TV watching during Pregnancy - கர்ப்ப காலங்களில் பெண்கள் டிவி பார&#30

chan

Ruler's of Penmai
Joined
Mar 26, 2012
Messages
17,654
Likes
18,539
Location
chennai
#1
[h=1]கர்ப்ப காலங்களில் பெண்கள் டிவி பார்க்க வேண்டாம்: மருத்துவர்கள் அறிவுரை[/h]கர்ப்ப காலங்களில் பெண்கள் தொலைக்காட்சி நிகழ்ச்சிகளைப் பார்ப்பதைத் தவிர்க்க வேண்டும் என்று இந்திய பெண்கள் கூட்டமைப்பு நடத்திய குழந்தை வளர்ப்பு முறை கருத்தரங்கில் தெரிவிக்கப்பட்டது.

இந்திய தொழில் கூட்டமைப்பின் அங்கமான இந்திய பெண்கள் கூட்டமைப்பு சார்பில் கோவையில் அண்மையில் குழந்தை வளர்ப்பு முறை கருத்தரங்கு நடைபெற்றது. கூட்டமைப்பின் ஒருங்கிணைப்பாளர் எஸ்.மலர்விழி வரவேற்றார்.

இதில், கோவை குழந்தைகள் நல மைய அறக்கட்டளை மருத்துவமனையின் நிர்வாக இயக்குநர் டாக்டர் கே.நேமிநேசன் சிறப்பு அழைப்பாளராகக் கலந்து கொண்டு பேசியது:

குழந்தை வளர்ப்பு முறை தாயின் கருவறையில் இருந்து தொடங்குகிறது. கர்ப்ப காலங்களில் எதிர்மறை சிந்தனைகள், பயம் போன்றவை இருக்கக் கூடாது. எனவே அத்தகைய நேரங்களில் பெண்கள் தொலைக்காட்சி நிகழ்ச்சிகளைப் பார்ப்பதைத் தவிர்க்க வேண்டும். மேலும், நேர்மறை எண்ணங்களைக் கொண்டிருப்பதுடன், தன்னம்பிக்கை, நல்ல சிந்தனைகளை வளர்க்க வேண்டும்.

குழந்தை வளர்ப்பில் பெற்றோருடன் தாத்தா - பாட்டியின் பங்கும் முக்கியம். கூட்டுக் குடும்பங்களில் வளரும் குழந்தைகள் நல்ல பண்புகளுடன் வளருகின்றனர். குழந்தைகளுக்குத் தொடர்ந்து 6 மாதங்களுக்கு கட்டாயமாக தாய்ப்பால் மட்டுமே கொடுக்க வேண்டும்.

புட்டிப்பால் கொடுப்பதால் பல்வேறு வியாதிகள் ஏற்படுகின்றன.
கை சூப்புவது, நகம் கடிப்பது, படுக்கையில் சிறுநீர் கழிப்பது, முரண்டுபிடிப்பது போன்றவற்றின் மூலம் குழந்தைகள் தங்களது மன அழுத்தத்தைப் போக்கிக் கொள்கின்றனர்.

எனவே இவற்றுக்கு நேர்மறையான வழியின் மூலமே தீர்வு காண வேண்டும். கை சூப்பும் குழந்தைகளுக்கு வேப்ப எண்ணெய் வைத்தியம் எதிர்மறை சிந்தனையைத் தூண்டும்.


குழந்தைகளுக்கு சத்தான, பாரம்பரிய உணவுகளை வழங்க வேண்டும். பதப்படுத்தப்பட்ட உணவு, குளிர்பானங்களைக் கொடுக்க வேண்டாம். குழந்தைகளை தினமும் ஒரு மணி நேரமாவது ஓடியாடி விளையாட அனுமதிக்க வேண்டும். வழிபாட்டுத் தலங்களுக்கும், இயற்கை காட்சிகளை ரசிக்கவும் அழைத்துச் செல்ல வேண்டும்.

எக்காரணம் கொண்டும் குழந்தைகளை பிறருடன் ஒப்பிட்டுப் பேச வேண்டாம். மேலும், எதற்கெடுத்தாலும் மருத்துவரிடம் செல்வதையும், மருத்துவரின் ஆலோசனையின்றி மருந்துகளைக் கொடுப்பதையும் தவிர்க்க வேண்டும் என்றார் அவர்.

டாக்டர் தவமணி பழனிச்சாமி, பெண்கள் கூட்டமைப்பு, இளம் இந்தியர் அமைப்பின் உறுப்பினர்கள், தொழில் நிறுவனத்தினர், பேராசிரியர்கள் உள்ளிட்ட பலர் இதில் பங்கேற்றனர்


 

kiruthividhya

Friends's of Penmai
Joined
Apr 18, 2013
Messages
362
Likes
859
Location
chennai
#2
Re: TV watching during Pregnancy - கர்ப்ப காலங்களில் பெண்கள் டிவி பார

Very nice...................:thumbsup
 

Similar threads

Important Announcements!

Type in Tamil

Click here to go to Google transliteration page. Type there in Tamil and copy and paste it.