Discuss here about politics - 2. தினமும் அரசியல் பேசலாம் வாங்க - 2.

Sriramajayam

Supreme Ruler's of Penmai
Registered User
Blogger
Joined
Sep 19, 2012
Messages
97,855
Likes
140,944
Location
Madras @ சென்னை
மனைவியின் மரணத்தால் ஏற்பட்ட துயரம்: சேலையில் தூக்கிட்டு கணவர் தற்கொலை

மனைவி மறைந்த துயரத்தை தாங்க முடியாத கணவர் மனைவியின் சேலையில் தூக்கிட்டு உயிரை மாய்த்துக்கொண்ட சம்பவம் சென்னை பட்டினப்பாக்கத்தில் நடந்துள்ளது.

பட்டினப்பாக்கம் சீனிவாசபுரத்தை சேர்ந்தவர் லட்சுமணன்(32). இவரது மனைவி லட்சுமி(29). இருவருக்கும் திருமண வாழ்க்கை சந்தோஷமாக சென்ற நிலையில் கடந்த 3 மாதங்களுக்கு முன்னர் லட்சுமி உடல்நலக்குறைவால் திடீரென மரணமடைந்தார்.

மனைவியின் மரணம் கேட்டு கணவர் லட்சுமணன் கதறி அழுதார். அவரை உறவினர்கள் தேற்றி ஈமச்சடங்கை செய்தனர். பொதுவாக மரண வேதனை நாளாக நாளாக குறையும். ஆனால் மனைவியின் மீது அளவற்ற பாசம் வைத்திருந்த லட்சுமணனால் மனைவி இறந்ததை நம்ப முடியவில்லை. அவரால் வேதனையை கட்டுப்படுத்த முடியவில்லை.

தினமும் மனைவியின் பிரிவை எண்ணி கலங்கிக் கொண்டிருந்தார். நாட்கள் மாதங்களாகியது. மூன்று மாதம் கடந்த பின்னரும் பித்து பிடித்தவர்போல் திரிந்த லட்சுமணன் நேற்றிரவு வீட்டிற்கு வந்தவர் வீட்டில் யாருமில்லாத நிலையில் தனது மனைவியின் பிரிவின் துயரத்தை தாங்க முடியாமல் தானும் உயிரைவிட தீர்மானித்துள்ளார்.

பின்னர் பெட்டியிலிருந்த தனது மனைவியின் புடவையை எடுத்து அதை உத்தரத்தில் கட்டியவர் அதில் தூக்கிட்டு தற்கொலை செய்துக்கொண்டார். இரவு பத்து மணி அளவில் வீடு திரும்பிய உறவினர்கள் லட்சுமணன் மனைவியின் சேலையில் தூக்கிட்டு தற்கொலை செய்து பிணமாக தொங்குவதை கண்டு அதிர்ச்சியடைந்தனர்.

உடனடியாக அவரது உடலை கீழே இறக்கி போலீஸுக்கு தகவல் கொடுத்தனர். சம்பவ இடத்திற்கு வந்த பட்டினப்பாக்கம் போலீஸார் லட்சுமணன் உடலைக் கைப்பற்றி பிரேத பரிசோதனைக்காக ராயப்பேட்டை அரசு மருத்துவமனைக்கு அனுப்பி வைத்தனர். மனைவி பிரிந்த ஏக்கத்தில் அவரது சேலையிலேயே கணவர் தூக்கிட்டு தற்கொலை செய்துக்கொண்டது அப்பகுதியில் சோகத்தை ஏற்படுத்தியுள்ளது.

தமிழ் ஹிந்து
 

Sriramajayam

Supreme Ruler's of Penmai
Registered User
Blogger
Joined
Sep 19, 2012
Messages
97,855
Likes
140,944
Location
Madras @ சென்னை
தமிழக எழுத்தாளர்கள் கிருங்கை சேதுபதி, சுனீல் கிருஷ்ணனுக்குப் பால, யுவபுரஷ்கார் விருது

தமிழகத்தைச் சேர்ந்த எழுத்தாளர் சுனீல் கிருஷ்ணன் உள்ளிட்ட 21 எழுத்தாளர்களுக்கு யுவபுரஸ்கார் விருதும், கிருங்கை சேதுபதி உள்பட 21 எழுத்தாளர்களுக்குப் பால் சாகித்ய புரஸ்கார் விருதையும் டெல்லி சாகித்ய அகாடெமி இன்று அறிவித்துள்ளது.

நாட்டில் ஒவ்வொரு ஆண்டும் படைப்பாளிகளை கவுரவிக்கும் வகையில், மாநில, தேசிய அளவிலான எழுத்தாளர்களுக்கு விருதுகளை வங்கி சாகித்ய அகாடெமி கவுரவிக்கிறது. அந்த வகையில் 2018-ம் ஆண்டுக்கான பால் சாகித்ய புரஸ்கார் விருதும், யுவபுரஸ்கார் விருதும் அறிவிக்கப்பட்டுள்ளன.

இதில் பால் புரஸ்கார் விருதுகள் வரும் நவம்பர் 14-ம் தேதி குழந்தைகள் தினத்தன்று வழங்கப்பட உள்ளது.ஆனால், யுவ புரஸ்கார் விருதுகள் வழங்கப்படும் தேதிகள் குறிப்பிடவில்லை.

இதில் யுவ புரஸ்கார் விருதுக்கு கவிதைப் பிரிவில் 10 எழுத்தாளர்கள், சிறுகதைப் பிரிவில் 7 எழுத்தாளர்கள், நாவல் பிரிவில் 3 எழுத்தாளர்ரகள், நாடக எழுத்தாளர் ஒருவருக்கும் விருது அறிவிக்கப்பட்டுள்ளது. இவர்களுக்கு நினைவுப்பரிசும், ரூ.50 ஆயிரம் ரொக்கமும் வழங்கப்படும்.

குழந்தைகளுக்கான பால் சாகித்ய புரஸ்கார் விருதுகள் 21 எழுத்தாளர்களுக்கு அறிவிக்கப்பட்டுள்ளன. இதில் தமிழகத்தைச் சேர்ந்த கிருங்கை சேதுபதி எழுதிய சிறகு முளைத்த யானை என்ற கவிதைத் தொகுப்புக்கு பால் சாகித்ய புரஸ்கார் விருது அறிவிக்கப்பட்டுள்ளது.

மேலும், ஈஸ்டரின் கியர்(ஆங்கிலம்), திவேக் ரமேஷ்(இந்தி), பி.கே. கோபி(மலையாளம்), காஞ்யானி சரணப்பா சிவசங்கப்பா(கன்னடம்), நரம்சேத்தி உமாமகேஷ்வர் ராவ்(தெலுங்கு),ரியாஸ் சித்திக்(உருது) உள்ளிட்ட 21 எழுத்தாளர்களுக்கு விருது அறிவிக்கப்பட்டுள்ளது.

யுவ புரஸ்கார் விருதுகளில் 21 எழுத்தாளர்களுக்கு அறிவிக்கப்பட்டுள்ளது. இதில் அம்பு படுக்கை என்ற சிறுகதையை எழுதிய தமிழகத்தைச் சேர்ந்த சுனீல் கிருஷ்ணனுக்கு யுவ புரஸ்கார் விருது அறிவிக்கப்பட்டுள்ளது.

மேலும், பால சுதாகர் மவுலி(தெலுங்கு), பத்மநாபா பாட்(கன்னடம்), ஷான்நாஸ் ரஹ்மான்(உருது), நாவல் பிரிவில் அமல்(மலையாளம்) உள்ளிட்ட 21 பேருக்கு விருது அறிவிக்கப்பட்டுள்ளது.

தமிழ் ஹிந்து
 

Sriramajayam

Supreme Ruler's of Penmai
Registered User
Blogger
Joined
Sep 19, 2012
Messages
97,855
Likes
140,944
Location
Madras @ சென்னை
பிளஸ் 1 வகுப்பில் நீக்கப்படும் தொழிற்பாடப் பிரிவு: கடலூர் மாவட்டத்தில் மாணவர் சேர்க்கை தவிர்ப்பு

தமிழக அரசு பள்ளிக்கல்வித் துறையில் பல்வேறு சீர்திருத்தங்களை மேற்கொண்டு, பள்ளிக் கல்வியின் தரத்தை உயர்த்தும் வகையில் புதிய பாடத்திட்டங்களை வகுத்துவருகிறது. பள்ளிக் கல்வித் துறையின் இத்தகையை செயல் பெற்றோர்கள் மத்தியில் வரவேற்பையும் பெற்றுள்ளது. அதற்கேற்ற வகையில் இந்த ஆண்டு முதல் 1, 6, 9 மற்றும் 11 வகுப்புகளுக்கு புதிய பாடத் திட்டத்தினை அறிமுகப்படுத்தியுள்ளது.

அடுத்த ஆண்டு 2,7,10 மற்றும் 12-ம் வகுப்புகளுக்கு புதிய பாடத்திட்டத்தினையும், அதற்கு அடுத்த ஆண்டு முதல் 3,4,5 மற்றும் 8-ம் வகுப்புகளுக்கும் புதிய பாடத் திட்டத்தினை அறிமுகப்படுத்த திட்டமிட்டுள்ளது.

இந்த சூழலில் இந்த ஆண்டு பிளஸ் 1 வகுப்பில் தொழில் பாடப் பிரிவுகளுக்கு மாணவர் சேர்க்கையை பள்ளி நிர்வாகங்கள் தவிர்த்து வருகின்றன. கடலூர் மாவட்டம் பெண்ணாடம் அரசு ஆண்கள் மேல்நிலைப் பள்ளியில் தொழிற்கல்வி பாடப் பிரிவுக்கான ஆசிரியர், இந்த ஆண்டுடன் ஓய்வுபெற்ற நிலையில் புதிய ஆசிரியர் நியமிக்கப்படவில்லை. மாறாக கடந்த ஆண்டு தொழிற்பாடப் பிரிவில் பிளஸ் 1 வகுப்பில் சேர்ந்த மாணவர்கள், இந்த ஆண்டு பிளஸ் 2 வகுப்பிற்கு தேர்ச்சி பெற்ற நிலையில், அவர்களை வேறு பள்ளிகளுக்கு இடமாற்றம் செய்துவருகிறது.

மேலும் மற்ற பள்ளிகளில் தொழிற்பாடப் பிரிவுகளில் சேரவரும் மாணவர்களை மூளைச் சலைவை செய்து, வேறு பாடப் பிரிவில் சேர்ந்து பயிலும் படி அறிவுத்தப்படுவதாக பெற்றோர்கள் புகார் தெரிவிக்கின்றநர்.

பொதுவாக அரசுப் பள்ளிகளில் 10-ம் வகுப்பில் குறைந்த மதிப்பெண் பெறும் மாணவர்களுக்கு கிடைக்கக் கூடிய ஒரு பாடப்பிரிவாகவே தொழிற்கல்வி பாடப்பிரிவு கருத்தப்படுகிறது. மேலும் டிப்ளமோ மற்றும் பொறியியல் கல்லூரிக்குச் செல்ல வாய்ப்பில்லாத ஏழைக் குடும்பத்தை மாணவர்களுக்கான வாய்ப்பாகவும் பாடப் பிரிவு அமைந்திருந்தது.

பிளஸ் 1 வகுப்பில் தொழிற்பாடப் பிரிவு நீக்கப்பட்டது தொடர்பாக கடலூர் மாவட்ட முதன்மைக் கல்வி அலுவலர் பொறுப்பு வகிக்கும் ஆர்.முருகனிடம் கேட்டபோது, “தொழிற்பாடப் பிரிவு நீக்க முடிவுசெய்துள்ளது. அதற்கான ஆசிரியர் தேர்வும் நிறுத்தப்பட்டுள்ளது. எனவே இந்த ஆண்டு முதல் தொழிற்பாடப் பிரிவில் மாணவர் சேர்க்கை நிறுத்தப்பட்டுள்ளது” என்றார்.

இது தொடர்பாக கல்வியாளர் ஆயிஷா நடராஜன் கூறுகையில், “ஏழை எளிய மாணவர்களுக்கு தொழிற்கல்வி மூலம் வேலைவாய்ப்பு கிடைத்து வந்தது. அது தற்போது தடைபட்டுள்ளது. பட்டப் படிப்பு முடித்திருந்தாலும் திறன் இல்லாத பட்டதாரிகளே கல்லூரிகள் மூலம் வெளிவருகின்றனர் என்ற கருத்துள்ள நிலையில், பட்டப்படிப்பு இல்லாத நிலையில் தொழிற்கல்வி பயின்று திறனுடன் கூடிய மாணவர்களை பள்ளிகள் உருவாக்கி வந்தது. ஆனால் ஏழை எளிய மாணவர்களின் நலனைக் கருத்தில் கொள்ளாமல் அரசு எடுத்திருக்கும் முடிவு ஆபத்தானது. இது கல்வியை கடை சரக்காக்கும் முயற்சி. கல்வியை தனியார் மயமாக்க அரசு மேற்கொண்டு முயற்சிகளில் இதுவும் ஒன்று” என்றார்.

தமிழ் ஹிந்து
 

Sriramajayam

Supreme Ruler's of Penmai
Registered User
Blogger
Joined
Sep 19, 2012
Messages
97,855
Likes
140,944
Location
Madras @ சென்னை
மாமியாரை கொலை செய்ய விருந்தில் விஷம் கலந்த மருமகள்: 4 குழந்தைகள் பலியான பரிதாபம்

மகாராஷ்ராவில் கிரகப் பிரவேச நிகழ்ச்சியில் உணவு விஷமாகி 4 குழந்தைகள் உட்பட 5 பேர் உயிரிழந்ததாக கூறப்பட்ட நிலையில், உணவில் திட்டமிட்டு விஷம் கலக்கப்பட்டது தற்போது உறுதி செய்யப்பட்டுள்ளது. கணவரிடம் இருந்து தன்னை பிரித்த மாமியார் மற்றும் நாத்தனாரை கொலை செய்வதற்காக இளம் கலந்த விஷமே 5 பேர் மரணத்திற்கு காரணம் என தெரிய வந்துள்ளது.

மகாராஷ்டிர மாநிலம் ராய்கட் மாவட்டத்தில் உள்ள கோபோலி என்ற கிராமத்தில் மானே என்பவர் புதிய வீடு கட்டினார். வீட்டு கிரகப் பிரவேசம் முடிந்து விருந்து நிகழ்ச்சி நடந்தது. அந்த கிராமத்தைச் சேர்ந்த 500க்கும் மேற்பட்டோர் விருந்தில் கலந்து கொண்டனர். ஏராளமான உணவு வகைகள் விருந்தில் பரிமாறப்பட்டன.

சில வரிசை பந்தி முடிந்த நிலையில், சாப்பிட்ட பலருக்கு தலைசுற்றல், வாந்தி, வயிற்று வலி ஏற்பட்டது. குறிப்பாக குழந்தைகளுக்கு அதிகஅளவு பாதிப்பு ஏற்பட்டது.

உடனடியாக அவர்கள் அருகில் உள்ள மருத்துவமனைக்கு அழைத்துச் செல்லப்பட்டனர். பலருக்கு வயிற்று வலி அதிகமானது. சிகிச்சை பலனின்றி 4 குழந்தைகள் உட்பட 5 பேர் உயிரிழந்தனர். மேலும் பலர் உடல் நலம் பாதிக்கப்பட்டு மருத்துவமனையில் சிகிச்சை பெற்றனர்.

இந்த சம்பவம் குறித்து போலீசார் வழக்குப்பதிவு விசாரணை நடத்தி வருகின்றனர். இந்நிலையில் விருந்தில் பரிமாறப்பட்ட உணவில் திட்டமிட்டு விஷம் கலக்கப்பட்ட அதிர்ச்சிகர தகவல் வெளியாகியுள்ளது. கணவரிடம் இருந்து தன்னை பிரித்த மாமியார், நாத்தனார் உள்ளிட்டவர்கள் மீது கோபம் கொண்ட இளம் பெண் ஒருவர், அவர்களை கொல்வதற்காக உணவில் விஷம் கலந்துள்ளார். இந்த விஷ உணவை சாப்பிட்டு 4 குழந்தைகள் உட்பட 5 உயிரிழந்துள்ளது தற்போது தெரிய வந்துள்ளது.

மாமியார், நாத்தனார்

புதிய வீடு கட்டி கிரகப் பிரவேசம் நடத்திய மானேயின் நெருங்கிய உறவினர் பிரத்னயா என்ற ஜோதி என்ற இளம் பெண் விஷம் கலந்துள்ளார். இளம் வயதிலேயே அவர் கணவனை பிரிந்து வாழ்ந்து வருகிறார். திருமணமான சில மாதங்களிலேயே கணவர் வீட்டில் உள்ளவர்கள் அவரை கொடுமை படுத்தியுள்ளனர்.

அவரது உடல் நிறத்தை குறித்தது இழிவாக குறிப்பிட்டு திட்டியதுடன், வீட்டில் பாத்திரங்களை கழுவுமறு கூறி கொடுமை படுத்தியுள்ளனர். கேவலமான பெண்ணாக மற்றவர்களிடம் குறை கூறியுள்ளனர்.

கருப்பாக இருப்பதாக கூறி மாமியார் மற்றும் நாத்தனார் கிண்டல் செய்துள்ளனர். இவரது சமையல் பற்றியும் அவமானகரமாக பேசியுள்ளனர். குறிப்பாக மாமியார் மற்றும் கணவரின் சகோதரிகள் இருவர் சேர்ந்து பிரத்னயாவிடம் சண்டையிட்டுள்ளனர். அவரை தாய் வீட்டிற்கு அனுப்பி விடுமாறு நிர்பந்தித்துள்ளனர்.

இதனால் தனது தாய் மற்றும் சகோதரிகளின் பேச்சைக்கேட்டு, பிரத்னயாவை அவரது கணவர் வீட்டை விட்டு வெளியேற்றி விட்டார். கணவருடன் சேர்ந்து வாழ முடியாமல் பிரிந்து சென்ற பிரத்னயா தனது தாய் வீட்டில் வசிந்து வந்துள்ளார். கணவர் வீட்டார் மீது தீராத கோபத்தில் இருந்துள்ளார்.

இந்த நிலையில் நெருங்கிய உறவினரான மானே வீட்டு கிரகப் பிரவேச நிகழ்ச்சிக்கு தனது கணவர் குடும்பத்தினர் வருவதாக தகவல் கிடைத்தது. இந்த வாய்ப்பை பயன்படுத்தி அவர்களை தீர்த்துக் கட்ட திட்டமிட்டார் பிரத்னயா.

கொலைத் திட்டம்

நெருங்கிய உறவினர் என்பதால் விருந்து பரிமாறும் இடத்திற்கு சென்று உதவுவது போல நாடகமாடியுள்ளார். விருந்தினர்களுக்கு சப்பாத்தியும், தாலும் பரிமாறப்பட்டது. தனது கணவர் குடும்பத்தினர் விருந்து சாப்பிட வரிசையில் அமர்ந்ததை உறுதி செய்து கொண்ட பிரத்னயா, அவர்களுக்கு பரிமாறுவதற்காக வாளியில் எடுத்துச் செல்லப்பட்ட தாலில் மட்டும் பூச்சி மருந்தை கலந்துள்ளார்.

அந்த வரிசையில் அமர்ந்து உணவருந்திய அனைவரும் விஷம் கலந்த தால் சாப்பிட்டுள்ளனர். இந்த வரிசையில் அமர்ந்து சாப்பிட்ட 4 குழந்தைகளும், பெரியவர் ஒருவர் பரிதாபமாக உயிரிழந்துள்ளனர். பிரத்னயாவின் கணவர் குடும்பத்தினர் உட்பட சிலருக்கு சிறிய பாதிப்பு ஏற்பட்டது. அவர்கள் சிகிச்சைக்கு பிறகு பூரண குணமைடைந்து வீடு திரும்பியுள்ளனர்.

மருத்துவமனையில் நாடகம்

கணவர் குடும்பத்தை கொலை செய்வதற்காக உணவின் விஷம் கலந்ததை பிரத்னயா ஒப்புக் கொண்டதையடுத்து அவரை போலீஸார் கைது செய்துள்ளனர். அவர் அன்றைய தினம் பந்தியில் அமர்ந்து உணவு சாப்பிடவில்லை. எனினும் தனக்கு விருந்து சாப்பிட்டு உடல்நலம் பாதிக்கப்பட்டதாக கூறி அரசு மருத்துவமனையில் சேர்ந்தார்.அவருக்கு எந்த பாதிப்பும் இல்லை என்பதை மருத்துவர்கள் தெரிந்து கொண்டனர்.

மேலும் மருத்துவமனையில் சிகிச்சை பெற்று வந்த உறவினர்கள் பலரும் நிகழ்ச்சியில் விருந்து சாப்பிடாத பிரத்னயா உடல் நலம் பாதிக்கப்பட்டதாக கூறி நாடகமாடுவதை கண்டு பிடித்தனர். இதையடுத்து போலீஸார் வரவழைக்கப்பட்டு அவர் விசாரிக்கப்பட்டார். போலீஸ் விசாரணையில் நடந்த அனைத்தையும் அவர் கூறியுள்ளார்.

ஐந்து பேர் உயிரிழந்த சம்பவம் விபத்து என வழக்குபதிவு செய்யப்பட்டிருந்த நிலையில் தற்போது கொலை வழக்காக மாற்றப்பட்டு அவர் குற்றவாளியாக சேர்க்கப்பட்டுள்ளார்.

தமிழ் ஹிந்து
 

Sriramajayam

Supreme Ruler's of Penmai
Registered User
Blogger
Joined
Sep 19, 2012
Messages
97,855
Likes
140,944
Location
Madras @ சென்னை
சென்னை - சேலம் எக்ஸ்பிரஸ்வே அறிக்கையில் சீன நகரத்தின் பெயர்!

சென்னை- சேலம் எட்டு வழி பசுமை விரைவுச்சாலை அமைக்கும் திட்டம் குறித்து மத்திய சுற்றுச்சூழல் அமைச்சகத்துக்கு தேசிய நெடுஞ்சாலை ஒழுங்குமுறை ஆணையம் சமர்ப்பித்த அறிக்கையில் சீன நகரத்தின் பெயர் இடம்பெற்றுள்ளது சர்ச்சையைக் கிளப்பியிருக்கிறது.

ஏற்கெனவே இத்திட்டத்திற்கு தமிழகத்தின் காஞ்சிபுரம், திருவண்ணாமலை, கிருஷ்ணகிரி, தருமபுரி, சேலம் ஆகிய ஐந்து மாவட்டங்களின் விவசாயிகளும் கடும் எதிர்ப்பு தெரிவித்து வருகின்றனர். சமூக நல ஆர்வலர்களும் எதிர்க்கட்சியினரும் போராட்டத்தில் குதித்துள்ளன.

இந்நிலையில், இந்த அறிக்கையில் சீன நகரத்தின் பெயர் இடம்பெற்றிருப்பது சர்ச்சையைக் கிளப்பியுள்ளது.

அந்த அறிகையில் இடம்பெற்றிருந்த சர்ச்சைக்குரிய வாசகம் இதுதான்: "ஸி பகுதியை பெண்கள் அதிகமாக பயன்படுத்தத் தொடங்கியுள்ளனர். எனவே, இந்த எக்ஸ்பிரஸ்வே இத்திட்டத்தை நிறைவேற்றுவதால் தரமான பாதுகாப்பான அதிகமான போக்குவரத்து சேவையை உறுதி செய்ய முடியும்"

இவ்வாறு அந்தப் பத்தியில் தெரிவிக்கப்பட்டுள்ளது.

இதில் ஸி என்று குறிப்பிடப்பட்டுள்ள நகரம் சீனாவின் ஷான்ஷி மாகாணத்தில் இருக்கிறது. இந்த குறிப்பட்ட வாசகம் சீனாவின் பாலின மற்றும் வளர்ச்சி அறிக்கையிலிருந்து எடுத்துக் கையாளப்பட்டுள்ளதும் தெரியவந்துள்ளது.

இந்த சர்ச்சை வாசகம் அடங்கிய அறிக்கையை தேசிய நெடுஞ்சாலைகள் ஆணையத்துக்கு ஃபீட்பேக் இன்ப்ரா பிரைவேட் லிமிடெட் என்ற தனியார் கன்செல்டன்ட் நிறுவனம் தயாரித்துக் கொடுத்துள்ளது.

சுற்றுச்சூழல் அமைச்சகத்துக்கு தாக்கல் செய்யப்பட்ட தேசிய நெடுஞ்சாலைத்துறை அறிக்கையில் Terms of Reference என்ற தலைப்பின் கீழ் இடம்பெற்றுள்ளது. அதில் இந்தப் பகுதியில் அல்லது கிளைப்பகுதியில் திட்டம் சார்ந்த பாலின பிரச்சினைகள் என்ன? என்று கேள்வி எழுப்பப்பட்டுள்ளது. அதற்கு அளிக்கப்பட்ட பதிலில், "இத்திட்டம் நகர்ப்புற சாலை கட்டமைப்பை மேம்படுத்தும். பொது போக்குவரத்தையும் மேம்படுத்தும். இதனால் பெண்களும் ஆண்களும் சரிசமமாக பயனடைவர். ஸி பகுதியில் பெண்களின் போக்குவரத்து அதிகமாக இருக்கிறது. எனவே இத்திட்டத்தை நிறைவேற்றுவதால் தரமான பாதுகாப்பான அதிகமான போக்குவரத்து சேவையை உறுதி செய்ய முடியும்" எனக் கூறப்பட்டிருக்கிறது.

இது குறித்து தி இந்து ஆங்கிலம் சார்பில் ஈட்பேக் இன்பரா நிறுவனத்தைத் தொடர்பு கொண்டபோது சேர்மனை தொடர்பு கொள்ள இயலவில்லை விரைவில் அழைக்கிறோம் என்று கூறிமுடித்துள்ளனர்.

பொதுமக்களிடம் ஆலோசனை!

மேலும், தனியார் நிறுவனம் தயார் செய்து கொடுத்த அறிக்கையில் பொதுமக்களிடம் சென்னை - சேலம் எக்ஸ்பிரஸ்வே குறித்து ஆலோசனை நடத்தப்பட்டதாகவும் குறிப்பிடப்பட்டுள்ளது. அரசு அதிகாரிகளிடம் நேர்காணல் நடத்தப்பட்டது என்றும் ஏற்கெனவே தயார் செய்து வைக்கப்பட்ட கேள்விகளுக்கு எக்ஸ்பிரஸ்வே அமையும் பகுதியில் வசிக்கும் மக்களிடமிருந்து பதில் பெறப்பட்டது என்றும் அந்த தனியார் நிறுவனம் தெரிவித்துள்ளது.

மக்களிடம் ஆலோசனை கேட்டபோது அரசியல் குழப்பங்களால் இத்திட்டம் நின்றுவிடக்கூடாது என்றும் மீண்டும் மீண்டும் சர்வேக்கள் நடத்துவதைத் தவிர்த்து அவசரம் கருதி உடனடியாக திட்டத்தை நிறைவேற்ற வேண்டும் என்றும் தெரிவிக்கப்பட்டுள்ளது.

இது குறித்து சுற்றுச்சூழல் ஆர்வலர் நித்யானந்த் ஜெயராம், "சேலம்-சென்னை எக்ஸ்பிரவே குறித்து தொழில்நுட்ப ரீதியாக அனைத்து ஆய்வுகளும் மதிப்பீடுகளும் தரமாக செய்யப்பட்டுள்ளன. அதேவேளையில் சமூக மதிப்பீடுகளும் முழு வீச்சில் செய்யப்பட்டிருக்க வேண்டாமா?

பொதுமக்களுடன் ஆலோசனை நடத்தி கருத்து கேட்கப்பட்டிருந்தால் அது குறித்த தகவல்கள் அறிக்கையில் இடம் பெற்றிருக்க வேண்டுமே. எனவே, மக்களிடம் கருத்து கேட்டதாக அந்த நிறுவனம் சொல்வதே பொய்" என்றார்.

தமிழ் ஹிந்து
 

Sriramajayam

Supreme Ruler's of Penmai
Registered User
Blogger
Joined
Sep 19, 2012
Messages
97,855
Likes
140,944
Location
Madras @ சென்னை
அருண் ஜேட்லியின் கருத்து அபத்தமானது: ப.சிதம்பரம் காட்டம்

காங்கிரஸ் தலைவர் ராகுல் காந்தி மாவோயிஸ்ட்களுக்கு ஆதரவானவர் என்று அருண் ஜேட்லி கூறியது அபத்தமானது என்று காங்கிரஸ் மூத்த தலைவர் ப.சிதம்பரம் தெரிவித்துள்ளார்.

மத்திய நிதி அமைச்சர் அருண் ஜேட்லி நேற்று ஒரு பேட்டியில் கூறுகையில், ‘‘மனித உரிமைகள் அமைப்புகள் இடது சாரிகள் குழுக்கள் கையில் எடுத்துள்ளன. அவற்றுக்கு ராகுல் காந்தி ஆதரவு தெரிவித்து வருகிறார். ராகுல் காந்தி சார்ந்திருக்கும் காங்கிரஸ் கட்சி வரலாற்று ரீதியாகவும்,சித்தாந்தரீதியாகவும் இதுபோன்ற மாவோயிஸ்ட், தீவிரவாத குழுக்களை எதிர்க்கிறார்களா. எங்களின் கொள்கை என்பது, மனித உரிமையை நிலைநாட்டுவதுதான். அதனால்தான் மனித உரிமைகள் மீறப்பட்ட சம்பவம் நடந்தவுடன் ஜம்மு காஷ்மீரில் அரசுக்கு அளித்த ஆதரவை வாபஸ் பெற்றோம்’’ என்று தெரிவித்திருந்தார்.

இதற்குப் பதில் அளித்து காங்கிரஸ் கட்சியின் மூத்த தலைவரும், முன்னாள் நிதி அமைச்சருமான ப.சிதம்பரம் ட்விட்டரில் ஜேட்லியின் கருத்துக்குப் பதில் அளித்துள்ளார். அதில் அவர் கூறுகையில் ‘‘காங்கிரஸ் தலைவர் ராகுல் காந்தி, மாவோயிஸ்ட்களுக்கும், ஜிகாதிகளுக்கும் ஆதரவானவர், அவர்கள் மீது இரக்கம் கொண்டவர் என்று நிதி அமைச்சர் அருண் ஜேட்லி பேசி இருப்பது நகைப்புக்குரியது, பொருத்தமில்லாத வார்த்தைகளாகும்.

இந்த இரு குழுக்களையும் காங்கிரஸ் கட்சி கடினமான நிலைப்பாட்டுடன் எதிர்த்து வருகிறது. காங்கிரஸ் தலைமையிலான ஐக்கிய முற்போக்குக் கூட்டணிக் கட்சி ஆட்சியில் இருந்தபோது, ஜம்மு காஷ்மீரில் ஜிகாதிகளை ஒடுக்கி, வன்முறைகளைக் கட்டுப்படுத்தியது. சத்தீஸ்கரில் மாவோயிஸ்ட்கள் வன்முறைக்கும், குண்டுவீச்சுக்கும், அந்த மாநிலத்தில் எங்களின் ஒட்டுமொத்த தலைமையை குண்டுவீச்சுக்கு இழந்தோம் என்பதை மறக்க முடியுமா’’ என ப.சிதம்பரம் தெரிவித்துள்ளார்.

தமிழ் ஹிந்து
 

Sriramajayam

Supreme Ruler's of Penmai
Registered User
Blogger
Joined
Sep 19, 2012
Messages
97,855
Likes
140,944
Location
Madras @ சென்னை
மாங்காய் பறித்த 10 வயது சிறுவனின் தலையில் பாய்ந்த துப்பாக்கிக் குண்டு: தோட்டக்காரர் தப்பி ஓட்டம்

பீகார் மாநிலத்தில், ககாரியா மாவட்டத்தில் தோட்டத்தில் மாங்காய் பறித்த 10வயது சிறுவனை துப்பாக்கியால் தலையில் சுட்டுக் கொன்ற அதிர்ச்சிச் சம்பவம் நடந்துள்ளது.

ககாரியா மாவட்டத்தில், ஷேர்கார்க் கிராமத்தைச் சேர்ந்த சிறுவன் சத்யம் குமார்(வயது10). இந்தச் சிறுவன் தனது கிராமத்துக்கு பக்கத்தில் உள்ள பத்ராலா கிராமத்தில் உள்ள தனது நண்பர்களுடன் சேர்ந்து வியாழக்கிழமை விளையாடச் சென்றான். அப்போது, பத்ராலா கிராமத்தில் உள்ள ஒரு மாந்தோப்பில் சிறுவர்கள் காவல்காரருக்கு தெரியாமல் மாங்காய் பறித்துள்ளனர்.

அப்போது திடீரென சிறுவன் சத்யம் குமார் தலையில் ஏதோ ஒரு பொருள்தாக்கி அவன் தூக்கிவீசப்பட்டான். இதைக் கண்ட மற்ற சிறுவர்கள் அங்கிருந்து தப்பிச் சென்று நடந்த சம்பவத்தை கிராமத்தில் உள்ள மக்களிடமும், சிறுவனின் பெற்றோரிடமும் தெரிவித்தனர். அவர்கள் விரைந்து வந்து சிறுவனை ககாரியா மாவட்ட மருத்துவமனைக்குச் சிகிச்சைக்காக கொண்டு சென்றனர்.

ஆனால், அங்குச் சிறுவன் தலையில் துப்பாக்கி குண்டு பாய்ந்ததால், ஏற்கெனவே இறந்துவிட்டான் என்று மருத்துவர்கள் தெரிவித்துவிட்டனர். இதையடுத்து, சிறுவனின் பெற்றோர், கிராமத்தினர் சிறுவனின் உடலை வாங்காமல்,அந்தத் தோட்டத்தில் உள்ள காவல்காரர் பாதோ சவுத்ரிதான் தனது மகனைத் துப்பாக்கியால் சுட்டுள்ளார். அவரைக் கைது செய்ய வேண்டும் என்று போலீஸிடம் வலியுறுத்தினார்கள்.

இது குறித்து சிறுவனின் தந்தை மகுனி யாதவ் கூறுகையில், ‘‘என் மகன் செய்த ஒரே குற்றம் தெரியாமல் மாங்காய் பறித்ததுதான். அதற்கான விலை அவன் உயிர்தானா. என் மகனைச் சுட்டுக்கொன்ற மாந்தோப்பின் தோட்டக்காரர் பாதோ சவுத்ரியை கைது செய்ய வேண்டும்’’ என்று வேதனையுடன் தெரிவித்தார்.

சிறுவன் கொல்லப்பட்ட சம்பவத்தைத் தொடர்ந்து நூற்றுக்கணக்கில் கிராமக்கள் திரண்டுவந்து போலீஸ் நிலையத்தை முற்றுகையிட்டு குற்றவாளிகளை கைது செய்ய வலியுறுத்தினார். உரிய நடவடிக்கை எடுக்கப்படும் என போலீஸார் அளித்த வாக்குறுதியின் அடிப்படையில் அவர்கள் கலைந்து சென்றனர்.

இது குறித்து போலீஸார் கூறுகையில், ‘‘சிறுவன் கொல்லப்பட்ட சம்பவத்தில், இருவரைக் கைது செய்துள்ளோம். தோட்டத்தின் காவல்காரர் தப்பி ஓடிவிட்டார்.அவரைத் தேடி வருகிறோம்’’ என்று தெரிவித்தனர்.

தமிழ் ஹிந்து
 

Sriramajayam

Supreme Ruler's of Penmai
Registered User
Blogger
Joined
Sep 19, 2012
Messages
97,855
Likes
140,944
Location
Madras @ சென்னை
‘சுத்தமான தண்ணீராக மாறும் சிறுநீர்’- ஹைதராபாத் மெட்ரோ புதிய திட்டம்

தெலங்கானா மாநிலம் ஹைதராபாத்தில் நீர் வீணாவதைத் தடுக்கும் வகையில், சிறுநீரை சுத்தமான தண்ணீராக மாற்றும் திட்டம் தொடங்கப்பட்டுள்ளது.

இந்தத் திட்டத்தின் சுத்தமான நீராக மாற்றப்படும் நீர் தோட்டங்கள், செடிகளுக்கும் பயன்படுத்தப்படுகிறது. ஹைதராபாத்தில் உள்ள மியாபூர், கேபிஎச்பி, குட்டபள்ளி, ரசூல்புரா மெட்ரோ ரெயில் நிலையங்களில் இந்த திட்டம் முதல்கட்டமாகத் தொடங்கப்பட்டு வெற்றி பெற்றுள்ளது.

இந்தத் திட்டத்தின் கீழ் ஒரே இடத்தில் சிறிய கழிப்பறைகள் கட்டப்பட்டுள்ளன. அந்த கழிவறையைப் பயன்படுத்தி சிறுநீர் கழிக்கும்போது, அதில் சேமிக்கப்படும் நீர் சுத்திகரிக்கப்பட்டு, சிறுநீரில் இருந்து நைட்டரஜன், அமோனியா சத்துக்கள் தனியாக பிரிக்கப்பட்டு அவை உரமாகச் செடிகளுக்கு அனுப்பப்படுகின்றன. சுத்தமான, துர்நாற்றமில்லாத நீர் செடிகளுக்கும், மரங்களுக்கும் பாய்ச்சப்படுகிறது.

தண்ணீர் வீணாவைத்தடுக்கும் வகையில், ஹைதராபாத் மெட்ரோ ரெயில் லிமிட்(எச்எம்ஆர்எல்) நிறுவனம், நேச்சுரோசேனி என்ற நிறுவனத்துடன் இணைந்து இந்தத் திட்டத்தை செயல்படுத்தி வருகிறது.

இதன்படி, சிறுநீரில் இருந்து பிரித்தெடுக்கப்படும் நீர் துர்நாற்றமில்லா, கழிவறையும் எந்தவிதமான துர்நாற்றமில்லாமல், சுத்தமாகவே இருக்கும் வகையில் அமைக்கப்பட்டுள்ளது. அரசு மற்றும் தனியார் பங்களிப்புடன் ஒவ்வொரு கழிப்பறையும் ரூ.3லட்சம் செலவில் அமைக்கப்பட்டுள்ளது.

இது குறித்து ஹைதராபாத் மெட்ரோ ரயில் நிறுவனத்தின் மேலாண்மை இயக்குநர் என்.வி.எஸ்.ரெட்டி கூறுகையில் ‘‘எச்என்ஆர்எல் மற்றும் நேச்சுரோசேனி இணைந்து உருவாக்கியுள்ள இந்த பயோ-கழிப்பறையில் ஒரேநேரத்தில் 3 ஆண்கள் சிறுநீர் கழிக்க முடியும். இந்தச் சிறுநீர் அனைத்தும் பயோ கழிப்பறையாகும்.

இந்த கழிவறையில் இருந்து துர்நாற்றம் வீசாது. சிறுநீர் கழித்துவிட்டு தண்ணீர் ஊற்றத் தேவையில்லை, கறைபடியாது. பயோபில்டர், கார்பன் பில்டர் பொருத்தப்பட்டு இந்தக் கழிப்பறை அமைக்கப்பட்டு சிறுநீர் சுத்திகரிக்கப்படுகிறது.

சிறுநீரில் இருந்து பிரித்தெடுக்கப்படும் மைக்ரோப்கள், நைட்ரஜன் மற்றும் அமோனியாவாக பிரிக்கப்பட்டு செடிகளுக்கு உரமாக்கப்படுகிறது. சுத்தமான, எந்தவிதமான துர்நாற்றமில்லாமல் பிரிக்கப்படும் நீர் சேமிக்கப்பட்டு நகரில் உள்ள செடிகளுக்கும், மரங்களுக்கும் பாய்ச்சப்படுகிறது. இந்த நீரில் எந்தவிதமான துர்நாற்றமும், எந்தவிதமான கிருமிதாக்கும், தொற்றும் இல்லாததால், தாராளமாக வழக்கமான நீரைப் போல் பயன்படுத்தலாம்.

இப்போது ஒவ்வொரு கழிப்பறையும் 3 பேர் மட்டுமே சிறுநீர் கழிக்கும் வகையில் அமைக்கப்பட்டுள்ளது. நாள் ஒன்றுக்கு 300 கிலோலிட்ட நீர் சுத்திகரிப்பு செய்து பிரிக்கப்பட்டு வருகிறது. விரைவில்இந்த கழிப்பறைகள் 8 பேர் பயன்படுத்தும் வகையில் அமைக்கப்படும்’’ என தெரிவித்தார்.

தமிழ் ஹிந்து
 

Sriramajayam

Supreme Ruler's of Penmai
Registered User
Blogger
Joined
Sep 19, 2012
Messages
97,855
Likes
140,944
Location
Madras @ சென்னை
சேலம் உட்பட 4 மாவட்டங்களில் விமான சேவை விரைவாகத் தேவை: அமைச்சர் சுரேஷ் பிரபுவுக்கு முதல்வர் கடிதம்

ஓசூர் விமான நிலையத்தை செயல்பாட்டுக்குக் கொண்டுவரவும், நெய்வேலிக்கு விமான சேவைகளை இயக்கவும் உடனடியாக நடவடிக்கை எடுக்குமாறு, விமானப் போக்குவரத்துத் துறை அமைச்சர் சுரேஷ் பிரபுவை முதல்வர் எடப்பாடி பழனிசாமி வலியுறுத்தியுள்ளார்.

இதுதொடர்பாக முதல்வர் எடப்பாடி பழனிசாமி இன்று (சனிக்கிழமை) விமானப் போக்குவரத்துத் துறை அமைச்சர் சுரேஷ் பிரபுவுக்கு எழுதிய கடிதத்தில், “தமிழகத்தில் மண்டல அளவில் உடான் திட்டம் மூலம் விமானப் போக்குவரத்தை ஊக்குவிக்க எடுத்துக் கொண்ட நடவடிக்கைகளுக்காக நன்றி தெரிவித்துக் கொள்கிறேன். சேலம் விமான நிலைய சேவை மூலம் அம்மாவட்டம் மற்றும் அம்மாவட்டத்தைச் சுற்றியுள்ள மக்கள் பயன்பெறுவதோடு அதனை வரவேற்கவும் செய்துள்ளனர்.

அதேபோல், முக்கிய தொழில்துறை மையமாக உள்ள ஓசூரில் உடான் திட்டத்தின்கீழ் முதல்கட்டமாக விமானங்கள் இயக்கப்படவுள்ளன. பெங்களூரு சர்வதேச விமான நிலையத்தில் இருந்து தடையில்லாச் சான்று பெறப்பட்டவுடன் ஓசூரில் விமானங்கள் இயக்கப்படும்.

ஓசூர் விமான நிலையம் மூலம் தொழில் மையமான கிருஷ்ணகிரி, அதனைச் சுற்றியுள்ள மாவட்டங்கள், சென்னை-பெங்களூரு தொழில் மையம் பகுதியும் வளர்ச்சியை நோக்கி மேம்படும். அதனால், ஓசூர் விமான நிலையத்தை உடனடியாக செயல்பாட்டுக்குக் கொண்டு வர விமானப் போக்குவரத்துத் துறை நடவடிக்கை எடுக்க தாங்கள் அறிவுறுத்த வேண்டும்.

அதேபோல், உடான் திட்டத்தின்கீழ் நெய்வேலியும் முதல்கட்டமாக தேர்ந்தெடுக்கப்பட்டுள்ளது. நெய்வேலியிலும் விமானப் போக்குவரத்தை உடனடியாகத் தொடங்க தாங்கள் நடவடிக்கை எடுக்க வேண்டும்.

உடான் திட்டத்தில் இரண்டாம் கட்டமாக ராமநாதபுரம் தேர்ந்தெடுக்கப்பட்டுள்ளது. ராமநாதபுரம் முக்கியமான ஆன்மிக மற்றும் சுற்றுலாத் தலமாகும். இந்தியா முழுவதிலும் இருந்து சுற்றுலாப் பயணிகள் ராமநாதபுரத்திற்கு வருகை தருவர். அதனால், ராமநாதபுரத்திலும் விமான சேவையை உடனடியாகத் தொடங்க நடவடிக்கை எடுக்குமாறு கேட்டுக் கொள்கிறேன்” என முதல்வர் எடப்பாடி பழனிசாமி தெரிவித்துள்ளார்.

தமிழ் ஹிந்து
 

Sriramajayam

Supreme Ruler's of Penmai
Registered User
Blogger
Joined
Sep 19, 2012
Messages
97,855
Likes
140,944
Location
Madras @ சென்னை
கர்நாடகாவில் பாஜக நிர்வாகி குத்திக் கொலை

கர்நாடகாவில் பாஜக நிர்வாகி முகமது அன்வர் கத்தியால் குத்தி கொல்லப்பட்ட சம்பவத்தால் பதற்றம் ஏற்பட்டுள்ளது.

கர்நாடக மாநிலம் சிக்மகளூர் புறநகர் மாவட்ட பாஜக பொதுச்செயலாளராக பதவி வகித்து வந்தவர் முகமது அன்வர் (வயது 44). நேற்று இரவு அவர் கவுரி கால்வாய் பகுதியில் சென்றபோது இருசக்கர வாகனத்தில் வந்த சிலர் கத்தியால் சரமாரியாக குத்தினர்.

இதில் பலத்த காயமடைந்து அவர் அங்கேயே விழுந்தார். அக்கம் பக்கத்தில் இருந்தவர்கள் அவரை மருத்தவமனைக்கு அனுப்பி வைத்தனர். ஆனால், அவர் ஏற்கெனவே இறந்துவிட்டதாக மருத்துவர்கள் தெரிவித்தனர். இதுகுறித்து போலீஸார் வழக்குப்பதிவு செய்து விசாரணை நடத்தி வருகின்றனர்.

கர்நாடகாவில் சமீபத்தில் சட்டப்பேரவைத் தேரதல் நடந்தநிலையில், அரசியல் மோதல் காரணமாக, இந்த கொலை நடந்திருக்கலாம் என்றும் கூறப்படுகிறது. அன்வர் கொலையை அடுத்து அங்கு ஏராளமான பாஜகவினர் கூடியனர் இதனால் அங்கு பதற்றம் நிலவி வருகிறது.

தமிழ் ஹிந்து
 

Similar threads

Important Announcements!

Type in Tamil

Click here to go to Google transliteration page. Type there in Tamil and copy and paste it.