலரிசி.

    பச்சரிசி எளிதில் ஜீரணிக்காது. கொழுப்பு சத்தை அதிகமாக்கும். இதனால் உடல் பருமனாகும். உடல் இளைத்தவர்கள் பச்சரிசியை சாப்பிடலாம். வயிறு தொடர்பான நோய் உள்ளவர்கள் பச்சரிசியை தவிர்க்க வேண்டும்.
    புழுங்கல் அரிசி உடல் நலனுக்கு ஏற்றது. மலச்சிக்கல் ஏற்படாது. சம்பா அரிசி வகையில் சீரகச்சம்பா ஆரம்பநிலை வாத நோய்களை போக்க வல்லது. பசியை ஊக்குவிக்கும். ஈர்க்குச்சம்பா அரிசி சாப்பிட ருசியானது. ஆனால் பித்தம்கூடும். குண்டு சம்பா, மிளகு சம்பா, மல்லிகை சம்பா, மணிச்சம்பா, கோரைச்சம்பா, கடைச்சம்பா, குறுஞ் சம்பா போன்றவை மருத்துவகுணம் நிறைந்தவை.

    சோளம்:- சோளத்தில் உடலுக்கு அவசியமான புரதம், இரும்பு, கால்சியம் சத்துக்கள் அடங்கி உள்ளன. சோள உணவுகள் உடலுக்கு உறுதியை அளிக்க வல்லது. உடல் பருமனைக் குறைக்கும். வயிற்றுப்புண்ணை ஆற்றும். வாய் நாற்றத்தைப் போக்கும். மூலநோயாளிகளுக்கு சோள உணவு ஒத்துக்கொள்ளாது.

    கம்பு:- கிராமங்களில் கம்பங்கஞ்சியும், கம்பஞ் சோளம் சாப்பிட்டவர்கள் மிக அதிகம். இது தாய் மார்களுக்கு பால் உற்பத்தியைப் பெருக்கும். உடல் வலிமையை அதிகமாக்கும்.

    கம்பில் புரதம், சுண்ணாம்பு, பாஸ்பரஸ் போன்ற தாதுக்களும் உயிர்ச்சத்துக்களும் உள்ளன. அரிசியைவிட பல மடங்கு சத்து மிகுந்த உணவு, ஜீரண சக்தி அதிகரிக்கும். உடல் வெப்பநிலையை சமநிலையில் வைத்திருக்கும். வேண்டாத கொழுப்புகளை கரைத்து பருமனைக் குறைக்கும்.

    சாமை:- சாமை உணவு அனைத்து வயதினருக்கும் ஏற்றது. மலச்சிக்கலைப் போக்கும். வயிறு சம்பந்தமான நோய்களைக் கட்டுப்படுத்தும். ஆண்களின் விந்து உற்பத்திக்கும், ஆண்மை குறைவை நீக்கவும் உகந்தது. நீரிழிவு நோயாளிகள் கூட சாமையில் தயாரித்த உணவை உண்ணலாம்.

    வரகு:- நவதானிய வகைகளில் வரகும் சேர்க்கப்பட்டுள்ளது. இதில் புரதம், இரும்பு மற்றும் சுண்ணாம்புச் சத்து உள்ளது. இது உடல் எடையை குறைக்கக்கூடியது. மாதவிடாய் கோளாறு கொண்ட பெண்கள் வரகைச் சமைத்துச் சாப்பிடுவது நல்லது.

    கேழ்வரகு:- தானியங்களில் அதிக சத்துமிக்கது கேழ்வரகு. ராகி என்றும் சொல்வர். இதில் புரதம், தாது உப்பு, சுண்ணாம்புச் சத்து, இரும்புச் சத்து மற்றும் உயிர்ச் சத்துக்களும் இருக்கின்றன.

    இது உடல் உஷ்ணத்தை சமநிலையில் வைத்திருக்கும். குடலுக்கு வலிமை அளிக்கும். நீரிழிவு நோயாளிகள் கூட கேழ்வரகால் செய்த பண்டங்களைச் சாப்பிடலாம். கேழ்வரகை கொண்டுதான் ராகி மால்ட் தயாரிக்கிறார்கள்.

    கோதுமை:- அரிசியைவிட கோதுமையில் அதிகமான சத்துகள் உள்ளன. வட இந்திய மக்கள் சோதுமையை முழுநேர உணவாகப் பயன்படுத்துகின்றனர். எண்ணை நெய்விடாது சப்பாத்தியாக செய்து சாப்பிடுவது நல்லது. உடல் நலனுக்கு உகந்ததாகும்.

    கோதுமையில் புரதம், சர்க்கரை, சுண்ணாம்பு, பாஸ்பரஸ், இரும்பு, கரோட்டின், நியாசிக் போன்ற பல சத்துக்கள் உள்ளன. இது நீரிழிவு நோயால் பாதிக்கப்பட்டவர்களுக்கு சிறந்த உணவாகும். மலச்சிக்கல் உண்டாகாது.

    பார்லி:- குழந்தை முதல் முதியவர் வரை சாப்பிடத் தகுந்தது பார்லி. நோயுள்ளவர்களும், நோயற்றவர்களும் சாப்பிடலாம். இதைக் கஞ்சியாக காய்ச்சி குடிப்பர், உடலில் உள்ள தேவையற்ற நீரை வெளியேற்றி எடையைக் குறைக்கும். உடல் வறட்சியை போக்க வல்லது. நீடித்த மலச்சிக்கல் உள்ளவர்கள் பார்லியை சாப்பிட்டால் குணமாகும். காய்ச்சலை தடுக்கும். வெப்பநிலையை சமநிலையில் வைத்திருக்கும். சிறுநீர் தாராளமாகப் பிரிய உதவும். குடல் புண்ணை ஆற்றும். இருமலைத் தணிக்கும். எலும்புகளுக்கு உறுதி தரும்.

    Dangu likes this.

  5. #15
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: தானியங்கள் மற்றும் பருப்புகளின் மருத்&

    பார்லி அரிசி உடல்நல நன்மைகள்:-

    நல்ல கொலஸ்ட்ராலை அதிகரிக்கச் செய்வதில் பார்லி அரிசி சிறந்து விளங்குகிறது---

    பார்லி அரிசியில் பல வகையான சத்துப் பொருள்களும், சர்க்கரையும் அடங்கியுள்ளது. ஊட்டச்சத்து மிகுந்த பார்லி உடல் வலிமைக்குப் பெரிதும் உதவுகிறது.பார்லி அரிசியின் மாவுப் பகுதியில் நீரில் கரையக் கூடியதும், பிசுபிசுப்புத் தன்மை உடையதுமான "டெக்ஸ்ட்ரின்" என்னும் சத்துப் பொருளும், சர்க்கரையும் அடங்கியுள்ளன.

    கஞ்சி தயார் செய்ய பார்லி அரிசியைக் கொதிக்க வைக்கும் போது இந்தச் சத்துக்கள் கரைந்து ஊட்டச்சத்தாக மாறிவிடுகின்றன. பார்லி அரிசி ஒரு அவுன்ஸ் எடுத்து அரை லிட்டர் தண்ணீரில் போட்டுக் காய்ச்சுங்கள்.தண்ணீர் பாதியாகச் சுண்டியவுடன் அந்தக் கஞ்சியுடன் சிறிது எலுமிச்சம் பழச்சாறும், சர்க்கரையும் சேர்த்துச் சாப்பிட்டால் நோயின் காரணமாக ஏற்பட்ட பலவீனத்தைத் தரும்.

    உடல் உறுப்புகளில் ஏற்பட்ட அழற்சியையும் குணமாக்கும்.

    கெட்ட கொலஸ்ட்ராலைப்(எல்.டி.எல்) போக்கி நல்ல கொலஸ்ட்ராலை அதிகரிக்கச் செய்வதில் பார்லி அரிசி சிறந்து விளங்குகிறது. பார்லியில் உள்ள பீட்டோ குளுக்கான் என்ற நார்ச்சத்து முக்கியப் பங்கு வகிக்கிறது.பார்லியில் நார்ச்சத்து அதிகமாக உள்ளது. பார்லியில் உள்ள வைட்டமின் பி, நரம்புகளைப் பலப்படுத்தும். தினமும் ஒரு வேளை பார்லி அரிசிக்கஞ்சி அருந்தினால் கொலஸ்ட்ரால் கணிசமாகக் குறையும்.

    கோதுமையிலும், ஓட்ஸிலும் நார்ச்சத்து இருந்த போதிலும் தயாரிக்கும் பொழுது அவைகளிடத்திலிருக்கும் நார்ச்சத்து ஓரளவு குறைந்து போகின்றன. ஆனால் பார்லியில் பீட்டோ குளுக்கான் என்ற நார்ச்சத்து எந்த வகையான தயாரிப்பு முறையிலும் அழிவதில்லை.இதுதான் பார்லியின் சிறப்புக் காரணம். இது உடம்பில் இருக்கிற சர்க்கரையின் அளவைக் குறைக்கும். பார்லியில் இருக்கும் நார்ச்சத்து சக்திமிக்கது




    Dangu likes this.

  6. #16
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: Medicinal Benefits of Cereals and Grains - தானியங்கள் மற்றும் பருப்புகளின

    பார்லி (வாற்கோதுமை)

    சத்துமிக்க தானிய வகைகளில் ஒன்று. இன்று நீரிழிவு, ரத்த அழுத்த நோயாளிகளின் பிரதான உணவு வகையில் ஒன்றாகவும், ஆரோக்கிய விரும்பிகளின் உணவுப் பட்டியலிலும் தவறாமல் இடம் வகிக்கிறது. இதிலுள்ள சத்துக்களை அறிவோம்...

    * பார்லி மிதமான ஊட்டம் தரக்கூடியது. 100 கிராம் பார் லியில் 270 கலோரி ஆற்றல் உடலுக்கு கிடைக்கிறது.

    * நூறு கிராம் பார்லியில் 54.4 சதவீதம் நார்ச்சத்து உள்ளது. ரத்தத்தில் உள்ள கொழுப்பின் அளவை கட்டுப்பாட்டில் வைக்க இது உதவும். குடல் பகுதியில் காணப்படும் நன்மை செய்யும் பாக்டீரியா நுண்ணுயிர்கள் இந்த நார்ச்சத்துக்களை எளிதில் கரையத்தக்க கொழுப்பு அமிலமாக மாற்றி வழங்கும். அது 'பியூட்ரிக் அமிலம்' எனப்படும். இது உடற்செல்களுக்கான அத்தியாவசிய எரிபொருளாகும்.

    * நன்மை செய்யும் பாக்டீரியாக்கள் புரப்பியானிக் அமிலம், அசிட்டிக் அமிலம் எனப்படும் இரு கொழுப்பு அமிலங்களையும் உருவாக்குகிறது. தசை மற்றும் நுரையீரல் செல்களின் எரிபொருளாக இவை பயன்படும். இந்த புரப்பியானிக் அமிலம்தான் ரத்தத்தில் கொழுப்பின் அளவை கட்டுப்படுத்தும் செயலிலும் பங்கெடுக்கிறது.

    * பார்லியில் உள்ள 'பீட்டா குளுகான்' எனும் நார்ப் பொருள், உடலில் உள்ள கெட்ட கொழுப்புகளை பித்தநீருடன் கலந்து, கழிவுப் பொருட்களுடன் சேர்த்து அகற்றிவிடுகிறது.

    * பார்லியில் 'வைட்டமின் பி' (நியாசின்) நல்ல அளவில் காணப்படுகிறது. அதிக அளவில் பார்லியை உணவில் சேர்த்துக் கொள்ளும்போது, இதயவியாதியான கார்டியோ வாஸ்குலார் பாதிப்புக்கு நியாசின் எதிர்ப்பு ஆற்றல் வழங்கும். மேலும் கெட்ட கொழுப்புகளான லிப்போ புரோட்டின் மற்றும் கொலஸ்டிராலின் அளவையும் கட்டுப்படுத்தும். ஒரு கப் பார்லி சாப்பிட்டால் தினசரி உடலில் சேர்க்க வேண்டிய 'வைட்டமின் பி' சத்தில் 14.2 சதவீதம் கிடைக்கும்.

    * உடலுக்கு அத்தியாவசியமான தாதுப் பொருட்கள் சிறந்த அளவில் காணப்படுகிறது. செலினியம் தினசரி அளவில் 52 சதவீதமும், டிரிப்டோபான் 37.5 சதவீதமும், தாமிரம் 31.4 சதவீதமும், மாங்கனீசு 31 சத வீதமும், பாஸ்பரஸ் 23 சதவீதம் உள்ளன.

    * காலை உணவில் பார்லியை அதிகமாக சேர்த்து வர இதய பாதிப்புகளை வெகுவாக கட்டுப்படுத்தலாம். 40 வயது கடந்த பெண்களுக்கு உடல்ரீதியாக பல்வேறு நன்மை வழங்கக் கூடியது பார்லி. மார்பக புற்றுநோய்க்கு எதிர்ப்பாற்றல் தரும்.

    * மிகுதியாக காணப்படும் மக்னீசியம், 300 நொதிகளை தூண்டும் துணைக்காரணியாக செயல்படுகிறது. இன்சுலின் சுரப்பதை தூண்டுவதால் நீரிழிவு பாதிப்பு ஏற்படாமல் காக்கிறது. பாதிப்பு ஏற்பட்டவர்களுக்கு சிறந்த நிவாரணம் தருவதாகவும் உள்ளது.

    வழக்கமாக பார்லி சேர்த்துவந்தால் ஆஸ்துமா பாதிப்புகள் அண்டாது. பார்லி தோற்றத்தில் கோதுமையின் சாயலில் இருக்கும். இதனை அப்படியே வேக வைத்து அரிசி சாதம்போல சாப்பிடலாம்.

    கோதுமையைப் போலவே மாவாக அரைத்து சப்பாத்தி, கூழ், தோசை, இட்லி என பல உணவுப் பண்டங்கள் தயாரித்து ருசிக்கலாம். பார்லி மாவு கலந்து கேக், இனிப்பு வகைகள் செய்து சாப்பிடலாம். பார்லி சூப் உடலுக்கு தெம்பு தரும். இதயத்துடிப்பு சீராகும். மதுபானம் தயாரிப்பில் நொதித்தலுக்கு பார்லி உதவுகிறது.



    Attached Thumbnails Attached Thumbnails Medicinal Benefits of Cereals and Grains - தானியங்கள்  மற்றும் பருப்புகளின் -barley.jpg   Medicinal Benefits of Cereals and Grains - தானியங்கள்  மற்றும் பருப்புகளின் -barley1.jpg  
    Dangu likes this.

  7. #17
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: தானியங்கள் மற்றும் பருப்புகளின் மருத்&

    பார்லியில் அடங்கியுள்ள ஊட்டச்சத்துக்கள்
    பார்லியில் மேலோடானது 13 சதவீதம் அடங்கும்.
    இந்தியாவில் காணப்படும் பார்லியில் அடங்கியுள்ள ஊட்டச்சத்துக்கள் ஈரப்பதம்-12.5 சதவீதம்,
    புரதம்-11.5 சதவீதம்,
    கொழுப்பு -1.3சதவீதம்,
    தாதுஉப்புகள்-1.5 சதவீதம்,
    நார்ச்சத்து - 3.95 சதவீதம்,
    கார்போஹைட்ரேட்-69.3 சதவீதம்,
    தாது உப்புக்களில் இரும்பு சத்து அதிக அளவும்
    அதனுடன் பி வைட்டமின் மற்றும் சிறிதளவு வைட்டமின் ஏ, டி, ஈ காணப்படுகிறது.
    பார்லி கஞ்சியில் 19 சதவீதம் அமைலேஸ் மற்றும் 81 சதவீதம் அமைலோ பெக்டின் காணப்படுகிறது.

    மருத்துவத்தில் சர்க்கரைநோய் குறைப்பதற்கும், கொழுப்பு சத்து குறையவும் உடல் குறைக்கவும் உபயோகப்படுத்தப்படுகிறது. ஓட்ஸ் சக்கை மற்றம் பார்லியில் கரையக்கூடிய மற்றும் கரையாத நார்சத்துக்களை கொண்டுள்ளதால் இவை கொழுப்பின் அளவை குறைக்கின்றன. பார்லியானது பசியுண்டாவதை கட்டுப்படுத்துவதால் உடல் எடை குறைக்கவும் உதவுகிறது. குடல் புற்று நோய் வராமல் தடுக்கவும் உதவுகிறது.





    Dangu likes this.

  8. #18
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: தானியங்கள் மற்றும் பருப்புகளின் மருத்&

    சாமை

    புஞ்சை என்றழைக்கப்படும் புன்செய் நிலத்தில் பயிரிடப்படும் ‘சாமை’ எனும் சிறுதானியம் மிகவும் மதிப்புக்குரியது. மற்ற சிறுதானியங்களைப் போலவே இதற்கும் தண்ணீர் அதிகம் தேவையில்லை. அதிக வெப்பத்திலும் மழை கிட்டாத போதும், வருடம் முழுவதும் விளையும். பயிரிட்ட 65 நாட்களிலேயே அறுவடை செய்ய இயலும் என்பது இன்னும் ஒரு சிறப்பு. சிறுதானியங்களை அதிகம் உண்ண ஆரம்பித்தால் விவசாயிகள் அதிகம் பயிரிடுவர். விவசாயிகளுக்கும் குறைந்த வேலையில் நல்ல மகசூல் கிடைக்கும்.

    மேல் தோல் கடினமாக இருப்பதாலும் அரிசியைப் போல உமி நீக்கி பாலீஷ் செய்யாமல் இருப்பதாலும் காலப்போக்கில் இதன் பயன்பாடு குறைந்துவிட்டது.சாமையை ஆங்கிலத்தில் ‘லிட்டில் மில்லெட்’ (Little millet) என்று கூறுவர். ஹிந்தியில் ‘குட்கி’ என்று அழைக்கப்படுகிறது. தெலுங்கு, கன்னடத்தில் ‘சாம’, ‘சாமெ’ என்று சற்றே மருவி அழைக்கப்படுகிறது.

    சாமையை குத்தி தோல் நீக்கித்தான் சமைக்க வேண்டுமா?

    இப்போது கடினமான மேல் தோல் நீக்கிய சாமை கிடைக்கிறது. இதை உபயோகிக்கும்போது தோல் நீக்க வேண்டிய அவசியம் இல்லை. அரிசியைப் போலவே பல உணவுகளை சமைக்க சுலபமாக பயன்படுத்த முடியும். வாங்கும்போது பார்த்தாலே இது புரியும். கம்பைப் போல குத்தி, தோல் நீக்க இயலுமென்றாலும் வேலையை கருதி பலரும் உபயோகிக்காமல் இருந்தனர்.

    சிறு குழந்தைகளுக்கு சத்துமாவைப் போல செய்து தரலாமா? எந்த வயதில் இருந்து தரலாம்?

    தோல் நீக்கிய சாமையை மிதமான தணலில் லேசாக மணம் வரும்படி வறுத்து சத்து மாவு தயாரிக்கலாம். 3 பங்கு சாமைக்கு 1 பங்கு பொட்டுக்கடலை சேர்த்து மாவாக்கி, சலித்து சத்து மாவு போல கஞ்சி காய்ச்சித் தரலாம். 7வது மாதத்தில் இருந்தே குழந்தைகளுக்கு தரலாம். 1 டேபிள்ஸ்பூன் மாவை, 1 டம்ளர் தண்ணீரில் கலந்து காய்ச்சித் தரலாம். குழந்தை சிறிது வளர்ந்தபின் கூழ்போல காய்ச்சித் தரலாம். சிறிது உப்பு
    போட்டும் தரலாம். பால் சேர்த்து தருவதானால் தண்ணீரைக் குறைத்து பால் சேர்க்கலாம் (9 மாதத்துக்குப் பின்).

    சாமை சுலபமாக ஜீரணமாகுமா?

    சாமையில் செய்த உணவுகள் எல்லா வயதினருக்கும் ஏற்றவை. மிகச் சுலபமாக ஜீரணமாகும். எந்த விதப் பக்க விளைவுகளும் வராது. மலச்சிக்கலைப் போக்கும் தன்மை உடையது.

    சிறுதானியங்கள் விலை அதிகமா? எல்லோராலும் உண்ண இயலுமா?

    அரிசியை விட சிறிது விலை அதிகமானாலும் சத்துகள் மிகுந்தது. சிறிதே உண்டாலும் வயிறு நிறையும். இணை உணவு கள் இல்லாமலே தேவையான சத்துகள் கிடைக்கும். அதிக நேரம் பசிக்காது. சீக்கிரமாக சமைக்க இயலும். இந்த குணங்களை பார்க்கும்போது கொடுத்த விலைக்கு பயன் அதிகம்.

    சாமை உணவை சமைக்க அதிக நேரமாகுமா? அரிசி சாதத்தைப்போல சாப்பிட முடியுமா?

    அரிசி சாதத்தைப் போல சமைத்து சாப்பிடலாம். பிரஷர் குக்கர் தேவையில்லை. ஒரு பங்கு சாமைக்கு 2 பங்கு தண்ணீர் போதும். சில வேளை இரண்டரை கூட பிடிக்கும். ஊற வைக்க வேண்டிய அவசியமில்லை. தண்ணீரை கனமான பாத்திரத்தில் சூடாக்கி, கொதி வரும்போது கழுவிய சாமையை சேர்த்து, கொதி வந்ததும் லேசாக ஒரு தடவை கலந்துவிட்டு, மூடி வைத்து மிதமான தணலில் ஈரம் வற்றும் வரை வைத்தால் நன்றாக வரும். ஒன்றுடன் ஒன்று ஒட்டாது. மத்தியில் அடிக்கடி கிளற வேண்டாம். நீங்கள் அரிசி சாதம் சாப்பிடும் அளவில் மூன்றில் 1 பங்கு உண்டாலே போதும்... வயிறு நிறைந்துவிடும். குழம்பு, பொரியல், தயிர் சேர்த்து எப்படி வேண்டுமானாலும் சாப்பிடலாம்.

    என்னென்ன உணவுகளை சாமை அரிசியில் தயாரிக்கலாம்?

    பொங்கல், உப்புமா, இட்லி, தோசை, பணியாரம், பிரியாணி, புட்டு, முறுக்கு, அல்வா, லட்டு, கேசரி, அதிரசம், ரொட்டி போன்ற பல உணவுகளை சுவைபட தயாரிக்கலாம்.

    சாமை அரிசியில் என்னென்ன சத்துகள் இருக்கின்றன?

    100 கிராம் சாமையில் 7.7 கிராம் புரதச்சத்து உள்ளது. இந்த புரதம் உடல் வளர்ச்சிக்கு, எலும்புகளின் வலுவுக்கு, தசைகள், சதைகள் வலுவுடன் இருப்பதற்கு உதவுகின்றன. அதோடு, மூளைக்குச் செல்லும் செல்களுக்கு நல்ல சக்தியை தரும். மனச் சோர்வைப் போக்கும். நல்ல உறக்கம் பெறலாம்.

    இதில் 7.6 கிராம் நார்ச்சத்து உள்ளது. மலச்சிக்கல் வராமலிருக்க உதவி புரியும். எடை அதிகரிக்காது. ரத்தத்தில் மெதுவாக குளுக்கோஸை வெளிவிடுவதால் நீரிழிவுக்காரர்களுக்கு உகந்தது. கொலஸ்ட்ராலை குறைக்கும்.

    மாவுச்சத்து 67 கிராம் அளவு உள்ளது. இந்த மாவுச் சத்தில் எடையை அதிக மாக்கும் பசைத் தன்மை உடைய ‘க்ளூட்டன்’ அறவே இல்லை. அதனால் முழு நன்மையைத் தரும். சக்தியை அளவிடும் கலோரிகள் 100 கிராமுக்கு 341 இருக்கும்.

    இரும்புச்சத்து 9.3 மில்லிகிராம் அளவு உள்ளது. நமது ஒரு நாளையத் தேவையில் மூன்றில் ஒரு பங்கு 100 கிராம் அளவிலேயே கிடைத்துவிடும். கர்ப்பிணிகளுக்கு மட்டுமின்றி, பாலூட்டும் தாய்மார்களுக்கும் தரலாம். ரத்தசோகை ஏற்படா மல் இருக்க சிறு வயது முதல் சாப்பிடலாம். எல்லா வயதினருக்கும் ஏற்றது.

    கம்பில் இருக்கும் இரும்புச்சத்தைவிட இதில் அதிகம் உள்ளது. கேழ்வரகில் இருப்பதைவிட இரண்டரை மடங்கு அதிகம்.ககால்சியம் சத்து (சுண்ணாம்புச் சத்து) கம்பைவிட குறைவு என்றாலும், உறிஞ்சப்படும் நிலையில் இருக்கும். (7 மில்லி கிராம் அளவு உள்ளது.) கம்பில் உள்ளதைவிட மூன்றில் ஒரு பங்கே.

    தாது உப்புகள்: மக்னீஷியம், சோடியம், பொட்டாசியம், காப்பர், மாங்கனீசு, துத்தநாகம் போன்ற பல முக்கிய தாதுகளையும் சாமையில் இருந்து பெறலாம். வைட்டமின் சத்துகள் என்று பார்த்தால் முக்கிய பி காம்ப்ளெக்ஸ் வைட்டமின்களான தயாமின், ரிபோஃப்ளோவின், நயாசின், ஃபோலிக் அமிலம் எல்லாமும் கிடைக்கும்.


    Attached Thumbnails Attached Thumbnails Medicinal Benefits of Cereals and Grains - தானியங்கள்  மற்றும் பருப்புகளின் -.jpg  
    Dangu likes this.

  9. #19
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: Medicinal Benefits of Cereals and Grains - தானியங்கள் மற்றும் பருப்புகளின

    சாமை

    கர்ப்பிணிகளுக்கு எந்த வகையில் உதவி புரியும்
    ?

    இதில் உள்ள ஃபோலிக் அமிலம், மூளை வளர்ச்சிக் குன்றிய குழந்தைகள் உருவாகாமல் தடுக்கும். மலச்சிக்கல் ஏற்படாது. இரும்புச்சத்து அதிகமுள்ளதால் ரத்தசோகை வராமல் தடுக்கும்... ஆரோக்கிய மான செல்கள் உற்பத்திக்கும் உதவி புரியும். ஆரோக்கியமாக குழந்தைகள் பிறக்கத் தேவையான பல முக்கிய உயிர்ச்சத்துகள் உள்ளன. புரதச்சத்து எனும்போது அதில் உள்ள முக்கிய அமினோ அமிலங்கள் எல்லாமும் இந்த ஒரு சிறுதானியத்திலேயே கிடைக்கும். உடல் வளர்ச்சி, மன வளர்ச்சி எல்லாவற்றுக்கும் உதவும் இந்த புரதம்.

    சைவ உணவை மட்டுமே சாப்பிடும் விளையாட்டு வீரர்களுக்கு இது பயன் தருமா?

    இதில் உள்ள புரதச்சத்து மற்ற தானியங்களைவிட அதிகம். விளையாட்டு வீரர்களுக்கு நல்ல உடல் வலிமையை தரும். முட்டை சாப்பிடாதவர்களுக்கும் இந்த புரதம் பலனளிக்க வல்லது. சீக்கிரம் பசிக்காது. தாதுப்பொருட்களை உடலில் அதிகரித்து உயிரணுக்களின் எண்ணிக்கையை உயர்த்துவதில் இதன் பங்கு குறிப்பிடத்தக்கது. ஆண் மலட்டுத்தன்மை வராமலிருக்க, இதில் உள்ள சத்துகள் உதவும். நீரிழிவு மற்றும் இதய நோயாளிகள் பலருக்கும் ஏற்ற உணவு.

    சிறுதானிய ரெசிபி

    கீரை சேர்த்த சாமைப் பொங்கல்

    என்னென்ன தேவை?

    சாமை அரிசி - முக்கால் ஆழாக்கு, முளைவிட்ட பச்சைப் பயறு - கால் ஆழாக்கு, வறுத்த நரிப் பயறு - கால் ஆழாக்கு, பருப்புக் கீரை - 1 கட்டு பொடியாக அரிந்தது, தண்ணீர் - நான்கரை டம்ளர், கரகரப்பாக பொடித்த மிளகு, சீரகம் - ருசிக்கேற்ப, உப்பு, எண்ணெய், நெய் - தேவைக்கேற்ப
    (வறுத்த முந்திரி - விருப்பப்படி).

    எப்படிச் செய்வது?

    முதலில் தண்ணீரை அளந்து ஊற்றி வறுத்த நரிப் பயறு சேர்த்து மலரும் வரை வெந்த பிறகு முளைப் பயறு, சாமை அரிசியை சேர்த்து மூடி வைக்கவும். தணலைக் குறைத்து வேக விடவும். அவ்வப்போது கலந்துவிட்டு, நன்கு வெந்ததும் சிறிதே எண்ணெயில் வதக்கிய கீரை, உப்பு, மிளகு - சீரகத்தூள் சேர்த்து கலக்கவும். நன்கு வெந்து பொங்கல் பதமானதும் விருப்பப்படி நெய்யில் முந்திரி வறுத்து சேர்த்து பரிமாறவும். மிக ருசியாக இருக்கும். (நரிப் பயறை ஆங்கிலத்தில் ‘மோத் பீன்ஸ்’ (Moth beans) என்று கூறுவர். பச்சைப் பயறைப் போலவே சிறிது அடர்ந்த நிறத்தில் இருக்கும். தோல் நீக்கிய பருப்பாகவும் கிடைக்கிறது. இரும்புச்சத்து மிகுந்தது.)

    குறிப்பு: சாமையோடு பச்சைப் பயறு, நரிப்பயறு, பருப்புக்கீரை எல்லாம் சேரும்போது இரும்புச்சத்து அதிகமாகக் கிடைக்கும். நெய் அதிகம் விட வேண்டிய அவசியம் இல்லை.



    Attached Thumbnails Attached Thumbnails Medicinal Benefits of Cereals and Grains - தானியங்கள்  மற்றும் பருப்புகளின் -1.jpg  
    Dangu likes this.

  10. #20
    chan's Avatar
    chan is offline Ruler's of Penmai
    Gender
    Female
    Join Date
    Mar 2012
    Location
    chennai
    Posts
    17,520

    Re: தானியங்கள் மற்றும் பருப்புகளின் மருத்&

    தினை

    என்னைப் பற்றி 5 ஆயிரம் ஆண்டுகளுக்கு முன்பே சீனர்கள் தெரிந்து வைத்திருந்தனர். சீனர்களுடைய குறிப்பேடுகளில் என்னைப் பற்றி எழுதப்பட்டு இருந்தது. அங்கிருந்து பல நாடுகளுக்கு கொண்டு செல்லப்பட்டதாக தகவல்கள் உள்ளன. தேன்சிட்டுகளுக்கு மிகவும் பிடித்த உணவாவேன். மேல் தோலை நீக்கிய பின் இளம் மஞ்சள் நிறத்தில் இருப்பேன்.

    மழையே இல்லாமல் பஞ்சம் வந்த காலத்திலும், நம் நாட்டில் மக்களுக்கு சாப்பிட முடியுமென்ற அளவுக்கு என்னைத் தந்தேன். உலகத்திலேயே மிகமிக ஆரோக்கியமான உணவாக கருதப்படுகிறேன். குழந்தைகளுக்கு நல்ல ஊட்டச்சத்து கிடைக்கும் சத்து மாவிலும் இருப்பேன். வயதானவர்களுக்கேற்ற ஊட்டம் மிகுந்த உணவாகவும் கருதப்படுகிறேன். கர்ப்பிணிகள், தாய்மார்கள் எல்லோருக்குமே நல்ல சத்தான உணவாவேன்.

    பல கோயில்களில் பிரசாதமாக இன்றும் தரப்படுகிறேன். என்னை உண்பவர்களுக்கு வாய்வுத் தொல்லையும் மலச்சிக்கலும் இருக்காது. கப நோயும் வராமல் தடுப்பேன். ‘இறடி’, ‘ஏளல்’, ‘கங்கு’ என்று பல்வேறு பெயர்களில் அழைக்கப்பட்டேன். குறிஞ்சி நில மக்கள் தங்களின் பிரதான உணவான என்னை வள்ளி திருமணத்தின்போது முருகனுக்கும் தந்தார்கள். பழந்தமிழ் இலக்கியங்கள் பலவற்றிலும் என்னைப் பற்றி கூறி இருக்கிறார்கள்.

    தங்களின் ஊகம் சரி, நான்தான் ‘தினை’. சிறுதானியங்களில் ஒன்று. என்னில் இருக்கும் சத்துகளில் எனக்கு மிகுந்த பெருமையைத் தந்தது புரதமும், நார்ச்சத்தும், நல்ல வகை கொழுப்பும் சேர்ந்ததால்தான். இப்போது தோல் நீக்கப்பட்டு கிடைப்பதால் மிகச்சுலபமாக என்னை சமைக்க இயலும். சில ஆண்டுகளுக்கு முன்பு வரை, மேல் தோலை நீக்க சிறிது தண்ணீர் தெளித்து மூடி வைத்து, 15 நிமிடங்கள் கழித்து, உரலால் குத்தி எடுத்து புடைத்து உபயோகித்தார்கள். வாங்கும்போது தோலுடன் இருந்தால் இதைப்போல செய்யலாம். பலரும் மிக்ஸியில் விட்டு விட்டு இயக்கியும் உடைத்து, புடைத்து உபயோகிக்கிறார்கள்.

    மேல் தோல் நீக்கப்பட்டபோதும் பாலீஷ் செய்யாததால் சத்துகளில் குறைபாடு ஏற்படாது. கரையும் தன்மை இல்லாத நார்ச்சத்து மட்டுமே குறையும். கரையும் தன்மை உள்ள நார்ச்சத்து குறையாது. இந்த நார்ச்சத்துதான் கொலஸ்ட்ராலை ரத்தத்தில் குறைக்கும். இதய நோய் வராமல் தடுக்கும். பீட்டா கரோட்டின், தயாமின், ரிபோஃப்ளோவின், நயாசின், ஃபோலிக் ஆஸிட் போன்ற முக்கிய பி-வைட்டமின்கள் உள்ளதால், கர்ப்பிணிகள் உண்ணும்போது மனவளர்ச்சி குன்றிய குழந்தைகள் உருவாகாமல் தடுக்க இயலும்.

    ஆங்கிலத்தில் ஃபாக்ஸ்டெயில் மில்லெட் (Foxtail millet), இட்டாலியன் மில்லெட் (Italian millet) என்றும் அழைக்கப்படுகின்றேன்.

    சத்துகளைப் பற்றி விரிவாகக் கூறுகிறேன்...

    எனது 100 கிராம் அளவில் கிட்டத்தட்ட 12.3 கிராம் அளவு புரதம் உள்ளது. 11 முக்கிய அமினோ அமிலங்கள் கொண்டது. ஒருசில முக்கிய அமினோ அமிலங்கள் நமது உடலுக்கு எப்படி நன்மை செய்யுமென கூறுகிறேன்...

    1. வேலின் (Valine): மூளை நன்கு செயல்பட உதவும். உடலில் தசைகள் நன்கு இயங்கவும் பழுதாகும்போது அதை சரி செய்யவும் உதவும். நைட்ரஜனை சம நிலையில் உடலில் வைக்க உதவும். மன அயர்ச்சியைப் போக்கும்.

    2. ஐஸோலூசின் (isoleucine): ரத்த உற்பத்தியில் முக்கியப் பங்கு வகிப்பது. ரத்த சர்க்கரை அளவை கட்டுப்பாட்டுடன் வைக்கவும், நோய் எதிர்ப்பு திறனுக்கும், உடலில் எலும்பு, தோல், தசைகளின் தேய்மானத்தை சரி செய்யவும் உதவும்.

    3. திரயோனைன் (Threonine): புரதத்தை உடலில் சரிவர வைக்கவும் பற்களின் எனாமல் உருவாகவும் உதவி புரியும். கல்லீரலில் கொழுப்பை படியாமல் இருக்கச் செய்யும். அதனால் கல்லீரல் நன்கு வேலை செய்யும்.

    4. டிரிப்டோபன் (Tryptophan):மன உளைச்சல் வராமலிருக்கவும், தூக்கமின்மைக்கும், மைக்ரேன் என்னும் தலைவலி வராமலிருக்கவும் உதவும். அதிகப்பசி எடுக்காமல் இருக்கவும் உதவுவதால், எடை அதிகரிக்காமல் இருக்கும்.

    மெதியோனைன் (Methionine): ஆரோக்கியமான தலைமுடி மற்றும் தோல் வளர்ச்சிக்கு உதவும். இதிலிருக்கும் சல்பர், லெஸிதினை உற்பத்தி செய்யும். அதனால் கொலஸ்ட்ரால் குறையும். கல்லீரலின் உள்ளே கொழுப்பு சேராமலிருக்க உதவும். சிறுநீரகங்களை பாதுகாக்கும்.

    மாவுச்சத்து: எடையைக் கூட்டாத மாவுச்சத்து என்னில் இருப்பதால், ‘ட்ரைகிளைசரைடு’ எனும் கொழுப்பை உருவாக்காமல் இருப்பேன்.

    கொழுப்பு: 100 கிராம் அளவில் 4.3 கிராம் கொழுப்பு இருந்தாலும், இது நல்ல கொலஸ்ட்ராலை உருவாக்கி, கெட்ட கொலஸ்ட்ராலை குறைப்பதால் இதய நோய்கள் வராமல் தடுப்பேன்.

    ஆன்ட்டி ஆக்ஸிடென்ட்ஸ்: மிக அதிக அளவில் என்னில் உள்ளதால், கேன்சர் முதலான நோய்கள் வராமல் இருக்க உதவி புரிகிறேன். வந்தபின் அதிகமாகாமல் இருக்கவும் உதவி புரிவேன்.

    இரும்புச்சத்து: ரத்தசோகை வராமல் காக்கிறேன்.

    மக்னீஷியம் : ஒவ்வாமை நோய்கள் வராமலிருக்கவும் உயர் ரத்த அழுத்தம் வராமலிருக்கவும் உதவுகிறேன்.

    பாஸ்பரஸ்: உடலில் எலும்பு, மஜ்ஜை, உயிரணுக்கள் உருவாக்கத்துக்கும் பாதுகாப்புக்கும் உதவக் கூடியவை. நரம்பு மண்டலத்தின் நல்ல செயல்பாட்டுக்கும் உதவுபவை.

    நார்ச்சத்து: மிகவும் அதிகமாக உள்ளதால் ரத்த சர்க்கரையை மெதுவாக வெளித் தள்ளும். நீரிழிவை கட்டுப்படுத்தும். சிறுவயதில் இருந்தே என்னுடன் மற்ற சிறுதானியங்களையும் உண்ணப் பழகினால் பலவிதமான நோய்கள் அண்டாமல் ஆரோக்கியமாக இருக்க உதவுவோம்



    Attached Thumbnails Attached Thumbnails Medicinal Benefits of Cereals and Grains - தானியங்கள்  மற்றும் பருப்புகளின் -.jpg  
    Dangu likes this.

loading...

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  
Like It?
Share It!







Follow Penmai on Twitter