Addiction to Social Networking in Teenage - பதின் பருவத்தில் இணையதள ஆதிக்கம்

chan

Ruler's of Penmai
Joined
Mar 26, 2012
Messages
17,654
Likes
18,539
Location
chennai
#1
பதின் பருவம் புதிர் பருவமா? - உங்களுக்கு சிரிக்கத் தெரியுமா?


டாக்டர் ஆர்.காட்சன்
ஓவியம்: முத்து
சமீபத்தில் நடிகர் விஜய் சேதுபதி “பேஸ்புக் என் உணர்ச்சிகளை மரத்துப்போகச் செய்வதுபோல உணர்ந்தேன், அதனால் என் கணக்கை டெலிட் செய்து, அதிலிருந்து விலகிவிட்டேன்” எனப் பகிரங்கமாகப் பேசியதை மிகுந்த ஆச்சரியம் ஏற்படுத்திய சம்பவமாகச் சொல்லலாம். அவர் சொல்வதைத்தான், இது தொடர்பாக நடந்த ஆராய்ச்சி முடிவுகளும் சொல்கின்றன. நடிகர் விஜய் சேதுபதி, சமூக வலைதளங்களின் பாதிப்புகளைக் குறித்து விளம்பரத் தூதராக நடித்தால், மிகப் பெரிய விழிப்புணர்வு ஏற்படும் என்பதில் சந்தேகமில்லை.

யார் உங்கள் ஆசிரியர்?
இணையதளம், பேஸ்புக், வாட்ஸ்அப் போன்ற சமூக வலைதள பயன்பாடுகள் அதிகரித்த பின்னர் ‘ஆசிரியர் - மாணவர் உற'வில் மிகப் பெரிய இடைவெளி ஏற்பட்டுவருவதாக, சமீபத்தில் ஒரு கூட்டத்தில் நான் சந்தித்த பல கல்லூரிப் பேராசிரியர்கள் தெரிவித்தனர். கேள்வி கேட்டவுடன் இணையத்தில் தேடிப் பதிலைச் சொல்வது, வலைதளங்களில் உள்ள கருத்துகளைக் கூறி ஆசிரியர்களை மட்டம் தட்டுவது, வகுப்பு நேரத்தில் எந்தக் கவலையும் இன்றி சமூக வலைதளங்களைப் பயன்படுத்துவது உட்பட பல எடுத்துக்காட்டுகளை இதற்குக் கூறலாம்.

சமீபத்தில் கல்லூரி மாணவர் ஒருவர், பேராசிரியை ஒருவர் வகுப்பு எடுத்துக்கொண்டிருக்கும்போதே மொபைலில் போட்டோ எடுத்து வாட்ஸ்அப்பில் உலாவ விட்டிருக்கிறார். இதில் வேடிக்கை என்னவென்றால் கல்லூரி நிர்வாகம், இதைப் பெரிதுபடுத்த வேண்டாம் என அந்த ஆசிரியையிடம் நிர்ப்பந்தித்ததுதான்.

அறிவா? தகவலா?
‘எல்லாம்தான் இணையதளத்தில் கிடைக்கிறதே, எதற்கு வகுப்பில் ஆசிரியர் சொல்வதைக் கவனிக்க வேண்டும்?’ என்ற எண்ணம் மாணவர்கள் மத்தியில் பரவலாகி இருக்கிறது. சமூக வலைதளங்களின் மூலமாகத் தற்போது எல்லாரும் எல்லா விஷயங்களையும் அறிந்துகொள்ளும் வாய்ப்பு கிடைத்திருப்பது ஒரு வரப்பிரசாதம்தான். ஆனால், எல்லா நேரத்திலும் அது அறிவுசார்ந்த (Knowledge) விஷயமாக இருக்க முடியாது. மாறாகத் தகவல் சார்ந்த (Information) விஷயமாக மட்டும் இருந்தால், பல சமூகச் சிக்கல்கள் ஏற்படும்.
உதாரணமாக ‘மெட்பார்மின்’ என்ற நீரிழிவு நோய்க்கான மாத்திரையை எடுத்துக்கொள்வோம். அது நீரிழிவு நோய்க்கான மாத்திரை என்பதை வலைதளங்களின் மூலமாக அறிந்துகொண்டால், அது ஒரு தகவல் சார்ந்த விஷயம். அதே மாத்திரை மருத்துவத் துறையில் உடல் பருமனைக் குறைக்கவும், கருத்தரிப்பின்மை பிரச்சினை (PCOD) உட்பட இன்னும் பல நோய்களுக்கும் பயன்படுத்தப்படும் என்பது பற்றி பலருக்கும் தெரியாது. இது அறிவுசார்ந்த விஷயம்.
இதைப் புரிந்துகொள்ள இயலாத ஒரு நோயாளி, குழந்தையின்மைக்கு டாக்டர் சுகர் மாத்திரையைத் தவறாகக் கொடுத்துவிட்டார் என்ற செய்தியைப் பரப்பினால் ஆச்சரியப்படுவதற்கில்லை. இந்தத் தவறான அணுகுமுறை மருத்துவத் துறையை மட்டுமல்ல, அனைத்துத் துறைகளிலும் ஏதோ ஒருவிதத்தில் பாதிப்பை ஏற்படுத்திக்கொண்டிருப்பது உண்மை. இப்படி வலைதளத்தைத் தேடிப் பார்த்து, தங்கள் நோய் அறிகுறிகளை ஒப்பிட்டுப் பார்ப்பதே மனநலப் பாதிப்புகளை ஏற்படுத்தக்கூடிய ஒன்றுதான்.
புதைக்கப்படும் உணர்ச்சிகள்
விதம்விதமாக ஸ்மைலி பயன்படுத்தும் பலருடைய முகங்களில் உண்மையான புன்முறுவலைப் பார்ப்பதே அரிதாகிவருகிறது. சமூகம் உருவாவதே ஒவ்வொரு தனிமனிதரிடமும் இருந்துதான். ஒருவருக்கொருவர் முகம் பார்த்துப் பேசிக்கொள்வது, முகபாவங்கள், உடல் பாவனைகள் மூலம் நாம் சொல்லவருவதைப் பிறருக்கு உணர்த்துவது, பதிலுக்குப் பிறர் என்ன நினைக்கிறார்கள் என்பதை நாம் உணர்ந்துகொள்வதுதான் சமூகப் பழக்கவழக்கத்தின் அடிப்படை.
ஆனால் நமது சந்தோஷங்கள், துக்கங்களின் வெளிப்பாட்டை ‘OMG', ‘LOL', ‘RIP' என்று சுருக்கிவிட்ட இந்தக் குறுஞ்செய்தி உலகத்துக்குச் சமூக வலைதளம் என்று பெயர் வைத்தது மிகப் பெரிய நகைமுரண்! அதிலேயே புழங்கிக்கொண்டிருக்கும் குழந்தைகளின் சமூகப் பழக்கவழக்கங்கள் மாறிவருவதாகவும், பிறருடைய உணர்வுகளைப் புரிந்துகொள்ளும் தன்மை மழுங்கி வருவதாகவும் ஆராய்ச்சி முடிவுகள் தெரிவிக்கின்றன.

படிப்பிலும் பாதிப்பு
இணையதளத்தில் இருக்கும் நேரத்தைக் கட்டுப்பாட்டோடு வைக்க முடியாததால்தான், வளர்இளம் பருவத்தினரின் படிப்பு பாதிக்கப்பட ஆரம்பிக்கிறது. படிக்க வேண்டிய நேரத்தை இணையதளம் மற்றும் மொபைல்போன் தின்றுவிடுவதால் சில முறை முதல் மதிப்பெண் வாங்கிய மாணவர்கூடத் தேர்வில் தோல்வியைத் தழுவ நேரிடலாம். எப்போதும் கடந்தகால வாட்ஸ்அப், பேஸ்புக் பதிவுகளைக் குறித்த எண்ணங்கள் அடிக்கடி தோன்றிக் கவனச்சிதறலை ஏற்படுத்துவது, படிப்பை மேலும் பாதிக்கும். தொடர்ந்து இணையதளத்தைப் பயன்படுத்தும் மாணவர்களின் ஞாபகத்திறன் குறைய வாய்ப்புள்ளதாக (Digital Dementia), சமீபத்திய ஆராய்ச்சிகள் தெரிவிக்கின்றன.

இணைய அடிமைத்தனம் என்ன காரணம்?

வளர்இளம் பருவத்தில் “நீ படிப்பதற்கு மட்டும் நேர்ந்துவிடப்பட்டிருக்கிறாய்” என்கிற அளவுக்குப் பெற்றோரின் கனவுகள் குழந்தைகளின்மீது திணிக்கப்படும்போது, அதை ஆரோக்கியமாகக் கையாளத் தெரிந்தவர்கள் தப்பித்துக்கொள்கிறார்கள். ஆனால் மன அழுத்தம் மற்றும் தோல்வியால் பாதிக்கப்படும் சிறுவர்களுக்கு வலைதள உலகம் சிவப்புக் கம்பளம் விரித்த கனவு உலகம் போலக் காட்சியளிப்பதற்குப் பின்வரும் காரணங்கள் உண்டு:

# வளர்இளம் பருவத்தினருக்குத் தங்களுடைய மன அழுத்தம் மற்றும் கவலைகளை மறக்க உதவும் மருந்தாக இணையதளம் மற்றும் ஸ்மார்ட்போன் மாறிவிடுகிறது.

# அதிக எதிர்பார்ப்பைத் திணிக்கும் நிஜ உலகத்திலிருந்தும் தோல்விகளிலிருந்தும் தப்பித்துக்கொள்ள ஒரு வழியாக இணையதளம் பயன்படுகிறது.

# முகம் பார்த்துப் பேசத் தேவையில்லாத இணையதள உலகத்தில், அவர்களுடைய கூச்ச உணர்வை மீறி எல்லோரிடமும் சகஜமாகக் குறுந்தகவல்கள் மூலம் எல்லாக் கருத்துகளையும் பரிமாறும் மேடையாகிறது.

# நிஜ உலகத்தில் கவனிக்கப்படாத ஒரு நபர், இணையதள உலகத்தில் முக்கிய நபராக மாறிவிட வாய்ப்புள்ளது. பலரின் லைக்குகளையும் பாராட்டையும் அள்ளலாம்.


கட்டுரையாளர், திருநெல்வேலி மருத்துவக் கல்லூரியின்
உதவிப் பேராசிரியர் மற்றும் மனநல மருத்துவர்
தொடர்புக்கு: godsonpsychiatrist@gmail.com
 
Last edited:

chan

Ruler's of Penmai
Joined
Mar 26, 2012
Messages
17,654
Likes
18,539
Location
chennai
#2
பதின் பருவம் புதிர் பருவமா? - எல்லா பக்கங்&amp

பதின் பருவம் புதிர் பருவமா? - எல்லா பக்கங்களிலும் ஆபத்து


டாக்டர் ஆர்.காட்சன்
ஓவியம்: முத்து
வெளி விளையாட்டுகளைவிட இணையதள விளையாட்டுகள், மொபைல்போன் கேம்ஸ் போன்றவை குழந்தைகள், வளர்இளம் பருவத்தினரை அதிகமாக ஈர்க்கின்றன. தனிநபர் ஆதிக்கம் செலுத்துவதற்கு உள்ள சாத்தியம், தனிமை மற்றும் மனச் சோர்வின்போது அதைத் தணியச்செய்வது போன்ற காரணங்களால், அதற்கு அடிமையாகும் அளவுக்குப் பலரும் மாறிவிடுகின்றனர்.

அது மட்டுமல்லாமல் கொல்வது, சுடுவது போன்ற ஆக்ரோஷத்தை வெளிப்படுத்தும் விளையாட்டுகள் நிஜ வாழ்க்கையிலும் அவர்களுடைய நடவடிக்கைகளில் மூர்க்கக் குணத்தை உண்டாக்கும். பெரும்பாலான நேரம் இத்தகைய விளையாட்டுகளிலேயே மூழ்கிவிடுவதால் மனச் சோர்வும் தூக்கமின்மையும் ஏற்படுகின்றன.

சைபர் புல்லியிங் (Cyber Bullying)

புல்லியிங் (Bullying) என்ற ஆங்கில வார்த்தைக்கு ‘பலவீனமானவனைக் கொடுமைப்படுத்துதல்’ என்ற அர்த்தம் உண்டு. ஒருவரை நேரடியாக மிரட்டுவது, பயமுறுத்துவது, உடல்ரீதியாகத் துன்புறுத்துவது போன்றவை மட்டும்தான் புல்லியிங் என முன்பு கருதப்பட்டது. இந்த வகையான நடவடிக்கைகளால் பெரும்பாலும் பாதிக்கப்படுவது பள்ளி, கல்லூரி மாணவர்கள்தான். ஆனால் சமீபகாலமாக ஃபேஸ்புக், வாட்ஸ்அப் போன்ற சமூக வலைதளங்கள் மற்றவர்களை மிரட்டுவதற்கு எளிதில் பயன்படுத்தப்படும் கருவியாகிவிட்டன.

தனக்குப் பிடிக்காதவர்களைப் பற்றித் தவறான தகவல்களைப் பரப்புவது, ஆபாசப் படங்களை வெளியிடுவது, பிறரைப் புண்படுத்தும் வகையில் கேலியான அல்லது மிரட்டும் வகையில் பதிவுகளை அனுப்புவது போன்ற பல விஷயங்கள் சமூக வலைதளங்களில் மிகச் சாதாரணமாக நடைபெற்று வருகின்றன. இதைத்தான் ‘சைபர் புல்லியிங்’ என்கிறார்கள். நமக்கு இந்த வார்த்தை புதிதாக இருக்கலாம். ஆனால், மேற்கத்திய நாடுகளில் 40% இளைஞர்களைப் பாதிக்கும் முக்கியப் பிரச்சினையாக இது கருதப்படுகிறது.
அதேபோல, வளர்இளம் பருவத்தில் ஏற்படும் பாலியல் நாட்டம் மற்றும் அந்தரங்க ஆசைகளை நிறைவேற்றும் ஒரு வடிகாலாக வலைதளம் பயன்படுத்தப்படுவது நாளுக்குநாள் அதிகரித்துக்கொண்டே வருகிறது.

சைபர் செக்ஸ்
ரகசியமாகச் செய்ய முடிவது, வெளியில் சொல்ல முடியாத கற்பனைகளைச் ‘சாட் ரூம்’ என்ற பகுதியில் எதிர்பாலருடன் பகிர்ந்துகொள்வது போன்றவை எந்த வித பதற்றத்தையும் ஏற்படுத்துவதில்லை. எங்கும் எப்போது வேண்டுமானாலும் கிடைப்பது ஆகிய தன்மைகளே சைபர் செக்ஸில் வளர்இளம் பருவத்தினர் ஈடுபாடு காட்டுவதற்குக் காரணம். இணைய யுகத்துக்கு முன்பு ஒரு சில பெட்டிக்கடைகள், ஆர்வக்கோளாறு கொண்ட அண்ணன்களிடம் மட்டுமே கிடைத்துவந்த மஞ்சள் புத்தகங்கள், இப்போது வீட்டு அறைக்குள்ளாகவே வந்துவிடுகின்றன.

குறுந்தகவல்கள் மூலமாகப் பாலியல் விருப்பங்களைப் பகிர்ந்துகொள்ளுதல், வெப் கேமராக்கள் மூலமாகத் தொடர்புகொள்ளுதல், ஆபாசக் காட்சிகள் மற்றும் வீடியோக்களைப் பதிவிறக்கம் செய்தல் உட்படப் பல வகைகளில் சைபர் செக்ஸில் வளர்இளம் பருவத்தினர் ஈடுபடுகின்றனர். சில நேரம் மற்ற வலைதள பயன்பாடுகளைத் தேவைக்கு மட்டும் பயன்படுத்தும் இவர்கள், செக்ஸ் சம்பந்தப்பட்ட வலைதளப் பகுதிகளுக்கு அடிமையாகும் அளவுக்கு ஈடுபட வாய்ப்புண்டு. இதனால் அவர்களுடைய படிப்பு, தூக்கம் மற்றும் பழக்கவழக்கங்கள் பாதிக்கப்படுவது மட்டுமல்லாமல், அதிகக் குற்றஉணர்வுக்கு ஆளாகித் தற்கொலைவரை சென்றுவிடுகின்றனர். சில நேரம் சமூகவிரோதச் செயல்பாடுகளுக்கும் பாலியல் வன்முறைகளுக்கும்கூட, இது காரணமாக அமைந்துவிடக்கூடும்.

பெற்றோர் கண்காணிப்பது எப்படி?
ஆபாச வலைதளங்கள் மற்றும் குறுஞ்செய்திப் பரிமாற்றங்களில் ஈடுபடும் வளர்இளம் பருவத்தினரை அவர்களுடைய நடவடிக்கை மாற்றங்கள் காட்டிக்கொடுத்துவிடும். இரவில் வெகுநேரம் அல்லது அதிகாலைவரை இணையத்தைப் பயன்படுத்துவது, கணினி, மடிகணினி பயன்படுத்தும்போது அதிகம் தனிமையை நாடுவது, யாராவது குறுக்கிட்டால் எரிச்சல்படுவது, மொபைல்போன் பயன்பாடுகளுக்குப் பாஸ்வேர்ட் வைத்துக்கொள்வது, குடும்ப நபர்களிடம் கலந்துரையாடும் நேரம் குறைவது, வலைதள வரலாற்றை முற்றிலும் அழித்துவிடுவது உட்படப் பல மாற்றங்கள் ஒருவரிடம் காணப்படும்.
‘முள்ளை முள்ளால் எடுப்பது’ போல வளர்இளம் பருவத்தினரின் வலைதளப் பயன்பாட்டைக் கண்காணிப்பதற்குப் பல மென்பொருள்கள் உள்ளன. அவற்றைக் கணினியிலோ, ஸ்மார்ட் போனிலோ பதிவேற்றிவிட்டால் குறிப்பிட்ட ஆபாச, விளையாட்டு வலைதளங்களை பயன்படுத்தும்பட்சத்தில் வலைதளம் தானாகவே தடுத்துவிடும். தடை செய்யப்பட்ட வலைதளத்தை ஒருவர் அணுகினால், அது குறித்த விவரம் பெற்றோரின் மின்னஞ்சலுக்கு வந்துசேரும் வகையில் மென்பொருள்கள் உள்ளன. தாங்கள் இந்த விஷயத்தில் கண்காணிக்கப்படுகிறோம் என்று ஆரம்பத்தில் தெரிந்துவிட்டாலே, வாரிசுகள் இணையத்தைக் கவனமாகப் பயன்படுத்துவார்கள்.

இணைய அடிமைத்தனம்

உடல்நலப் பாதிப்புகள்

# தூக்கமின்மை மற்றும் பகல்நேர கிறக்கம்.
# அதிகப்படியான உடல் சோர்வு.
# கண் எரிச்சல், பார்வைத் திறன் குறைபாடு.
# முதுகு மற்றும் கழுத்து வலி.
# உடற்பயிற்சி இல்லாமை, நேரம் தவறிய உணவுப் பழக்கம்.
# வலைதளங்களைப் பார்த்துக்கொண்டே கொறிப்பதால் உடல் எடை

பருமன்
# நோய் எதிர்ப்பு ஆற்றல் குறைந்து தொற்றுநோய்கள் ஏற்படும் ஆபத்து
# உடல் சுகாதாரத்தைப் பராமரிக்கத் தவறுதல்

மனநலப் பாதிப்புகள்

# எப்போதும் வலைதளப் பதிவுகளைக் குறித்த ‘எண்ணச் சுழற்சி’

# தன்னுடைய பதிவுகள் வரவேற்பைப் பெறுமா என்ற பதற்ற உணர்வு

# பதிவுகள் வரவேற்பைப் பெறாவிட்டால் தன்னம்பிக்கை இழத்தல், வெறுப்புணர்வு, குற்றவுணர்வு கொள்ளுதல்

# மன அழுத்த நோய், தற்கொலை எண்ணம்

# கவனக்குறைவு, மறதி

# ஸ்மார்ட்ஃபோன், இணையம் கிடைக்காத நேரத்தில் எதையோ பறிகொடுத்த உணர்வு, தூக்கமின்மை, எரிச்சல்

# ‘போன் தொலைந்துவிடுமோ, இணையம் கிடைக்காமல் போய்விடுமோ, பேட்டரி திறனை இழந்துவிட்டால் என்ன செய்வது’ என்பது போன்ற பதற்ற உணர்வுக்கு நோமோஃபோபியா (Nomophobia) என்று பெயர்.

ட்டுரையாளர், திருநெல்வேலி மருத்துவக் கல்லூரியின்
உதவிப் பேராசிரியர் மற்றும் மனநல மருத்துவர்
தொடர்புக்கு:
godsonpsychiatrist@gmail.com

 
Last edited:

jv_66

Super Moderator
Staff member
Super Moderator
Joined
Dec 2, 2011
Messages
32,163
Likes
83,718
Location
Bangalore
#3
Re: பதின் பருவம் புதிர் பருவமா? - எல்லா பக்கங்

Thanks for sharing Very useful suggestions Lakshmi .
 

jv_66

Super Moderator
Staff member
Super Moderator
Joined
Dec 2, 2011
Messages
32,163
Likes
83,718
Location
Bangalore
#4
Re: Addiction to Social Networking in Teenage - பதின் பருவத்தில் இணையதள ஆதிக்கம&#3

பகிர்வுக்கு மிக்க நன்றி .
 

shrimathivenkat

Yuva's of Penmai
Joined
Sep 30, 2012
Messages
8,456
Likes
17,261
Location
chennai
#5
Re: Addiction to Social Networking in Teenage - பதின் பருவத்தில் இணையதள ஆதிக்கம&#3

miga arumaiyana pagirvu lakshmi....
 

Uma manoj

Guru's of Penmai
Joined
Feb 28, 2012
Messages
5,422
Likes
18,409
Location
Chennai
#6
Re: Addiction to Social Networking in Teenage - பதின் பருவத்தில் இணையதள ஆதிக்கம&#3

பகிர்வுக்கு நன்றி............
 
Joined
Dec 1, 2015
Messages
71
Likes
56
Location
Salem
#7
Re: Addiction to Social Networking in Teenage - பதின் பருவத்தில் இணையதள ஆதிக்கம&am

Atanayum Factuu
 

Important Announcements!

Type in Tamil

Click here to go to Google transliteration page. Type there in Tamil and copy and paste it.