பெண்கள் 360:

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
37,375
Likes
74,520
Location
Chennai
#1
விருதுப் பட்டியலில் தலித் பெண் எழுத்தாளர்


விருதுப் பட்டியலில் தலித் பெண் எழுத்தாளர்
அமெரிக்கவாழ் இந்திய எழுத்தாளரான மிமி மண்டல் இந்த ஆண்டின் ஹியூகோ விருதுக்காகப் பரிந்துரைக்கப்பட்டுள்ளார். இது அறிவியல் புனைவுகளுக்காக வழங்கப்படும் இலக்கிய விருது. தன்னை தலித் எனப் பெருமிதத்தோடு அடையாளப்படுத்திக்கொள்ளும் மிமி மண்டல், கொல்கத்தாவில் பிறந்தவர். இந்தியாவிலும் ஸ்காட்லாந்திலும் படித்த அவர், தற்போது நியூயார்க்கில் வசித்துவருகிறார்.


கவிஞர், எழுத்தாளர், தொகுப்பாளர் எனப் பன்முகம் கொண்டவர். அலெக்ஸாண்ட்டிரா பியர்ஸி என்பவருடன் இணைந்து இவர் தொகுத்த ‘லுமினெஸென்ட் த்ரெட்ஸ்’ என்னும் புத்தகத்துக்காக ஹியூகோ விருதுக்குப் பரிந்துரைக்கப்பட்டுள்ளார். இந்த ஆண்டின் லோகஸ் விருதுக்கும் அவர் பரிந்துரைக்கப்பட்டுள்ளார். புகழ்பெற்ற ஆப்பிரிக்க-அமெரிக்க அறிவியல் புனைவு எழுத்தாளரான ஆக்டேவியா இ. பட்லருக்குப் பிற எழுத்தாளர்கள் எழுதிய நாற்பது கடிதங்களை இவர் தொகுத்திருக்கிறார்.
மிருணாளினிக்கு மரியாதை
97 வயதில் இவ்வுலகை விட்டு மறைந்த மிருணாளினி சாராபாய், பரதநாட்டியத்தின் அடையாளம். பத்ம பூஷன் விருது பெற்ற அவர் ‘நாட்டியப் பேரொளி’ என்று பட்டத்துக்கு முற்றிலும் பொருத்தமானவர். நடனத்தைத் தன் வாழ்வின் சுவாசமாகக் கொண்ட அவர் , நடன வடிவமைப்பிலும் முத்திரை பதித்தவர்.


நடனத்தின் மீதான தன் காதலை நடனம் ஆடுவதோடு மட்டும் சுருக்கிக்கொள்ளாமல், பிறருக்கு அதைக் கற்றுக்கொடுப்பதன் மூலம் விரிவாக்கிக்கொண்டார். 1949-ல் அவர் தோற்றுவித்த ‘தர்பனா அகாடமி ஆஃப் பெர்ஃபார்மிங் ஆர்ட்ஸ்’ எனும் பயிற்சிப் பள்ளியே அதற்குச் சான்று. கடந்த வெள்ளிக்கிழமை அவருக்கு நூறாவது பிறந்தநாள். அந்த நாளில் அவரைக் கவுரவிக்கும் விதமாக கூகுள் சிறப்பு டூடுலை வெளியிட்டது.
வெற்றியின் இரண்டு ஆண்டுகள்
நைஜீரியாப் பெண்களில் 25 சதவீதத்தினரின் பிறப்புறுப்பு சிதைக்கப்படுவதாக 2014-ல் வெளியான ஐ.நா. தரவுகள் தெரிவித்திருந்தன. மலட்டுத்தன்மை பேறுகால மரணம் பாலுறவு இன்ப வறட்சி போன்றவற்றை ஏற்படுத்தும் அந்தக் கொடிய செயலைத் தடைசெய்யக் கோரி பெண்ணிய அமைப்புகள் போராட்டங்களையும் பிரச்சாரங்களையும் நடத்திவந்தனர். அதனால் சில மாநிலங்களில் அதற்குத் தடையும் விதிக்கப்பட்டது.


ஆனால், அந்தச் செயலைத் தொழிலாகக் கொண்டவர்கள் தடைக்கு எதிராகப் போராடியதால் பெரும்பாலான மாநிலங்களில் பெண்கள் பெருந்துயருக்கு உள்ளானார்கள். இந்த நிலையில் போராட்டம் நடத்திய பெண்ணிய அமைப்பைச் சேர்ந்தவர்கள், எதிர்ப்பாளர்களின் மறுவாழ்வுக்காகவும் போராடத் தொடங்கினர்.
அதைத் தொடர்ந்து 2016 மே மாதம் நைஜீரியா முழுவதும் பெண் பிறப்புறுப்பு சிதைப்புக்குத் தடை விதிக்கப்பட்டது. பெண்ணிய அமைப்புகளின் ஒற்றுமையாலும் மனஉறுதியாலும் கிடைத்த வெற்றிக்கு இந்த மாதத்தோடு இரண்டு வயதாகிறது.
வதந்தி பறித்த உயிர்
திருவண்ணாமலை மாவட்டம், அத்திமூர் கிராமத்தில் உள்ள முத்துமாரிஅம்மன் கோயிலுக்குச் செல்ல, சென்னை பழைய பல்லாவரத்திலிருந்து ருக்மணி என்பவர் உள்ளிட்ட ஐந்து பேர் சென்றனர். அவர்கள் போளூரையடுத்த தம்புகொட்டான்பாறை கிராமத்தில் இருந்த நீலா என்ற பெண்ணிடம் வழி கேட்டுள்ளனர். அப்போது அங்கு விளையாடிக்கொண்டிருந்த நீலாவின் இரண்டு பேத்திகளுக்கு மலேசியாவிலிருந்து வாங்கி வந்த சாக்லெட்களை ருக்மணி கொடுத்துள்ளனர்.

இதைப் பார்த்த கிராம மக்கள், அவர்களைக் குழந்தைக் கடத்தல் கும்பல் என்று சந்தேகித்து, கடுமையாகத் தாக்கியுள்ளனர். காரில் இருந்த மூதாட்டியையும் அந்தக் கும்பல் விட்டுவைக்கவில்லை. இந்த மூர்க்கமான தாக்குதலால் ருக்மணி உயிரிழந்தார். வதந்தியின் அடிப்படையில் நடைபெறும் கும்பல்வாதக் கொலைகள் சமீப காலமாக தமிழகத்திலும் அதிகரித்துவருவதையே ருக்மணியின் உயிரிழப்பு உணர்த்துகிறது.
- இரா.தினேஷ்குமார்
எண்ணமும் பேச்சும்: எஸ்.வி. சேகருக்கு மட்டும் ஏன் சலுகை?
பெண் செய்தியாளர்கள் குறித்து அவதூறாகக் கருத்து தெரிவித்த நடிகர் எஸ்.வி. சேகரின் முன் ஜாமீன் மனுவைத் தள்ளுபடி செய்து சென்னை உயர் நீதிமன்றம் உத்தரவிட்டு உள்ளது. நடிகர் எஸ்.வி. சேகருக்கு எதிரான வழக்கில் பாரபட்சம் காட்டுவது ஏன் என்று கேள்வி எழுப்பிய சென்னை உயர் நீதிமன்ற நீதிபதி ராமதிலகம், சாமானிய மக்கள் மீது எந்த மாதிரியான நடவடிக்கை எடுக்கப்படுமோ, அதேபோல எஸ்.வி. சேகருக்கு எதிரான வழக்கிலும் நடவடிக்கை எடுக்கப்பட வேண்டும் என்று காவல்துறைக்கு உத்தரவிட்டுள்ளார்.
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
37,375
Likes
74,520
Location
Chennai
#2
ஈராக்கில் செங்கொடி பறக்கவிட்ட முதல் பெண்















ஈராக்கில் செங்கொடி பறக்கவிட்ட முதல் பெண்
ஈராக்கின் அதிபர் பதவியிலிருந்து அகற்றப்பட்ட சதாம் உசேன் தூக்கிலிடப்பட்டு 12 ஆண்டுகள் ஆகின்றன. இந்தச் சூழ்நிலையில் கடந்த வாரம் நடந்து முடிந்த பாராளுமன்றத் தேர்தல் முக்கியத்துவம் வாய்ந்ததாகக் கருதப்படுகிறது. அந்தத் தேர்தலில், ஈராக்கின் புனித நகரான நஜாபில் கம்யூனிஸ்ட் கட்சி சார்பில் போட்டியிட்ட சுகாப் அல் கதீப் எனும் பெண் வெற்றிபெற்றுள்ளார்.

அத்துடன், 2008-ல் முன்னாள் அமெரக்க அதிபர் ஜார்ஜ் புஷ்ஷுக்கு எதிராகக் காலணி வீசிய பெண் பத்திரிகையாளர் மும்தாஸ அல் செய்தி என்பவரும் இந்தத் தேர்தலில் வெற்றிபெற்றுள்ளார். இஸ்லாமிய நாட்டில், அதுவும் அமெரிக்காவின் கைப்பாவையாகச் செயல்படும் நாட்டில், கம்யூனிஸ்ட் கட்சியின் பெண் வேட்பாளர் வெற்றிபெற்றிருப்பது ஆட்சியாளர்கள் மீதான மக்களின் வெறுப்பையும் எதிர்காலத்தின் மீதான அவர்களின் நம்பிக்கையையும் உணர்த்துகிறது.
ரயில்களில் பெண்களுக்கான அபாய பொத்தான்
ரயிலில் தனியாகப் பயணிக்கும் பெண்களுக்கு எதிரான வன்முறைகளும் பாலியல் தொந்தரவுகளும் அதிகரித்துவருகின்றன. அதைக் கருத்தில்கொண்டு, பெண்களின் பாதுகாப்பை மேம்படுத்துவதற்காகப் பல முன்னெச்சரிக்கை நடவடிக்கைகளை வடகிழக்கு ரயில்வே முன்னெடுத்துவருகிறது. அதன் ஒரு பகுதியாக இரவு ரயில்களில் பெண் பாதுகாவலர்களை அனுப்பவும் பெண்களுக்கு ஏதேனும் ஆபத்து நேர்ந்தால் அதைத் தெரிவிப்பதற்கு ஆபத்தை உணர்த்தும் பொத்தான்களை ரயில் பெட்டிகளில் நிறுவவும் திட்டமிட்டுள்ளது. இந்தப் பொத்தான், பெண்களால் எளிதில் இயக்கப்படும்வகையில் இருக்கைகளுக்கு அருகில் பொருத்தப்படும். இதை அழுத்தினால் அந்த ரயிலில் பாதுகாவலர்கள் அமர்ந்திருக்கும் பெட்டியில் ஒலியெழுப்பும். இனி, பெண்கள் பாதுகாப்புக்காக அவசர எண்ணையோ அபாயச் சங்கிலியையோ மட்டும் நம்பியிருக்கத் தேவையில்லை.
கருக் கலைப்பால் பெண் மரணம்
சேலம் அருகில் இருக்கும் பள்ளப்பட்டியைச் சேர்ந்தவர் 23 வயதான லட்சுமி. நான்கு மாத கர்ப்பிணியான அவர், சேலம் அருகே வாழப்பாடியில் உள்ள தனியார் மருத்துவமனை ஒன்றில் பாலினம் கண்டறியும் சோதனைக்குச் சென்றுள்ளார். பரிசோதனைக்குப் பிறகு, லட்சுமியின் வயிற்றில் வளர்வது பெண் குழந்தை என்று மருத்துவர் தெரிவித்துள்ளார். பெண் சிசு என்று தெரிந்ததும் தன் வயிற்றில் வளரும் கருவை லட்சுமி கலைக்கச் சொல்லியிருக்கிறார். அதன்பின் மருத்துவமனையில் சேர்க்கப்பட்ட அவருக்கு மருத்துவர் உதவியோடு கரு கலைக்கப்பட்டது.
அப்போது நேர்ந்த அசாம்பாவிதத்தால் ரத்தக்கசிவு ஏற்பட்டு மயக்கமடைந்த லட்சுமி, இறந்துவிட்டார். அந்த மருத்துவமனையில் தொடர்ந்து பல ஆண்டுகளாக இதுபோன்ற கருக்கலைப்பு சம்பவங்கள் நடந்துவருவது பின்னர் தெரியவந்தது. வயிற்றில் வளரும் குழந்தை ஆணா பெண்ணா என்பதைக் கண்டறிவது சட்டப்படி தவறு. அதை மீறுபவர்களுக்குக் கடுமையான தண்டனையும் அரசால் வழங்கப்படுகிறது. ஆனால், பெண் கருக்கள் கலைக்கப்படுவதும் அதைச் சுமக்கும் தாய்மார்களின் உயிரிழப்பும் தொடர்கின்றன.
போலந்து ஓவியருக்கு மரியாதை
புகழ்பெற்றவர்களின் உருவப் படங்களை ரசனையோடு வரைந்து 1920-களில் உலகையே தன் பக்கம் திருப்பிய பெண் ஓவியர் தமரா டி லேம்பிக்கா. அவர் வரைந்த நிர்வாணச் சித்திரங்கள் புரட்சிகரமானவை. 1896 மே 16 அன்று போலந்தில் தமரா பிறந்தார். அவருடைய தந்தை ரஷ்யாவைச் சேர்ந்த யூத வழக்கறிஞர். முதல் உருவப் படத்தை தமரா வரைந்தபோது, அவருக்கு 10 வயது. ஓவியத்தின் மீதான தமராவின் காதல், இத்தாலியில் அவருடைய பாட்டியுடன் வசித்தபோது செழித்து வளர்ந்தது. அவருடைய பெற்றோரின் மணவாழ்வு முறிந்த பின், 1915-ல் தன் அத்தையைப் பார்க்க செயின்ட் பீட்டர்ஸ்பர்க் சென்றுள்ளார்.
அங்கு ததேஸ் லாம்மிப் என்பவர் மேல் காதல்கொண்டவர், அதே ஆண்டில் அவரைத் திருமணமும் செய்துள்ளார். 1917-ல் நடந்த ரஷ்யப் புரட்சி தமராவையும் அவருடைய கணவரையும் அகதிகளாக்கியது. அதன் பிறகு ஓவியத்தை முழுநேரத் தொழிலாகக்கொண்டு காலத்தால் மறையாத அற்புதமான ஓவியங்களை தமரா தீட்டினார். 1930-களில் அவரது படைப்புத் திறன் உச்சத்தில் ஜொலித்தது. 1980 மார்ச் 18 அன்று 81-வது வயதில் தூக்கத்திலேயே அவரது உயிர் பிரிந்தது. கடந்த வெள்ளிக்கிழமை அவரது 120-வது பிறந்தநாள். அதைக் கவுரவிக்கும் விதமாக அவருக்கு சிறப்பு டுடூலை கூகுள் வெளியிட்டது.
எண்ணமும் பேச்சும்: நாங்கள் சபிக்கப்பட்டவர்கள்
இந்தத் தலைமுறை நடிகைகள் சபிக்கப்பட்டவர்கள். ஹாலிவுட்டில் 40 வயதைத் தாண்டிய நடிகைகள்தாம் அழுத்தமான கதாபாத்திரங்களில் நடிக்கின்றனர். ஆனால், தமிழ் சினிமாவில் நிலைமை தலைகீழாக உள்ளது. குஷ்பு, ரேவதி, நதியா போன்றோர் நாயகிகளாக இருந்தபோது பெண் கதாபாத்திரங்கள் வலுவாக இருந்தன. ஆனால், தற்போது நாயகிகள் நடனத்துக்கு மட்டுமே அதிகமாகப் பயன்படுத்தப்படுகிறார்கள். முன்னணி நட்சத்திர நடிகைகள் கமர்ஷியல் படங்களுக்கே முக்கியத்துவம் கொடுக்கின்றனர். இயக்குநர்கள், நடிகைகளுக்கும் அழுத்தமான கதாபாத்திரங்களை உருவாக்க வேண்டும். ‘அறம்’, ‘அருவி’ போன்ற படங்களைப் போல நாயகிகளுக்கு முக்கியத்துவம் அளிக்கும் கதாபாத்திரங்கள் அதிகம் உருவாக்கப்பட வேண்டும்.
- ஐஸ்வர்யா ராஜேஷ், நடிகை.
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
37,375
Likes
74,520
Location
Chennai
#3
பெண்ணுரிமைக்குச் சிறை


பெண்ணுரிமைக்குச் சிறை
கடந்த மே 15 முதல் சவுதி அரேபியாவில் ஏழு பெண்ணுரிமை செயற்பாட்டாளர்கள் கைது செய்யப்பட்டிருப்பதாக வளைகுடா மனித உரிமை வாரியம் தெரிவித்துள்ளது. சவுதியில் பெண்களுக்கு வாகனம் ஓட்டும் உரிமைக்காகவும் ஒரு குடும்பத்தின் பாதுகாவலராக ஆண்கள் மட்டுமே இருக்கும் முறையை ஒழிப்பதற்காகவும் போராடியவர்கள் அந்த ஏழு பெண்கள். இவர்களில் லுஜெய்ன் அல் ஹத்லொல் இரண்டாவது முறையாகக் கைது செய்யப்பட்டிருக்கிறார். ஐக்கிய அரபு நாடுகளிலிருந்து வாகனம் ஓட்டி நுழைய முயன்றதற்காக முதன்முறை அவர் கைது செய்யப்பட்டிருந்தார். அப்போது அவர் 75 நாட்கள் சிறையில் அடைக்கப்பட்டிருந்தார். ஈமான் அல்-நஃப்ஜன் எனும் பிரபல சவுதி வலைப்பூ எழுத்தாளரும் கைது செய்யப்பட்டிப்பவர்களில் அடக்கம்.




சிகரம் தொட்ட சிறுமி
ஷிவாங்கி பதக் (16) ஹரியாணாவின் ஹிஸர் நகரைச் சேர்ந்தவர். உலகின் மிக உயரமான சிகரமான எவரெஸ்ட்டின் உச்சத்தை கடந்த வாரம் தொட்டு இவர் சாதனை படைத்திருக்கிறார். மே 7 அன்று மலையேறத் தொடங்கிய ஷிவாங்கி மூன்றே நாட்களில் எவரெஸ்ட்டின் அடிவார முகாமை அடைந்தார்.

பின்பு அங்கிருந்து, கடல் மட்டத்திலிருந்து 9 கி.மீ. உயரத்தில் இருக்கும் சிகரத்தை ஆறு நாட்களில் அடைந்துள்ளார். மலையேறத் தொடங்கும் முன் காஷ்மீரில் நான்கு மாதம் மேற்கொண்ட கடுமையான பயிற்சி இதற்கு உதவியுள்ளது. எவரெஸ்ட்டைத் தொட்டதும் தன்னையறியாமல் தேசிய கீதத்தைப் பாடியதாகக் கூறுகிறார்.
யூரிக்கு வயது 97

மே 19, 1921 -ல் கலிபோர்னியாவில் பிறந்த யூரி கொச்சியாமா ஒரு ஜப்பானியர். டிசம்பர் 7, 1941 -ல் பேர்ல் ஹார்பர் மீது வீசப்பட்ட குண்டு அவரது வாழ்வைப் புரட்டிப்போட்டது. நோயாளியான அவருடைய தந்தை அன்று கைது செய்யப்பட்டார். ஓராண்டு சிறைவாசத்துக்கு பின் விடுதலையானவர், அதற்கு அடுத்த நாளே மரணத்தைத் தழுவினார். அந்த நேரம் அமெரிக்காவில் இருந்த 1,20,000 ஜப்பானியர்களை அகதி முகாமில் அடைக்க அதிபர் ரூஸ்வெல்ட் உத்தரவிட்டார்.
யூரியின் குடும்பம் வீட்டிலிருந்து வெளியேற்றப்பட்டு குதிரை தொழுவத்தில் அடைக்கப்பட்டது. சிறு வயதில் அவருக்கு ஏற்பட்ட இந்த அனுபவமும் வலியும் அவரை மனித உரிமைப் போராளியாக்கியது. 1963- ல் அவர் அமெரிக்காவின் புகழ்பெற்ற போராளியான மல்கம் எக்ஸைச் சந்தித்துள்ளார். இன்று நடக்கும் பல போராட்டங்களுக்கும் அதை முன்னெடுத்துச் செல்லும் போராளிகளுக்கும் யூரிதான் முன்னோடி. அவரது பிறந்தநாளை முன்னிட்டு கூகுள் சிறப்பு டூடுலை வெளியிட்டுள்ளது.
பழங்குடிப் பெண்களின் ருத்ர தாண்டவம்
கோவையை அடுத்த பொள்ளாச்சி பகுதியில் உள்ள மணக்கடவு என்னும் இடத்தில் 5 ஆயிரத்துக்கும் மேற்பட்ட மலைவாழ் மக்கள் வசித்துவருகின்றனர். இந்த இடத்தில் இவர்களுக்காக மயான பூமியும் உள்ளது. மலைவாழ் மக்களின் மயானத்தை சிலர் ஆக்கிரமித்துள்ளனர். அதை மீட்பதற்கு அவர்கள் பல்வேறு வழிகளில் போராடினர். ஆனால், அது எதிர்பார்த்த வெற்றியைப் பெற்றுத்தரவில்லை. இந்நிலையில் கடந்த திங்களன்று பொங்கியெழுந்த மலைவாழ் பெண்கள் கோவை மாவட்ட ஆட்சியர் அலுவலகத்தில் இசை வாத்தியங்களுடன் தங்களின் பாரம்பரிய நடனத்தை ஆடியபடி நூதன முறையில் மனு அளித்தனர்.


எண்ணமும் சொல்லும்: உதவுவது நம் கடமை
வங்கதேசத்தில் உள்ள ரோஹிங்கியா அகதிகளின் குழந்தைகளைக் காப்பாற்ற வேண்டிய கடமை உலகுக்கு உண்டு. இப்போது அவர்கள் தங்கியிருக்கும் குடியிருப்பின் நிலை மிகவும் மோசமாக உள்ளது. அவர்களின் அடுத்த வேளை உணவும் இருப்பிடமும் கேள்விக்குறியாக உள்ளன. இங்கிருக்கும் குழந்தைகள் எந்த எதிர்காலமும் இல்லாமல் வாழ்ந்துகொண்டிருக்கிறார்கள். குழந்தைகளின் சிரிப்பை மீறி அவர்கள் கண்ணில் தெரியும் வெறுமையை என்னால் உணர முடிகிறது. அவர்களுக்கு நம் உதவி தேவைப்படுகிறது.


- பிரியங்கா சோப்ரா, நடிகை, யுனிசெஃப் தூதர்
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
37,375
Likes
74,520
Location
Chennai
#4
கௌரவத்தின் விலை உயிரா?


கௌரவத்தின் விலை உயிரா?
நீனு, கொல்லம் தென்மலையைச் சேர்ந்தவர். கெவின் பி ஜோசப், கோட்டயத்தைச் சேர்ந்தவர். கோட்டயத்தில் தங்கி கல்லூரியில் படித்தபோது இருவருக்கும் காதல் மலர்ந்தது. படிப்பை முடித்தபின் வேலைக்காக துபாய் சென்றுள்ளார் ஜோசப். நீனு, தென்மலையில் ஒரு தனியார் பள்ளியில் ஆசிரியராகப் பணியாற்றினார். சமீபத்தில் சொந்த ஊருக்குத் திரும்பிய ஜோசப், நீனுவைத் திருமணம் செய்துகொள்ள நீனுவின் பெற்றோரிடம் அனுமதி கேட்டுள்ளார்.


சாதியும் பொருளாதார ஏற்றத் தாழ்வும் இவர்களது திருமணத்துக்கு முட்டுக்கட்டை போட்டன. இதையடுத்து வீட்டை விட்டு வெளியேறி பதிவுத் திருமணம் செய்துகொண்டனர். வசதி படைத்த நீனுவினுடைய பெற்றோர் காவல்நிலையத்தில் புகார் அளித்தனர். காவலர்கள், நீனுவை அவருடைய பெற்றோருடன் வலுக்கட்டாயமாக அனுப்பி வைத்தனர்.
நீனுவின் அண்ணன் உள்பட 12 பேர் ஜோசப்பைத் தாக்கி, கடத்திச்சென்றனர். நீனு தன் அண்ணன் சானுசாக்கோவின் மீது காவல்துறையில் புகார் அளித்தார். இந்நிலையில் தென்மலை அருகே சாலியக்கரா பகுதியில் உள்ள ஒரு குட்டையில் இரு கண்களும் தோண்டப்பட்ட நிலையில் ஜோசப் பிணமாகக் கண்டெடுக்கப்பட்டார். காவல்துறையின் முதல்கட்ட விசாரணையில் கலப்புத் திருமணம் செய்ததால், ஜோசப் கவுரவ கொலை செய்யப்பட்டது தெரியவந்தது. காதல் திருமணம் செய்த 48 மணிநேரத்தில் நீனு தன்னுடைய கணவரை இழந்துள்ளார்.


ஒன்றுபட்டால் உண்டு வெற்றி
உத்தரப் பிரதேசத்தில் கைரானா தொகுதியில் பாஜக எம்.பி. ஹுக்கும் சிங் காலமானதால் இடைத்தேர்தல் நடைபெற்றது. ஹுக்கும் சிங்கின் மகள் மிரிகங்கா சிங், பாஜக சார்பில் போட்டியிட்டார். அவரை எதிர்த்து ராஷ்டிரிய லோக்தள் சார்பில் தபசம் ஹசன் போட்டியிட்டார். 47 வயது நிரம்பிய அவர் மற்ற எதிர்க்கட்சிகளின் ஆதரவோடு போட்டியிட்டு வெற்றி பெற்றுள்ளார். நடப்பு நாடாளுமன்றத்தில், உத்தர பிரதேசத்தில் இருந்து தேர்வு செய்யப்பட்ட முதல் இஸ்லாமிய பெண் எம்.பி அவர்தான். 2009-ல் நடந்த நாடாளுமன்ற தேர்தலில் தபசம் முதன்முறையாக வெற்றி பெற்றார்.
அதன் பின் நடந்த குடும்ப சண்டை, அரசியல் சூழ்ச்சி போன்றவை 2014 தேர்தலில் அவருக்குப் பின்னடவை ஏற்படுத்தின. ஆனால், இந்த முறை சாமர்த்தியமாகக் குடும்பத்தையும் எதிர்க்கட்சிகளையும் ஒன்று திரட்டி வாகை சூடியுள்ளார். வெற்றிக்குப் பின் செய்தியாளர்களிடம் பேசிய தபசம், ‘‘எதிர்கட்சிகள் ஒன்றிணைந்தால் பாஜகவுக்குத் தோல்விதான் என்பதை எனது வெற்றி நிரூபித்துவிட்டது. வாக்குப்பதிவு இயந்திரங்களில் தில்லுமுல்லு செய்தனர். இருப்பினும் மக்கள் தீர்ப்பு அவர்களை வீழ்த்தியுள்ளது. 2019 மக்களவை தேர்தலிலும் இதே முறையில் பாஜகவைத் தோற்கடிப்போம். மோடியை வீட்டுக்கு அனுப்புவோம்’’ என்றார்.


டென்மார்க்கிலும் தடை
‘இருவர் சந்தித்துக்கொள்ளும்போது ஒருவர் தன் முகத்தை மறைத்துக்கொள்வது எதிரில் உள்ளவரை அவமதிக்கும் செயல். முகத்தைத் திரையிட்டு மறைக்கும் பர்தாவை அணிவதற்கு விரைவில் தடை விதிக்கப்படும்’ என்று டென்மார்க் நீதித்துறை அமைச்சர் சோரப் பாப் பால்சன் கூறினார். அதன் தொடர்ச்சியாக, டென்மார்க் அரசு இஸ்லாமியப் பெண்கள் பர்தா அணிவது குறித்து கடந்த வாரம் வாக்கெடுப்பு நடத்தியது.
அந்த வாக்கெடுப்பில் 75 பேர் பெண்கள் பர்தா அணிய தடைவிதிக்க வேண்டும் என வாக்களித்தனர். வெறும் 30 பேர் மட்டுமே தடை விதிக்க வேண்டாம் என்று வாக்களித்தனர். இதனால், டென்மார்க்கில் இஸ்லாமியப் பெண்கள் பொது இடங்களில் பர்தா அணிவதற்குத் தடை விதிக்கப்பட்டுள்ளது. வரும் ஆகஸ்ட் 1 முதல் அந்தத் தடை அமலுக்கு வருகிறது. தடையை மீறுவோருக்கு அபராதமும் தண்டனையும் விதிக்கப்படும் என்றும் அறிவிக்கப்பட்டுள்ளது.

வறுமையை எழுத்தால் வென்றவர்
அல்ஃபோன்ஸினா ஸ்ட்ரோனி, லத்தீன் அமெரிக்காவின் நவீன கவிஞர், பெண்ணியவாதி. 27 வயதுக்குள்ளாக ஆறு சிறுகதைகளையும் இரண்டு நாவல்களையும் பல கட்டுரை தொகுப்புகளையும் எழுதியவர். 16 வயதிலேயே பெண்ணுரிமைக்காகப் போராடத் தொடங்கிவிட்டார். 1892 மே 29-ல் சுவிட்சர்லாந்தில் இருக்கும் சலா கேப்ரியஸ்காவில் பிறந்தார். இத்தாலியரான அவருடைய தந்தை அர்ஜெண்டினாவின் சான் ஜூவான் நகரில் மதுபானங்கள் தயாரித்து விற்பனை செய்துவந்தார். சிறு வயதில் ஸ்ட்ரோனி பல்வேறு வேலைகளைப் பார்த்துள்ளார்.
1907-ல் ஒரு நாடக கம்பெனியில் சேர்ந்து நாடு முழுவதும் சுற்றிவந்துள்ளார். இளம் பருவத்தில் அவரை வறுமை வாட்டியெடுத்தது. அதையும் மீறி அவர் தன் சிறந்த படைப்புகளைக் கொடுத்திருக்கிறார். 1920-ல் அவர் எழுதிய லாங்குயிடிஷ் எனும் புத்தகம், அவருக்கு அர்ஜெண்டினாவின் தேசிய இலக்கிய விருதைப் பெற்று தந்தது. 1938 அக்டோபர் 25 அன்று அதிகாலை ஒரு மணிக்கு நீந்துவதற்காகக் கடலுக்குள் சென்றவர் உடலாகத் திரும்பி வந்தார். அவரது 126-வது பிறந்தநாளைக் கவுரவிக்கும் விதமாக சிறப்பு டூடுலை கடந்த செவ்வாய் அன்று கூகுள் நிறுவனம் வெளியிட்டது.
எண்ணமும் சொல்லும்: ஆட்சியர் எங்கே?
தூத்துக்குடியில் உள்ள எம்.பி, எம்.எல்.ஏக்கள் எல்லாம் எங்கே போனார்கள்? எங்களை ஏன் அவர்கள் வந்து பார்க்கவில்லை? எங்களைப் பார்த்து அமைச்சர் ஏன் பயந்து ஓடுகிறார்? ஆட்சியர் எங்கே போனார்? மக்களைப் பாதுகாப்பதைவிட, மக்களைக் கொல்பவர்களைக் காப்பதுதான் அரசின் வேலையா? எங்களுக்கு ரூ.10 லட்சம் கொடுப்பதாகச் சொல்கிறார்கள். நாங்கள் 11 லட்சம் தருகிறோம். அவர்கள் குடும்பத்தில் யாரேனும் சாகத் தயாரா?
- ஸ்டெர்லைட் போராட்டக் களத்தைச் சேர்ந்த பெண்ணின் வீடியோ பதிவிலிருந்து.

 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
37,375
Likes
74,520
Location
Chennai
#5
நீட் பறித்த உயிர்கள்


நீட் பறித்த உயிர்கள்
பிரதீபா, செஞ்சியை அடுத்த பெரவளூர் கிராமத்தைச் சேர்ந்தவர். கடந்த ஆண்டு நீட் தேர்வில் 155 மதிப்பெண் பெற்றிருந்தார். தனியார் கல்லூரியில் சேர்க்கும் அளவுக்கு, கூலித் தொழிலாளியான அவர் தந்தையிடம் வசதி இல்லை. அரசு மருத்துவக் கல்லூரியில் சேர்வதற்காக இந்த ஆண்டும் நீட் தேர்வு எழுதியுள்ளார். நீட் தேர்வு முடிவு திங்கள் அன்று வெளியானது. தேர்வு எழுதிய 1,14,602 தமிழக மாணவர்களில் 45,336 மாணவர்களே தேர்ச்சி பெற்றுள்ளனர்.


தேர்ச்சி பெறாதவர்களில் பிரதீபாவும் ஒருவர். 39 மதிப்பெண்கள் மட்டுமே பெற்ற விரக்தியில் பிரதீபா தன் வாழ்வை முடித்துக்கொண்டார். பட்டியலினச் சமூகத்தைச் சேர்ந்த பிரதீபா, பத்தாம் வகுப்புப் பொதுத்தேர்வில் 500-க்கு 490 மதிப்பெண் பெற்றிருந்தார். பிளஸ் டூ தேர்வில் 1125 மதிப்பெண் எடுத்திருந்தார். பிரதீபாவின் தற்கொலையின் வேதனை மறையும் முன்னே, திருச்சியைச் சேர்ந்த 17 வயது சுபஸ்ரீயும் தற்கொலை செய்துகொண்டது கூடுதல் சோகத்தை ஏற்படுத்தியுள்ளது. அனிதாவின் தற்கொலையைத் தொடரும் இந்த இரண்டு மரணங்கள் நீட்டின் மீதான நம்பிக்கையையும் ஏழைக் குழந்தைகளின் மருத்துவக் கனவையும் சிதைத்துள்ளன.


மாதவிடாய் வறுமை
சானிட்டரி நாப்கின்கள், சுகாதாரமான கழிவறை, சுத்தமான தண்ணீர் போன்றவை பெண்களுக்கு மாதவிடாய் நாட்களில் தேவைப்படுபவை. வறுமை காரணமாக அவை பெண்களுக்குக் கிடைக்கவில்லை என்றால், அது ‘ப்ரியட் பாவெர்ட்டி’ என்றழைக்கப்படுகிறது. தெற்காசியாவில் மூன்றில் ஒரு பங்குக்கும் மேலான மாணவிகள் இதன் காரணமாகப் பள்ளிக்குச் செல்வதில்லை என யுனிசெஃப் வெளியிட்டிருக்கும் ஆய்வறிக்கை தெரிவிக்கிறது. இந்தியாவில் இதன் காரணமாக 60 சதவீத மாணவிகள் பள்ளிக்குச் செல்வதில்லை எனப் புள்ளிவிவரங்கள் தெரிவிக்கின்றன.
மேலும், தங்களுக்கு பருவம் அடையும் வரை, 71 சதவீத இந்திய மாணவிகளுக்கு மாதவிடாய் குறித்து எதுவுமே தெரியவில்லை என அதன் தரவுகள் தெரிவிக்கின்றன. கற்பது பெண்களின் அடிப்படை உரிமை. ‘ப்ரியட் பாவெர்ட்டி’ அந்த உரிமையை நீர்த்துப் போகச் செய்கிறது. சுத்தமான தண்ணீரும் சுகாதாரமான கழிவறையும் அனைத்துப் பள்ளிகளுக்கும் கிடைப்பதை அரசாங்கம் உறுதிசெய்ய வேண்டும். மூடநம்பிக்கைகளை மூட்டை கட்டி வைத்து மாதவிடாய் குறித்து குழந்தைகளிடம் பெற்றோர்களும் பேச முன் வருவோம் ‘பிரீயட் பாவெர்ட்டி’யை ஒழிப்போம்.


கல்வியைக் காவு வாங்கும் வன்முறை
ஆப்கானிஸ்தானில் வறுமை, பாதுகாப்பு அச்சுறுத்தல், பெண்களுக்கு எதிரான பாகுபாடு, உள்நாட்டுப் போர் ஆகியவை காரணமாகப் பள்ளிக்குச் செல்லும் குழந்தைகளின் எண்ணிக்கை பாதியாகக் குறைந்துவிட்டதாக ஐ.நா. அறிக்கை கூறுகிறது. பள்ளிக்குச் சென்ற 30 லட்சம் பெண் குழந்தைகளில் தற்போது 60 சதவீதத்துக்கும் மேலானோர் கல்வி கற்கவில்லை. குறிப்பாக, பெண் குழந்தைகள் கல்வி கற்பதற்கு தாலிபான் தடை விதித்திருப்பதால், 7 முதல் 17 வயது வரையிலான பெண் குழந்தைகள் கல்வி கற்க முடியாமல் பாதிக்கப்பட்டிருக்கிறார்கள்.
குறிப்பாக, கந்தகார், ஹெல்மன்ட், வார்டாக், பாக்டிகா, ஜாபுல், ஓருஸ்கான் ஆகிய பகுதியில் 85 சதவீதப் பெண் குழந்தைகள் பள்ளிக்குச் செல்வதில்லை. இடப்பெயர்வு மற்றும் குழந்தைத் திருமணம் ஆகியவை இதற்கு முக்கியக் காரணங்கள் என்று தெரிவிக்கப்பட்டுள்ளது. கல்வி கற்காத பெண் குழந்தைகளின் விகிதம் ஆப்கானிஸ்தானைக் காட்டிலும், அந்நாட்டுக்கு அருகில் உள்ள பாகிஸ்தானிலும் நேபாளத்திலும் குறைவு என்பது குறிப்பிடத்தக்கது. குழந்தைகள் பள்ளிக்குச் செல்லவில்லை என்றால் தேவை இல்லாத தீய செயல்களில் அவர்கள் ஈடுபட நேரிடும் என்று ஐ.நா. எச்சரித்துள்ளது.


என் குழந்தை நலம்தானா?
டாக்டர் வர்ஜீனியா அப்கார், மயக்கவியல் மருத்துவத்தில் பட்டம் பெற்ற முதல் பெண்மணி. 1909-ல் அமெரிக்காவில் உள்ள நியூ ஜெர்சியில் அவர் பிறந்தார். 1933-ல் கொலம்பியா பல்கலைக்கழகத்தில் மருத்துவப் பட்டம் பெற்றார். 1949-ல் வர்ஜீனியா அறுவைசிகிச்சை மருத்துவக் கல்லூரியின் முதல் மயக்கவியல் பெண் பேராசிரியரானார். பிறந்த குழந்தையின் ஆரோக்கியத்தை மதிப்பிடுவதற்காக 1952-ல் ‘அப்கார் ஸ்கோ’ரை உருவாக்கினார்.


குழந்தைகளின் ஆரோக்கியம் இன்றும் இந்த மதிப்பீட்டின் படிதான் அளவிடப்படுகிறது. 1959-ல் ஜான் ஹாப்கின்ஸ் பல்கலைக்கழகத்திலிருந்து பொதுச் சுகாதாரத்தில் அவர் பட்டம் பெற்றார். 1972-ல் ‘இஸ் மை பேபி ஆல் ரைட்?’ என்ற புத்தகத்தை ஜோன் பெக் என்ற எழுத்தாளருடன் இணைந்து எழுதியுள்ளார். 1972-ல் ஆகஸ்ட் 7 அன்று 65-ம் வயதில் அவர் மரணம் அடைந்தார். அப்காரின் 109-வது பிறந்த நாளைக் கொண்டாடும் விதமான டூடுலைக் கடந்த வியாழனன்று கூகுள் வெளியிட்டது.

எண்ணமும் சொல்லும்: பேனாவை மிரட்டும் புள்ளிகள்
நான் தொடர்ந்து அச்சுறுத்தல்களை எதிர்கொள்கிறேன். சக்தி வாய்ந்த சிலர் என்னை அச்சுறுத்துகின்றனர். எனது குடும்பம் தொடர்ந்து கண்காணிக்கப்படுகிறது. மூத்த பத்திரிகையாளரான என்னைத் தடுத்து நிறுத்தவும், எனது செய்தியின் திட்டங்களைத் தடுக்கவும் சிலர் முயல்கிறார்கள். என்னையும் எனது திட்டங்களையும் தடுத்து நிறுத்துவது குறித்து ஆலோசிக்கிறார்கள். எனது செல்போன், வருமானவரி வழக்குகள், என் மீதான குற்றம் ஆகியவற்றை அவர்கள் கண்காணித்து வருவதாகத் தகவல் கிடைத்துள்ளது. இது குறித்து தகவல் மற்றும் ஒளிபரப்புத் துறை அமைச்சர் ராஜ்யவர்தன் ரத்தோரிடம் புகார் அளித்துள்ளேன். சுதந்திர நாட்டில் இருக்கும் எனக்குப் பாதுகாப்பு மற்றும் உரிமை கிடைக்கவில்லை என்று நினைக்கிறேன். நான் செய்தி நிறுவனத்தில் வேலைபார்ப்பதைத் தடுப்பதற்கு அரசு துணை நின்றாலோ எனது வீடு மற்றும் தொலைபேசி கண்காணிக்கப்பட்டாலோ, அது சட்டவிரோதமானது. மேலும் மனித உரிமை மீறலாகும்.
- மூத்த பத்திரிகையாளரும் பத்திரிக்கை ஆசிரியருமான பர்கா தத்தின் டிவிட்டர் பதிவிலிருந்து
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
37,375
Likes
74,520
Location
Chennai
#6
வாக்குரிமைப் போராளி


வாக்குரிமைப் போராளி



மில்லிசெண்ட் ஃபாசெட், 19-ம் நூற்றாண்டில் பெண்ணியத்தின் அடையாளமாகத் திகழ்ந்தவர். அறிஞர், அரசியல் தலைவர், சமூக ஆர்வலர், எழுத்தாளர் எனப் பன்முகம் கொண்டவர். பெண் வாக்குரிமைக்கான போராட்டத்தை முன்னின்று நடத்தினார். அதுவே இன்றும் அவரது முக்கிய அடையாளம். 1847 ஜூன் 11 அன்று இங்கிலாந்தில் உள்ள ஆல்ட்பிர்க்கில் பிறந்தார். வாழ்நாளின் பெரும்பகுதியைப் பெண்ணுரிமைப் போராட்டத்துக்காகவே செலவிட்டார்.
அவருடைய அக்கா எலிசபெத், இங்கிலாந்தின் முதல் பெண் மருத்துவர். 1867-ல் ஹென்றி எனும் பெண்ணுரிமைப் போராளியை மில்லிசெண்ட் மணந்தார். மில்லிசெண்ட் முன்னெடுத்த போராட்டங்கள் பலவும் வெற்றி பெறவில்லை. ஆனாலும், களைப்பில்லாமல் களப்பணியாற்றினார். பெண்கள் பொதுவாழ்வில் நுழையாதவரைக்கும் சமூகத்தில் நிலவும் ஒழுக்கக் கேடுகள் ஒழியாது என்று அவர் நம்பினார். அந்த நம்பிக்கைக்காகவே 82 ஆண்டுகள் வாழ்ந்தார். அவரது 171-வது பிறந்தநாளை முன்னிட்டு டூடுல் வெளியிட்டுக் கவுரவித்தது கூகுள்.
சுகமான சுமை
அறிவு சார்ந்த வேலைகளில் பெண்கள், ஆண்களை மிஞ்சிவிட்டனர். ஆனால், உடலுழைப்பு சார்ந்த வேலைகளில் இன்றும் ஆண்களே கோலோச்சுகின்றனர். உடல் அளவில் பெண்கள் பலவீனமானவர்கள் என்ற மூடநம்பிக்கையே இதற்குக் காரணம். ஆனால், அந்த எண்ணத்தை ஜெய்ப்பூரைச் சேர்ந்த மஞ்சு தேவி முறியடித்துள்ளார். மஞ்சு தேவிக்கு மூன்று குழந்தைகள். கணவரை இழந்து 10 ஆண்டுகள் ஆகின்றன. கணவரது மறைவுக்குப் பின் குடும்பச் சுமை முழுவதும் மஞ்சு மீது விழுந்தது. கணவர் செய்த கூலி வேலையை எடுத்துச் செய்யத் தீர்மானித்தார்.
தற்போது ஜெய்ப்பூர் ரயில் நிலையத்தில் சுமைத்தூக்கும் கூலித் தொழிலாளியாக இருக்கும் மஞ்சு தேவி, இந்திய ரயில் நிலையப் பணிகளில் ஈடுபட்ட முதல் பெண் சுமைத்தூக்கும் கூலித் தொழிலாளி. ஆண்கள் மட்டுமே வேலை செய்யும் இடத்தில், தன் குழந்தைகளின் வாழ்வுக்காக ஆண்களுக்கு நிகராகச் சுமைகளைச் சுமக்கிறார் மஞ்சு தேவி. அவர் அணிந்திருக்கும் சீருடை அவரே வடிவமைத்தது. அவரது போர்ட்டர் அடையாள உரிமம் எண் 15. அவர் கணவரது அடையாள எண்ணும் அதுவே.


மறைந்து பார்க்கும் தகாத கண்கள்
தென்கொரியத் தலைநகர் சியோலில் மாபெரும் கண்டனப் போராட்டம் இந்த வாரம் நடந்தது. அதை நடத்தியவர்களும் பங்கேற்றவர்களும் பெண்களே. சுமார் 22,000 பெண்கள் கூடி நடத்திய அந்தப் போராட்டம், தகாத முறையில் உளவு பார்க்கும் வகையில் திருட்டு கேமராக்களை நிறுவும் வக்கிர மனம் படைத்தவர்களுக்கு எதிரானது. பெண்களின் தனிப்பட்ட வாழ்வை வேவு பார்க்கும் ஸ்பை கேமராக்கள், பெண்களின் சுயமரியாதைக்கு எதிரானவை.

பொதுக் கழிவறை, உடை மாற்றும் அறைகள், படிகள், இருக்கைகள், சில ஆண்களின் காலணிகள் என தென்கொரியா முழுவதும் பூற்றீசல் போன்று அந்த வகை கேமராக்கள் பரவியுள்ளன. இது தொடர்பாக ஒரு நாளுக்குச் சுமார் 18 வழக்குகள் பதிவுசெய்யப்படுகின்றன. இருந்தாலும், குற்றங்கள் குறைந்தபாடில்லை. ‘என் வாழ்க்கை உனக்கான பாலியல் படமல்ல’ எனும் பொருள்படும் பதாகைகளைச் ஏந்திக்கொண்டும் முழக்கங்கள் எழுப்பியபடியும் கொரியப் பெண்கள் ஊர்வலமாகச் சென்றனர்.
தலைமைப் பொறுப்பில் சென்னைப் பெண்
அமெரிக்காவின் முன்னணி நிறுவனமான ஜெனரல் மோட்டார்ஸ் நிறுவனத்தின் தலைமைச் செயல் அதிகாரியாகத் தமிழகத்தைச் சேர்ந்த திவ்யா சூர்யதேவாரா பதவியேற்க உள்ளார். 39 வயது நிரம்பிய திவ்யா, சென்னைப் பல்கலைக்கழகத்தில் படித்தார். 22 வயதில் அமெரிக்காவில் எம்.பி.ஏ படித்து. 25 வயதில் ஜெனரல் மோட்டார்ஸ் நிறுவனத்தில் வேலைக்குச் சேர்ந்தார். 2017 முதல் இந்த நிறுவனத்தின் கார்ப்பரேட் நிதிப் பிரிவின் துணைத் தலைவராகச் செயல்பட்டு வருகிறார். 13 ஆண்டுகளாக இந்த நிறுவனத்தில் பல்வேறு பொறுப்புகளை வகித்த அவர், தற்போது தலைமைப் பொறுப்பை ஏற்கிறார். தனது பணிக்காலத்தின்போது குறிப்பிடத்தக்க சாதனைகளை நிகழ்த்தியவர் என்றும் இந்தப் பதவிக்கு அவர் தகுதியானவர் என்றும் ஜெனரல் மோட்டார்ஸ் நிறுவனம் திவ்யா குறித்து தெரிவித்துள்ளது.

எண்ணமும் சொல்லும்: என் உடை என் உரிமை
ஈரானில் நடைபெறும் ஆசிய செஸ் சாம்பியன்ஷிப் போட்டிகளின்போது அவர்களது தேசிய அணியின் உடையையும் விளையாட்டு உடையையும் நான் அணிய வேண்டும் எனப் போட்டி ஏற்பாட்டாளர்கள் எதிர்பார்ப்பதை நான் புரிந்துகொள்கிறேன். ஆனால், விளையாட்டுகளில் மதக் குறியீடு கொண்ட உடைகளை அணிய நிர்பந்திப்பதை என்னால் ஏற்றுக்கொள்ள முடியாது.
அவர்கள் நாட்டில் இருக்கும் சட்டதிட்ட நிபந்தனை என் அடிப்படை உரிமை, பேச்சு சுதந்திரம், மதச் சுதந்திரம் ஆகியவற்றுக்கு எதிராக இருக்கிறது. தற்போதைய சூழ்நிலையில் என் உரிமைகளைக் காப்பாற்றுவதற்கான ஒரே வழி ஈரான் செல்லாமல் இருப்பதுதான்.
- சௌமியா சுவாமிநாதன், இந்திய செஸ் வீராங்கனை.
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
37,375
Likes
74,520
Location
Chennai
#7
கல்விக்கு வயது தடையல்ல











கல்விக்கு வயது தடையல்ல

கே

ரளத்தில் உள்ள ஆலப்புழையைச் சேர்ந்த கார்த்தியாயினி அம்மாளுக்கு 96 வயது. கேரள அரசின் கல்வியறிவுத் திட்டத்தின் கீழ் தற்போது அவர் நான்காம் வகுப்பு படித்துவருகிறார். அந்தத் திட்டத்தின் கீழ் கல்வி பயிலப் பலரும் தயங்கினர். ஆனால், கார்த்தியாயினி அம்மாள் கற்பதற்கு முதல் ஆளாக வந்தார். இப்போது கணக்கிலும் மலையாள எழுத்துகளிலும் அவர் நன்றாகத் தேர்ச்சிபெற்றுள்ளார். வயது வேகமாக அவரை விழுங்குகிறது. அவரோ பத்தாம் வகுப்பு முடிப்பது குறித்து நம்பிக்கையுடன் கனவு காண்கிறார். கலையாத கனவுதானே நம் வாழ்வு!
நதியைக் காக்கப் போராடும் பெண்கள்


த்துக்கோட்டைக்கும் அதன் சுற்றுவட்டாரக் கிராமங்களுக்கும் குடிநீர் ஆதாரமாக ஆரணி ஆறு உள்ளது. இந்த ஆற்றை நம்பியே அங்கு விவசாயம் நடக்கிறது. சமீபத்தில் தமிழக அரசு இங்கு மணல் குவாரியைத் தொடங்கியுள்ளது. ஆற்றை விழுங்கும் மணல் குவாரியை மூட வலியுறுத்தி ஊத்துக்கோட்டையில் பெண்கள் மறியலில் ஈடுபட்டனர். மறியலில் ஈடுபட்ட 55-க்கும் மேற்பட்ட பெண்களைக் காவல்துறையினர் கைதுசெய்தனர்.
மனிதாபிமானமற்ற ட்ராம்ப்


மெரிக்க அதிபர் டொனால்ட் ட்ரம்ப் மீண்டும் ‘டைம்’ இதழின் அட்டையில் இடம்பிடித்துள்ளார். மெக்சிகோவிலிருந்து அமெரிக்காவுக்குச் சட்டவிரோதமாக வந்த அகதிகளின் குழந்தைகளை மட்டும் தனிக் காப்பகத்தில் அடைக்கும் உத்தரவால் அவருக்கு இந்த ‘பெருமை’ கிடைத்துள்ளது. சிவப்பு நிறத்தில் இருக்கும் அந்த அட்டையில் அழுதுகொண்டிருக்கும் இரண்டு வயது குழந்தையை ட்ரம்ப் உற்றுப் பார்த்துக்கொண்டிருக்கிறார். அவர்கள் அருகில் ‘வெல்கம் டூ அமெரிக்கா’ என்ற வாசகம் எழுதப்பட்டிருக்கிறது. உலகம் முழுவதும் எழுந்த கடும் எதிர்ப்பால் அந்த உத்தரவு இப்போது திரும்ப பெறப்பட்டுவிட்டது. இருந்தாலும் தாயிடமிருந்து பிரிக்கப்பட்ட அந்தக் குழந்தையின் கண்ணீர், ட்ரம்பின் மனிதாபிமானமற்ற குணத்துக்குச் சான்றாக நிலைத்துவிட்டது.
வலியைக் களைந்தவர்


வீன நல்வாழ்வு இயக்கத்தின் முன்னோடி ‘டேம் சிசிலி சாண்டர்ஸ்’. மருத்துவர், எழுத்தாளர், சமூக சேவகர் எனப் பல பாத்திரங்களைத் தன் வாழ்வில் ஏற்று அவர் வாழ்ந்துள்ளார். உயிருக்குப் போராடிய ஒரு நோயாளியின் வேதனை, அவர் வாழ்க்கைப் பாதையை மாற்றியமைத்தது. 1967-ல் லண்டனில் செயின்ட் கிறிஸ்டோபர் நல்வாழ்வு மையத்தைத் தொடங்கினார். தாங்க முடியாத வலியையும் வேதனையையும் கடந்து வரத் தேவையான மன தைரியத்தையும் ஊக்கத்தையும் நோயாளிகளுக்கு அளிப்பதே அந்த மையத்தின் பணி. சிசிலியின் நூறாவது பிறந்த நாளை முன்னிட்டு சிறப்பு டூடுலை கூகுள் வெளியிட்டது.
தொகுப்பு:

முகமது ஹூசைன்

எண்ணமும் சொல்லும்

எப்படி வாழ்வோம்?


ங்கள் குடும்பத்தில் மூன்று பெண்களுக்கு இன்னும் திருமணம் ஆகவில்லை. 2011-ல் சேலம்-சென்னை நான்கு வழிச்சாலையால் வீடுகளையும் பெரும்பாலான நிலத்தையும் இழந்தோம். எஞ்சிய 12 ஏக்கர் நிலத்தில் கிழங்கு, நெல், சோளம் என சாகுபடி செய்து பிழைப்பை ஓட்டுகிறோம். இப்போது இந்த எட்டு வழிச்சாலையால் ஐந்து ஏக்கர் நிலம் பறிபோகிறது. தொடர்ந்து எங்கள் நிலத்தைப் பறித்தால் பிழைப்புக்கு நாங்கள் என்ன செய்வோம்? பெண் குழந்தைகளுக்கு எப்படித் திருமணம் செய்து வைப்போம்? உயிரற்ற தார்ச்சாலைக்கு இருக்கும் மதிப்பு உயிர் நிறைந்த விவசாய நிலத்துக்கு இல்லாமல் போய்விட்டதே.
- கவிதா, ராமலிங்கபுரம், சேலம்.
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
37,375
Likes
74,520
Location
Chennai
#8
கடவுள் தந்த பரிசு
ஸ்
னோலின் என்றால் ‘கடவுள் தந்த பரிசு’ என்று பொருள். ஸ்னோலின் என்பதைவிட ‘வாயில் சுடப்பட்டு இறந்த மாணவி’ என்றால்தான் பலருக்கும் தெரியும். 18 வயதே நிரம்பிய மாணவி, தூத்துக்குடி ஸ்டெர்லைட் ஆலை எதிர்ப்புப் போராட்டத்தின்போது நடந்த துப்பாக்கிச் சூட்டில் கொல்லப்பட்டார். அவர் எழுதிய கவிதைகள், ‘ஸ்னோலின் நாட்குறிப்புகள்’ என்ற பெயரில் புத்தகமாக வெளியிடப்பட்டுள்ளன. ஸ்னோலினின் உயிர் புத்தகத்தின் ஒவ்வொரு வரியிலும் கலந்திருப்பதால் புத்தகம் உயிர்ப்புடன் வெளிவந்திருக்கிறது.



ஸ்னோலின் நாட்குறிப்புகள்
வெளியீடு: பாரதி புத்தகாலயம்
7, இளங்கோ சாலை, தேனாம்பேட்டை, சென்னை - 600 018
தொலைபேசி: 044 - 2433 2924.

எல்லையற்ற நினைவுகள்
பெக்கி விட்சன், நாசாவின் விண்வெளி வீராங்கனை. 58 வயதாகும் இவர், அதிக நாட்கள் விண்வெளியில் பணிபுரிந்தவர் என்ற சாதனைக்குச் சொந்தக்காரர். விண்வெளியில் 665 நாட்களுக்கு அவர் பணிபுரிந்துள்ளார். பத்து முறை விண்வெளி நடைப்பயணம் (ஸ்பேஸ் வாக்) சென்றுள்ளார்.
2009 முதல் 2012 வரை விண்வெளி வீரர்களின் தலைவராக இருந்துள்ளார். விண்வெளி நிலையத்தின் தலைவராக இரண்டு முறை இருந்துள்ளார். அவரது மூன்று சர்வதேச விண்வெளிப் பயணங்களும் சாதனைப் பயணங்களே. சென்ற மாதம் ஓய்வுபெற்ற அவரது பயண நினைவுகள் இந்த உலகின் எல்லைக்கு அப்பாற்பட்டவை.


துயரத்தை மீறிய வெற்றி
இந்தியாவையே உலுக்கிய ‘மது’வின் மரணத்தை அவ்வளவு சீக்கிரம் யாரும் மறந்துவிட முடியாது. மதுவின் கொலை கொடூரமானது. உணவைத் திருடியிருப்பார் என்ற சந்தேகத்தின் அடிப்படையில் பொதுமக்களால் அவர் அடித்துக் கொல்லப்பட்டார். இந்நிலையில் கேரளக் காவல்துறையில் கடந்த திங்களன்று பழங்குடி இனத்தைச் சார்ந்த சந்திரிகா காவலராக நியமிக்கப்பட்டார். பிப்ரவரியில் நடந்த தகுதித் தேர்வில் அவர் கலந்துகொள்வதாக இல்லை. 16 வயது முதலே தச்சு வேலைக்குச் சென்று குடும்பத்தைக் காப்பாற்றிய அவருடைய சகோதரர் மது, தேர்வுக்கு முந்தைய நாள் கொலை செய்யப்பட்டிருந்தார். சுற்றத்தினரின் வற்புறுத்தலால் தாள முடியாத துயரத்துடனே தகுதித் தேர்வில் சந்திரிகா கலந்துகொண்டார். “நான் காவலராக வேண்டும் என்பது என் சகோதரரின் கனவு. இப்போது அதை நிறைவேற்றிவிட்டேன்” எனக் கண்ணீர் ததும்ப சந்திரிகா சொல்கிறார்.


விண்ணில் பறந்த முதல் பெண்
பெண்களின் மன உறுதிக்கும் சாதனைகளுக்கும் எல்லை இல்லை என்பதை நிரூபித்தவர் ஏமி ஜான்சன். விமானம் ஓட்ட வேண்டும் என்பது ஏமியின் சிறுவயது கனவு. அந்தக் கனவு காதலாக மாற, ஒரு பழைய விமானத்தை வாங்கிப் பறந்தார். 1930-ல் இங்கிலாந்தில் இருந்து ஆஸ்திரேலியாவுக்குத் தனியாகப் பறந்தது அவரது முதல் சாதனை. அதன்பின் பல நீண்டதூர சாதனைப் பயணங்களை மேற்கொண்டார். தனது கடைசிப் பயணத்தின்போது தேம்ஸ் நதியில் மூழ்கினார். ஏமியைக் கவுரவிக்கும்விதமாக, அவரது 115-வது பிறந்த நாளின் போது சிறப்பு டூடுலை கூகுள் வெளியிட்டது.
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
37,375
Likes
74,520
Location
Chennai
#9
: நம்பிக்கையே வாழ்வு


நம்பிக்கையே வாழ்வு
‘கா
புற்றுநோயில் இருந்து மீண்டவர்களின் கதைகளை என்னுடன் பகிர்ந்துகொண்டவர்களுக்கு நன்றி. வாழ்வின் ஒவ்வொரு நாளும் ஒரு போராட்டமே. நமது போராட்டத் திறனின் உச்சத்தைத் தீர்மானிப்பவை நாம் எதிர்கொள்ளும் பிரச்சினைகளே. நானும் எனது வெற்றிக்கதையை ஒரு நாள் உங்களுடன் விரைவில் பகிர்ந்துகொள்வேன்’ என்று அவர் கடந்த புதன் அன்று தெரிவித்தார். நம்பிக்கைதானே நோய்க்கு முதல் மருந்து.

தலர் தினம்’ படத்தின் நாயகி சோனாலி பிந்த்ரேயை எளிதில் மறக்க முடியாது. ‘சற்றும் எதிர்பார்க்காத தருணத்தில் வாழ்க்கை நம் மீது தாங்க முடியாத அதிர்ச்சியைத் தூக்கிப் போடுகிறது. எனக்கு முற்றிய நிலையில் புற்றுநோய் இருப்பது கண்டறியப்பட்டுள்ளது’ என்று அவர் ட்வீட் செய்திருந்தார். நாடு முழுவதுமிருந்து பிரார்த்தனைகள் குவிந்தன. ‘உங்களுடைய அன்பு எனக்கு நெகிழ்ச்சியையும் நம்பிக்கையையும் தருகிறது.

புற்றுநோயில் இருந்து மீண்டவர்களின் கதைகளை என்னுடன் பகிர்ந்துகொண்டவர்களுக்கு நன்றி. வாழ்வின் ஒவ்வொரு நாளும் ஒரு போராட்டமே. நமது போராட்டத் திறனின் உச்சத்தைத் தீர்மானிப்பவை நாம் எதிர்கொள்ளும் பிரச்சினைகளே. நானும் எனது வெற்றிக்கதையை ஒரு நாள் உங்களுடன் விரைவில் பகிர்ந்துகொள்வேன்’ என்று அவர் கடந்த புதன் அன்று தெரிவித்தார். நம்பிக்கைதானே நோய்க்கு முதல் மருந்து.
கருணையற்ற குற்றம்
செ
ன்னை முகலிவாக்கத்தில் ஏழு வயதுக் குழந்தையை வல்லுறவு செய்து கொலைசெய்த குற்றத்துக்காக 27 வயது தஷ்வந்துக்கு மரணதண்டனை விதிக்கப்பட்டிருந்தது. சென்னை உயர் நீதிமன்றம் அந்தத் தண்டனையை இந்த வாரம் உறுதி செய்தது. ‘குற்றவாளியின் மனிதத் தன்மையற்ற கொடூரச் செயலை விவரிக்க வார்த்தைகளே இல்லை. கருணைக்கும் பரிதாபத்துக்கும் எள்ளவுக்குக்கூட இவர் தகுதியற்றவர். இறந்த குழந்தையின் உடலை இவர் கையாண்ட விதம், அந்தக் குழந்தைக்கு அவர் இழைத்த கொடூரத்தைவிடக் குரூரமாக இருந்தது. மரண தண்டனைகூட இவருக்குக் குறைந்தபட்ச தண்டனைதான்’ என்று அந்தத் தீர்ப்பை அளித்த நீதியரசர் விமலா தெரிவித்துள்ளார்.


தங்கம்வென்ற தீபா
தீ
பா கர்மாகர் இந்தியாவின் முன்னணி ஜிம்னாஸ்டிக் வீராங்கனை. ரியோ ஒலிம்பிக் போட்டியில் வெண்கலப் பதக்கத்தை அவர் நூலிழையில் தவறவிட்டார். காலில் ஏற்பட்ட காயத்தால் இரண்டு ஆண்டுகளாக ஜிம்னாஸ்டிக் போட்டிகளிலிருந்து விலகியிருந்தார். நீண்ட இடைவெளிக்குப் பின் துருக்கியில் மெர்ஸின் நகரில் நடைபெற்ற ‘மெர்ஸின் உலக சேலஞ்ச் கப்’ போட்டியில் பங்கேற்றார். தகுதிச் சுற்றில் சற்றுச் சிரமத்துடன் 11.85 புள்ளிகளை மட்டுமே பெற்றார். ஆனால், அதற்குப் பிறகு அவர் வெளிப்படுத்திய ஆட்டத்தில் நளினமும் நுணுக்கமும் நிறைந்திருந்தன. இறுதியில் 14.5 புள்ளிகள் பெற்று அவர் தங்கப்பதக்கம் வென்றார். தீபாவின் அடுத்த இலக்கு ஆசிய விளையாட்டுப் போட்டியில் தங்கம் வெல்வது.


இசையின் அரசி
பா
டகரும் கிடாரிஸ்ட்டுமான மரியா இசபெல், ஈக்வெடார் நாட்டைச் சேர்ந்தவர். அவரது உணர்வுபூர்வமான பாடல்கள் அந்நாட்டு மக்களின் அன்றைய உணர்வுகளை இன்றும் உயிர்ப்புடன் வைத்துள்ளன. 1904-ல் குக்கிராமத்தில் அவர் பிறந்தார். அவருடைய மாமா அவருக்கு கிடார் வாசிக்கக் கற்றுக்கொடுத்தார். மரியாவின் திறமையால் கவரப்பட்ட ரஃபேல் அவரைத் தன் குழுவில் சேர்த்துள்ளார்.
1935 முதல் மரியா தனியாகப் பாடத் தொடங்கியுள்ளார். அவரது பாடல்கள் முழுவதிலும் மகிழ்வும் துயரமும் ஒன்றோடொன்று பின்னிப் பிணைந்திருக்கும். வானொலியில் அவர் பாடிய பாடல்கள் அன்றைய காலகட்டத்து ரசிகர்களைக் கிறங்கடித்தன. அவரது 114 வயதைக் கொண்டாடும் விதமாக கூகுள் கடந்த திங்கள் அன்று சிறப்பு டூடுலை வெளியிட்டது.


நடன ஆயுதம்
17 வயது நிரம்பிய மேதேஹ் ஹோஜப்ரி ஈரானைச் சேர்ந்தவர். அவர் ஆடியதற்காக, அதுவும் படுக்கையறையில் ஆடியதற்காக ஈரானிய அரசு அவரைக் கைது செய்தது. ஈரானிய அரசின் இந்த முறையற்ற செயல் அங்குள்ள பெண்களைக் கோபப்படுத்தியது. பொங்கியெழுந்த பெண்கள் அந்தக் கைதுக்கு எதிராகத் தாங்களும் ஆடி, அந்த வீடியோவைச் சமூக வலைத்தளங்களில் பதிவேற்றிவருகிறார்கள். DancingIsNotACrime, DanceToFreedom போன்ற ஹேஷ்டேக்குகள் அங்கு இப்போது வைரலாகிவருகின்றன. பெண்கள் நினைத்தால் நடனமும் ஆயுதமே.
 

selvipandiyan

Silver Ruler's of Penmai
Registered User
Blogger
Joined
Nov 2, 2011
Messages
37,375
Likes
74,520
Location
Chennai
#10
மல்லுக்கட்டும் பெண்கள்


மல்லுக்கட்டும் பெண்கள்
பாகிஸ்தானியர்கள் வரும் 25-ம் தேதி தங்களது அடுத்த அரசைத் தேர்ந்தெடுக்க இருக்கிறார்கள். இந்தத் தேர்தலில் எப்போதும் இல்லாத அளவு அதிக அளவிலான பெண்கள் போட்டியிடுகிறார்கள். 272 நாடாளுமன்றத் தொகுதிகளைக் கொண்ட பாகிஸ்தான் தேர்தலில், 171 பெண்கள் போட்டியிடுகிறார்கள். ஆணாதிக்கம் கொண்ட பழங்குடிப் பகுதியில் முதன்முறையாக அலி பேகம் என்ற பெண் போட்டியிடுகிறார். மேலும், இந்தத் தேர்தலில் ஐந்து திருநங்கைகள் போட்டியிடுகிறார்கள். 2013-ல் நடைபெற்ற தேர்தலில் திருநங்கைகள் போட்டியிட அனுமதிக்கப்பட்டார்கள் என்பது குறிப்பிடத்தக்கது.




என் உடலில் முடி உண்டு
பெண்களின் உடல் முடியற்று இருக்க வேண்டும்; பெண்களின் உடலில் முடி இருந்தால் அவர்கள் வெட்கப்பட வேண்டும் என்பது போன்ற கருத்துகள் பெண்களின் மீது திணிக்கப்படுகின்றன. திரைப்படங்களிலும் விளம்பரங்களிலும் முடியற்ற வழுவழுப்பான சருமத்துடனேயே பெண்கள் காட்டப்படுகிறார்கள். இந்நிலையில் அமெரிக்காவில் இருக்கும் பில்லி எனும் ரேஸர் தயாரிப்பு நிறுவனம் சமீபத்தில் வெளியிட்ட விளம்பரம் வரவேற்பைப் பெற்றுள்ளது. அதில் பெண்கள் தங்கள் உடலில் உள்ள முடியை ஷேவ் செய்வது காட்டப்படுகிறது. பெண்களின் கால், கழுத்து, வயிற்றில் உள்ள முடிகள் நெருக்கமாகக் காட்டப்பட்டுள்ளதைப் பல பெண்கள் சமூக வலைத்தளத்தில் பாராட்டியுள்ளனர். உடல் முடி குறித்து இன்னும் நேர்மறையாக நினைக்க, இந்த விளம்பரம் உதவுவதாக இதை ஆதரிக்கும் பெண்கள் கூறுகின்றனர்.


தந்தையுமானவள்
குழந்தையின் பிறப்புச் சான்றிதழில் தந்தையின் பெயர் கண்டிப்பாக இடம் பெற வேண்டும் என்பது கட்டாயம் அல்ல என்ற வரலாற்றுச் சிறப்புமிக்கத் தீர்ப்பை சென்னை உயர் நீதிமன்றம் வழங்கியிருக்கிறது. மணமுறிவுக்குப் பின், செயற்கை முறையில் கருத்தரித்து ஒரு பெண் குழந்தையை மதுமிதா ரமேஷ் பெற்றுக்கொண்டார். அந்தக் குழந்தைக்குப் பிறப்புச் சான்றிதழை அளித்த திருச்சி மாநகராட்சி, தந்தை என்ற பகுதியில் பிரசவத்தின்போது மதுமிதாவுக்கு உதவியாக இருந்த அவருடைய நண்பர் மனீஷ் மதன்பால் மீனா என்பவரின் பெயரைச் சேர்த்து விட்டது. இதை எதிர்த்து திருச்சி மாநகராட்சிக்கு எதிராக அவர் தொடுத்த வழக்கில் இந்தத் தீர்ப்பு வழங்கப்பட்டுள்ளது.


சபரிமலையில் பெண்கள்
சபரிமலைக் கோயிலுக்குள் பெண்கள் நுழைய விதிக்கப்பட்டிருந்த தடையை எதிர்த்து உச்ச நீதிமன்றத்தில் வழக்கு தொடரப்பட்டது. இந்த விவகாரம் உச்ச நீதிமன்றத் தலைமை நீதிபதி தீபக் மிஸ்ராவின் முன் விசாரணைக்கு வந்தது. பெண்கள் கோயிலுக்குள் நுழையத் தடைவிதிப்பது இந்திய அரசியலமைப்பு சட்டத்துக்கு எதிரானது என அப்போது அவர் கருத்து தெரிவித்தார். சபரிமலை ஐயப்பன் கோயிலில் வழிபடுவதற்கு ஆண்களைப் போல் பெண்களுக்கும் உரிமை உண்டு. பெண்களுக்கென்று பிரார்த்தனை செய்யத் தனியாகச் சட்டம் இயற்ற முடியாது. இறைவழிபாடு என்பது ஆண்களுக்கும் பெண்களுக்கும் பொதுவானது என்று அவர் அழுத்தமாகத் தெரிவித்துள்ளார்.
 

Important Announcements!

Type in Tamil

Click here to go to Google transliteration page. Type there in Tamil and copy and paste it.