Tips for pregnant women - நீங்கள் கவனமாக இருக்க வேண்டிய கர்ப்&am

vijivedachalam

Ruler's of Penmai
Penman of Penmai
Blogger
Joined
Jul 16, 2012
Messages
10,965
Likes
25,790
Location
villupuram
#1
கர்ப்ப காலத்தின் போது உங்களுக்கு ஏற்படும் பிரச்னைகள் சாதாரணமானதா, இல்லையா என்று கூறுவது கடினம். ஆனாலும் கீழ்கண்டவற்றில் ஏதாவது ஒரு பிரச்னை இருந்தாலும் உடனே உங்கள் நர்சையோ அல்லது டாக்டரையோ தொடர்புகொள்ளவும்.

உங்கள் உடல்நலன் நன்றாக இல்லை என்று நீங்கள் உணர்வது
உங்களுக்குத் தோன்றியுள்ள அறிகுறி பற்றி தெளிவாக தெரியாத போதும் உடல்நலக் குறைவு இருப்பதாக தோன்றும் போதும் உங்கள் டாக்டரையோ அல்லது நர்சையோ தொடர்புகொள்ளவும். உங்களுக்கு பிரச்னை ஏதாவது இருந்தால் சிகிச்சை தருவார்கள். இல்லையெனில் வீடு திரும்பி விடலாம்.

குமட்டல் மற்றும் வாந்தியுடனோ அல்லது அவை இல்லாமலோ அடிவயிற்றில் வலி
வலி அதிகமாக இருந்தால் அது அஜீரணத்தையோ, வயிற்றில் வைரஸ் இருப்பதையோ அல்லது நீங்கள் உண்ட உணவில் ஏதோ விஷத்தன்மை இருப்பதையோ காட்டுகிறது. சில சமயங்களில் ப்ரீ&எக்லம்சியா என்ற (அதீத பதற்ற உணர்வு, உயர் இரத்த அழுத்தம், சிறுநீரில் புரோட்டீன் காணப்படுவது) நோயின் காரணமாகவும் இந்த வலி ஏற்படக் கூடும். உங்களுக்கு பிறக்கவிருக்கும் குழந்தைக்கு பாதிப்பு வராது இருக்க ப்ரீ&எக்லம்சியாவிற்கு உடனே சிகிச்சை அளிக்கப்பட வேண்டும்.

காய்ச்சல்
உங்கள் உடலின் வெப்பநிலை 37.5 டிகிரி செல்சியஸ§க்கு அதிகமாக இருந்தால் டாக்டரை தொடர்பு கொள்ளுங்கள். 39 டிகிரி செல்சியஸ§க்கு அதிகமாக இருந்தால் உடனே டாக்டரை பாருங்கள். உங்களுக்கு ஏதாவது நோய் தொற்றியிருக்கக் கூடும்.

கண்பார்வையில் பிரச்னைகள்
இரட்டைப் பார்வை, தெளிவற்ற பார்வை, பார்வை மங்குதல் ஆகியவை ப்ரீ&எக்லம்சியாவிற்கான அறிகுறிகளாக இருக்கக்கூடும்.

முகம், கண் மற்றும் கைகள் வீங்குதல்
பெரும்பாலான பெண்களுக்கு கர்ப்பத்தின் போது வீக்கம் ஏற்படும். நோய் அறிகுறிகள் திடீரென ஏற்பட்டாலோ தீவிரமாக இருந்தாலோ, இதனுடன் தலைவலி மற்றும் கண்பார்வையில் பிரச்னைகள் ஏற்பட்டாலோ அது ப்ரீ&எக்லம்சியாவிற்கான அறிகுறிகளாக இருக்கலாம்.

கடுமையான தலைவலி
தலைவலி இரண்டு, மூன்று மணி நேரத்திற்கு மேல் நீடிப்பதுடன் கண்பார்வையிலும் பிரச்னைகள் மற்றும் கைகள், கண், முகம் ஆகியவற்றில் வீக்கம் ஏற்படும் எனில் உங்களுக்கு ப்ரீ&எக்லம்சியா இருக்கக் கூடும்.

பிறப்புறுப்பில் இரத்தப்போக்கு
கர்ப்பத்தின் போது ஏற்படும் இரத்தப்போக்கானது ஏதோ ஒரு தீவிரமான பிரச்னை இருப்பதை காட்டுகிறது:

• கருவானது கருப்பைக்கு வெளியே வளர்வதை இரத்தப்போக்கும் மற்றும் வயிற்றுவலி ஏற்படுவதும் காட்டுகிறது. இதற்கு உடனடியாக சிகிச்சை அளிக்க வேண்டும்.

• ஏராளமான இரத்தப்போக்கு மற்றும் நீண்ட நேரம் நீடிக்கும் வயிற்று வலியானது கரு கலைந்து விட்டதை காட்டுவதாக இருக்கலாம்.

• கர்ப்ப காலத்தின் பிற்பகுதியில் (28 வாரங்களுக்குப் பிறகு) ஏற்படும் இரத்தப்போக்கு, கருப்பையை விட்டு பிளசன்ட்டா (கருவிலுள்ள குழந்தைக்கு உணவும் ஆக்சிசனும் வழங்கும் உறுப்பு) வெளியே வந்துவிட்டதை காட்டுவதாக இருக்கலாம். அல்லது குறைப்பிரசவத்தின் (37 வாரங்களுக்கு முன்பே நிகழும் பிரசவம்) போது ஏற்படும் வலியாகவும் இருக்கலாம்.

பிறப்புறுப்பிலிருந்து திரவம் கசிவது
• கருப்பையில் உங்கள் குழந்தைக்கு பாதுகாப்பாக இருக்கும் திரவப் பையானது 37 வாரங்களுக்கு முன்பே உடைந்துவிட்டால் பிறப்புறுப்பில் திரவம் கசியும். இவ்வாறு ஏற்பட்டால் மருத்துவமனையில் அனுமதிக்கப்பட்டு நோய் தொற்று ஏதும் ஏற்படாதிருக்க சிகிச்சை பெறவேண்டும் அல்லது குறைப்பிரசவத்திற்கு தயாராக வேண்டும்.

அளவிற்கு அதிகமான தாகம்
இது உடலில் தண்ணீரின் அளவு குறைந்திருப்பதற்கான அறிகுறி. அல்லது கர்ப்பத்தின் போது ஏற்படும் நீரழிவு நோயின் அறிகுறியாகவும் இது இருக்கலாம். இது உங்களுக்கும் பிறக்க இருக்கும் குழந்தைக்கும் பாதிப்புகளை அதிகரிக்கும்.

சிறுநீர் கழிக்கும் போது ஏற்படும் வலி அல்லது எரிச்சல்
உங்களுக்கு காய்ச்சலோ, உடல் நடுக்கமோ அல்லது முதுகு வலியோ இருந்தால் நீர்க்கடுப்பு இருக்கக்கூடும். இது கிட்னி, மூத்திரப்பை ஆகியவற்றை பாதிக்கிறது. இதற்கு ஆண்டிபயாடிக் மருந்துகளால் சிகிச்சை அளிக்கப்பட வேண்டும்.

மோசமான வாந்தி
கர்ப்ப காலத்தின் தொடக்கத்தில் நாள் ஒன்றிற்கு இரண்டு அல்லது மூன்று முறைகளுக்கு மேல் வாந்தி எடுத்தால் அது உங்கள் உடலில் உள்ள தண்ணீரீன் அளவை குறைத்து விடும். ஆகவே நீங்கள் மருத்துவமனையில் அனுமதிக்கப்பட வேண்டும். கர்ப்ப காலத்தின் கடைசியில் காய்ச்சல் மற்றும் விலா எலும்புகளுக்கு கீழே ஏற்படும் வலியுடன் வாந்தி வந்தால் அது ப்ரீ&எக்லம்சியாவிற்கான அறிகுறியாக இருக்கக் கூடும்.

மயக்கம் அல்லது தலைச்சுற்றல்
உங்களுக்கு இரத்த அழுத்தக் குறைவு இருக்கக்கூடும். மயக்கத்திற்கு வேறு ஏதாவது காரணமா என்பதையும் அறிய உடனே டாக்டரை பார்க்கவும்.

அடிவயிற்றில் கடுமையான வலி
வயிற்றில் ஒரு புறமோ அல்லது இருபுறங்களிலுமோ வலி இருந்தால் அது குறைப்பிரசவமாக இருக்கலாம், அல்லது கருப்பை உடைந்து பிளசன்ட்டா வெளியே வந்துவிட்டதாலும் அத்தகைய வலி ஏற்படலாம்.

குழந்தையின் இயக்கம் இல்லாதிருப்பது அல்லது குறைவாக இருப்பது
21 வாரங்களுக்குப் பிறகு கர்ப்பத்திலிருக்கும் உங்கள் குழந்தை இயங்குவது குறைந்து விட்டால் அல்லது நின்றுவிட்டால் (இது 24 மணிநேரத்திற்கும் மேலாக நீடித்தால்) உங்கள் குழந்தை வலியுடனோ அல்லது ஏதோ கஷ்டத்திலோ இருக்கிறது என்று அர்த்தம்.

கர்ப்ப காலத்தின் இறுதியில் உடல் முழுவதும் நமைச்சல் ஏற்படுவது
நமைச்சல் தீவிரமாக இருந்தால் அதிலும் இரவில் கடுமையாக இருந்தால் (குறிப்பாக உள்ளங்கைகளிலும். பாதங்களிலும் அதிக நமைச்சல் இருந்தால்) அது உங்கள் கல்லீரலில் பிரச்னை இருப்பதை காட்டுகிறது.

கீழே விழுந்து விட்டால் அல்லது வயிற்றில் ஏதாவது அடி விழுந்தால்
உங்கள் டாக்டரையோ அல்லது நர்சையோ தொடர்பு கொண்டு நடந்தை விளக்குங்கள். கருப்பையில் உங்கள் குழந்தை மிகவும் பத்திரமாக இருக்கும், எனவே கவலைப்பட வேண்டாம். ஆனால் ஏதாவது தசை இறுக்கம் இருந்தாலோ பிறப்புறுப்பிலிருந்து ஏதாவது திரவம் அல்லது ரத்தக் கசிவு இருந்தாலோ உடனே டாக்டரை தொடர்பு கொள்ளவும். அல்லது அருகில் உள்ள மருத்துவமனையில் அவசரப்பிரிவில் சேரவும்.

Moderator Note:

This Article has been published in
Penmai eMagazine Jan 2013. You Can download & Read the magazines HERE.
 
Last edited by a moderator:

Divyakala

Commander's of Penmai
Joined
May 15, 2012
Messages
1,071
Likes
3,117
Location
Chennai
#2
Re: Tips for pregnant women - நீங்கள் கவனமாக இருக்க வேண்டிய கர்ப&#

Thanks for the information Viji.....

movement sudden-a athigam analum, problem than.. ithu romba rare case.. but ithayum therinthu vaithukolvathu nallathu...


குழந்தையின் இயக்கம் இல்லாதிருப்பது அல்லது குறைவாக இருப்பது
21 வாரங்களுக்குப் பிறகு கர்ப்பத்திலிருக்கும் உங்கள் குழந்தை இயங்குவது குறைந்து விட்டால் அல்லது நின்றுவிட்டால் (இது 24 மணிநேரத்திற்கும் மேலாக நீடித்தால்) உங்கள் குழந்தை வலியுடனோ அல்லது ஏதோ கஷ்டத்திலோ இருக்கிறது என்று அர்த்தம்.
 
Last edited:

vijivedachalam

Ruler's of Penmai
Penman of Penmai
Blogger
Joined
Jul 16, 2012
Messages
10,965
Likes
25,790
Location
villupuram
#3
Re: Tips for pregnant women - நீங்கள் கவனமாக இருக்க வேண்டிய கர்ப&#3021

Thank you divya
 

Important Announcements!

Type in Tamil

Click here to go to Google transliteration page. Type there in Tamil and copy and paste it.