அப்பளக் கூட்டு
அப்பளக் கூட்டு
தேவையானவை :
- பயத்தம்பருப்பு – 1/4 கப்
- அப்பளம் – 5
- உப்பு – தேவையான அளவு
- அரைக்க :
- உளுத்தம்பருப்பு – 1 டீஸ்பூன்
- கடலைப்பருப்பு – 2 டீஸ்பூன்
- வர மிளகாய் – 2
- தேங்காய் துருவல் – 2 டீஸ்பூன்
- கடுகு, உளுத்தம்பருப்பு, பெருங்காயம், சீரகம் – தாளிக்க
செய்முறை :
- பயத்தம்பருப்பை, நல்ல குழைய வேக வைக்கவும் .
- சிலர், கடலைபருப்பை உபயோகித்தும், இந்தக் கூட்டு செய்வார்கள். அது வித்தியாசமான வாசனையுடன் இருக்கும். அது பிடிப்பவர்கள், அதை உபயோகித்தும் செய்யலாம் .
- அப்பளத்தை, எண்ணையில் பொரித்தும் போடலாம், அல்லது, அப்படியே பச்சையாகவும் போடலாம், எந்த taste உங்களுக்குப் பிடிக்கிறதோ, அதைப் பின்பற்றலாம் .
- இப்போது, அரைக்கக் கொடுத்துள்ள வற்றை, வெற்று வாணலியில், சிவக்க வறுத்து, மிக்சியில் நன்கு அரைத்துக் கொள்ளவும். தேங்காய் துருவலை வறுக்க வேண்டாம், அப்படியே போட்டு இதனுடன் அரைத்துக் கொள்ளவும்.
- இப்போது, பயத்தம்பருப்புடன், அப்பளம், அரைத்த பேஸ்ட், உப்பு (இதைக் கொஞ்சம் குறைவாகவே போடவும், அப்பளத்தில் ஏற்கனவே உப்பு இருக்கும்), இவற்றைச் சேர்த்து, மேலும் ஒரு 1/2 டம்ளர் தண்ணீர் விட்டு, நன்குக் கலக்கி, ஒரு 5 நிமிடம் கொதிக்க விடவும் .
- தாளித்துக் கொட்டி, கருவேப்பிலை, கொத்தமல்லியை, கத்தரிக்கோலால், பொடியாக வெட்டித் தூவவும்.
Related Articles...