Appendicitis - இளைஞர்களின் உயிரைப் பறிக்கும் அப்பெண&

chan

Ruler's of Penmai
Joined
Mar 26, 2012
Messages
17,654
Likes
18,539
Location
chennai
#1
இளைஞர்களின் உயிரைப் பறிக்கும் அப்பெண்டிக்ஸ்...!

சிறுகுடலும் பெருங்குடலும் சந்திக்கும் இடத்தில் உருவாகும் வால் போன்ற பகுதி தான் குடல் வால். இங்கு ஏற்படும் அழற்சியை தான் குடல் வால் அழற்சி என கூறுகிறோம். இது சிறிய சிவந்த வால் பகுதி போல இருக்கும். இது இவர்களுக்கு தான் ஏற்படும் என விதிவிலக்கெல்லாம் இல்லை. இது சாதாரணமாக யாருக்கு வேண்டுமானாலும் ஏற்படலாம்.

இன்றைய மருத்துவ வளர்ச்சியில் இது மிகவும் எளிதான முறையில் அகற்றிவிடலாம். ஓரிரு நாட்களில் முடித்துவிட கூடிய சிகிச்சைகள் எல்லாம் குடல் வால் அழற்சிக்கு தற்போதைய உயர்தர மருத்துவ உலகம் கண்டறிந்துள்ளது. ஆனால், இவை எல்லாம் உங்களுக்கு குடல் வால் அழற்சி இருக்கிறது என முதலில் கண்டறியப்பட வேண்டும்.

அப்பெண்டிக்ஸ் என்னும் குடல்வால் அழற்சி இருப்பதை வெளிப்படுத்தும் அறிகுறிகள்!!!

நீங்கள் முதலில் உங்களுக்கு குடல் வால் அழற்சி ஏற்பட்டுள்ளதா என அறிய வேண்டும். அப்போது தானே நீங்கள் மருத்துவரை அணுக முடியும். ஒரு வேலை நீங்கள் தாமதித்துவிட்டால் அந்த சிவந்த வால் பகுதி வெடிப்பதற்கு வாய்ப்புகள் உள்ளன என மருத்துவர்கள் கூறுகின்றனர்.

அப்படி உங்கள் குடல் பகுதியிலேயே அந்த குடல் வால் அழற்சியான சிவந்த வால் பகுதி வெடித்துவிட்டால், அது உயிருக்கே கூட ஆபத்தை உருவாக்கலாம் என மருத்துவர்கள் அச்சம் தெரிவிக்கின்றனர். எனவே, முதலில் நீங்கள் குடல் வால் அழற்சிக்கான அறிகுறிகளை தெரிந்துக் கொள்ள வேண்டும்....

தொப்புள் வலி

உங்களுக்கு குடல் வால் அழற்சி (Apendicitis) ஏற்படவுள்ளது என்பதற்கான முதல் அறிகுறி உங்களது தொப்புள் பகுதியிலும் வயிற்றின் கீழ் வலதுபுறத்திலும் வலி ஏற்படும். குழந்தைகளுக்கும், கர்ப்பிணி பெண்களுக்கும் கீழ் வயிற்று பகுதியிலோ அல்லது வேறு வயிற்று இடங்களிலோ வழிகள் ஏற்படலாம் என மருத்துவர்களால் கூறப்படுகிறது.

தீவரமான வயிற்று வலி
தூங்க முடியாத அளவு, உங்களது வயிற்று பகுதியில் வலி ஏற்படும். இது சாதாரண வயிற்று வலி போல இருக்காது. மிகவும் வலி மிகுந்ததாய் இருக்கும்.

குளிர் காய்ச்சல்

உங்களுக்கு குடல் வால் அழற்சி ஏற்பட்டிருக்கிறது என்பதற்கான மற்றொரு அறிகுறியானது குளிர் காய்ச்சல், வயிற்று வலியுடன் சேர்ந்து 100 டிகிரி அளவில் குளிர் காய்ச்சலும் ஏற்படும்.

வாந்தி மற்றும் குமட்டல்
நீங்கள் என்ன உணவு சாப்பிட்டாலும் குமட்டல் ஏற்படுவது போல இருக்கும். மற்றும் அடிக்கடி வாந்தியும் வரும். இவ்வாறான அறிகுறிகள் தோன்றினால் உடனடியாக தகுந்த மருத்துவரிடம் சென்று பரிசோதனை செய்துக் கொள்ளுங்கள்.

பசியின்மை
குடல் வால் அழற்சிக்கான மற்றுமொறு அறிகுறியாக பசியின்மை கூறப்படுகிறது. உங்களுக்கு குடல் வால் அழற்சி ஏற்படும் போது சரியாக சாப்பிட தோன்றாது. வயிறு பகுதியில் எப்போதும் சூடாகவும், உப்புசமாகவும் இருப்பது போல உணர்வுகள் ஏற்படும்.

வயிற்று போக்கு
வயிற்று வலி மட்டுமில்லாது, உங்களுக்கு குடல் வால் அழற்சி எற்பட்டால் வயிற்றுப்போக்கும் ஏற்படும். இது போன்ற அறிகுறிகள் ஒன்றாக தோன்றினால். நேரம் தாமதிக்காமல் மருத்துவரிடம் பரிசோதனை செய்துக் கொள்ளுங்கள்.

வாயுப்பிரச்சனை
உங்களுக்கு குடல் வால் அழற்சி எற்பட்டுள்ளதற்கான முக்கிய அறிகுறிகள் வயிறு சம்மந்தப்பட்ட அனைத்து உபாதைகளும் ஏற்படும். இதில் மற்றொரு அறிகுறியாக கூறப்படுவது வாயுப்பிரச்சனை.

நீங்கள் எந்த வித வாயு நிறைந்த உணவுகளை அளவிற்கு அதிகமாய் சாப்பிடாவிட்டாலும் உங்களுக்கு குடல் வால் அழற்சி ஏற்பட்டிருக்கிறது என்றால் வாயுப்பிரச்சனை ஏற்படும்.

ஊசி குத்துவது போல வலி
ஒருசிலருக்கு அவர்களது தேகத்தில் ஊசிக்குத்துவது போல வலி ஏற்படலாம் என மருத்துவர்கள் கூறுகின்றனர். கர்ப்பணி பெண்களுக்கும், இடுப்பு பகுதியில் வீக்கம் போன்ற அழற்சி ஏற்படுபவர்களுக்கு தான் இவ்வாறான வலி ஏற்படும் எனவும் கூறப்படுகிறது.

 

Attachments

bharathi saravanan

Commander's of Penmai
Joined
Nov 10, 2014
Messages
1,612
Likes
3,223
Location
Chennai
#2
Re: இளைஞர்களின் உயிரைப் பறிக்கும் அப்பெண்&#297

Thanks for this info dear....
 

shrimathivenkat

Yuva's of Penmai
Joined
Sep 30, 2012
Messages
8,456
Likes
17,261
Location
chennai
#3
Re: இளைஞர்களின் உயிரைப் பறிக்கும் அப்பெண்&#297

good sharing..
 

chan

Ruler's of Penmai
Joined
Mar 26, 2012
Messages
17,654
Likes
18,539
Location
chennai
#4
குடல்வால் நோய் - Appendicitis

[TABLE]
[TR]
[TD="colspan: 2"]
குடல்வால் நோய்

இன்றைய காலகட்டத்தில் மாறிவரும் உணவுமுறை, அவசர அவசரமாக இயங்க வேண்டிய வாழ்க்கைச்சூழல், மன அழுத்தம் போன்றவை காரணமாக அல்சர், அஜீரணம், புற்றுநோய் உள்ளிட்ட வயிற்றுப் பிரச்னைகள் பலருக்கும் ஏற்படுகின்றன. இவற்றில் குழந்தை களையும் இளைய வயதினரையும் அதிகம் பாதிக்கின்ற ஒரு முக்கியமான நோய் - ‘குடல்வால் அழற்சி’ (Appendicitis).

பிறந்த குழந்தை முதல் இரண்டு வயது வரை உள்ள குழந்தைகளுக்கு இந்தப் பாதிப்பு வருவதில்லை. அதேபோல் முதியோருக்கும் இந்தப் பாதிப்பு பெரும்பாலும் ஏற்படுவதில்லை. சமீபத்தில் கிடைத்துள்ள புள்ளிவிவரப்படி 5 முதல் 25 வயது வரை உள்ளவர்களுக்கு இந்த நோய் அதிகமாக வருகிறது. அதிலும் குறிப்பாக இன்றைய இளம் பெண்களுக்கு இதன் தாக்கம் அதிகம் என்று தெரிய வருகிறது.

எது குடல்வால்?


நம் அடிவயிற்றில், வலது பக்கத்தில், இடுப்பு எலும்புக்குச் சற்று மேலே, சிறுகுடல் முடிந்து பெருங்குடல் தொடங்கும் இடத்தில், மிளகாய் அளவுக்குத் தொங்கிக் கொண்டிருக்கும் ஓர் உறுப்பு, குடல்வால் (Vermiform appendix ). இதன் நீளம் 7 செ.மீ. முதல் 10 செ.மீ. வரை இருக்கும்.

இதனுள்ளே ஒரு தீக்குச்சி நுழையும் அளவுக்குக் குழல் போன்று வெற்றிடம் இருக்கும்.மனிதனின் பரிணாம வளர்ச்சியின் தொடக்கத்தில் உணவுப்பாதையில் பெரியதொரு உறுப்பாகத் தோன்றியுள்ள இந்த உறுப்பு, வருடங்கள் ஆக ஆகச் சுருங்கி, ஒரு சிறு பகுதியாகிவிட்டது. இன்னும் சில ஆயிரம் ஆண்டுகளில் இந்த உறுப்பு மனித உடலில் இருந்து மறைந்து போனாலும் போகலாம்.

ஆரம்ப காலத்தில் இது ஒரு செரிமான உறுப்பாக செயல்பட்டுள்ளது. நாம் உண்ணும் உணவில் ‘செல்லுலோஸ்’ (Cellulose) எனும் புரதச்சத்து உள்ளது. இந்தப் புரதச் சத்தைச் செரிப்பதற்கு ‘செல்லுலேஸ்’ (Cellulase) எனும் என்சைம் தேவை. இந்த என்சைமை சுரக்கும் உறுப்புகளில் ஒன்றுதான் குடல்வால். அந்த நிலைமை இப்போது மாறிவிட்டது. தற்போது இந்த உறுப்பால் உடலுக்கு ஒரு பயனும் இல்லை.

உணவு செரிமானத்திலோ, உணவுச் சத்துகளை உறிஞ்சி ரத்தத்திற்குக் கொடுக்கும் பணியிலோ இது ஈடுபடுவதில்லை. இது உடலுக்குத் தேவையில்லாத உறுப்புதான் (Vestigial organ) என்றாலும் ‘உதவி இல்லாவிட்டாலும் உபத்திரவம் உண்டு’ என்னும் பழமொழியை நினைவுபடுத்துவது போல குடல்வாலில் பாதிப்பு ஏற்பட்டால் உடல் நலிவடையும். இதனால் உயிருக்கே ஆபத்து ஏற்படவும் வாய்ப்புண்டு.

காரணங்கள்அசுத்த உணவு மற்றும் தூய்மையற்ற தண்ணீர் மூலம் உடலுக்குள் நுழையும் என்டிரோக்காக்கஸ், ஸ்ட்ரெப்டோகாக்கஸ், எச்செரிச்சியாகோலை போன்ற பாக்டீரியாக் கிருமிகள் சிறுகுடலை அடையும்போது அவை ரத்தத்தில் கலந்து குடல்வாலைத் தொற்றுகின்றன.

இதன் விளைவால் குடல்வாலில் அழற்சி உண்டாகிறது. டான்சில் அழற்சி, பயோரியா எனும் பல்ஈறு நோய், நடுச்செவி அழற்சி, வயிற்று உள்சுவர் அழற்சி மற்றும் வயிற்றின் உள்ளுறுப்புகளில் தோன்றும் பிற நுண்ணுயிர்களின் தொற்றுகள் குடல்வாலில் தொற்றும் போது அங்கு அழற்சி உண்டாகி இந்த நோய் வருகிறது.

காசநோய் கிருமிகளின் பாதிப்பினாலும் இந்த நோய் வர வாய்ப்புண்டு. உணவு மூலம் உடலுக்குள் நுழையும் அந்நியப் பொருட்களான கல், முள், ஸ்டேப்ளர் பின், எலும்பு, குண்டூசி,
பித்தான், நூல், ஆரஞ்சு மற்றும் சாத்துக்குடி பழக்கொட்டைகள் போன்றவை குடல்வாலை அடைத்துக் கொள்ளும் போது இந்த நோய் வருகிறது. நாக்குப்புழு, கீரைப்புழு போன்ற குடல்புழுத் தொல்லையால் துன்பப்படும் சிறுவர், சிறுமியருக்கு இப்புழுக்கள் ஒரு நூல்பந்து போல் உருண்டு திரண்டு குடல்வாலை அடைத்துக் கொள்ளும்.

அப்போது குடல்வால் அழற்சி ஏற்படுவதுண்டு. அடிக்கடி மலச்சிக்கல் தொல்லை உள்ளவர்களுக்கு இந்த நோய் வர அதிக வாய்ப்புண்டு. எப்படியெனில், இறுகிய மலம் குடல்வாலில் தங்கிவிட்டால், மலத்தில் உள்ள நீர்ச்சத்து இன்னும் குறைந்து, மலம் இறுகி ‘கல்‘ போல் ஆகிவிடும். இந்த ‘மலக்கல்’ (Faecolith) குடல்வாலை அடைத்து அழற்சியை ஏற்படுத்துவதில் முக்கிய பங்கு வகிக்கிறது.

இன்றைய இளைஞர் மற்றும் யுவதிகளின் நாகரிக உணவுப்பழக்கங்களும் குடல்வால் அழற்சிக்கு அடிபோடுகிறது. குறிப்பாக இவர்கள் நார்ச்சத்து நிறைந்த காய்கறிகளையும் பழங்களையும் சாப்பிடுவதைக் குறைத்துவிட்டனர்.

பதிலாக பதப்படுத்தப்பட்ட உணவுகள், சாக்லெட், ஐஸ்க்ரீம், கேக், ஜாம், பீட்சா, பர்கர், சீன அசைவ உணவுகள் போன்றவற்றை விரும்பிச் சாப்பிடுவதால் இவர்களுக்குத் தேவையான அளவுக்கு நார்ச்சத்து கிடைப்பதில்லை. இதன் விளைவாக இவர்களுக்கு மலம் இறுகி மலச்சிக்கல் தொல்லை வருகிறது. இது குடல்வால் நோய்க்கு அடித்தளம் அமைக்கிறது.

குடல்வாலில் சிறிதளவு ‘மியூக்கஸ்’ (Mucus) எனும் திரவம் சுரக்கிறது. இது பெருங்குடலுக்குச் சென்று மலத்துடன் வெளியேறுகிறது. சில நேரங்களில் சிறுகுடலைச் சுற்றியுள்ள நிணநீர்த் திசுக்கள் வீங்கும் போது அவை குடல்வாலை அழுத்தும். அப்போது குடல்வாலின் தடிமன் அதிகரிக்கும். இதன் விளைவாக குடல்வால் சுவர்களுக்கு உள்ளே உள்ள இடைவெளி குறைந்துவிடும். இது தெரியாமல் குடல்வால் தொடர்ந்து மியூக்கஸை சுரக்கும். இது வெளியேற முடியாமல் குடல்வாலை அடைத்து அழற்சி உண்டாகி நோய் வரும்.

குடல்வால் பகுதிக்கு ரத்தம் செலுத்தும் தமனி மற்றும் சிரை ரத்தக்குழாய்களில் ரத்தம் உறைந்து போனால், குடல்வாலுக்கு ரத்தம் கிடைக்காமல் குடல்வாலில் அழற்சி ஏற்பட்டு, அழுகிவிடும். பெருங்குடலில புற்றுநோய் இருந்து அது குடல்வாலை அழுத்தினாலும் குடல்வால் அழற்சி வரும். பெண்களுக்கு கருமுட்டை உற்பத்தியாகின்ற சினைப்பையிலும் (Ovary) கருக்குழாயிலும் (Fallopian tube) பிரச்னை ஏற்பட்டால் அது குடல்வாலுக்குப் பரவி இந்த நோய் வரலாம்.

புகைப்பிடிப்பது, மது அருந்துவது போன்ற தீய பழக்கங்கள் குடல்வால் அழற்சி ஏற்படுகிற வாய்ப்பை அதிகப்படுத்துகின்றன. இப்படிப் பல காரணங்களால் குடல்வாலில் அழற்சி ஏற்படும்போது அங்கு வீக்கம் உண்டாகி, புண் ஏற்படுகிறது. பின்பு அந்த இடத்தில் சீழ் பிடிக்கிறது. இதனால் இதன் நுனி அழுகிப் போகிறது. இது குடல்வால் நோயின் ஆபத்தான கட்டம்.

வகைகள்

குடல்வால் நோய் இரு வகைப்படும். ஒன்று, திடீர் குடல்வால் அழற்சி (Acute appendicitis ). மற்றொன்று, நாட்பட்ட குடல்வால் அழற்சி (Chronic appendicitis). 2 முதல் 25 வயது வரை உள்ளவர்களுக்கு ‘திடீர் அழற்சி’ ஏற்படும் வாய்ப்பு அதிகம். வயதில் பெரியவர்களுக்கு ‘நாட்பட்ட அழற்சி’ வரும் வாய்ப்பு அதிகம்.

அறிகுறிகள்

திடீர் குடல்வால் அழற்சிக்கான அறிகுறிகள் இவை:இந்த நோயின் தொடக்கத்தில் திடீரென்று தொப்புளைச் சுற்றி கடுமையாக வலி தொடங்கும். சில மணி நேரங்களில் அந்த வலியானது வலது புறத்தில் அடிவயிற்றில் நிலை கொள்ளும். சிலருக்கு தொடக்கத்தில் வயிறு முழுவதும் கடுமையாக வலிக்கும். பின்பு இந்த வலியானது வலது அடிவயிற்றில் மட்டும் அதிகமாகத் தோன்றும். இதனைத் தொடர்ந்து வாந்தி ஏற்படும். காய்ச்சல் வரும். பசி குறையும்.

சாப்பிடப் பிடிக்காது. மலச்சிக்கல் ஏற்படும். சிலருக்கு வயிற்றுப்போக்கு இருக்கலாம்.நேரம் ஆக ஆக வயிற்றுவலி கடுமையாகும். வயிறு உப்பும். நடந்தாலோ, இருமினாலோ, வயிற்றைத் தொட்டாலோ வயிற்றுவலி அதிகரிக்கும். நிமிர்ந்து நடக்க முடியாது. வலியைக் குறைக்க நோயாளி குனிந்தபடி நடப்பார்.

இந்த நிலைமையில் மருத்துவரை அணுகி சிகிச்சை பெற்று கொண்டால் ஆபத்து குறையும். சிகிச்சை பெறத் தவறினால் குடல்வால் அழுகிவிடும். ஒரு கட்டத்தில் குடல்வால் வெடித்துவிடுகிற ஆபத்தும் உள்ளது. அப்போது வயிற்றின் உள்ளறை முழுவதும் கிருமிகள் பரவி, நோய் கடுமையாகும். அப்போது நோயாளியின் உயிருக்கு ஆபத்து அதிகமாகும்.

நாட்பட்ட குடல்வால் அழற்சிக்கான அறிகுறிகள்திடீர் அழற்சியின் போது முறையான சிகிச்சை பெறாவிட்டால், குடல்வால் வீங்குவது மட்டுமல்லாமல், குடல் மற்றும் வயிறை ஒட்டிய பகுதிகளில் கட்டியாக மாறவும் வாய்ப்புண்டு. இது அவ்வப்போது வலியை ஏற்படுத்தும். அடுத்த சில நாட்களில் வீக்கமும் வலியும் குறைந்துவிடும். சிறிது காலம் கழித்து மறுபடியும் இந்த வீக்கம் ஏற்படும். வலி வரும். இப்படி இந்தப் பாதிப்பு அடிக்கடி தொல்லை கொடுக்கலாம். சிலருக்கு இப்படி பாதிப்பு வராமலும் போகலாம்.

என்ன பரிசோதனை?

நோயாளியின் வயிற்றை அல்ட்ரா சவுண்ட் ஸ்கேன், சி.டி.ஸ்கேன் பரிசோதனைகளை செய்து பார்த்தால் நோய் உறுதியாகிவிடும். இவற்றோடு வயிறு எக்ஸ்ரேயும் ரத்தப் பரிசோதனைகளும் தேவைப்படும்.

சிகிச்சைகள்

குடல்வால் நோய்க்கு மருத்துவ சிகிச்சை, அறுவை சிகிச்சை என இருவகை சிகிச்சைகள் உள்ளன. நோயின் தொடக்கநிலையில் நோயாளிக்கு மருத்துவ சிகிச்சை அளிக்கப் படும். குளுக்கோஸ் மற்றும் சலைன் செலுத்துதல், ஆன்டிபயாடிக் மருந்துகள் மற்றும் அமீபா கொல்லி மருந்துகளைச் செலுத்துதல் போன்றவை மருத்துவ சிகிச்சையில் அடங்கும்.

இந்த சிகிச்சையில் முதலில் நிவாரணம் கிடைத்த மாதிரி தெரியும். என்றாலும், இந்த நோய் அந்த நோயாளிக்கு ஒரு மாதத்துக்கு உள்ளாகவே மீண்டும் வருவதற்கு அதிக வாய்ப்புண்டு. சிலருக்கு ஒரு வருடத்துக்குள் மீண்டும் வந்து தொல்லை கொடுக்கலாம். அதேசமயம் அறுவை சிகிச்சை செய்துவிட்டால் இதற்கு நிரந்தரத் தீர்வு கிடைத்துவிடும்.

நவீன அறுவை சிகிச்சை

முன்பு பொது அறுவை சிகிச்சை முறையில் வயிற்றைத் திறந்து, குடல்வாலை வெட்டி எடுத்துவிட்டு, அந்த இடத்தில் தையல் போட்டு மூடிவிடுவார்கள். இந்த அறுவை சிகிச்சை முறை இப்போது அவ்வளவாக மேற்கொள்ளப்படுவதில்லை. பதிலாக, ‘லேப்ராஸ்கோப்பி’ எனும் ‘நுண்துளை அறுவை சிகிச்சைமுறை’யில் வயிற்றைக் கிழிக்காமல், சில துளைகள் மட்டும் போட்டு, அவற்றின் வழியாக குடல்வாலை அகற்றிவிட்டு, அந்த இடத்தை மின் சூட்டுக்கோலால் பொசுக்கி விடுவார்கள். இதில் அறுவை சிகிச்சை தழும்பு இல்லை.

வலி குறைவு. இந்த அறுவை சிகிச்சை மேற்கொள்ளப்பட்ட மூன்றாம் நாளில் நோயாளி வழக்கமான பணிகளை மேற்கொள்ள முடியும்.

தடுப்பது எப்படி?

தெருக்களில் விற்கப்படும் ஈக்கள் மொய்க்கும் அசுத்த உணவுகளை உண்பதைத் தவிர்க்க வேண்டும். கொதிக்க வைத்து ஆறவைத்த சுத்தமான தண்ணீரையே எப்போதும் குடிநீராகப் பயன்படுத்த வேண்டும்.

நார்ச்சத்து மிகுந்த உணவுகளை அடிக்கடி சாப்பிடுவோருக்கு குடல்வால் நோய் வர வாய்ப்பில்லை என்பதால் கோதுமை, கம்பு, சோளம், கேழ்வரகு போன்ற முழுதானியங்கள், பச்சைக் காய்கறிகள், கீரைகள், பயறுகள், பச்சைப்பட்டாணி, கேரட், தக்காளி, ஆரஞ்சு, ஆப்பிள், கொய்யா போன்ற நார்ச்சத்து மிகுந்த உணவுகளை அடிக்கடி சேர்த்துக் கொள்வது நல்லது. தேவையான அளவுக்கு தண்ணீர் குடிக்க வேண்டும். மலச்சிக்கல் ஏற்படாமல் பார்த்துக்கொள்ள வேண்டும்.

குழந்தைகளுக்கும் சிறுவர், சிறுமிகளுக்கும் குடல்புழுத் தொல்லை ஏற்படாமலிருக்க மூன்றிலிருந்து ஆறு மாதங்களுக்கு ஒருமுறை புழுநீக்கம் செய்யும் மாத்திரையைத் தரலாம். டான்சில் அழற்சி, பல் ஈறு நோய், நடுச்செவி நோய், வயிற்று உள்சுவர் அழற்சி மற்றும் வயிற்றின் உள்ளுறுப்புகளில் தோன்றும் எந்தக் கோளாறுக்கும் ஆரம்ப நிலையிலேயே தகுந்த சிகிச்சை பெற்றுவிட வேண்டும். புகைப் பிடிப்பதைத் தவிர்க்க வேண்டும். மது வேண்டவே வேண்டாம்.

உடலுக்குத் தேவையில்லாத உறுப்புதான் (Vestigial organ) என்றாலும் ‘உதவி இல்லாவிட்டாலும் உபத்திரவம் உண்டு’ என்னும் பழமொழியை நினைவுபடுத்துவது போல குடல்வாலில் பாதிப்பு ஏற்பட்டால் உடல் நலிவடையும்.

சரியான நேரத்தில் சிகிச்சை பெறத் தவறினால் குடல்வால் அழுகிவிடும். ஒரு கட்டத்தில் குடல்வால் வெடித்துவிடுகிற ஆபத்தும் உள்ளது. அப்போது வயிற்றின் உள்ளறை முழுவதும் கிருமிகள் பரவி நோய் கடுமையாகும். அப்போது நோயாளியின் உயிருக்கு ஆபத்து அதிகமாகும்.

[/TD]
[/TR]
[/TABLE]
 

chan

Ruler's of Penmai
Joined
Mar 26, 2012
Messages
17,654
Likes
18,539
Location
chennai
#6
Re: குடல்வால் நோய்

வகைகள்

குடல்வால் நோய் இரு வகைப்படும். ஒன்று, திடீர் குடல்வால் அழற்சி (Acute appendicitis ). மற்றொன்று, நாட்பட்ட குடல்வால் அழற்சி (Chronic appendicitis). 2 முதல் 25 வயது வரை உள்ளவர்களுக்கு ‘திடீர் அழற்சி’ ஏற்படும் வாய்ப்பு அதிகம். வயதில் பெரியவர்களுக்கு ‘நாட்பட்ட அழற்சி’ வரும் வாய்ப்பு அதிகம்.

அறிகுறிகள்

திடீர் குடல்வால் அழற்சிக்கான அறிகுறிகள் இவை:இந்த நோயின் தொடக்கத்தில் திடீரென்று தொப்புளைச் சுற்றி கடுமையாக வலி தொடங்கும். சில மணி நேரங்களில் அந்த வலியானது வலது புறத்தில் அடிவயிற்றில் நிலை கொள்ளும். சிலருக்கு தொடக்கத்தில் வயிறு முழுவதும் கடுமையாக வலிக்கும். பின்பு இந்த வலியானது வலது அடிவயிற்றில் மட்டும் அதிகமாகத் தோன்றும். இதனைத் தொடர்ந்து வாந்தி ஏற்படும். காய்ச்சல் வரும். பசி குறையும்.

சாப்பிடப் பிடிக்காது. மலச்சிக்கல் ஏற்படும். சிலருக்கு வயிற்றுப்போக்கு இருக்கலாம்.நேரம் ஆக ஆக வயிற்றுவலி கடுமையாகும். வயிறு உப்பும். நடந்தாலோ, இருமினாலோ, வயிற்றைத் தொட்டாலோ வயிற்றுவலி அதிகரிக்கும். நிமிர்ந்து நடக்க முடியாது. வலியைக் குறைக்க நோயாளி குனிந்தபடி நடப்பார்.

இந்த நிலைமையில் மருத்துவரை அணுகி சிகிச்சை பெற்று கொண்டால் ஆபத்து குறையும். சிகிச்சை பெறத் தவறினால் குடல்வால் அழுகிவிடும். ஒரு கட்டத்தில் குடல்வால் வெடித்துவிடுகிற ஆபத்தும் உள்ளது. அப்போது வயிற்றின் உள்ளறை முழுவதும் கிருமிகள் பரவி, நோய் கடுமையாகும். அப்போது நோயாளியின் உயிருக்கு ஆபத்து அதிகமாகும்.

நாட்பட்ட குடல்வால் அழற்சிக்கான அறிகுறிகள்திடீர் அழற்சியின் போது முறையான சிகிச்சை பெறாவிட்டால், குடல்வால் வீங்குவது மட்டுமல்லாமல், குடல் மற்றும் வயிறை ஒட்டிய பகுதிகளில் கட்டியாக மாறவும் வாய்ப்புண்டு. இது அவ்வப்போது வலியை ஏற்படுத்தும். அடுத்த சில நாட்களில் வீக்கமும் வலியும் குறைந்துவிடும். சிறிது காலம் கழித்து மறுபடியும் இந்த வீக்கம் ஏற்படும். வலி வரும். இப்படி இந்தப் பாதிப்பு அடிக்கடி தொல்லை கொடுக்கலாம். சிலருக்கு இப்படி பாதிப்பு வராமலும் போகலாம்.

என்ன பரிசோதனை?

நோயாளியின் வயிற்றை அல்ட்ரா சவுண்ட் ஸ்கேன், சி.டி.ஸ்கேன் பரிசோதனைகளை செய்து பார்த்தால் நோய் உறுதியாகிவிடும். இவற்றோடு வயிறு எக்ஸ்ரேயும் ரத்தப் பரிசோதனைகளும் தேவைப்படும்.

சிகிச்சைகள்

குடல்வால் நோய்க்கு மருத்துவ சிகிச்சை, அறுவை சிகிச்சை என இருவகை சிகிச்சைகள் உள்ளன. நோயின் தொடக்கநிலையில் நோயாளிக்கு மருத்துவ சிகிச்சை அளிக்கப் படும். குளுக்கோஸ் மற்றும் சலைன் செலுத்துதல், ஆன்டிபயாடிக் மருந்துகள் மற்றும் அமீபா கொல்லி மருந்துகளைச் செலுத்துதல் போன்றவை மருத்துவ சிகிச்சையில் அடங்கும்.

இந்த சிகிச்சையில் முதலில் நிவாரணம் கிடைத்த மாதிரி தெரியும். என்றாலும், இந்த நோய் அந்த நோயாளிக்கு ஒரு மாதத்துக்கு உள்ளாகவே மீண்டும் வருவதற்கு அதிக வாய்ப்புண்டு. சிலருக்கு ஒரு வருடத்துக்குள் மீண்டும் வந்து தொல்லை கொடுக்கலாம். அதேசமயம் அறுவை சிகிச்சை செய்துவிட்டால் இதற்கு நிரந்தரத் தீர்வு கிடைத்துவிடும்.

நவீன அறுவை சிகிச்சை

முன்பு பொது அறுவை சிகிச்சை முறையில் வயிற்றைத் திறந்து, குடல்வாலை வெட்டி எடுத்துவிட்டு, அந்த இடத்தில் தையல் போட்டு மூடிவிடுவார்கள். இந்த அறுவை சிகிச்சை முறை இப்போது அவ்வளவாக மேற்கொள்ளப்படுவதில்லை. பதிலாக, ‘லேப்ராஸ்கோப்பி’ எனும் ‘நுண்துளை அறுவை சிகிச்சைமுறை’யில் வயிற்றைக் கிழிக்காமல், சில துளைகள் மட்டும் போட்டு, அவற்றின் வழியாக குடல்வாலை அகற்றிவிட்டு, அந்த இடத்தை மின் சூட்டுக்கோலால் பொசுக்கி விடுவார்கள். இதில் அறுவை சிகிச்சை தழும்பு இல்லை.

வலி குறைவு. இந்த அறுவை சிகிச்சை மேற்கொள்ளப்பட்ட மூன்றாம் நாளில் நோயாளி வழக்கமான பணிகளை மேற்கொள்ள முடியும்.

தடுப்பது எப்படி?

தெருக்களில் விற்கப்படும் ஈக்கள் மொய்க்கும் அசுத்த உணவுகளை உண்பதைத் தவிர்க்க வேண்டும். கொதிக்க வைத்து ஆறவைத்த சுத்தமான தண்ணீரையே எப்போதும் குடிநீராகப் பயன்படுத்த வேண்டும்.

நார்ச்சத்து மிகுந்த உணவுகளை அடிக்கடி சாப்பிடுவோருக்கு குடல்வால் நோய் வர வாய்ப்பில்லை என்பதால் கோதுமை, கம்பு, சோளம், கேழ்வரகு போன்ற முழுதானியங்கள், பச்சைக் காய்கறிகள், கீரைகள், பயறுகள், பச்சைப்பட்டாணி, கேரட், தக்காளி, ஆரஞ்சு, ஆப்பிள், கொய்யா போன்ற நார்ச்சத்து மிகுந்த உணவுகளை அடிக்கடி சேர்த்துக் கொள்வது நல்லது. தேவையான அளவுக்கு தண்ணீர் குடிக்க வேண்டும். மலச்சிக்கல் ஏற்படாமல் பார்த்துக்கொள்ள வேண்டும்.

குழந்தைகளுக்கும் சிறுவர், சிறுமிகளுக்கும் குடல்புழுத் தொல்லை ஏற்படாமலிருக்க மூன்றிலிருந்து ஆறு மாதங்களுக்கு ஒருமுறை புழுநீக்கம் செய்யும் மாத்திரையைத் தரலாம். டான்சில் அழற்சி, பல் ஈறு நோய், நடுச்செவி நோய், வயிற்று உள்சுவர் அழற்சி மற்றும் வயிற்றின் உள்ளுறுப்புகளில் தோன்றும் எந்தக் கோளாறுக்கும் ஆரம்ப நிலையிலேயே தகுந்த சிகிச்சை பெற்றுவிட வேண்டும். புகைப் பிடிப்பதைத் தவிர்க்க வேண்டும். மது வேண்டவே வேண்டாம்.

உடலுக்குத் தேவையில்லாத உறுப்புதான் (Vestigial organ) என்றாலும் ‘உதவி இல்லாவிட்டாலும் உபத்திரவம் உண்டு’ என்னும் பழமொழியை நினைவுபடுத்துவது போல குடல்வாலில் பாதிப்பு ஏற்பட்டால் உடல் நலிவடையும்.

சரியான நேரத்தில் சிகிச்சை பெறத் தவறினால் குடல்வால் அழுகிவிடும். ஒரு கட்டத்தில் குடல்வால் வெடித்துவிடுகிற ஆபத்தும் உள்ளது. அப்போது வயிற்றின் உள்ளறை முழுவதும் கிருமிகள் பரவி நோய் கடுமையாகும். அப்போது நோயாளியின் உயிருக்கு ஆபத்து அதிகமாகும்.
 

Similar threads

Important Announcements!

Type in Tamil

Click here to go to Google transliteration page. Type there in Tamil and copy and paste it.