Remedies for Constipation -மலச்சிக்கல் இனி, ‘நோ’ சிக்கல்!

chan

Ruler's of Penmai
Joined
Mar 26, 2012
Messages
17,654
Likes
18,539
Location
chennai
#1
மலச்சிக்கல் இனி, ‘நோ’ சிக்கல்!
ஆர்.கண்ணன்
இரைப்பை மற்றும் குடல் நோய் அறுவைசிகிச்சை நிபுணர்
மீபத்தில் பாலிவுட் சூப்பர் ஸ்டார் அமிதாப் பச்சன் நடித்து வெளிவந்துள்ள ‘பிக்கு’ திரைப்படம் முழுவதும் சிக்கலான சீன்கள்தான். ‘மலச்சிக்கல் பிரச்னை’’ ஒன் லைனிலேயே படம் பயணிக்கிறது. வயதானவர்களுக்கு ஏற்படும் பிரச்னையை, அழுத்தமாகவும் காமெடியாகவும் படமாக்கியிருக்கிறார்கள். அமிதாப் நடிப்பு, ‘சிம்ப்ளி சூப்பர்ப்’ எனப் பாராட்டுக்கள் குவிகின்றன. அதேசமயம், சமீப நாட்களாக மலச்சிக்கல் குறித்துப் பலரும் கூகிளில் தேட ஆரம்பித்து இருக்கிறார்களாம். மலச்சிக்கல் பிரச்னைப் பற்றிய சந்தேகங்களைக் களைகிறார் சென்னையை சேர்ந்த இரைப்பை மற்றும் குடல் நோய் அறுவைசிகிச்சை நிபுணர் ஆர்.கண்ணன்.

“மலச்சிக்கல் ஏன் ஏற்படுகிறது?”

“மனிதன் ஆரோக்கியமாக வாழ வேண்டும் எனில், நல்ல உணவும் நீரும் அவசியம். வயிற்றுக்குள் செல்லும் உணவு, நன்றாகச் செரிக்கப்பட்டு, சத்துக்கள் கிரகிக்கப்பட்டு, கழிவுகள் வெளியேற்றப்பட வேண்டும். கழிவுகள் வெளியேறவில்லை எனில், உடலில் பல்வேறு பிரச்னைகள் ஏற்படும். நாம் உண்ணும் உணவில் பெரும்பகுதி பெருங்குடல் பகுதியில்தான் செரிமானம் ஆகிறது. இரண்டு மீட்டர் நீளம் கொண்ட பெருங்குடலில், கடைசியில் 15 செ.மீ அளவில் இருப்பது மலக்குடல். இங்குதான், பெருங்குடலில் செரிக்கப்பட்டு வெளியேற்றப் படும் தேவையற்ற பொருட்கள் மலமாக இருக்கும். இந்த மலம் ஆசனவாய் வழியாக வெளியேறும். உடலில் ஏதேனும் பிரச்னை காரணமாக மலம் மிகவும் இறுகிப்போனாலோ, மலம் கழிக்க மிகவும் சிரமப்பட்டாலோ, இரண்டு மூன்று நாட்களுக்கு ஒருமுறை மட்டுமே மலம் வருகிறது என்றாலோ, அவர்களுக்கு மலச்சிக்கல் பிரச்னை இருப்பதை அறியலாம்.”

“மலச்சிக்கல் யாருக்கு வரும்?”
“குறைந்த நார்ச்சத்து உணவு, அதிக நொறுக்குத்தீனி சாப்பிடுபவர்கள், குறைவாகத் தண்ணீர் குடிப்பவர்கள், உடற்பயிற்சி, உடல் உழைப்பு குறைவாக உள்ளவர்கள், தைராய்டு சுரப்பியில் பிரச்னை இருப்பவர்கள், மனச் சோர்வுடன் இருப்பவர்கள், இரும்புச்சத்து குறைவாக இருப்பவர்கள், தூக்க மாத்திரை முதலான சில வகை மாத்திரைகளைத் தொடர்ந்து உட்கொள்பவர்கள் மற்றும் பெருங்குடல் பகுதியில் அடைப்பு இருப்பவர்களுக்கு மலச்சிக்கல் ஏற்படும். வயதானவர்கள் அதிகம் தண்ணீர் அருந்தாமல், உடற்பயிற்சி, நடைப்பயிற்சி செய்யாமல், மன அழுத்தத்துடன் இருந்தால், அவர்களுக்கு மலச்சிக்கல் பிரச்னை வருவதற்கான வாய்ப்புகள் அதிகம்.”

“மலச்சிக்கல் ஏற்பட்டால், என்ன மாற்றம் நேரிடும்?”
“தோலில் வறட்சி ஏற்படும். வாய் துர்நாற்றம் ஏற்படும். வயிற்று உப்பசம், அஜீரணக் கோளாறு, வயதானவர்களுக்கு ஒருவிதப் படபடப்பு, நெஞ்சு வலி, மயக்கம், சிறுநீர் அடைப்பு போன்றவை ஏற்படும். தொடர்ந்து மலச்சிக்கல் இருந்தால், மூல நோய், ஆசன வாய் வெடிப்பு, பவுத்திரம் போன்ற பிரச்னைகளும் வரலாம். வெகு சிலருக்கு குடலிறக்கம், குடல் அடைப்பு பிரச்னை வரவும் வாய்ப்புகள் இருக்கின்றன.”

“என்ன சிகிச்சை?”
மலச்சிக்கலுக்கு உடலில் உள்ள வேறு ஏதேனும் நோய் காரணமாக இருந்தால், முதலில் அந்த நோய்க்கு சிகிச்சை அளிக்கப்படும். வயதானவர்களுக்குப் பெருங்குடலில் ஏதேனும் புற்றுநோய்க்கட்டி அல்லது அடைப்பு இருக்கிறதா என்பதை அறிய கொலனோஸ்கொப்பி (Colonoscopy) மற்றும் சி.டி ஸ்கேன் எடுக்கப்பட்டு, அதன் பின்னர் சிகிச்சை அளிக்்கப்படும்.”

மலச்சிக்கல் வராமல் தடுக்க எளிய டிப்ஸ்
ஒரு நாளைக்கு இரண்டு மூன்று லிட்டர் தண்ணீர் அருந்த வேண்டும். சிறுநீரக நோயாளிகள் மற்றும் இதய நோயாளிகள் மருத்துவர் பரிந்துரைப்படி, தண்ணீர் அருந்த வேண்டும்.

தினமும் நார்ச்சத்து மிகுந்த உணவுகளைச் சேர்த்துக்கொள்ள வேண்டும்.

அரை மணி நேர நடைப்பயிற்சி அல்லது உடற்பயிற்சி தினமும் செய்ய வேண்டும்.

பழங்கள் நிறைய சாப்பிட வேண்டும். குறிப்பாக, மாதுளம்பழம், கொய்யாப்பழம், பப்பாளி, பேரீச்சை, ஆரஞ்சு, அத்தி, தர்பூசணி, மாம்பழம் இவற்றை அதிகமாக எடுத்துக்கொள்ள வேண்டும். சர்க்கரை நோயாளிகள், உயர் ரத்த அழுத்தம், சிறுநீரகக் கோளாறு உள்ளிட்ட பிரச்னை உள்ளவர்கள், டாக்டர்களின் அறிவுரை பெற்று, பழங்கள், காய்கறிகளைச் சேர்த்துக்கொள்ள வேண்டும்.

காய்கறிகளில் முட்டைகோஸ், தக்காளி, கேரட், வெள்ளரிக்காய், புடலங்காய், வாழைத்தண்டு, காலிஃப்ளவர் மற்றும் கீரை வகைகளையும், தானியங்களில் கேழ்வரகு, கொள்ளு, கோதுமை, வரகு மற்றும் கம்பையும் சமையலில் சேர்த்துகொள்ள வேண்டும்.

வாரம் இரண்டு மூன்று முறை வெந்நீரில் எலுமிச்சை மற்றும் தேன் கலந்து குடிக்கலாம்.

ஆமணக்கு எண்ணெய், ஆலிவ் எண்ணெய், பாதாம் எண்ணெய் போன்றவற்றை சமையலுக்குப் பயன்படுத்தலாம்.

செப்புப் பாத்திரத்தில் காலையிலும் மாலையிலும் தண்ணீர் அருந்துவது நல்லது.

யோகாசனம் செய்வது சீராக மலம் வெளியேற உதவும்.

மருத்துவரின் ஆலோசனையுடன் மலமிளக்கிகளை (Laxatives) எடுத்துக்கொள்ளலாம்.
 
Last edited:

chan

Ruler's of Penmai
Joined
Mar 26, 2012
Messages
17,654
Likes
18,539
Location
chennai
#2
Remedies for Constipation - மலச்சிக்கல் குணமாக சில ஆலோசனைகள்

மலச்சிக்கல் குணமாக சில ஆலோசனைகள்

டாக்டர்.பவானி பாலகிருஷ்ணன்:



குடல் என்பது ஜீரண மண்டலத்தின் ஒரு பகுதியாகும். குடலில் ஏற்படும் கோளாறுகள் உடல் இயக்கத்தை பெருமளவில் பாதிக்கிறது.

மலச்சிக்கல்
ஒரு வாரத்தில் 3 அல்லது அதற்கும் குறைவான தடவை மலம் வெளியேறினால், அல்லது மலம் மிகவும் வலியுடனுடம் மிகவும் உலர்ந்தும் வெளியேறினால் அதைத்தான் மலச்சிக்கல் என ஆங்கில மருத்துவம் கூறுகிறது. நபருக்கு நபர் குடலின் செயல்பாடுகள் மாறுபடும். வாழ்வில் எல்லோருக்கும் எப்பொழுதாவது மலச்சிக்கல் ஏற்படும். இது சில காலம் நீடிக்கும். இது எதனால் ஏற்படுகிறது என புரிந்து கொண்டால் இதைத் தடுக்க முடியும்.

நாம் உண்ணும் உணவு வயிற்றிலும், சிறுகுடலிலும் பயணிக்கும்போது பல்வேறு இரசாயனங்களுக்கு ஆட்படுத்தப்பட்டு, அதில் இருந்து உடலுக்குத் தேவையான சத்துக்கள் எடுக்கப்படுகின்றது. தேவையான சத்துக்களைப் பிரித்தெடுத்த பின் மிஞ்சும் சக்கை, கழிவாக பெருங்குடலுக்கு வந்து சேர்கிறது. பெருங்குடலில் தண்ணீர் அனைத்தும் உறிஞ்சப்பட்டவுடன், மீதி உள்ளவை மலமாக வெளியேற்றப்படுகிறது.

மலச்சிக்கல் ஏற்பட பொதுவான காரணங்கள்:

உணவுமுறையில் மாற்றம்

குறைந்த நார்ச் சத்துள்ள உணவு சாப்பிடுவது

தேவையான அளவு நீர் மற்றும் திரவ உணவுகள் அருந்தாமை

இரும்பு, சுண்ணாம்பு மாத்திரைகள் மற்றும் வலியை மட்டுப்படுத்தும் சில மாத்திரைகள்

உடல் உழைப்பின்மை

அதிக மனஅழுத்தம்

பிரயாணம்

மலம் வரும் போது கழிக்காமல் அடக்கி வைத்துக் கொள்வது

பெருங்குடல் மிக மெதுவாக வேலை செய்தால்,
கழிவுப்பொருட்கள் அதிகநேரம் தங்கி மலம் இறுகிவிடுகிறது.

மருத்துவக் காரணங்கள்:

பெருங்குடல்,

ஆசனவாய் இவற்றில் உள்ள தசைகளில் கோளாறு ஏற்படுவது

தைராய்டு குறைவாகச் சுரப்பது

சர்க்கரை நோய் பெண்களில் சிலருக்கு கர்ப்ப காலத்திலும், சிலருக்கு மாதவிடாய் ஏற்படுவதற்கு சில நாட்களுக்கு முன்பு மட்டும் மலச்சிக்கல் ஏற்படும்.

எவ்வாறு விடுபடுவது:

வாழ்க்கை முறை மாற்றங்கள் மூலம் சரி செய்யலாம்.

பதப்படுத்தப்பட்ட உணவுகளைத் தவிர்க்கவும்.

அதிக நார்ச்சத்துள்ள உணவுகள் மலத்தை இளக்கும்.

நீங்கள் அன்றாடம் உட்கொள்ளும் உணவினால் மலச்சிக்கல் ஏற்படுகிறதா எனக் கவனிக்கவும்.

நீர் வறட்சி மலச்சிக்கலை ஏற்படுத்தும். அதிக திரவ உணவுகள் வறட்சியைத் தடுப்பதற்கு உதவும். ஆனால் காபி, டீ மற்றும் மது போன்றவற்றைத் தவிர்க்கவும்.

தொடர் உடற்பயிற்சி, குடல் சுறுசுறுப்பாக இயங்க உதவும்.

மலம் வரும்போது, வேறு வேலையில் ஈடுபட்டிருந்தாலும் புறக்கணிக்காமல் செல்லவும்.

எப்போதும் தளர்வு நிலையில் இருப்பது உதவும்.

மருந்துகள்:

இப்பிரச்சினை மிகவும் பாதிப்பாக இல்லையென்றால் மருந்துகளைத் தவிர்ப்பது நல்லது. மிகுந்த தொந்தரவாக இருப்பின், மருத்துவரின் ஆலோசனையின் பேரில் மட்டுமே மருந்துகளை உட்கொள்ள வேண்டும். நீங்களாகவே எடுத்துக்கொள்ளும் மருந்துகள் குடலின் செயல்பாட்டைப் பாதிக்கும்.

ரத்தம் கலந்த அல்லது கறுப்பான மலம்:

மலத்தில் இரத்தம் கலந்திருந்தால், ஜீரண மண்டலத்தில் ஏதோ காயம் ஏற்பட்டிருக்கிறது என அர்த்தம். வாயிலிருந்து ஆசனவாய் வரை ரத்தக் கசிவு எங்கிருந்து வேண்டுமானாலும் ஏற்படலாம். ரத்தம் கறுப்பு நிறத்திலிருந்தால் ஜீரண மண்டலத்தின் முதல் பாதியிலிருந்தும் – சிகப்பு நிறத்தில் இருந்தால், ஜீரண மண்டலத்தின் இரண்டாவது பகுதியிலிருந்தும் வருவதாகக் கொள்ளலாம். வயிற்றுப் புண், ரத்த நாளங்களின் கோளாறுகள் போன்றவை கறுப்பான மலத்தை ஏற்படுத்தும்.

ஆசன வாயில் வெடிப்பு, ஹெமராய்ட்ஸ், குடலில் ஏற்படும் தொற்று, புற்றுநோய் மற்றும் குடல் நோய்கள் போன்றவை சிவப்பு நிற ரத்தப்போக்கை ஏற்படுத்தும். இரும்புச் சத்து மாத்திரைகள் மற்றும் பிற மருந்துகளும் மலத்தைக் கறுப்பு நிறமாக்கும். ஆஸ்பிரின் மற்றும் புரூஃபன் போன்ற வலி மாத்திரைகளைத் தேவைக்கதிகமாக உட்கொண்டால் வயிற்றில் ரத்தக் கசிவை ஏற்படுத்தும் அபாயம் உள்ளது. எனவே, மருத்துவ ஆலோசனையின் பேரில் மட்டுமே மாத்திரைகளை உட்கொள்ளவும்.

வயிற்றுப் போக்கு:

மலம் நீராகக் கழிவதும், ஒரு நாளில் மூன்று முறைக்குமேல் கழிவதும் வயிற்றுப் போக்கு எனச் சொல்லலாம். பொதுவாக, ஓரிரு நாளில் இது சரியாகிவிடும். இது அதிகமானால் உடலில் சரியான அளவு நீர் இல்லாமல், வறட்சி ஏற்பட்டு, உடல் இயக்கங்கள் பாதிக்கப்படும். குழந்தைகள் மற்றும் வயதானவர்களுக்கு இத்தகைய நீர்வறட்சி உயிருக்கே ஆபத்தாக முடியும்.

வயிற்றுப் போக்கின் அறிகுறிகள்:

வயிற்றுப் போக்குடன், அதன் காரணியைப் பொறுத்து, வயிற்றில் வலி, அசௌகரியம், உப்புசம், குமட்டல் உடனடியாக மலம் கழிக்க வேண்டும் போன்ற உணர்வு, ஜுரமோ அல்லது இரத்தம் கலந்த வயிற்றுப் போக்கோ நேரிடலாம்.

வயிற்றுப்போக்கு எதனால் ஏற்படுகிறது?

பாக்டீரியா, வைரஸ் போன்ற கிருமிகளாலும் ஒட்டுண்ணிகளாலும் தீவிர வயிற்றுப் போக்கு ஏற்படும். உடலில் உள்ள மற்ற நோய்களாலும் நாட்பட்ட வயிற்றுப்போக்கு ஏற்படலாம். தொற்றுநோய்க் கிருமிகள் உணவு மற்றும் தண்ணீர் மூலமாக நமது உடலுக்குள் செல்கிறது. சிலரால் குறிப்பிட்ட உணவுப் பொருட்களை ஜீரணிக்க முடியாத போது வயிற்றுப் போக்கு ஏற்படும். சில வகையான ஆன்டிபயாடிக் மருந்துகள், பெருங்குடலில் எரிச்சல் மற்றும் தொற்றால் ஏற்படும் வியாதிகள் ஆகியவை வயிற்றுப் போக்கை ஏற்படுத்தும்.

குழந்தைகளின் வயிற்றுப்போக்கு:

மேற்சொன்ன காரணங்களினால் குழந்தைகளுக்கும் வயிற்றுப் போக்கு ஏற்படும். குறிப்பாக ஒரு வயதிற்குட்பட்ட குழந்தைகளுக்கு, வறட்சி எளிதாக ஏற்பட்டு இறக்கவும் வாய்ப்பு உள்ளது. உடனடியாக நீர் அல்லது திரவங்கள் கொடுத்து வறட்சியைச் சரி செய்ய வேண்டும். வயிற்றுப் போக்கின்போது மலத்தில் ரத்தம் அல்லது சளி, கறுப்பான நிறத்தில் மலம், ஜுரம், அத்துடன் வாய், தோல், நாக்கு உலர்தல் போன்றவை இருந்தால் உடனே மருத்துவ உதவி தேவை.

நீர் வறட்சி (Dehydration)

வயிற்றுப் போக்கின்போது மலத்துடன், நீர் மற்றும் உடலுக்கு அத்தியாவசியமான தாதுப் பொருட்கள், உப்பு மற்றும் சத்துப் பொருட்கள் வெளியேறுகின்றன. உடனே சரி செய்யாவிட்டால் இது ஆபத்தில் முடியலாம்.

வறட்சியின் அறிகுறிகள்:
தாகம்
சிறுநீர் கழித்தல் குறைவது, எரிச்சலுடன் சிறுநீர் கழிவது, சிறுநீர் நிறத்தில் மாற்றம்
உடல் உஷ்ணம்
சருமம் உலர்தல்
அசதி
தலைச் சுற்றல்

குழந்தைகளுக்கு ஏற்படும் அறிகுறிகள்:
உலர்ந்த நாக்கு, உதடு மற்றும் சருமம், குழி விழுந்த கண்கள், கன்னம், காரணமின்றி அழுவது, அதிக ஜுரம், 3 மணி நேரங்களுக்கு மேல் சிறுநீர் கழிக்காதது, அழும்பொழுது கண்ணீர் வராதது.

வறட்சியை எவ்வாறு தடுப்பது?

வயிற்றுப்போக்கு ஏற்பட்டால், உடனடியாக இழந்த நீர் மற்றும் தாதுப் பொருட்களை எடுத்துக் கொள்ள வேண்டும். இதற்கு தண்ணீர் மட்டும் போதாது. அதனுடன் தாதுப் பொருட்களும் சேர்த்து எடுத்துக்கொள்ள வேண்டும். ஒரு எளிய வழி தண்ணீருடன், உப்பு மற்றும் சர்க்கரை கலந்து எடுத்துக் கொள்ளலாம். (ஒரு லிட்டர் சுத்தமான நீர் அல்லது காய்ச்சி ஆறிய நீர் + 1 டீஸ்பூன் உப்பு + 8 டீஸ்பூன் சர்க்கரை)

குடலில் ஏற்படும் நோய்கள்:

கீழ்க்கண்டவை அனைத்தும் மலம் கழிப்பதில் மாற்றம் ஏற்படுத்தும்.

குடல் எரிவு வியாதிகள் (Inflammatory bowel disease)

இந்த வியாதி குடல் எங்கிலும் எரிச்சலால் புண் ஏற்படுத்தும். பொதுவாக இது 15 – 30 வயதுகளில் ஆரம்பமாகும். வயிற்று வலி மற்றும் இரத்தம் கலந்த வயிற்றுப் போக்கு ஏற்படுத்தும். இது தவிர தோலில் புண், மூட்டுவலி, எடை குறைவு, அசதி, இரத்த சோகை போன்றவை ஏற்படும். பதற்றம், மன அழுத்தம் ஆகியவை இந்த அறிகுறிகளை அதிகப்படுத்தும்.

குடல் புற்றுநோய்:
மலம் கழித்தலில் மாற்றம், வயிற்றில் அசௌகரியம், ரத்தம் கலந்த மலம் போன்றவை குடல் புற்று நோய்க்கான அறிகுறிகள். 50 வயதிற்கு மேற்பட்டவர்களுக்கு பொதுவாக இந்நோய் ஏற்படும். குடலில் எரிவு நோய்கள், அதிக கொழுப்புள்ள உணவுகளை உட்கொள்ளுதல், ஏற்கனவே குடும்பத்தாருக்கு குடல் புற்றுநோய் இருப்பது போன்றவை இந்நோய் ஏற்படும் வாய்ப்பை அதிகப்படுத்தும்.

ரிடபிள் பௌவல் சின்றோம் (Irritable bowel syndrome)

குடலின் செயல்பாடுகளை தானியங்கி நரம்பு மண்டலம் கட்டுப்படுத்துகிறது. சிலவகையான உணவு மற்றும் மனஅழுத்தத்திற்கு சிலரின் குடல் வெகுவாக எதிர்விளைவு உண்டாக்கும். அதன் காரணமாக, வயிற்றில் வலி, மலம் கழித்த பிறகு வயிற்றுவலி குறைதல், உப்புசம், மலத்தில் சளி ஆகியவை ஏற்படும். நோய்க்கான காரணிகள் இன்னமும் கண்டுபிடிக்கப்படவில்லை. ஆனால் அதிக உணவு, சாக்லேட், பால், காபி, டீ போன்ற உணவு வகைகள், சிலவகை மருந்துகள், உணர்ச்சிவசப்படுதல், மனச் சோர்வுடன் இருத்தல், பதற்றமடைதல் இவை அனைத்தும் இந்நோயின் வீரியத்தை அதிகப்படுத்தும்.

 
Last edited:

chan

Ruler's of Penmai
Joined
Mar 26, 2012
Messages
17,654
Likes
18,539
Location
chennai
#3
re: Remedies for Constipation - மலச்சிக்கல் குணமாக சில ஆலோசனைகள்

மலச்சிக்கல் ஏற்படுவது ஏன்?

டாக்டர் கு. கணேசன்
காலையில் எழுந்ததும் மலம் போகாவிட்டால், பலருக்கு அந்த நாள் முழுவதும் எந்த வேலையும் ஓடாது. வெறும் வயிற்றில் லிட்டர் கணக்கில் தண்ணீர் குடிப்பார்கள். சூடாக காபி, தேநீர் அருந்துவார்கள். பீடி, சிகரெட் புகைப்பார்கள். இன்னும் சிலர் எப்படியாவது மலத்தை வெளியேற்றியே தீருவது என்று கங்கணம் கட்டிக்கொண்டு மூச்சை இழுத்துப் பிடித்து முக்குவார்கள்.

இந்தப் பகீரதப் பிரயத்தனங்கள் எதுவும் தேவையில்லை. தினமும் காலையில் எழுந்ததும் மலம் கழித்தே ஆக வேண்டும் என்கிற கட்டாயம் எதுவுமில்லை. மலம் காலையில் வரலாம். மாலையில் வரலாம். இரவிலும் வரலாம். ஒரு நாளைக்கு ஒருமுறை வரலாம். இருமுறை வரலாம். எதுவும் தப்பில்லை.

எது மலச்சிக்கல்?
வழக்கத்துக்கு மாறாக மலம் வெளியேறாமல் இருப்பது. மலம் இறுகிப்போவது. மலம் கழிப்பதில் சிக்கல். மலம் முழுவதுமாகப் போகவில்லை என்கிற உணர்வு, மலம் கொஞ்சம்கூடப் போகாமல் ஆசனவாயை அடைத்துக்கொள்வது போன்ற நிலைமைகளை ‘மலச்சிக்கல்' என்று அழைக்கிறோம். மருத்துவ மொழியில் சொன்னால் ஒருவருக்கு வாரத்துக்கு மூன்று முறைக்குக் குறைவாக மலம் போவது ‘மலச்சிக்கல்'.

அடிப்படைக் காரணம்
நாம் சாப்பிட்ட உணவு இரைப்பை, முன் சிறுகுடல், சிறுகுடல் என்று பயணம் செய்து தன்னிடமுள்ள சத்துகளையெல்லாம் ரத்தத்துக்குக் கொடுத்துவிட்டு, சக்கை உணவாகப் பெருங்குடலுக்கு வரும். அதில் 80 சதவீதம் தண்ணீர்தான் இருக்கும். இந்தத் தண்ணீரில் பெரும்பகுதியை உறிஞ்சி எடுத்துக்கொண்டு சுமார் 250 மி.லி. அளவில் மலத்தில் வெளியேற்ற வேண்டியது பெருங்குடலின் வேலை. சமயங்களில் அது தண்ணீர் முழுவதையும் உறிஞ்சிக்கொள்ளும். இதனால் மலம் கட்டியாகி மலச்சிக்கலை ஏற்படுத்தும். இப்படித் தண்ணீர் அதிகமாக உறிஞ்சப்படுவதை ஊக்கப்படுத்தப் பல காரணிகள் இருக்கின்றன. அவற்றைத் தவிர்த்தால் மலச்சிக்கல் ஏற்படாது.

அந்தக் காரணங்கள்?

தூண்டும் காரணிகள்
மலச்சிக்கலுக்கு முக்கியக் காரணி நம் உணவு முறை. கொழுப்பு மிகுந்த மேற்கத்திய உணவு வகைகளை அதிகமாகச் சாப்பிடுவது. பால் சார்ந்த உணவு வகைகளை அதிகமாகச் சாப்பிடுவது, பிட்ஸா, பர்கர், நூடுல்ஸ் போன்ற துரித உணவு வகைகளையும் பதப்படுத்தப்பட்ட உணவு வகைகளையும் அதிக அளவில் சாப்பிடுவது. நார்ச்சத்துள்ள உணவு வகைகளைக் குறைவாகச் சாப்பிடுவது. தண்ணீர் குறைவாகக் குடிப்பது. காய்கறி, கீரை, பழங்களைச் சாப்பிடாதது போன்ற தவறான உணவுப் பழக்கங்கள்தான் பலருக்கும் மலச்சிக்கலை உண்டாக்குகின்றன.

அடுத்து, தினமும் மலம் கழிக்கும் முறை சரியாக அமையாவிட்டால், அது நாளடைவில் மலச்சிக்கலுக்கு வழி வகுக்கும். குறிப்பாக, மலம் வருகிற உணர்வு உண்டாகும்போது கழிப்பறை அருகில் இல்லாதது, முக்கிய வேலையில் ஈடுபட்டிருப்பது, பயணத்தில் இருப்பது போன்ற காரணங்களால் மலம் கழிப்பதைத் தவிர்த்தால் காலப்போக்கில் பெருங்குடலில் உள்ள உணர்வு நரம்புகள் செயலிழந்து மலத்தை வெளியேற்ற வேண்டும் என்கிற உணர்வைத் தெரிவிக்காது. இதன் காரணமாக மலச்சிக்கல் ஏற்படும்.
பொதுவாகவே வயது ஆகஆக மலம் போவது குறையும். முதுமையில் உணவுமுறை மாறுவது, உடற்பயிற்சி குறைவது, தேவையான அளவுக்குத் தண்ணீர் குடிக்காதது மலச்சிக்கலுக்கு வழிவிடும். மூட்டுவலி, இடுப்புவலி உள்ள முதியவர்கள் அடிக்கடி மலம் கழிப்பதைத் தவிர்ப்பதால் அவர்களுக்கு மலச்சிக்கல் வருகிறது.

கர்ப்ப காலத்தில் மசக்கை காரணமாக தண்ணீர் அதிகமாகக் குடிக்காமல் இருப்பது, கருவில் வளரும் குழந்தை தாயின் குடலை அழுத்துவது, ஹார்மோன் மாற்றம், ஆசனவாய் சுருங்குதல் ஆகிய காரணங்களால் கர்ப்பிணிகளுக்குத் தற்காலிகமாக மலச்சிக்கல் உண்டாகலாம்.
வேறு உடல் பிரச்சினைகளுக்காக நாம் சாப்பிடும் மருந்துகளும் மலச்சிக்கலுக்குக் காரணமாகலாம்.

எடுத்துக்காட்டாக, வயிற்றுப் புண்ணுக்குச் சாப்பிடப்படும் ‘அலுமினியம்’, ‘கால்சியம்’ கலந்துள்ள ‘ஆன்டாசிட்’ மருந்துகள், இரும்புச்சத்து மாத்திரைகள், வயிற்றுவலி மாத்திரைகள், வலிப்பு மருந்துகள், மன அழுத்த மருந்துகள், ‘ஓபியம்’ கலந்த வலிநிவாரணிகள் மலச்சிக்கலை ஏற்படுத்துகிற மருந்துகளில் முக்கியமானவை. இன்னொன்று, மலச்சிக்கலைப் போக்குவதற்காக பேதி மாத்திரைகளைச் சாப்பிடுகிறோம். ஆனால், அந்த பேதி மாத்திரைகளை அடிக்கடி சாப்பிட்டாலும் மலச்சிக்கல் உண்டாகும்.

காய்ச்சல், வாந்தி, பசிக் குறைவு போன்ற பொதுவான பிரச்சினைகள் ஏற்படும்போதும், வெயிலில் அதிகம் அலையும்போதும் உடலில் நீர்ச்சத்து குறைந்துவிடும்.

அப்போது மலச்சிக்கல் ஏற்படும். மூல நோய், ஆசனவாய் வெடிப்பு, ஆசனவாய் சுருங்குதல், குடல் அடைப்பு, குடலில் கட்டி, பெருங்குடல் புற்றுநோய், ‘டைவர்ட்டிகுலைட்டிஸ்’ எனும் குடல் தடிப்பு நோய், சர்க்கரை நோய், தைராய்டு குறைவாகச் சுரப்பது, பேரா தைராய்டு அதிகமாகச் சுரப்பது, குடலிறக்கம், பித்தப்பைக் கற்கள், பார்க்கின்சன் நோய், மூளைத் தண்டுவட நோய்கள், மன அழுத்தம், தூக்கமின்மை ஆகிய பாதிப்புகள் இருக்கும்போது மலச்சிக்கல் ஒரு முக்கிய அறிகுறியாக வெளிப்படும்.

இளம் பெண்களுக்குப் பெருங்குடல் சுவரில் தளர்ச்சி ஏற்பட்டு ‘இடியோபதிக்டிரான்சிட் கோலன்’ எனும் நோய் வரலாம். அப்போது அவர்களுக்கு மலச்சிக்கல் உண்டாகும். குழந்தைகளுக்குத் தாய்ப்பாலை நிறுத்திவிட்டு செயற்கைப் புட்டிப்பால் தரப்படும்போது, மலச்சிக்கல் ஏற்படலாம். கழிப்பறையை எப்படிப் பயன்படுத்துவது என்று தெரியாத குழந்தை களுக்கு ஆரம்பத்தில் மலச்சிக்கல் வரலாம்.

வயதுக்குத் தேவையான உடற்பயிற்சி இல்லாதது, முதுமையின் காரணமாகவோ அல்லது நோயின் காரணமாகவோ படுக்கையில் நீண்டகாலம் படுத்தே இருப்பது போன்றவையும் மலச்சிக்கலை வரவேற்பதுண்டு.

எப்போது கவனிக்க வேண்டும்?
மலச்சிக்கலை ஆரம்பத்திலேயே கவனிக்காவிட்டால் ஆசனவாயில் விரிசல் ஏற்பட்டு ரத்தக்கசிவு உண்டாகும். அஜீரணம், வாயுத் தொல்லை, வயிற்று உப்புசம், குடலிறக்கம், குடல் அடைப்பு, சிறுநீர் அடைப்பு, நெஞ்சுவலி, மயக்கம் ஏற்படலாம். எனவே, மலச்சிக்கலுடன் கீழ்க்காணும் அறிகுறிகள் தெரிந்தால் உடனே மருத்துவரிடம் பரிசோதித்துக்கொள்ள வேண்டும்:

1. மூன்று வாரத்துக்குமேல் மலச்சிக்கல் பிரச்சினை தொடரும்போது.
2. மலம் போவதில் சிக்கல் உண்டாகி வயிறு வலிக்கும்போது.
3. குமட்டல் மற்றும் வாந்தி வரும்போது.
4. மலம் கழிக்கும்போது ஆசனவாய் வலித்தால்.
5. மலத்துடன் ரத்தம், சீழ், சளி வெளியேறும்போது.
6. உடல் எடை குறையும்போது.
7. காய்ச்சல், தலைவலி, வாய்க் கசப்பு இருந்தால்.
8. மலச்சிக்கலும் வயிற்றுப்போக்கும் மாறிமாறி வந்தால்.
9. வயிற்று உப்புசம், பசிக் குறைவு இருந்தால்.
10. சுவாசத்தில் கெட்ட வாசனை வந்தால்.

சிசிச்சை என்ன?
மலச்சிக்கலுக்குக் காரணம் தெரிந்து சிகிச்சை பெற்றால், நிரந்தரமாகக் குணப்படுத்தலாம். இப்போது மலச்சிக்கலுக்குப் பக்கவிளைவுகள் இல்லாத மருந்துகள் கிடைக்கின்றன. ஒவ்வொன்றும் ஒவ்வொரு விதத்தில் வேலை செய்கிறது. வயதைப் பொறுத்து, அடிப்படை நோயைப் பொறுத்து, மலச்சிக்கலின் தன்மையைப் பொறுத்து மருந்து தேவைப்படும்.

ஆகவே, மருத்துவரிடம் ஆலோசனை பெற்று மருந்து சாப்பிடுங்கள். மலச்சிக்கலுக்குச் சுயசிகிச்சை செய்ய வேண்டாம். குறிப்பாக, பேதி மாத்திரைகளை மருத்துவரின் ஆலோசனை இல்லாமல் சாப்பிடும்போது பெருங்குடலில் உள்ள உணர்வு நரம்புகளை அவை பாதிக்கும். பிறகு, சாதாரணமாக மலம் கழிப்பதும் சிரமமாகிவிடும். ‘எனிமா’ தர வேண்டிய அவசியம் ஏற்படும். அடிக்கடி `எனிமா’ தருவதும் நல்லதல்ல.

தவிர்ப்பது எப்படி?
மலச்சிக்கலைத் தவிர்க்க, கவனத்தில் கொள்ள வேண்டிய விஷயம் ஒன்று உண்டு. ஆரோக்கியமாக உள்ள ஒருவர் சரியான உணவு முறையைப் பின்பற்றி, தேவையான அளவுக்குத் தண்ணீர் குடித்து, தினமும் உடற்பயிற்சி செய்து, மலம் கழிக்க வேண்டும் என்கிற உணர்வு வந்ததும் மலம் கழித்துவிடுகிற பழக்கத்தைப் பின்பற்றினாலே போதும். தினமும் சரியான / முறையான நேரத்தில் மலம் கழிப்பது வழக்கமாகிவிடும். இதன் பலனால், அவருக்கு மலச்சிக்கல் ஏற்படுகிற வாய்ப்பு 90 சதவீதம் குறைந்துவிடும்.

நார்ச்சத்து உதவும்!
நாம் சாப்பிடும் உணவு வகைகளில் நார்ச்சத்து நிறைந்த கோதுமை, கேழ்வரகு. தினை, வரகு, கொள்ளு போன்ற முழுத் தானிய உணவு வகைகள் மலச்சிக்கலைத் தவிர்க்க உதவும் (தவிடு நீக்கப்பட்ட தானியங்களில் நார்ச்சத்து இல்லை என்பதைக் கவனத்தில் கொள்ளுங்கள்). வாழைத்தண்டு, காரட், முள்ளங்கி, முட்டைக்கோஸ், பாகற்காய், புடலங்காய், அவரைக்காய், கொத்தவரங்காய் போன்ற காய்கறிகள், பொட்டுக்கடலை, கொண்டைக்கடலை, மொச்சை போன்ற பருப்புகள், கீரைகள், ஆரஞ்சு, கொய்யா, மாதுளை, ஆப்பிள், அத்திப்பழம், பேரீச்சை, மாம்பழம் போன்ற பழங்களில் நார்ச்சத்து அதிகம். இவற்றை தினசரி உணவில் அதிகமாகச் சேர்த்துக்கொள்ள வேண்டும். மிளகு, ஓமம், கொத்துமல்லி, மிளகாய் போன்றவற்றிலும் நார்ச்சத்து அதிகம். இவற்றில் தயாரிக்கப்பட்ட உணவு வகைகளை அதிகப்படுத்தவேண்டும்.

உதாரணம்: மிளகு ரசம், கொத்துமல்லிச் சட்னி.

தினமும் 3 லிட்டருக்குக் குறையாமல் தண்ணீர் குடிக்க வேண்டும். காபி, தேநீர், மென்பானங்கள் குடிப்பதைக் குறைத்துக்கொண்டு, இளநீர், பழச்சாறுகள் குடிப்பதை அதிகப்படுத்த வேண்டும். இனிப்பு வகைகளையும் கொழுப்பு உணவுகளையும் குறைத்துக்கொள்ள வேண்டும். விரைவு உணவு வகைகளைத் தவிர்க்க வேண்டும். இரவில் இரண்டு பழங்களைச் சாப்பிட வேண்டும். வாழைப்பழம்தான் சாப்பிட வேண்டும் என்பதில்லை. பருவத்துக்குத் தகுந்த எந்தப் பழத்தையும் சாப்பிடலாம்.

தினமும் நடைப்பயிற்சி செய்ய வேண்டியது மிக அவசியம். இயலாதவர்கள் வீட்டிலேயே செய்யக்கூடிய உடற்பயிற்சிகளைச் செய்யலாம். புகைபிடிக்கக் கூடாது. மது அருந்தக் கூடாது. தேவையில்லாமல் வெயிலில் அலையக் கூடாது. மலம் கழிப்பதற்கு என்று போதுமான நேரத்தை ஒதுக்க வேண்டியது மிகவும் முக்கியம்.

வேலை அவசரம் காரணமாகக் குறைந்த நேரத்தில் மலம் கழிக்கக் கூடாது. மலம் கழிக்க வேண்டும் என்ற உணர்வு வந்துவிட்டால் அதை அடக்காதீர்கள். காலை நேரமானாலும் சரி, மாலை நேரமானாலும் சரி தினமும் ஒரே நேரத்தில் கழிப்பறைக்குச் செல்லும் வழக்கத்தை உண்டாக்கிக்கொண்டால் அடுத்தடுத்த நாட்களிலும் அதே நேரத்தில் மலம் வந்துவிடும்.

கட்டுரையாளர், பொதுநல மருத்துவர்.தொடர்புக்கு: gganesan95@gmail.com
 
Last edited:

chan

Ruler's of Penmai
Joined
Mar 26, 2012
Messages
17,654
Likes
18,539
Location
chennai
#5
Re: Remedies for Constipation - மலச்சிக்கல் குணமாக சில ஆலோசனைகள்

மலச்சிக்கலைப் போக்கும் வழிகள்

காலையில் எழுந்ததும் மலம் போகாவிட்டால், பலருக்கு அந்த நாள் முழுவதும் எந்த வேலையும் ஓடாது. எனவே, வெறும் வயிற்றில் லிட்டர் கணக்கில் தண்ணீர் குடிப்பார்கள். சூடாக காபி, தேநீர் அருந்துவார்கள்.

பீடி, சிகரெட் புகைப்பார்கள். இன்னும் சிலர் எப்படியாவது மலத்தை வெளியேற்றியே தீருவது என்று கங்கணம் கட்டிக்கொண்டு கழிப்பறையில் உட்கார்ந்து கொண்டு மூச்சை இழுத்துப் பிடித்து முக்குவார்கள்.

இந்தப் பகீரதப் பிரயத்தனங்கள் எதுவும் தேவையில்லை. தினமும் காலையில் எழுந்ததும் மலம் கழித்தே ஆக வேண்டும் என்கிற கட்டாயம் எதுவுமில்லை. மலம் காலையில் வரலாம். மாலையில் வரலாம். இரவிலும் வரலாம். ஒரு நாளைக்கு ஒருமுறை வரலாம். இருமுறை வரலாம். எதுவும் தப்பில்லை. எந்த வேளையில் மலம் வெளியேறுகிறதோ அதே வேளையில் தினமும் மலம் போனால் போதும். என்றாலும் காலையில் மலம் கழித்துவிட்டால் மனதளவிலும் உடலளவிலும் உறுப்புகள் இயல்பாகச் செயல்படத் தயாராகிவிடும் என்பதையும் மறுக்க முடியாது.

எது மலச்சிக்கல்?

வழக்கத்திற்கு மாறாக மலம் வெளியேறாமல் இருப்பது, மலம் இறுகிப்போவது, மலம் கழிப்பதில் சிக்கல், மலம் முழுவதுமாகப் போகவில்லை என்கிற உணர்வு, மலம் கொஞ்சம்கூட போகாமல் ஆசனவாயை அடைத்துக் கொள்வது போன்ற நிலைமைகளை ‘மலச்சிக்கல்’ என்று அழைக்கிறோம். மருத்துவ மொழியில் சொன்னால் ஒருவருக்கு வாரத்துக்கு மூன்று முறைக்குக் குறைவாக மலம் போவது ‘மலச்சிக்கல்’.

அடிப்படைக் காரணம் நாம் சாப்பிட்ட உணவு இரைப்பை, முன் சிறுகுடல், சிறுகுடல் என்று பயணம் செய்து தன்னிடமிருந்த சத்துகளையெல்லாம் ரத்தத்துக்குக் கொடுத்துவிட்டு, ஒரு சக்கை உணவாகப் பெருங்குடலுக்கு வரும். அதில் 80 சதவிகிதம் தண்ணீர்தான் இருக்கும். இந்தத் தண்ணீரில் பெரும்பகுதியை உறிஞ்சி எடுத்துக்கொண்டு சுமார் 250 மி.லி. அளவில் மலத்தில் வெளியேற்ற வேண்டியது பெருங்குடலின் வேலை. சமயங்களில் அது தண்ணீர் முழுவதையும் உறிஞ்சிக்கொள்ளும். இதனால் மலம் கட்டியாகி மலச்சிக்கலை ஏற்படுத்தும். இப்படித் தண்ணீர் அதிகமாக உறிஞ்சப்படுவதை ஊக்கப்படுத்த பல காரணிகள் இருக்கின்றன. அவற்றைத் தவிர்த்தால் மலச்சிக்கல் ஏற்படாது.

அந்தக் காரணிகள்?

தூண்டும் காரணிகள் மலச்சிக்கலுக்கு முக்கியக் காரணி நம் உணவுமுறை. கொழுப்பு மிகுந்த மேற்கத்திய உணவுகளை அதிகமாகச் சாப்பிடுவது. பால் சார்ந்த உணவுகளை அதிகமாகச் சாப்பிடுவது, பீட்சா, பர்கர், நூடுல்ஸ் போன்ற விரைவு உணவுகளையும் பதப்படுத்தப்பட்ட உணவுகளையும் அதிக அளவில் சாப்பிடுவது. நார்ச்சத்துள்ள உணவு வகைகளைக் குறைவாகச் சாப்பிடுவது. தண்ணீர் குறைவாகக் குடிப்பது, காய்கறி, கீரை, பழங்களைச் சாப்பிடாதது போன்ற தவறான உணவுப் பழக்கங்கள்தான் பலருக்கும் மலச்சிக்கலை உண்டாக்குகின்றன.

அடுத்து, தினமும் மலம் கழிக்கும் முறை சரியாக அமையாவிட்டால் அது நாளடைவில் மலச்சிக்கலுக்குப் பாதை அமைக்கும். குறிப்பாக, மலம் வருகின்ற உணர்வு உண்டாகும்போது கழிப்பறை அருகில் இல்லாதது, முக்கிய வேலையில் ஈடுபட்டிருப்பது, பயணத்தில் இருப்பது போன்ற காரணங்களால் மலம் கழிப்பதைத் தவிர்த்தால் காலப்போக்கில் பெருங்குடலில் உள்ள உணர்வு நரம்புகள் செயலிழந்து மலத்தை வெளியேற்ற வேண்டும் என்கிற உணர்வைத் தெரிவிக்காது. இதன் காரணமாக மலச்சிக்கல் ஏற்படும்.

பொதுவாகவே வயது ஆக ஆக மலம் போவது குறையும். முதுமையில் உணவுமுறை மாறுவது, உடற்பயிற்சி குறைவது, தேவையான அளவுக்குத் தண்ணீர் குடிக்காதது மலச்சிக்கலுக்கு வழிவிடும். மூட்டுவலி, இடுப்புவலி உள்ள முதியவர்கள் அடிக்கடி மலம் கழிப்பதைத் தவிர்ப்பதால் அவர்களுக்கு மலச்சிக்கல் வருகிறது. கர்ப்ப காலத்தில் மசக்கை காரணமாக தண்ணீர் அதிகமாகக் குடிக்காமல் இருப்பது, கருவில் வளரும் குழந்தை தாயின் குடலை அழுத்துவது, ஹார்மோன் மாற்றம், ஆசனவாய் சுருங்குதல் ஆகிய காரணங்களால் கர்ப்பிணிகளுக்குத் தற்காலிகமாக மலச்சிக்கல் உண்டாகலாம்.

வேறு உடல் பிரச்னைகளுக்காக நாம் சாப்பிடும் மருந்துகளும் மலச்சிக்கலுக்குக் காரணமாகலாம். எடுத்துக்காட்டாக, இரைப்பைப் புண்ணுக்குச் சாப்பிடப்படும். ‘அலுமனியம்’, ‘கால்சியம்’ கலந்துள்ள ‘ஆன்டாசிட்’ மருந்துகள், இரும்புச்சத்து மாத்திரைகள், வயிற்றுவலி மாத்திரைகள், வலிப்பு மருந்துகள், மன அழுத்த மருந்துகள், ‘ஓப்பியம்’ கலந்த வலிநிவாரணிகள் போன்றவை மலச்சிக்கலை ஏற்படுத்துகின்ற மருந்துகளில் முக்கியமானவை. இன்னொன்று, மலச்சிக்கலைப் போக்கு
வதற்காக பேதி மாத்திரைகளைச் சாப்பிடுகிறோம். ஆனால், அந்த பேதி மாத்திரைகளை அடிக்கடி சாப்பிட்டாலும் நாளடைவில் மலச்சிக்கல் உண்டாகும்.

காய்ச்சல், வாந்தி, பசிக்குறைவு போன்ற பொதுவான பிரச்னைகள் ஏற்படும்போதும், வெயிலில் அதிகம் அலையும்போதும் உடலில் நீர்ச்சத்து குறைந்துவிடும். அப்போது மலச்சிக்கல் ஏற்படும். மூலம் நோய், ஆசனவாய் வெடிப்பு, ஆசனவாய் சுருங்குதல், குடல் அடைப்பு, குடலில் கட்டி, பெருங்குடல் புற்றுநோய், ‘டைவர்ட்டிகுலைட்டிஸ்’ எனும் குடல் தடிப்பு நோய், நீரிழிவு நோய், தைராய்டு குறைவாகச் சுரப்பது, பேராதைராய்டு அதிகமாகச் சுரப்பது, குடலிறக்கம், பித்தப்பைக் கற்கள், பார்க்கின் நோய், மூளைத்தண்டுவட நோய்கள், மன அழுத்தம், தூக்கமின்மை ஆகிய பாதிப்புகள் இருக்கும்போது மலச்சிக்கல் ஒரு முக்கியமான அறிகுறியாக வெளிப்படும்.

இளம் பெண்களுக்குப் பெருங்குடல் சுவரில் தளர்ச்சி ஏற்பட்டு ‘இடியோபதிக் டிரான்சிட் கோலன்’ எனும் நோய் வரலாம். அப்போது அவர்களுக்கு மலச்சிக்கல் உண்டாகும். குழந்தைகளுக்குத் தாய்ப்பாலை நிறுத்திவிட்டு செயற்கைப் புட்டிப்பால் தரப்படும்போது மலச்சிக்கல் ஏற்படலாம். கழிப்பறையை எப்படிப் பயன்படுத்துவது என்று தெரியாத குழந்தைகளுக்கு ஆரம்பத்தில் மலச்சிக்கல் வரலாம்.

வயதுக்குத் தேவையான உடற்பயிற்சி இல்லாதது, முதுமையின் காரணமாகவோ அல்லது நோயின் காரணமாகவோ படுக்கையில் நீண்டகாலம் படுத்தே இருப்பது போன்றவையும் மலச்சிக்கலை வரவேற்பதுண்டு.எப்போது கவனிக்க வேண்டும்?மலச்சிக்கலை ஆரம்பத்திலேயே
கவனிக்காமல் விட்டால் ஆசனவாயில் விரிசல் ஏற்பட்டு ரத்தக்கசிவு உண்டாகும். அஜீரணம், வாயுத் தொல்லை, வயிற்று உப்புசம், குடலிறக்கம், குடல் அடைப்பு, சிறுநீர் அடைப்பு, நெஞ்சுவலி, மயக்கம் ஏற்படலாம். எனவே, மலச்சிக்கலுடன் பின்வரும் அறிகுறிகள் தெரிந்தால் உடனே மருத்துவரிடம் பரிசோதித்துக் கொள்ள வேண்டும்:

1. இரண்டு வாரங்களுக்கு மேல் மலச்சிக்கல் பிரச்னை தொடரும்போது.
2. மலம் போவதில் சிக்கல் உண்டாகி வயிறு வலிக்கும்போது.
3. குமட்டல் மற்றும் வாந்தி வரும்போது.
4. மலம் கழிக்கும்போது ஆசனவாய் வலித்தால்.
5. மலத்துடன் ரத்தம், சீழ், சளி வெளியேறும்போது.
6. உடல் எடை குறையும்போது.
7. பென்சில் போல் சிறிய
அளவில் மலம் போனால்.
8. காய்ச்சல், தலைவலி வாய்க்
கசப்பு இருந்தால்.
9. மலச்சிக்கலும் வயிற்றுப்போக்கும் மாறி மாறி வருமானால்.
10. வயிறு உப்புசம், பசிக்குறைவு
இருக்குமானால்.
11. சுவாசத்தில் கெட்ட வாசனை வருமானால்.

என்ன பரிசோதனை?
மலச்சிக்கலுக்குக் காரணம் தெரிந்து சிகிச்சை பெற்றால் நிரந்தரமாகக் குணப்படுத்தலாம். முழு ரத்தப் பரிசோதனையைச் செய்து பொது ஆரோக்கியம் எப்படி உள்ளது என்பதை முதலில் தெரிந்துகொள்ள வேண்டும். நீரிழிவு, ரத்தக்கொழுப்பு, தைராய்டு பிரச்னைகளுக்கான பரிசோதனைகளும் அவசியம். பேரியம் எக்ஸ்-ரே, எண்டோஸ்கோப்பி, கொலனோஸ்கோப்பி போன்ற பரிசோதனைகளும் தேவைப்படும். இவற்றில் கட்டி மற்றும் புற்றுநோய் உள்ளதாக சந்தேகம் ஏற்படும்போது வயிற்றை எம்ஆர்ஐ ஸ்கேன் எடுத்துப் பார்க்க வேண்டும்.

சிகிச்சை என்ன?

இப்போது மலச்சிக்கலுக்குப் பக்கவிளைவுகள் இல்லாத மருந்துகள் கிடைக்கின்றன. ஒவ்வொன்றும் ஒவ்வொரு விதத்தில் வேலை செய்கிறது. வயதைப் பொறுத்து, அடிப்படை நோயைப் பொறுத்து, மலச்சிக்கலின் தன்மையைப் பொறுத்து மருந்து தேவைப்படும். ஆகவே, மருத்துவரிடம் ஆலோசனை பெற்று மருந்து சாப்பிடுங்கள். மலச்சிக்கலுக்குச் சுய சிகிச்சை செய்ய வேண்டாம். குறிப்பாக, பேதி மாத்திரைகளை மருத்துவரின் ஆலோசனை இல்லாமல் சாப்பிடும்போது பெருங்குடலில் உள்ள உணர்வு நரம்புகளை அவை பாதிக்கும். பிறகு, சாதாரணமாக மலம் கழிப்பதும் சிரமமாகிவிடும். ‘எனிமா’ தரவேண்டிய அவசியம் ஏற்படும். அடிக்கடி எனிமா தருவதும் கூடாது.

தவிர்ப்பது எப்படி?

மலச்சிக்கலைத் தவிர்க்க கவனத்தில் கொள்ள வேண்டிய விஷயம் ஒன்று உண்டு. ஆரோக்கிய மாக உள்ள ஒருவர் சரியான உணவு
முறையைப் பின்பற்றி, தேவையான அளவுக்குத் தண்ணீர் குடித்து, தினமும் உடற்பயிற்சி செய்து, மலம் கழிக்க வேண்டும் என்கிற உணர்வு வந்ததும் மலம் கழித்துவிடுகிற பழக்கத்தைப் பின்பற்றினாலே போதும், தினமும் சரியான / முறையான நேரத்தில் மலம் கழிப்பது வழக்கமாகிவிடும். இதன் பலனால், அவருக்கு மலச்சிக்கல் ஏற்படுகிற வாய்ப்பு 90 சதவிகிதம் குறைந்துவிடும்.

நார்ச்சத்து உணவுகள் உதவும்!

நாம் சாப்பிடும் உணவுகளில் நார்ச்சத்து நிறைந்த கோதுமை, கேழ்வரகு. தினை, வரகு, கொள்ளு போன்ற முழுதானிய உணவுகள் மலச்சிக்கலைத் தவிர்க்க உதவும். (தவிடு நீக்கப்பட்ட தானியங்களில் நார்ச்சத்து இல்லை என்பதை கவனத்தில் கொள்ளுங்கள்). வாழைத்தண்டு, கேரட், முள்ளங்கி, முட்டைக்கோஸ், பாகற்காய், புடலங்காய், அவரைக்காய், கொத்தவரங்காய் போன்ற காய்கறிகள், பொட்டுக்கடலை, கொண்டைக்கடலை, மொச்சை போன்ற பருப்புகள்,

கீரைகள், ஆரஞ்சு, கொய்யா, மாதுளை, ஆப்பிள், அத்திப்பழம், பேரீட்சை, மாம்பழம் போன்ற பழங்களில் நார்ச்சத்து அதிகம். இவற்றை தினசரி உணவில் அதிகமாகச் சேர்த்துக்கொள்ள வேண்டும்.

மிளகு, ஓமம், கொத்துமல்லி, மிளகாய் போன்றவற்றிலும் நார்ச்சத்து அதிகம். இவற்றில் தயாரிக்கப்பட்ட உணவுகளை அதிகப்படுத்தவேண்டும். எடுத்துக்காட்டு: மிளகு ரசம், கொத்தமல்லிச் சட்னி. தினமும் 3 லிட்டருக்குக் குறையாமல் தண்ணீர் குடிக்க வேண்டும். பால் மற்றும் பால் சார்ந்த பொருட்கள், காபி, தேநீர், மென்பானங்கள் போன்றவற்றைக் குடிப்பதைக் குறைத்துக் கொண்டு,

இளநீர், பழச்சாறுகள் குடிப்பதை அதிகப்படுத்த வேண்டும். இனிப்பு வகைகளையும் கொழுப்பு உணவுகளையும் குறைத்துக் கொள்ள வேண்டும். விரைவு உணவுகளுக்குத் ‘தடா’ போட வேண்டும். இரவில் இரண்டு பழங்கள் சாப்பிட வேண்டும். வாழைப்பழம்தான் சாப்பிட வேண்டும் என்பதில்லை. பருவத்துக்குத் தகுந்த எந்தப் பழத்தையும் சாப்பிடலாம்.

தினமும் நடைப்பயிற்சி செய்ய வேண்டியது மிக அவசியம். இயலாதவர்கள் வீட்டிலேயே செய்யக் கூடிய உடற்பயிற்சிகளைச் செய்யலாம். புகைப்பிடிக்கக் கூடாது. மது அருந்தக் கூடாது. தேவையில்லாமல் வெயிலில் அலையக் கூடாது. மருத்துவரின் பரிந்துரை இல்லாமல் எந்த மருந்தையும் அடிக்கடி பயன்படுத்தக்கூடாது. மலம் கழிப்பதற்கென்று போதுமான நேரத்தை ஒதுக்க வேண்டியது மிகவும் முக்கியம்.

வேலை அவசரம் காரணமாக குறைந்த நேரத்தில் மலம் கழிக்கக் கூடாது. மலம் கழிக்க வேண்டும் என்ற உணர்வு வந்துவிட்டால் அதை அடக்காதீர்கள். காலை நேரமானாலும் சரி, மாலை நேரமானாலும் சரி தினமும் ஒரே நேரத்தில் கழிப்பறைக்குச் செல்லும் வழக்கத்தை உண்டாக்கிக் கொண்டால் அடுத்தடுத்த நாட்களிலும் அதே நேரத்தில் மலம் வெளியேறிவிடும்.

தினமும் 3 லிட்டருக்குக் குறையாமல் தண்ணீர் குடிக்க வேண்டும். பால் மற்றும் பால் சார்ந்த பொருட்கள், காபி, தேநீர், மென்பானங்கள் போன்றவற்றைக் குடிப்பதைக் குறைத்துக் கொண்டு, இளநீர், பழச்சாறுகள் குடிப்பதை அதிகப்படுத்த வேண்டும். இனிப்பு, கொழுப்பு உணவுகள், விரைவு உணவுகளுக்குத் ‘தடா’ போட வேண்டும். பருவத்துக்குத் தகுந்த எந்தப் பழத்தையும் சாப்பிடலாம்.

நாம் சாப்பிட்ட உணவு இரைப்பை, முன் சிறுகுடல், சிறுகுடல் என்று பயணம் செய்து தன்னிடமிருந்த சத்துகளையெல்லாம் ரத்தத்துக்குக் கொடுத்துவிட்டு, ஒரு சக்கை உணவாகப் பெருங்குடலுக்கு வரும். அதில் 80 சதவிகிதம் தண்ணீர்தான் இருக்கும்.


டாக்டர் கு. கணேசன்
 
Last edited:

babyarasu22

Friends's of Penmai
Joined
Feb 29, 2012
Messages
205
Likes
175
Location
trichy
#6
Re: Remedies for Constipation - மலச்சிக்கல் குணமாக சில ஆலோசனைகள்

தகவல்களுக்கு நன்றி லக்ஷ்மி


பேபி
 

chan

Ruler's of Penmai
Joined
Mar 26, 2012
Messages
17,654
Likes
18,539
Location
chennai
#7
Re: Remedies for Constipation - மலச்சிக்கல் குணமாக சில ஆலோசனைகள்

மலச்சிக்கல் வராமல் தடுக்க எளிய டிப்ஸ்...



ஒரு நாளைக்கு இரண்டு மூன்று லிட்டர் தண்ணீர் அருந்த வேண்டும். சிறுநீரக நோயாளிகள் மற்றும் இதய நோயாளிகள் மருத்துவர் பரிந்துரைப்படி, தண்ணீர் அருந்த வேண்டும்.

தினமும் நார்ச்சத்து மிகுந்த உணவுகளைச் சேர்த்துக்கொள்ள வேண்டும்.
அரை மணி நேர நடைப்பயிற்சி அல்லது உடற்பயிற்சி தினமும் செய்ய வேண்டும்.

பழங்கள் நிறைய சாப்பிட வேண்டும். குறிப்பாக, மாதுளம்பழம், கொய்யாப்பழம், பப்பாளி, பேரீச்சை, ஆரஞ்சு, அத்தி, தர்பூசணி, மாம்பழம் இவற்றை அதிகமாக எடுத்துக்கொள்ள வேண்டும். சர்க்கரை நோயாளிகள், உயர் ரத்த அழுத்தம், சிறுநீரகக் கோளாறு உள்ளிட்ட பிரச்னை உள்ளவர்கள், டாக்டர்களின் அறிவுரை பெற்று, பழங்கள், காய்கறிகளைச் சேர்த்துக்கொள்ள வேண்டும்.

காய்கறிகளில் முட்டைகோஸ், தக்காளி, கேரட், வெள்ளரிக்காய், புடலங்காய், வாழைத்தண்டு, காலிஃப்ளவர் மற்றும் கீரை வகைகளையும், தானியங்களில் கேழ்வரகு, கொள்ளு, கோதுமை, வரகு மற்றும் கம்பையும் சமையலில் சேர்த்துகொள்ள வேண்டும்.

வாரம் இரண்டு மூன்று முறை வெந்நீரில் எலுமிச்சை மற்றும் தேன் கலந்து குடிக்கலாம்.

ஆமணக்கு எண்ணெய், ஆலிவ் எண்ணெய், பாதாம் எண்ணெய் போன்றவற்றை சமையலுக்குப் பயன்படுத்தலாம்.

செப்புப் பாத்திரத்தில் காலையிலும் மாலையிலும் தண்ணீர் அருந்துவது நல்லது.
யோகாசனம் செய்வது சீராக மலம் வெளியேற உதவும்.

மருத்துவரின் ஆலோசனையுடன் மலமிளக்கிகளை (Laxatives) எடுத்துக்கொள்ளலாம்.


 
Last edited:
Joined
Mar 29, 2013
Messages
98
Likes
53
Location
India
#8
Thank you for sharing with us the remedies.

Most often the causes are sever for constipation.
Like water, prepared food.
I suggest to install water purifier machine that will help to kill the germs and microbes that causes diseases.
 

Similar threads

Important Announcements!

Type in Tamil

Click here to go to Google transliteration page. Type there in Tamil and copy and paste it.