மக்களுக்கு படிப்பினை தரும் நிகழ்வு

vijaykumar12

Ruler's of Penmai
Joined
Aug 9, 2012
Messages
17,072
Likes
3,165
Location
India
#42
நோன்பின் மாண்புகள்: இறைவனிடம் கையேந்துங்கள்

1527235939762.png

இறைவனிடம் பிரார்த்திப்பதும் ஒரு வழிபாடாகும். பிரார்த்தனை வழிபாட்டின் சாரம், பிழிவு என்றார்கள் நபிகள் நாயகம் (ஸல்). (நூல்: திர்மிதி)
“சில குறிப்பிட்ட நேரங்களில், இடங்களில் செய்யப்படும் பிரார்த்தனைகள் உடன் அங்கீகரிக்கப்படுகின்றன”, என்றார்கள் நபிகள் நாயகம் (ஸல்) அவர்கள்.

ரமலானில் நோன்பு திறக்கும் நேரம், குர்ஆன் அருளப்பட்ட இரவு (லைலத்துல் கத்ர்) ஆகிய தருணங்களில் செய்யப்படும் பிரார்த்தனைகளும் அதில் அடங்கும்.
ஏக இறைவனிடம் மட்டும் பிரார்த்தனையைப் புரியுங்கள். மனிதனின் காரியங்களை, தேவைகளை நிறைவேற்றும் அதிகாரமும், ஆற்றலும் அவன் வசமே உள்ளது. அவனே நமது பிரார்த்தனைகளை கேட்கும் ஆற்றல் படைத்தவனாக இருக்கின்றான். பதில் அளிக்கக்கூடியவனாக இருக்கின்றான்.

“மனிதன் தன்னுடைய தேவைகளை அல்லாஹ்விடமே பிரார்த்திக்க வேண்டும். காலணியின் வார் பட்டை அறுந்தாலும் அந்த இறைவனிடமே கேட்க வேண்டும்” என்றார்கள் நபிகள் நாயகம் (ஸல்) அவர்கள். (நூல்: திர்மிதி)

இறைவன் தடுத்துள்ள தீமைகள், தவறான செயல்கள், பாவச் செயல்கள் ஆகியவற்றிலிருந்து உங்களைக் காத்துக் கொண்டு பிரார்த்தனை செய்யுங்கள். இறைவனுக்குப் பிடிக்காத செயல்களை செய்துகொண்டே இறைவனிடம் பிரார்த்தித்தால் இறைவன் எப்படி ஏற்றுக் கொள்வான்?

“இறைவன் தூய்மையானவன். அவன் தூய வருவாய் ஈட்டுவோரின் பிரார்த்தனையைத் தான் அங்கீகரிக்கின்றான்” என்றார்கள் நபிகள் நாயகம் (ஸல்).
நபி (ஸல்) அவர்கள் நீண்ட தூரத்தைக் கடந்து புனிதப் பயணம் செய்யும் மனிதனைப் பற்றி இவ்வாறு வருணித்துக் கூறினார்கள்: “புழுதி படிந்த தலையுடன் அந்த மனிதன் தன் இரு கைகளையும் வானத்தின் பால் உயர்த்தி “என் இறைவனே!” என்று பிரார்த்திக்கின்றான். அவனுடைய உணவும், பானமும் ஹராமான வழியில் ஈட்டப்பட்டுள்ளன. அவனுடைய ஆடையும் அவ்வாறே! அவன் ஹராமான

(தடுக்கப்பட்ட) வழியில்தான் தன் உடலையும் வளர்த்திருக்கின்றான். இறைவரம்புகளை மீறிய இத்தகைய மனிதனுடைய துஆ (பிரார்த்தனை) எவ்வாறு ஏற்றுக் கொள்ளப்படும்?” (முஸ்லிம்)

பிரார்த்தனையை இறைவன் ஏற்றுக் கொள்வான் என்ற முழு நம்பிக்கையுடன் பிரார்த்தனை புரியுங்கள். மலை போல குவிந்திருக்கும் தன் பாவங்கள் பற்றி மலைப்பு கொள்ளாமல் இறைவனின் எல்லையற்ற மன்னிக்கும் தன்மை, கணக்கின்றி வழங்கும் கருணை, ஆற்றல், கொடை ஆகியவற்றில் நம்பிக்கை வைத்து பிரார்த்தியுங்கள்.

“தன்னுடைய பிரார்த்தனைகள் ஏற்றுக் கொள்ளப்படும் என்று முழு உறுதியுடன் உளப்பூர்வமாகப் பிரார்த்தியுங்கள். அலட்சியமாகவும், அக்கறையின்றியும், உள்ளத்திலிருந்து வெளிப்படும் பிரார்த்தனைகளை இறைவன் ஏற்றுக் கொள்வதில்லை” என்றார்கள் நபிகள் நாயகம் (ஸல்). (நூல்: திர்மிதி)
 

vijaykumar12

Ruler's of Penmai
Joined
Aug 9, 2012
Messages
17,072
Likes
3,165
Location
India
#48
தேனின் மகத்துவம் குறித்து திருமறை

1527314779242.png

இறைத்தூதர் நபி(ஸல்) அவர்கள் தம் துணைவியார் ஸைனப் பின்த் ஜஹ்ஷ்(ரலி) அவர்களிடம், அவர்களின் அறையில் தேன் சாப்பிட்டுவிட்டு, அவரிடம் அதிக நேரம் தங்கிவிடுவார்கள். இதைப் பிடிக்காத நபியவர்களுடைய மற்ற துணைவியரான ஆயிஷா(ரலி) அவர்களும், ஹஃப்ஸா(ரலி) அவர்களும் நபிகளாரின் மற்ற மனைவிகளுடன் கூடிப் பேசி ஒரு முடிவு செய்துகொண்டனர்.

தேன் சாப்பிட்ட பின், நபி(ஸல்) அவர்கள் முதலில் யாருடைய வீட்டிற்கு வந்தாலும் சரி, அவர் மீது துர்வாடை வருகிறது என்று கூற வேண்டுமென்று பேசிக் கொண்டனர்.

வழக்கம் போல் ஸைனபின் வீட்டிலிருந்து தேன் சாப்பிட்டுவிட்டு, நபி(ஸல்) அவர்கள் ஆயிஷா(ரலி) அவர்களிடம் வந்தபோது அவர்கள் பேசி வைத்திருந்தபடி, “நீங்கள் கருவேலம் பிசின் சாப்பிட்டீர்களா? உங்களிடமிருந்து, பிசினின் துர்வாடை வருகிறதே” என்று கூறினார்கள். அதற்கு நபி(ஸல்) அவர்கள், “இல்லை நான் பிசின் சாப்பிடவில்லை.

ஸைனப் பின்த் ஜஹ்ஷிடம் அவரின் அறையில் தேன் குடித்து விட்டுத்தானே வந்தேன்” என்றார்கள். அதற்கு ஆயிஷா(ரலி), “இதன் தேனீக்கள் கருவேல மரத்தில் அமர்ந்துவிட்டு, தேனை உறிஞ்சிக் கொண்டு வந்திருக்கலாம். எனவேதான் வாடை வருகிறது” என்று உறுதி செய்யும் விதமாகப் பேசினார்கள். உடனே நபி(ஸல்) அவர்கள் “இனிமேல், சத்தியமாக நான் அதை ஒருபோதும் குடிக்கமாட்டேன்” என்று கூறிவிட்டார்கள்.

இது குறித்தொரு இறை வசனம் அருளப்பெற்றது, “நபியே! உம் மனைவியரின் திருப்தியை நாடி, அல்லாஹ் உமக்கு அனுமதித்துள்ளதை ஏன் விலக்கிக் கொண்டீர்? மேலும் அல்லாஹ் மிகவும் மன்னிப்பவன், மிக்கக் கிருபையுடையவன்” என்று தொடங்கி “நீங்கள் இருவரும் - இதற்காக அல்லாஹ்விடம் பாவமன்னிப்புக் கோரினால் அது உங்களுக்கே நன்று” என முடியும் (திருக்குர்ஆன் 66:1-4) வசனங்களை அல்லாஹ் அருளினான்.

நபி(ஸல்) அவர்களுக்கு உண்மை தெரிந்தது. இது பற்றி நபி(ஸல்) தம் மனைவிகளிடம் வினவ, “உங்களுக்கு இதைத் தெரிவித்தவர் யார்?” என்று அவர்கள் நபிகளாரிடம் கேட்டபோது “யாவற்றையும் நன்கறிந்தோனும் உணர்ந்தோனும் ஆகிய அல்லாஹ் எனக்குத் தெரிவித்தான்” என்று பதில் கூறினார்கள் நபி(ஸல்). இதற்காக ஆயிஷா மற்றும் ஹப்ஸாவை அல்லாஹ்விடம் பாவ மன்னிப்புக் கோரும்படியும் சொன்னார்கள்.

தேனின் மேன்மையைக் குறித்து மற்றொரு இறை வசனத்தில் “நீ எல்லாவிதமான கனிகளின் மலர்களிலிருந்தும் உணவருந்தி உன் இறைவன் காட்டித் தரும் எளிதான வழிகளில் உன் கூட்டுக்குள் ஒடுங்கிச் செல்” என்றும் உள்ளுணர்ச்சி உண்டாக்கினான். அதன் வயிற்றிலிருந்து பலவித நிறங்களையுடைய ஒரு பானம் அதாவது தேன் வெளியாகிறது; அதில் மனிதர்களுக்குப் பிணி தீர்க்க வல்ல சிகிச்சை உண்டு; நிச்சயமாக இதிலும் சிந்தித்துணரும் மக்களுக்கு ஓர் அத்தாட்சி இருக்கிறது” என்றும் அருளப்பெற்றது.

ஒவ்வொரு பொருளின் மேன்மையைக் குறித்து மக்களுக்குத் தெரியப்படுத்தவும் விவரிக்கவும் இறை வசனங்களை மட்டுமல்ல, அதனைப் பின்பற்றும் இறைத்தூதரையும் இறைவன் நமக்கு அருளினான்.
 

vijaykumar12

Ruler's of Penmai
Joined
Aug 9, 2012
Messages
17,072
Likes
3,165
Location
India
#50
Ramadan drummers call for Muslims to wake up for the meal, eaten before the beginning of the fast, in Khan Younis, in the southern Gaza Strip, Palestine. This tradition is observed in some Muslim-populated countries including Turkey, Pakistan, and Egypt.

1527315423680.png
 

Important Announcements!

Type in Tamil

Click here to go to Google transliteration page. Type there in Tamil and copy and paste it.