மக்களைக் கவரும் கிராமத்து அரசுப் பள்ளி--23 &#2

vijaykumar12

Ruler's of Penmai
Joined
Aug 9, 2012
Messages
19,406
Likes
4,438
Location
India
#31
மாணவர்களுக்கு தங்க நாணயம் - பெற்றோருக்கு ஊக்கப்பரிசு என அசத்தும் அரசு பள்ளி

1524414378498.png

அறிவு கண்ணை திறப்பது கல்வி. இந்த கல்வியை அரசு பள்ளிகள் குறைந்த கட்டணத்தில் வழங்கினாலும் இன்றும் தனியார் பள்ளிகளை தான் பெற்றோர் நாடி செல்கின்றனர்.

ஒரு சில அரசு பள்ளிகள் மட்டுமே தனியார் பள்ளிகளுக்கு இணையாக செயல்பட்டு வருகின்றன. தற்போது அரசு பள்ளிகள், தனியார் பள்ளிகளை மிஞ்சும் வகையில் செயல்பட அரசு தீவிர நடவடிக்கை எடுத்து வருகிறது. மாணவர்களின் தேர்ச்சி விகிதம், போட்டி தேர்வுகளை எதிர்கொள்ளும் வகையில் கவனம், விளையாட்டு, திறன்வளர்ப்பு என பல துறைகளிலும் தலைமை ஆசிரியர் மற்றும் ஆசிரியர்களால் சிறப்பு வகுப்புகள் மூலம் பயிற்சி அளிக்கப்பட்டு வருகிறது. இருப்பினும் அரசு பள்ளிகளில் மாணவர் சேர்க்கை குறைந்த அளவிலேயே இருந்து வருகிறது.

இந்த நிலையில் அரசு பள்ளியில் தனியார் பள்ளிகளை போல் மாணவர்கள் ஆர்வமாக வந்து சேரும் வகையில் புது யுக்தியை தஞ்சை அருகே உள்ள திருச்சிற்றம்பலம் துலுக்கவிடுதி வடக்கு ஊராட்சி ஒன்றிய நடுநிலைப்பள்ளியில் செயல்படுத்தி உள்ளனர்.

அதாவது இந்தாண்டு பள்ளியில் சேரும் மாணவர்களுக்கு ஒரு கிராம் தங்க நாணயமும், பெற்றோர்களுக்கு ரூ.1000 ஊக்கப்பரிசும் வழங்கி வருகின்றனர்.

இப்பள்ளியில் மாணவர்கள் சேர்க்கையை அதிகப்படுத்தும் விதமாக பெற்றோர்-ஆசிரியர் கழகம் முடிவு செய்தது. அதன்படி பள்ளியில் 1-ம் வகுப்பு முதல் 8-ம் வரை சேர்ந்த 15 மாணவர்களுக்கு தலா 1 கிராம் தங்க நாணயமும், மாணவர்களின் பெற்றோர்களுக்கு ரூ.1000 ஊக்கப்பரிசும் வழங்கப்பட்டது. நேரு இளைஞர் நற்பணி மன்றத்தினர் சார்பில் பள்ளியில் சேர்ந்த 15 மாணவர்களுக்கு தங்க நாணயம், மற்றும் பெற்றோர்களுக்கு ஊக்கப்பரிசு வழங்கப்பட்டது.

இதையொட்டி பள்ளியில் நேற்று நடந்த நிகழ்ச்சிக்கு கூடுதல் தொடக்க கல்வி அலுவலர் அங்கையற்கண்ணி தலைமை தாங்கினார். பெற்றோர் - ஆசிரியர் கழக தலைவர் பிரகலாதன், தலைமை ஆசிரியர் வாசுகி , கிராம மக்கள், கலந்து கொண்டனர்.
 

vijigermany

Lord of Penmai
Joined
Jul 5, 2011
Messages
107,634
Likes
22,659
Location
Germany
#32
அறிவியல் சிந்தனையை வளர்க்கும் கலாம் வகுப்பறை! காரைக்குடி பள்ளி ஆச்சர்யம்

அப்துல் கலாம் அனைத்து மதத்தினரையும் சரிசமமாக மதித்து, மரியாதை அளித்தவர். இதனை மாணவர்களுக்கு உணர்த்தும்விதத்தில் குரான், பகவத் கீதை, பைபிள் ஆகியவற்றை வைத்திருக்கிறோம். அதிலிருந்து அவ்வப்போது சில பகுதிகளை வாசிக்கவும் செய்கிறோம்."




சிலரின் பெயர்களே மற்றவர்களுக்கு உத்வேகம் தரும் சக்தியாக இருக்கும். அவரின் உழைப்பே அந்தச் சக்தியைத் தந்தது எனத் தனியே சொல்லவேண்டியதில்லை. `மாணவர்களுக்கு நம்பிக்கை அளிக்கும் ஒரு பெயரைச் சொல்லுங்க?' என்று கேட்டால், சற்றும் தயங்காமல் பலரும் சொல்லும் பெயர், ஏ.பி.ஜெ.அப்துல் கலாம்.

இந்தியாவின் தென்கோடியில் பிறந்து, நாட்டின் முதல் குடிமகனாக உயர்ந்து, தன்னம்பிக்கைப் பாடம் நடத்தும் வாழ்க்கையை வாழ்ந்தவர். விஞ்ஞானி, குடியரசுத் தலைவர் எனப் பதவிகள் உயர்ந்தபோதும், மாணவர்களைச் சந்திப்பதை அவர் நிறுத்திக்கொண்டதே இல்லை. அந்தளவுக்கு மாணவர்கள் மீது அன்பும், அவர்களின் எதிர்காலம் குறித்து அக்கறையும் கொண்டவர். குழந்தைகளும் அவரை தங்களில் ஒருவராக நேசித்துப் பழகினர். இறந்த பின்பும் மாணவர்களுக்கு வழிகாட்டியவாறே உள்ளார். அப்படித்தான், காரைக்குடி அரசு உதவிபெறும் பள்ளி ஒன்றில், கலாம் வகுப்பறையாக வாழ்ந்துவருகிறார்.


அப்துல் கலாம் பிறந்த ராமேஸ்வரத்திலிருந்து சுமார் 150 கிலோமீட்டர் தொலைவில் உள்ள காரைக்குடி. ஶ்ரீகார்த்திகேயன் அரசு உதவிபெறும் தொடக்கப் பள்ளியில்தான் இந்தக் கலாம் வகுப்பறை அமைக்கப்பட்டுள்ளது. இந்தப் புது முயற்சியை முன்னெடுக்கும் ஆசிரியர் லட்சுமியிடம் பேசினோம்.


`நான் ஆசிரியர் பயிற்சியில் இருந்தபோதே அப்துல் கலாம் ஐயா பற்றிப் படிப்பதில் ரொம்ப ஆர்வம். நமக்கு வேலை கிடைத்ததும், அவரின் கருத்துகளை மாணவர்களிடம் கொண்டுசேர்க்க வேண்டும் என்று அப்போதே முடிவெடுத்துக்கொண்டேன். மாணவர்களுக்கு வழிகாட்டியாக ஒருவரை நாம் காட்டும்போது, அவரை அப்படியே பின்பற்றுவார்கள். அதனால், சரியான ஒருவரை அறிமுகப்படுத்த வேண்டும். அதற்கு, அப்துல் கலாம் ஐயா மிகப் பொருத்தமானவர் இல்லையா?


என்னுடைய எண்ணங்களுக்குச் செயல் வடிவம் கொடுக்கும் ஒரு முயற்சிதான் கலாம் வகுப்பறை. இங்கே, ஆய்வகம் ஒன்று உள்ளது. நான்கு டம்ளர்களில் நீர் ஊற்றிவைத்து, குச்சியில் தட்டும்போது ஏற்படும் ஓசை மாற்றம் பற்றி விளக்குவது போன்ற எளிமையான அறிவியல் சோதனைகளைச் செய்கிறோம். கலாம் நூலகமும் வைத்துள்ளோம். அதில், அப்துல் கலாம் எழுதிய நூல்கள், அவரைப் பற்றி மற்றவர்கள் எழுதிய புத்தகங்கள் எனத் தேடித் தேடிச் சேகரித்துள்ளோம். அவற்றிலிருந்து மாணவர்களுக்கு விருப்பமான புத்தகங்களை எடுத்து வாசிக்கச் சொல்வேன். தான் படித்தவற்றை மற்ற மாணவர்களோடு குழுவாக விவாதிக்கச் சொல்வேன். இது அந்த நூலை மற்றவர்களும் படிக்கும் ஆர்வத்தை உண்டாக்குகிறது.





தமிழ், ஆங்கிலம், கணக்கு, அறிவியல், சமூக அறிவியல் ஆகிய ஐந்து பாடங்களுடன், ஆறாவது பாடமாக அப்துல் கலாம் பாடத்தை நடத்திவருகிறேன். அதற்கென நான் தயாரித்த புத்தகத்தை ஜூன் மாதத்திலேயே மாணவர்களிடம் கொடுத்துவிடுவேன். அதில், அவரின் பிறப்பு, படிப்பு, பார்த்த வேலைகள், வகித்த பதவிகள், அளப்பரிய சாதனைகள் என அனைத்தும் இடம்பெற்றிருக்கும். மாணவர்கள் விரும்பிப் படிக்கும் அந்தப் பாடங்களிலிருந்து சிறு சிறு தேர்வுகள் நடத்துவேன். மற்ற பாடங்கள்போலவே இதற்கு மிகுந்த முக்கியத்துவம் கொடுத்து எழுதுகிறார்கள். இதன்மூலம், கலாம் பற்றியச் செய்திகள் மிகத் துல்லியமாக மனதில் பதிகின்றன. எப்போது கேட்டாலும் தயக்கமின்றி தகவல்களைக் கூறுவார்கள்.






அப்துல் கலாம் அனைத்து மதத்தினரையும் சரிசமமாக மதித்து, மரியாதை அளித்தவர். இதனை மாணவர்களுக்கு உணர்த்தும்விதத்தில் குரான், பகவத் கீதை, பைபிள் ஆகியவற்றை வைத்திருக்கிறோம். அதிலிருந்து அவ்வப்போது சில பகுதிகளை வாசிக்கவும் செய்கிறோம். வெள்ளிக்கிழமை பிரேயரில் மும்மத பாடல்களைப் பாடுகிறோம். அப்துல் கலாமே மிகவும் போற்றிய நூல் திருக்குறள். பலரையும் படிக்கச் சொல்வார். அதையும் நான்காம் நூலாக வைத்திருக்கிறோம். படிப்பதற்கு எளிதாகவும், பின்பற்றுவதற்கு மிகச்சரியானதாகவும் இருப்பவை திருக்குறள்.





அப்துல் கலாம் பிறந்தநாளின்போது அவரின் கருத்துகள் அடங்கிய பதாகைகளைத் தாங்கியபடி ஊர்வலம் செல்வது, சொற்பொழிவுகளை நடத்துவது என அந்த நாளின் முழு அர்த்தத்தை உணர்த்துகிறோம். ஒரு கிராமத்தில், கலாம் பெயரில் குடிசைத் தொழிலாக ஊறுகாய் தயாரிப்பதாகக் கேள்விப்பட்டேன். அவர்களை மாணவர்களுக்கு அறிமுகப்படுத்தினேன். கலாம் உருவம் பொறித்த சாவிக் கொத்துகள், லேபிள்கள், பேனா என எங்கே எது கிடைத்தாலும், சேகரித்துவந்து கலாம் வகுப்பறையை அலங்கரிக்கிறோம். முக்கியமாக, நாங்கள் தயாரிக்கும் கலாம் காலண்டர். அவரின் பொன்மொழிகளைத் தாங்கிய காலண்டரைப் பள்ளியில் படிக்கும் 350 மாணவர்களுக்கும் இலவசமாகக் கொடுக்கிறோம். இந்த முயற்சிகள் அனைத்துக்கும் உறுதுணையாக பெரும் உதவிகளையும் செய்து ஊக்கமளிப்பவர், பள்ளியின் தலைமை ஆசிரியர் வேதா.


என்னுடைய நோக்கம் ஒன்றே ஒன்றுதான். அப்துல் கலாம் போன்ற ஆளுமை உருவாவதற்கான விதையைச் சின்ன வயதிலேயே ஊன்ற வேண்டும். என்னால் முடிந்த அளவு அதைச் செய்துவருகிறேன்'' என நிறைவுடன் சிரிக்கிறார் லட்சுமி.


மாணவர்களுக்கு நல் அறிவூட்டும் முயற்சிகள் வெல்லட்டும்!
 

vijaykumar12

Ruler's of Penmai
Joined
Aug 9, 2012
Messages
19,406
Likes
4,438
Location
India
#33
தினமும் திக் திக் பயணம்’ -அலுமினியப் பாத்திரத்தில் ஆற்றைக் கடக்கும் அஸ்ஸாம் மாணவர்கள்!

அஸ்ஸாமில் பள்ளிக்குச் செல்லவேண்டி தினமும் ஆபத்தான பயணத்தை மேற்கொண்டுவருகின்றனர் மாணவர்கள்.





அஸ்ஸாம் மாநிலம், பிஸ்வநாத் மாவட்டத்துக்கு உட்பட்ட சூடீ (Sootea ) கிராமத்தில், அரசு ஆரம்பப் பள்ளி செயல்பட்டுவருகிறது. இந்தப் பள்ளி ஆற்றங்கரைக்கு அப்பால் அமைந்துள்ளது. இதனால், பள்ளிக்குச் செல்லும் சிறுவர் சிறுமியர், ஆற்றைக் கடந்தே செல்லவேண்டிய சூழல் உள்ளது. சரியான சாலை வசதியோ, படகு வசதியோ இல்லாத நிலையில், தினமும் அலுமினியப் பாத்திரங்களைக்கொண்டு ஆற்றைக் கடந்து பள்ளிக்குச் செல்லும் அவல நிலைக்கு மாணவர்கள் தள்ளப்பட்டுள்ளனர்.








ஆபத்து என்று அறிந்தும் பள்ளிக்குச் செல்ல வேண்டும் என்பதற்காகவே, பெரிய அளவிலான அலுமினியப் பாத்திரத்தைக் கொண்டு, அதன் உள்ளே அமர்ந்து தோணி போன்று தங்கள் பயணத்தை மேற்கொண்டுவருகின்றனர். முறையான பாலம் அமைக்கப்படாததால், குழந்தைகள் இத்தகைய ஆபத்தான பயணத்தை மேற்கொண்டுவருகிறார்கள். அலுமினியப் பாத்திரத்தின் உதவியுடன் குழந்தைகள் ஆற்றைக் கடந்துசெல்லும் வீடியோ தற்போது சமூக வலைதளங்களில் வெளியாகி அனைவரது கவனத்தையும் ஈர்த்துவருகிறது.


இதுகுறித்து பள்ளி ஆசிரியர் ஜே.தாஸ் விவரிக்கையில்,``பள்ளி அமைந்துள்ள பகுதியில் ஆற்றங்கரை உள்ளது. ஆனால், ஆற்றைக் கடப்பதற்கு பாலம் கட்டவில்லை. அதனால், பள்ளிக்கு வரும் குழந்தைகள் மிகுந்த சிரமத்துக்கு ஆளாகின்றனர். ஆற்றைக் கடந்து பள்ளிக்கு வரவேண்டி, அலுமினிய பாத்திரங்கள் உதவியுடன் குழந்தைகள் ஆற்றைக் கடந்துவருகின்றனர். இதற்கு முன்னர், வாழை மரங்களிலிருந்து தயாரிக்கப்பட்ட தற்காலிகப் படகுகளைப் பயன்படுத்தினர். குழந்தைகளின் நலன் கருதி உடனடியாக அரசு பாலம் கட்ட நடவடிக்கை எடுக்க வேண்டும்'' என்று கூறினார்.





இந்த விவகாரம் தொடர்பாக பிஸ்வநாத் மாவட்டத்தைச் சேர்ந்த எம்.எல்.ஏ., பிரமோத் போர்தகுர் கூறுகையில், ``குழந்தைகள் ஆற்றைக் கடந்துசெல்லும் காட்சியைப் பார்க்கையில் வெட்கமாக உள்ளது. இந்தப் பகுதியில் முறையான சாலை வசதிகூட அமைக்கவில்லை. ஒரு தீவில் எப்படி பள்ளியை அரசாங்கம் கட்டியது என்பது தெரியவில்லை. ஆற்றை மாணவர்கள் கடந்துசெல்ல நிச்சயம் படகு வழங்க நடவடிக்கை எடுக்கப்படும். இது தொடர்பாக மாவட்ட அதிகாரிகளிடம் விசாரணை நடத்தப்படும். அதோடு, பள்ளியை வேறு இடத்துக்கு மாற்றவும் நடவடிக்கை எடுக்கப்படும்'' என்றார்.
 

sumitra

Silver Ruler's of Penmai
Registered User
Blogger
Joined
Jul 26, 2012
Messages
26,504
Likes
35,496
Location
mysore
#34
தினமும் திக் திக் பயணம்’ -அலுமினியப் பாத்திரத்தில் ஆற்றைக் கடக்கும் அஸ்ஸாம் மாணவர்கள்!

அஸ்ஸாமில் பள்ளிக்குச் செல்லவேண்டி தினமும் ஆபத்தான பயணத்தை மேற்கொண்டுவருகின்றனர் மாணவர்கள்.





அஸ்ஸாம் மாநிலம், பிஸ்வநாத் மாவட்டத்துக்கு உட்பட்ட சூடீ (Sootea ) கிராமத்தில், அரசு ஆரம்பப் பள்ளி செயல்பட்டுவருகிறது. இந்தப் பள்ளி ஆற்றங்கரைக்கு அப்பால் அமைந்துள்ளது. இதனால், பள்ளிக்குச் செல்லும் சிறுவர் சிறுமியர், ஆற்றைக் கடந்தே செல்லவேண்டிய சூழல் உள்ளது. சரியான சாலை வசதியோ, படகு வசதியோ இல்லாத நிலையில், தினமும் அலுமினியப் பாத்திரங்களைக்கொண்டு ஆற்றைக் கடந்து பள்ளிக்குச் செல்லும் அவல நிலைக்கு மாணவர்கள் தள்ளப்பட்டுள்ளனர்.








ஆபத்து என்று அறிந்தும் பள்ளிக்குச் செல்ல வேண்டும் என்பதற்காகவே, பெரிய அளவிலான அலுமினியப் பாத்திரத்தைக் கொண்டு, அதன் உள்ளே அமர்ந்து தோணி போன்று தங்கள் பயணத்தை மேற்கொண்டுவருகின்றனர். முறையான பாலம் அமைக்கப்படாததால், குழந்தைகள் இத்தகைய ஆபத்தான பயணத்தை மேற்கொண்டுவருகிறார்கள். அலுமினியப் பாத்திரத்தின் உதவியுடன் குழந்தைகள் ஆற்றைக் கடந்துசெல்லும் வீடியோ தற்போது சமூக வலைதளங்களில் வெளியாகி அனைவரது கவனத்தையும் ஈர்த்துவருகிறது.


இதுகுறித்து பள்ளி ஆசிரியர் ஜே.தாஸ் விவரிக்கையில்,``பள்ளி அமைந்துள்ள பகுதியில் ஆற்றங்கரை உள்ளது. ஆனால், ஆற்றைக் கடப்பதற்கு பாலம் கட்டவில்லை. அதனால், பள்ளிக்கு வரும் குழந்தைகள் மிகுந்த சிரமத்துக்கு ஆளாகின்றனர். ஆற்றைக் கடந்து பள்ளிக்கு வரவேண்டி, அலுமினிய பாத்திரங்கள் உதவியுடன் குழந்தைகள் ஆற்றைக் கடந்துவருகின்றனர். இதற்கு முன்னர், வாழை மரங்களிலிருந்து தயாரிக்கப்பட்ட தற்காலிகப் படகுகளைப் பயன்படுத்தினர். குழந்தைகளின் நலன் கருதி உடனடியாக அரசு பாலம் கட்ட நடவடிக்கை எடுக்க வேண்டும்'' என்று கூறினார்.





இந்த விவகாரம் தொடர்பாக பிஸ்வநாத் மாவட்டத்தைச் சேர்ந்த எம்.எல்.ஏ., பிரமோத் போர்தகுர் கூறுகையில், ``குழந்தைகள் ஆற்றைக் கடந்துசெல்லும் காட்சியைப் பார்க்கையில் வெட்கமாக உள்ளது. இந்தப் பகுதியில் முறையான சாலை வசதிகூட அமைக்கவில்லை. ஒரு தீவில் எப்படி பள்ளியை அரசாங்கம் கட்டியது என்பது தெரியவில்லை. ஆற்றை மாணவர்கள் கடந்துசெல்ல நிச்சயம் படகு வழங்க நடவடிக்கை எடுக்கப்படும். இது தொடர்பாக மாவட்ட அதிகாரிகளிடம் விசாரணை நடத்தப்படும். அதோடு, பள்ளியை வேறு இடத்துக்கு மாற்றவும் நடவடிக்கை எடுக்கப்படும்'' என்றார்.
I feel really sad for the children who take such a risk to attend the school. ஒரு தீவில் எப்படி பள்ளியை அரசாங்கம் கட்டியது என்பது தெரியவில்லை.
 

Important Announcements!

Type in Tamil

Click here to go to Google transliteration page. Type there in Tamil and copy and paste it.