Capsicum in Peanut Gravy
தேவையானவை :
- குடைமிளகாய் – 2 (பெரியது )
- பச்சைமிளகாய் – 2
- வேர்கடலை – 4 டீஸ்பூன்
- பெரிய வெங்காயம் – 1
- தக்காளி (பெரியது ) – 1
- கரம்மசாலா தூள் – ½ டீஸ்பூன்
- உப்பு – தேவையான அளவு
- எண்ணை – 4 டீஸ்பூன்
செய்முறை :
- குடைமிளகாயை மெல்லியதாக அரிந்து வைத்துக் கொள்ளவும்.அதை மட்டும் சிறிது நீர் விட்டு வேக வைத்துக் கொள்ளவும்
- வேர்கடலையை, ஒரு வெற்று வாணலியில் வறுத்து, அதை மட்டும் மிக்சியில் முதலில் அரைத்துக்கொள்ளவும்.
- பின்னர், அதன் மீது, பச்சைமிளகாய், வெங்காயம், தக்காளி இவற்றைச் சேர்த்து அரைத்துக்கொள்ளவும்.
- ஒரு வாணலியில், எண்ணையை விட்டு, அடுப்பை சிம்மில் வைத்து, அதில் கரம்மசாலா தூளைப் போட்டு, உடனே, இந்த அரைத்து வைத்துள்ள பேஸ்ட்டைப் போட்டு, தேவையானால், மேலும் சிறிது எண்ணை விட்டு, பச்சை வாசனை போகும் வரை வதக்கிக் கொள்ளவும்.
- இப்போது, வேக வைத்த குடமிளகாயை அந்தத் தண்ணீருடனேயே, வாணலியில் சேர்த்து, உப்பையும் சேர்க்கவும்.தேவையானால் மேலும் சிறிது தண்ணீர் சேர்த்துக் கொள்ளவும்.
- மேலும் ஒரு 2 நிமிடம் வதக்கி, எல்லாம் ஒன்று போல சேர்ந்த பிறகு, இறக்கி வைத்துப் பரிமாறவும்.
- இது சப்பாத்திக்கு ஏற்ற சிறந்த சைடு டிஷ். நான் தோசைக்கும் கூட இதை சைடு டிஷ்ஷாக செய்வேன்.
- மேலே உள்ள போட்டோ, நான் இன்று செய்த இந்த டிஷ்.
Related Articles...