Sponsored Links
Sponsored Links
Penmai eMagazine November! | All Issues

User Tag List

Like Tree61Likes

Kutties Corner


Discussions on "Kutties Corner" in "Kids Zone" forum.


  1. #11
    lekha20's Avatar
    lekha20 is offline Citizen's of Penmai
    Real Name
    Lekha Prakash
    Gender
    Female
    Join Date
    Nov 2013
    Location
    bangalore
    Posts
    622

    Re: Kutties Corner

    பாடம் நடத்தும் ரோபோ டீச்சர்









    எந்த டீச்சரை உங்களுக்கு ரொம்பப் பிடிக்கும்? திட்டாத டீச்சர், அடிக்காத டீச்சர், கை வலிக்க வீட்டுப்பாடம் கொடுக்காத டீச்சர், ஜாலியா பேசி சிரிப்பு மூட்டுற டீச்சர்ன்னா உங்களுக்கு ரொம்ப பிடிக்கும் இல்லையா? இந்தப் பண்புகள் எல்லாமே சேர்ந்து கிடைக்கிற டீச்சர்கள் ரொம்ப குறைவுதான். ஆனால், தென்கொரியாவில் ஒரு டீச்சரை கண்டால் எல்லாக் குழந்தைகளுக்குமே ஏக குஷிதான். ஏன்னா, அவர் ரோபோ டீச்சர்!
    தென்கொரியா, ஜப்பான், சீனா போன்ற நாடுகளில் தாய்மொழியின் மூலம்தான் பள்ளிக்கூடங்கள்ல எல்லாப் பாடங்களையும் பிள்ளைங்க படிக்கிறாங்க. நம்ம ஊர்ல சொல்லிக்கொடுக்கிற மாதிரி இங்கிலீஷ் பாடத்தைக் கத்து கொடுக்க அங்கே டீச்சர்கள் கிடையாது. அதேமாதிரி இங்கிலீஷ் கத்துக்கவும் பிள்ளைகளுக்கு அவ்வளவா ஆர்வம் கிடையாது.
    அதனால, 3 ஆண்டுகளுக்கு முன்னால ஜப்பான், தென்கொரியா நாடுகள்ல இங்கிலீஷ் பாடத்தைக் கத்து கொடுப்பதற்காக ரோபோ டீச்சரை அறிமுகப்படுத்தினாங்க.
    ரோபோ வகுப்பறைக்குள்ள சுத்திசுத்தி வந்து பிள்ளைகளுக்குப் பாடம் எடுத்துச்சு. ஏ, பி, சி, டி. சொல்றது, ரைம்ஸ் பாடுறது, இங்கிலீஷ் பாடப்புத்தகத்தைப் படிக்கிறது என ரோபோ
    டீச்சர், உண்மையான டீச்சர் போலவே பாடம் நடத்துச்சு. இந்த ரோபோ டீச்சர்
    அடிக்காது, திட்டாது; கொஞ்சிக் கொஞ்சிப் பாடம் எடுக்கும்.
    இங்கிலீஷ்னாலே தூர ஓடிய குழந்தைகள், அதுக்கப்புறம் ஆர்வமா படிக்க ஆரம்பிச்சிட்டாங்க. எல்லாப் பிள்ளைகளுக்கும் ரோபோ டீச்சரைப் பிடிக்க ஆரம்பிச்சிடுச்சு. இதனால ஜப்பான், தென்கொரியாவுல பசங்களைப் படிக்க வைக்க நிறைய ரோபோ டீச்சர்களை உருவாக்க ஆரம்பிச்சிட்டாங்க. இப்போதும் வேறவேற பாடங்களை நடத்துற ரோபோக்களைச் உருவாக்குற முயற்சி தொடர்ந்து நடந்துக்கிட்டு இருக்கு.
    இப்போ சொல்லுங்க, உங்களுக்கு எந்த டீச்சரை பிடிக்கும்?

    ** The hindu





    Sponsored Links
    jv_66 and sumitra like this.

    Be a reason for someone's
    smile today!!

    வாங்கும் கையா இருப்பதை விட....
    கொடுக்கும் கையாக இறைவன் நம்மை ஆக்கட்டும்....!

    Always keep smile...
    Lekha

  2. #12
    lekha20's Avatar
    lekha20 is offline Citizen's of Penmai
    Real Name
    Lekha Prakash
    Gender
    Female
    Join Date
    Nov 2013
    Location
    bangalore
    Posts
    622

    Re: Kutties Corner

    சைக்கிள் பற! பற!

    கோப்புப் படம்: ஏஎஃப்பி
    கீழே விழுந்து முட்டி உடைந்து ரத்தம் வந்தாலும்கூட, நமக்கெல்லாம் சின்ன வயசிலிருந்து பிடித்த ஒரே வாகனம் சைக்கிளாகவே இருக்கும். சைக்கிள் ஓட்டுவது ஒரு சுகம், அதை ஓட்டும்போது சுதந்திரம் கிடைத்தது போலிருக்கும்.
    சைக்கிள் என்பது 'மனிதர்கள் ஓட்டும் வாகனம்' என்ற தொழில்நுட்பத்தின் முதல் அடி. அது மோட்டார் சைக்கிள், கார்கள் என்று வளர்ந்து, இன்றைக்குக் காற்றைக் கிழித்துச் செல்லும் அதிவேக வாகனங்களில் வந்து நிற்கிறது. மனிதன் சக்கரத்தைக் கண்டுபிடித்தது எவ்வளவு பெரிய திருப்புமுனையோ, அதுபோலத்தான் சைக்கிளைக் கண்டுபிடித்ததும். சில சைக்கிள் சுவாரசியங்கள்:
    இன்றைக்கு நாம் அனைவரும் பயன்படுத்திக் கொண்டிருக்கும் ‘பைசைக்கிள்' என்ற வார்த்தை 1860-களில் ஃபிரான்சில் முதன்முதலில் பிரபலமாக ஆரம்பித்தது. சைக்கிள் என்ற பெயருக்கு 1869-ல் காப்புரிமை பெறப்பட்டது.
    முதன்முதலில் ஓடக்கூடிய இருசக்கர வாகனம் (சைக்கிள்) ஒன்றை 1817-ல் கண்டறிந்தவர் ஃபிரான்ஸை சேர்ந்த பாரன் கார்ல் தி டிராய்ஸ் தி சாயர்பர்ன். அது முழுக்க முழுக்க மரத்தால் செய்யப்பட்டிருந்தது. குதிரையைப் பயன்படுத்தாமல், வேகமாகப் பயணிக்க அந்த வாகனம் உதவியது. பெடல் இல்லாத அந்த வாகனம், தரையில் காலை உந்தி தள்ளுவதன் மூலமே நகர்ந்தது.
    விமானத்தைக் கண்டறிந்த ஆர்வில், வில்பர் ரைட் சகோதரர்கள் அமெரிக்காவின் ஒஹையோ மாகாணத்தில் சிறிய சைக்கிள் ரிப்பேர் கடையை வைத்திருந்தனர். 1903-ல் அவர்கள் முதன்முதலில் பறக்கவிட்ட விமானத்தை, அந்த சைக்கிள் கடையில்தான் உருவாக்கினார்கள்.
    சைக்கிளை மிகவும் சாதாரணமாக நினைக்கிறோம். ஆனால் அதில் 300க்கும் மேற்பட்ட பாகங்கள் இருக்கின்றன. பலவும் நமது கண்களுக்குப் புலப்படுவதில்லை. ஒரு சைக்கிளில் உள்ள மொத்தப் பாகங்களில் பாதி சைக்கிள் சங்கிலியில் இருப்பவைதான்.
    சீனாவின் தேசிய வாகனம் சைக்கிள். சீனாவில் 50 கோடி சைக்கிள்கள் உள்ளன. 1800-களின் பிற்பகுதியில் சீனாவில் சைக்கிள்கள் அறிமுகப்படுத்தப்பட்டன.
    மலையேறுவதை எளிதாக்கக்கூடிய சைக்கிள்கள் 1970-களில் கண்டுபிடிக்கப்பட்டன. இதில் இருசக்கர வாகனங்களைப் போல 21 கியர்கள் இருக்கும்.
    1935-ல் ஃபிரெட் ஏ. பிர்க்மோர், தனது சைக்கிள் மூலம் உலகத்தைச் சுற்றி வந்தார். ஐரோப்பா, ஆசியா, அமெரிக்கா வழியாக 65 ஆயிரம் கிலோமீட்டரை அவர் கடந்தார். 40,000 கிலோமீட்டர் தொலைவுக்கு சைக்கிள் மூலமாகவும், எஞ்சிய தொலைவைப் படகிலும் கடந்தார். இந்தப் பயணத்தில் ஏழு ஜோடி டயர்களை மாற்றினார்.
    1890களில் இருந்து 100 ஆண்டுகளைத் தாண்டியும் சைக்கிளின் அடிப்படை வடிவம் மற்றும் தொழில்நுட்பத்தில் பெரிய மாற்றம் இல்லை. அதில் சிற்சில மேம்படுத்துதல்களே நிகழ்ந்துள்ளன. அந்த வகையில் சைக்கிள் ஒரு வியப்பூட்டும் இயந்திரம்தான்.
    மெதுவாகச் சைக்கிள் ஓட்டுவதில் ஜப்பானைச் சேர்ந்த சுகுனாபு மிட்சுஷி 1965-ல் மிகப் பெரிய சாதனை படைத்தார். 5 மணி 25 நிமிடங்களுக்கு அவர் ஒரே இடத்தில் இருந்தார் (ஸ்டாண்ட் போடாமல்தான்).
    அதிவேகமாக சைக்கிளில் சென்ற சாதனையை அமெரிக்க ஒலிம்பிக் சாம்பியனும், டிரையாத்லான் வீரருமான ஜான் ஹோவர்ட் 1985-ல் புரிந்தார். இரும்புமனிதர் என்று அழைக்கப்பட்ட அவர், மணிக்கு 245 கி.மீ. வேகத்தில் சைக்கிள் ஓட்டியுள்ளார்.
    அமெரிக்காவில் ஒஹையோ மாகாணத்தில் உள்ள நியூபெரி செயின்ட் ஹெலன்ஸ் பள்ளியில் ஒற்றைச் சக்கரச் சைக்கிளை ஓட்டிப் பழகுவது கட்டாயமான விஷயம்.
    ஒவ்வொரு வருடமும் 100 கோடி புதிய சைக்கிள்கள் உலகம் முழுவதும் உற்பத்தி செய்யப்படுகின்றன. உலகில் உள்ள மோட்டார் வாகனங்களைப் போல, இரண்டு மடங்கு சைக்கிள்கள் உள்ளன.
    ஒரு கார் நிறுத்தும் இடத்தில் குறைந்தபட்சம் 6 முதல் அதிகபட்சம் 20 சைக்கிள்களை நிறுத்தலாம்.
    சைக்கிள் ஓட்ட பெட்ரோல் தேவையில்லை, காற்றை மாசுபடுத்துவது இல்லை, உடற்பயிற்சிக்கும் துணைபுரிகிறது...இத்தனையும் தரும் சைக்கிளைவிடச் சிறந்த வாகனம் வேறு என்னவாக இருக்க முடியும்?


    jv_66 and sumitra like this.

    Be a reason for someone's
    smile today!!

    வாங்கும் கையா இருப்பதை விட....
    கொடுக்கும் கையாக இறைவன் நம்மை ஆக்கட்டும்....!

    Always keep smile...
    Lekha

  3. #13
    lekha20's Avatar
    lekha20 is offline Citizen's of Penmai
    Real Name
    Lekha Prakash
    Gender
    Female
    Join Date
    Nov 2013
    Location
    bangalore
    Posts
    622

    Re: Kutties Corner

    காய்ச்சல்னா கசக்குமா?

    ஓவியம்: தர்மா
    ரஞ்சனிக்குக் கடந்த மூன்று நாட்களாகக் கடுமையான காய்ச்சல். படுக்கையிலேயே இருந்தாள். இப்போதுதான் காய்ச்சல் சற்றுக் குறைந்து, எழுந்து உட்கார்ந்தாள். என்றாலும் சாப்பிட எது கொடுத்தாலும், வேண்டாம் என்று அடம்பிடித்தாள்.
    ‘‘ரஞ்சனி, கொஞ்சம் கஞ்சி குடி. அப்போதான் உடம்பு சீக்கிரமா சரியாகும்” என்றார் நிலா டீச்சர்.
    ‘‘அம்மா! எனக்கு எதுவுமே வேணாம். எதைச் சாப்பிட்டாலும் கசக்குது. என்னால சாப்பிடவே முடியல. மீறி சாப்பிட்டா,
    வாந்தி வர மாதிரி இருக்கு, ப்ளீஸ்மா…! எனக்கு எதையும் தராதீங்க” என்று கெஞ்சினாள் ரஞ்சனி.
    “ரஞ்சனி! காய்ச்சல் கடுமையா அடிக்குது. அதனால இன்னும் ரெண்டு, மூணு நாளைக்கு நாக்கு அப்படித்தான் கசக்கும். அதுக்காகப் பட்டினியாவே இருக்க முடியுமா? கொஞ்சம் சாப்பிடு, அப்போதான் தெம்பா இருக்கும்!” என்றார் நிலா டீச்சர்.
    `சரி’ என்று சொல்வது போலத் தலையை அசைத்தாள் ரஞ்சனி.
    ‘‘அம்மா…! அம்மா…!” என்று மெதுவாக அழைத்தான் கவின்.
    “என்னடா?” என்று கேட்டார் நிலா டீச்சர்.
    “எனக்கு ஒரு சந்தேகம்மா” என்றான் கவின்.
    “என்ன சந்தேகம்?” என்றார் நிலா டீச்சர்.
    “காய்ச்சல் வந்துட்டா எதைச் சாப்பிட்டாலும் ருசியாவே இல்லையே. அது ஏம்மா?” என்று கேட்டான் கவின்.
    “எனக்குதானே காய்ச்சல் வந்தது. உனக்கு எப்போ சாப்பாடு ருசியில்லாம போச்சு?” என்று மெல்லிய குரலில் கேட்டாள் ரஞ்சனி.
    “உனக்கு இப்பதான் காய்ச்சல் வந்துருக்கு. இதுக்கு முன்னாடி எனக்கு எத்தனத் தடவை வந்துருக்கு?” என்று திரும்பிக் கேட்டான் கவின்.
    அவன் பேசியதைக் கேட்டு நிலா டீச்சரும் ரஞ்சனியும் சிரித்தனர்.
    “காய்ச்சல் வந்தா சாப்பாடு ருசியில்லாம போறது ஏன்னு சொல்லுங்கம்மா?” என்று மீண்டும் தனது கேள்வியைக் கேட்டான் கவின்.
    “சரி சொல்றேன்” என்று சொன்ன நிலா டீச்சர், காய்ச்சல் வந்தவர்களுக்கு உணவின் ருசி தெரியாமல் போவதற்கான காரணத்தை விளக்கத் தொடங்கினார்.
    “நம்ம நாக்குல விரலை வச்சு தடவிப் பார்த்தால் சொரசொரப்பாக இருக்கிறதைத் தெரிஞ்சுக்க முடியும். சுவையை உணரக்கூடிய ஏராளமான சிறுசிறு மொட்டுகள் நம்ம நாக்குல இருக்கு. நாமச்
    சாப்பிடற சாப்பாட்டில உள்ள ருசியை இந்தச் சுவை மொட்டுகள்தான் உணர்ந்துகொண்டு, உடனடியாக நரம்புகள் மூலமா நம்ம மூளைக்குத் தெரியப்படுத்தும். இனிப்பு, உப்பு, காரம், துவர்ப்பு, கசப்பு, புளிப்பு என ஒவ்வொரு சுவையையும் உணர்ந்துகொள்ளத் தனித்தனி சுவை மொட்டுகள் நாக்குல இருக்கு. அவை மூலமாதான் ஒவ்வொரு சாப்பாட்டோட வித்தியாசமான ருசியையும் நம்மால உணர முடியுது.
    நாக்குல உள்ள சுவை உணரும் மொட்டுகள்ல நிறைய என்சைம்ஸ் சுரக்கும். இந்த என்சைம்களின் உதவியாலதான் நாக்கில உள்ள மொட்டுகளால சுவையை உணர முடியுது. நம்ம உடம்பு ஆரோக்கியமா இருக்கும்போது 98.6 டிகிரி ஃபாரன்ஹீட் வெப்பநிலை இருக்கும். இதுதான் சரியான வெப்பநிலை. காய்ச்சல் வந்துட்டா நம்ம உடம்போட வெப்ப அளவு அதிகமாயிடும்னு உங்களுக்குத் தெரியுமில்லையா? சில நேரங்கள்ல 105 டிகிரி ஃபாரன்ஹீட் அளவுக்குக்கூட உடலோட வெப்பம் கூடிடும்.
    இப்படி உடம்போட வெப்பநிலை அதிகரிச்சா, நாக்கின் சுவை மொட்டுகளில் உள்ள என்சைம்ஸ் செயலிழந்து போகும். அவற்றால் வேலை செய்ய முடியாது. அதனால சுவை அறியும் மொட்டுகளால் சரியான சுவையை உணர முடியாமல் போயிடும். இதனாலதான் காய்ச்சல் அடிக்கும்போது எதைச் சாப்பிட்டாலும் கசக்குது. இல்லேன்னா, எந்தச் சுவையுமே இல்லாம சப்புனு இருக்கும்.
    காய்ச்சல் குறைஞ்சு, உடம்போட வெப்பநிலை சரியான அளவுக்கு, அதாவது 98.6 டிகிரி ஃபாரன்ஹீட் அளவுக்கு வந்துட்டா, அதன்பிறகு என்சைம்ஸ் மீண்டும் மெதுவாக செயல்படத் தொடங்கும். அதற்குப் பிறகுதான் நாம சாப்பிடற சாப்பாட்டுக்கும் சுவை கிடைக்கும். அதிகமாகக் காய்ச்சல் அடித்தவர்களுக்கு, காய்ச்சல் குறைஞ்ச பிறகும் சுவை அறியும் மொட்டுகள் இயல்பான நிலைக்கு வர ரெண்டு, மூணு நாளாகும்” என்றார் நிலா டீச்சர்.
    “ரஞ்சனி கவலைப்படாம படுத்துக்கோ. நீ சாப்பிட வேண்டிய சாப்பாடெல்லாம் வீணாயிடும்னு கவலைப்பட வேண்டாம். அதையெல்லாம் நான் பார்த்துக்குறேன். உன் நாக்குல உள்ள சுவை அறியும் மொட்டுகள் உடனே இயல்பு நிலைக்குத் திரும்பணும்னு அவசியம் இல்ல. மெதுவா நாலஞ்சு நாள், ஏன் ஏழெட்டு நாள்கூட எடுத்துக்கட்டும். நீ ஓய்வெடுத்துக்க” என்றான் கவின்.
    கவின் கூறியதைக் கேட்டு ரஞ்சனியும் நிலா டீச்சரும் மீண்டும் சிரித்தனர்.


    jv_66 and sumitra like this.

    Be a reason for someone's
    smile today!!

    வாங்கும் கையா இருப்பதை விட....
    கொடுக்கும் கையாக இறைவன் நம்மை ஆக்கட்டும்....!

    Always keep smile...
    Lekha

  4. #14
    lekha20's Avatar
    lekha20 is offline Citizen's of Penmai
    Real Name
    Lekha Prakash
    Gender
    Female
    Join Date
    Nov 2013
    Location
    bangalore
    Posts
    622

    Re: Kutties Corner

    Quote Originally Posted by jv_66 View Post
    ரொம்ப நல்ல தகவல்கள் குட்டீஸ்க்கு. தொடருங்க லேகா .

    Thank you jayanthi ka..

    jv_66 and sumitra like this.

    Be a reason for someone's
    smile today!!

    வாங்கும் கையா இருப்பதை விட....
    கொடுக்கும் கையாக இறைவன் நம்மை ஆக்கட்டும்....!

    Always keep smile...
    Lekha

  5. #15
    lekha20's Avatar
    lekha20 is offline Citizen's of Penmai
    Real Name
    Lekha Prakash
    Gender
    Female
    Join Date
    Nov 2013
    Location
    bangalore
    Posts
    622

    Re: Kutties Corner

    விடுகதை

    1. காவி உடையணியாத துறவி, கரையோரம் கடுந்தவம் செய்கிறான். அவன் யார்?
    2. காற்று இல்லாத கூண்டில் மஞ்சக் கோழி மயங்கி கிடக்குது. அது என்ன?
    3. காலில்லாதவன் வளைவான், நெளிவான், காடு மேடெல்லாம் அலைவான். அவன் யார்?
    4. காலைக் கடிக்கும் செருப்பும் இல்லை; காவல் காக்கும் நாயும் இல்லை. அது என்ன?
    5. காலையில் ஊதும் சங்கு, கறி சமைக்க உதவும். அது என்ன?
    6. காலில்லா பந்தலைக் காணக் காண சந்தோஷம். அது என்ன?
    7. வண்ணப் பட்டுச் சேலைக்காரி; நீல வண்ண ரவிக்கைக்காரி. அது என்ன?
    8. நான் வெட்டுப்பட்டால், வெட்டியவன் தேம்பி அழுவான். நான் யார்?
    9. வித்தில்லாமல் விளையும்; வெட்டாமல் சாயும். அது என்ன?

    jv_66 and sumitra like this.

    Be a reason for someone's
    smile today!!

    வாங்கும் கையா இருப்பதை விட....
    கொடுக்கும் கையாக இறைவன் நம்மை ஆக்கட்டும்....!

    Always keep smile...
    Lekha

  6. #16
    lekha20's Avatar
    lekha20 is offline Citizen's of Penmai
    Real Name
    Lekha Prakash
    Gender
    Female
    Join Date
    Nov 2013
    Location
    bangalore
    Posts
    622

    Re: Kutties Corner

    முதலையின் பல் டாக்டர்

    நாம் யாருடைய உதவியும் இல்லாமல் இந்த உலகில் வாழ முடியுமா? முடியாது இல்லையா? அப்படித்தான் சில உயிரினங்களும்கூட ஒன்றையொன்றைச் சார்ந்து, உதவி செய்துகொண்டு வாழ்ந்து வருகின்றன. அவை எந்த உயிரினங்கள் என்று உங்களுக்குத் தெரியுமா? வெவ்வேறு இன உயிரினங்கள் உதவி செய்துகொள்வதை mutualism என்கிறார்கள். சுவாரசியமாக வாழ்க்கை நடத்தும் சில உயிரினங்களைச் சந்திப்போமா?
    முதலையின் வாய்க்குள்...
    முதலையைக் கண்டு பயப்படாதவர்கள் யாருமே இருக்க மாட்டார்கள். ஆனால், ‘புளோவர்’ என்ற சின்னஞ்சிறு பறவைக்கு மட்டும் முதலையைக் கண்டால் துளி பயம்கூடக் கிடையாது. காரணம், முதலையின் பல் டாக்டரே இந்தப் புளோவர்தான். எந்த உயிரினத்தைக் கண்டாலும் இரையாக்கக் காத்திருக்கும் முதலை, புளோவரைக் கண்டால் மகிழ்ச்சியாக வாயைத் திறக்கும். தன்னைச் சாப்பிட்டு விடுமோ என்ற பயம் கொஞ்சமும் இல்லாமல் புளோவர் முதலையின் பற்களில் அமரும். பற்களின் இடுக்குகளில் சிக்கியிருக்கும் மாமிசத்தைக் கொத்திக் கொத்தி தின்னும். முதலையின் பற்கள் முழுவதும் இப்படிச் சுத்தம் செய்து முடிக்கும்போது புளோவரின் வயிறும் நிரம்பிவிடும். பற்கள் சுத்தமாகி நோய்த் தொற்று இல்லாமல் முதலை ஆரோக்கியமாக இருக்கும்.
    புழுவும் பாதுகாப்பும்

    எருது, வரிக்குதிரையின் முதுகில் அமர்ந்திருக்கும் எருதுகொத்தி (oxpecker) பறவையைப் பார்த்திருக்கிறீர்களா? எருதின் முதுகில் உள்ள புண்களில் இருந்து வரும் புழுக்களைத் தின்பதற்காகவே இப்பறவை அமர்ந்திருக்கிறது. எருதும் தன் புண்ணிலிருந்து புழு வெளியேறினால் நல்லதுதானே என்று நினைக்கும்! அது மட்டுமல்ல, காடுகளில் ஏதாவது ஆபத்து என்றால் பறவைகள் சீக்கிரமாகவே உணர்ந்துகொண்டு, சத்தமிட்டபடி பறந்துவிடும். ஆபத்தை உணர்ந்து எருதும் சுதாரித்து, தப்பி ஓடிவிடும். அதனால், உயிர் காக்கும் தோழனுக்கு உணவளிக்கிறது எருது!
    மகரந்தச் சேர்க்கை

    இடம் விட்டு நகர முடியாத தாவரங்களுக்கு மகரந்தச் சேர்க்கை நடைபெற்று, இனப்பெருக்கம் செய்வதற்குச் சில பூச்சிகளும் தேன்சிட்டு போன்ற பறவைகளும் உதவுகின்றன. பூக்களில் இருந்து பூந்தேனைக் குடித்துவிட்டு பூச்சிகளோ, பறவைகளோ செல்லும்போது அவற்றின் மீது மகரந்தம் ஒட்டிக்கொள்ளும். அடுத்த தாவரத்தில் அவை அமர்ந்து பூந்தேனை உறியும்போது மகரந்தச் சேர்க்கை நடைபெறுகிறது. இப்படித் தாவரங்கள் இனப்பெருக்கம் செய்வதற்குப் பெரிதும் உதவுபவை பூச்சிகளும் பறவைகளும்தான்! இந்த உதவிக்குப் பிரதிபலனாகத்தான் பூச்சிகளும் பறவைகளும் தாவரங்களில் இருந்து உணவைப் பெற்றுக்கொள்கின்றன.
    கோமாளி மீன்

    உங்களுக்கு எல்லாம் மிகவும் பிடித்தது நீமோ மீன்தான் இல்லையா? இதைக் கோமாளி மீன் (clown fish) என்று சொல்லுவார்கள். கடல் சாமந்தியும் (sea anemone) கோமாளி மீனும் நெருங்கிய நண்பர்கள். கோமாளி மீனால் வேட்டையாடி உணவைச் சாப்பிட முடியாது. கடல் சாமந்திக்கோ இடத்தை விட்டு நகரவே முடியாது. அதனால், கோமாளி மீன் கடல் சாமந்திக்குச் சற்றுத் தொலைவில் நீந்தும். அழகான இந்த மீனைப் பார்த்து அருகில் சில மீன்கள் வரும். உடனே கோமாளி மீன் அவற்றைக் கடல் சாமந்திக்கு அருகில் அழைத்துச் செல்லும். கடல் சாமந்தி தன்னுடைய கொடுக்குகளால் மீனைக் கொல்லும். அது சாப்பிட்ட எஞ்சிய உணவைக் கோமாளி மீன் சாப்பிடும். கடல் சாமந்தியின் ஆண்டெனாக்களுக்குள் சென்று எந்த உயிரினமும் உயிரோடு திரும்பி வரவே முடியாது. ஆனால், கோமாளி மீன் மட்டும் ஆண்டெனாக்களுக்குள் சென்று ஹாயாக விளையாடும்!
    கடலுக்குள் கிளீனிங் ஸ்டேஷன்

    கடலுக்குள் கிளீனிங் ஸ்டேஷன் என்று சுத்தம் செய்யும் இடமே இருக்கிறது என்பது உங்களுக்குத் தெரியுமா? முரே ஈல், மன்டா திருக்கை, கிளி மீன் போன்ற பல மீன்கள் தங்கள் உடலையோ, பற்களையோ சுத்தம் செய்வதற்காக இங்கு வருகின்றன. உடலில் உள்ள இறந்த செல்கள், பற்களில் உள்ள உணவுத் துணுக்குகளைச் சுத்தம் செய்துவிடுகிறது கிளீனர் ஃபிஷ். இந்தச் சின்னஞ்சிறு மீன்களைப் பெரிய மீன்கள் விழுங்கவோ, காயப்படுத்தவோ செய்வதில்லை.


    jv_66 likes this.

    Be a reason for someone's
    smile today!!

    வாங்கும் கையா இருப்பதை விட....
    கொடுக்கும் கையாக இறைவன் நம்மை ஆக்கட்டும்....!

    Always keep smile...
    Lekha

  7. #17
    lekha20's Avatar
    lekha20 is offline Citizen's of Penmai
    Real Name
    Lekha Prakash
    Gender
    Female
    Join Date
    Nov 2013
    Location
    bangalore
    Posts
    622

    Re: Kutties Corner

    நீங்களே கரண்டியில் செய்யலாம் நாரை

    நாரையைப் பார்த்திருக்கிறீர்களா? நீர் நிலைகளில் நின்றுகொண்டு மீனைப் பிடித்துச் சாப்பிடக் காத்திருக்கும். கரண்டி போலவே வாய் இருக்கும் நாரையை வீட்டிலேயே செய்து பார்க்கலாம் தெரியுமா?
    தேவையான பொருள்கள்:
    l பிளாஸ்டிக் கரண்டிகள் -2 l ஒரு ஜோடிக் கத்தரிக்கோல்கள் l கறுப்பு மை பேனா l பசை.
    செய்முறை:

    1. படத்தில் காட்டியுள்ளபடி ஒரு பிளாஸ்டிக் கரண்டியின் கைப்பிடிப் பகுதியில் நிறமிட்ட பகுதியை வெட்டி எடுத்துவிடுங்கள். பின்னர் புள்ளிகளிட்ட பகுதியில் கீழ்ப் பக்கத்திலும் கழுத்துப் பக்கத்திலும் வளைத்துக்கொள்ளுங்கள். இதுதான் நாரையின் தலை, கழுத்து, உடம்பு ஆகிய பகுதிகளை உருவாக்கும். (நாரையின் கண்களை வரைந்துகொள்ள மறந்துவிடாதீர்கள்.)

    2. இரண்டாவது கரண்டியைப் படத்தில் காட்டியுள்ளபடி வெட்டிக்கொள்ளுங்கள். கழுத்துப் பகுதியைத் தனியாக எடுத்துவைத்துக் கொள்ளுங்கள். இதுதான் நாரை நின்றுகொள்ள உதவும் ஸ்டாண்ட். கரண்டியின் கைப்பிடிப் பகுதியைப் படத்தில் காட்டியுள்ளபடி நான்காகப் பிரித்து கொள்ளுங்கள். புள்ளிகளிட்ட பகுதியை மடித்துக்கொள்ளுங்கள். இதுதான் நாரையின் கால்கள்.

    3. இப்போது நாரையின் கால்களை உடம்புடன் ஒட்டி பின்னர் மொத்த நாரையையும் ஸ்டாண்ட் மீது ஒட்டிக்கொள்ளுங்கள்.
    இனியென்ன, நாரையை வைத்து விளையாடுங்கள் குழந்தைகளே.

    jv_66 likes this.

    Be a reason for someone's
    smile today!!

    வாங்கும் கையா இருப்பதை விட....
    கொடுக்கும் கையாக இறைவன் நம்மை ஆக்கட்டும்....!

    Always keep smile...
    Lekha

  8. #18
    lekha20's Avatar
    lekha20 is offline Citizen's of Penmai
    Real Name
    Lekha Prakash
    Gender
    Female
    Join Date
    Nov 2013
    Location
    bangalore
    Posts
    622

    Re: Kutties Corner



    • பூரணியின் தந்திரம்

      ஓவியம்: ராஜே
    • ஓவியம்: ராஜே





    பூரணி ஆறாம் வகுப்பு படித்து வந்தாள். படிப்பில் மட்டுமல்ல, விளையாட்டிலும் படுசுட்டி.தான் மட்டும் படித்தால் போதுமென இருக்க மாட்டாள். தன்னோடு படிக்கிற மற்ற பிள்ளைகளுக்கும் தான் படித்ததைச் சொல்லிக் கொடுப்பாள்.
    மாலையில் தன் தெருவில் உள்ள எல்லாக் குழந்தைகளுடனும் பூரணி சேர்ந்து விளையாடுவாள்.
    “பூரணியோட விளையாடுறீங்களா…சரி, சரி…” என்று பெற்றோர்களும் தங்கள் குழந்தைகளை சந்தோஷமாக விட்டு விடுவார்கள்.
    பூரணி படிக்கிற பள்ளிக்கூடம் அவள் வீட்டிலிருந்து கொஞ்சம் தூரத்தில் இருந்தது. பூரணி வீட்டிலிருந்து கிளம்பும்போது, “அம்மா போயிட்டு வர்றேன், அப்பா போயிட்டு வர்றேன், தாத்தா, பாட்டி போயிட்டு வர்றேன்…!”என்று வாசலிலிருந்து குரல் கொடுப்பாள். அது அந்தத் தெரு முழுக்கக் கேட்கும்.
    பூரணி பள்ளிக்கூடத்திற்குக் கிளம்பிவிட்டால், தெருவில் உள்ள மற்ற குழந்தைகளும் அவளோடு சேர்ந்துகொள்வார்கள்.
    குட்டிக் குழந்தைகளின் பெற்றோர்கள் பூரணியைப் பார்த்து, “பாப்பாவைப் பாத்துக் கூட்டிட்டுப் போ, பூரணி…” என்று சொல்வார்கள். பூரணியும் அந்தக் குழந்தைகளின் கைகளைப் பிடித்துக் கூட்டிப் போவாள்.
    எல்லாக் குழந்தைகளும் ஒன்றாய் சேர்ந்து போவதைப் பார்க்கும்போது அவ்வளவு அழகாக இருக்கும். அப்படியே குட்டித் தேவதைகள் பூமிக்கு இறங்கி வந்ததைப் போலிருக்கும்.
    குழந்தைகள் பள்ளிக்கூடம் போகிற வழியில் ஒரு பாழடைந்த மண்டபம் இருந்தது.
    எல்லாப் பெற்றோர்களும் குழந்தைகளிடம் மறக்காமல் சொல்லி அனுப்புவது இதைத்தான்.
    “நேரா ஸ்கூலுக்குப் போயிட்டு, போன மாதிரியே வரணும். அந்தப் பாழடைஞ்ச மண்டபத்துப் பக்கம் போயிரக் கூடாது…!”
    குழந்தைகள் யாரும் அந்தப் பக்கம் திரும்பிக்கூடப் பார்க்க மாட்டார்கள்.நேராய்ப் போய் அப்படியே வந்து கொண்டிருந்தார்கள்.
    அப்படி இருக்கையில் ஒருநாள் –
    பள்ளிக்கூடம் விட்டு, எல்லாக் குழந்தைகளும் வந்து கொண்டிருந்தார்கள். பூரணியின் பின்னே நான்காம் வகுப்புப் படிக்கும் குட்டிப் பையன் நந்து ஆடியாடி வந்து கொண்டிருந்தான்.
    அந்தப் பாழடைந்த மண்டபத்திலிருந்து மெலிதான முனகல் சத்தம் கேட்டது. யாரோ வலியால் துடிப்பது போலொரு சத்தம்.
    பின்னால் வந்துகொண்டிருந்த நந்துவுக்கு மட்டும் இந்தச் சத்தம் கேட்டது. திடீரென அவனுக்குள் ஏதோ ஒரு துறுதுறுப்பு.
    ‘போய்தான் என்னான்னு பாப்போமே…!’
    சட்டெனத் திரும்பி அந்தப் பாழடைந்த மண்டபத்தின் பக்கமாய்ச் சென்றான் நந்து. உள்ளே யாருமில்லை.
    ஆனால், தீப்பெட்டி அளவுள்ள சிறிய பெட்டி ஒன்று மட்டும் அப்படியும் இப்படியாய் அசைந்து கொண்டிருந்தது. அந்த முனகல் சத்தம்கூட அதிலிருந்துதான் வந்தது.
    வேகமாய் ஓடிப் போய் அந்தப் பெட்டியை எடுத்தான் நந்து. ‘என்னதான் உள்ளேயிருக்கு…?’ ஆர்வத்தோடு பெட்டியைத் திறந்தான்.
    உள்ளேயிருந்து ‘குபுகுபு’வென பல வண்ணப் புகை வெளியே வந்தது. பிறகு ஒரு பூதமும் வந்தது. மாட்டைப் போல இரு கொம்புகளோடும், நீண்ட வாலோடும் பெரிய கூரான பற்களோடும் வெளியே வந்த பூதத்தை ஆச்சரியத்தோடு வேடிக்கை பார்த்தான் நந்து.
    “நான்தான் அரண்மனை பூதம்.என்னை இந்தப் பெட்டியிலிருந்து விடுதலை செய்த குட்டிப் பையா, உனக்கு என் நன்றி. ஆனாலும், என்னை மன்னித்துக்கொள்; இந்தப் பெட்டிக்குள்ளிருந்து யார் என்னை விடுவித்தாலும், அவர்களை சாப்பிடுவதென நான் முடிவு செய்துவிட்டேன். இப்போது உன்னை சாப்பிட்டால்தான் என் பசி அடங்கும்…” என்றது பூதம்.
    நந்துவுக்குப் பயம் வந்துவிட்டது. ‘யம்மா…!’என்று அழத் தொடங்கினான்.
    அழுகைக் குரல் கேட்டுத் திரும்பிப் பார்த்த பூரணி அதிர்ந்தாள். ‘நந்து எங்கே போனான்…?’ சுற்றும்முற்றும் பார்த்தாள்.
    பாழடைந்த மண்டபத்திலிருந்து தான் அவனுடைய குரல் கேட்டது. மண்டபத்தை நோக்கி ஓடினாள்.
    தனது ஒரு விரலால் நந்துவைத் தூக்கி விழுங்கப் போனது பூதம்.
    “ஏ…பூதமே, உனக்கு என்ன வேண்டும், நந்துவைக் கீழே விடு…” என்று கத்தினாள் பூரணி.
    பூரணியை ஏளனமாய்ப் பார்த்தது பூதம். தான் சிறிய பெட்டிக்குள் அடைப்பட்டுக் கிடந்ததையும், நந்து தன்னைத் திறந்துவிட்டதையும் சொல்லி, “இப்போது இவனை விழுங்கினால்தான் என் பசி அடங்கும்…” என்றது பூதம்.
    பூதத்தின் நயவஞ்சகத்தைப் புரிந்துகொண்டாள் பூரணி. “அய்யோ…நந்துவை எப்படிக் காப்பாற்றுவது…?’ யோசித்த பூரணி, ‘கலகல’வெனப் பலமாய்ச் சிரித்தாள்.
    “ஏ, குட்டிப்பெண்ணே…ஏன் சிரிக்கிறாய்…?”பூதம் கேட்டது.
    “நீ சொல்கிற பொய்யைக் கேட்டு, சிரிக்காமல் வேறென்ன செய்ய…?” என்றாள் பூரணி.
    “என்ன, நான் பொய் சொல்கிறேனா…?”என்று மறுபடியும் பூதம் கேட்டது.
    “ஆமா, நீ பொய்தான் சொல்றே. நீ எவ்வளவு பெரிய பூதம். நீ போயி இந்த இத்தூனூண்டு பெட்டிக்குள்ளே இருந்தேன்னு சொல்றதை என்னால நம்ப முடியலே…!”என்று கேலியாய்ச் சிரித்தாள் பூரணி.
    பூதத்திற்குப் பொல்லாத கோபம் வந்துவிட்டது.
    “ஏ, குட்டிப் பெண்ணே. இந்தச் சிறிய பெட்டிக்குள்தான் நான் இத்தனைக் காலமாய் அடைபட்டுக் கிடந்தேன். எப்படின்னுதானே நம்ப மாட்டேங்கற…? இதோ, இப்படித்தான் இருந்தேன்…” என்று சொன்ன பூதம், அப்படியே தனது உடலைச் சுருக்கிக் கொண்டு, சிறிய பெட்டிக்குள் சென்றது.
    இந்தச் சமயத்தை எதிர்பார்த்துக் காத்திருந்த பூரணி, சடக்கென அந்தச் சிறிய பெட்டியை மூடிவிட்டாள்.
    பெட்டிக்குள் அடைப்பட்ட பூதம் முனகியது.
    “நயவஞ்சக பூதமே, உன்னை விடுவித்த நந்துவையே கொல்லப் பார்த்தாயே. உனது நன்றி மறந்த செயலுக்கு, நீ பெட்டிக்குள்ளேயே கிடப்பதுதான் சரியான தண்டனை…!” என்று சொல்லிவிட்டு நந்துவைக் கூட்டிக்கொண்டு, வீடு நோக்கி நடந்தாள் புத்திசாலி பூரணி



    Be a reason for someone's
    smile today!!

    வாங்கும் கையா இருப்பதை விட....
    கொடுக்கும் கையாக இறைவன் நம்மை ஆக்கட்டும்....!

    Always keep smile...
    Lekha

  9. #19
    lekha20's Avatar
    lekha20 is offline Citizen's of Penmai
    Real Name
    Lekha Prakash
    Gender
    Female
    Join Date
    Nov 2013
    Location
    bangalore
    Posts
    622

    Re: Kutties Corner

    நம்ப முடிகிறதா?

    நீலத் திமிங்களுக்கு பற்கள் கிடையாது.
    • ஆஸ்திரேலிய கண்டத்தில் எரிமலைகள் கிடையாது.
    • மாதுளம் பழத்தில் அதிகபட்சமாக 1,400 விதைகள் வரை இருக்கும்.
    • மனிதர்கள் நடக்குபோது கைகளை ஆட்டாமல் நடப்பது மிகவும் கடினம். இது ஓர் அணிச்சைச் செயல்.
    • கோஸ்டாரிகா நாட்டில் ராணுவம் கிடையாது. ஆனால், பொதுப் பாதுகாப்பு என்ற பெயரில் சில பாதுகாப்பு அமைப்புகள் உள்ளன.
    • உலகில் அஞ்சல் அலுவலகங்கள் அதிகம் உள்ள நாடு இந்தியா.
    • நம் உடலில் ஓடும் ரத்தம் தினமும் சராசரியாக 19 ஆயிரம் கிலோ மீட்டர் தூரத்துக்கு உடலில் சுற்றி வருகிறது.
    • உலகில் அதிகம் பேர் பார்த்து ரசிக்கும் விளையாட்டு கால்பந்து.
    • தக்காளியும் வெள்ளரிக்காயும் பழ வகையைச் சார்ந்தவை.


    Be a reason for someone's
    smile today!!

    வாங்கும் கையா இருப்பதை விட....
    கொடுக்கும் கையாக இறைவன் நம்மை ஆக்கட்டும்....!

    Always keep smile...
    Lekha

  10. #20
    lekha20's Avatar
    lekha20 is offline Citizen's of Penmai
    Real Name
    Lekha Prakash
    Gender
    Female
    Join Date
    Nov 2013
    Location
    bangalore
    Posts
    622

    Re: Kutties Corner

    கீழே கொடுக்கப்பட்டிருக்கும் ஒவ்வொரு குறிப்பும் எதைக் குறிக்கிறது என சரியாக சொல்லுங்கள் பார்ப்போம்.
    1. மனிதர்களுக்கு மிகவும் பிடிக்கும்; குதிரைக்கும், முயலுக்கும்கூட பிடிக்கும். நான் பார்வை அதிகரிக்க உதவுவேன். நான் யார்?
    2. நான் தேவதைகளுக்கும், தவளைகளுக்கும் குடையாக இருப்பேன். நேற்று முளைத்தவன் என்று என்னை ஏளனமாகப் பேசுவார்கள்.
    3. என்னிடம் காடுகள் இருக்கின்றன. ஆனால், மரங்கள் இல்லை. என்னிடம் ஆறுகள் இருக்கின்றன. ஆனால், தண்ணீர் இல்லை. என்னிடம் சாலைகள் இருக்கின்றன. ஆனால், கார்கள் இல்லை. நான் யார்?
    4. நான் பச்சை, சிவப்பு, கறுப்பு, வெள்ளை நிறங்கள் கலந்து இருப்பேன். தாகத்தைத் தணிப்பேன்.
    5. தண்ணீரில் நான் அழுதாலும் தெரியாது. புழுக்கள் எனக்கு மிகவும் பிடிக்கும்.
    விடை:
    1. கேரட்
    2. காளான்
    3. வரைபடம்
    4. தர்பூசணி
    5. மீன்




    Be a reason for someone's
    smile today!!

    வாங்கும் கையா இருப்பதை விட....
    கொடுக்கும் கையாக இறைவன் நம்மை ஆக்கட்டும்....!

    Always keep smile...
    Lekha

loading...

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  
Like It?
Share It!







Follow Penmai on Twitter