Sponsored Links
Sponsored Links
Penmai eMagazine November! | All Issues

User Tag List

Like Tree17Likes

பத்திய உணவுகள் !!


Discussions on "பத்திய உணவுகள் !!" in "Healthy and Nutritive Foods" forum.


  1. #11
    shansun70's Avatar
    shansun70 is offline Minister's of Penmai
    Real Name
    M ShanmugaSundaram
    Gender
    Male
    Join Date
    Mar 2014
    Location
    Hosur
    Posts
    2,651

    Re: பத்திய உணவுகள் !!

    பருப்புவகைகள்மட்டுமின்றிபால், தயிர், இறைச்சி, மீன்வகைகள், கொட்டைவகைகள்போன்றஉணவுகளிலிருந்தும்நமக்குத்தரமானபுரதம்கிடைக்கிறது. மனிதவாழ்க்கையில்வளர்ச்சிஅதிகம்இருக்கும்பருவம்குழந்தைப்பருவம், விடலைப்பருவம், பெண்கள்கருவுறும்போதுமற்றும்தாய்மார்கள்பாலூட்டும்நேரம். இக்காலகட்டங்களில், உடல்வளர்ச்சிக்கும்நோய்எதிர்ப்புத்தன்மையைஅதிகரிக்கவும்புரதம்மிகமுக்கியஒருபங்கைஏற்கிறது.
    பருப்பைஅதிகம்உணவில்சேர்த்துக்கொள்ளஇயலாதவர்கள்முளைகட்டியபயறுவகைகளைஉணவில்சேர்த்துக்கொள்ளலாம். முளைகட்டியபயிறுவகைகளைச்சாப்பிடுவதால், வாயுத்தொல்லையால்அவதிப்படுபவர்களுக்குஇந்ததொல்லையிலிருந்துவிடுதலைகிடைக்கும். புரதச்சத்துஎளிமையாகசெரிக்கக்கூடியசத்தாகமாற்றப்படுகிறது.


    Sponsored Links

  2. #12
    shansun70's Avatar
    shansun70 is offline Minister's of Penmai
    Real Name
    M ShanmugaSundaram
    Gender
    Male
    Join Date
    Mar 2014
    Location
    Hosur
    Posts
    2,651

    Re: பத்திய உணவுகள் !!

    உங்கள் சமையலில் என்ன எண்ணெய்?

    ஓ சமையல் எண்ணெய்யா? நாங்கள் எல்லாமே நான்ஸ்டிக் பாத்திரங்களைத்தான் பயன்படுத்தறோம். நெய்யை மளிகைப் பட்டியலில் இருந்து நீக்கி பல வருடங்கள் ஆகிவிட்டன என்று பெருமிதத்துடன் கூறும் சகோதரிகளே, உங்களுக்குத்தான் இந்த அத்தியாயம்!
    கார்போஹைட்ரேட், புரதம் போன்று கொழுப்புச் சத்தும் நம் உடல் ஆரோக்கியத்துக்கு அவசியமான ஊட்டச்சத்துதான். அதனால்தான் அதைக் கொழுப்புச் சத்து என்று அழைத்தார்கள். ஆனால், இப்போது அதை எடை கூட்டும் வில்லனாகக் காண்கிறோம். அரைகுறை அறிவின் அவஸ்தை இது.
    உடல் அணுக்களின் அமைப்புக்கும் வேலைப்பாடுகளுக்கும் கொழுப்புச் சத்து மிக அவசியம். உணவில் சுவை, மணம், நிறம் ஆகியவற்றைக் கூட்டி, உடலில் ஒரு சேமிப்புச் சக்தியாக இருக்கிறது. உடல் சீரான முறையில் இயங்கக் காரணமாக இருக்கும் ஹார்மோன்களின் உற்பத்திக்கு உதவுகிறது. குறிப்பாக, பாலினச் சுரப்பு நீர் உற்பத்திக்கு மிக அத்தியாவசியமான ஒன்று.
    பெண்களுக்கு ஏற்படும் ஒழுங்கற்ற மாதவிலக்கு, தாமதிக்கும் கருத்தரிப்பு போன்ற பிரச்னைகளும், ஆண்களுக்கு ஆண்மைக்குறைவு, மலட்டுத்தன்மை போன்ற குறைபாடுகளும் பரவலாகக் காணப்படுவதற்கு ஒரு முக்கியக் காரணம், உணவில் சரிவிகித அளவு கொழுப்புச் சத்தை எடுத்துக்கொள்ளாததும்தான்.
    சரி, உங்கள் விவாதத்துக்கே வருவோம்! கார்போஹைட்ரேட் மற்றும் புரதத்தைவிட, கொழுப்பு அதிக கலோரியை அல்லவா தருகிறது. ஒரு கிராம் கொழுப்பு 9 கிலோ கலோரியை அளிக்கிறது. உண்மைதான். ஆனால் கொழுப்பு நிறைந்த உணவு நீண்ட நேரத்துக்கு வயிற்றில் தங்கி பசியுணர்வு அடிக்கடி ஏற்படுவதைத் தள்ளிப் போடுகிறது. உடம்புக்குத் தேவையான கொழுப்புச் சத்து, உணவுகளின் மூலம் கண்ணுக்குப் புலப்படாதபடி, ஆனால் கண்ணுக்குத் தெரிகிற வகையில் சமையல் எண்ணெய்களின் மூலமும் நமக்குக் கிடைக்கிறது.
    எல்லாவகையான சமையல் எண்ணெய்கள், எண்ணெய் வித்துகள், கொட்டை வகைகள், நெய், வெண்ணெய், வனஸ்பதி, முட்டையின் மஞ்சள் கரு, பால், இறைச்சி போன்ற உணவுப் பொருட்களில் கொழுப்புச் சத்து அதிகமாக உள்ளது. மீன் வகைகளில் கணிசமான அளவும், தானியங்கள் மற்றும் பருப்பு வகைகளில் குறைந்த அளவும் கொழுப்புச் சத்து உள்ளது.
    இவ்வளவு எண்ணெய் வகைகளில் எதை உட்கொள்வது என்பது அடுத்த கேள்வி. இயற்கையான மணம், நிறம், அமைந்த நம்முடைய பாரம்பரிய எண்ணெய்களான நல்லெண்ணெய், கடலை எண்ணெய், நெல் தவிட்டு எண்ணெய், தேங்காய் எண்ணெய், நெய் ஆகியவற்றை அளவோடு உபயோகிக்கலாம். இந்த எண்ணெய்களில் கொழுப்புச் சத்துடன், வைட்டமின் A, மற்றும் E, இதனுடன் நோய் எதிர்ப்புத்தன்மையை அளிக்கும் antioxidant என்கிற ஊட்டச்சத்தும் கிடைக்கிறது.
    இவற்றை வேண்டாம் என்று கட்சி மாறி ஆலிவ் எண்ணெய், சோயா எண்ணெய் என்று அலையும் நாகரிகம்தான் வியப்படையச் செய்கிறது. இந்த எண்ணெய்கள் நம் உணவு வகைகளுக்கும், சமையல் முறைகளுக்கும் ஏற்றவை அல்ல. இவற்றை நம் சமையல் முறைகளில் உபயோகித்தால், நன்மையைவிட நோய்தான் அதிகம் வந்து சேரும். அதிக விலை கொடுத்து வாங்கி, பிரச்னையை பெரிதுபடுத்துவீர்களா? பசுமைப் புரட்சி, வெண்மைப் புரட்சி என்று நம் நாடு உணவு விஷயத்தில் பல புரட்சிகளை கேள்விப்பட்டிருக்கிறது. இந்த எண்ணெய்ப் புரட்சி நிறமில்லாத புரட்சி ஆகிவிட்டது.
    ஒரு எண்ணெய் வகையால் மட்டுமே தேவையான அனைத்துச் சத்துகளையும் தர முடியாது. எனவே, ஒரே வகை எண்ணெய்யை உபயோகிக்காமல், இரண்டு அல்லது மூன்று வகைகளை உபயோகிக்கலாம். இப்படிப் பயன்படுத்தும்போது, இரண்டு மூன்று வகைகளை ஒன்றாகக் கலந்து சமையலுக்கு உபயோகிப்பதில்லை. தனித்தனியாக, தாளிப்பதற்கு ஒரு வகை, வறுப்பதற்கு ஒருவகை என்று வெவ்வேறு வகை எண்ணெய்களை உபயோகிக்க வேண்டும்.
    குறைந்த புகைக்கும் தன்மையுடைய தேங்காய் எண்ணெய், கடலை எண்ணெய் ஆகிய எண்ணெய்களை வறுப்பதற்குப் பயன்படுத்தக் கூடாது. ஒரு நாளைக்கு, சராசரி மனிதருக்கு 20 கிராம் எண்ணெய் அளவுதான் தேவைப்படுகிறது. இந்த அளவு குழந்தைகளுக்கும், கருவுற்ற மற்றும் பாலூட்டும் தாய்மார்களுக்கும் சற்று அதிகரிக்கிறது. ஒரு வாரத்துக்கு ஒரு நபருக்கு 150 கிராம் எண்ணெய் என்று கணக்கிட்டால், அவரின் உணவு முறை கட்டுப்பாட்டுக்குள் உள்ளது என்று அர்த்தம்.


  3. #13
    shansun70's Avatar
    shansun70 is offline Minister's of Penmai
    Real Name
    M ShanmugaSundaram
    Gender
    Male
    Join Date
    Mar 2014
    Location
    Hosur
    Posts
    2,651

    Re: பத்திய உணவுகள் !!

    இது மருத்துவம்; கணிதம் அல்ல
    நாம், நம் தேவைக்கும் அதிகமாகக் கொழுப்பு மற்றும் கொழுப்பு நிறைந்த உணவுகள் உட்கொண்டால், அவை உடம்பில் சேமித்து வைக்கப்படுகின்றன. முக்கியமாக, கொலஸ்ட்ராலின் அளவு ரத்தத்தில் அதிகமாகிறது.
    சாதாரணமாக, கொலஸ்ட்ரால் உடம்புக்குத் தேவையான புதிய அணுக்களின் (செல்) உற்பத்திக்கும், ஹார்மோன்களின் உற்பத்திக்கும், வேலைப்பாட்டுக்கும் அவசியமான ஒரு வகை சத்து. தேவையான அளவு கொலஸ்ட்ராலை உடம்பே உற்பத்தி செய்துகொள்கிறது. நாம் உண்ணும் உணவின் மூலமும் கொலஸ்ட்ரால் உடம்பை சேருகிறது.
    உட்கொள்ளும் அளவு அதிகமானால், கொலஸ்ட்ரால் ரத்த நாளங்களில் படிந்து, ரத்த ஓட்டம் தடைபடும். இந்தக் கொழுப்பு அடைப்புகள் பெரும்பாலும் இதயம், மூளை போன்ற உறுப்புகளுக்குச் செல்லும் ரத்தக் குழாய்களில் ஏற்பட வாய்ப்பு உண்டு. இது அதிகம் ஆக ஆக, மாரடைப்பு, பக்கவாதம் போன்ற நோய்கள் தாக்கும் அபாயமும் அதிகரிக்கிறது.
    40 வயதை தாண்டிவிட்டோம் இனி உடல் ஆரோக்கிய விஷயத்தில் கவனமாக இருக்க வேண்டும் என்று நினைப்பவர்களுக்கு ஒரு சிறிய செய்தி. இந்த நோய்களுக்கெல்லாம் அஸ்திவாரம் இளமையிலேயே போடப்படுகிறது. இளம் வயதில் ஏற்படும் உணவுப் பழக்கங்கள்தான் நம்மை இக்கட்டில் வைத்துவிடுகிறது. சிறு வயதிலிருந்தே நாம் எடுத்துக்கொள்ளும் உணவுகளில் இருக்கும் அதிகக் கொழுப்பு, ரத்தக் குழாய்களில் படிந்து தன் அழிவு வேலையை ஆரம்பிக்கிறது.
    நமது ரத்தத்தில் இயல்பாக இருக்க வேண்டிய கொலஸ்ட்ராலின் அளவு 150-300 மில்லிகிராம். இந்த அளவு அதிகரித்தால், இதய நோய் தாக்க அதிக வாய்ப்பு உண்டு. உண்மையைக் கூற வேண்டும் என்றால், இந்த மொத்த கொலஸ்ட்ரால் அளவு உடலின் ஆரோக்கியத்துக்கான ஒரு துல்லியமான அளவுகோல் இல்லை எனலாம்.
    கொலஸ்ட்ரால் அளவு நம் வயது, பாலினம், மரபு போன்ற விஷயத்தை பொறுத்துதான் அமையும். அதுமட்டுமல்ல, கொலஸ்ட்ரால் நம் உடம்பில் நான்கு வகையாக உற்பத்தி ஆகிறது. மிகவும் குறையடர்த்தி கொழுமிய லிப்போப்ரோடீன்கள், குறையடர்த்தி கொழுமிய லிப்போப்ரோடீன்கள், அதிக அடர்த்தியுடைய லிப்போப்ரோடீன்கள் மற்றும் கைலோமைக்ரோன் என நான்கு வகைப்படும்.
    இவற்றுள், அதிக அடர்த்தி உடைய லிப்போப்ரோட்டீன்கள் அளவில் சிறியதாகவும் புரதத்தில் நிறைந்தும் காணப்படுகின்றன. கொழுப்புச்சத்தை உடம்பில் ஒரு இடத்திலிருந்து மற்றொரு இடத்துக்கு இடமாற்றம் செய்ய உதவுகிறது. எனவே, இதை நல்ல கொலஸ்ட்ரால் என்று அழைக்கிறார்கள். இந்த நல்ல கொலஸ்ட்ரால், உடம்பில் 40 மில்லிகிராமுக்கும் அதிகமாக இருப்பது நல்லது. இந்த நல்ல கொலஸ்ட்ரால் தேவைக்கு அதிக கொலஸ்ட்ராலை உடம்பிலிருந்து அகற்றவும் ஏதுவாக இருக்கிறது.
    உணவுகளின் வில்லனாகக் கருதப்படும் இந்த கொலஸ்ட்ரால், அனைத்து திசுக்களிலும் காணப்படுகிறது. இறைச்சி, முட்டையின் மஞ்சள் கரு, மற்றும் பால், பால் சார்ந்த உணவுப் பொருட்களில் கொலேசடிரால் அதிகம் காணப்படுகிறது. பல முக்கியமான வேலைப்பாடுகளில் பங்கேற்கும் கொலோஸ்ட்ரால் அட்ரீனல் ஹார்மோன்கள், பித்த நீர் உற்பத்திக்கான மூலப்பொருளாகவும் விளங்குகிறது. உடம்பில் உள்ள உயிரணுக்களின் குறிப்பாக நரம்பு அணுக்களின் சவ்வுகளின் முக்கிய அங்கமான நிகழ்கிறது.
    இந்த கொலஸ்ட்ரால் அளவு அதிகமாகாமல் உடம்பின் வேலைப்பாடுகளுக்கு தேவையான அளவு சரிவிகிதத்தில் எடுத்துக்கொள்வதற்கான சில குறிப்புகள் -
    1. குழந்தைகளுக்கு வெண்ணெய்க்குப் பதிலாக நெய்யை காய்ச்சிக் கொடுக்கலாம்.
    2. காய்கறிகளும் பழங்களும் உணவில் அதிகம் சேர்த்துக்கொண்டால், அதில் இருக்கும் நார்ச்சத்து உடம்பில் உள்ள கொலஸ்ட்ரால் அளவை குறைக்கும்.
    3. இறைச்சிக்குப் பதிலாக ஒமேகா 3, அதிகம் உள்ள மீன் வகையை சேர்த்துக்கொண்டால் இதயத்துக்கு நல்லது.
    4. வெந்தயம், கீரைத்தண்டு, வாழைத்தண்டு ஆகியவற்றில் இருக்கும் ஒருவகை நார்ச்சத்து, ரத்தத்தில் இருக்கும் தீய கொலஸ்ட்ராலை வெளியேற்றுகிறது.
    ’பூண்டை தின்றார் ஆண்டை வென்றார்’ என்று கூறுகிறது சித்த மருத்துவம். பூண்டை உணவில் அடிக்கடி சேர்த்துக்கொண்டால், உணவின் சுவை, மணம் மட்டுமல்ல வாழ்க்கையின் தரமும், நோயின்றி வாழும் வழியும் பிறக்கும்.





  4. #14
    shansun70's Avatar
    shansun70 is offline Minister's of Penmai
    Real Name
    M ShanmugaSundaram
    Gender
    Male
    Join Date
    Mar 2014
    Location
    Hosur
    Posts
    2,651

    Re: பத்திய உணவுகள் !!

    காய்கறிகளும் பிரமாதம்
    நான் பலருடைய டயட்டை ஆராய்ந்து பார்த்ததில், ஒன்று மட்டும் பளிச்சென்று பொதுவாகத் தென்படும். சைவ உணவுப் பழக்கம் உடையவர்களும், உணவில் தினசரி சேர்த்துக்கொள்ள வேண்டிய காய்கறிகள் மற்றும் பழங்கள் போதுமான அளவில் சேர்த்துக்கொள்வதில்லை. பொதுவாக, வாரத்துக்கு ஒன்று அல்லது இரண்டு முறை பழங்களை உட்கொள்கிறார்கள். ஒரு கரண்டி பொரியல் என்று உணவுப் பழக்கத்தில் குறைபாடுகள் உள்ளன.
    நம் உடல் ஆரோக்கியத்துக்கு இயற்கை அளித்த வரப்பிரசாதமான காய்கறிகளும் பழங்களும் எளிதாகக் கிடைக்கக்கூடியவை. அவற்றில்தான் எத்தனை வகை. நம் நாட்டில் காய்கறிகளும் பழங்களும் ஏராளமான வகை மட்டுமல்ல, வெவ்வேறு சுவைக்கேற்பவும், பருவத்துக்கும் ஏற்ப விளைகின்றன. அவற்றில், வைட்டமின் என்ற உயிர்ச்சத்தும், மினரல் எனப்படும் உப்புச் சத்துகளும் ஏராளமாக உள்ளன.
    காய்கறிகளையும் பழங்களையும் ‘பாதுகாக்கும் உணவுகள்’ என்று சொல்லலாம். காரணம், இந்த உணவு வகை, நோய்கள் உடம்பைத் தாக்காமல் பாதுகாக்கின்றன. இந்திய நாட்டில் வாழும் மக்களுள் 70 சதவீதத்தினர், சைவ உணவுப் பழக்கத்தைக் கொண்டவர்கள். ஆனால், தேவையான அளவு தாதுப் பொருட்களும், உப்புச் சத்துகளும் கிடைக்கும் அளவுக்கு உட்கொள்கிறார்களா என்பது சந்தேகமே.
    Make your dier colourful என்று கூறுவார்கள். இதை இக்காலத்தில் தவறாகப் புரிந்துகொண்டு, இயற்கை நிறமுள்ள காய்கனிகளை சேர்த்துக்கொண்டு, உயிர்ச்சத்துகளை பெருக்குவதை விட்டு, செயற்கை நிறங்களை உணவில் சேர்த்து, வெறும் சுவைக்காகவும் பார்ப்பதற்கு அழகாகவும் இருக்க வேண்டும் என்பதற்காகவும் உணவு உட்கொள்கிறோம்.
    காய்கறிகளை மூன்று வகையாகப் பிரிக்கலாம். அவை -
    1. உருளைக்கிழங்கு, கேரட், முள்ளங்கி, நூல்கல், சேப்பங்கிழங்கு, கருணைக்கிழங்கு போன்ற கிழங்கு வகைகள்.
    2. சிறுகீரை, அரைக்கீரை, முருங்கைக்கீரை, அகத்திக்கீரை, வெந்தயக்கீரை போன்ற கீரை வகைகள்.
    3. மேற்கண்ட இரண்டு வகைகளில் சேராத மற்றவற்றை இதர காய்கறிகள் என்று வகைப்படுத்தலாம். உதாரணமாக காலிஃப்ளவர், வெண்டைக்காய், கத்தரிக்காய், பீர்க்கங்காய் போன்றவை.
    இந்த மூன்று வகையான காய்கறிகளை நாம் ஒரு நாளைக்கு குறைந்தபட்சம் 100 கிராம் (ஒரு கப்) எந்த அளவுக்குக் கட்டாயம் எடுத்துக்கொள்ள வேண்டும் என்பதை National Institute of Nutrition மற்றும் ICMR (Indian Council of Medical Research) நிறுவனங்கள் பரிந்துரைத்துள்ளன.
    தாதுப் பொருட்களும் உப்புச் சத்துகளும் மட்டும் அல்லாமல், காய்கறிகளில் அதிக ஈரப்பதமும் நார்ச்சத்தும் உள்ளன. அதிக ஈரப்பதத்தினால், அந்த நார்ச்சத்தும் விரைவில் அழுகிவிடும். இதன் காரணமாக, நாட்பட்ட அளவில் காய்கறிகளை வாங்கிச் சேமிப்பது கூடாது. நார்ச்சத்தின் பயன்களோ ஏராளம். மலச்சிக்கலில் இருந்து, நீரிழிவு நோய் வரை பல நோய்களை தடுக்கவல்லது இந்த நார்ச்சத்து.
    மருத்துவ ஆராய்ச்சியாளர்கள், உணவுப் பொருட்களில் இருக்கும் ஆன்டி ஆக்ஸிடென்ட் (antioxidant) என்ற சத்தைப் பற்றி பல ஆராய்ச்சிகள் செய்துள்ளன. நம் உடம்பில் வளர்சிதை வேலைப்பாடுகள் மூலம் நாள்தோறும் பல நச்சுப் பொருள்கள் உற்பத்தி ஆகின்றன. இவற்றை அப்படியே விட்டுவிட்டால், அவை உடம்பில் உள்ள செல்களைத் தாக்கி, பல நோய்கள் வர வாய்ப்பு உண்டு. இந்த நச்சுப் பொருட்களை உடம்பிலிருந்து வெளியேற்ற இந்த ஆன்டி ஆக்ஸிடென்ட் என்று சத்து உதவுகிறது.
    காய்கறிகளும் பழங்களிலும், இந்த ஆன்டி ஆக்ஸிடென்ட் கொட்டிக் கிடக்கிறது. அதனால் இவற்றை பரிந்துரைக்கப்பட்ட அளவு உணவில் சேர்த்துக்கொண்டால், புற்றுநோய், நீரிழிவு நோய், கண்ணில் புரை, இளநரை போன்றவற்றை தடுக்கலாம்.
    ஒவ்வொரு காய்கறியிலும் பழங்களிலும் வெவ்வேறு வகையான அளவுகளில் ஆன்டி ஆக்ஸிடென்ட் மற்றும் ஊட்டச்சத்துகளும் நிரம்பி இருக்கின்றன.






loading...

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  
Like It?
Share It!







Follow Penmai on Twitter