இயற்கையைத் தேடும் கண்கள்

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
36,581
Likes
73,714
Location
Chennai
#1
நடனமாடும் பெருங்கொக்கு!






னக்கும் என் ஒளிப்படக் கலைக்கும் மிகவும் நெருக்கமான ராஜஸ்தான் மாநிலம் பரத்பூரில் உள்ள கேலாதேவ் தேசியப் பூங்காவில் இந்தப் பறவையை 2006-ல் முதன்முதலாகப் பார்த்தேன். ஒளிப்படக் கலைஞர்கள் அதிகம் விரும்பும் பறவைகளில் புகழ்பெற்றது சாரஸ் கிரேன்.

ஆங்கிலத்தில் ‘சாரஸ் கிரேன்’ என்று அழைக்கப்படும் இந்தப் பறவை தமிழில் ‘சரச பெருங்கொக்கு’ எனப்படுகிறது. வடக்கு, மத்திய இந்தியாவில் தென்படும் இந்தப் பறவைதான், பறக்கக்கூடிய பறவைகளில் மிகவும் உயரமானது. உலகின் உயரமான பறவையான நெருப்புக்கோழியால் பறக்க முடியாது.
சாரஸ் கிரேன் பறவைகளில் ஆண், பெண் இரண்டுமே ஒரே மாதிரியாக இருக்கும். ஆண் பறவை சற்று பெரிதாகத் தெரியும். பரத்பூர் பறவை சரணாலயம், புல்வெளிகள், கோதுமை வயல்கள் போன்றவற்றிலும் இவற்றைப் பார்க்க முடியும்.
ஜூலை – அக்டோபர் மாதங்களுக்கு இடைப்பட்ட காலத்தில், மழைக்குப் பிறகு இணை சேரும் இந்தப் பறவைகள், ஆகஸ்ட் – செப்டம்பர் மாதங்களுக்கு இடைப்பட்ட காலத்தில் முட்டையிடும். குளம், குட்டை போன்ற நீர்நிலைகளுக்கு அருகேதான் இவை முட்டையிடும். நான்கைந்து முட்டைகளை இட்டாலும், இரண்டு அல்லது மூன்று மட்டுமே குஞ்சு பொரிக்கும். முட்டைகளைப் பேணிக் காப்பதில், ஆண் பெண் இரண்டுமே பங்களிக்கும். இணையைக் கவர்வதற்காக இவை கொடுக்கும் அழைப்புகளும் நடனமும் உலகப் புகழ்பெற்றவை.
இந்தப் பறவைகளிடையே தென்படும் ஒரு சிறப்புக் குணம் ஆண், பெண் பறவைகள் ஒருமுறை இணைந்துவிட்டால், வாழ்நாள் முழுவதும் ஒரே இணையோடுதான் வாழும். அதனால், புதிதாகத் திருமணமான ஜோடிகள் இந்தப் பறவைகளைப் பார்த்தால் நல்லது நடக்கும் என்கிற நம்பிக்கை வட இந்தியாவில் உண்டு. இணை சேரும் காலம் தவிர்த்து இந்தப் பறவைகள் 10 அல்லது 15 கொண்ட குழுவாகத் திரியும். நாடெங்கும் நீர்நிலைகளும் நன்செய் நிலங்களும் ரியல் எஸ்டேட்டுகளாகவும் கட்டிடங்களாகவும் மாறி வரும் நிலையில், இந்தப் பறவைகளின் எண்ணிக்கை குறைந்துகொண்டே வருகிறது! ‘இயற்கைப் பாதுகாப்புக்கான சர்வதேசச் சங்கம்’ (ஐ.யூ.சி.என்) இந்தப் பறவையை ‘அழிவுக்கு உள்ளாகக் கூடிய’ (வல்னரபிள்) பறவை இனமாக வகைப்படுத்தியுள்ளது. நடனத்துக்குப் புகழ்பெற்ற இந்தப் பெருங்கொக்கின் எதிர்காலம் மனிதர்களின் கைகளில் சிக்கித் தவிக்கிறது.
கட்டுரையாளர், காட்டுயிர் ஒளிப்படக் கலைஞர்
தொடர்புக்கு: rrathika@gmail.com
தேனி மாவட்டத்தைச் சேர்ந்த ராதிகா ராமசாமி, தற்போது சென்னையில் வசிக்கிறார். இந்தியாவின் முதல் பெண் காட்டுயிர் ஒளிப்படக் கலைஞராகப் புகழ்பெற்றவர். உலகின் பல காடுகளிலிருக்கும் உயிரினங்கள், இவரின் கேமரா கண்களில் இருந்து தப்பியதில்லை. இவர் எடுத்த பல ஒளிப்படங்கள் தேசிய, சர்வதேச காட்டுயிர், பயண இதழ்களில் வெளியாகியுள்ளன. பல்வேறு விருதுகளையும் அங்கீகாரங்களையும் பெற்றவர்.
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
36,581
Likes
73,714
Location
Chennai
#2
கோபக்காரக் கிளியே








ருமுறை ராஜஸ்தானில் உள்ள பரத்பூர் பறவைகள் சரணாலயத்தில் நீர்ப் பறவைகளைப் படமெடுத்துக்கொண்டிருந்தேன். அப்போது திடீரென்று என்னை நோக்கி ஏதோ ஓர் உயிரினம் ஓடி வந்ததை உணர முடிந்தது. சத்தம் கேட்டுத் திரும்பிபோது, அது ஓர் உடும்பு என்று தெரிந்தது. அது ஏன் இவ்வளவு அரக்கப்பரக்க ஓடுகிறது என்று கவனித்தால், இரண்டு கிளிகள் அதை விரட்டி விரட்டித் தாக்கிக்கொண்டிருந்தன. உடும்பின் வாலை, அந்தக் கிளிகள் கொத்த முயன்றுகொண்டிருந்தன. பொதுவாக, உடும்பு போன்ற பல்லி இனங்கள் சுறுசுறுப்பாக இருக்காது. கிளிகளும் அமைதியானவை. அவை அமைதியிழந்து இப்படிச் சண்டையிடுகின்றன என்றால், அவற்றின் முட்டைகளைத் திருட உடும்பு முயன்றது ஒரு காரணமாக இருக்கலாம்.

நமக்கு நன்கு பரிச்சயமான பறவைகளுள் ஒன்று பச்சைக்கிளி. ஆங்கிலத்தில் ‘ரோஸ் ரிங்டு பாராகீட்’. இந்த வகையில் ஆண் கிளிகளுக்கு மட்டுமே கழுத்தைச் சுற்றி இளஞ்சிவப்பு ஆரம் இருக்கும். அதனால்தான் ‘ரோஸ் ரிங்டு’ என்ற பெயர் ஒட்டிக்கொண்டது. சிட்டுக்குருவிகளுக்கு அடுத்தபடியாக நகரங்களில் உள்ள பூங்காக்களிலும் கிராமத்துத் தோப்புகளிலும் அதிகம் தென்படுகிற பறவை இது. எப்போதும் கூட்டமாகத் திரியும் இவை, இரவிலும் ஓய்வாக இருக்கும் நேரத்திலும்கூட ‘கீ கீ’ சத்தமிட்டுக்கொண்டே இருக்கும்.
தாம் உண்டு, தம் வேலை உண்டு என்று இருக்கிற அமைதியான பறவைகள் இவை. மரப் பொந்துகளில் முட்டையிடும் தன்மை கொண்டவை. ஆண், பெண் இரண்டு பாலினங்களுமே தங்கள் குஞ்சுகளைப் பாதுகாக்கும்.
இந்தப் பின்னணியில் கோபக்காரக் கிளிகளை நான் பார்த்தது, அதுதான் முதன்முறை. ஆச்சரியம் தாங்க முடியவில்லை. அந்த நிமிடங்கள்தாம் இங்கு இடம்பெற்றிருக்கும் ஒளிப்படங்கள். தங்கள் வாரிசுகளைப் பாதுகாக்கும் உணர்வு மனிதர்களுக்கு மட்டும்தான் உண்டா என்ன?
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
36,581
Likes
73,714
Location
Chennai
#3
கண்ணும் கண்ணும் நோக்கியா!


மி
க வேகமாக அருகிவரும் காட்டுயிர்களில் ஒன்று, வேங்கைப் புலி. அதைப் படமெடுப்பது, சஸ்பென்ஸ் நிறைந்த படம் ஒன்றைப் பார்ப்பதற்கு நிகரானது. நீங்கள் புலியைப் படமெடுக்க வேண்டுமென்றால், மான்கள், குரங்குகள் போன்றவை எழுப்பும் எச்சரிக்கை ஒலிகளைக் கேட்க வேண்டும். அதுவரை நிசப்தமாக இருக்கும் வனம், புலி நகரத் தொடங்கியதும் வேகவேகமாக உயிர்ப்பு கொள்ளும்.


இந்தியாவின் முதல் வேங்கைப் புலிகள் காப்பகமான ஜிம் கார்பெட் தேசியப் பூங்கா, என் விருப்பத்துக்குரிய ‘ஷூட்டிங் ஸ்பாட்’களில் ஒன்று. என்னைப் பொறுத்தவரை புலிகளைப் படமெடுக்க, அதுவே சிறந்த இடம். கடந்த ஆண்டு அங்கே சில நாட்கள் தங்கியிருந்தேன். முதல் மூன்று நாட்கள், ஒரு புலிகூடக் கண்ணில் தட்டுப்படவில்லை. என்றாலும், மான்கள் விடுக்கும் எச்சரிக்கை ஒலியை மட்டும் என்னால் கேட்க முடிந்தது.
நான்காவது நாள், பூங்காவிலிருந்து வெளியே வந்துகொண்டிருந்தேன். அப்போது சாலையை ஒட்டியிருந்த புதர்கள் சலசலத்தன. கண்களைப் புதர்களில் குவிமையப்படுத்தினேன். அங்கே… வேங்கைப் புலி! அப்போது எந்த எச்சரிக்கை ஒலியும் எழவில்லை. ஆச்சரியமாக இருந்தது.


சாலையைக் கடந்து போகும் ஓடையின் கரையில் புலி நடந்துகொண்டிருந்தது. ஓடையின் மறுபக்கக் கரையில், மான்கள் கூட்டமாகக் நடந்துகொண்டிருந்தன. மான்களைப் பார்த்ததும் வேங்கைப் புலி அவற்றின் மீது பாயும் என்றே நினைத்தேன். ஆனால், நடந்ததோ வேறு. புலியைப் பார்த்த அதிர்ச்சியில், மான்கள் உறைந்து நிற்க, அவற்றைக் கண்டும் காணாததுபோல சாவகாசமாக நகர்ந்தது வேங்கைப் புலி.
எந்த ஒரு கணத்திலாவது அந்த மான்களை வேங்கைப் புலி திரும்பிப் பார்க்கும் என்று நினைத்து, என் கேமராவைத் தயாராக வைத்தேன். புலியும் அப்படியே திரும்பிப் பார்த்தது. மான்களும் புலியும் கண்ணோடு கண் நோக்கிய அந்தத் தருணத்தை, என் கேமராவில் பாதுகாத்தேன். கண் இமைக்கும் நொடியில் நடந்து முடிந்தது அந்த அற்புதம். இரையும் இரைகொல்லியும் இப்படி ஒரே காட்சியில் அகப்படுவது காட்டுயிர் ஒளிப்படத் துறையில் மிகவும் அரிதாகவே நிகழும். எனக்கு அது சாதனை. அதிக அளவில் பாராட்டுகளைப் பெற்ற என் படங்களில் இதுவும் ஒன்று.
அன்று நான் கற்றுக்கொண்ட பாடம்… தனக்கு உணவு தேவைப்படாதபோது, ஒரு சிற்றுயிரைக்கூட இரைகொல்லிகள் தீண்டுவதில்லை என்பதுதான். ஆனால் மனிதர்கள்?
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
36,581
Likes
73,714
Location
Chennai
#4
எங்க ஏரியா… உள்ளே வராதே..!



ங்கிலத்தில் ‘ஓரியண்டல் டார்ட்டர்’ என்று அழைக்கப்படும் இந்தப் பறவையின் தமிழ்ப் பெயர், ‘பாம்புத்தாரா’. வளைந்து, நெளிந்து செல்லும் பாம்பைப் போல, இதனுடைய கழுத்து இருக்கும். நீரில் இது மீன் பிடிக்கச் செல்லும்போது, உடல் முழுவதும் நீருக்கடியில் இருக்க, கழுத்து மட்டும் நீருக்கு மேலே இருக்கும். அது நீந்திச் செல்லும்போது, நீரில் பாம்பு ஒன்று செல்வது போலவே இருக்கும். அதனால் கிராமப்புறங்களில் இதை ‘பாம்புப் பறவை’ என்றும் அழைக்கின்றனர்.

நீரிலிருந்து வெளியே வந்தவுடன், ஈரமான தன் இறகுகளை விரித்து வைத்து மரத்தில் அமர்ந்திருக்கும். அந்த நிலையில்தான் பலரும் இந்தப் பறவையை படம் எடுத்திருக்கிறார்கள். நானும் அதுபோன்ற படங்களையே எடுத்திருக்கிறேன். ஒருமுறை, ராஜஸ்தான் பரத்பூர் பறவைகள் சரணாலயத்தில் எனக்கு வேறொரு அனுபவம் கிடைத்தது.
அங்கிருந்த நீர்நிலையின் இரண்டு கரைகளிலும் தலா ஒரு பாம்புத்தாரா அமர்ந்திருந்தது. அக்கரையிலிருந்து ஒரு பறவை ஒலி எழுப்புவதும், அதற்குப் பதில் அளிக்கும் வகையில், இக்கரையிலிருந்து இன்னொரு பறவை ஒலி எழுப்புவதும் என ஏதோ பேசிக்கொண்டிருந்தன. இரண்டுமே ஆண் பறவைகள்.
இதைப் பார்த்ததும் கேமராவைத் தயாராக வைத்தேன். சட்டென்று, இரண்டு பறவைகளும் நீரில் குதித்தன. அவை மீன் எதையும் பிடிக்கவில்லை. ஆனால், இரண்டும் தங்களின் இறகுகளை ‘பட பட’வென அடித்துக்கொண்டு வலப்பக்கமாகப் போவதும், பிறகு இடப்பக்கமாகப் போவதும் என, போக்குக் காட்டியபடி இருந்தன.
சில நிமிடங்களுக்குப் பிறகு கரைக்குத் திரும்பிய அவை, மீண்டும் நீரில் குதித்து முன்புபோலவே சண்டையிட்டன. அந்தத் தருணத்தில் எடுத்ததுதான் இந்தப் படம்.
இவை இப்படிச் சண்டையிடுவதற்குக் காரணம், இடத்துக்கான போட்டிதான். அதாவது, ‘இது என் ஏரியா. நீ உள்ளே வராதே’ என்று தன் இருப்பிடத்தின் மீதான கட்டுப்பாட்டைக் காட்டவே, இந்தச் சண்டை. ஆனால் படத்தைப் பார்த்தால் இரண்டும் சண்டையிடுவதைப் போலவா தெரிகிறது? நடனத்தைப் போலிருக்கிறதில்லையா?
தூக்கிப் போட்டு விழுங்கும்

நீர்ப் பறவைகளில் மிகவும் பெரிய பறவை பாம்புத்தாரா. சுமார் 85 முதல் 100 செ.மீ. வரை உயரத்தைக் கொண்டிருக்கும். இந்தியாவில் எங்கெல்லாம் ஏரி, குளங்கள், சதுப்பு நிலங்கள், ஓடைகள் இருக்கின்றனவோ, அங்கெல்லாம் இந்தப் பறவை தென்படும்.
வட இந்தியாவில் மழைக்குப் பிறகு, ஜூன் முதல் ஆகஸ்ட் வரையிலான காலகட்டத்தில் இனப்பெருக்கம் செய்கின்றன. தென்னிந்தியாவில் குளிர்காலத்தில், அதாவது டிசம்பர் முதல் ஜனவரிவரை இனப்பெருக்கம் செய்கின்றன. மரத்தின் உச்சியில்தான் இவை கூடு அமைக்கும். விரைவில் அழிவுக்கு உள்ளாகக்கூடிய பட்டியலில் இந்தப் பறவை இடம்பெற்றுள்ளது. காரணம் நீர் நிலைகள், கொஞ்சம் கொஞ்சமாக மறைந்து வருவதுதான்.
இந்தப் பறவையின் முதன்மை உணவு மீன். அது மீனை உண்ணும் ‘ஸ்டைல்’ மிகவும் அழகானது. மேலிருந்து நீருக்குள் மூழ்கி, மீனைப் பிடித்து மேலே தூக்கி வரும். உடனடியாக மீனைச் சாப்பிட்டுவிடாது. இதனுடைய அலகு மிகவும் நீளமாக இருப்பதால், மேலே தூக்கிப்போட்டுப் பிடித்து, மீனை விழுங்கும்.
கட்டுரையாளர், காட்டுயிர் ஒளிப்படக் கலைஞர்
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
36,581
Likes
73,714
Location
Chennai
#5
‘சாம்பியன்’ சாலையின் சாம்பியன்ஸ்!
கட்டுரை, படம்: ராதிகா ராமசாமி



Peacocks in fight
மயில்..!
எல்லா தலைமுறையைச் சேர்ந்தவர்களும் பார்த்த கவர்ச்சிகரமான ஒரு பறவை எது என்று என்றால், அது நிச்சயமாக மயிலாகத்தான் இருக்கும். மயிலை வாகனமாகவும், அதன் இறகை மகுடத்தில் சூடிக்கொள்ளும் ஆபரணமாகவும் கொண்ட கடவுளர்கள்கூட, மயிலுக்குக் கடன்பட்டிருக்கிறார்கள்.

இந்தியக் கிராமங்களில் சாதாரணமாகத் தென்படும் இந்தப் பறவைகளை, நான் ஒளிப்படம் எடுக்க ஆரம்பித்த பின்பு, ஆப்பிரிக்காவில் உள்ள கானா தேசியப் பூங்காவில் பார்த்தேன். ஒற்றை மயில் அல்ல… ஒரு மயில் கூட்டத்தையே. அவ்வளவு அதிக எண்ணிக்கையிலான மயில்களை, ஒரே இடத்தில் அங்குதான் முதன்முதலில் பார்த்தேன்.
கண்ணின் தெளிவு

2006-ல் டெல்லி ஜவாஹர்லால் நேரு பல்கலைக்கழகத்தில், பறவைகள் தொடர்பான நாட்காட்டியை உருவாக்கும் பணிக்காகப் படமெடுக்கச் சென்றிருந்தேன். அங்கு ‘சரஸ்வதி பூங்கா’ எனும் இடத்தில் காலை 7 மணிக்கு சுமார் 10 - 15 மயில்கள் வரும். அவற்றுக்கு அரிசி, சோளம், கம்பு ஆகியவற்றை வழங்குவதற்குப் பல்கலைக்கழகத்துக்கு அருகிலிருக்கும் கிராமங்களிலிருந்து பெண்கள் சிலர் வருவார்கள். இப்படி மயில்களுக்கு உணவிட்டால், நல்லதைக் கொண்டுவரும் என்ற நம்பிக்கை அவர்களிடையே நிலவுகிறது.
தமிழகத்தில் இந்தப் பறவை, உழவர்களின் எதிரியாகப் பார்க்கப்படுகிறது. அதனால் இவற்றைக் கொல்லவும் செய்கிறார்கள். ஆனால் வடஇந்தியாவில், இந்தப் பறவைகளைக் கொல்வதில்லை. அதற்கு மதரீதியான காரணங்கள் இருக்கின்றன. எனவே, வயல்களுக்கு வரும் மயில்களைத் துரத்துவதற்கென்றே ஆட்களை வேலைக்கு அமர்த்தியிருப்பார்கள்.
மயிலைப் பார்த்தவர்கள் உண்டு. எத்தனை பேர் அது நடனமாடுவதைப் பார்த்திருப்பார்கள்? ‘மழை வருவதால் மயில் ஆடுகிறது’ என்று சொல்லப்படுவதைக் கேட்டிருக்கிறேன். ஆனால் இது முழு உண்மையல்ல. இணை சேரும் காலத்தில், பெண் மயிலை ஈர்ப்பதற்காக ஆண் மயில், தோகையை விரித்து ஆடும். அப்போது அதன் தோகையில் உள்ள கண்களில் (நீலமும் பச்சையும் சேர்ந்த புள்ளிகள்) பச்சை நிறம் எவ்வளவு தெளிவாக உள்ளது, எவ்வளவு அடர்த்தியாக உள்ளது என்பதைப் பொறுத்தே, ஆண் மயிலைப் பெண் மயில்கள் தேர்வு செய்யும்.
ஆக்ரோஷம்

பெண் மயிலைக் கவர்வதற்காக ஆண் மயில்கள் ஆடும் நடனத்தில் உள்ள ஆக்ரோஷம், தங்கள் இடத்தை வரையறுப்பதிலும் இருக்கும். அப்படி, ‘இது என்னுடைய இடம். நீ இங்கே வரக் கூடாது’ என்று சொல்லும்விதமாக, இரண்டு ஆண் மயில்கள் சண்டையிடும் இந்தப் படத்தை, ஜிம் கார்பெட்டில் உள்ள ‘சாம்பியன் சாலை’ எனும் பகுதியில் எடுத்தேன்.
இதில் என்ன சிறப்பு என்றால், நான் சென்றுகொண்டிருந்த வாகனத்துக்கு முன்னால்தான் இந்த இரண்டு பறவைகளும் சண்டையிட்டுக்கொண்டிருந்தன. பொதுவாக வண்டி வந்தால், எந்த உயிரினமும் பதறியடித்துச் சென்றுவிடும். ஆனால், வண்டி வருவதைக்கூட சட்டை செய்யாமல், தங்களின் சண்டையில் இந்த இரண்டு பறவைகளும் மும்முரமாக இருந்தன. அதுவும், குத்துச்சண்டை மேடைக்குள் இரண்டு வீரர்கள், சுத்திச் சுத்தி வந்து சண்டையிடுவார்களே, அதுபோன்று சுத்திச் சுத்தி வந்து சண்டையிட்டுக்கொண்டன அவை.
‘சாம்பியன்’ சாலையில், சுமார் 20 நிமிடங்களுக்கு மேலாக நடந்த இந்தச் சண்டையில், இறுதியில் ‘சாம்பியன்’ ஆனது எந்த மயில் என்பதுதான் தெரியவில்லை!
கட்டுரையாளர், காட்டுயிர் ஒளிப்படக் கலைஞர்
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
36,581
Likes
73,714
Location
Chennai
#8
இந்த மீன் யாருக்கு?


நீர்க்காகங்கள் (Cormorant), இந்தியாவில் தென்படும் உள்நாட்டுப் பறவை வகைகளில் ஒன்று. கறுப்பாக வாத்து அளவுள்ள பறவை. நாடெங்கும் உள்ள நீர்நிலைகளில் இவற்றைப் பார்க்கலாம். சென்னை பள்ளிக்கரணை, வேடந்தாங்கல், ராஜஸ்தான் பரத்பூர் சரணாலயங்களில் சாதாரணமாகப் பார்க்க முடியும்.
வடஇந்தியாவில் மழைக்குப் பிறகு ஆகஸ்ட்-செப்டம்பர் மாதங்களில் இவை இனப்பெருக்கம் செய்யும். தென்னிந்தியாவில் குளிர்காலத்தில் இனப்பெருக்கம் செய்கிறது. மரத்தில் குழுவாகக் கூடும் கட்டும்.

தனியாக மட்டுமில்லாமல் குழுவாகவும் நீரில் மூழ்கியும் மீன் வேட்டையாடும். நீர் காகங்களின் கால் தட்டையாகவும் அகலமாகவும் நீந்துவதற்கு வசதியாக அமைந்திருக்கும். இப்பறவை நீரில் மூழ்கி நீந்தும், இரை தேடும்.
இவற்றின் இறக்கைகளில் நீர் ஒட்டாத தன்மை கிடையாது. அதனால் கரையில் உட்கார்ந்து இறக்கையை காய வைத்துக்கொண்டிருப்பதை சாதாரணமாகப் பார்க்கலாம்.

மீன் பிடி போட்டி

பல நீர்ப்பறவைகளின் அடிப்படை உணவு மீன். நீரிலேயே இருந்தாலும் நீர்ப்பறவையாக இருந்தாலும் மீன் பிடிப்பது கஷ்டம். அதற்குக் காரணம் மீன் பிடிப்பதில் உள்ள போட்டிதான்.
நீருக்கு அடியில் மீன் பிடிப்பதில் மிகப் பெரிய போட்டி இருக்கும் என்று சொல்ல முடியாது. ஆனால், நீர்ப்பறவைகள் மீனைப் பிடித்து மேலே வந்த பிறகு போட்டி அதிகரித்துவிடும்.
டெல்லி ஓக்லா பறவை சரணாலயத்தில் மீன் யாருக்கு என்பதில் பாம்புத்தாரா, நீர்க்காகம் இடையே சண்டை நடைபெற்றதை பார்த்திருக்கிறேன். நீர்காகத்தைவிட பெரிய பறவைகளான கடல் காகங்கள் இரையை தட்டிச் செல்வதில் திறமை பெற்றவை.
ஒரு முறை இது போன்ற போட்டியில் நீர்க்காகம், அதன் தலைக்கு மேல் பறந்துகொண்டிருந்த கடல்காகம் என இரண்டுக்குமே மீன் கிடைக்காமல் போனதைத்தான் படத்தில் பார்க்கிறீர்கள். இப்படிப்பட்ட போட்டியில் நீர்க்காகங்கள் சில நேரம் தாங்கள் பிடித்த மீன்களை தக்கவைத்துக்கொள்ளும். சில நேரம் இரை தவறியும் போகலாம். இதுபோன்ற காட்சிகள் பலவற்றை நான் நேரில் பார்த்திருக்கிறேன், படமும் எடுத்திருக்கிறேன்.
கட்டுரையாளர், காட்டுயிர் ஒளிப்படக் கலைஞர்
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
36,581
Likes
73,714
Location
Chennai
#9
திடீர் தூக்கம்
கு
ழந்தைகளுக்கும் பெரியவர்களுக்கும் பிடித்த உயிரினம் யானை. எனக்கும் பறவைகள், புலிகளுக்கு அடுத்தபடியாக அதிகம் பிடித்த உயிரினம் யானைதான். எத்தனை முறை படமெடுத்தாலும் அலுக்காத உயிரினம் யானை. ‘ஆசிய யானை’ இந்தியாவின் பெருமைகளில் ஒன்று

இந்தியாவில் யானைகளைப் பார்க்க சிறந்த இடம் உத்தரகண்டில் உள்ள ஜிம் கார்பெட் தேசியப் பூங்காதான். இந்தக் காட்டில் உள்ள புல்வெளிகளுக்கு கோடை காலத்தில் நூற்றுக்கணக்கான யானைகள் வரும். யானைகளைப் பார்ப்பதற்காகவே ஒவ்வொரு கோடைக் காலத்திலும் கார்பெட் தேசியப் பூங்காவுக்குப் போவது வழக்கம்.
மோப்பம், தொடு உணர்வு அதிகம் கொண்டது யானை. தாய் யானை, குழந்தையின் உடலை அடிக்கடி தொட்டுக்கொண்டே இருக்கும். உணர்ச்சிப்பூர்வமானது, நினைவுத்திறன் அதிகம் கொண்டது.
குட்டியுடன் இருக்கும்போது தாய் யானை குட்டியைப் பாதுகாப்பதில் கூடுதல் கவனத்துடன் இருக்கும். அதேபோல, மதம் பிடித்த காலத்தில் ஆண் யானைசீற்றத்துடன் இருக்கும். மற்றபடி யானைகள் மிகவும் நட்பான உயிரினம்தான்.
கடந்த ஆண்டு கோடைக் காலத்தில் ஜிம் கார்பெட் சரணாலயத்துக்குப் போயிருந்தோம். அப்போது அம்மா, குட்டி கொண்ட மந்தை ஒன்று வந்தது. பக்கத்தில் வரட்டும், படமெடுக்கலாம் என்று காத்திருந்தோம். திடீரென குட்டி யானை கீழே படுத்துக்கொண்டது. அதற்கு ஏதும் அடிபட்டுவிட்டதோ என்று எங்களுக்குச் சந்தேகம். ஆனால், அந்தக் குட்டி தூங்கியிருந்தது.
தூக்கத்தில் உள்ள மனிதக் குழந்தைகயை மெதுவாக எழுப்புவதுபோல, அம்மாவும் மற்ற யானைகளும் அந்தக் குட்டியை மெதுவாக எழுப்பி கூட்டிப் போயின. மனிதக் குழந்தைகளைப் போலவே குட்டி யானைகளும் எதைப் பற்றியும் கவலைப்படாமல் எந்த இடமென்றாலும் தூங்கிவிடும் பண்பைக் கொண்டவை என்பதை அன்றுதான் தெரிந்துகொண்டோம்.
 

Important Announcements!

Type in Tamil

Click here to go to Google transliteration page. Type there in Tamil and copy and paste it.