Test for the parents-பெற்றோர்களுக்கு டெஸ்ட் : பிள்ளைகள் ஃப

jayakalaiselvi

Yuva's of Penmai
Joined
Aug 31, 2014
Messages
8,384
Likes
17,898
Location
India
#1
ஆரம்பத்தில் இருந்தே பணம் பற்றிய விஷயங்களையும், குடும்பத்தின் பொருளாதார நிலைமைகளையும் சொல்லிச் சொல்லி என் பிள்ளையை வளர்த்ததால்தான், இன்று அவன் தனது குடும்பத்தைச் சிறப்பாக வழிநடத்துகிறான் என்று பல பெற்றோர்கள் சொல்ல கேட்டிருப்போம். சமீபத்தில் வெளியான ஆய்வறிக்கையும் குழந்தைகள் குடும்பச் சூழ்நிலைகளிலிருந்துதான் நிதி சார்ந்த அறிவைப் பெறுகிறார்கள் என்று சுட்டிக்காட்டியுள்ளது.ஆனால், இன்றைய பிஸியான உலகத்தில் பல பெற்றோர்கள் பிள்ளைகளுக்கு சொல்லிக்கொடுக்க வேண்டிய விஷயங்களைச் சொல்லித்தருகிறார்களா என்றால், சந்தேகம்தான். முக்கியமாக, நிதி சார்ந்த அறிவை குழந்தைகளுக்கு எத்தனை பெற்றோர்கள் சொல்லித்தருகிறார்கள் என்று நாம் அனைவரும் யோசிக்கத்தான் வேண்டும்.
பெற்றோர்களுக்கான டெஸ்ட்!

சரி, இதுவரை நீங்கள் தங்களின் பிள்ளைகளுக்கு நிதி சார்ந்த விவரங்களைக் கொடுத்திருந்தாலும், கொடுக்காவிட்டாலும் கவலை வேண்டாம். ஆனால் இனி அதைக் கடைப்பிடிக்க வேண்டியது அவசியம். அதற்குமுன்பாக, இன்றைய நிலையில் நீங்கள் உங்களின் குழந்தைகள் பணம் சம்பந்தப்பட்ட விஷயத்தில் எப்படிப்பட்டவர்கள் என்பதை தெரிந்துகொள்ள வேண்டும். அதற்கு கீழே தரப்பட்டுள்ள பத்து கேள்விகளுக்கும் நீங்கள் பதிலை தேர்வு செய்வது அவசியம்.

1.நீங்கள் உங்கள் குழந்தைகளுக்கு பாக்கெட் மணி கொடுக்கும் பழக்கம் உள்ளவரா?
ஆம்
எப்போதாவது
இல்லை

2. ஆம் எனில், அந்த பாக்கெட் மணியை உங்கள் குழந்தை என்ன செய்யும்?

வாங்கிக் கொடுத்திருக்கும் உண்டியலில் சேர்ப்பார்கள்.
பள்ளிப் புத்தகப் பையில் வைப்பார்கள்.
அதை அப்போதே செலவு செய்துவிடுவார்கள்.

3. கொடுத்த பாக்கெட் மணியை என்ன செய்தாய், செலவு செய்திருந்தால் எதற்காக என்று குழந்தைகளிடம் விசாரிப்பீர்களா?
ஆம்
எப்போதாவது
இல்லை

4.நீங்கள் கொடுக்கும் பாக்கெட் மணியை உண்டியலில் குழந்தைகள் சேமிக்கும்போது..?

சைக்கிள் வாங்க, புத்தகங்கள் வாங்க என்கிற குறிக்கோளுடன் சேமிப்பார்கள்

சேமிக்க வேண்டும் என்பதற்காகச் சேமிப்பார்களே தவிர, குறிக்கோள் இருக்காது.

பொழுதுபோக்கு அம்சங்களுக்காகச் சேமிப்பார்கள்.

5.கடைகளுக்குச் செல்லும்முன், குறிப்பாக உடை, பொம்மை முதலியன வாங்குவதற்கு பட்ஜெட் தீர்மானித்து, குடும்பத்தில் அனைவருக்கும் குழந்தைகள் உட்பட அறியும் வண்ணம் தெரிவிப்பீர்களா?
அனைவரையும் அறியவைப்பேன்.
நான் திட்டமிடுவது உண்டு; மற்றவர்களிடம் சொல்வதில்லை.
நான் பட்ஜெட் எதுவும் போடுவதில்லை.

6கடைகளில் பொருட்களை வாங்கும்போது, நீங்கள் விலைப் பட்டியலை பார்ப்பீர்களா? நீங்கள் விலையைப் பார்ப்பதை குழந்தைகள் அறியும்படி செய்வீர்களா?
விலை விவரங்களை குழந்தைகள் அறியும்படி செய்வேன்.
நான் மட்டும் கவனிப்பேன்.
விலை பற்றி கவனிப்பதில்லை.

7கடைகளில் பொருட்களை வாங்கியபின் அல்லது ஹோட்டலில் சாப்பிட்டபின் தரப்படும் பில்லை குழந்தைகளிடம் தந்து சரிபார்க்க வைப்பீர்களா?
ஆம்
எப்போதாவது
இல்லை

8. நீங்கள் உங்கள் குடும்பத்துக்கு அல்லது குழந்தைக்கு ஏதேனும் பரிசு பொருட்களை வாங்கித் தரும்போது, உங்கள் குழந்தையின் உடனடி கருத்து என்ன?
இதற்கு ஏன் இவ்வளவு செலவு செய்தீர்கள்; இவ்வளவு விலையில் அவசியமில்லையே என்பார்கள்.
இது நன்றாக உள்ளது என்பார்கள்.
பரிசுப்பொருள், விலை இரண்டையும் கவனிக்காமல், பெற்றுக்கொண்டு சும்மா இருப்பார்கள்.

9.பணத்தை அடிக்கடி தொலைக்கும் பழக்கம் உங்களின் குழந்தைக்கு உள்ளதா?

இல்லை
எப்போதாவது தொலைப்பார்கள்.
ஆம்

10அவசியம் என்கிறபோது தன்னிடம் இருக்கும் பணத்தை வைத்து, பிறருக்கு உதவும் பழக்கம் உங்கள் பிள்ளைகளிடம் இருக்கிறதா?

ஆம்.
பலமுறை யோசித்துவிட்டு அதன்பிறகு செய்வார்கள்.
செய்யாது.

பத்து கேள்விகளுக்கும் பதிலைத் தேர்வு செய்துவிட்டீர்களா? பதில் a-க்கு 3, b-க்கு 2், c-க்கு 1 மதிப்பெண் எனில், நீங்கள் பெற்ற மொத்த மதிப்பெண்களைக் கொண்டு் நீங்கள் எப்படிப்பட்டவர் என பார்ப்போம்.

26-30 மார்க் நீங்கள் உங்கள் நிதி சம்பந்தப்பட்ட விவரங்களில் சரியான அணுகுமுறையைக் கையாள்வது மட்டுமல்லாது, உங்கள் குழந்தைகளையும் சரியான வழியில் நடத்திச் செல்கிறீர்கள் என்று அர்த்தம். அந்தக் குழந்தைகளுக்கு சேமிப்புக் குறித்த பயன்களை விளக்கி, வங்கியில் குழந்தை பெயரிலேயே சேமிப்புக் கணக்கைத் ஏற்படுத்திக் கொடுங்கள். தொடரட்டும் உங்களின் சரியான அணுகுமுறை.

16-25 மார்க் நீங்கள் நிதி பற்றிய அறிவு, செயல்பாடு குறித்த சரியான கருத்தை கொண்டு உள்ளீர்கள். ஆனால், அதைச் செயல்படுத்துவதில் மற்றும் குழந்தைகளிடம் பகிர்வதில் சில நேரங்களில் தவறுகிறீர்கள். இது இப்படியே தொடர்ந்தால் உங்களுக்கும், உங்களின் குழந்தைக்கும் நல்லதல்ல. அதனால் உங்கள் அறிவை, செயல்பாட்டை, குழந்தையுடன் பகிர்ந்து, அவர்களுக்குத் தொடர்ந்து அனுபவத்தை வழங்குங்கள்.

0-15 மார்க் முதலில் உங்கள் நிதி சார்ந்த செயல்பாடும் அணுகுமுறையும் சரியாக வேண்டும். அதன்பிறகு அதை குழந்தைகளுடன் பகிர்தல் அவசியம். நம் குழந்தைகள் எல்லாவற்றையும் நம்மிடமிருந்துதான் கற்கிறார்கள். நமது அணுகுமுறையே தவறானதாக இருக்கும்பட்சத்தில், அவர்களுக்கும் சரியான நிதி சார்ந்த அறிவை புகட்ட முடியாது. இதனால் குழந்தைக்கு பணம் பற்றிய புரிதல் இல்லாமல் போவதோடு, அதிக செலவு செய்யும் பழக்கமும் உருவாகலாம். மிகுந்த கவனம் தேவை.
 

sumitra

Ruler's of Penmai
Registered User
Blogger
Joined
Jul 26, 2012
Messages
23,812
Likes
34,051
Location
mysore
#2
Re: பெற்றோர்களுக்கு டெஸ்ட் : பிள்ளைகள் ஃபைன&#3

Very good test! thank you!
 

jv_66

Super Moderator
Staff member
Super Moderator
Joined
Dec 2, 2011
Messages
32,163
Likes
83,727
Location
Bangalore
#3
Re: Test for the parents-பெற்றோர்களுக்கு டெஸ்ட் : பிள்ளைகள் ஃ&#2

பெற்றோர்களுக்கு மிகவும் உபயோகமானது
 

saralajagan

Guru's of Penmai
Joined
Dec 8, 2013
Messages
5,185
Likes
8,632
Location
tn
#5
Re: Test for the parents-பெற்றோர்களுக்கு டெஸ்ட் : பிள்ளைகள் ஃ&#2

Useful to Parents Jay.
 

jayakalaiselvi

Yuva's of Penmai
Joined
Aug 31, 2014
Messages
8,384
Likes
17,898
Location
India
#6
Re: பெற்றோர்களுக்கு டெஸ்ட் : பிள்ளைகள் ஃபைன&am

Very good test! thank you!
welcome sis....
 

jayakalaiselvi

Yuva's of Penmai
Joined
Aug 31, 2014
Messages
8,384
Likes
17,898
Location
India
#7
Re: Test for the parents-பெற்றோர்களுக்கு டெஸ்ட் : பிள்ளைகள் ஃ&am

பெற்றோர்களுக்கு மிகவும் உபயோகமானது
Thank u aunty.....
 

jayakalaiselvi

Yuva's of Penmai
Joined
Aug 31, 2014
Messages
8,384
Likes
17,898
Location
India
#8
Re: Test for the parents-பெற்றோர்களுக்கு டெஸ்ட் : பிள்ளைகள் ஃ&am

wow..Really super...idea
Thank u.....
 

jayakalaiselvi

Yuva's of Penmai
Joined
Aug 31, 2014
Messages
8,384
Likes
17,898
Location
India
#9
Re: Test for the parents-பெற்றோர்களுக்கு டெஸ்ட் : பிள்ளைகள் ஃ&am

Useful to Parents Jay.
Thank u sarala.....
 

Similar threads

Important Announcements!

Type in Tamil

Click here to go to Google transliteration page. Type there in Tamil and copy and paste it.