Sponsored Links
Sponsored Links
Penmai eMagazine November! | All Issues

User Tag List

Like Tree110Likes

Kids world - மழலையர் உலகம்


Discussions on "Kids world - மழலையர் உலகம்" in "Kids Zone" forum.


  1. #91
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Kids world - மழலையர் உலகம்

    குழந்தைக்குப் பசிக்கும் போது...

    குழந்தைகளின் ஜீரணம் குறித்து கொஞ்சம் சொல்ல வேண்டியிருக்கிறது.

    ‘‘இப்பவெல்லாம் இவனுக்கு பசியே எடுக்கறதில்லே, " "பாலை வாய்கிட்டே எடுத்துக் கொண்டுபோனாலே குமட்டுகிறது இவளுக்கு,’’ ‘‘டாக்டர், இப்போதெல்லாம் இவன் சரியாகவே சாப்பிடுவதில்லையே’’ _ இவையெல்லாம் மிகப் பெரும்பாலான இளம் அம்மாக்கள் மருத்துவர்களிடம் கேட்கும் கேள்விகள்.

    குழந்தைக்கு சிகிச்சை இருக்கட்டும். அம்மா முதலில் ஒன்றைப் புரிந்து கொள்ள வேண்டும். இயற்கை அன்னை மிகவும் ஜாக்கிரதையாகத்தான் குழந்தைகளைப் படைத்துப் பாதுகாக்கிறாள். ஒரு குழந்தை பிறக்கும்பொழுதே அதன் உடலில் தன்னைப் பாதுகாத்துக் கொள்வதற்கான ஜீரண சுரப்பிகளிலிருந்து எல்லாமே வேலை செய்கின்றன. எனவே அம்மா மேற்படி புகார்களை அடிக்கடி கூறி அல்லல் படவேண்டாம்.

    குழந்தையைச் சாப்பிட வைக்க அம்மா பலவித யுக்திகளைப் பயன்படுத்துகிறாள். ‘‘ப்ளீஸ் சாப்பிடு கண்ணா, அம்மாவுக்கு வேறே வேலை இருக்குது ராஜாத்தி’’ என்பதுபோல் அவள் கொஞ்சக் கூடும். ‘‘நீ இதை சாப்பிட்டாதான் இன்னிக்கி வீட்டிலே டி.வி. போடுவேன்’’ என்பது போன்ற பயமுறுத்தல்களாக அவைகள் இருக்கலாம். ‘‘நீ இதைக் காலி பண்ணினால் நான் உனக்கு ஒரு சாக்லேட் வாங்கித்தருவேன்’’ என்பது போன்ற லஞ்ச பேரத்தில் அவள் இறங்கலாம்.



    Sponsored Links
    Last edited by datchu; 18th Aug 2013 at 08:33 PM.
    priyachandran likes this.

    "மண்ணில் நல்ல வண்ணம் வாழலாம்"

  2. #92
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Kids world - மழலையர் உலகம்

    இவ்வளவு பாடுகளும் வேண்டாமே!

    குழந்தை தன் உடலின் தேவையை _ அதாவது உணவு தேவை என்ற உணர்வைதானே வெளிப்படுத்தும். அப்போது உணவளித்தால் போதுமானது. இதைப் புரிந்து கொள்ளாமல் அம்மா தன் முழுக் கற்பனை சக்தியையும் செலவழித்து குழந்தையின் வாயில் தொடர்ந்து உணவை அடைத்தால் அது வாந்தி எடுக்கக்கூடும். அல்லது வயிற்றை வலிக்குது என்ற பொய்க் காரணங்களைக் கூறலாம். தலைவலி நாடகம் கூட போடலாம். இதையெல்லாம் தவிர்க்க வேண்டுமென்றால் பசிக்கும்போது (உங்களுக்கு அல்ல, குழந்தைக்கு) மட்டுமே பிள்ளைகளுக்கு உணவளித்து சந்தோஷப்படுங்கள்.

    இதைவிடுத்து குழந்தையின் பசியை அம்மா தானாக அதிகப்படியாக கணித்து வருத்தப்படுவதோ, வாழ்க்கையில் கட்டுப்பாடு வேண்டாமா என்றபடி (அதாவது வேளாவேளைக்குக் குறிப்பிட்ட நேரத்தில் உணவாம்!) தவறு செய்வதும் வேண்டாமே.


    priyachandran likes this.

    "மண்ணில் நல்ல வண்ணம் வாழலாம்"

  3. #93
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Kids world - மழலையர் உலகம்

    போதாக்குறைக்கு சில அம்மாக்கள், குழந்தையை எடைபார்க்கும் இயந்திரத்தின் மீது நிற்க வைத்து, அட்டவணைப்படி இருக்க வேண்டிய எடைக்குக் கொஞ்சம் குறைந்தாலும் ஏதோ குடிமுழுகியதுபோல் கவலைப்படுவதும், அதிகப்படி உணவைத் திணிப்பதும்... தவிர்க்க வேண்டிய செயல்கள் என்பதைத் தவிர, வேறென்ன சொல்ல?

    குழந்தையின் எடை என்பது பெரும்பாலும் அவனது தாத்தா போன்றவர்களால் நிர்ணயக்கப்படுகிறது. அதாவது பரம்பரைதான் இதில் முக்கிய பங்கு வகிக்கிறது. இது புரியாமல் குழந்தையின் வாயில் உணவைத் திணிக்கும்போது, அது உணவைக் கக்குகிறது. அல்லது வாந்தி வருவதுபோல் பாவனை செய்கிறது.

    கவலைப்படாதீர்கள். தனக்குத் தேவையான உணவைச் சாப்பிட்டு உங்கள் குழந்தை நன்றாகவே வளருவான்.

    ஆனால் குறிப்பிட்ட காலகட்டங்களில் குழந்தைக்கு மருத்துவப்பரிசோதனை செய்து நோய்கள் எதுவும் பாதிக்கவில்லை என்பதை உறுதி செய்து கொள்ளுங்கள்.

    ஜீரணம் என்பது வாயிலிருந்தே தொடங்கிவிடுகிறது என்று ஏற்கனவே குறிப்பிட்டிருந்தேன். டைலின் என்ற சுரப்பி எச்சிலில் கலக்கிறது. இது ஜீரணத்துக்குப் பெரிதும் உதவுகிறது. இதன் காரணமாகத்தான் உணவை நன்கு மென்று சாப்பிட வேண்டியதன் அவசியத்தை குழந்தைகளுக்கு நாம் எடுத்துச் சொல்ல வேண்டும். வாயில் சிறிது நேரம் உணவு இருந்தால்தான் இதுபோன்ற திரவங்கள் போதிய அளவு உணவோடு கலந்து ஜீரணத்துக்கு வழிவகுக்கும்.

    உணவுப்பாதையைப் பற்றி நாம் ஓரளவு தெரிந்து கொள்வது நல்லது. நாம் சாப்பிடும் உணவு சிறுகுடலில் நான்கிலிருந்து ஆறுமணி வரை தங்குகிறது. அங்கு உணவு நன்கு அரைக்கப்படுகிறது. அதிலுள்ள புரதம் போன்ற சத்துக்கள் ரத்தத்தினால் உறிஞ்சிக்கொள்ளப்படுகின்றன. உடலுக்குத் தேவையில்லாத அநாவசியப் பொருளும் அதிகப் படியான நீரும் பெருங்குடலுக்குச் செல்கின்றன. அங்கே நீர் உறிஞ்சப்படுகிறது. மீதமுள்ள திடப்பொருள்கள் ஆசனவாய் வழியாக வெளியேறுகின்றன.

    குழந்தைகளுக்கு அடிக்கடி ஏற்படக்கூடிய ஒரு அவஸ்தை மலச்சிக்கல். உணவில் நீர்ச்சத்து அதிகமில்லாத போது மலச்சிக்கல் ஏற்படும். அப்போது மலம் இறுகிவிடுவதால், இந்த அவஸ்தை மேலும் மேலும் அதிகமாகவும் வாய்ப்புண்டு. குழந்தைக்கு அதிக அளவில் சுத்தமான நீரைக் குடிக்கக் கொடுத்தாலே இந்த சிக்கல் தீர்ந்துவிடும். இல்லையென்றால் நார்ச்சத்து நிரம்பிய உணவை அளிக்க வேண்டும். வாழைத்தண்டு, கீரைவகைகள், பீன்ஸ் போன்றவற்றில் நார்ச்சத்து அதிகமுண்டு.


    priyachandran likes this.

    "மண்ணில் நல்ல வண்ணம் வாழலாம்"

  4. #94
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Kids world - மழலையர் உலகம்

    எனவே மருந்துகள் மூலம் குழந்தையின் மலச்சிக்கலைத் தீர்க்க வேண்டும் என்று நினைப்பதை அம்மா மாற்றிக்கொள்ளவேண்டும். முதலில் மேலே குறிப்பிட்டபடி இயல்பான, இயற்கையான முறையில் மலச்சிக்கலைத் தீர்க்க முயற்சிக்க வேண்டும். நம் உடலில் ஆசனவாய் உட்பட சுருங்கிவிரியும் தன்மை கொண்ட வால்வுகள் உண்டு. இவை முழுசக்தியுடன் செயல்பட முடியாமல் போனாலும்கூட மலச்சிக்கல் ஏற்படலாம்.

    ‘‘டாக்டர், என் பொண்ணு அடிக்கடி நிறைய இனிப்புகளாக உள்ளே தள்றா. எவ்வளவு சொன்னாலும் கேட்க மாட்டேங்கிறா. அவ வயித்தில நிறைய பூச்சி வளர்ந்திருக்குமோன்னு கவலையா இருக்கு’’ என்று பல தாய்மார்கள் முறையிடுவதுண்டு.

    ஒன்றைப் புரிந்துகொள்ளுங்கள் இனிப்புகள் மூலமாகத்தான் குழந்தையின் வயிற்றில் பூச்சிகள் வரவேண்டும் என்றில்லை. மாறாக அசுத்தமான சூழல் காரணமாக இந்த நிலை ஏற்படவே வாய்ப்பு மிக மிக அதிகம். காய்கறிகளைச் சரியாகக் கழுவாமல் சமைப்பதன் மூலமாகக் கூட குழந்தையின் வயிற்றில் பூச்சிகள் சேரலாம்.

    ‘‘பேதி மாத்திரையைக் கொடுத்து என் மகன் வயிற்றிலே இருக்கிற பூச்சிகளையெல்லாம் எடுத்துடுங்க டாக்டர்’’ என்று கேட்டுக் கொள்ளும் அம்மாக்களுக்கு ஒரு ஆலோசனை. உடலில் சேர்ந்துவிட்ட புழுக்களை நீக்கிவிடுவது நல்லதுதான். ஆனால் குழந்தைக்கு ஒரு வயதாவது ஆனபிறகு இப்படிச் செய்வது நல்லது. அதற்குப் பிறகு வருடத்துக்கு மூன்றுமுறை இப்படிச் செய்தால் போதுமானது.

    வயிற்றில் பூச்சி இருந்தால் அது மலத்தில் தெரியவரும் என்று சொல்லிவிட முடியாது. நாக்குப்பூச்சி மட்டுமே இப்படித் தென்படும். பிறவகைப் பூச்சிகள் கண்ணுக்குத் தெரியாமல் மறைந்திருந்தே வேதனையை ஏற்படுத்தும்.

    ‘‘கண்ட இடத்திலே சொறிஞ்சிக்கிட்டே இருக்கா. ஆகையினாலே அங்கெல்லாம் விளக்கெண்ணெய் பூசலாமா?’’ என்று சில அம்மாக்கள் சுற்றி வளைத்துக் குறிப்பிடுவது ஆசவாயைத்தான். எண்ணெய் தடவுவது தவறில்லை. ஆனால் குழந்தை தொடர்ந்து சொறியும்போது அதன் கவனத்தைத் திசைத் திருப்புவதும் உள்ளுக்குள் பூச்சி ஒழிப்பு மருந்தை அளிப்பதும்தான் சரியான தீர்வுகள்.

    இரண்டு அல்லது மூன்று வேளைகள் குழந்தை மலம் கழிக்காமலே இருந்தால் அதில் கவலைப்பட எதுவுமில்லை. சொல்லப்போனால் தாய்ப்பாலை மட்டுமே உட்கொள்ளும் காலகட்டத்தில் இதெல்லாம் வெகுசகஜம். குழந்தைக்கு ஒருவருடம் நிறைந்தவுடனேயே உட்கார்ந்து டாய்லெட் போகப் பழக்க வேண்டும்.

    சிலசமயம் ஆசனவாயில் ஏதாவது கீறல் (நகத்தினால் ஏற்பட்டிருக்கலாம்) ஏற்பட்டிருந்து, டாய்லெட் போகும்போது வலிக்கிறது என்கிற காரணத்தினாலேயே குழந்தை டாய்லெட் போவதைத் தள்ளிப்போட்டு இதன் காரணமாக மலச்சிக்கல் உண்டாகி இருக்கக்கூடும். மலத்தை இளக்கச் செய்ய பலவித மருந்துகள் உண்டு. அவற்றை வேறுவழியில்லை என்றால் பயன்படுத்தலாம்.


    priyachandran likes this.

    "மண்ணில் நல்ல வண்ணம் வாழலாம்"

  5. #95
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Kids world - மழலையர் உலகம்

    தலைவலி

    குழந்தை நல மருத்துவர் நிகிலா ஷர்மா

    குழந்தைகளின் தலை சம்பந்தப்பட்ட சில பாதிப்புகளைப் பார்ப்போம்.

    பெரியவர்களுக்கு மட்டுமல்ல, குழந்தைகளுக்கும் தலைவலி ஏற்படலாம்.

    முக்கியமாக தலைவலி. குழந்தைக்குத் தொடர்ந்து தலைவலிக்கிறது என்றால் அம்மாவுக்குப் பதற்றம் தொற்றிக்கொள்ளும். கூடவே இது டாக்டரிடம் காட்டவேண்டிய அளவுக்கு முக்கியமானதா என்ற கேள்வியும் மனதில் எழும்.

    வலி என்பது நோய் அல்ல. அது ஒரு அடையாளம். அதாவது உடலின் ஏதோ ஒரு பகுதியில் பாதிப்பு ஏற்பட்டிருக்கிறது என்பதைச் சுட்டிக் காட்டுவதுதான் வலி. உடலின் பிறபகுதிகளில் வலி என்றால் அது பெரும்பாலும் அந்தக் குறிப்பிட்ட பகுதியில் ஏற்பட்ட பாதிப்பினால்தான் இருக்கும். ஆனால் தலைவலி என்றால் அது உடலின் எந்த பாகத்தில் ஏற்பட்ட பாதிப்பினாலும் இருக்கலாம். காரணம், பல்வேறு உடல் பாகங்களிலிருந்து நரம்புகள் மூளையை அடைகின்றன.

    உடல் அசதியால் தலைவலி ஏற்பட்டிருக்கலாம். மனச்சோர்வு காரணமாகவும் தலைவலி ஏற்படலாம். சரியாகச் சாப்பிடாததனால் தலைவலி உண்டாகியிருக்கலாம். தொடர்ந்து கண்களுக்கு அதிக வேலை கொடுத்துக்கொண்டிருந்தாலும் (டி.வி.தான் இருக்கவே இருக்கிறதே) அது தலைவலியில் கொண்டு விடலாம். இதுதான் காரணமாக இருக்கும் என்று யூகிக்க முடிந்தால், இதற்கான மாற்று ஏற்பாடு என்ன என்பதை அம்மாவே யூகித்துச் செயல்படுத்தமுடியும்.

    உடலில் காய்ச்சல் இருக்கும்போதே, மூக்கு ஒழுகுகிறது, கூடவே வாந்தியும் வருகிறது எனும்போதோ குழந்தைக்குத் தலைவலி உண்டாவது இயல்புதான். எனவே அதுபோன்ற சமயங்களில் தலைவலி குறித்து அம்மா அதிகமாகக் கவலைப்படத் தேவையில்லை.

    சில சமயம் கட்டிலிலிருந்து குழந்தை கீழே விழுந்துவிடலாம். கொஞ்சம் வளர்ந்த குழந்தை என்றால் சறுக்குமரம் அல்லது ஊஞ்சலிலிருந்து கீழே விழுந்துவிடலாம். இதைத் தொடர்ந்து தலைவலிக்கிறது என்றால் அது வேகமாகச் செயல்படவேண்டிய விஷயமா? அதாவது ‘‘பயப்பட வேண்டிய’’ விஷயமா? இப்படிக் கேட்டால், ஓரளவு அப்படித்தான் என்று கூறுவேன்.

    பொதுவாக இப்படி கீழே விழுந்த கொஞ்ச நேரத்துக்கு (சுமார் இருபது நிமிடங்கள் என்று வைத்துக்கொள்ளுங்களேன்) தலைவலித்தால் அது இயல்பானதுதான். கவலைப்பட வேண்டாம். ஆனால் வலி அடுத்த நாளிலும் தொடர்ந்தால் அது கவனிக்கவேண்டிய விஷயம்.

    கீழே விழுந்தால் தலையில் வீக்கம் ஏற்படுவது சகஜம்தான். அந்த இடத்தில் ஐஸ் வைப்பது நல்லது. இரண்டு நாட்களுக்கு அந்த வீக்கத்தை கவனமாகப் பாருங்கள். அதற்குள் வீக்கம் மறைந்துவிட வேண்டும் அல்லது பெருமளவு குறைந்திருக்கவேண்டும். இல்லையென்றால் மருத்துவரை அணுகுவது நல்லது.


    priyachandran likes this.

    "மண்ணில் நல்ல வண்ணம் வாழலாம்"

  6. #96
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Kids world - மழலையர் உலகம்

    கீழே விழுந்தவுடன் தலைவலியோடு நினைவு தப்பினாலோ, அல்லது குழந்தை தொடர்ந்து வாந்தியெடுத்துக் கொண்டிருந்தாலோ உடனடியாக மருத்துவ கவனம் தேவை. தவிர விழுந்ததிலிருந்து ஒரு மயக்க நிலை இருந்தாலோ, நடையில் தடுமாற்றம் இருந்தாலோ, மாறுகண் ஏற்பட்டுவிட்டதாக உணர்ந்தாலோ, காது மற்றும் மூக்கிலிருந்து ரத்தம் வெளிப்பட்டாலோ தாமதிக்கக் கூடாது. உடனே குழந்தையை அழைத்துக் கொண்டு கிளம்புங்கள். டாக்டரின் க்ளினிக்கைவிட அருகில் உள்ள நர்ஸிங் ஹோமை அடைவதுதான் நல்லது. மூளையில் சிறு அளவாவது பாதிப்பு ஏற்பட்டிருப்பதை மேலே கூறிய அறிகுறிகள் உணர்த்துகின்றன.

    இந்த இடத்தில் வேறொன்றையும் குறிப்பிட ஆசைப்படுகிறேன். குழந்தை கீழே விழுந்துவிட்டது என்றபடி என்னிடம் வரும் அம்மாக்கள் முகத்தில் தீவிரமான குற்ற உணர்ச்சி இருக்கும். ‘‘நான் குழந்தையை கவனத்தோடு பார்த்துக்கொள்ளவில்லை’’ என்கிற அங்கலாய்ப்பு அதில் தெரியும். குழந்தையிடம் கவனமாக இருக்கவேண்டும்தான். ஆனால் அதற்காக மிகவும் அதிகமாக அதைப் பொத்திப் பொத்தி வளர்க்கக்கூடாது. குழந்தைகள் என்றால் தானாக அடிபட்டுத்தான் வாழ்க்கையைக் கற்றுக்கொள்ள வேண்டும். இல்லாவிட்டால் எதற்கும் பிறரைச் சார்ந்திருக்கும் ஒரு மனநிலை நிரந்தரமாகவே குழந்தைக்கு ஏற்பட்டுவிடும். இது குழந்தையின் வருங்காலத்துக்கு நல்லதல்ல.

    அடிபட்டுக்கொண்டதைத் தொடர்ந்து, தலையில் வெட்டுக்காயம் ஏற்பட்டு ரத்தம் வெளியேறக்கூடும். இந்த ரத்தத்தின் அளவு அதிகமாகவே இருக்க வாயப்பு உண்டு. ஏனென்றால் மூளைப்பகுதியில் நிறைய ரத்த நாளங்கள் இருக்கின்றன. அங்கு கொழுப்புத் திசுக்கள் கிடையாது. இந்தக் காரணங்களினால் சிறு காயமென்றாலும் ரத்தம் அதிகம் வெளியேற வாய்ப்பு உண்டு. இதற்காக கவலைப்பட வேண்டாம். தவிர, அந்தக் காயத்தை மூடுவதற்காக டாக்டர் தையல் போட்டாலும் அது ஒரு சாதாரண விஷயம்தான். அழுது அரற்றவேண்டிய தேவையில்லை. தலைப்பகுதியில் வீக்கம் அல்லது காயமென்றால் ஐஸ்கட்டியை அங்கு வைக்கலாம். தலைமயிர் இல்லாத பகுதி என்றால் அங்கு ஏற்படும் வீக்கத்துக்கு ஐயோடெக்ஸ் போன்றவற்றை லேசாகத் தடவலாம்.

    இதில் லேசாக என்ற வார்த்தை மிக முக்கியம். மிகவும் அழுத்தித் தடவவேண்டாம். ஒத்தடம் கொடுப்பதைத் தவிர்க்கவும்.


    priyachandran likes this.

    "மண்ணில் நல்ல வண்ணம் வாழலாம்"

  7. #97
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Kids world - மழலையர் உலகம்

    ஓரிரு நாட்கள் குழந்தையை கவனமாகக் கண்காணிக்க வேண்டும். அடிக்கடி தூங்கினால், நடுவே எழுப்பி, விழிப்புணர்வு போதிய அளவில் இருக்கிறதா என்பதை உறுதி செய்துகொள்ள வேண்டும்.

    சில விபத்துகளை வரும்முன்னே தடுத்துக் கொள்வது நல்லது. கட்டில், உணவு மேஜை, ஊஞ்சல், இவையெல்லாம் அடிக்-கடி குழந்தை அடிபட்டுக்கொள்ள வாய்ப்புள்ள இடங்கள். சிலர் குழந்தையை தூக்கிப் போட்டுப் பிடித்து விளையாடுவார்கள். இதைத் தவிர்க்கவேண்டும். மொட்டைமாடியில் காற்றாடி, பால்கனியில் விளையாட்டு இதெல்லாம் குழந்தை இருக்கும்போதே அல்லது குழந்தையையும் ஈடுபடுத்திக் கொண்டோ செய்யவேண்டாம்.

    சில அப்பாக்கள் கார் ஓட்டும்போது தங்கள் மடியில் குழந்தையை வைத்துக் கொள்வதைப் பார்த்திருக்கிறேன். இது ஆபத்தான விஷயம். வேகமாக கார் நிறுத்தப்படும்போது ஸ்டீரிங்கில் தலை இடிபட வாய்ப்பு உண்டு.

    மேலே குறிப்பிட்ட நிகழ்ச்சிகளில் எந்தக் கட்டத்தில் டாக்டரை அணுகவேண்டும் என்று கூறியிருக்கிறேன். அதுபோன்ற நிலை ஏற்பட்டால் தொலைபேசியில் டாக்டருடன் கலந்தாலோசனை நடத்தாமல் குழந்தையை நேரடியாக அவரிடம் அழைத்துச் செல்வதுதான் நல்லது.

    தலைக்குள்ளே பாதிப்பு ஏற்பட்டிருக்கிறது என்று டாக்டர் கருதினால், அது ஆறுமாதத்திற்குட்பட்ட குழந்தை என்றால் அல்ட்ராசவுண்ட் பரிசோதனையும், வளர்ந்த குழந்தை என்றால் ஸ்கேனும் எடுக்கச் சொல்லலாம்.

    பெரியவர்களுக்கு மட்டுமல்ல, குழந்தைகளுக்கும் டென்ஷன் காரணமாக தலைவலி ஏற்படலாம். தனியறையில் வெகுநேரம் விடப்பட்ட குழந்தை, முற்றிலும் புதியவர்களுடன் அதிக நேரம் தங்க வைக்கப்படும் குழந்தை ஆகியோருக்கு மனதில் டென்ஷன் ஏற்பட்டு இதன் காரணமாகத் தலைவலி உண்டாகலாம். குழந்தைக்குப் பிடித்த மாற்றுச் சூழலுக்கு அதை மாற்றிவிட்டால் தானாகத் தலைவலி சிறிது நேரத்தில் மறைந்துவிடும்.

    காலையில் எழுந்ததும் தலைக்குக் குளிப்பாட்டுவது, சயனஸ், தொடர்ந்து டிவி பார்ப்பது போன்ற காரணங்களினால் குழந்தைக்குத் தலைவலி ஏற்படலாம் (ஐந்தாறு வயதானபிறகுதான் சயனஸ் காரணமாக தலைவலி ஏற்படும்).

    மூக்குக் கண்ணாடி அணிவது மட்டுமல்ல, அது சரியான பவர் கொண்டதாக இல்லை என்றாலும் கூடத் தலைவலி ஏற்படலாம்.

    பொதுவாக குழந்தைக்குத் தலைவலி என்றாலும் (க்ரோஸின், மெடாஸின் போன்ற) பாராசிடமால் மாத்திரையைக் கொடுக்கலாம். தீவிரமான தலைவலி என்றால் ப்ரூஃபென் கொடுக்கலாம்.

    விஸ்டம் டூத் உருவாகும்போது கூடத் தலைவலி ஏற்பட வாய்ப்பு உண்டு.


    priyachandran likes this.

    "மண்ணில் நல்ல வண்ணம் வாழலாம்"

  8. #98
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Kids world - மழலையர் உலகம்

    எண்ணெய் தேய்த்துக் குளித்தால் தலைவலி போய்விடுமா என்று கேட்கிறார்கள்? போய்விடாது. மாறாக ஜலதோஷம் ஏற்படலாம்.

    தலைவலியைத் தொடர்ந்து, எல்லாம் இரண்டிரண்டாகத் தெரிகிறது என்று குழந்தை கூறினால் உடனடியாக மருத்துவரை அணுகுங்கள்.

    சில சமயம் கண்பார்வைக் கோளாறுகளின் காரணமாக குழந்தைக்குத் தலைவலிக்கலாம். இந்த நிலையில் தலைவலிக்கு மட்டும் சிகிச்சை கொடுத்தால் அது மிகவும் தற்காலிகமான நிவாரணத்தைத்தான் அளிக்கும். கண்பார்வைக் கோளாறை சரி செய்வதுதான் இதுதொடர்பான தலைவலி மீண்டும் வராமல் தடுக்கும்.

    காபி மற்றும் டீ ஆகியவற்றைக் குடித்தால் தலைவலி போகுமா என்பது பலருக்கும் எழுந்திருக்கும் சந்தேகம். அப்படி நம்புவதால் ஓரளவாவது தலைவலி குறைகிறது என்பது உண்மைதான். தவிர ஆஸ்பிரினில் இருக்கும் சில பொருள்கள் காபி, டீயிலும் இருப்பதால், இவற்றை அருந்துவதால் தலைவலி குறைய வாய்ப்பு உண்டு. ஆனால் இதெல்லாம் அளவோடு இருக்கட்டும்.

    ஒற்றைத் தலைவலி எனப்படும் மைக்ரேன், பெரியோர்களுக்கு வந்தாலே அவஸ்தைதான். குழந்தைகளுக்கு என்றால் கேட்கவே வேண்-டாம். இது எதனால் வருகிறது என்பதற்கு திட்டவட்டமான காரணம் எதுவுமில்லை. குழந்தைக்கு மன இறுக்கமான எந்தச் சூழலும் இல்லை. கண்பார்வைக் கோளாறும் இல்லை என்ற நிலையிலும் ஒற்றைத் தலைவலி ஏற்பட்டால் அது கவனிக்கவேண்டிய விஷயம். அதுவும் குடும்பத்தில் யாருக்காவது ஏற்கெனவே ஒற்றைத் தலைவலி இருந்தால், குழந்தைக்கும் இதேபோன்ற நிலை ஏற்படும்போது மருத்துவரிடம் உடனே காண்பித்துவிடுவது நல்லது.

    ஒற்றைத் தலைவலி என்றால் மண்டை இடி இருக்கும். ஓய்வும் அன்பான அரவணைப்பும் குழந்தைக்குத் தேவை. ப்ரூஃபென் மற்றும் பாரசெடமால் மாத்திரைகளை முதலில் கொடுத்துப் பார்க்கலாம்.

    சில சமயம் தலைவலிக்கும், பித்தவாந்தி வெளிப்பட்டவுடன் அந்தத் தலைவலி சரியாகிவிடும். இதில் கவலைப்பட எதுவுமில்லை.

    ஒற்றைத் தலைவலி ஏற்படும்போது என்ன நடக்கிறது? தலைப்பகுதியில் உள்ள ரத்தக் குழாய்களின் அளவில் மாற்றம் எதுவும் ஏற்படாமல் அங்கு ரத்த ஓட்டம் திடீரென்று அதிகமானால் ஏற்படும் நிலைதான் இந்த வலி. இந்த ரத்த ஓட்டத்தைச் சமாளிக்க ரத்தக் குழாய்கள் தங்களை விரிவுபடுத்திக் கொள்ள முயல்கின்றன. இதனால்தான் வலி ஏற்படுகிறது. யோகா பயிற்சி இதற்கு மிகவும் நல்லது.

    சில சமயம் சிலவகை உணவுப்பொருள்கள் குழந்தைக்கு ஒப்புக்கொள்ளவில்லை என்றாலோ அஜீரணத்தினாலோ தலைவலி உண்டாகலாம். முக்கியமாக பாலாடைக் கட்டி, சோயா எண்ணெய், சீன முறைப்படி தயாரிக்கப்பட்ட உணவு ஆகியவை இதுபோன்ற கோளாறுகளுக்கு அதிகம் வழிவகுக்கின்றன.


    சந்திப்பு : ஜி.எஸ்.எஸ்
    nantri-Kumutham health


    priyachandran likes this.

    "மண்ணில் நல்ல வண்ணம் வாழலாம்"

  9. #99
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Kids world - மழலையர் உலகம்

    எது நல்ல கல்வி?
    நான் வளர்கிறேனே மம்மி!

    குழந்தைகள் தங்களுக்குள்ளே யுள்ள பட்டாம்பூச்சியை உணர்ந்து கொள்ள உதவுவதுதான் உண்மையான கல்வி. ஒவ்வொரு குழந்தையும் தாங்கள் என்னவாகப் போகிறோம், என்னென்ன ஆற்றல்கள் தங்களுக்குள் புதைந்திருக்கின்றன என்பதை உணர்ந்து கொள்வது பள்ளிப்பருவத்தில்தான். பள்ளிப்பருவம் எவ்வளவு மகத்தான காலகட்டம் என்பதை பெற்றோரும் ஆசிரியரும் புரிந்து கொண்டு குழந்தைகளுக்கு ஒத்துழைப்பு கொடுத்தால், அவர்களின் வாழ்க்கை ஒளிமயமாகும்.

    குழந்தைகள் தங்களுக்குள்ளிருக்கும் திறமைகள் என்ன என்பதை அவர்களே புரிந்து கொள்ளக்கூடிய சூழலை உருவாக்குவதுதான் பெற்றோர் மற்றும் ஆசிரியரின் கடமையாகும். அதிலும் கண்பார்வையற்ற காது கேளாத குழந்தைகளின் பெற்றோருக்கு இப்பொறுப்பு இன்னும் அதிகம். பெற்றோர்கள் ஆசிரியர்களுடன் இணைந்து, கலந்தாலோசித்து ஒவ்வொரு நிலையிலும் ஏற்படும் ஒவ்வொரு பிரச்சனைகளையும் சமாளிக்க வேண்டும். குழந்தைகளின் ஆற்றல் வெளிப்பட உங்களது சிறிய தூண்டுதல் போதுமானது. தங்களைச் சுற்றியுள்ள உலகத்தை ஆராயவும், பரிசோதனைகளைச் செய்யவும், பாடங்களைக் கற்றுக் கொள்ளவும் குழந்தைகளிடம் ஏராளமான ஆற்றல்கள் கொட்டிக் கிடக்கின்றன.

    பீஜோ என்ற மேல்நாட்டு கல்வி நிபுணர், வளரும் குழந்தைகளின் பாடத்திட்டத்திற்கான அடிப்படை நோக்கமாகக் குறிப்பிடுவது... குழந்தைகள் தங்கள் சூழலில் அதிகபட்ச வளர்ச்சியை அடைய உதவ வேண்டும் என்பதுதான்.

    ஜோஹன் பெஸ்ட்லோசிஸ் என்ற மேல்நாட்டு அறிஞர், ‘குழந்தைகளின் கல்வியானது, அவர்களது இயற்கையான வளர்ச்சியை அடிப்படையாக வைத்திருக்க வேண்டும்', என்று வலியுறுத்தினார். அம்மாக்கள்தான் சிறந்த ஆசிரியர்களாக இருக்க முடியும் என்றும், வீடுதான் சிறந்த பள்ளிக்கூடமாக இருக்க முடியும் என்றும் குறிப்பிட்டிருக்கிறார்.

    குழந்தைகள் விளையாட்டின் மூலம் பாடம் பயிலும், கிண்டர்கார்டன் என்ற முறை 1930 ஜெர்மனியில் உருவானது. ஒரு குழந்தை முழு மனிதனாக உருவாக இந்த கிண்டர் கார்டன் கல்வி முறை உதவும் என்ற எண்ணத்தில் ஃபிரெட்ரிக் ஃப்ரீவெல் என்பவர் உருவாக்கினார். வளர்ந்த குழந்தைகளின் பாடத்திட்டத்தைவிட வித்தியாசமான கல்வித்திட்டம் இளங்குழந்தைகளுக்கு தேவை என்பதால், களிமண் பொம்மை செய்தல், வரைதல், பிளாக்குகளைப் பயன்படுத்தி கற்றல் போன்ற வழிமுறைகளை அறிமுகப்படுத்தினார். கே.ஜி. வகுப்புகளிலிருந்து முதல் வகுப்பில் அடியெடுத்து வைக்கும் குழந்தைக்கு பய உணர்ச்சி ஏற்படுவது இயற்கையே. கே.ஜி. வகுப்புகளில் குறிப்பிட்ட நேரத்திற்கு வந்தாக வேண்டும் என்பது போன்ற கட்டளைகளை அதிகம் திணிக்க மாட்டார்கள். விரும்பிய நேரத்திற்கு பள்ளிக் கூடத்துக்கு பெற்றோருடன் சென்று கொண்டிருந்த குழந்தை, முதல் வகுப்பிற்குள் நுழையும்போது சில ஒழுங்கு முறைகளைப் பின்பற்ற வேண்டிய கட்டாயத்திற்கு உள்ளாகிறது. பசிக்கும் போது சாப்பிடலாம், தூக்கம் வந்தால் தூங்கலாம் என்று கேஜி. வகுப்புகளில் பழகிய குழந்தைக்கு முதல் வகுப்பின் சூழல் முற்றிலும் புதிதாயிருக்கும். குறிப்பிட்ட நேரத்திற்குள் வகுப்பிற்கு வந்தாக வேண்டும், உணவு இடைவேளையின் போதுதான் சாப்பிட வேண்டும் என்பன போன்ற சில கட்டளைகளைப் பின்பற்ற வேண்டி யிருக்கிறது. இதனால்தான் முதல் வகுப்பில் சேர்ந்த சில நாட்களிலேயே பள்ளிக்குப் போகமாட்டேன் என்று குழந்தைகள் அடம் பிடிப்பார்கள்.இரண்டு வருடங்களாக அனுப்பிய அதே பள்ளிதானே.அப்போதெல்லாம் அழாமல் சென்ற குழந்தை இப்போது ஏன் அடம் பிடிக்கிறது என்று புரியாமல் பெற்றோர்கள் விழிப்பார்கள். காரணம் இதுதான்.


    priyachandran likes this.

    "மண்ணில் நல்ல வண்ணம் வாழலாம்"

  10. #100
    datchu's Avatar
    datchu is offline Silver Ruler's of Penmai
    Gender
    Female
    Join Date
    Feb 2012
    Location
    Chennai
    Posts
    25,375

    re: Kids world - மழலையர் உலகம்

    புதிதாக விதிக்கப்பட்டுள்ள விதிகளைப் பார்த்து குழந்தை பயப்படுகிறது. அடுத்து, இதுவரை குழந்தையாக மதிக்கப்பட்ட நம்மை இப்போது பெரியவனாக்கி பார்ப்பதையும், திடீரென தம் மேல் பொறுப்புகள் சுமத்தப்படுவதையும் அது விரும்புவதில்லை.

    இந்நிலையைத் தவிர்க்கத்தான் ‘இயற்கையோடு இணைந்த கல்விமுறை’ என்ற அமைப்பை ரவீந்திரநாத் தாகூர் வலியுறுத்தினார். மேலை நாடுகளில் பிரபலமானமுறை இது. வகுப்பறை, மேஜை, நாற்காலி, பிரம்பு என பயமுறுத்தும் வழக்கமான விஷயங்கள் இல்லாமல், மரம், செடி கொடிகளுக்கிடையே வகுப்புகள் நடத்தும் வித்தியாசமான முறை இது. இந்த முறை எல்லா பள்ளிகளிலும் பின்பற்றலாம். பள்ளி என்றாலே ஏற்படும் பயத்தை அகற்றி, விருப்பத்தோடு முன் வந்து மாணவர்களே கற்றுக் கொள்வர்.

    முதல் வகுப்பு குழந்தைகளுக்கு ராகம் போட்டு பாடல்களைக் கற்றுத்தரும் முறை நம் பள்ளிகளில் உள்ளது. இது மிகவும் பயனுள்ள பாடமுறை. வகுப்பறையில் இப்படி பாட்டுப் பாடி விஷயங்களைக் கற்றுக் கொள்ளும் குழந்தை வீட்டிலும் ராகம் போட்டுப் பேசும். வாய்விட்டு, சத்தமாக எல்லாரும் சேர்ந்து படிக்க வேண்டும் என்பதால், வகுப்பறையில் சக மாணவர்களோடு சேர்ந்து சத்தமாக பாட்டுப் பாடும் குழந்தை வீட்டில் ‘சாப்பாடு வேண்டுமா?’ என்று கேட்டால் கூட ‘ஆமாம், வேண்டும்...’ என்பதை பத்து வீட்டிற்கு கேட்கும்படி சத்தமாய் சொல்லும். வகுப்பறையில் சத்தமாகப் பேசிப் பழகியதன் காரணமாகத்தான் இப்படி பேசுகிறது என்பதை பெற்றோர் புரிந்து கொள்ள வேண்டும். அதை விட்டுவிட்டு, ‘ஏன் எட்டு ஊருக்கு கேட்கற மாதிரி கத்தற?’ என்று முதுகில் அடிக்கக்கூடாது.

    இந்த வயதுக் குழந்தைகள் வீட்டில் நாம் சொல்லித் தரும் பாடங்களை உன்னிப்பாகக் கவனிக்கமாட்டார்கள். ம்...ம் என்று கேட்டுக் கொண்டேயிருப்பார்கள். திடீரென 'அம்மா, பக்கத்து வீட்டுல சினிமா ஓடுது. நாமும் டி.வி போடலாம்...' என்பார்கள். ‘அப்ப, இவ்வளவு நேரம் நான் சொல்லிக் கொடுத்த பாடத்தை கவனிக்காம, பாட்டு கேட்டுகிட்டிருந்தியா?’ என்று கேள்வியெழுப்பாதீர்கள். இந்த வயதில் கவனக்குறைவும், கவனச்சிதைவும் ஏற்படுவது இயல்புதான் என்பதைப் புரிந்து கொள்ளவேண்டும்.

    முதல் வகுப்பு படிக்கும் குழந்தைகளால் அதிகநேரம் ஒரே மூச்சாய், கவனமாய் பாடத்தை கவனிக்க முடியாது. சில குழந்தைகள் பாதிபடிப்பிலேயே தூங்கி வழியும். புத்தகத்தை உற்றுப் பார்த்துக் கொண்டேயிருக்கவும் முடியாது. பத்து நிமிடங்களுக்கு மேல் தொடர்ந்து பாடம் சொல்லித் தந்து வெறுப்பேற்றாதீர்கள். அவ்வப்போது இடைவெளி அவசியம். பதினைந்து நிமிடங்கள் படித்தாயா? சரி, கொஞ்ச நேரம் விளையாடு’ என்று அனுப்பி வையுங்கள்.


    priyachandran likes this.

    "மண்ணில் நல்ல வண்ணம் வாழலாம்"

loading...

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  
Like It?
Share It!







Follow Penmai on Twitter