Daily Interesting News! -2

Aravind parasu

Commander's of Penmai
Joined
Oct 1, 2017
Messages
2,323
Likes
550
Location
chennai
தூத்துக்குடி சம்பவத்துக்கு ஸ்டெர்லைட்டில் சம்பளம் வாங்கிய ப.சிதம்பரம் பதில் என்ன? - சுப்பிரமணியசாமி

தூத்துக்குடி ஸ்டெர்லைட் ஆலையை நிரந்தரமாக மூட தூத்துக்குடி மக்கள் கடந்த 100 நாட்களாக தொடர்ந்து போராடி வருகின்றனர். போராட்டத்தின் 100-வது நாளான நேற்று ஆயிரக்கணக்கான மக்கள் மாவட்ட ஆட்சியர் அலுவலகத்தை நோக்கி ஊர்வலமாக சென்றனர். அப்போது நடத்தப்பட்ட துப்பாக்கிச்சூட்டில் பொதுமக்களில் 11 பேர் பரிதாபமாக உயிரிழந்தனர்.

இதற்கிடையே, அண்ணாநகர் பகுதியில் உள்ள மாவட்ட தலைமை அரசு மருத்துவமனை அருகே இன்று காலை போலீசாருக்கும் போராட்டக்காரர்களுக்கும் இடையே மீண்டும் மோதல் வெடித்தது.

போலீசாரை நோக்கி பொதுமக்கள் கற்களை வீசி தாக்குதல் நடத்தினர். போலீசார் கண்ணீர் புகை வீசியும், ரப்பர் குண்டுகளை பயன்படுத்தி துப்பாக்கிகளால் சுட்டும் போராட்டக்காரர்களை விரட்டி அடித்தனர். நிலைமை எல்லைமீறி போனதால் போலீசார் இன்று நடத்திய துப்பாக்கிச் சூட்டில் காளியப்பன் என்ற 22 வயது வாலிபர் உயிரிழந்ததை தொடர்ந்து ஸ்டெர்லைட் ஆலைக்கு எதிரான போராட்டத்தில் பலியானோர் எண்ணிக்கை 12 ஆக உயர்ந்துள்ளது.



இந்நிலையில், தூத்துக்குடி துப்பாக்கிச் சூடு சம்பவத்துக்கு ஸ்டெர்லைட்டில் சம்பளம் வாங்கிய இயக்குனராக பணியாற்றிய ப.சிதம்பரம் பதில் சொல்ல வேண்டும் என பா.ஜ.க. எம்.பி., சுப்பிரமணியசாமி வலியுறுத்தியுள்ளார்.

ஸ்டெர்லைட் ஆலையில் பல ஆண்டுகள் ப.சிதம்பரம் இயக்குனராக பணியாற்றியுள்ளார். அதற்காக சம்பளமும் வாங்கி இருக்கிறார் என்பதற்கான எல்லா ஆவணங்களும் உள்ளன. ஸ்டெர்லைட் போராட்டம் தொடர்பாக அவர் பதில் சொல்ல வேண்டும் என சுப்பிரமணியசாமி குறிப்பிட்டுள்ளார்.
 

Aravind parasu

Commander's of Penmai
Joined
Oct 1, 2017
Messages
2,323
Likes
550
Location
chennai
தமிழ் மக்களின் உணர்வுகளை மோடியின் தோட்டாக்களால் ஒருபோதும் நசுக்க முடியாது - ராகுல்காந்தி

தூத்துக்குடியில் ஸ்டெர்லைட் ஆலைக்கு எதிராக போராட்டத்தில் ஈடுபட்டவர்கள் மீது துப்பாக்கிசூடு நடத்தப்பட்டது. இதில் 10 பேர் பலியாகி உள்ளனர்.

காங்கிரஸ் தலைவர் ராகுல்காந்தி துப்பாக்கிசூடு நடத்தியதற்கு நேற்றே டுவிட்டரில் கண்டனம் தெரிவித்து இருந்தார். அரசாங்கமே கட்டவிழ்த்து விட்ட பயங்கரவாதத்துக்கு மிருகத்தனமான உதாரணம் என்று கூறி இருந்தார்.

இந்த நிலையில் தூத்துக்குடி சம்பவம் குறித்து அவர் தனது அடுத்த டுவிட்டர் கருத்தை தமிழில் இன்று பதிவு செய்துள்ளார். ராகுல் காந்தி அதில் கூறியிருப்பதாவது:-

தமிழர்கள் படுகொலை செய்யப்படுகின்றனர். ஏனென்றால் அவர்கள் ஆர்.எஸ்.எஸ். சித்தாந்தத்துக்கு அடிபணிய மறுக்கின்றனர். ஆர்.எஸ்.எஸ். மற்றும் மோடியின் தோட்டாக்களால் ஒருபோதும் தமிழ் மக்களின் உணர்வுகளை நசுக்க முடியாது.

தமிழ் சகோதர சகோதரிகளே, நாங்கள் உங்களுடன் இருக்கிறோம்.

இவ்வாறு ராகுல்காந்தி தெரிவித்து உள்ளார்
 

Aravind parasu

Commander's of Penmai
Joined
Oct 1, 2017
Messages
2,323
Likes
550
Location
chennai
துப்பாக்கி சூடு குறித்து விசாரிக்கும் குழுவை உயர் நீதிமன்ற நீதிபதி தலைமையில் கண்காணிக்க வேண்டும்- தினகரன்

திருச்சியில் இன்று அம்மா மக்கள் முன்னேற்ற கழக பொதுச்செயலாளர் டி.டி.வி. தினகரன் பேட்டியளித்தார். அப்போது அவர் கூறியதாவது:-

தூத்துக்குடியில் ஸ்டெர்லைட் ஆலையை மூடக்கோரி பொதுமக்கள் நடத்திய போராட்டத்தில் போலீசார் துப்பாக்கி சூடு நடத்தியது காட்டுமிராண்டித்தனமானது. இந்த சம்பவத்தில் இதுவரை 12 பேர் பலியானதாக கூறுகிறார்கள். பலர் உடல்நிலை பாதிக்கப்பட்டுள்ளனர்.

சம்பவத்தின்போது வானத்தை நோக்கி சுட்டு போலீசார் கூட்டத்தை கலைக்காமல் குருவிகளை சுடுவது போல பொதுமக்களை நோக்கி சுட்டது வருத்தமாக உள்ளது. ஆலை வேண்டாம் என்று போராடும் மக்களை அரசு மதிக்காமல் ஆலை அதிபர்களுக்கு ஆதரவாக அரசு செயல்படுவதையே இது காட்டுகிறது.

தமிழகத்தில் எடப்பாடி பழனிசாமி தலைமையிலான அரசு மக்கள் பிரச்சனையை கையாலத்தெரியாத அரசாகவும் அடிமை அரசாகவும் கமி‌ஷன் ஏஜெண்டு அரசாகவும் செயல்படுவதையே இது காட்டுகிறது. 100 நாட்களாக மக்கள் போராடுகிறார்கள். ஆனால் கலெக்டர் அலட்சியமாக இருந்துள்ளார்.

தூத்துக்குடி மாவட்ட போலீஸ் சூப்பிரண்டும் தவறாக செயல்பட்டுள்ளார். போலீஸ் துறையை கையில் வைத்துள்ள எடப்பாடி பழனிசாமி இதற்கு பொறுப்பேற்க வேண்டும். கலெக்டர், போலீஸ் சூப்பிரண்டு ஆகியோரை பதவி நீக்க வேண்டும்.

பொதுமக்கள் மன நிலையை அறிந்து அரசு செயல்பட வேண்டும். கதிராமங்கலம், மீத்தேன் திட்டம், நெடுவாசல் ஹைட்ரோ கார்பன் திட்டம், நியூட்ரினோ திட்டம், கூடங்குளம் திட்ட பிரச்சனைகளை கவனமாக கையாள வேண்டும்.

இல்லையென்றால் தமிழகம் முழுவதும் போராடும் சூழ்நிலை ஏற்படும். இதை விட்டுவிட்டு போராட்டத்தை சிலர் தூண்டி விடுவதாக அமைச்சர்கள் கூறுவது கோமாளிதனமான பேச்சாகும். அப்படி போராட்டத்தை சிலர் தூண்டுவதாக கூறினாலும் உளவுத்துறை போலீசார் அதை கண்டுபிடித்து அரசுக்கு தெரிவித்திருக்கலாம். ஆனால் உளவுத்துறை போலீசார் தினகரன் என்ன செய்கிறார்? எங்கு செல்கிறார்? என்பதை கண்காணிப்பதில் தான் கவனம் செலுத்துகிறார்கள். நாங்கள் எதாவது கூறினால் பொய் வழக்கு போடுகிறார்கள். காவல் துறை ஏவல் துறையாக செயல்படுகிறது.

தூத்துக்குடி சம்பவம் அரசின் கையாலாகாத தனத்தை காட்டுகிறது. ஜெயலலிதா முதலமைச்சராக இருந்த போது இது போன்ற சம்பவங்கள் நடந்தது இல்லை. இந்த நிலைக்கு இந்த ஆட்சி தான் காரணம். இந்த ஆட்சி அகற்றப்பட வேண்டும். இந்த சம்பவம் குறித்து அமைக்கப்பட்டுள்ள விசாரணை குழுவை தற்போது உள்ள உயர் நீதி மன்ற நீதிபதி தலைமை கண்காணிப்புடன் நடத்த வேண்டும்.

திருச்சி தொழிலதிபர் ராமஜெயம் கொலை வழக்கில் பொய்குற்றவாளி மூலம் முடிக்க பார்ப்பதாக கூறுவது கண்டிக்கத்தக்கது. அப்படி நடந்தால் ஓய்வு பெற்ற நீதிபதி தலைமையில் விசாரணை நடத்த வேண்டும்.

இவ்வாறு அவர் கூறினார்
 

vijigermany

Lord of Penmai
Joined
Jul 5, 2011
Messages
104,929
Likes
20,802
Location
Germany
கர்நாடக முதல்வராக குமாரசாமி, துணை முதல்வராக பரமேஸ்வரா பதவியேற்பு





கர்நாடக முதல்வராக மதச்சார்பற்ற ஜனதா தளம் (மஜத) மாநிலத் தலைவர் ஹெச்.டி. குமாரசாமி இன்று மாலை பதவியேற்றுக் கொண்டார். அவருடன் காங்கிரஸ் மாநிலத் தலைவர் ஜி.பரமேஸ்வரும் துணை முதல்வராக பதவியேற்றார்.

பெங்களூரில் உள்ள விதான் சௌதாவில் இன்று மாலை 4.30 மணியளவில், குமாரசாமிக்கும், பரமேஸ்வருக்கும் கர்நாடக ஆளுநர் வஜுபாய் வாலா, பதவிப் பிரமாணமும், ரகசியக் காப்பு பிரமாணமும் செய்து வைத்தார்.

பதவியேற்பு நிகழ்ச்சியில், சோனியா காந்தி, ராகுல் காந்தி, மேற்கு வங்க முதல்வர் மம்தா பானர்ஜி, தில்லி முதல்வர் அரவிந்த் கேஜரிவால், தெலங்கானா முதல்வர் சந்திரசேகர் ராவ், ஆந்திர முதல்வர் சந்திரபாபு நாயுடு, கேரள முதல்வர் பினராயி விஜயன், சமாஜவாதி தலைவர் அகிலேஷ் யாதவ், பகுஜன் சமாஜ் தலைவர் மாயாவதி, மார்க்சிஸ்ட் கம்யூனிஸ்ட் பொதுச் செயலாளர் சீதாராம் யெச்சூரி, ராஷ்ட்ரீய ஜனதா தளம் தலைவர் லாலு பிரசாத்தின் மகன் தேஜஸ்வி யாதவ் உள்ளிட்ட தலைவர்கள் பங்கேற்றனர்.

பதவியேற்பு விழாவையொட்டி விதான் செளதா அமைந்துள்ள பகுதியில் பலத்த பாதுகாப்பு ஏற்பாடுகள் செய்யப்பட்டிருந்தன.

அமைச்சரவை: காங்கிரஸ் கட்சிக்கு துணை முதல்வர் உள்பட 22 அமைச்சர் பதவிகளும், மஜதவுக்கு முதல்வர் பதவி உள்பட 12 அமைச்சர்கள் பதவிகளும் வழங்குவது என முடிவு செய்யப்பட்டுள்ளது.

காங்கிரஸ் கட்சிக்கு சட்டப்பேரவைத் தலைவர் பதவியும், மஜத சார்பில் கட்சிக்கு துணை சட்டப்பேரவைத் தலைவர் பதவியும் வழங்குவது என முடிவு செய்யப்பட்டுள்ளது.

அரசின் பெரும்பான்மையை நிரூபித்த பிறகு அமைச்சர்கள் பதவியேற்பு நிகழ்ச்சி நடைபெறும். இதனிடையே, ஒருங்கிணைப்புக் குழுவும் அமைக்கப்படும்.

பாஜகவுக்கு எதிரான கூட்டணி?: சுமார் 12 ஆண்டுகளுக்குப் பிறகு, கர்நாடக முதல்வராக குமாரசாமி பதவியேற்றுள்ளார். இதன் மூலம் கர்நாடகத்தில் கடந்த சில வாரங்களாக நீடித்து வந்த அரசியல் பரபரப்பு முடிவுக்கு வந்துள்ளது. எனினும், இந்தப் பதவியேற்பு விழா தேசிய அளவில் கூடுதல் கவனத்தைப் பெற்றுள்ளது. ஏனெனில், பாஜகவுக்கு எதிரான கட்சித் தலைவர்கள் அனைவரும் இந்த நிகழ்ச்சியில் பங்கேற்றுள்ளனர். இதனால், தேசிய அளவில் பாஜகவுக்கு எதிரான கூட்டணி அமைவதற்கு இந்த நிகழ்ச்சி அச்சாரமாக மாறியுள்ளது.
 

vijigermany

Lord of Penmai
Joined
Jul 5, 2011
Messages
104,929
Likes
20,802
Location
Germany
பெட்ரோல் விலையை லிட்டர் ஒன்றுக்கு 25 ரூபாய் வரை மத்திய அரசால் குறைக்க முடியும்: ப.சிதம்பரம்





பெட்ரோல் விலையை லிட்டர் ஒன்றுக்கு 25 ரூபாய் வரை மத்திய அரசால் குறைக்க முடியும் என்று முன்னாள் மத்திய நிதியமைச்சர் ப. சிதம்பரம் கூறியுள்ளார்.

இதுகுறித்து அவர் தனது ட்விட்டர் பதிவில் தெரிவித்துள்ளதாவது: -

கச்சா எண்ணெய் விலையில் சரிவு ஏற்பட்டு ஒவ்வொரு லிட்டர் பெட்ரோலிலும் மத்திய அரசு ரூ.15 ஐ சேமிக்கிறது. அது மட்டும் இல்லாமல் மத்திய அரசு கூடுதலாக 10 ரூபாய் வரியினை ஒரு லிட்டர் பெட்ரோல் விற்பனை செய்வதன் மூலம் பெறுகிறது.


எனவே பெட்ரோல் விலையில் லிட்டருக்கு 25 ரூபாய் வரை அரசால் குறைக்க முடியும், ஆனால் மத்திய அரசு அதை செய்யாமல் பெட்ரோல் விலையை லிட்டருக்கு 1 அல்லது 2 ரூபாய் குறைப்பதன் மூலம் மக்கள் ஏமாற்றப்படுவார்கள் என்று தெரிவித்துள்ளார்.
கர்நாடகத் தேர்தலுக்கு பிறகு மே 12-ம் தேதி முதல் பெட்ரோல் விலை தொடர்ந்து உயர்ந்து வருகிறது.

மத்திய பெட்ரோலிய அமைச்சகம் மற்றும் எண்ணெய் நிறுவனங்கள் இடையிலான கூட்டம் நடைபெற இருப்பதாகக் கூறப்படும் இந்நிலையில் ப சிதம்பரம் தெரிவித்துள்ள இந்த கருத்து முக்கியத்துவம் பெற்றதாக இருக்கிறது.

2014 ஆம் ஆண்டு நவம்பர் முதல் 2016 ஜனவரி வரையிலான காலப்பகுதியில் அரசு கலால் வரியை 9 முறை உயர்த்தியது, ஆனால் கடந்த அக்டோபர் மாதம் ஒரே ஒருமுறை லிட்டருக்கு 2 ரூபாய் குறைத்தது. காலால் வரி குறைப்புக்கு பிறகு, வாட் வரியை குறைக்க வேண்டும் என்று மாநில அரசுகளை மத்திய அரசு கேட்டுக் கொண்டது.

இதையடுத்து, மகாராஷ்டிரா, குஜராத், மத்திய பிரதேசம் மற்றும் ஹிமாச்சல பிரதேசம் ஆகியவற்றில் வெறும் 4 சதவிகிதம் குறைக்கப்பட்டன, பா.ஜ.க ஆளும் மாநிலங்கள் உட்பட மற்ற மாநிலங்கள் இந்த வேண்டுகோளை புறக்கணித்தன.
 

vijaykumar12

Ruler's of Penmai
Joined
Aug 9, 2012
Messages
17,212
Likes
3,171
Location
India
மக்களுக்கு கொடுத்த வாக்குறுதிகளை நிறைவேற்றுவோம் - குமாரசாமி பேட்டி


குமாரசாமி பெங்களூருவில் நிருபர்களுக்கு பேட்டி அளிக்கையில் கூறியதாவது:-

கூட்டணி ஆட்சியின் தலைமை பொறுப்பை நான் ஏற்கிறேன். கூட்டணி ஆட்சியில் செயல்பட ஒரு வரைமுறை இருக்கிறது என்பதை நான் அறிவேன். முக்கிய முடிவுகளை எடுக்கும்போது, கூட்டணி கட்சியுடன் ஆலோசித்து செயல்பட வேண்டும். காங்கிரஸ் கட்சியும் தேர்தல் அறிக்கையை வெளியிட்டுள்ளது. அதனால் எங்கள் 2 கட்சிகளின் தேர்தல் அறிக்கையில் கூறப்பட்டுள்ள அம்சங்களையும் செயல்படுத்த வேண்டும்.

கர்நாடகத்தின் பொருளாதார நிலையை மேம்படுத்திய பிறகு பயிர்க்கடன் தள்ளுபடி செய்யப்படும். இந்த விஷயத்தில் நான் எனது நிலையை மாற்றிக்கொள்ளும் பேச்சுக்கே இடம் இல்லை. கர்நாடக நிதி நிலையில் சில பிரச்சினைகள் உள்ளன. மாநிலத்தின் பொருளாதார நிலைக்கு எந்த பாதிப்பும் ஏற்படுத்தாமல் பயிர்க்கடனை தள்ளுபடி செய்வோம்.



பயிர்க்கடனை தள்ளுபடி செய்ய மாட்டோம் என்று நான் கூறியதாக தகவல் வெளியானது. இது தவறானது. நாங்கள் மக்களுக்கு அளித்த தேர்தல் வாக்குறுதிகளை நிறைவேற்றுவதில் உறுதியாக உள்ளோம். அதனால் விவசாயிகள் அவசரப்பட்டு தவறான முடிவு எடுக்கக்கூடாது. விவசாயிகளுக்கு உதவ அரசு தயாராக உள்ளது.

விவசாயிகளின் பிரச்சினைகளை தீர்க்க நான் எப்போதும் தயாராக இருக்கிறேன். விவசாயியின் மகனான நான் அவர்களுக்கு சேவையாற்றுவேன். விவசாயிகளுக்கு உரிய பாதுகாப்பை வழங்குவதே இந்த கூட்டணி ஆட்சியின் கடமை. என் மீது எனக்கு நம்பிக்கை உள்ளது. நான் ஒரு குறிப்பிட்ட சாதியை சேர்ந்தவன் என்று யாரும் கருதக்கூடாது. 6½ கோடி கன்னட மக்களுக்கு சொந்தமானவன். நான் பொதுமக்களுக்கு சேவையாற்றுபவன்.

இவ்வாறு குமாரசாமி கூறினார்.
 

vijaykumar12

Ruler's of Penmai
Joined
Aug 9, 2012
Messages
17,212
Likes
3,171
Location
India
சிவசேனா முதுகில் குத்திவிட்டது - தேர்தல் பிரசாரத்தில் யோகி ஆதித்யநாத் ஆவேசம்

மகாராஷ்டிரா மாநிலம் பால்கர் மக்களவை தொகுதிக்கு மே 28-ம் தேதி இடைத்தேர்தல் நடைபெறவுள்ளது. இதில் சிவசேனா, பாஜக உள்ளிட்ட கட்சிகள் போட்டியிடுகின்றன.

இந்நிலையில், விரார் பகுதியில் நடைபெற்ற தேர்தல் பிரசாரத்தில் பாஜகவை சேர்ந்த உ.பி. முதல் மந்திரி யோகி ஆதித்யாநாத் நேற்று பேசியதாவது:

மகாராஷ்டிரா மாநிலத்தில் சிவசேனா கட்சியினர் இந்துத்துவா பாதையில் இருந்து திசைமாறி உள்ளனர். எனவே, பிரதமர் மோடியால் தான் வளர்ச்சி சாத்தியமாகும்.

எங்கள் கட்சி விவகாரங்களில் தேவையில்லாமல் தலையிட்டு வருகிறது. பாஜக அதன் கூட்டணி கட்சியால் முதுகில் குத்தப்பட்டு வருகிறது. இதை காணும் ண்டால் பால் தாக்கரே ஆன்மா மிகவும் வருந்தும், துக்கப்படும்,

பால்கர் தொகுதியில் பாஜகவினர் கணிசமான வாக்கு வித்தியாசத்தில் ஜெயிப்பதற்கான வாய்ப்பு பிரகாசமாக உள்ளது.
மகாராஷ்டிரா மாநில மக்கள் அவர்களுக்கு நிச்சயம் பாடம் புகட்டுவார்கள். இந்த தேர்தலில் பெறும் வெற்றி மூலம் நிலையான ஆட்சி கிடைக்கும். பிரதமர் மோடி தலைமையில் நாடு வளர்ச்சி அடைவது உறுதி என தெரிவித்தார்.
 

Aravind parasu

Commander's of Penmai
Joined
Oct 1, 2017
Messages
2,323
Likes
550
Location
chennai
கோலியை தொடர்ந்து பிரதமர் மோடிக்கு சவால் விட்ட ராகுல் காந்தி

1527161232895.png


மத்திய விளையாட்டுத்துறை மந்திரி ராஜ்யவர்தன் சிங் ரத்தோர் உடற்பயிற்சி செய்வது போன்ற வீடியோ ஒன்றை வெளியிட்டு நாம் ஃபிட்டாக இருந்தால் தான் நாடு ஃபிட்டாக இருக்கும். அதனால் அனைவரும் உடற்பயிற்சி செய்ய வேண்டும் என்று வலியுறுத்தி, விராட் கோலி, சாய்னா நேவால், ஹிர்த்திக் ரோஷன் ஆகியோரை டேக் செய்திருந்தார்.

இதையடுத்து, ரத்தோரின் சவாலை ஏற்றுக்கொண்ட கோலி, தானும் உடற்பயிற்சி செய்வது போன்ற வீடியோவை டுவிட்டரில் வெளியிட்டு, அதில் தன் மனைவி அனுஷ்கா சர்மா, பிரதமர் மோடி, டோனி ஆகியோரை டேக் செய்தார்.

அந்த டுவிட்டர் பதிவில், ‘நான் ரத்தோர் விடுத்த சவாலை ஏற்று கொண்டுள்ளேன். இப்போது என் மனைவி அனுஷ்கா சர்மா, பிரதமர் மோடி, டோனி ஆகியோருக்கு இந்த ஃபிட்னஸ் சவாலை விடுக்கின்றேன்’, என கூறியிருந்தார்.

இதனிடையே, கோலியின் சவாலை ஏற்றுக்கொள்வதாக பிரதமர் மோடி டுவிட்டரில் தெரிவித்துள்ளார். மேலும் தனது உடற்பயிற்சி வீடியோவை விரைவில் வெளியிடுவேன் எனவும் மோடி கூறியிருந்தார்.



இந்நிலையில், கோலியின் சவாலை ஏற்றுக்கொண்ட பிரதமர் மோடிக்கு காங்கிரஸ் தலைவர் ராகுல் காந்தி புதிய சவால் ஒன்றை விடுத்துள்ளார். ராகுல் காந்தி வெளியிட்டுள்ள டுவிட்டர் பதிவில், அன்புள்ள பிரதமர், நீங்கள் விராட் கோலியின் உடற்பயிற்சி சவாலை ஏற்றதற்கு மகிழ்ச்சி. இப்போது என்னிடம் ஒரு சவால் உள்ளது: எரிபொருள் விலையை குறையுங்கள் அல்லது காங்கிரஸ் நாடு தழுவிய போராட்டத்தை செய்வதோடு, உங்களை அவ்வாறு செய்ய கட்டாயப்படுத்தும். உங்கள் பதிலுக்காக நான் காத்திருக்கிறேன்., என ராகுல் காந்தி கூறியுள்ளார்.
 

vijigermany

Lord of Penmai
Joined
Jul 5, 2011
Messages
104,929
Likes
20,802
Location
Germany
உத்தரகாண்ட் மாநிலத்தில் பாகிஸ்தான் உளவாளியாக செயல்பட்ட இந்தியர் கைது

1527194553155.png


உத்தரகாண்ட் மாநிலம், பித்தோரகார் பகுதியில் உள்ள திதிஹாட் என்ற இடத்தை சேர்ந்தவர், ரமேஷ் சிங் கன்யால். இவர் இந்திய ராணுவத்தில் பணியாற்றும் தனது சகோதரர் மூலமாக பாகிஸ்தானில் இஸ்லாமாபாத் நகரில் உள்ள இந்திய தூதரக அதிகாரி ஒருவரது வீட்டில் சமையல்காரராக வேலைக்கு சேர்ந்தார்.

2015-17-ம் ஆண்டுகளில் அங்கு வேலை செய்த அவர், பாகிஸ்தான் உளவு அமைப்பு ஐ.எஸ்.ஐ.யின் ஏஜெண்டாக இருந்து, உளவு வேலை பார்த்தது அம்பலத்துக்கு வந்து உள்ளது.

குறிப்பாக இந்திய தூதரக அதிகாரியின் வீட்டை வேவு பார்த்து உள்ளார், அவரது ‘லேப்-டாப்’பில் இருந்து ரகசிய தகவல்களை திருடி உள்ளார், தொலைபேசியை ஒட்டு கேட்டு உள்ளார். பின்னர் அந்த தகவல்களை ஐ.எஸ்.ஐ.யிடம் கொடுத்து பணம் பெற்று உள்ளார்.

அங்கு இருந்து பின்னர் சொந்த ஊருக்கு திரும்பிய பிறகும் அவர் ஐ.எஸ்.ஐ. ஏஜெண்டாக செயல்பட்டு வந்து உள்ளார். உத்தரபிரதேசத்தில் உள்ள ராணுவ தளங்கள் பற்றிய ரகசிய தகவல்களை சேகரித்து உள்ளார். இதற்காக அவருக்கு ஐ.எஸ்.ஐ. ஒரு செல்போனை தந்து உள்ளது.

இதையடுத்து அவர் மீது லக்னோ போலீஸ், இந்திய தண்டனை சட்டம் பிரிவு 121-ஏ (நாட்டுக்கு எதிராக போர் தொடுத்தல்), அதிகாரப்பூர்வ ரகசிய சட்டம் பிரிவுகள் 3, 4, 5, 9 ஆகியவற்றின் கீழ் வழக்கு பதிவு செய்தனர்.

அதைத் தொடர்ந்து உத்தரபிரதேச மாநில பயங்கரவாத தடுப்பு போலீஸ் படையினர், உத்தரகாண்ட் போலீஸ் படை மற்றும் ராணுவ உளவு அமைப்பினர் கூட்டு நடவடிக்கையில், நேற்று முன்தினம் திதிஹாட்டில் உள்ள அவரது வீட்டில் வைத்து கைது செய்யப்பட்டார். அவரிடம் இருந்து பாகிஸ்தான் செல்போன் கைப்பற்றப்பட்டது. அவர் லக்னோவுக்கு கொண்டு செல்லப்பட்டு விசாரணை நடந்து வருகிறது.

இதுகுறித்த தகவல்களை உத்தரபிரதேச மாநிலத்தின் தலைநகர் லக்னோவில், கூடுதல் போலீஸ் டி.ஜி.பி. ஆனந்த் குமார் நேற்று நிருபர்களிடம் வெளியிட்டார்.

ரமேஷ் சிங் கன்யால், நிறைய கடன்கள் வாங்கி உள்ளதால் பணத்துக்கு ஆசைப்பட்டு, இந்த செயலில் ஈடுபட்டு உள்ளதாக அவர் தெரிவித்தார். மேலும், பணத்துக்காகத்தான் அவர் இப்படி உளவு வேலை பார்த்தாரா, வேறு ஏதாவது காரணங்கள் உண்டா என்பது அவரிடம் மேல் விசாரணை நடத்தினால் தெரிய வரும் எனவும் அவர் குறிப்பிட்டார்.
 

vijaykumar12

Ruler's of Penmai
Joined
Aug 9, 2012
Messages
17,212
Likes
3,171
Location
India
கர்நாடக சட்டசபையில் குமாரசாமி அரசுக்கு இன்று நம்பிக்கை வாக்கெடுப்பு

சமீபத்தில் நடைபெற்ற கர்நாடக சட்டசபை தேர்தலில் எந்த கட்சிக்கும் பெரும்பான்மை இடங்கள் கிடைக்கவில்லை. இதையடுத்து, காங்கிரஸ் மற்றும் மஜத கட்சிகள் கூட்டணி ஆட்சி அமைக்க உள்ளன.

இதற்கிடையே, விதான் சவுதாவில் மஜத தலைவர் குமாரசாமி முதல் மந்திரியாக பதவியேற்றார். அவருடன் துணை முதல் மந்திரியாக தேர்வு செய்யப்பட்ட கர்நாடக மாநில காங்கிரஸ் தலைவர் பரமேஸ்வராவும் பதவியேற்றார்.

இவர்கள் இருவரை தவிர மேலும் 32 பேர் மந்திரிகளாக பதவியேற்க உள்ளனர். இதில் காங்கிரசுக்கு 22 மந்திரி பதவிகளும், மஜதவுக்கு 12 மந்திரி பதவிகளும் அடக்கம். சபாநாயகராக காங்கிரஸ் எம்.எல்.ஏ ரமேஷ்குமார் தேர்வு செய்யப்பட்டுள்ளார்.

இந்நிலையில், குமாரசாமி தலைமையிலான அரசுக்கு இன்று நம்பிக்கை வாக்கெடுப்பு நடைபெற உள்ளது. சபாநாயகர், துணை சபாநாயகர் தேர்வு முடிவடைந்ததும் சட்டசபையில் இன்று நம்பிக்கை வாக்கெடுப்பு நடத்தப்பட உள்ளது.

இதற்கிடையே கட்சி தாவுவதை தடுக்கும் வகையில் காங்கிரஸ் கட்சி தங்களது எம்.எல்.ஏ.க்களை கடந்த 16-ம் தேதி முதல் ஓட்டல்களில் தங்கவைத்து பாதுகாத்து வருகின்றனர் என்பது குறிப்பிடத்தக்கது.
 

Similar threads

Important Announcements!

Type in Tamil

Click here to go to Google transliteration page. Type there in Tamil and copy and paste it.