Sponsored Links
Sponsored Links
Penmai eMagazine January! | All Issues

User Tag List

Like Tree13Likes

அமெரிக்க ஜனாதிபதி தேர்தல் கருத்துக்கணி&#


Discussions on "அமெரிக்க ஜனாதிபதி தேர்தல் கருத்துக்கணி&#" in "Other Countries" forum.


  1. #1
    vijaykumar12's Avatar
    vijaykumar12 is offline Minister's of Penmai
    Gender
    Male
    Join Date
    Aug 2012
    Location
    India
    Posts
    4,983

    அமெரிக்க ஜனாதிபதி தேர்தல் கருத்துக்கணி&#

    அமெரிக்க ஜனாதிபதி தேர்தல் கருத்துக்கணிப்பு 4 முக்கிய மாகாணங்களில் ஹிலாரி கிளிண்டன் முன்னணி

    அமெரிக்க ஜனாதிபதி தேர்தல் கருத்துக்கணிப்பில் 4 முக்கிய மாகாணங்களில் ஹிலாரி கிளிண்டன் முன்னிலை பெற்று உள்ளார்.


    அமெரிக்காவில் ஒபாமாவின் பதவிக்காலம் முடிய உள்ளதால், அவருக்கு பதிலாக புதிய ஜனாதிபதியை தேர்ந்தெடுப்பதற்கான தேர்தல் நவம்பர் மாதம் 8-ந் தேதி நடக்கிறது. அங்கு ஜனநாயக கட்சி சார்பில் முன்னாள் வெளியுறவு மந்திரி ஹிலாரி கிளிண்டனும், குடியரசு கட்சியின் சார்பில் பெரும் கோடீசுவரர் டொனால்டு டிரம்பும் மோதுவது உறுதியாகி விட்டது.


    இதன் காரணமாக தேர்தல் களம் சூடு பிடித்து விட்டது. இருவரும் தொடர்ந்து தீவிர பிரசாரத்தில் ஈடுபட்டு வருகின்றனர்.


    இந்த நிலையில் 4 முக்கிய மாகாணங்களில் கருத்துக்கணிப்புகள் நடத்தப்பட்டுள்ளன. கொலராடோ, புளோரிடா, வடக்கு கரோலினா, வெர்ஜீனியா ஆகிய 4 மாகாணங்களில் என்.பி.சி. நியூஸ், வால் ஸ்டிரீட் ஜர்னல், மாரிஸ்ட் போல் ஆகியவை இந்த கருத்துக்கணிப்புகளை நடத்தி உள்ளன. இந்த மாகாணங்கள், ஜனாதிபதி தேர்தலில் முக்கிய பங்கு வகிக்கிற மாகாணங்கள் என்பது குறிப்பிடத்தகுந்தது.
    கொலராடோ மாகாணத்தில் ஹிலாரியை 43 சதவீதம் பேரும், டிரம்பை 35 சதவீதத்தினரும் ஆதரிக்கின்றனர்.


    புளோரிடாவில் ஹிலாரியை 44 சதவீதத்தினர் ஆதரிக்கின்றனர். டிரம்புக்கு 37 சதவீதத்தினரின் ஆதரவு உள்ளது. வடக்கு கரோலினாவிலும் ஹிலாரிக்கு 44 சதவீத ஆதரவும், டிரம்புக்கு 38 சதவீத ஆதரவும் இருக்கிறது. 1976ம் ஆண்டுக்கு பின்னர் 2008ம் ஆண்டுதான் இந்த மாகாணத்தில் ஜனநாயக கட்சி வேட்பாளர் ஒபாமா வென்றார். வெர்ஜினியாவில் ஹிலாரிக்கு 44 சதவீத ஆதரவு உள்ளது. டிரம்புக்கு 35 சதவீதத்தினரின் ஆதரவு இருக்கிறது.


    இந்த வார தொடக்கத்தில் குயினிபியாக் பல்கலைக்கழகம், புளோரிடா, பென்சில்வேனியா, ஓஹியோ, இயோவா மாகாணங்களில் நடத்திய கருத்துக்கணிப்புகளில் ஹிலாரிக்கும், டிரம்புக்கும் இடையே இழுபறி ஏற்பட்டிருப்பதாக தெரிய வந்தது குறிப்பிடத்தக்கது. அமெரிக்காவின் முதல் பெண் ஜனாதிபதி வேட்பாளருக்கான தகுதியை அடைந்து வரலாறு படைத்துள்ள ஹிலாரி, அந்த நாட்டின் முதல் பெண் ஜனாதிபதி என்ற புதிய வரலாறை படைப்பாரா என்பது நவம்பர் 8-ந் தேதி நடக்க உள்ள தேர்தலுக்கு பின்னர் தெரிய வரும்.

    Similar Threads:

    Sponsored Links

  2. #2
    vijaykumar12's Avatar
    vijaykumar12 is offline Minister's of Penmai
    Gender
    Male
    Join Date
    Aug 2012
    Location
    India
    Posts
    4,983

    Re: அமெரிக்க ஜனாதிபதி தேர்தல் கருத்துக்கணĬ

    அமெரிக்க ஜனாதிபதி வேட்பாளர் டொனால்டு டிரம்புக்கு எதிராக பெண்கள் நிர்வாண போராட்டம்

    அமெரிக்காவில் ஒபாமாவின் பதவிக்காலம் முடிய உள்ளதால், அவருக்கு பதிலாக புதிய ஜனாதிபதியை தேர்ந்தெடுப்பதற்கான தேர்தல் நவம்பர் மாதம் 8-ந் தேதி நடக்கிறது. அங்கு ஜனநாயக கட்சி சார்பில் முன்னாள் வெளியுறவு மந்திரி ஹிலாரி கிளிண்டனும், குடியரசு கட்சியின் சார்பில் பெரும் கோடீசுவரர் டொனால்டு டிரம்ப்பும் மோதுவது உறுதியாகி விட்டது.

    டொனால்டு டிரம்ப் அதிபர் ஆவதற்கு அந்த நாட்டில் பெண்கள் பரவலாக எதிர்ப்பு தெரிவித்து வருகின்றனர். கிளீவ்லேண்டில் உள்ள குடியரசுக் கட்சியின் தேசிய அலுவலகம் முன்பு திடீரென கூடிய 100க்கும் அதிகமான பெண்கள் டொனால்டு அதிபர் ஆவதற்கு எதிர்ப்பு தெரிவித்து கண்ணாடியால் தங்களது உடலை மறைத்துக் கொண்டு எதிர்ப்பு தெரிவித்தனர். டொனால்டு வெள்ளை மாளிகைக்குள் நுழைவதற்கு தகுதியற்றவர் என்று இவர்கள கருத்து தெரிவித்துள்ளனர்.

    கிளீவ்லேண்டில் நிர்வாண ஆர்ப்பாட்டம் நடத்துவது சட்டத்திற்கு எதிரானது என்ற நிலையில் இவர்கள் நடத்திய போராட்டம் சர்ச்சையை கிளப்பியுள்ளது.


  3. #3
    vijaykumar12's Avatar
    vijaykumar12 is offline Minister's of Penmai
    Gender
    Male
    Join Date
    Aug 2012
    Location
    India
    Posts
    4,983

    Re: அமெரிக்க ஜனாதிபதி தேர்தல் கருத்துக்கணĬ

    அமெரிக்க அதிபர் தேர்தல்: புதிய கருத்துக் கணிப்பில் ஹிலாரிக்கு அதிக செல்வாக்கு

    அமெரிக்க அதிபர் பராக் ஒபாமாவின் பதவிக்காலம் இந்த ஆண்டுடன் முடிவடைகிறது. இதனையடுத்து புதிய அதிபரை தேர்ந்தெடுக்க வரும் நவம்பர் மாதம் 8-ம் தேதி தேர்தல் நடக்கிறது.

    இதில் களம்காண உள்ள குடியரசு கட்சி மற்றும் ஜனநாயக கட்சி வேட்பாளர்களை தேர்வு செய்வதற்கான பிரைமரி தேர்தல்கள் பல்வேறு மாகாணங்களில் நடந்து வந்தன. இதில் ஜனநாயக கட்சி வேட்பாளராக, முன்னாள் அதிபர் கிளிண்டனின் மனைவியும், முன்னாள் வெளியுறவு அமைச்சருமான ஹிலாரி கிளிண்டன் தேர்வு செய்யப்பட்டுள்ளார்.

    இந்நிலையில், கடந்த 25 முதல் 29-ம் தேதி வரை பிரபல செய்தி நிறுவனமான ‘ரியூட்டர்ஸ்’ நடத்திய ஆன்லைன் கருத்து கணிப்பில் ஆயிரத்துக்கும் அதிகமான மாதிரி வாக்காளர்கள் பங்கேற்று தங்களது மனதுக்கு பிடித்த அதிபர் பதவிக்கான வேட்பாளருக்கு வாக்களித்தனர்.

    இதில், குடியரசு கட்சி வேட்பாளரான டொனால்ட் டிரம்ப்-ஐவிட ஜனநாயக கட்சி வேட்பாளரான ஹிலாரி கிளிண்டனுக்கு 6 சதவீதம்பேர் அதிகமான ஆதரவு அளித்துள்ளனர். அதிபர் தேர்தலுக்கு இன்னும் சுமார் 100 நாட்கள் உள்ள நிலையில் ஹிலாரியின் பிரசார வியூகத்தால் ஆதரவு சதவீதம் அதிகரிக்கலாம். பெரும்பான்மையான வாக்கு வித்தியாசத்தில் வெற்றி பெறும் அவர் நிச்சயமாக ஆட்சியை கைப்பற்றுவார் என்று கருதப்படுகிறது


  4. #4
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    83,225

    Re: அமெரிக்க ஜனாதிபதி தேர்தல் கருத்துக்கணĬ

    ஹிலாரிக்கு எதிராக வீடியோ வெளியிட்ட டிரம்ப்
    அமெரிக்க அதிபர் தேர்தல் விறுவிறுப்பான கட்டத்தை எட்டி உள்ளது. இதில் குடியரசு கட்சி வேட்பாளரான டொனால்ட் டிரம்ப்பும், ஜனநாயக கட்சி வேட்பாளரான ஹிலாரியும் இதுவரை மாறி மாறி தாக்கி பேசி, பிரசாரம் செய்து வந்தனர்.

    இந்நிலையில், நேற்றைய பிரசாரத்தின் போது ஹிலாரி அறிவித்த வேலைவாய்ப்பு திட்டம், வரிகள், தேசிய பாதுகாப்பு உள்ளிட்ட திட்டங்கள் குறித்து சவால் விட்டு வீடியோ ஒன்றை டிரம்ப் வெளியிட்டுள்ளார். ' தி ஸ்பீச்' என தலைப்பிடப்பட்டுள்ள அந்த வீடியோவில், மின்னும் பொய்க்கு பின் உள்ள கடினமான உண்மைகள் : ஹிலாரி ஆட்சியில் அமெரிக்காவில் மோசமாகும் விஷயங்கள்--அவரது நேர்மையற்ற திட்டத்தால் வரிகள் தொடர்ந்து அதிகரிக்கும். பயங்கரவாதம் பரவும். வாஷிங்டனில் இருப்பவர்கள் கட்டுப்பாட்டிற்குள் வைக்கப்படுவார்கள். அமெரிக்கர்கள் வேலையையும் வீடுகளையும், நம்பிக்கையையும் இழப்பார்கள்.


    டிரம்ப்பின் வாக்குறுதிகளும் திட்டங்களும்...டிரம்பின் அமெரிக்காவில் மக்கள் வேலைக்கு திரும்புவார்கள். அவர்களின் வேலை மற்றும் குடும்பம் பாதுகாப்பாக இருக்கும். அமெரிக்கர்களின் கனவு நனவாகும். அமெரிக்கா மீண்டும் சிறப்பான நாடாக மாறும் என குறிப்பிட்டுள்ளார்


  5. #5
    vijaykumar12's Avatar
    vijaykumar12 is offline Minister's of Penmai
    Gender
    Male
    Join Date
    Aug 2012
    Location
    India
    Posts
    4,983

    Re: அமெரிக்க ஜனாதிபதி தேர்தல் கருத்துக்கணĬ

    ஹிலாரி கிளிண்டன் ஒரு சாத்தான்: டிரம்ப் கடும் தாக்கு

    அமெரிக்க அதிபர் தேர்தல் பிரசாரத்தில் ஹிலாரி கிளிண்டனை சாத்தான் என டிரம்ப் கடுமையாக தாக்கினார்.

    வருகிற நவம்பர் 8-ந்தேதி நடைபெறும் அமெரிக்க அதிபர் தேர்தலில் ஜனநாயக கட்சி வேட்பாளராக ஹிலாரி கிளிண்டனும், குடியரசு கட்சி வேட்பாளராக டொனால்டு டிரம்பும் போட்டியிடுகின்றனர். அதிகார பூர்வ வேட்பாளராக அறிவிக்கப்பட்டதும் அமெரிக்க அதிபர் தேர்தலில் பிரசாரம் சூடு பிடித்தது.

    ஹிலாரி கிளிண்டனும், டொனால்டு டிரம்பும் தீவிரமாக பிரசாரம் செய்து வருகின்றனர். அவர்கள் ஒருவரை ஒருவர் கடுமையாக குற்றம் சாட்டி வருகின்றனர்.

    இந்த நிலையில் டொனால்டு டிரம்ப் பென்சில் வேனியாவில் உள்ள ஒரு உயர்நிலைப்பள்ளியில் ஏற்பாடு செய்யப்பட்ட தேர்தல் பிரசார பொதுக்கூட்டத்தில் பேசினார்.

    அப்போது ஹிலாரி கிளிண்டனை ‘சாத்தான்’ என வர்ணித்தார். வேட்பாளர் தேர்வில் ஹிலாரி எதிராக போட்டியிட்டு கடைசி நேரத்தில் விலகிய பெர்னி காண்டர்சையும் கடுமையாக சாடினார். ‘சாத்தானுடன் அவர் உடன் படிக்கை செய்து கொண்டு போட்டியில் இருந்து விலகி அவருக்கு வழி விட்டார்’ என்றார்.

    இதற்கிடையே டிரம்ப்பின் பேச்சுகளுக்கு எதிர்ப்பு கிளம்பியுள்ளது. ஈராக் போரில் மரணம் அடைந்த முஸ்லிம் ராணுவ அதிகாரியின் பெற்றோர் குறித்த டிரம்ப் பேச்சுக்கு ஜனநாயக கட்சி, குடியரசு கட்சியினர் கண்டனம் தெரிவித்துள்ளனர்.

    குடியரசு கட்சியின் முன்னாள் வேட்பாளர் ஜான் மெக்கேனும் டிரம்புக்கு எதிரான கருத்துக்களை தெரிவித்துள்ளார். அமெரிக்காவின் பிரபல வர்த்தகரும், கோடீசுவரருமான வாரன் பப்பெட் டிரம்ப் மீது கடும் குற்றச்சாட்டை சுமத்தியுள்ளார்.

    டிரம்ப் தாக்கல் செய்த தனது வரி கணக்கை பொதுமக்களிடம் வெளியிட தயாரா? என கேள்வி எழுப்பியுள்ளார்.


  6. #6
    vijaykumar12's Avatar
    vijaykumar12 is offline Minister's of Penmai
    Gender
    Male
    Join Date
    Aug 2012
    Location
    India
    Posts
    4,983

    Re: அமெரிக்க ஜனாதிபதி தேர்தல் கருத்துக்கணĬ

    அமெரிக்க தேர்தலில் தில்லுமுல்லு நடைபெறலாம்: குடியரசு கட்சி வேட்பாளர் டிரம்ப் அச்சம்

    அமெரிக்காவில் நவம்பர் 8-ந் தேதி ஜனாதிபதி தேர்தல் நடக்க உள்ளது. இதையொட்டி அங்கு தேர்தல் பிரசாரம் களை கட்டி வருகிறது.

    இந்த நிலையில் குடியரசு கட்சி வேட்பாளர் டொனால்டு டிரம்ப், ஓஹியோ மாகாணத்தில் கொலம்பஸ் நகரில் பிரசாரம் செய்தார். அப்போது அவர், “நவம்பரில் நடக்க உள்ள தேர்தலில் தில்லுமுல்லுகள் நடைபெறலாம். இந்த போட்டி நேர்மையற்றவிதத்தில் அமையும் என கூடுதல் தகவல்கள் வந்துள்ளன” என குற்றம் சாட்டினார். ஆனால் அதற்கு எந்தவொரு ஆதாரத்தையும் அவர் சுட்டிக்காட்டவில்லை. இதனால் தான் அச்சம் அடைந்துள்ளதாகவும் அவர் குறிப்பிட்டார்.

    ‘பாக்ஸ் நியூஸ்’ சேனலுக்கு அளித்த பேட்டியின்போதும் இதே புகாரை அவர் திரும்பவும் கூறினார். அதே நேரத்தில், “குடியரசு கட்சியினர் தீவிரமாக இதை கண்காணிப்பார்கள் என்று நம்புகிறேன். இல்லாவிட்டால் எங்களிடம் இருந்து அவர்கள் வெற்றியை பறித்து விடக்கூடும்” என எச்சரித்தார். இது பெரும் பரபரப்பை ஏற்படுத்தி உள்ளது.

    பென்சில்வேனியாவில் நடந்த மற்றொரு கூட்டத்தில் பேசிய டிரம்ப், ஜனநாயக கட்சி வேட்பாளர் ஹிலாரி கிளிண்டனை ‘சாத்தான்’ என சாடினார். ஹிலாரியின் போட்டியாளராக திகழ்ந்த பெர்னீ சாண்டர்சையும் அவர் தாக்கினார். ‘சாத்தானிடம் சாண்டர்ஸ் ஒரு உடன்படிக்கை செய்து கொண்டுள்ளார்’ என அப்போது குறிப்பிட்டார்.


  7. #7
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    83,225

    Re: அமெரிக்க ஜனாதிபதி தேர்தல் கருத்துக்கணĬ

    அமெரிக்காவின் மிக மோசமான அதிபர் என்ற அவப்பெயருடன் ஒபாமா பதவி விலகுவார்: டொனால்ட் டிரம்ப்

    அமெரிக்க நாட்டின் வரலாறு கண்ட மிக மோசமான அதிபர் என்ற அவப்பெயருடன் ஒபாமா பதவி விலகுவார் என டொனால்ட் டிரம்ப் கூறியுள்ளார்.

    அமெரிக்க அதிபர் தேர்தலில் போட்டியிடும் குடியரசு கட்சி வேட்பாளரான டொனால்ட் டிரம்ப், நாட்டின் ஆளும்கட்சியான ஜனநாயக கட்சியின் அதிபர் வேட்பாளரான ஹிலாரி கிளிண்டனை சகட்டுமேனிக்கு விமர்சித்து வருகிறார்.

    பொய்க்காரி, பித்தலாட்ட பேர்வழி என்றெல்லாம் ஹிலாரியை விமர்சித்துவரும் அவர் நேற்று ஹிலாரி ஒரு சாத்தான் என்று கூறினார். அவ்வப்போது அமெரிக்க அதிபர் பராக் ஒபாமாவையும் அவர் கடுமையாக விமர்சித்து வருகிறார்.

    இந்நிலையில், தனியார் செய்தி நிறுவனத்துக்கு நேற்று பேட்டியளித்த டொனால்ட் டிரம்ப் கூறியதாவது:-

    அதிபர் தேர்தலில் போட்டியிடும் வாய்ப்பு எனக்கு கிடைக்காது என முன்னர் ஒபாமா கூறினார். பின்னர், தேர்தல்வரை நான் தாக்குப்பிடிக்க மாட்டேன் என்றார். இப்போது, ஒருவேளை டொனால்ட் டிரம்ப் தேர்தலில் ஜெயித்தால்.., என்கிறார்.

    மத்திய கிழக்கு நாடுகள் மற்றும் சிரியாவில் என்ன நடக்கிறது என்று பாருங்கள். ஒபாமா ஒரு பயங்கரமான அதிபர், பெரும் பேரழிவாக இருக்கும் அவர் அமெரிக்க நாட்டின் வரலாறு கண்ட மிக மோசமான அதிபர் என்ற அவப்பெயருடன்தான் பதவி விலகுவார் .

    இவ்வாறு அவர் கூறினார்.


  8. #8
    vijigermany's Avatar
    vijigermany is offline Supreme Ruler's of Penmai
    Gender
    Female
    Join Date
    Jul 2011
    Location
    Germany
    Posts
    83,225

    Re: அமெரிக்க ஜனாதிபதி தேர்தல் கருத்துக்கணĬ

    டிரம்ப் அதிபர் பதவிக்கு தகுதியில்லாதவர் : ஒபாமா

    அமெரிக்க வெள்ளை மாளிகையில் நடந்த செய்தியாளர்கள் சந்திப்பில் அதிபர் ஒபாமா பேசினார். அப்போது, குடியரசு கட்சியைச் சேர்ந்த அனைவரும் அக்கட்சி சார்பில் அதிபர் தேர்தல் வேட்பாளராக தேர்வு செய்யப்பட்டுள்ள டொனால்ட் டிரம்ப்பை நிராகரிக்க வேண்டும் என கேட்டுக் கொண்டுள்ளார்.
    மேலும் அவர் பேசுகையில், ஜனநாயக கட்சி வேட்பாளரான ஹிலாரி குறித்து கடுமையான விமர்சனங்களை முன்வைத்து வரும் டிரம்ப் அதிபர் பதவிக்கு தகுதியற்றவர். அமெரிக்க அதிபராக யாரையும் ஆதரித்து இந்த கருத்தை நான் கூறவில்லை. டிரம்ப் எனது கட்சியைச் சேர்ந்தவராக இருந்தாலும் நான் இதே கருத்தை தான் கூறி இருப்பேன். அதிபராக இருந்து சேவையாற்றுவதற்கு அவருக்கு எந்த தகுதியும் இல்லை என நான் கடந்த வாரம் கூறி இருந்தேன். அதை டிரம்ப் தொடர்ந்து நிரூபித்து வருகிறார்.

    நமது நாட்டிற்காக அவர் மிகப் பெரிய தியாகம் செய்து விட்டதை போல் பேசுகிறார். உண்மையில் எந்த தியாகத்தையும் அவர் செய்து விடவில்லை. ஐரோப்பா, மத்திய கிழக்கு நாடுகள், ஆசிய நாடுகளின் பிரச்னைகள் பற்றி அவருக்கு எதுவும் தெரியாது. அதனாலேயே அவர் அதிபராவதற்கு பொருத்தமற்றவர் என கூறினேன் என தெரிவித்துள்ளார்.


  9. #9
    vijaykumar12's Avatar
    vijaykumar12 is offline Minister's of Penmai
    Gender
    Male
    Join Date
    Aug 2012
    Location
    India
    Posts
    4,983

    Re: அமெரிக்க ஜனாதிபதி தேர்தல் கருத்துக்கணĬ

    டொனால்ட் டிரம்ப் மிகவும் ஆபத்தான ஜனாதிபதியாக இருப்பார்: சொந்த கட்சியை சேர்ந்தவர்கள் எதிர்ப்பு

    அமெரிக்காவின் புதிய அதிபரை தேர்ந்தெடுக்க வரும் நவம்பர் மாதம் 8-ந் தேதி தேர்தல் நடைபெற உள்ளது. இதில் குடியரசுக் கட்சியின் சார்பில் அதிபர் தேர்தலில் டொனால்ட் டிரம்ப் களமிறங்குகிறார். பிராச்சாரங்களில் மிகவும் சர்ச்சைகுரிய கருத்துகளை வெளியிட்டுவரும் டிரம்ப்க்கு அவரது கட்சியில் இருந்தே எதிர்ப்பு கிளம்பியுள்ளது.

    குடியரசு கட்சியை சேர்ந்த பாதுகாப்பு நிபுணர்கள் 50 பேர் வெளியிட்டுள்ள கூட்டு அறிக்கையில் டொனால் டிரம்ப் மிகவும் ஆபத்தான ஜனாதிபதியாக இருப்பார் என எச்சரித்துள்ளனர். மேலும் அவர்கள் “அமெரிக்காவின் ஜனாதிபதியாக இருப்பதற்கான அடிப்படை பண்புகளோ, அனுபவமோ டிரம்புக்கு இல்லை. டிரம்ப் அமெரிக்காவின் அறப்பண்புகளை பலவீனப்படுத்துகிறார்.

    நாங்கள் யாறும் டொனால்ட் டிரம்புக்கு வாக்கு அளிக்க போவது இல்லை” என்று அந்த கூட்டு அறிக்கையில் தெரிவிக்கப்பட்டுள்ளது. சொந்த கட்சியை சேர்ந்தவர்களின் எதிர்ப்பு டிரப்புக்கு ஏற்பட்ட மிகப்பெரிய பின்னடைவாக கருதப்படுகிறது.


  10. #10
    vijaykumar12's Avatar
    vijaykumar12 is offline Minister's of Penmai
    Gender
    Male
    Join Date
    Aug 2012
    Location
    India
    Posts
    4,983

    Re: அமெரிக்க ஜனாதிபதி தேர்தல் கருத்துக்கணĬ

    அமெரிக்க தேர்தல் பிரசாரம்: டிரம்பின் கருத்தால் புதிய சர்ச்சை

    அமெரிக்க ஜனாதிபதி தேர்தலில் குடியரசு கட்சி சார்பில் போட்டியிடும் டொனால்டு டிரம்ப் தனது பிரசாரத்தின் போது அடிக்கடி சர்ச்சைக்குரிய கருத்துகளை வெளியிட்டு வருகிறார். இதில் சமீபத்திய சர்ச்சை, துப்பாக்கி ஆர்வலர்களுக்கு அவர் விடுத்த அழைப்பு பற்றியது ஆகும்.

    அமெரிக்க அரசியல் சட்டத்தின் 2-வது திருத்தத்தின்படி ஒருவர் துப்பாக்கி வைத்துக்கொள்ள உரிமை வழங்கப்பட்டு இருக்கிறது. இதனால் துப்பாக்கி உரிமையாளர்கள், ஆர்வலர்கள் பயன்பெற்று வருகிறார்கள்.

    ஆனால் ஜனநாயக கட்சி வேட்பாளர் ஹிலாரி, இந்த 2-வது திருத்தத்தை ஒழிக்க விரும்புவதாகவும், அவர் நீதிபதிகளை தேர்ந்தெடுக்கும் அதிகாரம் பெற்றால் துப்பாக்கி ஆர்வலர்களால் எதுவும் செய்ய முடியாது எனவும் நேற்று முன்தினம் வடக்கு கரோலினாவில் நடந்த பிரசாரத்தின் போது டிரம்ப் கூறினார். எனவே ஹிலாரி ஜனாதிபதி ஆவதையும், சுப்ரீம் கோர்ட்டு நீதிபதிகளை தேர்ந்தெடுப்பதையும் நீங்கள் தடுக்க வேண்டும் எனவும் அவர் கேட்டுக்கொண்டார்.

    டிரம்பின் இந்த பேச்சு அமெரிக்காவில் பெரும் சர்ச்சையை ஏற்படுத்தி உள்ளது. அவரது கருத்துகள் ஹிலாரிக்கு எதிராக வன்முறையை தூண்டும் வகையில் இருப்பதாக ஜனநாயக கட்சியினர் மட்டுமின்றி, டிரம்பின் குடியரசு கட்சியினரும் கண்டனம் தெரிவித்து உள்ளனர். எனினும் தனது கருத்தை நியாயப்படுத்தி உள்ள டிரம்ப், தங்கள் வாக்குகளின் மூலம் மட்டுமே ஹிலாரியை ஜனாதிபதியாகாமல் தடுக்குமாறு தனது ஆதரவாளர்களை கேட்டுக்கொண்டதாக கூறியுள்ளார்.அமெரிக்க தேர்தல் பிரசாரம்: டிரம்பின் கருத்தால் புதிய சர்ச்சை

    அமெரிக்க ஜனாதிபதி தேர்தலில் குடியரசு கட்சி சார்பில் போட்டியிடும் டொனால்டு டிரம்ப் தனது பிரசாரத்தின் போது அடிக்கடி சர்ச்சைக்குரிய கருத்துகளை வெளியிட்டு வருகிறார். இதில் சமீபத்திய சர்ச்சை, துப்பாக்கி ஆர்வலர்களுக்கு அவர் விடுத்த அழைப்பு பற்றியது ஆகும்.

    அமெரிக்க அரசியல் சட்டத்தின் 2-வது திருத்தத்தின்படி ஒருவர் துப்பாக்கி வைத்துக்கொள்ள உரிமை வழங்கப்பட்டு இருக்கிறது. இதனால் துப்பாக்கி உரிமையாளர்கள், ஆர்வலர்கள் பயன்பெற்று வருகிறார்கள்.

    ஆனால் ஜனநாயக கட்சி வேட்பாளர் ஹிலாரி, இந்த 2-வது திருத்தத்தை ஒழிக்க விரும்புவதாகவும், அவர் நீதிபதிகளை தேர்ந்தெடுக்கும் அதிகாரம் பெற்றால் துப்பாக்கி ஆர்வலர்களால் எதுவும் செய்ய முடியாது எனவும் நேற்று முன்தினம் வடக்கு கரோலினாவில் நடந்த பிரசாரத்தின் போது டிரம்ப் கூறினார். எனவே ஹிலாரி ஜனாதிபதி ஆவதையும், சுப்ரீம் கோர்ட்டு நீதிபதிகளை தேர்ந்தெடுப்பதையும் நீங்கள் தடுக்க வேண்டும் எனவும் அவர் கேட்டுக்கொண்டார்.

    டிரம்பின் இந்த பேச்சு அமெரிக்காவில் பெரும் சர்ச்சையை ஏற்படுத்தி உள்ளது. அவரது கருத்துகள் ஹிலாரிக்கு எதிராக வன்முறையை தூண்டும் வகையில் இருப்பதாக ஜனநாயக கட்சியினர் மட்டுமின்றி, டிரம்பின் குடியரசு கட்சியினரும் கண்டனம் தெரிவித்து உள்ளனர். எனினும் தனது கருத்தை நியாயப்படுத்தி உள்ள டிரம்ப், தங்கள் வாக்குகளின் மூலம் மட்டுமே ஹிலாரியை ஜனாதிபதியாகாமல் தடுக்குமாறு தனது ஆதரவாளர்களை கேட்டுக்கொண்டதாக கூறியுள்ளார்.


loading...

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  
Like It?
Share It!







Follow Penmai on Twitter