10 Tips to Build Strong Bones - எலும்பை உறுதியாக்க 10 வழிகள்

chan

Ruler's of Penmai
Joined
Mar 26, 2012
Messages
17,654
Likes
18,539
Location
chennai
#1
எலும்பை உறுதியாக்க 10 வழிகள்​
எண்சாண் உடலுக்கு ஆதாரம் மட்டு்ம் அல்ல, உள்ளுறுப்புகளைக் காக்கும் கவசமும் எலும்புகளே. உறுதியாக இருந்தாலும் எலும்புகளும் திசுக்களால் ஆனவைதான்.

இவற்றிலும், புது செல்கள் உற்பத்தி ஆவதும் பழைய செல்கள் அழிவதும் நடந்துகொண்டே இருக்கின்றன. கால்சியம் மற்றும் பாஸ்பேட் சத்துக்கள் எலும்பில் அதிக அளவு உள்ளன. ரத்த அணுக்களை உருவாக்கும் தொழிற்சாலையாகவும் எலும்புகள் உள்ளன.

இரண்டு எலும்புகள் இணையும் இடத்தில் மூட்டுக்கள் இருக்கின்றன. இந்த மூட்டுக்கள்தான், உடலின் அசைவுகளைச் சுலபமாக்குகின்றன. சிறு வயது முதல் உடல் உழைப்பு சீராக உள்ளவர்களுக்கு எலும்புத் தேய்மானம் சற்றுக் குறைவாக இருக்கும். உடல் உழைப்பு குறைவாக இருப்பவர்களுக்கு எலும்புத் தேய்மானம் அதிகமாக ஏற்படும்.

பொதுவாக ஆண், பெண் இருவருக்கும் 30 முதல் 35 வயது வரை எலும்பு நல்ல வலிமையாக இருக்கும். 35 வயதுக்்கு மேல் ஆண்களுக்கு 20 முதல் 30 சதவிகிதம் வரை எலும்பின் அடர்த்தி குறைய ஆரம்பிக்கும். அதேபோல, பெண்களுக்கும் 40 முதல் 50 சதவிகிதம் வரை எலும்பின் அடர்த்தி குறைய ஆரம்பிக்கும். ஆரோக்கியமான எலும்பு மற்றும் மூட்டுக்குச் செய்யவேண்டியவற்றைப் பார்ப்போம்.

*பால் சாப்பிட்டால் எலும்பு நல்ல வலிமை பெறும். பாலில் கால்சியம் அதிகம் உள்ளது. இதனால், எலும்புக்குத் தேவையான சக்தி கிடைக்கும். மேலும், பாலில் வைட்டமின்கள், புரதம் மற்றும் பொட்டாசியம் உள்ளன. இவை அனைத்தும் ஆரோக்கியமான எலும்புக்கு உதவிபுரிகின்றன. தயிர், மோர் போன்ற உணவுகளையும் எடுத்துக்கொள்ளலாம்.

*எலும்புகளுக்கு எந்த அளவுக்கு கால்சியம் அவசியமோ, கால்சியத்தைக் கிரகிக்க வைட்டமின் டி-யும் அவசியம். வைட்டமின் டி, நம் உடலில் உள்ள தசைகள் வலிமை பெறுவதிலும் முக்கியப் பங்கு வகிக்கிறது. தினமும் காலை மற்றும் மாலை வேளையில் அரை மணி நேரம் சூரிய ஒளி நம் சருமத்தில் பட்டாலே, வைட்டமின் டி கிடைத்துவிடும்.

*மீன் சாப்பிடுவதாலும் எலும்பு ஆரோக்கியமாக இருக்கும். மீனில் வைட்டமின் பி மற்றும் இ, கால்சியம், இரும்பு, மக்னீசியம் அடங்கியுள்ளன.

*எலும்பு வலிமையாக இருக்க, பேரீச்சம்பழமும் சாப்பிடலாம்.பேரீச்சம்பழத்தில் இரும்புச்சத்தும், பாஸ்பரஸும் உள்ளன. ஆனால், தனியாக எடுத்துக்கொள்ள வேண்டும்.

*ஆரஞ்சுப் பழத்தில், கால்சியம் மற்றும் வைட்டமின் சி நிறைவாக உள்ளன. இதுவும், எலும்புக்கு வலிமை தரும். வைட்டமின் சத்துக்கள் நிறைந்த பழங்கள் சாப்பிடுவதாலும், எலும்புகளுக்கும் தசைக்கும் வலிமை கிடைக்கும்.

*முட்டையில் உள்ள புரதம் மற்றும் வைட்டமின் சத்துக்கள் எலும்பு மற்றும் தசைகளை வலிமை பெறச் செய்கின்றன. போன்ற அசைவ உணவுகள் உட்கொள்வதாலும் எலும்புகளுக்கும் தசைக்கும் வலிமை கிடைக்கும்.

*சிறு வயதில் இருந்தே உடற்பயிற்சி செய்தால், எலும்புக்கு நல்ல வலிமை கிடைக்கும். எலும்பின் அடர்த்தி அதிகரிக்க, எலும்புகளுக்கு அவ்வப்போது உடற்பயிற்சி, உடல் உழைப்பு என வேலை கொடுத்துக்கொண்டே இருக்க வேண்டும்.

*அதிக உடல் எடை எலும்பு மூட்டுக்களில் அதிக அழுத்தத்தை ஏற்படுத்தி, தேய்மானத்தை விரைவுபடுத்தும். உடல் பருமனானவர்கள் எடையைக் குறைப்பதன் மூலம் முதுகெலும்பு, கால் மூட்டுகளில் தேய்மானம் ஏற்படுவதற்கான வாய்ப்பைக் குறைக்கலாம்.

*கார்பனேட்டட் குளிர் பானங்களில் அளவுக்கு அதிகமான பாஸ்பேட் இருக்கும். இத்தகைய பானங்களைத் தவிர்த்து, ஆரோக்கியமான பானங்களை எடுத்துக்கொள்ள வேண்டும்.

*35 வயதைக் கடந்த பெண்கள், 40 வயதைக் கடந்த ஆண்கள் ஆண்டுக்கு ஒரு முறையாவது எலும்பு அடர்த்தி பரிசோதனையை செய்துகொள்ள வேண்டும். இதனால், பாதிப்பை ஆரம்பநிலையிலேயே கண்டறிந்து சரிசெய்ய முடியும்.

எலும்புத் தேய்மானம்...

சில காரணங்கள்!

*புகை பிடிக்கும்போது, உருவாகும் ரசாயனங்கள் எலும்பில் உள்ள கால்சியம் உள்ளிட்ட தாதுஉப்புக்கள் வெளியேறும் செயலை விரைவுபடுத்துகின்றன. அதேபோல, ஆல்கஹாலும் கால்சியத்தை வெளியேற்றுகிறது. இதைத் தவிர்ப்பது எலும்பு மற்றும் எலும்பு மூட்டுக்களை ஆரோக்கியமாக வைத்திருக்க உதவும்.

*கால்சியம், பாஸ்பேட் போதுமான அளவு இல்லை என்றால், எலும்புகள் தேய்மானம் அடையும்.

*சிறுநீரகப் பாதிப்பு இருப்பவர்களுக்கும் எலும்பு விரைவில் தேய்மானம் அடையும்.

*உடல் உழைப்பு குறைவாக இருந்தாலும், எலும்பின் அடர்த்தி குறைய ஆரம்பிக்கும்.
 
Last edited:

Important Announcements!

Type in Tamil

Click here to go to Google transliteration page. Type there in Tamil and copy and paste it.