Penmai 6th Anniversary Contest

Parasakthi

Registered User
Blogger
#1
பெண்மை தோழமைகளுக்கு

இனிய வணக்கங்கள்.

பெண்மை, ஆறு வருடங்களை நிறைவு செய்து மே 20-இல் தனது ஏழாவது வருடத்தில் அடியெடுத்து வைக்க போகிறாள். இந்நாளை கொண்டாடும் விதமாக நம் பெண்மையின் சிறப்பு போட்டி இதோ!

பெண்மையில் திறமையாக எழுதுபவர்கள் பலர் உள்ளனர். இங்கே பலரின் எழுத்துத் திறமையைக் கடந்த பல போட்டிகளில் நாம் கண் கூடாகக் கண்டு வியந்து இருக்கிறோம். இந்த முறையும் அப்படிப்பட்ட போட்டியே.

இது ஒரு கட்டுரைப் போட்டி. கொடுக்கப்படும் தலைப்பில் உங்களது கருத்துக்களைக் கட்டுரையாக சொல்ல வேண்டும். உங்களது கட்டுரை முழுதும் தமிழ் அல்லது முழுதும் ஆங்கிலத்தில் இருக்கலாம். இரண்டையும் கலந்து எழுதக் கூடாது.

சிறப்பு பரிசு:

இந்த போட்டியில் வெற்றி பெறும் கட்டுரைக்கு கூடுதல் சிறப்பு பரிசு ஒன்றும் இருக்கிறது. அது மே 20-ம் தேதி அறிவிக்கப்படும்.

கட்டுரைத் தலைப்பு:

தமிழ் - "எல்லாம் நன்மைக்கே"

ஆங்கிலம் - All is Well

குறிப்பு:

  • உங்களுடைய சொந்த கட்டுரையை மட்டுமே பதிவிட வேண்டும்.
  • உங்கள் எழுத்துகளின் எண்ணிக்கைக்கு வரம்புகள் இல்லை.
  • கடைசித் தேதி - 17th May​ 2014​, 11.00 PM (IS​T​)
  • உங்களது கட்டுரை முழுதும் தமிழ் அல்லது முழுதும் ஆங்கிலத்தில் இருக்கலாம். இரண்டையும் கலந்து எழுதக் கூடாது.
[HR][/HR][HR][/HR]Dear Friends,

​Our ​Penmai​ Girl​, is gonna celebrate her 7th birthday on coming 20th of this month. Here is a first step of celebrating her birthday with our Penmai's 6th Birthday Contest.

We've a lot of creative talent as we have seen in past contests. So here's yet another opportunity for Penmaities to showcase their creative skills! Yeah We are having an Article Writing contest this month on the topic of "All is Well".

Let's see what creative Articles unfold here at Penmai.

Special Gift:

As you all know, we give gifts for the Best Article. This Time, The winning entry will get Some "Special Surprise & Memorable Prize" along with our gift.

Go ahead Friends!! Think out of the box!!

​Rules

  • Don't Submit Copied Articles. They must be of your Own!
  • No Restriction in no. of words.​
  • Your Article must be written either in English or in Tamil.
  • Last Date of Submission : 17th May 2014, 11.00 PM IST
 
Last edited:

gkarti

Super Moderator
Staff member
#3
Yeah Cutie kku B'day.. ;) Surprise + Special gift lam Kodukkura.. Naama than Gift tharanum :) :)

"All is Well" Semma Topic Caps!! :whistle::whistle: Grain ah thatti Parkkuren Ethathu therumaa nnu ;)

BTW Class..:thumbsup
 

sbsudha

Penman of Penmai
Blogger
#5
Vaahzthukkal Penmai kutti ponnu.

chinnaval aanal pen kulathirke thozhiyanaval engal penmai magal.
engalukku thaayagavum magalagavum vilangubaval.
meendum sandhipom "All is well"
Good Sakthi. vaazhthukkal
 

Sriramajayam

Registered User
Blogger
#6
ஆறு வயசுள்ள பெண்மைக்கு, இந்த ஒன்னரை வயசுள்ள தம்பி விசு ஆகிய நான் பெண்மை அக்காக்கு வாழ்த்து தெரிவித்துக்கொள்கிறேன்.

இங்கு கிழே உள்ள கட்டுரையை ஒரு இணையதளத்தில் படித்தேன். நன்றி.

எல்லாம் நன்மைக்கே…

நமக்கு நல்லதைத்தான் செய்வார் பகவான்; நாம் அதைப் புரிந்து கொள்ள வேண்டும். எது நடந்தாலும் இது பகவான் சித்தம் என்று ஆறுதல் பெற வேண்டும்; அது, நல்லதாகவே முடியும்.
ஒரு ராஜாவும், மந்திரியும் இருந்தனர். ஒரு நாள் மாம்பழம் நறுக்கினார் ராஜா. அப்போது, அவரது விரல் ஒன்று கத்திபட்டு, துண்டாகி கீழே விழுந்து விட்டது. பக்கத்திலிருந்த மந்திரி, “எல்லாம் நன்மைக்குத் தான்…’ என்றார். ராஜாவுக்குக் கோபம் வந்து விட்டது. விரல் துண்டாகி விட்டது; இவர், எல்லாம் நன்மைக்குத்தான் என்கிறாரே என்று கோபப்பட்டு, மந்திரியை சிறையிலிட்டார். மந்திரியும் எல்லாம் நன்மைக்குத் தான் என்று சொல்லிவிட்டு, சிறைக்குச் சென்றார்.

ஒரு நாள் தனியாக காட்டுக்குச் சென்றார் ராஜா. அங்கே சிலர் நர பலி கொடுப்பதற்காக ஆளைத் தேடிக் கொண்டிருந்தனர். ராஜாவைப் பார்த்ததும், அவரை இழுத்துக் கொண்டு தங்கள் தலைவனிடம் சென்றனர். ராஜாவை ஒவ்வொரு அங்கமாக பரிசோதித்தான் தலைவன். ராஜாவுக்கு ஒரு விரல் இல்லாததை பார்த்து, இப்படி அங்கஹீனம் உள்ளவன் நரபலிக்கு பிரயோஜனமில்லை என்று ராஜாவை, “ஓடிப்போ’ என்று விட்டு விட்டான்; ராஜாவுக்கு சந்தோஷம்.

அன்று, “எல்லாம் நன்மைக்கு தான் என்று மந்திரி சொன்னது எவ்வளவு உண்மையாகி விட்டது! நாம் அவரை சிறையிலடைத்தது தவறு. உடனே, அவரை விடுதலை செய்து, மன்னிப்பு கேட்க வேண்டும்…’ என்று எண்ணி, உடனே சிறைச்சாலைக்கு வந்து மந்திரியிடம் விவரம் சொல்லி, அவரை விடுதலை செய்தான்.
அப்போது, மந்திரியை பார்த்து, “உங்களை சிறையிலடைக்கும் போது, வருத்தப்படாமல், எல்லாம் நன்மைக்கே என்று சொன்னீர்களே… அது எப்படி?’ என்று கேட்டான். அதற்கு மந்திரி, “தாங்கள் என்னை சிறையில் அடைக்காமல் இருந்திருந்தால் நானும், உங்களுடன் காட்டுக்கு வந்திருப்பேன். நரபலி கொடுப்பவர்கள் என்னையும் பிடித்து
போயிருப்பர்.

“எனக்கு அங்கஹீனம் எதுவும் இல்லாததால், என்னை நரபலி கொடுத்திருப்பர். தாங்கள் என்னை சிறையிலிட்டதால், நான் உங்களோடு வராமல் தப்பினேன். அதனால், எது நடந்தாலும் எல்லாம் நன்மைக்கே என்று எண்ணினேன். இப்போதாவது புரிந்ததா? எது நடந்தாலும் எல்லாம் நன்மைக்கே என்றும், எல்லாம் அவன் செயல் என்றும் நினைக்க வேண்டும்…’ என்றார் மந்திரி.
ராஜாவும், “நீங்கள் சொல்வதும் சரி தான்…’ என்றார்.
அதனால், நமக்கு எப்போது என்ன நடக்க வேண்டும் என்றுள்ளதோ, அப்போது, அது நடந்து விடும்.

:cheer:
:cheer::cheer:
:cheer:
Vayal Via Senthilvayal

 

Sriramajayam

Registered User
Blogger
#7
நடப்பது எல்லாம் நன்மைக்கே!

காட்டு ராஜா சிங்கத்தின் குகை வாசலில், ஏகப்பட்ட மிருகங்களின் கூட்டம். காட்டு ராஜா, வேட்டையாடச் சென்றபோது, கால்விரலில் அடிபட்டு, விரல் துண்டாகி விட்டதென்று அறிந்து துக்கம் விசாரிக்கத்தான் காட்டுப் பிரஜைகளான மிருகங்கள் கூடியிருந்தன. ஒவ்வொரு மிருகமாக வரிசையில் நின்று, குகையின் உள்ளே சென்று, சிங்க ராஜாவைப் பார்த்து விட்டுத் திரும்பின.

சிங்கராஜா காலில் பலமான கட்டுடன், கட்டிலில் படுத்துக் கிடந்தது. அருகே சிங்கராணி, வழியும் கண்*ரும் சிந்திய மூக்குமாக அமர்ந்து இருந்தது.

ஒவ்வொரு மிருகமாக வரிசையாகச் சென்று கொண்டிருந்தபோது, வரிசையின் இடையே வந்து, புகுந்து கொண்ட குள்ளநரி, சிங்கராஜாவின் அருகே சென்றதும் பெருமூச்சு விட்டபடி "ஊம் நடப்பது எல்லாம் நன்மைக்கே" என்றது. சிங்கராஜாவுக்கு கடுங்கோபம் வந்துவிட்டது.

நமது காலிலுள்ள ஒரு விரலே போய்விட்டது. இந்தக் குள்ளநரி, நடப்பதெல்லாம் நன்மைக்கே, என்று கூறுகிறதே. "பிடி அதை அடைத்துவை, குகைச்சிறையில்!" எனக் கட்டளை இட்டது சிங்கராஜா.

சிப்பாய்க் குரங்குகள் பாய்ந்து, நரியைப் பிடித்து இழுத்துச் சென்றன.

"ஒவ்வொரு காரியமும் நமது நன்மைக்குத்தான் நடக்கிறது என்ற உண்மையைத்தானே சொன்னேன்" என்று புலம்பியபடி சென்றது குள்ளநரி.

சிங்கராஜாவின் காலிலுள்ள புண் குணமாவதற்கு, மூன்று மாதகாலம் கடந்தது. காலில் ஒருவிரல் இல்லாமையால், சிங்கராஜா கம்பீரமாக நடக்க இயலாமல், நொண்டி நொண்டி நடந்தது. அதனால் மிருகங்கள் எல்லாம் மறைமுகமாக "நொண்டி ராஜா" என அழைத்தன.

இப்படிச் சிங்கராஜாவை எல்லாரும் கேலி செய்வதைக் கேட்டு, சிங்கராணிக்கு மிகுந்த வருத்தம். என்ன செய்வது? இந்தப் பட்டத்தைச் சூட்டியது எந்த மிருகம் என்பது தெரிந்தால், இளவரசன் சிங்கக்குட்டியிடம் தண்டனை கொடுக்கச் சொல்லலாமே என நினைத்தது.

உண்மையில் இப்படி பெயர் வைத்தது, குறும்புக்கார முயல் என்பது எவருக்கும் தெரியாது.

சிறையில் அடைபட்டிருந்த குள்ளநரிக்கு, சைவ உணவே தினசரி ஒரு வேளை தரப்பட்டது. காட்டுக்கிழங்கையும், கனிகளையும், பார்த்தாலே குள்ளநரிக்கு குமட்டிக் கொண்டு வரும், என்ன செய்வது? வாயை வைத்துக்கொண்டு சும்மா இருக்காமல், வார்த்தையைக் கொட்டிவிட்டு, வாழ்க்கையைக் கெடுத்துக் கொண்டோமே, என ஏக்கப் பெருமூச்சு விட்டுக் கொண்டிருந்தது குள்ளநரி.

வெகுநாட்களாகியும் குணமாகாமல் காலை நொண்டிக் கொண்டே ஒரு நாள் காட்டில், வெகுதூரம் வேட்டைக்கு வந்துவிட்ட சிங்கம், ஒரு இடத்தில் திறந்து வைக்கப்பட்டிருந்த ஒரு கூண்டுக்குள், ஆட்டுக்குட்டி ஒன்று இருந்ததைக் கண்டது. ஆவலுடன் ஆட்டுக்குட்டியின் மீது பாய்ந்து, கடித்துக் குதறித் தின்றது.

தின்று முடிந்து, ஏப்பம் விட்டபடி திரும்பிய சிங்கம் அந்த இரும்புக் கூண்டில் கம்பிக்கதவால் மூடப்பட்டிருந்ததைக் கண்டு, திகைத்தது. மடத்தனமாக கூண்டுக்குள் அகப்பட்டுக் கொண்டோமே என்று நினைத்து வேதனைப்பட்டது. ஆத்திரத்தில் கர்ஜனை செய்தது. அப்போது கூண்டில் அடைப்பட்ட சிங்கத்தை, தங்கள் வண்டியில் கட்டி இழுத்துச் சென்ற காவலர்கள், "நம் இளவரசர் கேட்டபடி அவர் விளையாடுவதற்கு ஒரு சிங்கம் கிடைத்துவிட்டது. இதைப் பார்த்தால் மிகவும் மகிழ்ச்சியடைவார். இளவரசரின் மகிழ்ச்சியைக் கண்டு மன்னர் நமக்குப் பரிசுகள் கொடுப்பார்", என்றெல்லாம் பேசிக்கொண்டே அரண்மனையை அடைந்தனர்.
கூண்டிலிருந்த சிங்கத்தை இறக்கியபோதுதான் அது நொண்டி நொண்டி நடந்ததை அறிந்தனர்.

இதைக்கண்டு வருந்திய அவர்கள், "இது ஊனமுற்ற சிங்கம். இதை நம் இளவரசர் விளையாடப் பழக்கப்படுத்த முடியாது. "எனவே, இதைக் காட்டில் கொண்டு போய் விட்டுவிடுவதே நல்லது" என்று கூறியபடி சிங்கத்தை மீண்டும் காட்டுக்குள் கொண்டு சென்று விட்டுவிட்டுத் திரும்பினர் காவலர்கள். சிங்கத்திற்கு மகிழ்ச்சி பொங்கியது.

"நமது கால் விரல், இல்லாததால்தான் நம்மை விட்டு விட்டார்கள். "நடப்பது எல்லாம் நன்மைக்கே" என்று அன்றைக்கு நரி சொன்னபோது, ஆத்திரப்பட்டு அதைக் கூண்டில் அடைத்தோம். ஆனால் அது சொன்னது சரியென்று இப்போதுதான் உணர முடிகிறது" என்றெல்லாம் நினைத்தபடி தனது குகைக்குச் சென்ற சிங்கம், தனது மனைவியிடமும் குட்டிகளிடமும் நடந்ததைச் சொன்னது.

உடனடியாக, சிப்பாய்க் குரங்குகளை அழைத்து, "சிறையைத் திறந்து குள்ளநரியை வெளியில் அனுப்புங்கள்" என்று உத்தரவிட்டது. அதன்படி சிறையை விட்டு, வெளிவந்த குள்ளநரியை வரவேற்ற சிங்கராஜா, "அறிவுக் கடலே, இன்று முதல் நீங்கள்தான் எனது மந்திரி, நடப்பது எல்லாம் நன்மைக்கே என்று அன்று நீங்கள் சொன்னது உண்மையாகி விட்டது. யார் எதைச் சொன்னாலும் அவசரப்படாமல் ஆராய்ந்து பார்க்க வேண்டும் என்பதைப் புரிந்து கொண்டேன் என்று மகிழ்ந்தது.

நடப்பது எல்லாம் நன்மைக்கே என்று நினைத்தால் துன்பம் தரக்கூடிய செயல் எதுவும் இல்லை

:typing:
Koodal (FYI)
 

smahi

New Member
#10
Hi Sakthi, namma PENMAI kku May 20th birthday vaa...superrrrr....naanum annaikku correct aa marakkama vandh wish pannidren.....nalla thalaippu da...:clap2::clap2:
 

Sriramajayam

Registered User
Blogger
#11
என் wallக்கு வந்து என் எல்லா ஸ்டேடஸ்க்கு லைக் போட்டு போகும் நல் உள்ளங்கள் கொண்ட நண்பர்களுக்கு நன்றி நன்றி நன்றி.

:pray1:
 
#12
எல்லாம் நன்மைக்கே...

எல்லாம் நன்மைக்கே என்றால் ? நாம் செய்யும் செயல்களா...........இல்லை அடுத்தவர்கள் நமக்கு செய்யும் செயல்களா.... அச் செயல்களுக்கான விளைவுகளா..
விளைவுகளால் நாம் உணரும் வெற்றி........ ..தோல்விகளா...இல்லை பலன்களா! பயன்களா...

இவ் வெல்லாவற்றையும் தாண்டி விளைவுகளை சரியான கோணத்தில் அணுகும் நம் மனோ பாவமா....அதனால் நம் உள்ளத்தில் நாம் உணரும் பாவங்களா...!

எல்லாம் நன்மைக்கே என்றால் இவற்றில் எது..ஒருவருக்கு நன்மை எனில் ..மற்றவருக்கு அதன் பலன் என்ன.....

அப்படி சம நிலையில் எடுத்துக் கொண்டாலும்.....அந் நினைவு...அந் நிலை நம்மை இட்டுச் செல்லும் பாதை எதுவாக இருக்கும்....இருக்கவேண்டும்....

"எதுவும் செய்யாமல் கிடைப்பதை வைத்து திருப்தி ஆகவேண்டும் என்று அர்த்தமா..? "

"அடுத்தது என்ன என்று சிந்தித்து செயல் படவேண்டுமா?"

" எச் செயலையும் செய்யாமல் நமக்கு விதிக்கப் பட்டது இதுதான்....என்று இருக்க வேண்டுமா!!!"

இச் சிந்தனை..இவ்வெண்ணம் எனக்குள் ஏற்படுத்திய விளைவு.தான் இக்கட்டுரை...

.....செய்யும் செயல்களையும்...அதற்கான பல்வேறு வழிகளையும் தீர்மானிக்கும் உரிமை நம் கையில்..ஆனால் விளைவுகள்..முடிவுகள் எப்படி இருக்கவேண்டும் என்பதை நாம் தீர்மானிக்க முடியுமா...?

நாம் செய்யும் செயல்களுக்கான விளைவுகள்..பலன்கள் நம் கையில் இல்லாத பொழுது நாம் அவற்றை எவ்வாறு எடுத்துக் கொள்வது ..........என்று முடிவெடுக்கும் பொழுது என் மனம்........ என்னை அழைத்து செல்லும் இடமாக......நான் பார்ப்பது......நேர்மறைச் சிந்தனைகளின் வடிவத்திற்கு.......

நேர்மறைசிந்தனைகளின் அனைத்து வடிவங்களையும் ஒரு புள்ளியில் குவித்தோமானால் அதற்கு வைக்கப் படும் பெயர் என்னைப் பொருத்தவரை “எல்லாம் நன்மைக்கே...”


இது நாம் செய்யும் செயல்களின் விளைவுகளை வெற்றி தோல்வியின்றி சம நிலையில் வைத்துப் பார்க்கும் ..எடுத்துக் கொள்ளும் ஒரு மனோ பாவத்தின் வெளிப்பாடு..

இவ்வாறு எடுத்துக் கொள்வது அனைவருக்கும் சாத்தியமா..?...............சாத்தியமா.?....என்பது எதிர்மறைக் கேள்வியின் வெளிப்பாடு...சாத்தியமே..என்பதுதான் நேர்மறைச் சிந்தனையின் பதில்..

• மனிதன் தன் வாழ்க்கைப் பாதையில் ஒவ்வொரு நாளும் ...ஏதாவது ஒரு செயலை செய்து அதற்குரிய பலனை எதிர்பார்த்துக் கொண்டுதான் இருக்கின்றான்
,,அச் செயல்கள் அவர்களின் கல்வி..வேலை வாய்ப்பு..செல்வம். ஆரோக்கியம் ..புகழ் இவற்றில் எதைப் பற்றியதாக வேண்டுமானாலும் இருக்கலாம் .ஆனால் செயல்கள் தொடர்ந்து கொண்டு இருப்பதென்னவோ உண்மை.....

அச் செயல்களின் விளைவுகள் கீழ்க் கண்டவாறு அமைவதற்கு அனைத்து வகையான வாய்ப்புகளும் உள்ளது..


விளைவுகள் -

[TABLE="class: grid, width: 500"]
[TR]
[TD]எதிர்பார்த்த விளைவு....
(வெற்றி )
[/TD]
[/TR]
[TR]
[TD]எதிர் பார்த்ததிற்கும் அதிகமான பலன்கள் [/TD]
[/TR]
[TR]
[TD] எதிர் பார்த்ததிற்கும் குறைவான பலன்கள் [/TD]
[/TR]
[TR]
[TD] எதிர்மறை விளைவுகள்.....(தோல்வி.)[/TD]
[/TR]
[/TABLE]




.இந்த நான்கு வகையான முடிவுகளையும் சமமான நிலையில் ...சீரான எண்ண ஓட்டத்தில் எடுத்துக் கொள்ளும் மனோபாவமே எல்லாம் நன்மைக்கே....

இந்த நேர்மறைச் சிந்தனையை வளர்த்துக் கொண்டால் நாம் நினைத்த காரியம் யாவும் கைகூடி வரும்....எப்படி என்றால்... மனிதன் எண்ணங்களால் வாழ்பவன்...தன்னைச் சுற்றி அவன் போட்டுக் கொள்ளும் நற்சிந்தனைகள் நிரம்பிய கவசம் ..அவனை ..அவன் எண்ணும் இடத்திற்கு அவனை இட்டு செல்லும்...அவன் நம்பிக்கை அவனை வழி நடத்தும்..விரும்பிய பலன்களை அடைய வைக்கும்...அதுமட்டுமல்லாமல் ...எல்லாம் நன்மைக்கே என்கிற மனோ பாவத்தை நாம் நடைமுறை படுத்திக் கொண்டால் நமக்கு கிடைத்த எதிர்மறை விளைவுகளை சீர்படுத்த ...நேற்றைய நிகழ்வுகளில் நமக்குக் கிடைத்த பாடத்தை மனதில் வைத்து..நாளைய நிகழ்விற்காக சிறப்பாகத் திட்டமிடலாம் அதுவே நம்மை முன்னேற்றப் பாதையில் இட்டு செல்லும்....

எப்பொழுதும் நிகழ் காலத்தில் நடக்கும் நிகழ்வை வைத்துத்தான் நாம் யார் என்று கணிக்கப் படுகிறோம்...அல்லாமல் அவற்றைக் குறித்த கவலை களாலும்..துவளும் மனங்களாலும் இல்லை ...அந் நிலை நம் நிகழ் காலத்தையும்..வரும்காலத்தையும் வீணடித்துவிடும்...என்பது கண் கூடு......

வாழ்க்கை ஒரு போர்க்களம்..இங்கு போர்க்களம் மாறலாம் போர்களும்..போராட்டங்களும் மாறுவதில்லை......நாம் நடக்கும் பாதையில் முட்களுடன் கூடிய ரோஜா இதழ்களுடன் தான் நமக்குப் பாதை.....இவற்றில் முட்கள் நம்மை பதம் பார்க்காமல் நடப்பது நம் கையில்.....

காரணம் இல்லாமல் காரியமில்லை.... என்பதை நாம் உணரவேண்டும்.....நம் முடைய இன்றைய செயல்களின் பலன்கள் வேண்டுமானால் நம்விருப்பதிற்கு இல்லாமல் போகலாம்..ஆனால் அதற்கு வருத்தப் படுவதால் எந்த பலனும் விளையப்போவதில்லை..என்பதை ஏற்றுக் கொண்டு ..........இன்று ஒரு வெற்றி நம் கைவசம் ஆகாமல் போகலாம் ஆதலால்...அது என்றுமே நம் கைவசம் ஆகாது என்று அர்த்தமில்லை..காலம் தள்ளிப் போகலாம் ஆனால் மழை பொய்ப்பதில்லை ...என்பதை உணர்ந்து ............................
எல்லா பலன்களும் ..வெற்றிகளும் முதல் முயற்சியிலேயே கை கூடிவிடுவதில்லை.....விடா முயற்சி...தன்னம்பிக்கை..நெஞ்சுரம் வேட்கை போன்ற சில விஷயங்களை கைவிடாமல் தொடர்ந்து முயற்சித்தால் நம் நோக்கம் நிறைவேறிவிடும் என்கிற நிலைக்கு எல்லாம் நன்மைக்கே என்கிற மனோபாவம் இருந்தால் எளிதில் வெற்றி நம் கைவசமாகிவிடும்....

இந்த மனபக்குவம் நமக்கு எப்பொழுது கிடைக்கும் .....இதுதான் அடுத்த கேள்வி.......

....சில அடிப்படை உண்மைகளை நாம் புரிந்து கொள்ளத் துவங்கும் பொழுது...இந்நிலை நம் கைவசமாகும்....

முதலில் நம்மைப் பற்றிய ஒரு தெளிவு....நம் தேவை..திறமை...தகுதி..ஆகியவற்றுடன்..நம்மைச் சுற்றி உள்ள உலகத்தையும் எவ்வாறு.....எந்த அளவிற்கு புரிந்து கொண்டிருக்கிறோமோ..அதைப் பொறுத்துத் தான் நம் மனப் பக்குவம் அமைகிறது......சூழ்நிலைக் கேற்ப மனிதனின் எதிர்கொள்ளும் திறனும் ..அணுகு முறையும் மாறுபடுகின்றது.... ………

இந்த எல்லாம் நன்மைக்கே என்கிற மன நிலை மட்டுமே நம்மை நாம் நினைக்கும் உயரத்திற்கு நம்மை கொண்டு சேர்த்துவிடுமா????/.....

இல்லை...!!!!!!அதைத் தொடர்ந்து....கிடைத்தவிளைவுகளுக்கு ஏற்ப நம் எண்ணங்களையும்....செயல்களையும் முறைபடுத்தவேண்டும் ........நேர்மறை சிந்தனைகளோடு.........


"எது நடந்ததோ அது நன்றாகவே நடந்தது.......

எது நடக்கிறதோ அதுவும் நன்றாகவே நடக்கிறது....

எது நடக்கவிருக்கிறதோ

அதுவும் நன்றாகவே நடக்கும்"......
----------------பகவத்கீதை


"வெள்ளத் தனையது மலர்நீட்டம் மாந்தர்தம்
உள்ளத் தனையது உயர்வு".....
...குறள்


"நீ என்ன நினைக்கிறாயோ அதுவாகவே ஆகிறாய் "------------ சுவாமி விவேகானந்தர்...

மேற் கூறிய மூன்று வாழ்வியல் கோட்பாடுகளும்...வெவ்வேறு கால கட்டங்களில் (சொல்லப் போனால் யுகங்களுக்கு அப்பாலும் சொல்லப்பட்டவை.....) மனிதர்களின் மனகுழப்பத்தை நீக்கி..எண்ணங்களை மேம்படுத்தி..அவ்வெண்ணங்களின் எழுச்சியால்...ஊக்கத்தால்வாழ்வியலில் வெற்றி பெறுவதற்கு சொல்லப் பட்டவை .....

யார் இருந்தாலும் இல்லாவிட்டாலும்..உலகின் நிகழ்வுகள் ..அதன் பாதைபடி நடந்துகொண்டுதான் இருக்கும்...இருக்கிறது....என்பதில் ஐயமில்லை.....அந்த நிகழ்வுகளில் நாம் இருக்கிறோமா..என்பதுதான் கேள்வி....

நாம் தளர்ந்துவிடாமல் நிமிர்ந்து நடந்தால்தான்..நாம் நடக்கும் பாதையின் வழி புலப்படும்..............அந்த நிமிர்வை நமக்கு கொடுப்பது எல்லாம் நன்மைக்கே என்கிற எண்ணம்.......

ஓடுகின்ற நீரோட்டத்தில் உருண்டு செல்லும் கூலாங் கல்லாக இருந்தால்..வேண்டிய இடத்தில கரை ஒதுங்கலாம்...செயலற்று முடங்கிவிட்டாலோ ...நாளடைவில் எதிர்த்து நின்று தேய்ந்து போன பாறை..மணல் துகள்களாக மாறுவதுபோல இருந்த இடம் காணாமல் கரைந்துபோய்விடுவோம்.......



[TABLE="class: grid, width: 500"]
[TR]
[TD="align: center"]எல்லாம் நன்மைக்கே....[/TD]
[/TR]
[TR]
[TD="align: center"]அனைத்து விளைவுகளையும்............. சமமாக பார்க்கும் மனோபாவம்..[/TD]
[/TR]
[TR]
[TD="align: center"]நேர்மறை எண்ணங்கள் ........[/TD]
[/TR]
[TR]
[TD="align: center"]எண்ணங்களில் உருவான செயல்கள்....[/TD]
[/TR]
[TR]
[TD]
செயல்களுக்கான விளைவுகள்.......

[/TD]
[/TR]
[TR]
[TD="align: center"]மீண்டும் எல்லாம் நன்மைக்கே[/TD]
[/TR]
[/TABLE]

இந்த சுழற்சியில் நாம் எந்த இடத்தில் தடம்மாறினாலும் நாம் வாழ்விலொரு சிறந்த அனுபவத்திற்கும் ..அதிலிருந்துஒரு பாடத்தை கற்றுக் கொள்வதற்கும் தயாராகிவிடுகிறோம் என்பதை மறுக்கமுடியாது.......

ஆதலால் ......................... மேற் கூறிய சுழற்சியில் ஆழமான நம்பிக்கை கொண்டு ..அதன் படி நடந்தால்......நம் வாழ்வு வளம் பெரும்.............ஏனென்றால் வாழ்வே நம்பிக்கைதான்.......நம்பிக்கைதான் வாழ்வு....
.எல்லாம் நன்மைக்கே.....................

 

sbsudha

Penman of Penmai
Blogger
#13
ஆறு வயசுள்ள பெண்மைக்கு, இந்த ஒன்னரை வயசுள்ள தம்பி விசு ஆகிய நான் பெண்மை அக்காக்கு வாழ்த்து தெரிவித்துக்கொள்கிறேன்.

இங்கு கிழே உள்ள கட்டுரையை ஒரு இணையதளத்தில் படித்தேன். நன்றி.

எல்லாம் நன்மைக்கே…

நமக்கு நல்லதைத்தான் செய்வார் பகவான்; நாம் அதைப் புரிந்து கொள்ள வேண்டும். எது நடந்தாலும் இது பகவான் சித்தம் என்று ஆறுதல் பெற வேண்டும்; அது, நல்லதாகவே முடியும்.
ஒரு ராஜாவும், மந்திரியும் இருந்தனர். ஒரு நாள் மாம்பழம் நறுக்கினார் ராஜா. அப்போது, அவரது விரல் ஒன்று கத்திபட்டு, துண்டாகி கீழே விழுந்து விட்டது. பக்கத்திலிருந்த மந்திரி, “எல்லாம் நன்மைக்குத் தான்…’ என்றார். ராஜாவுக்குக் கோபம் வந்து விட்டது. விரல் துண்டாகி விட்டது; இவர், எல்லாம் நன்மைக்குத்தான் என்கிறாரே என்று கோபப்பட்டு, மந்திரியை சிறையிலிட்டார். மந்திரியும் எல்லாம் நன்மைக்குத் தான் என்று சொல்லிவிட்டு, சிறைக்குச் சென்றார்.

ஒரு நாள் தனியாக காட்டுக்குச் சென்றார் ராஜா. அங்கே சிலர் நர பலி கொடுப்பதற்காக ஆளைத் தேடிக் கொண்டிருந்தனர். ராஜாவைப் பார்த்ததும், அவரை இழுத்துக் கொண்டு தங்கள் தலைவனிடம் சென்றனர். ராஜாவை ஒவ்வொரு அங்கமாக பரிசோதித்தான் தலைவன். ராஜாவுக்கு ஒரு விரல் இல்லாததை பார்த்து, இப்படி அங்கஹீனம் உள்ளவன் நரபலிக்கு பிரயோஜனமில்லை என்று ராஜாவை, “ஓடிப்போ’ என்று விட்டு விட்டான்; ராஜாவுக்கு சந்தோஷம்.

அன்று, “எல்லாம் நன்மைக்கு தான் என்று மந்திரி சொன்னது எவ்வளவு உண்மையாகி விட்டது! நாம் அவரை சிறையிலடைத்தது தவறு. உடனே, அவரை விடுதலை செய்து, மன்னிப்பு கேட்க வேண்டும்…’ என்று எண்ணி, உடனே சிறைச்சாலைக்கு வந்து மந்திரியிடம் விவரம் சொல்லி, அவரை விடுதலை செய்தான்.
அப்போது, மந்திரியை பார்த்து, “உங்களை சிறையிலடைக்கும் போது, வருத்தப்படாமல், எல்லாம் நன்மைக்கே என்று சொன்னீர்களே… அது எப்படி?’ என்று கேட்டான். அதற்கு மந்திரி, “தாங்கள் என்னை சிறையில் அடைக்காமல் இருந்திருந்தால் நானும், உங்களுடன் காட்டுக்கு வந்திருப்பேன். நரபலி கொடுப்பவர்கள் என்னையும் பிடித்து
போயிருப்பர்.

“எனக்கு அங்கஹீனம் எதுவும் இல்லாததால், என்னை நரபலி கொடுத்திருப்பர். தாங்கள் என்னை சிறையிலிட்டதால், நான் உங்களோடு வராமல் தப்பினேன். அதனால், எது நடந்தாலும் எல்லாம் நன்மைக்கே என்று எண்ணினேன். இப்போதாவது புரிந்ததா? எது நடந்தாலும் எல்லாம் நன்மைக்கே என்றும், எல்லாம் அவன் செயல் என்றும் நினைக்க வேண்டும்…’ என்றார் மந்திரி.
ராஜாவும், “நீங்கள் சொல்வதும் சரி தான்…’ என்றார்.
அதனால், நமக்கு எப்போது என்ன நடக்க வேண்டும் என்றுள்ளதோ, அப்போது, அது நடந்து விடும்.

:cheer:
:cheer::cheer:
:cheer:
Vayal Via Senthilvayal

Hi Visu,
Rendu kadhaiyum padichen. romba arumaiya irukku. saridhaane nu yosikumbodhu uraikudhu. naamum indha ennathai valarthukanumnu naan romba naalaa paadu padaren.
arumai.

aanaalum adhenna mudhal variyila onnarai vayasaana visuvaame adhu yaaru unga perana solrelaa oru velai. avan perum unga peredhaano.:cheer:
Correct appadithaan irukkanum...
 

sbsudha

Penman of Penmai
Blogger
#14
Hi Chitra,
Indha thalaippuku idhaivida poruthama explanation thara mudiyumaa nu aacharyamaa irukku. romba aazhamaana arivaarthamaana sindhanai. ennoduya muyarchiku thunai pogum sindhanaigal. romba pidichudhu.
vaazhthukkal.


எல்லாம் நன்மைக்கே...

எல்லாம் நன்மைக்கே என்றால் ? நாம் செய்யும் செயல்களா...........இல்லை அடுத்தவர்கள் நமக்கு செய்யும் செயல்களா.... அச் செயல்களுக்கான விளைவுகளா..
விளைவுகளால் நாம் உணரும் வெற்றி........ ..தோல்விகளா...இல்லை பலன்களா! பயன்களா...

இவ் வெல்லாவற்றையும் தாண்டி விளைவுகளை சரியான கோணத்தில் அணுகும் நம் மனோ பாவமா....அதனால் நம் உள்ளத்தில் நாம் உணரும் பாவங்களா...!

எல்லாம் நன்மைக்கே என்றால் இவற்றில் எது..ஒருவருக்கு நன்மை எனில் ..மற்றவருக்கு அதன் பலன் என்ன.....

அப்படி சம நிலையில் எடுத்துக் கொண்டாலும்.....அந் நினைவு...அந் நிலை நம்மை இட்டுச் செல்லும் பாதை எதுவாக இருக்கும்....இருக்கவேண்டும்....

"எதுவும் செய்யாமல் கிடைப்பதை வைத்து திருப்தி ஆகவேண்டும் என்று அர்த்தமா..? "

"அடுத்தது என்ன என்று சிந்தித்து செயல் படவேண்டுமா?"

" எச் செயலையும் செய்யாமல் நமக்கு விதிக்கப் பட்டது இதுதான்....என்று இருக்க வேண்டுமா!!!"

இச் சிந்தனை..இவ்வெண்ணம் எனக்குள் ஏற்படுத்திய விளைவு.தான் இக்கட்டுரை...

.....செய்யும் செயல்களையும்...அதற்கான பல்வேறு வழிகளையும் தீர்மானிக்கும் உரிமை நம் கையில்..ஆனால் விளைவுகள்..முடிவுகள் எப்படி இருக்கவேண்டும் என்பதை நாம் தீர்மானிக்க முடியுமா...?

நாம் செய்யும் செயல்களுக்கான விளைவுகள்..பலன்கள் நம் கையில் இல்லாத பொழுது நாம் அவற்றை எவ்வாறு எடுத்துக் கொள்வது ..........என்று முடிவெடுக்கும் பொழுது என் மனம்........ என்னை அழைத்து செல்லும் இடமாக......நான் பார்ப்பது......நேர்மறைச் சிந்தனைகளின் வடிவத்திற்கு.......

நேர்மறைசிந்தனைகளின் அனைத்து வடிவங்களையும் ஒரு புள்ளியில் குவித்தோமானால் அதற்கு வைக்கப் படும் பெயர் என்னைப் பொருத்தவரை “எல்லாம் நன்மைக்கே...”


இது நாம் செய்யும் செயல்களின் விளைவுகளை வெற்றி தோல்வியின்றி சம நிலையில் வைத்துப் பார்க்கும் ..எடுத்துக் கொள்ளும் ஒரு மனோ பாவத்தின் வெளிப்பாடு..

இவ்வாறு எடுத்துக் கொள்வது அனைவருக்கும் சாத்தியமா..?...............சாத்தியமா.?....என்பது எதிர்மறைக் கேள்வியின் வெளிப்பாடு...சாத்தியமே..என்பதுதான் நேர்மறைச் சிந்தனையின் பதில்..

• மனிதன் தன் வாழ்க்கைப் பாதையில் ஒவ்வொரு நாளும் ...ஏதாவது ஒரு செயலை செய்து அதற்குரிய பலனை எதிர்பார்த்துக் கொண்டுதான் இருக்கின்றான்
,,அச் செயல்கள் அவர்களின் கல்வி..வேலை வாய்ப்பு..செல்வம். ஆரோக்கியம் ..புகழ் இவற்றில் எதைப் பற்றியதாக வேண்டுமானாலும் இருக்கலாம் .ஆனால் செயல்கள் தொடர்ந்து கொண்டு இருப்பதென்னவோ உண்மை.....

அச் செயல்களின் விளைவுகள் கீழ்க் கண்டவாறு அமைவதற்கு அனைத்து வகையான வாய்ப்புகளும் உள்ளது..


விளைவுகள் -

[TABLE="class: grid, width: 500"]
[TR]
[TD]எதிர்பார்த்த விளைவு....
(வெற்றி )
[/TD]
[/TR]
[TR]
[TD]எதிர் பார்த்ததிற்கும் அதிகமான பலன்கள் [/TD]
[/TR]
[TR]
[TD] எதிர் பார்த்ததிற்கும் குறைவான பலன்கள் [/TD]
[/TR]
[TR]
[TD] எதிர்மறை விளைவுகள்.....(தோல்வி.)[/TD]
[/TR]
[/TABLE]




.இந்த நான்கு வகையான முடிவுகளையும் சமமான நிலையில் ...சீரான எண்ண ஓட்டத்தில் எடுத்துக் கொள்ளும் மனோபாவமே எல்லாம் நன்மைக்கே....

இந்த நேர்மறைச் சிந்தனையை வளர்த்துக் கொண்டால் நாம் நினைத்த காரியம் யாவும் கைகூடி வரும்....எப்படி என்றால்... மனிதன் எண்ணங்களால் வாழ்பவன்...தன்னைச் சுற்றி அவன் போட்டுக் கொள்ளும் நற்சிந்தனைகள் நிரம்பிய கவசம் ..அவனை ..அவன் எண்ணும் இடத்திற்கு அவனை இட்டு செல்லும்...அவன் நம்பிக்கை அவனை வழி நடத்தும்..விரும்பிய பலன்களை அடைய வைக்கும்...அதுமட்டுமல்லாமல் ...எல்லாம் நன்மைக்கே என்கிற மனோ பாவத்தை நாம் நடைமுறை படுத்திக் கொண்டால் நமக்கு கிடைத்த எதிர்மறை விளைவுகளை சீர்படுத்த ...நேற்றைய நிகழ்வுகளில் நமக்குக் கிடைத்த பாடத்தை மனதில் வைத்து..நாளைய நிகழ்விற்காக சிறப்பாகத் திட்டமிடலாம் அதுவே நம்மை முன்னேற்றப் பாதையில் இட்டு செல்லும்....

எப்பொழுதும் நிகழ் காலத்தில் நடக்கும் நிகழ்வை வைத்துத்தான் நாம் யார் என்று கணிக்கப் படுகிறோம்...அல்லாமல் அவற்றைக் குறித்த கவலை களாலும்..துவளும் மனங்களாலும் இல்லை ...அந் நிலை நம் நிகழ் காலத்தையும்..வரும்காலத்தையும் வீணடித்துவிடும்...என்பது கண் கூடு......

வாழ்க்கை ஒரு போர்க்களம்..இங்கு போர்க்களம் மாறலாம் போர்களும்..போராட்டங்களும் மாறுவதில்லை......நாம் நடக்கும் பாதையில் முட்களுடன் கூடிய ரோஜா இதழ்களுடன் தான் நமக்குப் பாதை.....இவற்றில் முட்கள் நம்மை பதம் பார்க்காமல் நடப்பது நம் கையில்.....

காரணம் இல்லாமல் காரியமில்லை.... என்பதை நாம் உணரவேண்டும்.....நம் முடைய இன்றைய செயல்களின் பலன்கள் வேண்டுமானால் நம்விருப்பதிற்கு இல்லாமல் போகலாம்..ஆனால் அதற்கு வருத்தப் படுவதால் எந்த பலனும் விளையப்போவதில்லை..என்பதை ஏற்றுக் கொண்டு ..........இன்று ஒரு வெற்றி நம் கைவசம் ஆகாமல் போகலாம் ஆதலால்...அது என்றுமே நம் கைவசம் ஆகாது என்று அர்த்தமில்லை..காலம் தள்ளிப் போகலாம் ஆனால் மழை பொய்ப்பதில்லை ...என்பதை உணர்ந்து ............................
எல்லா பலன்களும் ..வெற்றிகளும் முதல் முயற்சியிலேயே கை கூடிவிடுவதில்லை.....விடா முயற்சி...தன்னம்பிக்கை..நெஞ்சுரம் வேட்கை போன்ற சில விஷயங்களை கைவிடாமல் தொடர்ந்து முயற்சித்தால் நம் நோக்கம் நிறைவேறிவிடும் என்கிற நிலைக்கு எல்லாம் நன்மைக்கே என்கிற மனோபாவம் இருந்தால் எளிதில் வெற்றி நம் கைவசமாகிவிடும்....

இந்த மனபக்குவம் நமக்கு எப்பொழுது கிடைக்கும் .....இதுதான் அடுத்த கேள்வி.......

....சில அடிப்படை உண்மைகளை நாம் புரிந்து கொள்ளத் துவங்கும் பொழுது...இந்நிலை நம் கைவசமாகும்....

முதலில் நம்மைப் பற்றிய ஒரு தெளிவு....நம் தேவை..திறமை...தகுதி..ஆகியவற்றுடன்..நம்மைச் சுற்றி உள்ள உலகத்தையும் எவ்வாறு.....எந்த அளவிற்கு புரிந்து கொண்டிருக்கிறோமோ..அதைப் பொறுத்துத் தான் நம் மனப் பக்குவம் அமைகிறது......சூழ்நிலைக் கேற்ப மனிதனின் எதிர்கொள்ளும் திறனும் ..அணுகு முறையும் மாறுபடுகின்றது.... ………

இந்த எல்லாம் நன்மைக்கே என்கிற மன நிலை மட்டுமே நம்மை நாம் நினைக்கும் உயரத்திற்கு நம்மை கொண்டு சேர்த்துவிடுமா????/.....

இல்லை...!!!!!!அதைத் தொடர்ந்து....கிடைத்தவிளைவுகளுக்கு ஏற்ப நம் எண்ணங்களையும்....செயல்களையும் முறைபடுத்தவேண்டும் ........நேர்மறை சிந்தனைகளோடு.........


"எது நடந்ததோ அது நன்றாகவே நடந்தது.......

எது நடக்கிறதோ அதுவும் நன்றாகவே நடக்கிறது....

எது நடக்கவிருக்கிறதோ

அதுவும் நன்றாகவே நடக்கும்"......
----------------பகவத்கீதை


"வெள்ளத் தனையது மலர்நீட்டம் மாந்தர்தம்
உள்ளத் தனையது உயர்வு".....
...குறள்


"நீ என்ன நினைக்கிறாயோ அதுவாகவே ஆகிறாய் "------------ சுவாமி விவேகானந்தர்...

மேற் கூறிய மூன்று வாழ்வியல் கோட்பாடுகளும்...வெவ்வேறு கால கட்டங்களில் (சொல்லப் போனால் யுகங்களுக்கு அப்பாலும் சொல்லப்பட்டவை.....) மனிதர்களின் மனகுழப்பத்தை நீக்கி..எண்ணங்களை மேம்படுத்தி..அவ்வெண்ணங்களின் எழுச்சியால்...ஊக்கத்தால்வாழ்வியலில் வெற்றி பெறுவதற்கு சொல்லப் பட்டவை .....

யார் இருந்தாலும் இல்லாவிட்டாலும்..உலகின் நிகழ்வுகள் ..அதன் பாதைபடி நடந்துகொண்டுதான் இருக்கும்...இருக்கிறது....என்பதில் ஐயமில்லை.....அந்த நிகழ்வுகளில் நாம் இருக்கிறோமா..என்பதுதான் கேள்வி....

நாம் தளர்ந்துவிடாமல் நிமிர்ந்து நடந்தால்தான்..நாம் நடக்கும் பாதையின் வழி புலப்படும்..............அந்த நிமிர்வை நமக்கு கொடுப்பது எல்லாம் நன்மைக்கே என்கிற எண்ணம்.......

ஓடுகின்ற நீரோட்டத்தில் உருண்டு செல்லும் கூலாங் கல்லாக இருந்தால்..வேண்டிய இடத்தில கரை ஒதுங்கலாம்...செயலற்று முடங்கிவிட்டாலோ ...நாளடைவில் எதிர்த்து நின்று தேய்ந்து போன பாறை..மணல் துகள்களாக மாறுவதுபோல இருந்த இடம் காணாமல் கரைந்துபோய்விடுவோம்.......



[TABLE="class: grid, width: 500"]
[TR]
[TD="align: center"]எல்லாம் நன்மைக்கே....[/TD]
[/TR]
[TR]
[TD="align: center"]அனைத்து விளைவுகளையும்............. சமமாக பார்க்கும் மனோபாவம்..[/TD]
[/TR]
[TR]
[TD="align: center"]நேர்மறை எண்ணங்கள் ........[/TD]
[/TR]
[TR]
[TD="align: center"]எண்ணங்களில் உருவான செயல்கள்....[/TD]
[/TR]
[TR]
[TD]
செயல்களுக்கான விளைவுகள்.......

[/TD]
[/TR]
[TR]
[TD="align: center"]மீண்டும் எல்லாம் நன்மைக்கே[/TD]
[/TR]
[/TABLE]

இந்த சுழற்சியில் நாம் எந்த இடத்தில் தடம்மாறினாலும் நாம் வாழ்விலொரு சிறந்த அனுபவத்திற்கும் ..அதிலிருந்துஒரு பாடத்தை கற்றுக் கொள்வதற்கும் தயாராகிவிடுகிறோம் என்பதை மறுக்கமுடியாது.......

ஆதலால் ......................... மேற் கூறிய சுழற்சியில் ஆழமான நம்பிக்கை கொண்டு ..அதன் படி நடந்தால்......நம் வாழ்வு வளம் பெரும்.............ஏனென்றால் வாழ்வே நம்பிக்கைதான்.......நம்பிக்கைதான் வாழ்வு....
.எல்லாம் நன்மைக்கே.....................

 

sbsudha

Penman of Penmai
Blogger
#15
அன்பு நட்புகளுக்கு வணக்கம்,

எல்லாம் நன்மைக்கே... இதற்கான என் பதிப்பு இதோ....

நடப்பதெல்லாம் நன்மைக்கே
ஆன்மீகமா தத்துவமா விஞ்யானமா மெய்ஞ்யானமா என பிரிக்க முடியாத நம்பிக்கைகள் சில உண்டு.....
“எல்லாம் நண்மைக்கே” இது அதை சாரும்.
நல்ல சக்தி என்பார்கள்.... நற்சிந்தனையை தூண்டுவது.... அதை முழவதுமாக விளக்கக் கூடிய ஒரு விஷயமாக நான் இதை கருதுகிறேன்.
கலக்கமுற்ற நேரங்களில், நம்மால் இந்த கடினமான கட்டத்தை தாண்டி மீண்டு வர முடியுமா எனும் பயம், ஆற்றாமை, செயலற்று போதல்... இதைப் போன்ற நேரங்கள் நம் வாழ்வில் வந்ததுண்டு.
பெரியோர்கள் இதற்காகத்தான் அப்படி சொல்லி வைத்தார்களோ என்று தோன்றுகிறது.

நாம் அனைவருமே இந்த வார்த்தைகளை நம் முன்னோர்களிடம் கேட்டிருப்போம்.
“நடப்பதெல்லாம் நன்மைக்கே கவலைப் படாதே” என.
அந்த கலக்கமான நேரத்தில் அந்த பிரச்சினை முடிந்ததோ தெளிந்ததொ இல்லையோ... ஆனால் அந்த வார்த்தைகள் நிச்சயமாக நம் மனதில் ஒரு நிம்மதியை நற்சிந்தனையை ஊட்டுவதாக இருக்கும், இருந்திருக்கிறது என்பதை அனைவருமே ஒப்புக்கொள்வோம்.

கடினமான அந்த நேரங்கள் கடந்ததா, நல்லது நடந்ததா... இல்லையா, அது வேறு விஷயம் ... ஆனால் நம் மனதில் ஒரு தெளிவு..... “அப்பா சொல்லிவிட்டார், பாட்டி சொல்லிவிட்டாள்..... நல்லதுதான் நடக்கும்” என்ற நம்பிக்கை.... அந்த நம்பிக்கை மனதின் இருளை நீக்குகின்றது...... மனம் தெளிவுற்ற உடனே நம் புத்தி நல்லபடி வேலை செய்யத் துவங்குகிறது..... அப்போது பிரச்சினைகளை நல்லவிதமாக ஆலோசித்து அதற்கான விடையை கண்டுபிடிக்க முயலுகிறது.....
‘முயற்சி செஞ்சுதான் பார்ப்போமே, அதான் பெரியவங்க அவ்ளோ நம்பிக்கையா சொல்றாங்களே’ என்ற நம்பிக்கை பிறப்பதால் நல்லபடியே யோசித்து முடிந்த அளவு நல்ல தீர்வும் காண்கிறோம்.

பல பல நேரங்களில் இந்த நம்பிக்கை நம்மை ஜெயிக்கவும் வைத்துள்ளதை நம்மால் மறக்கவோ மறுக்கவோ முடியாது.
நல்லதையே சொல் நல்லதையே செய் என்ற சிந்தனையை குழந்தை பருவம் முதலே நம்முள் விதைத்து வருவது இதனால்தான். பாசிடிவ் ஆக யோசிக்கும்போது, நம்முள், நம்
வீட்டில், நம்மை சுற்றி இருக்கும் தீய காந்த சக்தி துரத்தப் படுகிறது...... அது மனதின் தூய்மையை மேம்படுத்துகிறது, அறிவை நல்லபடி உபயோகிக்க உதவுகிறது...... அப்போது நல்லதே நடக்கிறது.

எங்களது மாமன் வீட்டில் அவர்கள் மூத்த மகளின் திருமண நேரம்.
வெளிநாட்டில் வேலை பார்க்கும் மாப்பிள்ளை... நெட் மூலம் கண்டெடுத்து முடிந்தவரை விசாரித்து பார்த்து முடிவும் செய்தாயிற்று.
கல்யாண நாள் நிச்சயிக்க பட்டது...... நகை புடவை சீதனம் என மாமா தயார் செய்ய, கல்யாண ஏற்பாடுகள் தடபுடலாக நடந்தேறின.
மாப்பிள்ளை வரவேண்டிய நாளில் விமானம் வரவில்லை..... விமானங்கள் பறக்கவே முடியாமல் போன நிலை அந்த நாட்களில்..... மேகக் கூட்டங்கள் புகை மண்டலத்தால் அடைபட்டு கிடந்தன..... செய்திகளில் பெரிதாக பேசப்பட்டது கவனம் இருக்கலாம்.


“மாப்பிள்ளை வராமல் எப்படி..... கல்யாணம் எப்படி....???” என அனைவரின் மனத்திலும் பீதி..... பெண் கல்யாணம் மேடையில் தடைபட்டு போனால் அந்த மகளுக்கு பின் திருமணமே நடக்காமல் போகவும் வாய்ப்பு உண்டே என கவலை..... எவர் முகத்திலும் ஈயாடவில்லை.
ஆனால் எங்கள் பாட்டி மட்டும் கலங்கவில்லை..... எண்பது வயதிலும் உடலும் உள்ளமும் திண்ணமாக வைத்து வாழ்ந்தவர் அவர்.....
“என்னத்துக்கு கவலை..... நடப்பதெல்லாம் நன்மைக்கே” என தினம் நூறு முறை கூறிவந்தார். எங்களை உற்சாகபடுத்த, எங்கள் மனதை தேற்ற அப்படி கூறுகிறார் என எண்ணி எங்களை தேற்றிக்கொண்டோம்.

இந்த சூழ்நிலை நீங்கி வானம் தெளிவாகி விமானங்கள் பறக்க துவங்கியபின் மீண்டும் ஒரு நல்ல நாளில் திருமணத்தை வைத்துக்கொள்ளலாம் என முடிவு செய்யப்பட்டது. மாப்பிள்ளையும் அவர் குடும்பதாரும் அரை மனதாக ஒப்புக்கொண்டனர்..... வேறே வழியும் இல்லை என்பது முக்கியமான விஷயம்.

ஏற்பாடுகள் செய்யப்பட்டவை நிறுத்த முடியாமல் போனது..., அனைத்தும் வீணாகிப்போகுமோ, ரெட்டை செலவாகுமோ என்ற பயம்...... பணமும் ஆள் பலமும் உழைப்பும் வீணோ என்ற கலவரம்.
அப்போது அதே அமெரிக்காவிலிருந்து வந்த எங்கள் மாமியின் தம்பி, அவர் அமெரிக்காவை விட்டு வியாபார விஷயமாக மலேஷியா வந்து அங்கே முடித்துக்கொண்டு இந்தியா வந்திருந்தார், அதனால் அவருடைய விமான பயணம் தடங்கல் இன்றி நடந்தேறி இருந்தது.

தாய் மாமனாக மருமகளின் திருமணத்தை முன் நின்று நடத்தவென ஓடோடி வந்தார் பாவம்...... வந்தவர் செய்தி கேட்டு “ஒ அப்படியா, ம்ம் பார்க்கலாம் நடப்பதெல்லாம் நன்மைக்கே” என்றார் பாட்டியை போலவே
“மாப்பிள்ளை என்ன பண்றார்?” என்றார்.
போட்டோ காட்டப்பட்டு மாப்பிள்ளையின் குண நலன்கள் படிப்பு பட்டம், பதவி கூறப்பட்டது. படத்தை கண்டு திடுக்கிட்டார் மாமா. “இவனா மாப்பிள்ளை?” என்றார் அதிர்ச்சியுற்று.
“ஆமாம் ஏன்?” என்றனர்.
“இவன் பரம அயோக்யன்..... அங்கே எங்களுக்கு தெரிந்த ஒரு குடும்பத்தோட பெண்ணினுடைய வாழ்க்கையையே நாசமாக்கினவன்...... பல உள்ளூர் பெண்களுடன் தொடர்பு வெச்சுண்டுது மட்டுமில்லாம, இவன் கிட்ட இல்லாத கெட்ட பழக்கங்களே இல்லை சொல்லணும்...... அந்தப் பொண்ணு வாழ்க்கையே இவனால நாசமாயிடுத்து..... இப்போதான் விவாகரத்துக்கு அந்தப் பொண்ணு மனு குடுக்க போறா...
என்ன இது நீங்க விசாரிக்கலையா, என்கிட்டே சொல்லவே இல்லையே?” என்றார்.

“இல்லை, எல்லாம் சட்டுனுதான் முடிவாச்சு..... அவாளும் ரொம்ப அவசரபடுத்தினா... நீங்க அப்போ மலேஷியாவுக்கு கிளம்பீட்டேள், அதான் என்னோட வேறே ஒரு நண்பன் மூலமா விசாரிச்சேன்..... அவன் நல்லவன்னு தான் சொன்னான்.... என்ன நீங்க இப்படி சொல்றேளே?” என மலைத்தனர் மாமன் மாமி.

“ஐயோ, நான் சொல்றது அத்தனையும் உண்மை. வேணும்னா அந்த பொண்ணுகிட்டேயே உங்களை பேச வைக்கறேன்” என்றார்.
“என்ன ராமு இது, நீ இதை நிருபிக்கணுமா என்ன, என் பொண்ணு உன் மருமா இல்லையா, நீ அவளுக்கு கெட்டதா செய்வாய்?” என்றாள் மாமி கலங்கி போய்.
“இப்போ என்ன பண்றது?” என்று கையை பிசைந்தனர்.

“என்ன பண்றதாவது, தலைக்கு வந்தது தலைப்பாகையோட போச்சுன்னு விட்டு ஒழிச்சுட்டு அக்கடான்னு உக்காருங்கோ...... நாந்தான் என்னைலேர்ந்தோ சொன்னேனே, நடப்பதெல்லாம் நன்மைக்கேன்னு.... நீங்கதான் யாரும் காதில வாங்கிக்கலை....
நாம பண்ணின புண்ணியம் நம்மாத்து பொண்ணு வாழ்க்கை தப்பிச்சுதுனு சுவாமிக்கு வணங்கீட்டு அவாவா போய் வேலயப் பாருங்கோ” என்றாள் பாட்டி.
“ஆனா கல்யாணம் நின்னுட்டா அப்பறம் நடக்கலைனா?” என்றாள் மாமி.
“நடக்கும், அததுக்குனு வேளை வரும்போது எதுவுமே வழியில நிக்காது...... நம்ம பொண்ணுக்கு என்ன குறை, எல்லாம் கூடி வரும்போது இதைவிட உசத்தியான மாப்பிள்ளை வந்து அவளை நல்லபடி பண்ணிப்பான் அவளும் அமோகமா வாழ்வோ” என்றார் பாட்டி.

அவர் வேதவாக்காக கூறியதுபோல, இரண்டே வருடங்களில், அதே பெண் தன் படிப்பையும் முடித்து, நல்ல வேலையிலும் சேர்ந்தாள்.... அவளது அறிவிற்காகவும் பண்பிற்காகவும் ஆசைப்பட்டு அவளை உள்ளூரிலேயே பெண் கேட்டு வந்தார் ஒரு மாப்பிள்ளை..... கண்ணுக்கு அழகு, நல்ல படிப்பு உத்யோகம் மற்ற எல்லா தகுதிகளுமாக......
அவளுக்கு அவருடன் அமோகமாக திருமணமும் நடந்து இதோ ஒரு வயதில் மகளும் தளிர் நடை போடுகிறாள்.
எல்லாம் நன்மைக்கே....
 

Sriramajayam

Registered User
Blogger
#16
yen Kaa intha kolaveri ungaluku?
Yakkaav, naan PENMAI inaiyathalathil serntha thethi 19-09-12.
so, Adiyenuku
Onnarai vayasu.
Ungalukey kittatakka naangu vayasu.

Anyway, Thx u Kaa.

:pray:



Hi Visu,
Rendu kadhaiyum padichen. romba arumaiya irukku. saridhaane nu yosikumbodhu uraikudhu. naamum indha ennathai valarthukanumnu naan romba naalaa paadu padaren.
arumai.

aanaalum adhenna mudhal variyila onnarai vayasaana visuvaame adhu yaaru unga perana solrelaa oru velai. avan perum unga peredhaano.:cheer:
Correct appadithaan irukkanum...
 
Last edited:

sbsudha

Penman of Penmai
Blogger
#18
yen Kaa intha kolaveri ungaluku?
Yakkaav, naan PENMAI inaiyathalathil serntha thethi 19-09-12.
so, Adiyenuku
Onnarai vayasu.
Ungalukey kittatakka naangu vayasu.

Anyway, Thx u Kaa.

:pray:

Hi Visu,
Nalla analysis. andha kanakku vechu paarthaa correct thaan. aanaa kooda enakkum naalu vayasu illai moonudhaan aaga pogudhu... summaa kindaldhaan seydhen neenga thavara ninaikalai thaane...
 

lashmi

Penman of Penmai
Blogger
#20
எல்லாம் நன்மைக்கே


பிறப்பையும் இறப்பையும் அவன் முடிவு செய்ய இடையில் சில காலங்களை நம்மிடம் கொடுத்து இருக்கிறான் இறைவன். ஆதியும் அந்தமும் அவனாக இருக்க இடைப்பட்ட காலத்தை நம் பிறப்பிற்கு பயனாக எடுத்து கொண்டோமே ஆனால் அதில் நாம் வாழும் வாழ்க்கை எப்படி பட்டதாக இருக்க வேண்டும்.இந்த இடத்தில் அந்த பொறுப்பை நாம் எப்படி கையாள்கிறோம் என்பத்தை பொறுத்தே நம் பிறவியின் பயன் கிடைக்கிறது.


எல்லாம் நன்மைக்கே என்றால் எது எல்லாம் நன்மைக்கே? .......ஒவொவொரு மனிதனும் அவனை பாதிக்காத எந்த ஒரு செயல் நடந்தாலும் அது அவனுக்கு நன்மையே அல்லது அந்த செயலால் அவன் சந்தோசங்களை அடைந்தால் அது அவனுக்கு நன்மையே....அப்படி இருக்கும்போது பொதுவாக எல்லாம் நன்மைக்கே என்று எப்படி எடுத்து கொள்ள முடியும்.


இதற்க்கு நம் முன்னோர்கள் வகுத்துள்ள சில நன்நெறிகளை நாம் மனதளவில் ஏற்றுகொண்டோமே ஆனால் அதன் விளைவாக ஏற்படும் அனைத்து செயல்களும் நமக்கு நன்மையாகவே அமையும்.

எந்த ஒரு செயலையும் மனதளவில் ஏற்று அறிவுடன் முடிவு எடுத்தோமே ஆனால் அந்த செயலால் வரும் விளைவுகள் அனைத்தும் நன்மையாகவே முடியும் என்பது எனது கருத்து.


உனக்கு சரிஎன பட்டது மற்றவர்க்கு தவறாக படலாம்.உன்னை மகிழ்வித்த ஒரு செயல் மற்றொருவனை காயபடுத்தலாம்.அந்த நேரத்தில் மற்றவனை கண்டு வருந்தி தனது கடமையை செய்யதவறுவது மிகப்பெரிய குற்றம்.அந்த இடத்தில் நடப்பது எல்லாம் நன்மைக்கே என்ற சிந்தனையுடன் நாம் செயல்படவேண்டும்.ஒன்றின் அழிவில் மற்றொன்றின் ஆரம்பம் தொடங்குகிறது.இது தான் உலக நியதியும் கூட.எனவே நம் மனம் அறிந்த தவறு செய்யாமல் நாம் செய்யும் காரியங்கள் எல்லாம் நண்மைக்கே என்ற எண்ணம் நமக்கு எப்போதும் இருக்க வேண்டும்.



மகாபாரதத்தில் கண்ணன் சொல்லும் கீத உபதேசமும் அதுதான்.நீ செய்யும் செயல்களால் உலகத்தில் தர்மம் நிலை நிறுத்தபடும் என்றால் மற்றவைகளை பற்றி யோசிக்காதே.அந்த செயலைசெய்துவிடு என்பார்.இந்த சூழ்நிலையில் நாம் இதை எல்லாம் நன்மைக்கே என்றுதான் எடுத்து கொள்ளவேண்டும்.



எந்த ஒரு செயலையும் செய்வதற்கு முன் பலமுறை யோசனை செய்...செய்த பின்பு அதை பற்றி நினைக்காதே ...அதாவது அதனால் ஏற்படும் விளைவுகளை நீ முழுவதுமாக ஏற்றுகொள்....அது உனக்கு நன்மையாக இருந்தாலும் ,தீமையாக இருந்தாலும் அதன் முழுபொறுப்பும் நீ தான். இந்த இடத்தில் எல்லாம் நன்மைக்கே என்ற மனோபாவம் நம்மை பக்குவமடைய செய்யும்.



இந்த எல்லாம் நன்மைக்கே என்ற மனோபாவம் இன்றைய காலகட்டத்திற்கு மிகவும் அவசியமான ஒன்று.விஞ்ஞானம் ஒருபுறம் அசூரமாக வளர்ந்து கொண்டிருக்க அதனால் ஏற்படும் பாதிப்புகளால் இயற்க்கை ஒரு புறம் சீரழிந்து கொண்டிருக்க இந்த சூழ்நிலையை இதுபோன்ற மனநிலையில் தான் வரும் தலைமுறையினர் எதிர்கொள்ள முடியும்.



சிறுவயதில் இருந்தே அவர்களுக்கு நடக்கும் நிகழ்வுகள் எல்லாம் நன்மைக்கே என்ற மனோபாவத்தை ஏற்படுத்தவேண்டும்.விளையாட்டு என்பது வெற்றி தோல்வி இரண்டும் சேர்ந்தது தான்.ஒருவன் ஜெய்க்கவேண்டுமானால் மற்றவன் தோற்க்க வேண்டும்.இது நியதி .இதை ஏற்றுக்கொள்ளும் மனோபாவம்தான் இப்போதைய மாணவர்களுக்கு வேண்டும்.தேர்வு என்பது நமது திறனை சோதிக்கத்தானே தவிர நம்மை அதுவே நமது திறமை ஆகாது. இதையெல்லாம் ஏற்றுக்கொள்ளகூடிய மனோபக்குவம் நடப்பது எல்லாம் நன்மைக்கே என்ற எண்ணம் மனதில் வேருன்றினால் மட்டுமே நடக்கும்.



பருவவயதினரும் சரி ,வயதானவற்கும் சரி நமது வாழ்வில் நடக்கும் வருத்தமான நிகழ்வுகளை கண்டு துவண்டு போகாமல் இதுவும் கடந்து போகும் என்ற மனநிலையில் எல்லாம் நன்மைக்கே என்று நினைத்து நாம் அதை எதிர்கொள்வோமே ஆனால் வாழும் வாழ்க்கை நம் வசமாக இருக்கும் என்பதில் ஐயமில்லை.
 
Last edited:

Important Announcements!